புகழ்பெற்ற... இலக்கியத் திறனாய்வாளரும், ஊடகத்துறையில் பன்முக ஆளுமை மிக்கவருமான... கே.எஸ்.சிவகுமாரன் காலமானார்!

புகழ்பெற்ற இலக்கியத் திறனாய்வாளரும் ஊடகத்துறையில் பன்முக ஆளுமை மிக்கவருமான கே.எஸ்.சிவகுமாரன் நேற்று(வியாழக்கிழமை) இரவு காலமானார்.

இலங்கையின் மூத்த அறிவிப்பாளர், இலக்கியவாதி, விமர்சகர், எழுத்தாளர், திறனாய்வாளராக தமிழிலும் ஆங்கிலத்திலும் தேர்ச்சியும் தெளிவும் கே.எஸ். சிவகுமாரன் பெற்றிருந்தார்.

https://athavannews.com/2022/1299374

திறனாய்வாளர் கே.எஸ்.சிவகுமாரன் காலமானார்

-சி.எல்.சிசில்-

இலங்கையின் மிகச்சிறந்த இலக்கியத் திறனாய்வாளர்களில் ஒருவரான கே.எஸ்.சிவகுமாரன் நேற்று காலமானார்.

இலங்கையின் கலை இலக்கிய, ஊடகத்துறையில் பலராலும் அறியப்பட்டவர் கே.எஸ். சிவகுமாரன். சிறுகதை எழுத்தாளர், கட்டுரையாசிரியர், பத்தி எழுத்தாளர், திறனாய்வாளர், பத்திரிகையாளர், நூலாசிரியர், மொழி பெயர்ப்பாளர், ஆங்கில ஆசிரியர், ஒலிபரப்பாளர் என பன்முகத்திறமை கொண்டவராவார்.

இலங்கை வானொலி தமிழ் தேசிய, வர்த்தக ஒலிபரப்புகளிலும், ஆங்கில சேவையிலும் 1960களில் பணியாற்றிய மூத்த ஒலிபரப்பாளர்களில் ஒருவராவார். 30 தமிழ் நூல்களையும், 2 ஆங்கில நூல்களையும், இரண்டு ஆங்கில மொழிக் கலைக்களஞ்சியங்களையும் இவர் எழுதி வெளியிட்டுள்ளார்.

 

மட்டக்களப்பை பூர்விகமாகக் கொண்ட அன்னார் பல்வேறு பத்திரிகைகள், சஞ்சிகைகளில் தனது ஆக்கங்களை எழுதி வந்தவராவார்.

யாழ்ப்பாணத்தில் 2020 டிசம்பர்-2021 ஜனவரி காலப்பகுதியில் நடைபெற்ற 6ஆவது யாழ்ப்பாண சர்வதேச திரைப்பட விழாவில் கே.எஸ்.சிவகுமாரனுக்கு வாழ்நாள் சாதனையாளர் விருது வழங்கிக் கௌரவிக்கப்பட்டமை குறிப்பிடத்தக்கது.

 

https://thinakkural.lk/article/208428