சிறீலங்கா அரசுக்கு எதிராகக் கண்டனத் தீர்மானம் - ஐரோப்பிய ஒன்றியம் ஆராய்கின்றது

சிறீலங்கா அரசுக்கு எதிராகக் கண்டனத் தீர்மானம் நிறைவேற்றுவது பற்றி ஐரோப்பிய ஒன்றியம் ஆராய்ந்து வருவது தொடர்பாக தமக்கு நம்பகமான தகவல் கிடைத்திருப்பதாகஇ கொழும்பின் ஆங்கில ஏடு ஒன்றின் பிரதம செய்தி ஆசிரியர் ஒருவர் தெரிவித்துள்ளார்.

ஐரோப்பிய ஒன்றியத்தின் கடந்த மார்ச் மாதக் கூட்டத்தொடரில் இந்த தீர்மானம் நிறைவேற்றப்பட இருந்த போதிலும்இ சிறீலங்கா அரசு கொடுத்த வாக்குறுதி காரணமாக அது கைவிடப்பட்டிருந்தது.

இருப்பினும்இ அரசின் மனித உரிமை மீறல்கள்இ ஆட் கடத்தல்இ காணாமல்ப் போகச் செய்தல் போன்றன அதிகரித்து வருவதால்இ ஐரோப்பிய ஒன்றியம் இந்த முயற்சியில் இரகசியமாக ஈடுபட்டு வருவதாக நம்பப்படுகின்றது.

ஐக்கிய நாடுகள் சபையின் மனித உரிமைகள் கூட்டத்தொடர் அடுத்த மாதம் 10ஆம் திகதி முதல் 28ஆம் திகதிவரை ஜெனீவாவில் நடைபெறவுள்ள நிலையில்இ அதற்கு முன்னர் தனது கண்டனத் தீர்மானத்தை நிறைவேற்ற வேண்டுமென ஐரோப்பிய ஒன்றியம் முனைப்புக் காட்டுவதாகத் தெரிகின்றது.

ஐரோப்பிய ஒன்றியத்தின் தலைமைப் பதவி போர்த்துக்கல்லிடம் தற்பொழுது இருக்கும் நிலையில்இ அந்த நாடும் ஏனைய உறுப்பு நாடுகளும் இது பற்றி தீவிரமாக ஆராயந்து வருகின்றன.

வன்னி நோக்கி தமது படைகள் ஆக்கிரமிப்பில் ஈடுபடும் என பாதுகாப்பு அமைச்சின் செயலாளர் கோத்தபாய ராஜபக்ஸ கடந்த வாரம் சூழுரைத்திருப்பது பற்றியும் இந்தத் தீர்மானத்தில் கவனம் செலுத்தப்படும் எனக் கூறப்படுகின்றது.

ஐக்கிய நாடுகள் சபையின் துணைச் செயலாளர் நாயகம் கலாநிதி ஜோன் ஹோம்ஸ் ஒரு பயங்கரவாதி எனவும்இ விடுதலைப் புலிகளால் விலை கொடுத்து வாங்கப்பட்டவர் என்றும் அமைச்சர் ஜெயராஜ் பெர்னான்டே புள்ளே கூறியதற்கு அதிபர் மகிந்த ராஜபக்ஸ மன்னிப்புக் கோராது விட்டது பற்றியும் ஐரோப்பிய ஒன்றியத்தின் கண்டனத் தீர்மானத்தில் கண்டிக்கப்படும் எனத் தெரிய வருகின்றது.

ஐரோப்பிய ஒன்றியத்தின் நடவடிக்கையைத் தடுக்கும் முயற்சியில் சிறீலங்கா அரசாங்கம் மீண்டும் ஈடுபட்டுள்ளது. இதன் ஒரு கட்டமாக அரசின் மூன்று முக்கிய உறுப்பினர்கள் ஐரோப்பியப் பயணம் ஒன்றை அடுத்த வாரம் மேற்கொள்ள இருக்கின்றனர்.

மனித உரிமைகள் அமைச்சர் மகிந்த சமரசிங்கஇ சட்டமா அதிபர் சி.ஆர். டி. சில்வாஇ சிறீலங்கா சமாதான செயலகப் பணிப்பாளர் ரஜீவ விஜயசிங்க ஆகியோரே ஜெனீவா சென்று ஐரோப்பிய ஒன்றியம்இ மற்றும் ஐக்கிய நாடுகள் சபையின் மனித உரிமைகள் ஆணைக்குழு உறுப்பினர்களைச் சந்திக்கவுள்ளனர்.

நன்றி

பதிவு

எல்லாம் செலவைக் கூட்டுற வேலையாத்தான் இருக்குது.