ஆம்பிளையள் பாவம்

[சாமானியன்]

எனது பாடசாலை நண்பன் ஒருவன் நீண்ட நாட்கள் மத்திய கிழக்கில் வேலை செய்தான். இரு பிள்ளைகள்,  பெண் மணமுடித்து தாயுடன் கொழும்பில்- மகன் மணமுடித்து லண்டனில். பாடசாலை நண்பன் பலவருடங்களுக்கு முன்னர் மத்திய கிழக்கில் விபத்தொன்றில் அகப்பட்டு நரம்புத் தொகுதி பாதிக்கப் பட்டு தனியே பருத்தித்துறையில் இருக்கிறான்.

 இரண்டு விடயங்களை ஒன்றாக சிந்திக்க முடியாது அவனால்.

உதாரணமாக மந்திகைக்கு சைக்கிளில் போனேன் என்று அவனால் ஒரேயடியாக சொல்ல முடியாது. மந்திகைக்கு போனதையும் சைக்கிளில் போனதையும் தனித்தனியே தான் அவனால் சொல்ல முடியும். இரண்டையும் சேர்க்க வெளிக்கிட்டால் ஒரேயடியாக குழம்பி விடுவான். அத்துடன் அவனால் எழுத முடியாது, ஆனால் வாசிப்பான்; கதைப்பான்.

 சொல்ல வந்த விடயம் என்னவென்றால் மனைவி பிள்ளைகள் அவனை கவனிப்பதில்லை. சகோதரி வீட்டுக்கு மதியம் போய் சாப்பிட்டு விட்டு இரவுச்  சாப்பாட்டை கட்டிக் கொண்டு வருவான்.

 இன்றைய திகதியில் அவனுடன் தொடர்பில் இருப்பவர்கள் அவனது சகோதரியும் நாங்கள் சில பாடசாலை நண்பர்களும் தான் என்று தெரிகிறது .(Thanks Corona for  making contacts with old friends possible).

 நேற்று எனது தங்கையுடன் கதைக்கும் போது இவனைப் பற்றிய கதையும் வந்தது.

 “ஆம்பிளையள் பாவம் அண்ணா”   என்றாள்.

  “ஏன் , என்னாச்சு” என்று கேட்டேன் .

“நன்றாக இருக்கும் காலங்களில் கவனிப்புகளை எல்லாம் பெற்றுக்  கொண்டு விட்டு , பின்னடியில் வயது போய் ஏலாமல்  இருக்கும் காலங்களில் அநேகம் மனைவி மார் பிள்ளைகளுடன் சேர்ந்து கொண்டு கணவர் மாரை அநாதரவாக விட்டு விடுகிறார்கள்” என்றாள்.

“பிச்சைக்காரர்களை பார் , 90% இற்கு மேற்பட்டவர்கள்  ஆண்கள் , அநேகமாக எல்லோருக்கும் மனைவி பிள்ளை குட்டிகள் இருக்கும் , கை விடப்பட்டு இருப்பார்கள்” என்றாள்.

யோசித்தால் உண்மையாக இருக்கும் போல தான்  தோன்றிற்று.

 இது பற்றி வீட்டில் கதைத்து  விட்டு  “வயது போன நேரத்தில,  அலுப்பு எண்டு யோசியாமல் என்னை வைத்து பார்ப்பீரோ”   என்று கேட்டேன்

 “ஏன்,  இப்ப என்ன நிலவரம் இங்க , உங்களுக்கு எத்தனை வயது இப்ப”  என்று பதில் வருகுது.

 நான் கேட்ட கேள்விக்கு  வந்த இந்த பதிலை “ஆம்”  என்று எடுப்பதா “இல்லை” எனறு எடுப்பதா. 

2 July  2021

[suvy]

யோசித்தால் உண்மையாக இருக்கும் போல தான்  தோன்றிற்று.....!

 

யோசிக்க தேவையில்லை அது உண்மைதான்......காரணம் தந்தைமார் தனக்குப்பின் தன் பிள்ளைகள் சிரமப்படக்கூடாதென்று கண்டிப்புடன் வளர்ப்பார்கள் ......தாயார் பாசத்தின் பெயரால் அப்பா வந்தால் அடிப்பார் என்று சொல்லி சொல்லி சமயத்து தகுந்தாற் போல் தானே அடியும், குட்டும் குடுத்து அப்பாவை வில்லனாக பிள்ளையின் மனதில் பதிய வைத்து விடுவார்கள்......பிறகென்ன அப்பன் அரோகரா போட்டுகொண்டு சன்னதி மடத்திலதான் ........!   😎

நன்றி சாமானியன் ....!

 

[ஏராளன்]

அன்பும் பாசமும் உள்ள இடத்தில இப்பிடி நடக்க சந்தர்ப்பம் குறைவு.
ஆண்கள் குடும்பத்திற்கு உழைப்பதோடு தங்களுக்கும் சேமிப்பு வைச்சிருக்கவேணும்.

ஆரோக்கியத்தோட இருந்தால் அச்சப்படத் தேவையில்ல சாமானியன்.