அவசரகாலச் சட்ட நீடிப்பு விவாதத்தின் போது நேற்று நாடாளுமன்றில் பெரும் அமளி துமளி ஆளுங்கட்சியினரால் சபைக்குள் பெரும் களேபரம்

அவசர காலச்சட்ட நீடிப்புத் தொடர்பான விவாதத்தின்போது நேற்று நாடாளுமன்றத்தில் பெரும் அமளிதுமளி ஏற்பட்டது. ஆளும் கட்சியினர் சபா பீடத்தைச் சுற்றிவளைத்ததுடன் செங்கோலையும் தூக்கிச் செல்ல முயன்றனர்.

புடைவைக் கைத்தொழில் அமைச்சர் ஜெயதிஸ்ஸ ரணவீர செங்கோலைத் தூக்க முயன்றபோது படைக்கலசேவிதர் மிகவும் சாதுரியமாக அதைத்தடுத்து விட்டார்.

நேற்றுக்காலை நாடாளுமன்றம் கூடியபோது தேசத்தைக் கட்டிஎழும்பும் அமைச் சர் ஜகத்புஷ்பகுமார சபையில் சிறப்புரி மைப் பிரேரணை ஒன்றை முன்வைத்து உரையாற்றினார்.

""செவனகல சீனித்தொழிற்சாலையில் இடம்பெற்ற அசம்பாவிதங்களுக்கும் எனக் கும் எந்தவிதமான தொடர்பும் கிடையாது. ஆனால் ஐக்கியதேசியக் கட்சி உறுப்பினர்கள் திட்டமிட்டு என்மீது பல குற்றச்சாட்டுக்களை சுமத்தி உள்ளனர். நான் சபையில் இல்லாதபோது எனது கௌரவத்தைப் பாதிக்கும் வகையில் பேசி உள்ளனர். இது எனது அரசியல் வாழ்க்கையில் பல தடைகளை ஏற்படுத்தும் '' என்று கூறியபடி எதிர்க்கட்சியினரை சாடமுயன்றார் அவர்.

அப்போது அரசாங்கக் கட்சியினருக்கும் ஐக்கியதேசியக் கட்சியினருக்கும் இடை யில் பெரும் வாக்குவாதம் ஏற்பட்டது.

""அமைச்சர் ஜகத்புஷ்பகுமாரவுக்கு எதிராக நீதிமன்ற வழக்குத் தொடரப்பட்டுள் ளது. உயர் நீதிமன்றத்தின் இடைக்கால உத்தரவும் வழங்கப்பட்டுள்ளது. எனவே நீதிமன்றத்தின் முன் உள்ள விடயங்கள் தொடர்பாக இங்கு எதுவும் பிரஸ்தõபிக்க இடமளிக்கக்கூடாது'' என எதிர்க்கட்சிக் கொரடா ஜோஸப்மைக்கல் பெரேரா வலியுறுத்தினார்.

ஆளும், எதிர்த் தரப்புகளுக்கிடையில் மூண்டது பெரும் சொற்போர்

அப்போது ஆளும் தரப்பினருக்கும் எதி ரணியினருக்கும் இடையில் சொற்போர் மூண்டது.

சபையில் ஓரளவு அமைதியை ஏற்படுத் திய சபா நாயகர் ஒரு விடயத்தைக் கூறினார்.

""அமைச்சர் புஷ்பகுமார தனது சிறப் புரிமை தொடர்பாகவே அறிக்கையொன் றைத் தாம் வெளியிடப் போகிறார் எனக் குறிப்பிட்டு அதன் பிரதி ஒன்றையும் என் னிடம் சமர்ப்பித்தார். அதில் வழக்குத் தொடர்பாக எதுவும் காணப்படவில்லை. அதன் பின்னரே அவருக்கு இந்த அனுமதி வழங்கப்பட்டது.'' என்று சபாநாயகர் கூறி னார்.

""உங்களிடம் காட்டிய விடயம் ஒன்று; ஆனால் இங்கே பேசப்படும் விடயம் ஒன்று. இவருக்கு எதிராக வழக்கு உள்ளது.'' என்று எதிர்த் தரப்பினர் வலியுறுத்தினர்.

குற்றச்சாட்டை மறுத்தார் அமைச்சர்

இதனை அமைச்சர் புஷ்பகுமார மறுத்தார். ""செவனகல சீனித் தொழிற்சாலை அசம்பாவிதங்களுடன் எனக்கு எவ்வித சம்பந்தமும் இல்லை. எனக்கு எதிராக எந்த ஒரு வழக்கும் இல்லை.'' என்றார் அமைச்சர் புஷ்பகுமார.

""ஐயா! இந்த அமைச்சர் முழுப் பூசனிக்காயை சோற்றில் மறைக்கப் பார்க்கின்றார். இவருக்கு எதிராக வழக்கு தொடரப்பட்டுள்ளது. அமைச்சரின் செயற்பாட்டைக் கண்டித்து உயர்நீதிமன்றம் கடும் உத்தரவு வழங்கியுள்ளது. '' என்றார் ஜோஸப் மைக்கல் பெரேரா.

""நீங்கள் கூறுவது சரியானால் அந்த வழக்கின் இலக்கம் என்ன ?'' என்று சபாநாயகர் திருப்பிக் கேட்டார்.

""சபாநாயகர் அவர்களே! இந்த விடயம் பல்வேறு ஊடகங்களிலும் பிரசுரிக்கப்பட்டது. நாட்டு மக்கள் அனைவரும் அறிவர். '' என்றனர் எதிரணியினர்.

""இவருக்கு எதிராக வழக்கு இருப்பதானால் அதன் இலக்கத்தையும் உறுதி படுத்திக் காட்டினால் இவ்விடயம் மேல் பரிசீலனை செய்யப்படும்.'' என்று கூறினார் சபாநாயகர்.

வழக்கு இலக்கம் சமர்ப்பிக்கப்பட்டது

இப்படி விவாதம் சூடுபிடித்துக்கொண்டிருந்தப