ஐபிஎல் 2023 செய்திகள்

[சுவைப்பிரியன்]

29 minutes ago, ஏராளன் said:

நான் சுவியண்ணா என்று நினைத்தேன்!

 

15 minutes ago, suvy said:

நானும் அப்பப்ப உங்களுக்கு குத்துறனான் மொய் ......!  😂

ஓம் சுவியரும் இந்த விடையத்தில் வெகு அவதானம்.🙂

[ஏராளன்]

"சச்சினுக்கு நடந்தது தோனிக்கும் நடக்கணும்" - ஏங்கும் ரசிகர்கள் - தொடரும் மாயாஜால ரகசியம் என்ன?

பட மூலாதாரம்,ANI

ஒரு மணி நேரத்துக்கு முன்னர்

1999-ம் ஆண்டு ஜனவரி 31....

சென்னை சேப்பாக்கம் எம்.ஏ.சிதம்பரம் ஸ்டேடியத்தில் அரங்கேறிய அந்த காட்சி கிரிக்கெட் வரலாற்றில் பொன்னெழுத்துகளால் பொறிக்கப்பட்ட ஒன்று. அரசியல் மட்டுமின்றி விளையாட்டிலும் பரம எதிரிகளாக வலம் வந்த இந்தியா - பாகிஸ்தான் மோதிய டெஸ்ட் போட்டி அது. முதுகுவலியை தாங்கிக் கொண்டு, சதம் அடித்து இந்தியாவுக்காக கடைசி வரை போராடிக் கொண்டிருந்த சச்சினின் சவாலை முறியடித்து நூலிழையில் பாகிஸ்தான் வெற்றிக் கனியை பறித்த போது மைதானத்தில் திரண்டிருந்த ஒட்டுமொத்த ரசிகர்களும் எழுந்து நின்று கைத்தட்டி பாகிஸ்தான் வீரர்களை உற்சாகப்படுத்தினர்.

விளையாட்டை விளையாட்டாக மட்டுமே அணுகக் கூடிய புத்திசாலி ரசிகர்கள் என்பதை சென்னை ரசிகர்கள் நிரூபித்த தருணம் அது.

எதிரணி வென்றதையே ஜீரணித்துக் கொண்டு கைத்தட்டி விளையாட்டு உணர்வை வெளிப்படுத்திய அதே சென்னை ரசிகர்கள் சொந்த அணி எளிதில் வென்றதற்காக வருத்தப்பட்ட அதிசயமும் நடந்தே இருக்கிறது. கடந்த ஏப்ரல் 21-ம் தேதி சன்ரைசர்ஸ் ஐதராபாத்தை சென்னை சூப்பர் கிங்ஸ் 7 விக்கெட் வித்தியாசத்தில் அபார வெற்றி கொண்ட போது சென்னை ரசிகர்களுக்கு மகிழ்ச்சியுடன் சற்று வருத்தமும் இருக்கவே செய்தது. சி.எஸ்.கே. கேப்டன் தோனியின் பேட்டிங்கை காண முடியவில்லையே என்பதே அதற்குக் காரணம்.

 

• பொன்னியின் செல்வனான ராஜராஜ சோழன் யார்? சோழ வரலாற்றில் அவரின் பங்களிப்பு என்ன?30 ஏப்ரல் 2023
• 'தல', 'மஞ்சள் தமிழர்' தோனி: தமிழர்கள் தோனியை அதிகம் கொண்டாட காரணம் என்ன?7 ஜூலை 2022
• சென்னை சூப்பர் கிங்ஸில் அப்படி என்ன சிறப்பு? மற்ற அணிகளில் ஜொலிக்காத வீரர்கள் இங்கே பிரகாசிப்பது எப்படி?23 ஏப்ரல் 2023

2008 முதல் சி.எஸ்.கே. முகமாக தோனி

இந்தியாவுக்காக ஐ.சி.சி.யின் அனைத்து கோப்பைகளையும் வென்று கொடுத்த பெருமைக்குரிய தோனி, 2014-ம் ஆண்டு டெஸ்ட், 2020-ம் ஆண்டு ஒருநாள், இருபது ஓவர் போட்டிகள் என படிப்படியாக சர்வதேச கிரிக்கெட்டிற்கு விடை கொடுத்து விட்டார். இருந்த போதிலும், ஐ.பி.எல்.லில் சென்னை சூப்பர் கிங்ஸ் அணியின் கேப்டனாக தொடர்ந்து கொண்டிருக்கிறார். 2008-ம் ஆண்டு ஐ.பி.எல். தொடங்கிய காலம் தொட்டு சென்னை சூப்பர் கிங்ஸ் அணியின் முகமாக தோனி திகழ்ந்து வருகிறார்.

தோனி தலைமையின் கீழ் சென்னை சூப்பர் கிங்ஸ் அணி ஐ.பி.எல். கோப்பையை 4 முறையும், பல்வேறு நாடுகளைச் சேர்ந்த கிளப்கள் மோதும் சாம்பியன்ஸ் லீக் கோப்பையை 2 முறையும் வென்று அசத்தியுள்ளது. 2022-ம் ஆண்டு தவிர, பங்கேற்ற மற்ற அனைத்து ஆண்டுகளிலும் ஐ.பி.எல். தொடரின் பிளேஆஃப் சுற்றுக்கு முன்னேறி வெற்றிகரமான அணியாக திகழ்கிறது. சென்னை சூப்பர் கிங்ஸின் இந்த வெற்றிப் பயணத்தின் தோனிக்கு பிரதான இடம் உண்டு.

பட மூலாதாரம்,GETTY IMAGES

தோனி சமிக்ஞைகள் உணர்த்துவது என்ன?

சர்வதேச கிரிக்கெட்டில் இந்தியாவுக்கும், ஐ.பி.எல். தொடரில் சென்னை சூப்பர் கிங்ஸ் அணிக்கும் பெருமை சேர்த்த தோனி நடப்புத் தொடருடன் ஒட்டுமொத்த கிரிக்கெட்டிற்கும் குட்பை சொல்லிவிடுவார் என்ற எதிர்பார்ப்பு மேலோங்கியுள்ளது.

அதற்கு வலு சேர்ப்பது போலவே தோனியின் செயல்பாடுகளும் உள்ளன. நடப்புத் தொடரில் சென்னை அணி பங்கேற்கும் ஒவ்வொரு போட்டியிலுமே தனது ஓய்வு அறிவிப்பு குறித்த சமிக்ஞைகளை அவர் கொடுத்துக் கொண்டே வருகிறார். தனது கிரிக்கெட் வாழ்க்கையின் கடைசிக் கட்டத்தில் இருப்பதாக குறிப்பால், வார்த்தைகளாலேயே அவர் உறுதிப்படுத்திவிட்டார்.

"என் கிரிக்கெட் அத்தியாயத்தின் கடைசி கட்டம் இது"

சென்னை சேப்பாக்கம் மைதானத்தில் சன்ரைசர்ஸ் ஹைதராபாத் அணியை வீழ்த்திய பிறகு பரிசளிப்பு விழாவில் பேசிய தோனி, "நாம் எவ்வளவு விளையாடினாலும் ஐபிஎல்லை ரசிப்பது மிகவும் முக்கியம். இரண்டு ஆண்டுகளுக்கு பிறகு இங்கு கூட்டமாக கூடி ஆட்டத்தை ரசிக்கின்றனர். இங்கு விளையாடுவது நல்ல உணர்வை ஏற்படுகிறது. சென்னை ரசிகர்கள் வெளிப்படுத்தும் அன்பு நெகிழச் செய்கிறது" என்றார்.

இப்போதும் கூட உங்களால் வேகமாக ஸ்டம்பிங் செய்ய முடிகிறதே என்று கிரிக்கெட் விமர்சகர் ஹர்ஷா போக்ளே கேட்ட போது, "நிச்சயமாக எனக்கு வயதாகிவிட்டது, அதை நான் மறைக்க முடியாது. என் கிரிக்கெட் அத்தியாயத்தின் கடைசி கட்டம் இது" என்று தோனி குறிப்பிட்டார்.

பட மூலாதாரம்,BCCI/IPL

"எனக்கு சிறப்பாக விடை கொடுக்க முயற்சி"

அதுவே, கொல்கத்தா ஈடன் கார்டன் மைதானத்தில் கொல்கத்தா நைட்ரைடர்ஸ் அணியை வெற்றி கொண்ட பிறகு பேசிய தோனி, "ரசிகர்கள் அளித்த பேராதரவுக்கு நன்றி. இன்று மஞ்சள் ஜெர்சி அணிந்து வந்து சென்னைக்கு ஆதரவு அளித்த ரசிகர்களில் பெரும்பாலானோர் அடுத்து வரும் போட்டிகளில் கொல்கத்தாவுக்கு ஆதரவு அளிப்பார்கள். எனக்கு சிறப்பான முறையில் விடை கொடுக்க அவர்கள் முயல்கிறார்கள். அவர்களுக்கு நன்றி" என்று கூறினார்.

தோனியின் இந்த கூற்றுக்குக் காரணம், ஈடன் கார்டன் மைதானத்தில் கூடியிருந்த பெரும்பாலான ரசிகர்கள் சி.எஸ்.கே. அணியின் மஞ்சள் ஜெர்சி அணிந்து வந்திருந்ததே. போட்டி நடப்பது கொல்கத்தாவிலா அல்லது சென்னையிலா என்ற சந்தேகம் நேரலையில் பார்க்கும் அனைவருக்கும் வரும் அளவுக்கு ஈடன் கார்டன் மைதானமே மஞ்சள்மயமாக காட்சி அளித்தது.

பட மூலாதாரம்,BCCI/IPL

சொந்த அணி வீரர் ஆட்டமிழக்க ரசிகர்கள் பிரார்த்தனை

ஈடன் கார்டன் மைதானத்தில், முதலில் பேட்டிங் செய்த சென்னை சூப்பர் கிங்ஸ் அணி 4 விக்கெட் இழப்பிற்கு 235 ரன்களைக் குவித்தது. தோனி பேட்டிங்கை காண விரும்பிய சி.எஸ்.கே. ரசிகர்கள், கடைசி ஓவரில் பேட்டிங் முனையில் இருந்த ரவீந்திர ஜடேஜாவை அவுட்டாகி வெளியேறுமாறு குரல் எழுப்பிக் கொண்டே இருந்தனர். சொந்த அணி வீரரே அவுட்டாக வேண்டும் என்று ரசிகர்கள் பிரார்த்திக்கும் அளவுக்கு தோனி ஃபீவர் உச்சத்தில் இருந்ததை காண முடிந்தது.

 

பெங்களூரு சின்னச்சாமி ஸ்டேடியத்தில் ராயல் சேலஞ்சர்ஸ் பெங்களூர் அணிக்கு எதிரான ஆட்டத்தில் கடைசி ஓவரில் ஒரு பந்தை சந்தித்த தோனி ஒரு ரன் மட்டுமே எடுத்தார். ஆனால், தோனி களத்திற்குள் நுழையும் போதே அரங்கம் அதிரும் அளவுக்கு ஆரவாரம் எழுப்பி ரசிகர்கள் உற்சாக வரவேற்பு அளித்தனர். அதுவே, தோனி பீல்டிங் செய்ய களம் புகுந்த போதும் தொடர்ந்தது. அதனைக் கண்ட, இந்திய கிரிக்கெட் நட்சத்திரம் விராட் கோலியின் மனைவியும், பாலிவுட் நடிகையுமான அனுஷ்கா சர்மா, "அவர்கள் தோனியை விரும்புகிறார்கள்" என்று கூறிய காட்சி சமூக வலைதளங்களில் வைரலானது.

இந்திய கிரிக்கெட்டில் தற்போதைய உச்ச நட்சத்திரமாக விராட் கோலியும், இந்திய அணியின் கேப்டனாக ரோகித் சர்மாவும் வலம் வந்தாலும் கூட, தோனிக்கு நாடெங்கும் கிடைக்கும் வரவேற்புக்கு அருகில் அவர்களால் நெருங்கவே முடியாது. அதுதான் இன்றைய நிதர்சனம். மும்பையோ, கொல்கத்தாவோ, பெங்களூருவோ, தோனி எங்கு சென்றாலும் ரசிகர்கள் அவரையும், அவரது தலைமையின் கீழ் விளையாடும் சென்னை சூப்பர் கிங்ஸ் அணியையுமே பெருவாரியாக ஆதரிப்பதை காண முடிகிறது.

பட மூலாதாரம்,GETTY IMAGES

சச்சின் விஷயத்தில் நடந்தது தோனிக்கும் நடக்க ரசிகர்கள் விருப்பம்

கிரிக்கெட் கடவுள் என்று ரசிகர்களால் கொண்டாடப்படும் சச்சின் டெண்டுல்கர் 2008-ம் ஆண்டு இந்திய அணி ஆஸ்திரேலியாவில் சுற்றுப்பயணம் மேற்கொண்ட போது இதேபோன்ற வரவேற்பைப் பெற்றார். அவரது கடைசி ஆஸ்திரேலிய சுற்றுப் பயணமாக அது இருக்கக் கூடும் என்று அங்குள்ள கிரிக்கெட் ரசிகர்கள் நினைத்ததே அதற்குக் காரணம். அந்த எண்ணத்தைப் பொய்யாக்கி 2011-12-ம் ஆண்டு இந்திய அணியின் ஆஸ்திரேலிய சுற்றுப்பயணத்தின் போதும் சச்சின் டெண்டுல்கர் விளையாடினார். அப்போதும், ஒவ்வொரு போட்டியின் போதும் ஆஸ்திரேலிய ரசிகர்கள் எழுந்து நின்று அவரை உற்சாகப்படுத்தி மகிழ்ந்தனர்.

தோனி விஷயத்திலும் அதுவே நடக்க வேண்டும் என்று அவரது ரசிகர்கள் விரும்புகின்றனர். இதுவே கடைசித் தொடராக இருக்கலாம் என்று எண்ணி ஒவ்வொரு போட்டியின் போதும் தோனியை உற்சாகமூட்டும் ரசிகர்களின் எண்ணத்தை பொய்யாக்கி, அவர் மேலும் சில ஆண்டுகள் சென்னை சூப்பர் கிங்ஸ் அணிக்காக விளையாட வேண்டும் என்று ரசிகர்கள் விரும்புகின்றனர்.

பட மூலாதாரம்,GETTY IMAGES

• "சென்னை அணியின் தலைவராக தோனியே தொடர வேண்டும்": மு.க. ஸ்டாலின்20 நவம்பர் 2021
• 'தல', 'மஞ்சள் தமிழர்' தோனி: தமிழர்கள் தோனியை அதிகம் கொண்டாட காரணம் என்ன?7 ஜூலை 2022
• மகேந்திர சிங் தோனி: புயலாக தொடங்கி கவிதையில் முடிந்த கிரிக்கெட் பயணம் - சாதித்தது என்ன?16 ஆகஸ்ட் 2020

ஓய்வு குறித்து தோனி என்ன சொல்கிறார்?

இந்த நேரத்தில், 2021ம் ஆண்டு நான்காவது முறையாக ஐபிஎல் கோப்பையை வென்றதற்காக சென்னை சூப்பர் கிங்ஸ் அணிக்கு நடைபெற்ற பாராட்டு விழாவில் தோனி பேசியதை நினைவுகூர்வது பொருத்தமாக இருக்கும்.

“நான் முதன்முதலில் டெஸ்ட் போட்டியில் அறிமுகமானது சென்னையில்தான். ஏலத்தில் சென்னை அணியால் தேர்வு செய்யப்படுவேன் என்று நினைக்கவே இல்லை. இது, நான் பிறந்த ஊரில் இருந்து மிகவும் வேறுபட்ட கலாச்சாரத்தை அறிந்துகொள்ள எனக்கு உதவியது.

இங்குள்ள ரசிகர்கள் அவர்களின் அணி சிறப்பாக விளையாட வேண்டும் என்று விரும்புவார்கள். அதே நேரத்தில் மற்ற அணிகள் தோற்க வேண்டும் என்று ஒருபோதும் நினைக்க மாட்டார்கள். என் கடைசி ஆட்டம் சென்னையில் தான் நடைபெறும்”

இவைதான் தோனி உதிர்த்த வார்த்தைகள்.

பட மூலாதாரம்,CSK

சுமார் 4 ஆண்டுகள், இன்னும் துல்லியமாக சொல்லப் போனால் 1,426 நாட்களுக்குப் பிறகு சென்னை சேப்பாக்கம் மைதானத்தில் ஐ.பி.எல். ஆட்டங்கள் இந்த ஆண்டுதான் அரங்கேறுகின்றன. தோனியின் வார்த்தைகள் இந்த ஆணடோ அல்லது இன்னும் ஓரிரு ஆண்டுகள் கழித்தோ எப்போது வேண்டுமானாலும் உண்மையாகலாம்.

ஆனால், எப்போது கிரிக்கெட்டிற்கு விடை கொடுத்தாலும் தோனியை ஒரு சாம்பியனாகவே ரசிகர்கள் கம்பீரமாக வழியனுப்புவார்கள் என்பதை நடப்புத் தொடரில் அரங்கேறும் நிகழ்வுகள் உறுதிப்படுத்துகின்றன.

https://www.bbc.com/tamil/articles/cd14g587k00o

[ஏராளன்]

கூடாரங்களில் வாழ்ந்து பானிப்பூரி விற்றவரின் முதலாவது ஐபிஎல் சதம் - யஷஸ்வி ஜெய்ஸ்வாலிற்கு குவியும் பாராட்டுகள்

Published By: RAJEEBAN

01 MAY, 2023 | 05:16 PM

கூடாரங்களில் வாழ்ந்து பானிப்பூரி விற்ற யஷஸ்வி ஜெய்ஸ்வால் 2023 ஐபிஎல் தொடரில் தனது முதலாவது சதத்தை பூர்த்தி செய்துள்ளதை கிரிக்கெட் உலகம் பாராட்டி வருகின்றது.

ஞாயிற்றுக்கிழமை இடம்பெற்ற போட்டியில் ராஜஸ்தான் ரோயல் அணிக்காக 21 வயது  ஜெய்ஸ்வால்  62 பந்துகளில் 124 ஓட்டங்களை பெற்றார்.

ஜெய்ஸ்வால் தான் பிறந்த உத்தரபிரதேசத்திலிருந்து வெளியேறி மும்பாயில் குடியேறியவர் - அந்த மும்பாயில் அவர் தனது முதலாவது ஐபிஎல் சதத்தை பெற்றுள்ளார்.

11 வயதில் ஜெய்ஸ்வால் தனது குடும்பத்தவர்களுடன் மும்பாய்க்கு குடிபெயர்ந்தார்.

நான்மாட்டுபண்ணையில் உறங்குவேன் பின்னர் உறவினர் வீட்டில் தங்கினேன் அவர் என்னை வேறு இடம்பார்க்கசொன்னார் 2020 இல் ஜெய்ஸ்வால் சர்வதேச ஊடகமொன்றிற்கு தெரிவித்திருந்தார்.

மும்பாய் மைதானத்தில் நான் கூடாரமொன்றில் தங்கியிருந்தேன்,பகலில் நான் விளையாடுவேன் உணவிற்கு பணம் சேர்ப்பதற்காக  நான் இரவில் பானிப்பூரி விற்பேன் எனவும் அவர் தெரிவித்திருந்தார்.

கழகங்களின் கிரிக்கெட் ஓட்டங்களை பதிவது பந்தை எடுத்துகொடுப்பது போன்றவற்றை செய்து அதன் மூலம் கிடைக்கும் பணத்தில் கழகத்திற்கானகட்டணத்தை செலுத்தினேன் எனவும் அவர் குறிப்பிட்டிருந்தார்.

இந்நிலையில் அவரது முதல் சதத்திற்கு பாராட்டுகள் குவிந்துவருகின்றன எவ்வாறான சிறந்த கதை எவ்வாறான சிறந்த திறமை ஜெய்ஸ்வால் ஒரு எதிர்கால சூப்பர்ஸ்டார் என அவுஸ்திரேலிய அணியின் முன்னாள் வீரர் டொம்மூடி தெரிவித்துள்ளார்.

அவரிடம் மிகச்சிறந்த திறமையுள்ளது உள்ளுர் போட்டிகளில் அவர் மிகச்சிறப்பாக விளையாடினார் அந்த திறமையை ஐபிஎல்லில் தொடர்கின்றார் என இது இந்திய அணிக்கும் ராஜஸ்தான் ரோயலிற்கும் சிறந்த விடயம் என ரோகித்சர்மா தெரிவித்துள்ளார்.

https://www.virakesari.lk/article/154252

[ஏராளன்]

கோலி - கம்பீர் திடீர் மோதல் ஏன்? 10 ஆண்டுகளுக்கு முன்பு என்ன நடந்தது?

பட மூலாதாரம்,BCCI/IPL

கட்டுரை தகவல்

• எழுதியவர்,போத்திராஜ்
• பதவி,பிபிசி தமிழுக்காக
• 2 மே 2023, 02:28 GMT

  புதுப்பிக்கப்பட்டது 7 மணி நேரங்களுக்கு முன்னர்

ராயல் சேலஞ்சர்ஸ் பெங்களுரு அணியின் கேப்டனாக கோலியும் இல்லை, லக்னெள சூப்பர் ஜெயின்ட்ஸ் அணியின் கேப்டனாக கெளதம் கம்பீரும் இல்லை. இருப்பினும் நேற்று ஐ.பி.எல். ஆட்டம் முடிந்தபின் இருவரும் களத்தில் மோதிக்கொண்டனர்.

போட்டி முடிந்தபின் இரு அணி வீரர்களும் கை குலுக்கி வாழ்த்துச் சொல்லும்போது கோலியும், கம்பீரும் வார்த்தைகளால் மோதிக்கொண்டனர். அமித் மிஸ்ரா, ஆர்சிபி கேப்டன் டூப்பிளெசிஸ், லக்னெள துணைப் பயிற்சியாளர் விஜய் தய்யா, நடுவர்கள் தலையிட்டு இருவரையும் விலக்கிவிட்டனர்.

இந்த மோதலுக்குப்பின் கேஎல் ராகுல், ஸ்டாய்னிஷுடன் கோலி நீண்டநேரம் பேசி, என்ன நடந்தது என்பது குறித்து விளக்கினார்.

போட்டியின் நடத்தை விதிமுறைகளை மீறியதாக விராட் கோலி மற்றும் கௌதம் கம்பீருக்கு அவர்களது போட்டிக்கான சம்பளத்தில் 100 சதவிகிதம் அபராதமாக விதிக்கப்பட்டது.

 

• ஐபிஎல் டி20: "தோனிக்கும் அது நடக்குமா?" தொடரும் மாயாஜால ரகசியம் என்ன?1 மே 2023
• டான்ஸிங் ஆன் தி கிரேவ்: 32 வருட கொலை மர்மத்தின் அதிர்ச்சிக் கதை1 மே 2023
• நவீன் உல் ஹக்: கோலி - கம்பீர் மோதலின் தொடக்கப் புள்ளியான வீரர் யார்? நடந்தது என்ன? - முழு விவரம்6 மணி நேரங்களுக்கு முன்னர்

10 ஆண்டுகளுக்குப் பின்...

கடந்த 10 ஆண்டுகளுக்கு முன் பெங்களூருவில் நடந்த ஐ.பி.எல். லீக் ஆட்டத்தில் கொல்கத்தா நைட் ரைடர்ஸ் அணியின் கேப்டனாக இருந்த கம்பீரும், ஆர்சிபி அணியின் கேப்டனாக இருந்த விராட் கோலியும் மைதானத்தில் மோதிக்கொண்டனர். அதன்பின் இப்போது மீண்டும் இருவருக்கும் இடையே வார்த்தைப் போர் ஏற்பட்டுள்ளது.

மோதலுக்கு காரணம் என்ன?

ஐபிஎல் தொடரின் 15-வது லீக் ஆட்டம் பெங்களூருவில் நடந்த போது, ஆர்சிபி அணியை ஒரு ரன் வித்தியாசத்தில் லக்னெள அணி வீழ்த்தியது. அப்போது, மைதானத்துக்குள் சென்ற லக்னெள அணியின் மென்டர் கெளதம் கம்பீர் ரசிகர்களைப் பார்த்து சத்தம் போடக்கூடாது, வெற்றி பெற்றுவிட்டோம் என்ற தொனியில் வாயில் விரல் வைத்து சைகை செய்தார்.

இதற்கு பதிலடியாக நேற்றைய ஆட்டத்தில் லக்னெள அணியை 108 ரன்களில் ஆர்சிபி அணி சுருட்டியபோதும், ஒவ்வொரு விக்கெட்டுகளை வீழ்த்தியபோதும் விராட் கோலி கூடுதல் உற்சாகத்துடன் மைதானத்தில் வலம் வந்தார். குறிப்பாக குர்னல் பாண்டியா ஆட்டமிழந்தபோது , கோலி ரசிகர்களைப் பார்த்து வாயில் விரல் வைத்து சத்தம் போடாதீர்கள் என்று சைகை செய்து கம்பீருக்கு பதிலடி கொடுத்தார். லக்னெளவில் நேற்று நடந்த ஆட்டத்தில் லக்னெள அணியை விட ஆர்சிபிக்குதான் ஆதரவு அதிகமாக இருந்தது.

பட மூலாதாரம்,GETTY IMAGES

கோலி - நவீன் உல்ஹக் வாக்குவாதம் ஏன்?

இரு அணி வீரர்களும் வாழ்த்துக்கூறி கைகுலுக்கியபோது லக்னெள வீரர் நவீன் உல் ஹக், கோலி ஏதோ பேசினர். அப்போது, திடீரென தன்னுடைய அணி வீரர்கள், கேப்டன் கேஎல்.ராகுலுடன் நுழைந்த கம்பீர், கோலியைத் தடுத்தார்.

கோலியும், கம்பீரும் ஒருவரை ஒருவர் சந்தித்தபோது, கம்பீரின் தோள் பட்டையில் கை வைத்து கோலி ஏதோ கூறினார். திடீரென இருவருக்கும் வார்த்தைகள் தடித்ததால் அங்கு நிலைமை மோசமானது, அங்கிருந்த அமித் மிஸ்ரா ஆர்.சி.பி. கேப்டன் டூப்பிளசிஸ், லக்னெள துணைப் பயிற்சியாளர் விஜய் தய்யா, நடுவர்கள் உடனடியாக தலையிட்டு இருவரையும் பிரித்துவிட்டனர்.

பட மூலாதாரம்,GETTY IMAGES

17-வது ஓவரில் நடந்தது என்ன?

ஆட்டத்தின் 17-வது ஓவரின்போது லக்னெள பேட்ஸ்மேன் நவீன் உல் ஹக், கோலி இடையே வார்த்தை மோதல் ஏற்பட்டது. சிராஜ் வீசிய அந்த ஓவரின் கடைசிப் பந்தை நவீன் எதிர்கொண்டார், அது பவுன்ஸராகி பேட்ஸ்மேன் தோள்பட்டைக்கு உயரை சென்றது. இதற்கு நடுவர் நோபால் அளித்தனர். இதற்கு எதிர்ப்புத் தெரிவித்த ஆர்சிபி 3வது நடுவரிடம் ரிவியூ செய்தது.

ஆனால், நோபால் என்று அறிவித்து 3வது நடுவர் தீர்ப்பளித்தார். அப்போது கோலி, நவீன் இடையே நடந்த மோதலையும், அமித் மிஸ்ரா, நடுவர் தலையிட்டு பிரித்தனர். இதுவே போட்டிக்குப் பிந்தைய நவீன் உல்ஹக் - கோலி வார்த்தை மோதலுக்கு காரணமாக இருந்திருக்கலாம்.

100 சதவிகிதம் அபராதம்

போட்டியின் நடத்தை விதிமுறைகளை மீறியதாக விராட் கோலி மற்றும் கௌதம் கம்பீருக்கு அவர்களது போட்டிக்கான சம்பளத்தில் 100 சதவிகிதம் அபராதமாக விதிக்கப்பட்டது.

இது தொடர்பாக பிசிசிஐ வெளியிட்ட அறிக்கையில் ஐபிஎல் நடத்தை விதிமுறைகளின்படி இரண்டாம் நிலை குற்றம் புரிந்ததாக இருவரும் ஒப்புக் கொண்டிருப்பதாக குறிப்பிடப்பட்டிருக்கிறது.

இதே போல லக்னோ பந்துவீச்சாளர் நவீன் உல் ஹக்குக்கு 50 சதவிகிதம் அபராதமாக விதிக்கப்பட்டிருக்கிறது.

பட மூலாதாரம்,GETTY IMAGES

• புதிய இளம் நாயகன் உதயம்! ஐ.பி.எல். சரவெடி ஆட்டம் இந்திய அணியில் நுழைவதற்கான திறவுகோல் ஆகுமா?1 மே 2023
• கோலி vs கங்குலி: ஓராண்டுக்கு மேலாகியும் தீராத பனிப்போர் - பெங்களூரு, டெல்லி ஆட்டத்தில் நடந்தது என்ன?18 ஏப்ரல் 2023
• நவீன் உல் ஹக்: கோலி - கம்பீர் மோதலின் தொடக்கப் புள்ளியான வீரர் யார்? நடந்தது என்ன? - முழு விவரம்6 மணி நேரங்களுக்கு முன்னர்

கோலி - டூப்பிளசிஸ் மந்தமான தொடக்கம்

கோலி, டூப்பிளசிஸ் மெதுவாகத் தொடங்கி 4 ஓவர்களில் 20 ரன்கள் மட்டுமே அடித்தனர். அதன்பின் நவீன் உல் ஹக் ஓவரில் டூப்பிளசிஸ் ஒரு சிக்ஸரும், கோலி பவுண்டரியும் அடித்த ஸ்கோரை விரைவுப்படுத்தினர். பவர்ப்ளேயில் விக்கெட் இழப்பின்றி ஆர்சிபி 42 ரன்களைச் சேர்த்திருந்தது. இருவரும் 9 ஓவர்களில் 62 ரன்கள் சேர்த்து நல்ல அடித்தளம் அமைத்தனர்.

ஆனால், அதன்பின் சுழற்பந்துவீச்சாளர்களான ரவி பிஷ்னாய், அமித் மிஸ்ரா, கிருஷ்ணப்பா கவுதம் ஆகியோரை குர்னல் பாண்டியா பயன்படுத்தியபின் ஆர்சிபி ரன் வேகமும் குறைந்தது, விக்கெட்டுகளும் சீராக விழுந்தன.

பட மூலாதாரம்,GETTY IMAGES

பவுண்டரிகளுக்குப் பஞ்சம்

ரவி பிஷ்னாய் வீசிய 9வது ஓவரில் விராட் கோலி இறங்கி அடிக்க முயன்று 31 ரன்னில் கூக்ளி பந்தில் ஏமாந்து பூரனால் ஸ்டெம்பிங் செய்யப்பட்டார். அதன்பின் வந்த அனுஜ் ராவத்(4) கிருஷ்ணப்பா பந்துவீச்சிலும், சுழற்பந்துவீச்சுக்கு எதிராக பலவீனமாக இருக்கும் மேக்ஸ்வெல்(4) பிஷ்னாய் பந்துவீச்சில் கால்காப்பில் வாங்கி விக்கெட்டை இழந்தார்.

சுயாஷ் பிரபுதேசாய்(6) மிஸ்ரா சுழலில் சிக்கி ஆட்டமிழந்தார். 62 ரன்களுக்கு விக்கெட் இழப்பின்றி இருந்த ஆர்சிபி அணி, அடுத்த 28 ரன்களுக்குள் 4 விக்கெட்டுகளை இழந்து தடுமாறியது.

அதிரடி ஆட்டக்காரரும், இந்த சீசனில் அதிக சிக்ஸர், பவுண்டரிகள் அடித்த டூப்பிளசிஸ் களத்தில் இருந்தபோதும், ஆர்சிபி அணியால் 6 ஓவர்களுக்கும் மேலாக பவுண்டரிகள் அடிக்க முடியவில்லை. பவுண்டரிகள், சிக்ஸர் இல்லாததால் ஸ்கோரையும் விரைந்து உயர்த்தவும் முடியவில்லை.

பட மூலாதாரம்,GETTY IMAGES

ஏமாற்றம் தந்த கேஜிஎப்

போட்டியின் நடுவே சிறிதுநேரம் மழைக் குறுக்கிட்டதையடுத்து 25 நிமிடங்கள் நிறுத்தப்பட்டு மீண்டும் ஆட்டம் தொடங்கியது. தினேஷ் கார்த்திக் இந்த முறையும் ஏமாற்றி, 16 ரன்னில் ஆட்டமிழந்தார். நிதானமாக ஆடிய டூப்பிளசிஸ் 44ரன்னில் மிஸ்ரா பந்துவீச்சில் விக்கெட்டை இழந்தார். 109 ரன்கள் வரை 4 விக்கெட்டுகளை இழந்திருந்த ஆர்சிபி அணி, அடுத்த 17 ரன்களுக்குள் 5 விக்கெட்டுகளை இழந்தது.

ஆர்சிபி அணியில் கேஜிஎப்(KGF) எனச் சொல்லப்படும் கோலி, கிளென் மேக்ஸ்வெல், ஃபா டூப்பிளசிஸ் ஆகிய 3 பேரும் ஸ்கோர் செய்யாவிட்டாலே அந்த அணிக்கு ஸ்கோர் பெரிதாக வராது என்பது இந்த ஆட்டத்திலும் உறுதியானது. இந்த சீசனில் மிகக்குறைந்த ஸ்கோரான 9 விக்கெட் இழப்புக்கு 126 ரன்கள் என ஆர்சிபி அணி பதிவு செய்தது.

பட மூலாதாரம்,GETTY IMAGES

ஆர்.சி.பி.க்கு இந்த விஷப்பரீட்சை ஏன்?

ஆர்சிபி அணி நேற்றைய ஆட்டத்தில் 3வது வீரராக அனுஜ் ராவத்தையும், 4வது வீரராக பிரபு தேசாயையும் களமிறக்கி பரிசோதித்தது. ஆனால், கடந்த சில போட்டிகளில் மகிபால் லாம்ரோர் 3வது வீரராக களமிறங்கி அருமையாக பேட் செய்துவரும் நிலையில் அவரை 7-வது வீரராக களமிறக்கினர்.

அதுமட்டுமல்லாமல், அனுஜ் ராவத், பிரபுதேசாய் இருவரின் டிராக் ரெக்கார்டும் பெரிதாக இல்லை, இருவரும் ஃபார்மில் இல்லாத நிலையில் இந்த பரிசோதனையைச் செய்தது.

இந்த சீசனில் மட்டும் 3வது வீரர் இடத்துக்கு மட்டும் தினேஷ் கார்த்திக், மேக்ஸ்வெல், பிரேஸ்வெல், லாம்ரோர், ஷாபாஸ், அனுஜ் ராவத் ஆகியோரை ஆர்சிபி அணி களமிறக்கி பரிசோதித்துள்ளது. ராஜ் பட்டிதார் காயத்தால் விலகியதால் அந்த இடத்துக்கு சரியான வீரர் ஆர்சிபிக்கு அமையவில்லை.

பட மூலாதாரம்,GETTY IMAGES

பவர் ப்ளேயில் பாதி கதை முடிந்தது

முதல் ஓவரில் ஆபத்தான பேட்ஸ்மேன் மேயர்ஸ் டக்அவுட்டில் வெளியேறியதில் இருந்து அடுத்தடுத்து சீராக லக்னெள அணி விக்கெட்டுகளை இழந்தது.

குர்னல் பாண்டியா அதிரடியாக 3 பவுண்டரிகளை சிராஜ் ஓவரில் விளாசினாலும், மேக்ஸ்வெல் பந்துவீசிய 3வது ஓவரிலேயே குர்னல் பாண்டியா லாங்-ஆனில் கோலியிடம் கேட்ச் கொடுத்து 14 ரன்னில் வெளியேறினார்.

அப்போது ரசிகர்களைப் பார்த்த கோலி, வாயில் விரல் வைத்து சத்தம் போடவேண்டாம் என்று சொல்லவில்லை, உற்சாகப்படுத்துங்கள் என்று ஆர்வத்துடன் தெரிவித்தார்.

பட மூலாதாரம்,GETTY IMAGES

அதன்பின் ஆயுஷ் பதோனி(4) ரன்னில் ஹேசல்வுட் பந்திலும், தீபக் ஹூடா(1) ஹசரங்கா பந்துவீச்சிலும் விக்கெட்டை இழந்தனர். பவர்ப்ளேயில் லக்னெள அணி, 34 ரன்களுக்கு 4 விக்கெட்டுகளை இழந்து தடுமாறியது. இதிலிருந்து லக்னெள அணி கடைசி வரை மீளவில்லை.

ஒருவரும் நிலைக்கவில்லை

ஸ்டாய்னிஷ்(13), நிகோலஸ் பூரன்(9) இருவரும் அதிரடியாக சிக்ஸர் அடித்தநிலையில் கரன் சர்மா ஓவரில் விக்கெட்டை இழந்தனர். இருவரும் ஆட்டமிழந்தவுடனேயே லக்னெளவின் வெற்றி மூழ்கத் தொடங்கியது. கடைசி நேரத்தில் கிருஷ்ணப்பா கவுதம்(23) ரன்கள் சேர்த்தார்.

கடைசிவரிசை பேட்ஸ்மேன்களான ரவி பிஷ்னாய்(5), அமித் மிஸ்ரா(19), நவீன் உல்ஹக்(13) என வரிசையாக வீழ, 19.5 ஓவர்களில் 108 ரன்களில் லக்னெள அணி சுருண்டு 18 ரன்னில் தோல்வி அடைந்தது.

லக்னெள வென்றிருக்க முடியுமா?

இந்த ஆட்டத்தில் லக்னெள அணி எளிதாக வென்றிருக்க முடியும். லக்னெள அணி இந்த குறைந்த ஸ்கோரை அடிக்க பெரிதாக மெனக்கெடத் தேவையும் இல்லை. தொடக்கத்தில் இருந்து அடித்து ஆடாமல் நிதானமாக, விக்கெட்டை இழக்காமல் ஆடினாலே ஆட்டத்தின் போக்கு திரும்பி இருக்கும், ஸ்கோர் எளிதாக வந்திருக்கும்

ஆனால், களத்துக்கு வந்த புதிய பேட்ஸ்மேன்கள் அனைவரும் ஆடுகளத்தின் தன்மையை அறியாமல், செட்டில் ஆகாமல் பெரிய ஷாட்களுக்கு முயற்சித்தது தோல்விக்கான முதல் காரணமாகும்.

அதுமட்டுமல்லாமல் தொடக்கம் முதல் கடைசிவரை லக்னெள அணியில் பெரிய ரன்களுக்கான பார்ட்னர்ஷிப் ஏதும் இல்லை. ஆர்சிபி அணியில் டூப்பிளசிஸ்-கோலி கூட்டணி அமைத்த பார்ட்னர்ஷிப் கூட லக்னெள அணியில் அமைக்கவில்லை என்பது தோல்விக்கான காரணமாகும்.

இதன் மூலம் எந்த புதிய பேட்ஸ்மேனும் ஆடுகளத்தின் தன்மையை அறிந்து செட்டில் ஆகி பேட் செய்யவில்லை என்பதே நிதர்சனம்.

பட மூலாதாரம்,GETTY IMAGES

டி20 போட்டிக்கு இப்படி ஒரு ஆடுகளமா?

லக்னெள சூப்பர் ஜெயின்ட்ஸ் அணி தனது சொந்த மைதானத்தில் 2வது முறையாகத் தோற்றுள்ளது. அதுமட்டுமல்லாமல், குஜராத் டைட்டன்ஸ் அணிக்கு எதிராக 137 ரன்களை எட்ட முடியாமல் இதேபோன்று லக்னெள அணி பரிதாபமாகத் தோற்ற நிலையில் குறைந்த ஸ்கோரை எட்டமுடியாமல் தோற்ற 2வது போட்டி இதுவாகும்.

லக்னெள ஆடுகளம் மிகவும் மந்தமான ஆடுகளம். பேட்ஸ்மேன்களுக்கு ஒத்துழைக்காத, சுழற்பந்துவீச்சாளர்களுக்கு ஏற்றது என்பதால், இங்கு 130 ரன்கள் சேர்த்தாலே முதலில் பேட்டிங் செய்த அணி தரமான பந்துவீச்சாளர்களை வைத்திருந்தால் ஸ்கோரை டிபெண்ட் செய்துவிடலாம்.

அது மட்டுமல்லாமல் பந்து பேட்ஸ்மேன்களைப் பார்த்து வேகமாக வராது என்பதால் பவுண்டரி, சிக்ஸர் அடிப்பதும் கடினம். இந்த ஆட்டத்தில்கூட இரு அணிகளும் சேர்ந்து 6 சிக்ஸர்கள், 14 பவுண்டரிகள் மட்டுமே அடிக்கப்பட்டு இருந்தன.

பட மூலாதாரம்,GETTY IMAGES

ஆடுகளம் குறித்து ஆர்சிபி கேப்டன் டூப்பிளசிஸ் கூறுகையில் “ இந்த ஆடுகளம் பெங்களுரு ஆடுகளத்துக்கு நேர் எதிராக இருக்கிறது. முதல் 6 ஓவர்களில் அமைத்த பார்ட்னர்ஷிப்தான் வெற்றிக் கூட்டணியாக இருந்தது. இதுபோன்ற ஆடுகளத்தில் முதலில் பேட் செய்வது முக்கியம். சுழற்பந்துவீச்சை ஆடுவது இந்த ஆடுகளத்தில் கடினம். ஆனால் பெங்களூருவில் எளிதாக இருக்கும்.

135 ரன்கள் வரும் என எதிர்பார்த்தேன். இருப்பினும் எங்களால் ஸ்கோரை டிபெண்ட் செய்ய முடி்தது. இதுபோன்ற ஆடுகளத்தில் ஸ்கோர் செய்வது மிகக்கடினம். தொடக்கத்திலேயே 3 அல்லது 4 விக்கெட்டுகளைவீழ்த்திவிட்டால், எதிரணி மீள்வது கடினம் என்று எங்கள் பந்துவீச்சாளர்களிடம் தெரிவித்தேன். கரண் சர்மா பந்துவீச்சு அருமையாக இருந்தது” எனத் தெரிவித்தார்

• புதிய இளம் நாயகன் உதயம்! ஐ.பி.எல். சரவெடி ஆட்டம் இந்திய அணியில் நுழைவதற்கான திறவுகோல் ஆகுமா?1 மே 2023
• கோலி vs கங்குலி: ஓராண்டுக்கு மேலாகியும் தீராத பனிப்போர் - பெங்களூரு, டெல்லி ஆட்டத்தில் நடந்தது என்ன?18 ஏப்ரல் 2023
• நவீன் உல் ஹக்: கோலி - கம்பீர் மோதலின் தொடக்கப் புள்ளியான வீரர் யார்? நடந்தது என்ன? - முழு விவரம்6 மணி நேரங்களுக்கு முன்னர்

லக்னௌ கேப்டன் ராகுலுக்கு என்ன ஆயிற்று?

லக்னெள கேப்டன் கே.எல்.ராகுல் பீல்டிங் செய்தபோது திடீரென தொடைதசைப் பகுதியில் பிடிப்பு ஏற்பட்டதால் போட்டியிலிருந்து விலகினார். இதனால் குர்னல் பாண்டியா கேப்டன் பொறுப்பைக் கவனித்தார்.

லக்னெள அணியின் தற்காலிக கேப்டன் குர்னல் பாண்டியா கூறுகையில் “ ஆட்டத்தின் முதல்பாதியில் நாங்கள் ஆர்சிபியை சுருட்டினோம், அது அணியின் ஒட்டுமொத்த உழைப்பு. எங்களின் பந்துவீச்சு மகிழ்ச்சியளிக்கிறது. 126 ரன்கள் என்பது அடைந்துவிடக்கூடியதுதான் ஆனால், திட்டங்களை சரியாகச் செயல்படுத்தவில்லை. ராகுலின் காயம் வருத்தத்துக்குரியது. அவரின் காயம் குறித்து விரைவில் மருத்துவக் குழு தெரிவிக்கும்” எனத் தெரிவித்தார்.

பட மூலாதாரம்,GETTY IMAGES

5-வது இடத்தில் ஆர்.சி.பி.

இந்த வெற்றியின் மூலம் ஆர்சிபி அணி 9 போட்டிகளில் 5 வெற்றிகள், 4 தோல்விகள் என 10 புள்ளிகளுடன் 5வது இடத்துக்கு முன்னேறியுள்ளது. பஞ்சாப் அணி 6-வது இடத்துக்கு சரிந்துள்ளது. 5 அணிகள் 10 புள்ளிகளுடன் உள்ளதால், ஐபிஎல் தொடர் பரபரப்பான கட்டத்தை எட்டி வருகிறது.

இனிவரும் ஒவ்வொரு ஆட்டங்களிலும் அணிகள் வெற்றி பெறுவதைவிட எப்படி வெற்றி பெறுகின்றன, தோற்கும் அணிகள் எவ்வாறு தோற்கின்றன என்பது முக்கியமாகக் கருதப்படும்.

https://www.bbc.com/tamil/articles/c841gn55nkeo

[ஏராளன்]

இஷாந்த் அசத்தல் 'கம் பேக்': 'ஹாட்ரிக்' சிக்சர் விளாசிய திவாட்டியாவை கடைசி ஓவரில் கட்டிப் போட்டது எப்படி?

பட மூலாதாரம்,BCCI/IPL

கட்டுரை தகவல்

• எழுதியவர்,போத்திராஜ்
• பதவி,பிபிசி தமிழுக்காக
• ஒரு மணி நேரத்துக்கு முன்னர்

இது பந்துவீச்சாளர்களின் ‘கோதா’ என்றுதான் சொல்லலாம்! ஐ.பி.எல். தொடரில் முதல் பகுதியில் பெரும்பாலான ஆட்டங்கள் பேட்ஸ்மேன்களின் ஆதிக்க போட்டிகளாக மாறிய நிலையில், 2வது பாதிப் போட்டிகள் பந்துவீச்சாளர்களின் வல்லமையை நிரூபிக்கும் ஆட்டங்களாக அமைந்துள்ளன.

அந்த வகையில் அகமதாபாத்தில் நேற்று நடந்த ஐ.பி.எல். டி20 போட்டியின் 44-வது ஆட்டத்தில் முதலிடத்தில் உள்ள குஜராத் டைட்டன்ஸ் அணியை 125 ரன்களில் சுருட்டி 5 ரன்னில் வென்றது டெல்லி கேபிடல்ஸ் அணி.

ஒரு கட்டத்தில் 5 விக்கெட் இழப்புக்கு 25 ரன்கள் என்று தடுமாறிக் கொண்டிருந்த டெல்லி கேபிடல்ஸ் அணி, புள்ளிப்பட்டியலில் முதலிடத்தில் இருக்கும் குஜராத் டைட்டன்ஸ் அணியை 130 ரன்களை சேஸிங் செய்யவிடாமல் டிஃபெண்ட் செய்தது.

• நவீன் உல் ஹக்: கோலி - கம்பீர் மோதலின் தொடக்கப் புள்ளியான வீரர் யார்? நடந்தது என்ன? - முழு விவரம்2 மணி நேரங்களுக்கு முன்னர்
• ஐபிஎல் டி20: "தோனிக்கும் அது நடக்குமா?" தொடரும் மாயாஜால ரகசியம் என்ன?56 நிமிடங்களுக்கு முன்னர்
• கோலி vs கங்குலி: ஓராண்டுக்கு மேலாகியும் தீராத பனிப்போர் - பெங்களூரு, டெல்லி ஆட்டத்தில் நடந்தது என்ன?18 ஏப்ரல் 2023

டெல்லி கேபிடல்ஸ் வேகப்பந்துவீச்சாளர் இசாந்த் சர்மா மிகப்பெரிய “கம் பேக்” கொடுத்தார். கடைசி ஓவரில் குஜராத் வெற்றிக்கு 12 ரன்கள் தேவை என்றபோது, இசாந்த் சர்மா தனது அனுபவம், பந்துவீச்சில் மாற்றம் ஆகியவற்றால் நேர்த்தியாகவும், கட்டுக்கோப்பாகவும் பந்துவீசி டிஃபெண்ட் செய்து டெல்லி அணியை வெற்றி பெற வைத்தார்.

 

ஷமியின் ‘டாப் கிளாஸ்’ பந்துவீச்சு

ஆனால், குஜராத் டைட்டன்ஸ் அணியின் வேகப்பந்தவீச்சாளர் முகமது ஷமிதான் நேற்று “ஹீரோ”. உலகத் தரம் வாய்ந்த டெஸ்ட் பந்துவீச்சை நேற்று டெல்லி கேபிடல்ஸ் பேட்ஸ்மேன்களுக்கு எதிராக ஷமி வெளிப்படுத்தி, திணறவிட்டார்.

ஷமியின் “சீமிங்”, ஸ்விங் செய்யும் திறமை ஆகியவை டெல்லி கேபிடல்ஸ் பேட்ஸ்மேன்களைச் சரணடையச் செய்தது. முதல் ஓவர் முதல் பந்திலேயே பில் சால்ட் விக்கெட்டை வீழ்த்திய ஷமி, பவர்ப்ளே ஓவர்கள் முடிவதற்குள், பிரியம் கார்க், ரோஸ்ஸோ, மணிஷ் பாண்டே விக்கெட்டுகளை தனது ஸ்விங் பந்துவீச்சில் வீழ்த்தி பெரிய பாதாளத்துக்குள் டெல்லி கேபிடல்ஸை தள்ளினார்.

உலக டெஸ்ட் சாம்பியன்ஷிப் பைனல் நடக்க இருக்கும் நிலையில் ஷமி பந்துவீச்சு மெருகேறியிருப்பது இந்திய அணிக்கு மிகப்பெரிய பலம். 4 ஓவர்கள் வீசிய முகமது ஷமி 19 டாட் பந்துகள் அளித்து, 11 ரன்கள் கொடுத்து 4 விக்கெட்டுகளை வீழ்த்தி ஆட்டநாயகன் விருதையும் வென்றார். ஷமி வீசிய 24 பந்துகளில் டெல்லி கேபிடல்ஸ் பேட்ஸ்மேன்கள் வெறும் 5 பந்துகளில் மட்டும்தான் ரன் சேர்க்க முடிந்தது என்பது குறிப்பிடத்தக்கது.

பட மூலாதாரம்,BCCI/IPL

கணிப்புகள் மாறின

இரு அணிகளிலும் பேட்ஸ்மேன்கள் ஏமாற்றியநிலையில், யாருடைய பந்துவீச்சு சிறப்பானது என்ற போட்டியில் இறுதியில் குஜராத் பந்துவீச்சைவிட, டெல்லி கேபிடல்ஸ் பந்துவீச்சுதான் ஆதிக்கம் செலுத்தியது.

வலிமையான பேட்டிங் வரிசையை வைத்திருக்கும் குஜராத் டைட்டன்ஸ் அணி 130 ரன்களை சேஸிங் செய்ய முடியாதா?, குஜராத் டைட்ஸன் அணி வெற்றிக்கு 85% வாய்ப்பு இருக்கிறது என்று கணிப்புகள் தொடக்கத்தில் வந்தன. ஆனால், டெல்லி கேபிடல்ஸ் அணியின் பந்துவீச்சாளர்களின் துல்லியமான பந்துவீச்சு, நெருக்கடி ஆகியவை கணிப்புகளை கடைசி நேரத்தில் மாற்றின.

இந்த போட்டி பல டிவிஸ்ட்களைக் கொண்ட ஆட்டமாகவும், தொடக்கத்தில் ஸ்வாரஸ்யம் குறைந்த ஆட்டமாக ரசிகர்களை வெறுப்பேற்றி, சேஸிங்கில் இருக்கை நுணியில் அமரவைத்தது. இந்த ஆட்டத்தின் பென்டுலம் பல்வேறு கட்டங்களில் பலமுறை சுழன்றது.

முதல் பாதியில் முகமது ஷமியின் அபார பந்துவீச்சால் டெல்லி அணி 25 ரன்களுக்கு 5 விக்கெட்டுகளை இழந்து திணறியது. அதன்பின் அக்ஸர் படேல், அமான் கான் அரைசதம் முயற்சியால் பள்ளத்தில் இருந்து மீண்ட 8 விக்கெட் இழப்புக்கு 130 ரன்கள் சேர்த்தது.

நெருக்கடியில் குஜராத்

130 ரன்களை சேஸிங் செய்ய குஜராத் டைட்டன்ஸ் அணி தொடங்கியபோது, டெல்லி வீரர் கலீல் அகமது முதல் ஓவரில் சாஹா விக்கெட்டை வீழ்த்தியவுடன் ஆட்டத்தின் பென்டுலம் டெல்லி பக்கம் வந்துநின்றது. கலீல் அகமது, இசாந்த் சர்மா, குல்தீப் யாதவ் அளித்த பதிலடியால் குஜராத் டைட்டன்ஸ் அணியும் 24 ரன்களுக்கு 4 விக்கெட்டுகளை இழந்து தடுமாறியது.

கேப்டன் ஹர்திக் பாண்டியா கடைசி வரை களத்தில் இருந்து அரைசதம் அடித்தநிலையில், கடைசி 2 ஓவரில் ஆட்டம் டெல்லி கேபிடல்ஸ் பக்கம் திரும்பியது. ஹர்திக் பாண்டியாவின் ஒட்டுமொத்த உழைப்பும் இரு ஓவர்களில் வீணானது.

டெல்லி கேபிடல்ஸ் அணியின் பந்துவீச்சாளர்களின் பதிலடி தாக்குதலுக்கு குஜராத் டைட்டன்ஸ் பேட்ஸ்மேன்களால் ஈடுகொடுக்க முடியவில்லை. குஜராத் டைட்டன்ஸ் அணியின் டாப் வரிசை பேட்ஸ்மேன்கள் அனைவரும் சொற்ப ரன்களுக்கு வெளியேறினர்.

பட மூலாதாரம்,BCCI/IPL

இசாந்த் சர்மா ‘கம் பேக்’

விருதிமான் சாஹாவை(0) கலீல் அகமது வீழ்த்தியநிலையில், அருமையான ஃபார்மில் இருக்கும் கில்(6) நோர்க்கியா பந்துவீச்சில் விக்கெட்டை இழந்தார்.

இசாந்த் சர்மா வீசிய அற்புதமான “நக்குல் பந்தில்” விஜய் சங்கர் ஏமாந்து 6 ரன்னில் கிளீன் போல்டாகினார். இசாந்த் சர்மா வீசிய இந்த பந்துதீன் இந்த சீசனில் சிறந்த பந்தாக இருக்க வேண்டும், அந்த அளவுக்கு மிகவும் அழகான, நேர்த்தியான, மிகத் துல்லியமான பந்தாகும். மில்லர் விக்கெட்டை குல்தீப் யாதவ் கைப்பற்றினார். இதனால், 32 ரன்களுக்கு 4 விக்கெட்டுகளை இழந்து குஜராத் அணி தடுமாறியது. பவர்ப்ளேயில் 3 விக்கெட்டுகளை இழந்து 31 ரன்களைத்தான் குஜராத் சேர்த்தது.

பட மூலாதாரம்,BCCI/IPL

பவுண்டரிகள், சிக்ஸர்கள் பற்றாக்குறை

ஆனால் கேப்டன் ஹர்திக் பாண்டியா, அபினவ் மனோகர் இருவரும் அணியை சரிவிலிருந்து மீட்டனர். 10 ஓவர்களில்தான் குஜராத் அணி 50 ரன்களை எட்டியது. கடைசி 10 ஓவர்களில் குஜராத் வெற்றிக்கு, 82 ரன்கள் தேவைப்பட்டது.

டெல்லி கேபிடல்ஸ் அணியின் பந்துவீச்சில் பவுண்டரி, சிக்ஸர்களை அடிக்க முடியாமல் ஹர்திக் பாண்டியா, மனோகர் திணறியது, ரன்ரேட் நெருக்கடியை அதிகரித்தது. இந்த ஆட்டத்தில் குஜாரத் அணி ஒட்டுமொத்தத்தில் 9 பவுண்டரிகளும், 4 சிக்ஸர்கள் மட்டுமே அடித்திருந்தது குறிப்பிடத்தக்கது.

கடைசி 4 ஓவர்களில் குஜராத் வெற்றிக்கு 42 ரன்கள் தேவைப்பட்டது.

குல்தீப் யாதவ் 17-வது ஓவரை வீசி, 5 ரன்கள் மட்டுமே விட்டுக்கொடுத்தார். 18வது ஓவரை வீசிய கல்லீல் அகமது முதல் பந்திலேயே அபினவ் மனோகர்(26) விக்கெட்டை வீழ்த்தி குஜராத்துக்கு நெருக்கடியை அதிகப்படுத்தி 4 ரன்கள் மட்டுமே கொடுத்தார்.

திவேட்டியா 'ஹாட்ரிக்' சிக்ஸர்கள்

பட மூலாதாரம்,BCCI/IPL

அடுத்து திவேட்டியா களமிறங்கினார். நோர்க்கியா 18-வது ஓவரை வீசினார். முதல் பந்தில் ரன் எடுக்காத ஹர்திக் பாண்டியா, 2வது பந்தில் 2 ரன்களும், 3வது பந்தில் ஒரு ரன்னும் எடுத்து ஸ்ட்ரைக்கை திவேட்டியாவிடம் வழங்கினார்.

நோர்க்கியா 148கி.மீ வேகத்தில் ஃபுல்டாஸாக வீசிய பந்தை டீப் ஸ்குயர் லெக் திசையில் திவேட்டியா சிக்ஸருக்கு தூக்கியவுடன் ஆட்டத்தில் சூடு பறந்தது. 5வது பந்தை நோர்க்கியா லெக் திசையில் ஸ்லாட்டில் வீச, திவேட்டியா மிட்விக்கெட் திசையில் 2வது சிக்ஸரை விளாசி ஆட்டத்துக்கு உயிர் கொடுத்தார். கடைசிப் பந்தை 88 மீட்டர் உயரத்துக்கு லாங் –ஆன் திசையில் திவேட்டியா சிக்ஸர் விளாச ஆட்டத்தில் பெரும் பரபரப்பு ஏற்பட்டது.

கடைசி ஓவர் திக்... திக்...

கடைசி ஓவரில் குஜராத் டைட்டன்ஸ் வெற்றிக்கு 12 ரன்கள் தேவைப்பட்டது. அதிரடி பேட்ஸ்மேன்கள், திவேட்டியா, ஹர்திக் பாண்டி இருவரும் களத்தில் இருந்ததால் போட்டி எப்படி வேண்டுமானாலும் மாறும் என்று கணிக்கப்பட்டது. கடைசி ஓவரை அனுபவம்மிகுந்த இசாந்த் சர்மா வீச ஹர்திக் பாண்டியா எதிர்கொண்டார்.

இசாந்த் சர்மா வீசிய முதல் பந்தில் ஹர்திக் பாண்டியா 2 ரன்களும், 2வது பந்தில் ஒரு ரன்னும் எடுத்து 3வது பந்து ஸ்ட்ரைக்கை திவேட்டியாவிடம் அளித்தார். ஆனால், 3வது பந்து வைடு யார்கராகச் செல்லவே, அதற்கு குஜராத் சார்பில் அப்பீல் செய்யப்பட்டது. ஆனால், 3வது நடுவர் வைடு தரவில்லை.

இதனால் 3 பந்துகளில் 9ரன்கள் வெற்றிக்குத் தேவைப்பட்டது. 4-வது பந்தில் திவேட்டியா(20) ரோஸோவிடம் கேட்ச் கொடுத்து வெளியேற ஆட்டம் டெல்லி கேபிடல்ஸ் பக்கம் சென்றது. அடுத்துவந்த ரஷித்கான் 2 ரன்கள் மட்டுமே சேர்க்க ஆட்டம் முழுமையாக டெல்லி வசம் சென்றது. கடைசிப் பந்தில் ரஷித்கான் ஒரு ரன் மட்டுமே சேர்க்க 5 ரன்கள் வித்தியாசத்தில் டெல்லி கேபிடல்ஸ் வென்றது.ஹர்திக் பாண்டியா 59ரன்களில் இறுதிவரை ஆட்டமிழக்காமல் இருந்தார்.

பட மூலாதாரம்,BCCI/IPL

ஹர்திக் பாண்டியா தோல்விக்கு காரணமா?

குஜராத் டைட்டன்ஸ் கேப்டன் ஹர்திக் பாண்டியாவின் ஒட்டுமொத்த உழைப்பும் கடைசிஓவரில் வீணாகிப் போனது என்றுதான் கூற முடியும். தொடக்கத்தில் விக்கெட்டுகளை இழந்து நெருக்கடியான நிலையில் இருந்தில் இருந்து ஹர்திக் பாண்டியா களத்தில் இருந்தார். இதுபோன்ற குறைந்த ஸ்கோர்களை சேஸிங் செய்யும்போது, அவ்வப்போது பவுண்டரி, சிக்ஸர்கள் அடிப்பது தேவைப்படும் ரன்ரேட்டை உயரவிடாமல் கட்டுக்குள் வைக்கும், இதைச்செய்யாமல் விட்டது ஹர்திக் பாண்டியாவின் மிகப்பெரிய தவறாகும்.

அது மட்டுமல்லாமல் களத்தின் தன்மையை அறிந்து செட்டில் ஆன பேட்ஸ்மேனாக ஹர்திக் பாண்டியா இருக்கும் போது, கடைசி ஓவரில் ஸ்ட்ரைக்கை திவேட்டியாவிடம் வழங்கியிருக்கக் கூடாது. திவேட்டியா 19-வது ஓவரில் ஹாட்ரிக் சிஸ்கர்களை அடித்தாலும், வெற்றிக்கான ரன்களையும் அடிக்க அவர் மீது கடைசி ஓவரில் சுமையை ஏற்றியது தவறாகும்.

கடைசி ஓவரின் 2வது பந்தில் ஹர்திக் பாண்டியா ஒரு ரன் சேர்க்காமல், ஸ்ட்ரைக்கை தானே வைத்திருந்தால், இசாந்த் சர்மா பந்தில் நிச்சயம் சிக்ஸர் , பவுண்டரி விளாசி அணியை வெல்ல வைத்திருக்கலாம்.

நான்தான் பொறுப்பு

பட மூலாதாரம்,BCCI/IPL

குஜராத் கேப்டன் ஹர்திக் பாண்டியா தோல்வி குறித்துக் கூறுகையில் “ கடைசி நேரத்தில் 2 விக்கெட்டுகளை நாங்கள் இழந்தது ஆட்டத்தின் திருப்புமுனை. என்னால்முடிந்த வரை பங்களிப்பு செய்தேன், இருந்தும் என்னைவீழ்த்தியது. நடுப்பகுதியில் இரு ஓவர்களில் அடித்துஆடலாம் எனத் திட்டமிட்டோம், ஆனால், எங்களுக்கான ரிதம் கிடைக்கவில்லை. அபினவ் மனோகர் இதுபோன்ற சூழலை முதல்முறையாகச் சந்திக்கிறார்.

ஒட்டுமொத்த வெற்றியும் டெல்லி கேபிடல்ஸ் அணியின் பந்துவீச்சாளர்களுத்தான், என்னால் ஆட்டத்தை முடிக்கமுடியவில்லை. ஆடுகளம் நன்றாக இருந்தது, ஆடுகள சற்று மெதுவாக இருந்ததேத் தவிர பேட்ஸ்மேன்கள் அதை பயன்படுத்தத் தவறவிட்டனர். தொடக்கத்தில் நாங்கள் விக்கெட்டுகளை இழந்து நெருக்கடி ஏற்பட்டது. இருப்பினும், செட்டில்ஆவதற்கு சிறிது அவகாசம் இருந்தது.

ஆனால், வெல்ல வேண்டும் என்ற நோக்கம், டெல்லி வீரர்களுக்கு அதிகமாக இருந்தது. திவேட்டியா போட்டியில்திருப்புமுனையை ஏற்படுத்தினாலும், ஆட்டத்தை என்னால் முடிக்கமுடியவில்லை. இந்த தோல்விக்கு பேட்ஸ்மேன்கள் பொறுப்புடன் ஆடவில்லை என்றாலும், குறிப்பாக நான் ஆட்டத்தை முடிக்கவில்லை என்பது வேதனையாக இருக்கிறது. ஷமியின் பந்துவீச்சு அற்புதமாக இருந்தும் வெற்றி கிடைக்கவில்லை என்பது வருத்தமாக இருக்கிறது. இந்த தோல்வி எங்களுக்குப் பாடம், இதில் கிடைத்த பாடங்களைக் கொண்டு அடுத்தடுத்த போட்டிகளை எதிர்கொள்வோம் ” எனத் தெரிவித்தார்

டெல்லி கேபிடல்ஸ் பேட்டிங் எப்படி?

குஜராத் பந்துவீச்சாளர் முகமது ஷமியின் வேகப்பந்துவீச்சின் கட்டுப்பாட்டுகள் முழுமையாக டெல்லி கேபிடல்ஸ் அணி வந்தது என்றுதான் சொல்ல முடியும். ஆனால், கடைசி நேரத்தில் அக்ஸர் டேல், ரிப்பால் படேல், அமான் கான் ஆகியோரின் ஆட்டம்தான் டெல்லி அணியை மிகப்பெரிய அவமானத்தில் இருந்து காத்தது. இவர்கள் 3 பேரும் சொதப்பி இருந்தால், டெல்லி கேபிடல்ஸ் ஸ்கோர் 50 ரன்களைத் தாண்டுவதே கடினமாகி இருக்கும்.

பவர்ப்ளே ஓவருக்குள் ஷமியின் மிரட்டல் வேகம், ஸ்விங் பந்துவீச்சு ஆகியவற்றால் 25 ரன்களுக்கு 5 விக்கெட்டுகளை இழந்து டெல்லி கேபிடல்ஸ் அணி தடுமாறியது.

இதனால், டெல்லி கேபிடல்ஸ் அணி 100ரன்களைத் தாண்டுவதே கடினம் என எண்ணப்பட்டது. ஆனால், அமன் கான், அக்ஸர் படேல் இருவரும் அணியை பெரிய பள்ளத்தில் இருந்து மீட்டு, 50 ரன்கள் பார்டனர்ஷிப் அமைத்தனர். அக்ஸர் படேல் 27 ரன்னில் மோகித் சர்மாபந்துவீச்சில் விக்கெட்டை இழந்தார்.

அடுத்துவந்த ரிப்பால் படேலுடன்,அமான் கான் பார்ட்னர்ஷிப் அமைத்து 50ரன்களைச் சேர்த்தார். அமான் கான் 44 பந்துகளில் 51ரன்கள்(3சிக்ஸர்,3பவுண்டரி) சேர்த்து ஆட்டமிழந்தார். ரிப்பால் படேல் 23 ரன்களில் வெளியேறினார். ரிப்பால் படேல், அமான் கான் இருவரும் சேர்ந்து 16 முதல் 18 ஓவர்கள் வரை 41 ரன்களையும் கடைசி 5ஓவர்களில் 52 ரன்களைச் சேர்த்ததுதான் ஆட்டத்தின் திருப்புமுனையாக அமைந்தது. இந்த ஸ்கோரால்தான் டெல்லி கேபிடல்ஸ் கவுரமான 130ரன்களை எட்ட முடிந்தது. இல்லாவிட்டால் 100 ரன்களைக் கூட எட்டியிருக்க முடியாது.

பட மூலாதாரம்,BCCI/IPL

ஆடுகளம் எப்படி?

அகமதாபாத் ஆடுகளம் மிகவும் மோசமானது, பந்துவீச்சாளர்களுக்குத்தான் சாதகம் என்றெல்லாம் கூறவிடமுடியாது. பேட்ஸ்மேன்களுக்கு ஒத்துழைக்காத, லக்னெள ஆடுகளம் போல் இல்லை. புதிய பந்தில், வேகப்பந்துவீச்சாளர்கள் பந்துவீசும்போது ஸ்விங்கிற்கு நன்கு ஒத்துழைக்கும் என்பதைத் தவிர பெரியதாக சிரமம் ஏதும் இல்லை. சுழற்பந்துவீச்சாளர்களுக்குகூட பந்துகள் பெரியாத டர்ன் ஆகவில்லை.

பேட்ஸ்மேன்கள் இந்த ஆடுகளத்தில் விளையாடும்போது ஆடுகளத்தை அறிய களத்தில் சில ஓவர்கள் ஆட்டமிழக்காமல் இருந்தாலே போதுமானது. பின் தங்களின் இயல்பு ஆட்டத்துக்கு திரும்பிவிடலாம். ஆனால் நேற்றைய ஆட்டத்தில் இரு அணிகளிலும் எந்த பேட்ஸ்மேனும் செட்டில் ஆகவில்லை என்பதுதான் நிதர்சனம். இதில் ஹர்திக் பாண்டியா, அமான் கான், அக்ஸர் படேல் ஆகியோர் மட்டுமே விலக்கு.

பட மூலாதாரம்,BCCI/IPL

ஷமிக்கு வார்னர் புகழாரம்

டெல்லி கேபிடல்ஸ் அணியின் கேப்டன் டேவிட் வார்னர் கூறுகையில் “ எங்கள் பந்துவீச்சாளர்கள் செயல்பாடு பிரமாண்டமாக இருந்தது, பேட்ஸ்மேன்கள் தொடக்கத்தில் தடுமாறினர். இருப்பினும் ஷமியின் பந்துவீச்சு அற்புதமாக இருந்தது, எங்களுக்கு பெரிய நெருக்கடியை ஏற்படுத்தினார். அமன் கான், ரிப்பால், அக்ஸர் பக்கபலமாக இருந்தார்கள். ஆட்டம் இவ்வளவு பரபரப்பாகச் செல்லும் என நினைக்கவில்லை, எங்கள் வீரர்கள் நேர்மறை எண்ணத்துடன் ஆடியதும் ஒரு காரணம். கலீல், இசாந்த், ஆன்ரிச் பந்துவீச்சு அருமையாக இருந்தது” எனத் தெரிவித்தார்.

https://www.bbc.com/tamil/articles/cnejg32pw7go

[ஏராளன்]

கோலி vs கம்பீர்: அபராதம் மட்டும் போதுமா? 2008ஆம் ஆண்டு நடந்ததை சுட்டிக்காட்டும் கிரிக்கெட் ஜாம்பவான்கள்

பட மூலாதாரம்,SOCIAL MEDIA

கட்டுரை தகவல்

• எழுதியவர்,சிவகுமார் இராஜகுலம்
• பதவி,பிபிசி தமிழுக்காக
• ஒரு மணி நேரத்துக்கு முன்னர்

ஒரு மாதத்திற்கும் மேலாக நீடிக்கும் ஐ.பி.எல். மேளாவின் பக்கம் பார்வையை பதித்திருந்த கிரிக்கெட் ரசிகர்களின் ஒட்டுமொத்த கவனமும் கோலி - கம்பீர் மோதலை நோக்கித் திரும்பியிருக்கிறது.

இந்த மோதல் எங்கிருந்து தொடங்கியது? ஆட்டத்தின் நடுவே நவீன் உல்ஹக் - விராட் கோலி இடையிலான வாக்குவாதம்தான் அதன் தொடக்கப்புள்ளியா? கோலி - கம்பீர் இடையே தனிப்பட்ட முறையில் ஏதேனும் மோதல் இருக்கிறதா? கோலி தனது ஷூவைக் காட்டி நவீனை நோக்கி சில வார்த்தைகளை உதிர்த்தது சரியா? அபராதம் விதிப்பதன் மூலம் இதுபோன்ற செயல்கள் மீண்டும் நடக்காமல் தடுக்க முடியுமா? 2008-ம் ஆண்டு நடத்தை விதிகள் மீறப்பட்ட போது ஐ.பி.எல். நிர்வாகம் என்ன நடவடிக்கை எடுத்தது? என பல தரப்பிலும் பல விதங்களில் பெரும் விவாதமே நடந்து வருகிறது. கிரிக்கெட் வல்லுநர்கள், ரசிகர்கள் ஆகியோருடன் முன்னாள் வீரர்களும் கூட இந்த பட்டிமன்றத்தில் இணைந்து கொண்டுள்ளனர்.

• நவீன் உல் ஹக்: கோலி - கம்பீர் மோதலின் தொடக்கப் புள்ளியான வீரர் யார்? நடந்தது என்ன? - முழு விவரம்3 மே 2023
• இஷாந்த் அசத்தல் 'கம் பேக்': 'ஹாட்ரிக்' சிக்சர் விளாசிய திவாட்டியாவை கடைசி ஓவரில் கட்டிப் போட்டது எப்படி?3 மே 2023
• ஐபிஎல் டி20: "தோனிக்கும் அது நடக்குமா?" தொடரும் மாயாஜால ரகசியம் என்ன?9 மணி நேரங்களுக்கு முன்னர்

லக்னோவில் நேற்று முன்தினம் நடந்த ராயல் சேலஞ்சர்ஸ் பெங்களூர் - லக்னோ சூப்பர் ஜெயன்ட்ஸ் அணிகள் மோதிய ஆட்டத்தைக் காட்டிலும், போட்டிக்குப் பின்னர் நடந்தேறிய கோலி - கம்பீர் மோதல்தான் இன்றும் கூட சமூக ஊடகங்களிலும் பொது வெளியிலும் பேசுபடு பொருளாக மாறி நிற்கிறது. அதன் பிறகு, நடப்புச் சாம்பியன் குஜராத் டைட்டன்ஸ் vs டெல்லி கேபிட்டல்ஸ் ஆட்டம் நடந்து முடிந்திருந்தாலும் கூட, அதையும் தாண்டி கோலி - கம்பீர் மோதலே தொடர்ந்து பேசப்பட்டுக் கொண்டிருக்கிறது. ஐ.பி.எல்.லில் வெற்றிகரமான, பெரும் ரசிகர்களைக் கொண்ட சென்னை சூப்பர் கிங்ஸ், மும்பை இந்தியன்ஸ் அணிகள் மோதும் ஆட்டம் இன்று இருந்தாலும் கூட நிலைமையில் மாற்றம் இல்லை. அவற்றையெல்லாம் தாண்டி எங்கும் கோலி - கம்பீர் விவகாரமே விவாதிக்கப்படுகிறது.

கோலி vs காம்பீர் நடந்தது என்ன?

பட மூலாதாரம்,GETTY IMAGES

ராயல் சேலஞ்சர்ஸ் பெங்களூர் - லக்னோ சூப்பர் ஜெயன்ட்ஸ் ஆட்டத்தின் இரண்டாவது பாதியில் 17-வது ஓவரின் போது பேட்டிங் செய்து கொண்டிருந்த லக்னோ வீரர் நவீன் உல்-ஹக்கை விராட் கோலி சீண்ட, இருவருக்கும் நடுவே வாக்குவாதம் மூண்டது. அப்போது விராட் கோலி தனது ஷூவைக் காட்டி நவீனை நோக்கி ஏதோ கூற, அது போட்டி முடிந்த பின்னரும் எதிரொலித்தது. இரு அணி வீரர்களும் கைகுலுக்கும் நிகழ்வில் சந்தித்துக் கொண்ட போது இருவரும் சூடான வார்த்தைகளை பரிமாறிக் கொள்ள நிலைமை மோசமானது.

 

அடுத்த சில நிமிடங்களில் கோலியிடம் பேசிக் கொண்டிருந்த லக்னோ அணி வீரர் கைல் மேயர்சை அதன் ஆலோசகரும், முன்னாள் இந்திய வீரருமான கவுதம் கம்பீர் வலுக்கட்டாயமாக கையைப் பிடித்து இழுத்துச் செல்லவும் நிலைமை ரசவாதமாகிப் போனது. கடுமையாக மோதிக் கொண்ட கோலி - கம்பீரை இரு அணி வீரர்களும் சமாதானப்படுத்தி அழைத்துச் சென்றனர்.

களத்தில் கோலியால் கசப்பை எதிர்கொண்ட நவீன், போட்டிக்குப் பிறகு தனது அணி கேப்டன் லோகேஷ் ராகுல் சமாதானத்திற்கு அழைத்தும் பேச மறுத்துவிட்டார்.

தனிப்பட்ட கசப்பா? நவீன் மோதல்தான் காரணமா?

பட மூலாதாரம்,GETTY IMAGES

கோலி - கம்பீர் மோதலுக்கு காரணம் தனிப்பட்ட கசப்பா? ஆட்டத்தின் நடுவே நவீன் உல்ஹக் - கோலி வாக்குவாதமா? என்ற கேள்வியும் எழுந்துள்ளது. ஏனெனில், பெங்களூருவில் இரு அணிகளும் மோதிய முந்தைய போட்டியில் லக்னோ வெற்றி பெற்றதும், மைதானத்தில் பெங்களூரு அணிக்காக ஆரவாரித்த ரசிகர்களை நோக்கி, "வாயை மூடி அமைதியாக இருங்கள்" என்று கம்பீர் சைகை காட்டுவது தொலைக்காட்சி நேரலையில் காட்டப்பட்டது.

லக்னோவில் நேற்று முன்தினம் நடந்த போட்டியில் குருணால் பாண்டியா ஆட்டமிழந்ததும் ரசிகர்களை நோக்கி, "மவுனம் வேண்டாம், ஆரவாரம் செய்யுங்கள்" என்று சைகை செய்தது கம்பீருக்கு அவர் கொடுத்த பதிலடியாகவே ரசிகர்களால் வர்ணிக்கப்பட்டது. 2013-ம் ஆண்டு ராயல் சேலஞ்சர்ஸ் பெங்களூரு கேப்டனாக கோலியும், கொல்கத்தா நைட்ரைடர்ஸ் கேப்டனாக கம்பீரும் இருந்த போது களத்தில் ஆக்ரோஷமாக மோதிக் கொண்டதையும் அவர்கள் நினைவுகூர்ந்தனர்.

முந்தைய ஆட்டங்களைக் காட்டிலும் லக்னோவுக்கு எதிராக கோலி 'ஸ்பெஷல் உத்வேகம்' காட்டியதை ரசிகர்கள் ஆட்டத்தின் ஒரு பகுதியாகவே கருதி வெகுவாக ரசித்தனர். களத்தில் கூடுதல் உத்வேகம் காட்டிய கோலி, அதன் நீட்சியாகவே நவீன் உல்ஹக்கை சீண்டியதாகவே அவர்கள் கருதினர். ஆனால், கோலி ஷூவைக் காட்டி ஏதோ கூறியது நவீனை வெகுவாக காயப்படுத்த, வீரர்கள் கை குலுக்கும் போது அவர்கள் இருவரும் பரிமாறிக் கொண்ட வார்த்தைகளும், கம்பீர் தலையிட்ட விதமும் நிலைமையை மோசமாகிவிட்டதாக ரசிகர்களும், கிரிக்கெட் நிபுணர்களும் கருதுகின்றனர்.

பட மூலாதாரம்,GETTY IMAGES

களத்திற்கு வெளியேயும் நீடிக்கும் கோலி vs நவீன் உல்ஹக்

கோலி - நவீன் இடையிலான மோதலின் எதிரொலி களத்திற்கு வெளியேயும் நீடிக்கிறது. போட்டி முடிந்த பிறகு கோலி தனது இன்ஸ்டாகிராம் பக்கத்தில், "நாம் கேள்விப்படும் அனைத்தும் கருத்துகள் தானே தவிர உண்மையல்ல. நாம் பார்க்கும் அனைத்தும் நமது கண்ணோட்டம்தானே தவிர, உண்மை அல்ல" என்ற மார்கஸ் அரேலியஸ் கூற்றை ஸ்டோரியாக வைத்திருந்தார். ராயல் சேலஞ்சர்ஸ் பெங்களூரு அணி தனது ட்விட்டர் பக்கத்தில் பகிர்ந்திருந்த வீடியோவில் தோன்றும் கோலி, "நீங்கள் எதைக் கொடுக்கிறாயோ அதனை ஏற்றுக் கொள்ளவும் தயாராக இருக்க வேண்டும. இல்லாவிட்டால் கொடுக்க வேண்டாம்" என்று கூறும் காட்சி இடம் பெற்றிருக்கிறது.

Twitter பதிவை கடந்து செல்ல, 1

காணொளிக் குறிப்புஎச்சரிக்கை: வெளியார் தளங்களில் உள்ள பதிவுகளுக்கு பிபிசி பொறுப்பேற்காது

Twitter பதிவின் முடிவு, 1

மறுபுறம், கோலியுடன் களத்தில் மோதிக் கொண்ட லக்னோ சூப்பர் ஜெயன்ட்ஸ் வீரர் நவீன் உல்-ஹக்கோ, "உங்களுக்குத் தகுதியானதை நீங்கள் பெறுவீர்கள், அது எப்படி இருக்க வேண்டுமோ அப்படியே செல்கிறது" என்ற வாசகங்களை தனது இன்ஸ்டாகிராம் ஸ்டோரியில் வைத்திருந்தார்.

பட மூலாதாரம்,GETTY IMAGES

கோலிக்கு ஒரு கோடி ரூபாய்க்கும் அதிகமான அபராதம் ஏன்?

ஐ.பி.எல். நடத்தை விதிகளை மீறியதாக கோலி, கம்பீருக்கு போட்டி ஊதியத்தில் 100 சதவீதமும், நவீன் உல்ஹக்கிற்கு 50 சதவீதமும் அபராதம் விதிக்கப்பட்டுள்ளது. இதனால், கம்பீரும், நவீன் உல் ஹக்கும் சில லட்ச ரூபாய்களை இழக்கும் அதேநேரத்தில் விராட் கோலிக்கு ஒரு கோடி ரூபாய்க்கும் அதிகமான இழப்பு நேரிடுகிறது. கோலி, கம்பீர் ஆகிய இருவருக்கும் 100 சதவீதம் அபராதம்தான் என்றாலும், ஒரு போட்டிக்கு கோலி பெறும் ஊதியம் அதிகம் என்பதே இந்த வித்தியாசத்திற்கு காரணமாகிறது.

ஒரு சீசனில் ஓர் அணி அதிகபட்சம் 16 போட்டிகளில் விளையாட வேண்டியிருக்கும் என்பதால், ஒரு போட்டிக்கு ஒரு வீரர் பெறும் ஊதியம் எவ்வளவு என்பதை அதன் அடிப்படையில் கணக்கிட்டு அபராதமாக வசூலிக்கப்படும். அதன்படி பார்க்கும் போது, ஒரு சீசனுக்கு 17 கோடி ரூபாயை ஊதியமாகப் பெறும் விராட் கோலி, ஒரு போட்டிக்கு ஒரு கோடி ரூபாய்க்கும் அதிகமாக சம்பளமாக வாங்குகிறார். லக்னோ போட்டிக்கு வாங்கிய ஊதியம் மொத்தமும் அபராதமாக வசூலிக்கப்படும் என்று அறிவிக்கப்பட்டிருப்பதால் அவருக்கு ஒரு கோடி ரூபாய்க்கும் அதிகமாக இழப்பு ஏற்படுகிறது.

பட மூலாதாரம்,BCCI/IPL

மோசமான செயல்களைத் தடுக்க அபராதம் மட்டும் போதுமா?

ஸ்டார் ஸ்போர்ட்ஸ் தொலைக்காட்சியில் பேசிய இந்திய கிரிக்கெட்டின் முன்னாள் ஜாம்பவான் சுனில் கவாஸ்கர், மேற்கூறிய ஊதிய கணக்கீடுகளைக் குறிப்பிட்டு, "விராட் கோலியிடம் ஒரு கோடி ரூபாய்க்கும் அதிகமாக அபராதம் வசூலிப்பது கடுமையான நடவடிக்கைதான்" என்று குறிப்பிட்டார்.

அபராதம் விதிப்பதால் களத்தில் மோசமான செயல்கள் மீண்டும் நடக்காமல் தடுத்து விட முடியுமா? என்று கேள்வி எழுப்பிய அவர், 2008-ம் ஆண்டு ஐ.பி.எல். அறிமுக தொடரில் ஹர்பஜன் - ஸ்ரீசாந்த் மோதலின் போது ஐ.பி.எல். நிர்வாகம் மேற்கொண்ட நடவடிக்கையை நினைவூட்டினார். அதேபோல், கோலி - கம்பீர் ஆகிய 2 பேருக்கும் சில போட்டிகளில் பங்கேற்க தடை விதித்தால் மட்டுமே இதுபோன்ற மோசமான நிகழ்வுகள் மீண்டும் நடக்காது என்பதை உறுதிப்படுத்த முடியும் என்று கவாஸ்கர் குறிப்பிட்டார்.

பட மூலாதாரம்,GETTY IMAGES

2008-ல் ஹர்பஜன் - ஸ்ரீசாந்த் இடையே என்ன நடந்தது?

2008-ம் ஆண்டு ஐ.பி.எல். அறிமுக தொடரில் மும்பை இந்தியன்ஸ் - கிங்ஸ் லெவன் பஞ்சாப் மோதிய ஆட்டத்தின் போது பஞ்சாப் அணிக்காக விளையாடிய வேகப்பந்துவீச்சாளர் ஸ்ரீசாந்தை மும்பை அணி சுழற்பந்து வீச்சாளராக இருந்த ஹர்பஜன்சிங் கன்னத்தில் அறைந்து விட்டார். முதல் தொடரிலேயே நடந்துவிட்ட இந்த மோசமான நிகழ்வால் அதிர்ச்சியடைந்த ஐ.பி.எல். நிர்வாகம், ஹர்பஜன் சிங் எஞ்சியிருந்த போட்டிகளில் விளையாட தடை விதித்துவிட்டது.

அந்த ஆட்டம் மும்பை இந்தியன்ஸ் அணி விளையாடிய மூன்றாவது போட்டிதான். மீதமிருந்த போட்டிகளில் விளையாட தடை விதிக்கப்பட்டதால், ரூ.3.24 கோடிக்கு ஒப்பந்தம் செய்யப்பட்டிருந்த ஹர்பஜன் சிங் சுமார் 3 கோடி ரூபாயை இழந்துவிட்டார். கோலி - காம்பீர் மோதல் குறித்து கருத்து தெரிவித்துள்ள ஹர்பஜன் சிங்கும், 2008-ம் ஆண்டு சம்பவத்தை நினைவுகூர்ந்துள்ளார். 2008-ம் ஆண்டு நிகழ்வுக்காக தான் வெட்கப்படுவதாகவும், கிரிக்கெட்டில் ஜாம்பவானாக திகழும் கோலி இதுபோன்ற நடந்து கொள்ளக் கூடாது என்றும் அவர் கூறியுள்ளார்.

Twitter பதிவை கடந்து செல்ல, 2

Twitter பதிவை அனுமதிக்கலாமா?

இந்தக் கட்டுரையில் Twitter வழங்கிய தகவல்கள் இடம் பெற்றுள்ளன. குக்கி மற்றும் பிற தொழில்நுட்பங்கள் பயன்படுத்தப்படக்கூடும் என்பதால் எந்த ஒரு பதிவேற்றத்துக்கும் முன்னதாக உங்கள் அனுமதியைக் கோருகிறோம். அதை ஏற்றுக்கொள்வதற்கு முன்பாக, நீங்கள் Twitter குக்கி கொள்கை மற்றும் தனியுரிமைக் கொள்கையை அறிந்துகொள்ள விரும்பலாம். இந்த தகவலைப் படிக்க, `ஏற்றுக்கொண்டு தொடரவும்' என்பதைத் தேர்வு செய்யவும்.

ஏற்பு மற்றும் தொடரவும்

காணொளிக் குறிப்புஎச்சரிக்கை: வெளியார் தளங்களில் உள்ள பதிவுகளுக்கு பிபிசி பொறுப்பேற்காது

Twitter பதிவின் முடிவு, 2

• ஐபிஎல் டி20: "தோனிக்கும் அது நடக்குமா?" தொடரும் மாயாஜால ரகசியம் என்ன?3 மே 2023
• இந்து மதத்திலிருந்து பௌத்தத்துக்கு மாறிய ஊனா தலித்துகள் - தீண்டாமை குறைந்திருக்கிறதா?3 மே 2023
• நவீன் உல் ஹக்: கோலி - கம்பீர் மோதலின் தொடக்கப் புள்ளியான வீரர் யார்? நடந்தது என்ன? - முழு விவரம்3 மே 2023

ஸ்லெட்ஜிங் ஏன்? மகளிர் கிரிக்கெட்டிலும் அது நடக்கிறதா?

கோலி - கம்பீர் மோதலுக்கு வித்திட்டதாக கருதப்படும் நவீன் உல்ஹக்கை கோலி சீண்டிய நிகழ்வே கிரிக்கெட்டில் ஸ்லெட்ஜிங் என்று அழைக்கப்படுகிறது. ஆட்டத்தின் பரபரப்பான கட்டத்தில் எதிரணி வீரரை வார்த்தைகளால் சீண்டுவதன் மூலம் அவரது கவனத்தை திசை திருப்பவும், மன வலிமையை சீர்குலைக்கவும் ஸ்லெட்ஜிங்கை ஓர் உத்தியாகவே சில வீரர்கள் பயன்படுத்துகின்றனர். இதுகுறித்து தமிழ்நாடு மகளிர் கிரிக்கெட் அணியில் விளையாடும் வீராங்கனை ஷைலஜா சுந்தரிடம் பிபிசி தமிழ் சார்பில் பேசினோம்.

"கிரிக்கெட்டைப் பொருத்தவரை, ஆஸ்திரேலிய வீரர்கள்தான் ஸ்லெட்ஜிங்கில் அதிக அளவில் ஈடுபடுவார்கள். இந்தியாவில் அது மிகவும் குறைவுதான். அண்மைக்காலமாக இங்கும் நிலைமை மாறி வருகிறது. ஐ.பி.எல். போன்ற போட்டி நிறைந்த உள்நாட்டுத் தொடர்களில் ஸ்லெட்ஜிங் தலைதூக்குகிறது. கோலி - கம்பீர் சர்ச்சையைப் பொருத்தவரை நான் நேரலையில் அதனைப் பார்க்கவில்லை. சமூக வலைதளங்கள் வாயிலாகவே அறிந்து கொண்டேன். இருவரையும் சமாதானப்படுத்த தயார் என்று ரவி சாஸ்திரி கூறியிருப்பதாக செய்திகளில் அறிந்தேன்.

 

படக்குறிப்பு,

கிரிக்கெட் வீராங்கனை ஷைலஜா சுந்தர்

விளையாட்டில் ஸ்லெட்ஜிங் சகஜமான ஒன்றுதான். அப்போது வெளிப்படும் வார்த்தைகள் விளையாட்டு சார்ந்ததாக மட்டும் இருக்கும் பட்சத்தில் பிரச்னை இல்லை. ஆனால், தனிப்பட்ட முறையில் வார்த்தைகளை உதிர்க்கும் போதுதான் பிரச்னையாகி விடுகிறது." என்று அவர் கூறினார்.

மேலும் தொடர்ந்த ஷைலஜா சுந்தர், "மகளிர் கிரிக்கெட்டைப் பொருத்தவரை ஸ்லெட்ஜிங் பெரிய அளவில் இல்லை. ஏனெனில், மகளிர் கிரிக்கெட்டிற்கு இப்போதுதான் படிப்படியாக அங்கீகாரம் கிடைத்து வருகிறது. சர்வதேச கிரிக்கெட்டிலும் கூட வீராங்கனைகளுக்கு இடையே நல்ல நட்புணர்வு நிலவுகிறது. உள்ளூர் கிரிக்கெட்டில் நாங்கள் ஒருவருக்கு ஒருவர் உதவிக் கொள்வோம். விளையாடும் போதும் நான் ஸ்லெட்ஜிங் செய்ததும் இல்லை. ஸ்லெட்ஜிங்கை எதிர்கொண்டதும் இல்லை. என் கண்ணெதிரே ஸ்லெட்ஜிங் நடந்ததும் இல்லை" என்றார்.

https://www.bbc.com/tamil/articles/c51pgjz5y9yo

[ஏராளன்]

ஐபிஎல்: சிஎஸ்கே Vs லக்னெள தான் தோனிக்கு இறுதித்தொடரா? ரசிகர்களை தொற்றிய திடீர் பரபரப்பு

பட மூலாதாரம்,GETTY IMAGES

கட்டுரை தகவல்

• எழுதியவர்,போத்திராஜ்
• பதவி,பிபிசி தமிழுக்காக
• 32 நிமிடங்களுக்கு முன்னர்

41 வயதாகிவிட்டது, இனிமேலும் தோனி ஐபிஎல் டி20 தொடரில் விளையாடுவாரா, இந்த சீசன்தான் அவரின் கடைசி ஐபிஎல் தொடராக இருக்குமா என கவலைப்பட்ட அவரின் ரசிகர்களுக்கு எம்.எஸ்.தோனி தீர்க்கமான பதிலை அளித்துள்ளார்.

லக்னெளவில் இன்று நடந்த சென்னை சூப்பர் கிங்ஸ் மற்றும் லக்னெள சூப்பர் ஜெயின்ட்ஸ் அணிகளுக்கு இடையிலான ஐ.பி.எல். லீக் ஆட்டத்தில் மழை விளையாடியதால் ஆட்டம் ரத்து செய்யப்பட்டது.

லக்னெள அணி 19.2 ஓவர்களில் 7 விக்கெட் இழப்புக்கு 125 ரன்கள் சேர்த்திருந்தபோது ஆட்டத்தில் மழை குறுக்கிட்டது. நீண்ட நேரமாகியும் மழை குறைந்தபாடில்லை.

மழை விட்டால், சிஎஸ்கே அணியின் சேஸிங்கை 5 ஓவர்களாகக் குறைக்கவும் போட்டி நடுவர்கள் முடிவு செய்திருந்தனர்.

 

ஆனால், கள நடுவர்கள் இருவரும் குடையுடன் மைதானத்தின் தன்மையை ஆய்வு செய்து திரும்பினர்.

மழை சீராக பெய்து வந்ததையடுத்து, போட்டியை தொடர்ந்து நடத்த முடியாத சூழல் நிலவியது.

இதையடுத்து, ஆட்டம் கைவிடப்படுவதாக போட்டி நடுவர்கள் அறிவித்து, சிஎஸ்கே, லக்னெள அணிகளுக்கு தலா ஒரு புள்ளிகள் வழங்கி அறிவித்தனர்.

• வினேஷ் போகாட்: "பிரிஜ் பூஷண் பற்றி பிரதமர் மோதியிடம் முன்பே புகார் சொன்னேன்"3 மணி நேரங்களுக்கு முன்னர்
• கோலி vs கம்பீர்: "இருவருக்கும் தடை விதியுங்கள்" - கொந்தளிக்கும் கவாஸ்கர், சமாதானத்துக்கு முயலும் ரவி சாஸ்திரி5 மணி நேரங்களுக்கு முன்னர்
• இஷாந்த் ஷர்மாவின் மேஜிக் பந்துகள் 'ஹாட்ரிக்' சிக்சர் விளாசிய திவாட்டியாவை கட்டிப் போட்டது எப்படி?3 மே 2023

பரபரப்பை எட்டும் புள்ளிக்கணக்கு

பட மூலாதாரம்,GETTY IMAGES

இப்போது ஐபிஎல் டி20 தொடர் சுவாரஸ்யமான கட்டத்தை எட்டியுள்ளது.

குஜராத் டைட்டன்ஸ் அணி 12 புள்ளிகளுடன் முதலிடத்தில் இருக்கிறது.

ஆனால், 11 புள்ளிகளுடன் லக்னெள 2வது இடத்திலும், சிஎஸ்கே 3வது இடத்திலும் உள்ளன.

ராஜஸ்தான் ராயல்ஸ் அணி 4வது இடத்திலும், ஆர்பிசி 5வது இடத்திலும், பஞ்சாப் அணி 6வது இடத்திலும் தலா 10 புள்ளிகளுடன் உள்ளன.

இன்று இரவு மும்பையில் நடக்கும் மற்றொரு லீக் ஆட்டத்தில் மும்பை இந்தியன்ஸ் அணியை பஞ்சாப் கிங்ஸ் அணி எதிர்கொள்கிறது.

இந்த ஆட்டத்தில் மும்பை இந்தியன்ஸ் அணி வென்றால், 10 புள்ளிகள் பெற்ற அணிகள் வரிசையில் இணைந்துவிடும்.

ஆனால், பஞ்சாப் அணி வெல்லும் பட்சத்தில், 12 புள்ளிகளுடன் 2வது இடத்துக்கு முன்னேறிவிடும், அதாவது 6-வது இடத்திலிருந்து நேரடியாக 2வது இடத்துக்கு செல்லும். அதனால், இன்றைய இரவு ஆட்டம் மிகுந்த எதிர்பார்ப்பை ஏற்படுத்தியுள்ளது.

ஒருவேளை சிஎஸ்கே, லக்னெள அணிகளுக்கு இடையிலான ஆட்டம் நடந்திருந்து, முடிவு கிடைத்திருந்தால் 12 புள்ளிகளுடன் லக்னெள அல்லது சிஎஸ்கே இருந்திருக்கும். ஆனால், மழையால் ஆட்டம் கைவிடப்பட்டதால் இரு அணிகளுக்கும் தலா ஒரு புள்ளிவழங்கப்பட்டதால் தற்போது 11 புள்ளிகளுடன் உள்ளன.

இந்த சூழலில், பஞ்சாப் கிங்ஸ் வெற்றிபெற்றால், 12 புள்ளிகளுடன் சிஎஸ்கே, லக்னெளவை பின்னுக்குத் தள்ளி 2வது இடத்துக்கு முன்னேறும். நிகர ரன்ரேட் அடிப்படையில் இல்லாமல், புள்ளிக்கணக்கில் பஞ்சாப் நகர்ந்து விடும் என்பது குறிப்பிடத்தக்கது.

தோனிக்கு கடைசி சீசனா?

பட மூலாதாரம்,@CHENNAIIPL

லக்னெள மற்றும் சிஎஸ்கே அணிகளுக்கு இடையிலான ஆட்டம் தொடங்கும் முன், சிஎஸ்கே கேப்டன் மகேந்திர சிங் தோனி அளித்த பதில்தான் தற்போது சமூக வலைத்தளத்தில் விவாதப் பொருளாகியுள்ளது.

41 வயதில் சிஎஸ்கே அணிக்கு கேப்டனாக விளையாடி வரும் தோனி, இதுவரை ஏராளமான இளைஞர்களை உருவாக்கி இந்திய அணிக்கு வழங்கியுள்ளார்.

தோனியின் சிஎஸ்கே பட்டறையில் கூர்தீட்டப்பட்ட பல வீரர்கள் இந்திய அணிக்குள் வந்து வலுவான இடத்தைப் பிடித்துள்ளனர்.

சிஎஸ்கே விளையாடும் போட்டிக்கு வழக்கமாக இருக்கும் கூட்டத்தைவிட இந்த சீசனில் எந்த நகரில் சிஎஸ்கே ஆட்டம் நடந்தாலும் கூட்டம் அலைமோதுகிறது.

தோனிக்கு கடைசி சீசனாக இருக்கலாம் என்ற தகவலும் இருப்பதாகக் கூறப்பட்டதால் ரசிகர்கள் ஆதரவு அதிகரித்து வருகிறது.

2022ஆம் ஆண்டில் தோனி அளித்த பேட்டி ஒன்றில், “ இந்தியாவில் மீண்டும் ஐபிஎல் தொடர் விளையாடப்படும்போது, நான் ஓய்வு பெற விரும்புகிறேன். என்னுடைய ஓய்வு, கடைசிப் போட்டி என்பது, சென்னை ரசிகர்கள் முன், சென்னை சேப்பாக்கம் எம்.ஏ. சிதம்பரம் மைதானத்தில்தான் இருக்கும்” எனத் தெரிவித்திருந்தார்.

இதனால், இந்த சீசன் எம்எஸ் தோனிக்கு கடைசி சீசனாக இருக்கலாம் என்ற தகவல் வெளியாகி பரபரப்பாக வலம் வந்தது.

தோனியின் பதில்

பட மூலாதாரம்,CSK

இந்தச் சூழலில் இன்று லக்னெள மற்றும் சிஎஸ்கே அணிகளுக்கு இடையிலான ஐபிஎல் லீக் ஆட்டம் தொடங்குவதற்கு முன் டாஸ் போடும் நிகழ்வில் தோனியிடம், வர்ணனையாளர் மோரிஸன் தோனியின் கடைசி சீசன் குறித்து கேள்வி எழுப்பினார்.

மோரிஸன் தோனியிடம், “உங்களின் கடைசி ஐபிஎல் சீசனுக்கு ரசிகர்கள் அளிக்கும் ஆதரவைப் பற்றி என்ன உணர்கிறீர்கள்” என்று கேட்டார்.

அதற்கு தோனி, “ எனக்கு கடைசி ஐபிஎல் சீசன் என்று ஊடகங்களும், ஒளிபரப்பாளர்கள்தான் முடிவு செய்துள்ளார்கள், நீங்கள்தான் முடிவு செய்துள்ளீர்கள். ஆனால், எனக்கு இது கடைசி சீசன் என்று நான் முடிவு செய்யவில்லை” என சிரித்துக்கொண்டே பதிலளித்தார்.

இதன் மூலம், இந்த சீசன் ஐபிஎல் தொடரில் மட்டுமல்லாது அடுத்தத் தொடரிலும் தோனி தொடர்ந்து விளையாடுவேன் என்று தனது ரசிகர்களுக்கு சூசகமாகவும், தீர்க்கமாகவும் தெரிவித்துள்ளார்.

மந்தமான ஆடுகளம்

பட மூலாதாரம்,GETTY IMAGES

டாஸ் வென்ற சிஎஸ்கே அணி பந்து வீச்சை தேர்வு செய்தது. ஆர்சிபி மற்றும் லக்னெள அணிகளுக்கு இடையிலான ஆட்டம் நடந்த அதே ஆடுகளம்தான் இந்த போட்டிக்கும் பயன்படுத்தப்பட்டது.

பேட்ஸ்மேன்களுக்கு ஒத்துழைக்காத, தரையைவிட்டு எழும்பாத, சுழற்பந்துவீச்சாளர்களுக்கு மட்டுமே ஒத்துழைக்கும் மந்தமான ஆடுகளத்தில் இன்றைய ஆட்டமும் கடந்த ஆட்டத்தைப் போல் தொடங்கியது.

சுழற்பந்துவீச்சுக்கு சொர்க்கபுரி

லக்னெள தொடக்க ஆட்டக்காரர்கள், மேயர்ஸ், மனன் வோரா ஆகிய இருவரும் அதிரடியாக ஆட முயன்றாலும் ஆடுகளம் ஒத்துழைக்கவில்லை.

தீபக் சஹர் ஓவரில் 2 பவுண்டரிகளை அடித்து மேயர்ஸ் அதிரடிக்கு மாறினார்.

ஆனால் ஆடுகளத்தின் தன்மையையும், இடதுகை பேட்ஸ்மேன் களத்தில் இருப்பதை அறிந்த தோனி மொயின் அலியை பந்துவீச அழைத்தார். மொயின் அலி வீசிய 4வது ஓவரின் 4பந்தை மேயர்ஸ் தூக்கி அடிக்க, அதை கெய்க்வாட் கேட்ச் பிடித்து ஆட்டமிழக்கச் செய்தார்.

அதன்பின் தீக்சனா வீசிய 6வது ஓவரில் லக்னெள அணி இரு விக்கெட்டுகளை அடுத்தடுத்த பந்துகளில் இழந்தது. 6-வது ஓவரின் 4வது பந்தில் மனன் வோரா 10 ரன்கள் சேர்த்த நிலையில் க்ளீன் போல்டாகி வெளியேறினார், அடுத்த பந்தில் கேப்டன் குர்னல் பாண்டியா அடித்த ஷாட், ஸ்லிப்பில் இருந்த ரஹானேவால் கேட்ச் பிடிக்கடவே விக்கெட்டை இழந்தார்.

பட மூலாதாரம்,GETTY IMAGES

ஸ்டாய்னிஷை அதிரவைத்த ஜடேஜா பந்துவீச்சு

அடுத்து ஜடேஜா பந்துவீச அழைக்கப்பட்டார். தோனியின் முடிவுக்கும் கைமேல் பலன் கிடைத்தது. ஜடேஜா வீசிய 7-வது ஓவரின் 5வது பந்து அருமையான டர்ன் ஆகி, போல்டாகி ஸ்டாய்னிஷ் விக்கெட்டை சாய்த்தது.

டெஸ்ட் போட்டி பந்துவீச்சு போன்று இருந்ததைப் பார்த்த ஸ்டாய்னிஷ் என்ன நடந்தது என்பதை அறியாமல், சில வினாடிகள் திகைத்துப் போனார். அதன்பின் போல்ட் என்று தெரிந்தபின் பெவிலியன் திரும்பினார்.

கரன் சர்மா, நிகோலஸ் பூரன் இருவரும் சிறிது நேரம்தான் தாக்குப் பிடித்தனர். மொயின் அலி வீசிய 10வது ஓவரில் 4-வது பந்தில் ஸ்ட்ரைட் டிரைவை வலிமையாக அடிக்காமல் அவரிடமே கேட்ச் கொடுத்து கரன் சர்மா ஆட்டமிழந்தார்.

பவர்ப்ளேயில் 3விக்கெட் இழப்புக்கு 31 ரன்களும் 10 ஓவர்கள் முடிவில், 5 விக்கெட் இழப்புக்கு 44 ரன்கள் மட்டுமே லக்னெள அணி சேர்த்து பரிதாப நிலையில் இருந்தது.

இதே நிலை நீடித்தால் லக்னெள அணியின் ஸ்கோர் 100 ரன்களைக் கூட கடப்பது கடினம் என கருதப்பட்டது. ஆனால், பூரன், பதோனி கூட்டணி நம்பிக்கையளிக்கும் வகையில் பேட் செய்தனர்.

தனி ஒருவனாக பதோனி

Twitter பதிவை கடந்து செல்ல

காணொளிக் குறிப்புஎச்சரிக்கை: வெளியார் தளங்களில் உள்ள பதிவுகளுக்கு பிபிசி பொறுப்பேற்காது

Twitter பதிவின் முடிவு

அதிரடியாக ஆடக்கூடிய பூரன், பொறுப்புடன் விக்கெட்டை இழக்காமல் நிதானமாக பேட் செய்தார். தீக்சனா வீசிய 17-வது ஓவரில் பதோனி, ஒருசிக்ஸர், பவுண்டரி விளாசினார். இருவரின் பார்ட்னர்ஷிப்பும் 50 ரன்களை எட்டியது.

பதிரனா வீசிய 18-வது ஓவரில் நிகோலஸ் பூரன் 20 ரன்னில் ஆட்டமிழந்தார். இதில் ஒரு பவுண்டரி, சிக்ஸர் கூட பூரன் அடிக்கவில்லை என்பது குறிப்பிடத்தக்கது.சாஹர் வீசிய 19-வது ஓவரில் பதோனி, 2 சிக்ஸர்கள், ஒரு பவுண்டரி என 20 ரன்கள் சேர்த்து ஸ்கோரை உயர்த்தினார். பதிரனாவீசிய கடைசி ஓவரின் 2வது பந்தில் கிருஷ்ணப்பா கவுதம் ஆட்டமிழந்தார்.

பதோனி 33 பந்துகளில் 59 ரன்கள்(2பவுண்டரி, 4சிக்ஸர்கள்) என ஆட்டமிழக்காமல் இருந்தார். அப்போது திடீரென மழை குறுக்கிடவே ஆட்டம் நிறுத்தப்பட்டது. ஆனால், மழை நிற்காமல் தொடர்ந்து பெய்துவந்தது.

இருமுறை நடுவர்கள் மைதானத்தை ஆய்வு செய்துவந்தபோதிலும் விளையாடுவதற்கு ஏற்ற சூழல் இல்லை என்பதையடுத்து, ஆட்டம் கைவிடப்பட்டது.

https://www.bbc.com/tamil/articles/cg63vpdneqgo

[ஏராளன்]

ப்ளேஆஃப் பந்தயத்தில் மும்பை: 'பெருமையை மீட்ட' இஷான், சூர்யகுமார் - சிஎஸ்கே நிலை என்ன?

பட மூலாதாரம்,BCCI/ IPL

கட்டுரை தகவல்

• எழுதியவர்,போத்திராஜ்
• பதவி,பிபிசி தமிழுக்காக
• ஒரு மணி நேரத்துக்கு முன்னர்

2008-ம் ஆண்டு ஐ.பி.எல். முதல் சீசன் அறிமுகமாகும்போது, 20 ஓவர்களில் 140 முதல் 150 ரன்களை சேஸிங் செய்தாலே அது பெரிதாகப் பேசப்பட்டது. அதுதான் அதிகபட்ச ஸ்கோராகக்கூட இருந்தது.

ஆனால், காலங்கள் உருண்டோட புதிய இளம் பேட்ஸ்மேன்கள், ஒவ்வொரு அணிக்குள் வந்தபின், புதிய விதிகள், மாற்றங்கள் அறிமுகமாகியபின் சேஸிங் ஸ்கோர் அளவு அதிகரித்தது. கடந்த சீசன் வரை சராசரியாக 180 ரன்களைக் கூட அணிகள் எளிதாக சேஸிங் செய்ய முடியும் என்ற நிலை இருந்தது.

ஆனால், இந்த சீசனில் “இம்ஃபாக்ட் பிளேயர்” என்ற அம்சம் அறிமுகமாகியபின் , ஒவ்வொரு அணியின் சராசரி சேஸிங் ஸ்கோர் 200 ரன்களுக்கு மேல் என்ற நிலை உருவாகி ஐபிஎல் தொடரில் புதிய மைல்கல்லை எட்டியுள்ளது.

அதுமட்டுமல்லாமல் இந்த சீசன் தொடங்கியதிலிருந்து 5 முறை வெவ்வேறு அணிகள் 200-க்கும் மேற்பட்ட ரன்களை எளிதாக சேஸிங் செய்துள்ளதும் குறிப்பிடத்தக்கது.

 

மொஹாலியில் நேற்று நடந்த ஐ.பி.எல். லீக்கின் 46-வது ஆட்டத்தில் பஞ்சாப் கிங்ஸ் அணி நிர்ணயித்த 214 ரன்கள் என்ற இலக்கை மும்பை இந்தியன்ஸ் அணி 18.5 ஓவர்களில் சேஸிங் செய்து, 6 விக்கெட் வித்தியாசத்தில் வென்றது.

• ஐபிஎல்: சிஎஸ்கே Vs லக்னெள தான் தோனிக்கு இறுதித்தொடரா? ரசிகர்களை தொற்றிய திடீர் பரபரப்பு3 மே 2023
• நவீன் உல் ஹக்: கோலி - கம்பீர் மோதலின் தொடக்கப் புள்ளியான வீரர் யார்? நடந்தது என்ன? - முழு விவரம்3 மே 2023
• சல்மான் கான் சொல்லும் 'பெண் ஆடை கட்டுப்பாடு' சர்சையானது ஏன்? ஓர் அலசல்3 மே 2023

அதுமட்டும்லலாமல் மொஹாலி மைதானத்தில் நடந்த ஐபிஎல் போட்டியில் 200க்கும் மேற்பட்ட ரன்களை சேஸிங் செய்த முதல் அணியும் மும்பை இந்தியன்ஸ்தான்.

மும்பையில் நடைபெற்ற இரு அணிகளுக்கும் இடையேயான முந்தைய ஆட்டத்தில் பஞ்சாப் அணி 215 ரன்களை குவித்து 13 ரன்கள் வித்தியாசத்தில் வெற்றி பெற்றிருந்தது. ஹோம் கிரவுண்டில் அடைந்த தோல்விக்கு பதிலடி கொடுக்கும் விதமாக மொகாலியில் மும்பை வெற்றியை தன் வசப்படுத்தியுள்ளது.

பட மூலாதாரம்,BCCI/ IPL

மும்பை இந்தியன்ஸ் சாதனைகள்

ஆட்டநாயகன் விருது பெற்ற இஷான் கிஷன்(41பந்துகளில் 75), சூர்யகுமார் யாதவ்(31பந்துகளில் 66 ரன்கள்), திலக் வர்மா(26), டிம் டேவிட்(19) ஆகியோரின் ஆர்ப்பரிப்பான ஆட்டத்தின் காரணமாக இமாலய இலக்கை தொடர்ந்து 2வது முறையாக மும்பை அணியால் சேஸிங் செய்ய முடிந்துள்ளது.

கடந்த 2020ம் ஆண்டு குயின்டன் டீ காக், இஷான் கிஷன் 100 ரன்களுக்கும் மேல் சிஎஸ்கே அணிக்கு எதிராக பார்ட்னர்ஷிப் அமைத்திருந்தனர். அதன்பின் 3 ஆண்டுகளுக்குப்பின் இந்த ஆட்டத்தில் 100 ரன்களுக்கும் மேல் பார்ட்னர்ஷிப் அமைந்துள்ளது.

இந்த சீசனில் மும்பை இந்தியன்ஸ் அணி தொடர்ந்து பெறும் 2வது வெற்றி இதுவாகும். தொடர்ந்து 2வது முறையாக 200-க்கும் மேற்பட்ட ரன்களை அந்த அணி சேஸிங் செய்துள்ளது.

ஐபிஎல் வரலாற்றில் 200க்கும் மேற்பட்ட ரன்களை தொடர்ந்து 2வது முறையாக சேஸிங் செய்த 3வது அணியாக மும்பை இந்தியன்ஸ் மாறியுள்ளது.

பஞ்சாப் கிங்ஸ் அணியும் இந்த சீசனில் முரட்டுத்தனமாக ஆடி வருகிறது, தொடர்ந்து 4வது முறையாக 200க்கும் மேற்பட்ட ரன்களை அடித்ததுள்ளது. இதில் மும்பைக்கு எதிராக மட்டும் 2முறை 200க்கும் மேற்பட்ட ரன்களையும், சிஎஸ்கே, லக்னெள அணிகளுக்கு எதிராக தலா ஒருமுறையும் 200க்கும் மேற்பட்ட ரன்களை பஞ்சாப் கிங்ஸ் குவித்திருந்தது.

பட மூலாதாரம்,BCCI/ IPL

பந்துவீச்சாளர்களைக் குறை சொல்வதா?

மொஹாலி ஆடுகளம் பேட்ஸ்மேன்களுக்கு சொர்க்கபுரியாகும். இங்கு சுழற்பந்துவீச்சுமட்டுமே ஓரளவுக்கு கைக்கொடுக்கும். மற்றவகையில் வேகப்பந்துவீச்சாளர்கள் வீசும்பந்து பேட்ஸ்மேன்களின் பேட்டுக்கு நன்றாக எழும்பி, வேகமாக வரும். இதனால் அடித்து ஆடுவதற்கு வசதியாக இருக்கும் என்பதால், இந்த ஆடுகளத்தில் இரு அணிகளும் 200 ரன்களுக்கு மேல் அடித்து தங்கள் வலிமையை நிரூபித்தன.

இதில் பந்துவீச்சாளர்களின் நிலைமைதான் படுமோசம். இதுபோன்று ஆடுகளில் பந்துவீசும் பந்துவீச்சாளர்களில் ஒரு சிலர் ரன்வேட்டைக்கு இலக்காவது தவிர்க்க முடியாது. அந்த வகையில் பஞ்சாப் வீரர் அர்ஷ்தீப் சிங் நேற்று 4 ஓவர்கள் வீசி 66 ரன்களை வாரி வழங்கினார், இது ஐபிஎல் வரலாற்றில் 3வது மோசமான பந்துவீச்சாகும். அதைத் தொடர்ந்து சாம் கரன் 3 ஓவர்கள் வீசி 41 ரன்கள் வழங்கினார்.

மும்பை அணி பந்துவீச்சாளர்களும் சளைத்தவர்கள் இல்லை. அர்ஷத் கான் 4 ஓவர்கள் வீசி 48, ஜோப்ரா ஆர்ச்சர் 4 ஓவர்கள் வீசி 56 ரன்களை வாரி வழங்கினர். பேட்ஸ்மேன்களின் ராஜ்ஜியம் நடக்கும் இதுபோன்ற “ஹைஸ்கோர் பிட்ச்களில்” பந்துவீச்சாளர்கள் பலியாவதை தடுப்பது என்பது கடினம்தான்.

பட மூலாதாரம்,BCCI/ IPL

லிவிங்ஸ்டன்-ஜிதேஷ் சர்மா கூட்டணி

பஞ்சாப் கிங்ஸ் அணி தொடக்கத்திலேயே அதிரடி வீரர் பிரப்சிம்ரன் விக்கெட்டை இழந்தது. கேப்டன் ஷிகர் தவண்(30), மேத்யூ ஷார்ட்(27) என சோபிக்கவில்லை. இதனால், பவர்ப்ளேயில் ஒரு விக்கெட் இழப்புக்கு 50 ரன்கள் சேர்த்திருந்தது. 12-வது ஓவர்கள்வரை பஞ்சாப் அணி 3 விக்கெட் இழப்புக்கு 92 ரன்கள்தான் சேர்த்திருந்தது. 200 ரன்களை எட்டுமா என்ற கேள்வியும் இருந்தது.

ஆனால், 4வது விக்கெட்டுக்கு ஜிதேஷ் சர்மா, லிவிங்ஸ்டன் கூட்டணி ஆட்டத்தின்போக்கை மாற்றி மும்பை பந்துவீச்சாளர்களின் பந்துவீச்சை வெளுத்து வாங்கினர், மைதானத்தின் நாலாபுறமும் சிக்ஸர்களும், பவுண்டரிகளும் பறந்தன.

12 ஓவர்கள் வரை 92 ரன்கள் சேர்த்திருந்த பஞ்சாப் கிங்ஸ் அணி 15 –வது ஓவர்கள் முடிவில் 150 ரன்களை எட்டியது. ஏறக்குறைய அடுத்த 8 ஓவர்களில் 119 ரன்கள் சேர்த்து 200 ரன்களுக்கு மேல் ஸ்கோரை கொண்டு சென்றனர்..

அதிலும் 15 ஓவர்களுக்குப்பின் லிவிங்ஸ்டன் ஆட்டம் டாப் கியருக்கு மாறியது. ஜோப்ரா ஆர்ச்சர் ஓவரில் ஹாட்ரிக் சிக்ஸர்களை விளாசி ரசிகர்களுக்கு விருந்தளித்து 32 பந்துகளில் அரைசதத்தை எட்டினார். 44 பந்துகளில் 4வது விக்கெட்டுக்கு இருவரும் 100ரன்களைச் சேர்த்தனர்.

இந்த சீசனில் கலக்கிவரும் ஜிதேஷ் சர்மாவும் களத்துக்கு வந்தது முதல் மோசமாக வீசப்பட்ட பந்துகளை பவுண்டரிக்கும், சிக்ஸருக்கும் விளாசத் தவறவில்லை. அதிரடியாக ஆடிய ஜிதேஷ் சர்மா 27பந்துகளில் 49 ரன்கள்(2சிக்ஸர், 5பவுண்டரிகள்) சேர்த்து ஆட்டமிழக்காமல் இருந்தார்.

இந்த சீசனின் இடைப்பகுதியில் வந்த லிவிங்ஸ்டன் சில ஆட்டங்களில் சோபிக்கவில்லை, ஆனால் சிஎஸ்கே அணிக்கு எதிராக இவரின் அதிரடிதான் ஆட்டத்தில் திருப்புமுனையை ஏற்படுத்தியது. இந்த ஆட்டத்திலும் 15 ஓவர்களுக்கு மேல் ருத்ரதாண்டவம் ஆடிய லிவிங்ஸ்டன் 42 பந்துகளில் 82 ரன்கள் சேர்த்து(4சிக்ஸர், 7பவுண்டரி) இறுதி வரை ஆட்டமிழக்காமல் இருந்தார்.

இருவரின் பார்ட்னர்ஷிப்பை பிரிக்க மும்பை இந்தியன்ஸ் கேப்டன் ரோஹித் சர்மா 6 பந்துவீச்சாளர்களைப் பயன்படுத்தியும் கடைசிவரை இருவரையும் பிரிக்க முடியாமல் தோல்வி அடைந்தார்.

பட மூலாதாரம்,BCCI/ IPL

பஞ்சாப் கிங்ஸ் தோல்வி ஏன்?

பஞ்சாப் கிங்ஸ் அணி தொடக்கத்திலேயே ரோஹித் சர்மா விக்கெட்டுகளை வீழ்த்தியவுடனே மும்பை இந்தியன்ஸ் அணிக்கு நெருக்கடி அளித்திருக்க வேண்டும். ஆனால், இந்த வாய்ப்பை தவறவிட்டது. மொஹாலி ஆடுகளம் பேட்ஸ்மேன்களுக்கு ஏற்றது, சுழற்பந்துவீச்சாளர்களுக்கு ஒத்துழைக்கும் என்பதால், கூடுதலாக ஒரு சுழற்பந்துவீச்சாளரை சேர்த்திருக்க வேண்டும்.

ஆனால், அதைச் செய்யவில்லை, மாறாக, ராகுல் சாஹர், ஹர்பிரீத் பிரார் இருவரும் கட்டுக் கோப்பாகவே பந்துவீசினர், ஆனால், இருவருக்குமே 4 ஓவர்களை முழுமையாக கேப்டன் தவண் வழங்கவில்லை. இருவருக்கும் முழுமையாக 4 ஓவர்கள் வழங்கி இருந்தால் மும்பை பேட்ஸ்மேன்களின் ரன் சேர்க்கும் வேகம் குறைந்திருக்கும். அதிலும் நடுப்பகுதியில் 3 ஓவர்களை இருவரும் வீசச் செய்திருந்தால், இஷான் கிஷன், சூர்யகுமார் யாதவ் விக்கெட்டுகளையும் வீழ்த்தியிருக்க முடியும்.

அதேபோல ரிஷி தவண் கட்டுக்கோப்பாகப் பந்துவீசி 3 ஓவர்களில் 20 ரன்கள் கொடுத்து ஒருவிக்கெட்டையும் வீழ்த்தியிருந்தார், அவருக்கும் கூடுதலாக ஒரு ஓவரை தவண் வழங்கவில்லை. ஆனால், அர்ஷ்தீப் சிங், சாம் கரன் பந்துவீச்சை வெளுத்து வாங்குகிறார்கள் எனத் தெரிந்தும் இடதுகை வேகப்பந்துவீச்சாளர்களுக்கு தொடர்ந்து ஓவர்களை வழங்கியதுதான் ரன் குவிப்புக்கு காரணமாகும்.

இதுபோன்ற ஹை-ஸ்கோர் ஆடுகளங்களில் பந்துவீச்சாளர்களை குறைகூறுவது இயல்புக்கு மாறானது. ஆனால், அவர்களை எவ்வாறு பயன்படுத்துவது, ரொட்டேட் செய்வது, சூழலுக்கு ஏற்றார்போல் பந்துவீசச் செய்வது என்பதை கேப்டன் தவண் முடிவு செய்திருக்க வேண்டும். இந்த ஆட்டத்தில் 200க்கும் மேற்பட்ட ரன்களை அடித்திருந்தும் அதை டிபெஃண்ட் செய்ய முடியாமல், தோற்றது என்பது பந்துவீச்சாளர்களை சரியாக கையாள முடியாத கேப்டன்ஷிப் தோல்வியால் கிடைத்த தோல்வியாகும்.

அதுமட்டுமல்லாமல் ரோஹித் சர்மா, கேமரூன் க்ரீன் ஆகியோரின் விக்கெட்டை வீழ்த்தியவுடனே ஆட்டம் தங்கள் கைகளுக்கு வந்துவிட்டது என்ற அதீத நம்பிக்கையும் பஞ்சாப் கிங்ஸ் தோல்விக்கு காரணம். மும்பை இந்தியன்ஸ் நடுவரிசை பேட்ஸ்மேன்கள் கடந்த சில போட்டிகளாக சிறப்பாக விளையாடி வருகின்றனர் என்பதை உணர்ந்து நடுவரிசை பேட்ஸ்மேன்களுக்கு நெருக்கடி அளிக்கத் தவறியதும் தோல்விக்கு காரணமாகும்.

பட மூலாதாரம்,BCCI/ IPL

“சுழற்பந்துவீச்சை பயன்படுத்தவில்லை”

தோல்விக்குப்பின் பஞ்சாப் கிங்ஸ் கேப்டன் ஷிகர் தவண் கூறுகையில் “ நாங்கள் சிறப்பாகவே தொடங்கினோம், நல்ல ஸ்கோரையும் அடித்தோம். ஆனால், துரதிர்ஷ்டம் அதை டிபெண்ட் செய்ய முடியவில்லை. ரிஷி தவண் நன்றாகப் பந்துவீசினார், பவர்ப்ளேயில் கட்டுக்கோப்பாக பந்துவீசியிருக்க வேண்டும். இஷான் கிஷன், சூர்யா இருவரும் வெற்றியை எங்களிடம் இருந்து பறித்துவிட்டனர்.

பேட்ஸ்மேன்களுக்கு ஏற்றஆடுகளமாக இருப்பதால் இன்னும் கட்டுக்கோப்பாக பந்துவீசியிருக்க வேண்டும். பந்துவீச்சாளர்கள் தங்கள் பந்துவீச்சில் வித்தியாசத்தை வெளிப்படுத்தி வீசுவது நல்ல பலனை அளித்தது, நாதன் எல்லீஸ் சிறப்பாக இதைச் செய்தார், ஆனால், இதை மற்ற பந்துவீச்சாளர்கள் பின்பற்றவில்லை. இன்னும் கூடுதலாக சுழற்பந்துவீச்சாளர்களை நாங்கள் பயன்படுத்தியிருந்தால், வெற்றி பெற்றிருப்போம்” எனத் தெரிவித்தார்

மும்பை இந்தியன்ஸ் வெற்றி நாயகர்கள்

மும்பை இந்தியன்ஸ் கேப்டன் ரோஹித் சர்மா இந்த சீசனில் மோசமான ஃபார்மில் இருப்பது வேதனைக்குரியது. இந்த ஆட்டத்திலும் டக்அவுட்டில் ரோஹித் வெளியேறி, ஐபிஎல் தொடரில் 15-வது டக்அவுட்டை பதிவு செய்தார்.

ரோஹித் சர்மா வெளியேறியபின் ஏற்பட்ட அழுத்தத்தை இஷான் கிஷன், கேமரூன் க்ரீன் ஓரளவுக்கு சமாளித்து பேட்செய்தனர். சிறிய கேமியோ ஆடிய கேமரூன் 23 ரன்னில் எல்லீஸ் பந்துவீச்சில் ஆட்டமிழந்தார். பவர்ப்ளேயில் 2 விக்கெட் இழப்புக்கு 50 ரன்கள் சேர்த்திருந்தது.

இஷான் கிஷன், சூர்யகுமார் யாதவ் கூட்டணி சேர்ந்தபின்புதான் ஆட்டத்தில் அனல் பறந்தது. ஓவருக்கு 11.50 ரன் ரேட் வீதம் வெற்றிக்கு 161 ரன்கள் தேவைப்பட்டது. இருவரும் 10வது ஓவரில் இருந்து அதிரடியைத் தொடங்கினர்.

ஹர்ப்ரீத் பிரார் பந்துவீச்சில் இஷான் கிஷன் சிக்ஸர் , பவுண்டரி என 14 ரன்களை விளாச, ராகுல் சஹர் பந்துவீச்சில் இரு சிக்ஸர்கள் உள்ளிட்ட 14 ரன்களை சூர்யகுமாரும் அடித்தார். ஒரு கட்டத்தில் ஆட்டம் பஞ்சாப் கிங்ஸ் கையில்தான் இருந்தது. 8 ஓவர்களில் மும்பை இந்தியன்ஸ் அணிக்கு வெற்றிக்கு 100 ரன்கள் வரை தேவைப்பட்டது.

பட மூலாதாரம்,BCCI/ IPL

திருப்புமுனை ஓவர்

இந்த சூழலில்தான் சாம் கரன் வீசிய ஓவர் ஆட்டத்தில் திருப்புமுனையை ஏற்படுத்தியது. சாம் கரன்வீசிய ஓவரில் 2 சிக்ஸர்கள், 2பவுண்டரிகள் என 23 ரன்களை சூர்யகுமார் விளாசி 23 பந்துகளில் அரைசதத்தை அடித்தார்.

அர்ஷ்தீப் வீசிய ஓவரில் ஒரு சிஸ்கர், 2 பவுண்டரிகள் என இஷாந் கிஷன் அடித்து நொறுக்க ஆட்டம் மும்பை இந்தியன்ஸ் கைகளுக்கு வந்தது. கடைசி 30 பந்துகளில் மும்பை வெற்றிக்கு 45 ரன்கள் மட்டுமே தேவைப்பட்டது.

எல்லீஸ் வீசிய 16வது ஓவரில் சூர்யகுமார் யாதவ்(66) ரன்னில் ஆட்டமிழந்தார். அர்ஷ்தீப் வீசிய 17-வது ஓவரில் இஷான் கிஷன் 75 ரன்னில் தவணிடம் கேட்ச் கொடுத்து வெளியேறினார்.

இரு செட்டிலான பேட்ஸ்மேன்கள் வெளியேறியபின் மும்பை வெற்றிக்கு தடுமாறுமா என்று எதிர்பார்க்கப்பட்டது. ஆனால், களத்தில் இருந்த டிம் டேவிட், திலக் வர்மா இருவருமே ஆபத்தான பேட்ஸ்மேன்கள். திலக் வர்மா களமிறங்கியவுடன், அர்ஷ்தீப் வீசிய 17வது ஓவரில் 2 சிக்ஸர்கள், ஒருபவுண்டரியை விளாசி 16 ரன்கள் சேர்த்தார்.

இதனால் மும்பை இந்தியன்ஸ் அணிக்கு இருந்த நெருக்கடி பாதியாகக் குறைந்து கடைசி இரு ஓவர்களில் வெற்றிக்கு 12 ரன்கள் தேவைப்பட்டது. அர்ஷ்தீப் வீசிய 19வது ஓவரில் டேவிட் முதல் பந்தில் பவுண்டரி அடித்தார், அதன்பின் ஒரு ரன் அடித்து திலக் வர்மாவிடம் ஸ்ட்ரைக்கை அளித்தார். திலக் வர்மா 2 ரன்கள் சேர்த்தபின், கடைசிப் பந்தில் 103 மீட்டர் நீளத்துக்கு மிகப்பெரிய சிக்ஸரை விளாசி மும்பை இந்தியன்ஸுக்கு வெற்றி தேடித்தந்தார்.

திலக் வர்மா 26(10பந்துகள் 3சிக்ஸர்,ஒரு பவுண்டரி ), டிம் டேவிட்(19 ரன்கள்) இருவரும் இறுதிவரை ஆட்டமிழக்காமல் இருந்தனர்.

பட மூலாதாரம்,BCCI/ IPL

“ஜாக்பாட்” பியூஷ் சாவ்லா

இந்த ஐபிஎல் ஏலத்தில் கண்டுகொள்ளப்படாமல் ரூ.50 லட்சத்துக்கு மட்டுமே வாங்கப்பட்டத மூத்த சுழற்பந்துவீச்சாளர் பியூஷ் சாவ்லா கலக்கி வருகிறார். கோடிகளுக்கு வாங்கப்பட்ட பந்துவீச்சாளர்கள் சொதப்பி வரும்நிலையில், அனுபவத்தின் மூலம் பியூஷ் சாவ்லா தனது இருப்பை நிரூபித்து வருகிறார். இந்த ஆட்டத்தில் 4 ஓவர்கள் வீசி 29 ரன்கள் கொடுத்து 2 வி்க்கெட்டுகளை வீழ்த்தி அசத்தியுள்ளார். 50 லட்சத்துக்கு பியூஷ் சாவ்லாவை வாங்கிய மும்பை இந்தியன்ஸுக்கு நிச்சயம் சாவ்லா ஜாக்பாட்டாவே இருந்து வருகிறார்.

பட மூலாதாரம்,BCCI/ IPL

சக்திக்கு காரணம் இவர்தான்

ஆட்டநாயகன் விருது வென்ற இஷான் கிஷன் கூறுகையில் “ ஆடுகளம் பேட்ஸ்மேன்களுக்கு ஏற்றார்போல் இருந்தது, அதனால்தான் ஸ்கோரை சேஸிங் செய்ய முடிந்தது, 20 ஓவர்கள்வரை பேட் செய்ய நினைத்தேன். சேஸிங்கில் இருக்கும்போது, அதற்கான தருணம் அமைந்தால் எளிதாகும் அது எங்களுக்கு கிடைத்தது. எங்களின் திட்டத்தையும், பயிற்சியாளரின் அறிவுரையையும் சரியாகச் செயல்படுத்தினோம். நல்ல பந்துவீச்சு இருந்தால்கூட, திட்டமிடல் சரியாக இருந்தால் சேஸிங் பற்றி கவலையில்லை, கடைசிஓவர்வரை ஆட்டத்தை பரபரப்பாகக் கொண்டு செல்லவும் தேவையில்லை. விரைவாக சேஸிங் செய்ய முயலும்போது, புதிய பேட்ஸ்மேன்களுக்கும் அது எளிதாக இருக்கும். இதற்கு முன் பல மூத்த வீரர்கள் எங்களுக்கு உதாரணமாக இருந்துள்ளார்.

போட்டிகளின்போது நான் செய்யும் உடற்பயிற்சி, கட்டுக்கோப்பாக வைத்திருப்பது, பெரிய ஷாட்களை ஆடுவதற்கு உதவியாக இருக்கிறது. என்னுடைய உடல் கட்டுக் கோப்புக்கும், சக்திக்கும் என்னுடைய அம்மா என்னுடனே இருந்து சமையல் செய்து கொடுப்பதும், வீட்டுச் சாப்பாட்டை சாப்பிடுவதுதான் காரணம். என்னுடைய சக்திக்கு என் அம்மாதான் காரணம்” எனத் தெரிவித்தார்

புள்ளிப் பட்டியல் எப்படி உள்ளது?

இந்த வெற்றியின் மூலம் மும்பை இந்தியன்ஸ் அணி 9 போட்டிகளில் 5 வெற்றிகள் என 10 புள்ளிகளுடன் 6-வது இடத்துக்கு நகர்ந்துள்ளது. குஜராத் டைடன்ஸ் 12 புள்ளிகளுடன் முதல் இடத்திலும், லக்னௌ, சிஎஸ்கே ஆகிய அணிகள் தலா 11 புள்ளிகளுடன் முறையே 2,3வது இடங்களில் உள்ளன. 10 புள்ளிகளுடன் மட்டும் மும்பை இந்தியன்ஸ், பஞ்சாப் கிங்ஸ், ஆர்சிபி, ராஜஸ்தான் ராயல்ஸ் ஆகிய 4 அணிகள் உள்ளதால், ப்ளே ஆஃப் சுற்றுக்கு செல்ல கடுமையான போட்டி இனிவரும் ஆட்டங்களில் இருக்கும்.

சென்னை சூப்பர் கிங்ஸ் அணியைப் பொறுத்தவரை லக்னௌவுடனான ஆட்டம் மழையால் ரத்து செய்யப்பட்டதால், இரு அணிகளுக்குமே தலா ஒரு புள்ளி வழங்கப்பட்டது. இதனால், இரு அணிகளும் 11 புள்ளிகளுடன் உள்ளன. மும்பை- மற்றும் சென்னை அணிகளுக்கு இடையேயான ஆட்டம் வரும் மே 6ஆம் தேதி சென்னை சேப்பாக்கம் மைதானத்தில் நடைபெறவுள்ளது. இதில், வெற்றி பெறுவது என்பது ப்ளே ஆஃப் வாய்ப்பை பிரகாசமாக்கிக் கொள்வதற்கு இரு அணிகளுக்கு வாய்ப்பாக அமையும் என்பதால் இந்த ஆட்டத்திற்கு ரசிகர்கள் மத்தியில் எதிர்பார்ப்பு ஏற்பட்டுள்ளது.

https://www.bbc.com/tamil/articles/cy90k42dyz8o

[ஏராளன்]

தமிழ்நாடு வீரர்களின் கடைசி ஓவர் மேஜிக்: நடராஜனின் மிரட்டலை வருண் சக்கரவர்த்தி முறியடித்தது எப்படி?

பட மூலாதாரம்,BCCI/IPL

கட்டுரை தகவல்

• எழுதியவர்,போத்திராஜ்
• பதவி,பிபிசி தமிழுக்காக
• 3 மணி நேரங்களுக்கு முன்னர்

தமிழக வீரர் வருண் சக்கரவர்த்திதான் கொல்கத்தா, ஹைதராபாத் ஐபிஎல் போட்டியின் ஹீரோ. கொல்கத்தா நைட் ரைடர்ஸ் அணியின் ‘சக்கரவர்த்தியாக’ வருண் வீசிய கடைசி ஓவர் மட்டுமல்ல, 16 மற்றும் 18-வது ஓவர்களும் ஆட்டத்தின் திருப்புமுனையாக அமைந்தன.

வருண் சக்கரவர்த்தி 16, 18 மற்றும் 20 ஓவர்களை வீசி வெறும் 12 ரன்கள் மட்டுமே கொடுத்து வெற்றிக்கு முத்தாய்ப்பாகத் திகழ்ந்தார். இதில் 4 ரன்கள் பைஸ் மற்றும் லெக்பைஸாக வந்தவை. ஒட்டுமொத்தமாக 4 ஓவர்கள் வீசி 20 ரன்கள் கொடுத்த வருண் ஒரு விக்கெட்டை வீழ்த்தி ஆட்டநாயகன் விருதையும் வென்றார்.

ஹைதராபாத் அணியில் இடம்பெற்றிருக்கும் தமிழக வீரரான நடராஜன், தனது அணிக்காக கடைசி ஓவரில் நிகழ்த்திய அற்புதங்களை விஞ்சுவதாக வருண் சக்கரவர்த்தியின் ஆட்டம் இருந்தது.

த்ரில்லான கடைசி ஓவர்

கடைசி ஓவரில் சன்ரைசர்ஸ் அணி வெற்றிக்கு 9 ரன்கள் தேவைப்பட்டன . சர்துல் தாக்கூர் பந்துவீச அழைக்கப்பட்டாலும் தானாக முன்வந்து வருண் சக்கரவர்த்தி பந்துவீச வாய்ப்பு பெற்றார்.

கடைசி ஓவரில் புவனேஷ்வர், அப்துல் சமது ஆகிய இரு அதிரடி பேட்ஸ்மேன்கள் களத்தில் இருந்தபோதிலும் வருண் சக்கரவர்த்தியின் நேர்த்தியான, திணறவைக்கும் சுழற்பந்துவீச்சு ரன் சேர்க்கவிடாமல் கட்டிப்போட்டது. வருண் வீசிய முதல் பந்தில் அப்துல் சமது ஒரு ரன் எடுத்தார், 2வது பந்தில் புவனேஷ்வர் லெக்பையில் ஒரு ரன் எடுத்தார்.

 

3வது பந்தை அப்துல் சமது மிட்விக்கெட்டில் தூக்கி அடிக்க அங்குல் ராய் கேட்ச் பிடிக்கவே 21 ரன்னில் விக்கெட்டை இழந்தார். கடைசி 3 பந்துகளில் 7 ரன்கள் தேவைப்பட்டது, மயங்க் மார்க்கண்டே 4-வது பந்தில் ரன் எடுக்கவில்லை, 5வது பந்தில் மார்க்கண்டே ஒரு ரன் எடுத்து ஸ்ட்ரைக்கை புவனேஷ்குமாரிடம் அளித்தார்.

கடைசிப் பந்தில் சிக்ஸர் அடித்தால் சன்ரைசர்ஸ் வெற்றி பெறும் என்ற நிலையில் புவனேஷ்வர் எதிர்கொண்டார். ஆனால் கடைசிப் பந்தை வருண் சக்கரவர்த்தி 107 கி.மீ வேகத்தில் வேகமாக வீச, அதை தவறாகக் கணித்து புவனேஷ்வர் அடிக்கத் தவறினார். இதையடுத்து, 5 ரன்கள் வித்தியாசத்தில் கொல்கத்தா அணி வென்றது.

172 ரன்கள் சேர்த்தால் வெற்றி எனும் இலக்குடன் களமிறங்கிய சன்ரைசர்ஸ் ஹைதராபாத் அணி 8 விக்கெட் இழப்புக்கு 166 ரன்கள் சேர்த்து தோல்வி அடைந்தது.

பட மூலாதாரம்,BCCI/IPL

ப்ளே ஆஃப் ரேஸ்

இந்த வெற்றியின் மூலம் கொல்கத்தை நைட்ரைடர்ஸ் அணி 10 போட்டிகளில் 4 வெற்றிகள், 6 தோல்விகள் என 8 புள்ளிகளுடன் 8-வது இடத்தில் இருக்கிறது. சன்ரைசர்ஸ் அணி 9 ஆட்டங்களில் 3 தோல்வி, 3 வெற்றி என 6 புள்ளிகளுடன் 9-வது இடத்தில் இருக்கிறது.

இந்த ஆட்டத்தில் கொல்கத்தை நைட்ரைடர்ஸ் அணி கட்டாய வெற்றியை நோக்கி விளையாடியது. வருண் சக்கரவர்த்தியால் கிடைத்த வெற்றி என்பது ப்ளே ஆஃப் சுற்றுக்கு செல்வதற்கான ரேஸில் தன்னையும் இணைத்துக் கொள்ள கொல்கத்தாவுக்கு வாய்ப்பாக அமைந்துள்ளது.

கொல்கத்தா அணி அடுத்து ஒரு வெற்றி பெற்றால், 10 புள்ளிகளுடன் இருக்கும் அணிகள் வரிசையில் இடம் பெற்று, ப்ளேஆஃப் கோதாவில் பங்கேற்கும். இந்த வாய்ப்பை கொல்கத்தா அணிக்கு பெற்றுத் தந்தவர்களில் முக்கியமானவர் வருண் சக்கரவர்த்தி என்பதில் மிகையில்லை.

இந்த சீசனில் முதல் ஆட்டத்தில் சன்ரைசர்ஸ் அணியிடம் 23 ரன்கள் வித்தியாசத்தில் கொல்கத்தா அணி தோல்வி அடைந்திருந்த நிலையில் அந்தத் தோல்விக்கு நேற்று பழிதீர்த்துக் கொண்டது.

கட்டுக்கோப்பான கடைசி 5 ஓவர்கள்

கடைசி 30 பந்துகளில் சன்ரைசர்ஸ் அணியின் வெற்றிக்கு 38 ரன்கள் மட்டுமே தேவைப்பட்டதால், ஆட்டத்தின் போக்கு சன்ரைசர்ஸ் அணியின் பக்கமே இருந்தது. ஆனால், கொல்கத்தா அணியின் டெத் ஓவர் பந்துவீச்சாளர்களான அரோரோ, வருண் இருவரும் ஆட்டத்தின் போக்கையே மாற்றி தங்கள் பக்கம் திருப்பினர்.

16-வது ஓவரை வீசிய வருண் சக்கரவர்த்தி 4 ரன்கள் மட்டுமே கொடுத்தார்.

17-வது ஓவரை வீசிய அரோரா, 8 ரன்கள் கொடுத்து மார்க்ரம்(41)விக்கெட்டை வீழ்த்தினார்.

வருண் வீசிய 18-வது ஓவரில் 5 ரன்கள் மட்டுமே சன்ரைசர்ஸ் சேர்த்தது.

கடைசி 12 பந்துகளில் சன்ரைசர்ஸ் அணி வெற்றிக்கு 21 ரன்கள் தேவைப்பட்டநிலையில், அரோரா வீசிய 19வது ஓவரில் 12 ரன்களைச் சேர்த்த சன்ரைசர்ஸ் ஜான்சன் விக்கெட்டையும் இழந்தது.

கடைசி ஓவரில் வெற்றிக்கு 9 ரன்கள் தேவைப்பட்ட நிலையில் வருண் சக்கரவர்த்தியின் நேர்த்தியான பந்துவீச்சில் 3 ரன்கள் மட்டுமே சன்ரைசர்ஸ் அணியால் எடுக்க முடிந்தது.

பட மூலாதாரம்,BCCI/IPL

"பல் இல்லாத" பேட்டிங்

172 ரன்களை சேஸிங் செய்ய புறப்பட்ட சன்ரைசர்ஸ் அணியின் பேட்டிங் வரிசை பல் இல்லாத பேட்டிங் வரிசை போன்று, அதாவது எதிரணிக்கு எந்த விதத்திலும் சவாலாக இல்லாத வகையில்தான் பேட்ஸ்மேன்கள் அமைந்துள்ளனர்.

தொடக்க ஆட்டக்காரர் அபிஷேக் சர்மா(9) ரன்னில் சர்துல் தாக்கூர் பந்துவீச்சில் ஆட்டமிழந்தார். கொல்கத்தா அணியின் வேகப்பந்துவீச்சாளர் ஹர்சித் ராணா நேற்று சிறப்பாகப் பந்தவீசினார். தொடக்க ஆட்டக்காரர் மயங்க் அகர்வாலை(18) செட்டில் ஆகவிடாமல் பவுன்ஸரில் வெளியேற்றினார். இந்த சீசன் முழுவதுமே அகர்வாலுக்கு மோசமானதாக மாறிவிட்டது.

அடுத்துவந்த ராகுல் திரிபாதி சில பவுண்டரிகளையும், ஒரு சிக்ஸரையும் அடித்தநிலையில், 20ரன்னில் ரஸல் பந்துவீச்சில் விக்கெட்டை பறிகொடுத்தார்.

ராகுல் திரிபாதி கொல்கத்தா அணியில் ஆடியபோது இருந்த ஆட்டத்துக்கும், சன்ரைசர்ஸ் அணியில் இணைந்தபின் வெளிப்படுத்தும் பேட்டிங்கிற்கும் வேறுபாடு இருக்கிறது. ராகுல் திரிபாதி இந்த சீசன் முழுவதுமே பெரிதாக எந்த போட்டியிலும் ஸ்கோர் செய்யவில்லை, களத்துக்கு வந்து சில பவுண்டரி, சிக்ஸர் அடித்து சிறிய கேமியோ ஆடிவிட்டு மட்டுமே சென்றுள்ளார். அனைத்து பந்துகளையுமே சிக்ஸர், பவுண்டரி அடிக்கும் நோக்கில் ஆடியே திரிபாதி விக்கெட்டை இழந்துள்ளார்.

ரூ.13 கோடி வீரரின் டக் அவுட் சாதனை

பவர்ப்ளே ஓவருக்குள் 3 விக்கெட்டுகளை இழந்த சன்ரைசர்ஸ் அணி 53 ரன்கள் சேர்த்தது. மிகவும் எதிர்பார்க்கப்பட்ட ரூ.13 கோடிக்கு வாங்கப்பட்ட ஹேரி ப்ரூக் இந்த முறையும் டக்அவுட்டில் வெளியேறி அதிர்ச்சியளித்தார். ஹேரி ப்ரூக் இந்த சீசனில் ஒரு சதம் அடித்ததைத் தவிர இதுவரை பெரிதாக எந்த ஸ்கோரும் செய்யவில்லை, 3வது முறையாக டக்அவுட் ஆகியுள்ளார்.

இதனால் 54 ரன்களுக்கு 4 விக்கெட்டுகளை இழந்து சன்ரைசர்ஸ் திணறியது. 5-வதுவிக்கெட்டுக்கு கேப்டன் மார்க்ரம்,அனுபவ வீரர் கிளாசன் இருவரும் சேர்ந்து அணியை மீட்டெடுத்தனர். கடைசி 10 ஓவர்களில் சன்ரைசர்ஸ் வெற்றிக்கு 97 ரன்கள் தேவைப்பட்டது.

பட மூலாதாரம்,BCCI/IPL

கிளாசன், மார்க்ரம் போராட்டம்

கிளாசன் கிடைத்த வாய்ப்புகளில் சில சிக்ஸர்களையும், பவுண்டரிகளையும் விளாசி ஆட்டத்தை தங்கள் பக்கத்தில் இருந்து விலகாமல் பார்த்துக் கொண்டார். மார்க்ரமும் வருண் வீசிய முதல் ஓவரில் 2 பவுண்டரிகளை விளாசினார். இதனால் ஆட்டம் மெல்ல மெல்ல சன்ரைசர்ஸ் பக்கம் சாயத் தொடங்கியது. மார்க்ரம், கிளாசன் ஆட்டத்தால் 4 ஓவர்களில் 49 ரன்களை சன்ரைசர்ஸ் சேர்த்தது.

ஷர்துல் தாக்கூர் வீசிய 15-வது ஓவரின் முதல்பந்தில் கிளாசன் டீப் மிட்விக்கெட்டில் அடிக்க முற்பட்டு ரஸலிடம் கேட்ச் கொடுத்து 36 ரன்னில் வெளியேறினார். செட்டிலான, ஆபத்தான பேட்ஸ்மேன் கிளாசனை வெளியேற்றிய மகிழ்ச்சியில், கொல்கத்தாவுக்கு புதிய உத்வேகம் பிறந்தது. கிளாசன்-மார்க்ரம் ஜோடி 5வது விக்கெட்டுக்கு 74ரன்கள் சேர்த்துப் பிரிந்தனர்.

வாய்ப்பை தவறவிட்ட சன்ரைசர்ஸ்

அதன்பின் ஆட்டத்தை படிப்படியாக கொல்கத்தா நைட் ரைடர்ஸ் கையகப்படுத்திக் கொண்டது. கடைசி 4 ஓவர்களில் சன்ரைசர்ஸ் வெற்றிக்கு 34 ரன்கள் தேவைப்பட்டது. வருண் சக்கரவர்த்தி, அரோராவைப் பயன்படுத்தி சன்ரைசர்ஸ் அணி பேட்ஸ்மேன்களுக்கு கொல்கத்தா அணி பெரிய நெருக்கடியை ஏற்படுத்தியது.

அரோரா வீசிய 17-வது ஓவரில் மார்க்ரம்(41)ரன்னில் ஆட்டமிழந்தவுடன், சன்ரைசர்ஸ் வெற்றிக் கனவு ஏறக்குறைய தகர்ந்துவிட்டது. அடுத்து வந்த மார்க்கோ ஜான்சன், அப்துல் சமது ஜோடி அணியை வெற்றிக்கு அழைத்துச் செல்ல முயன்றும் முடியவில்லை.

அரோரா வீசிய 19-வது ஓவரில் ஜான்ஸன் ஒரு ரன்னில் ஆட்டமிழந்தார். கடைசி ஓவரில் வெற்றிக்கு 9 ரன்கள் தேவைப்பட்டநிலையில், அப்துல் சமது சிக்ஸர் அடிக்க முற்பட்டு 21 ரன்னில் வருண் சக்கரவர்த்தி பந்துவீச்சில் ஆட்டமிழந்தார்.

பட மூலாதாரம்,BCCI/IPL

சன்ரைசர்ஸ் தோல்விக்கு காரணம் என்ன?

சன்ரைசர்ஸ் அணியில் கிளாசன், மார்க்ரம் ஆகிய இருவரைத் தவிர அனுபவம் வாய்ந்த பேட்ஸ்மேன்கள் என்று எந்த வீரரையும் குறிப்பிட்டுக் கூற முடியாது. இளம் வீரர்களை ஏலத்தில் எடுக்கிறோம் என்ற ரீதியில் கத்துக்குட்டிகளை ஏலத்தில் எடுத்து நெருக்கடியான நேரத்தில் ஆடுவதற்கு பேட்ஸ்மேன்கள் இல்லாமல் ஐதராபாத் அணி தவிக்கிறது.

இந்த சீசனில் இதுவரை சன்ரைசர்ஸ் அணிக்கு தொடக்க பேட்ஸ்மேன்கள் என்று நிரந்தரமாக எந்த வீரரையும் அந்த அணி நிர்வாகம் செட்டில் ஆகவிடவில்லை. அபிஷேக் சர்மா, ஹேரி ப்ரூக், மயங்க் அகர்வால், திரிபாதி என பலரையும் மாற்றி களமிறக்கி, வீரர்களின் நிலைத்தன்மையை குலைத்துவிட்டது.

நடுவரிசையில் கிளாசன், மார்க்ரம் மட்டுமே ஓரளவுக்கு நிலைத்து ஆடக்கூடியர்கள். ஹேரி ப்ரூக்கை 13 கோடிக்கு வாங்கி இதுவரை ஒரு சதத்தைத் தவிர சன்ரைசர்ஸ் அணிக்கு டக் அவுட்களையே அதிகம் வழங்கியுள்ளார். தொடக்க வீரர் அபிஷேக் சர்மா மட்டுமே ஓரளவுக்கு நம்பிக்கை தருகிறார். மற்றவகையில் திரிபாதி, அகர்வால் இருவரையும் விரைவாக ஆட்டமிழக்கவைக்கும் உத்தியை எதிரணிகள் எளிதாக தெரிந்து வைத்துள்ளன.

எதிரணிக்கு சிம்மசொப்பனமாக விளங்கும் பேட்ஸ்மேன்கள் என்று விரல் சுட்டினால் சன்ரைசர்ஸ் அணியில் யாருமில்லை. இவர் களத்தில் நின்றால் வெற்றி நிச்சயம் என்று சொல்லும் அளவுக்குக்கூட எந்த வீரரும் இல்லை என்பதுதான் நிதர்சனம், ஒட்டுமொத்தத்தில் சன்ரைசர்ஸ் அணி பல் இல்லாத பேட்டிங்கை வைத்து ப்ளே ஆஃப் செல்வது கடினமாகியுள்ளது.

பட மூலாதாரம்,BCCI/IPL

நடராஜன் நம்பிக்கை

சன்ரைசர்ஸ் அணியில் நேற்று ஆறுதல் அளிக்கும் விஷயம் பந்துவீச்சு மட்டும்தான். தமிழக இடதுகை வேகப்பந்துவீச்சாளர் நடராஜன் 4 ஓவர்கள் வீசி 30 ரன்கள் கொடுத்து 2 முக்கிய விக்கெட்டுகளை வீழ்த்தினார். மயங்க் மார்க்கண்டே, புவனேஷ்வர் குமார் ஆகியோரும் கட்டுக்கோப்பாகப் பந்துவீசினர். பந்துவீச்சாளர்கள் தங்கள் கடமையை சிறப்பாகச் செய்த நிலையில் பேட்ஸ்மேன்கள் சொதப்பியதே தோல்விக்கு முக்கியக் காரணமாகும்.

தோல்விக்குப்பின் சன்ரைசர்ஸ் கேப்டன் மார்க்ரம் கூறுகையில் “ இந்த சீசன் முழுவதும் நல்ல கிரிக்கெட்டைத்தான் நாங்கள் ஆடுகிறோம், ஆனால், துரதிர்ஷ்டமாக இக்கட்டான நேரத்தில் தவறுகளை இழைக்கிறோம். இந்த தோல்வியை ஜீரணிக்க கடினமாக இருக்கிறது. கிளாசன் சிறப்பாக பேட் செய்தார். கிளாசனுக்கும், எனக்கும் சிறிது அழுத்தம் இருந்தாலும் அதிலிருந்து நாங்கள் அணியை மீட்டோம்.ஆனால், அடுத்து நல்ல பார்ட்னர்ஷிப் அமையவில்லை” எனத் தெரிவித்தார்.

பட மூலாதாரம்,BCCI/IPL

சரிவிலிருந்து மீட்ட ராணா, ரிங்கு கூட்டணி

கொல்கத்தா நைட் ரைடர்ஸ் அணியின் பேட்டிங்கும் நேற்று எதிர்பார்த்தவாறு அமையவில்லை. கொல்கத்தா அணிக்கும் இதுவரை நல்ல தொடக்க வீரர்கள் அமையவில்லை.

ஜேஸன் ராய் வந்தபின்புதான் ஓரளவுக்கு நிலைத்தன்மை அடைந்துள்ளது. 7 பரிசோதனைகளுக்கு பின் ஜேஸன் ராய், குர்பாஸ் கூட்டணி அமைந்துள்ளனர். ஆனால், இருவருமே நேற்றைய ஆட்டத்தில் ஏமாற்றினர். ஜேஸன் ராய்(20), குர்பாஸ்(0), வெங்கடேஷ்(7) ஆகியோர் பவர்ப்ளே ஓவருக்குள் ஆட்டமிழந்து கொல்கத்தா அணியை நெருக்கடியில் தள்ளினர். வெங்கடேஷ் பலவீனம் ஷார்ட்பால் என்பதை தெரிந்து கொண்டு அவரை தொடர்ந்து சாய்த்துவருவதால் அதை சரி செய்வது அவசியமாகும்.

ஆடுகளத்தில் பந்துகள் பேட்ஸ்மேனைநோக்கி மெதுவாக வந்ததால், ஜேஸன் ராய் போன்ற அதிரடி பேட்ஸ்மேன்களுக்கு பேட்டை சுழற்றியபின்புதான் பந்து பேட்டில் விழுகிறது. இதனால் எதிர்பார்த்த ஷாட்களை அடிக்கமுடியாமல் ராய் விக்கெட்டை இழந்தார்.

கொல்கத்தா அணி சரிவில் இருந்தபோது, ரிங்கு சிங், கேப்டன் ராணா இருவரும் சேர்ந்து மீட்டனர். 4-வது விக்கெட்டுக்கு இருவரும் 65 ரன்கள் சேர்த்துப் பிரிந்தனர். ராணா அதிரடியாக பேட் செய்து 31 பந்துகளில் 42 ரன்கள்(3சிக்ஸர்,3பவுண்டரி) அடித்தநிலையில் மார்க்கண்டே பந்துவீச்சில் ஆட்டமிழந்தார்.

ஆந்த்ரே ரஸல் (24) சிறிய கேமியோ ஆடிவிட்டு வெளியேறினார். பின்வரிசை பேட்ஸ்மேன்களான சுனில் நரேன்(1), தாக்கூர்(8) ஆகியோரும் உதவவில்லை. டி20 போட்டிகளைப் பொறுத்தவரை கடைசி 4ஓவர்களில் சேர்க்கும் ரன்கள்தான் அணியின் ஸ்கோரை உயர்த்தும் ஆனால், நேற்று கொல்கத்தா பேட்ஸ்மேன்கள் கடைசி 4 ஓவர்களை வீணடித்து 40 ரன்களுக்கு 3 விக்கெட்டுகளை இழந்தனர். கொல்கத்தா அணியிலும் பேட்ஸ்மேன்களின் பொறுப்பற்ற ஆட்டம்தான் ஸ்கோர் குறைய முக்கியக் காரணமாகும்.

பட மூலாதாரம்,BCCI/IPL

சுனில் நரேன் தேவையா

கொல்கத்தா கேப்டன் ராணா நேற்று 7 பந்துவீச்சாளர்களைப் பயன்படுத்தி சன் ரைசர்ஸ் அணியைக் கட்டுப்படுத்தினார். இதில் ஹர்சித் ராணா, வருண் இருவருக்கு மட்டுமே முழுமையாக 4 ஓவர்கள் வீச வாய்ப்புக் கிடைத்தது. இளம் சுழற்பந்துவீச்சால் சூயஷுக்கு பதிலாக வந்த அங்குல் ராய் பெரிதாக எந்த தாக்கத்தையும் ஏற்படுத்தவில்லை. இந்த சீசனில் தொடர்ந்து சொதப்பி வரும் சுனில் நரேனுக்கு வாய்ப்புகள் ஏன் தொடர்ந்து வழங்கப்படுவது தெரியவில்லை. இவருக்குப் பதிலாக கூடுதலாக ஒரு பேட்ஸ்மேன் அல்லது ஆல்ரவுண்டரை சேர்த்தாலும் பேட்டிங் வலுப்படும்.

‘இதயத்துடிப்பு எகிறியது’

ஆட்டநாயகன் விருது வென்ற வருண் சக்கரவர்த்தி கூறுகையில் “ கடைசி ஓவரில் மட்டும் என்னுடைய இதயத்துடிப்பு 200 அளவுக்கு சென்றிருக்கும். சவாலாக இருக்க வேண்டும் என்பதற்காகவே கடைசி ஓவரை கேட்டு வாங்கி வீசினேன். மழை பெய்ததால் பந்து கையில் பிடிக்கமுடியவில்லை இருப்பினும் சமாளித்து பந்துவீசினேன்.

என்னுடைய முதல் ஓவரில் மார்க்ரம் அருமையான ஷாட்களை அடித்து 12 ரன்கள் சென்றதால் ஆட்டம் வேறுவிதமாகத் திரும்பியது. ஆனால், அடுத்தடுத்த ஓவர்களில் ரன்களைக் கட்டுப்படுத்தும் வகையில் பந்துவீசினேன். கடந்த சீசனில் 85கி.மீ வேகத்தில் பந்துவீசினேன், அதன்பின் பல்வேறு பயிற்சிகள், திருத்தங்கள் செய்திருக்கிறேன் அது நன்றாக உதவியுள்ளது” எனத் தெரிவித்தார்.

https://www.bbc.com/tamil/articles/cjj9n1d68pxo

[ஏராளன்]

ராஜஸ்தானை வீழ்த்திய ரஷித் கானின் பந்துவீச்சு - குஜராத் டைட்டன்ஸ் ‘டேபிள் டாப்பர்’

பட மூலாதாரம்,BCCI/IPL

 

படக்குறிப்பு,

ராஜஸ்தான் ராயல்ஸை வீழ்த்திய ஆப்கன் வீரர்கள் ரஷித் கான், நூர் அகமது

கட்டுரை தகவல்

• எழுதியவர்,போத்திராஜ்
• பதவி,பிபிசி தமிழுக்காக
• 3 மணி நேரங்களுக்கு முன்னர்

ரஷித் கான் ஃபார்மில்லாமல் தவிக்கிறார் என்று யாரேனும் கூறியிருந்தால் நேற்றைய ஆட்டத்தைப் பார்த்தபின் அதை மாற்றியிருப்பார்க்ள், அனைவரின் விமர்சனங்களையும் ரஷித் கான் தனது பந்துவீச்சால் சிதைத்து, பொய்யாக்கியுள்ளார்.

ஜெய்பூரில் நேற்று நடந்த ஐ.பி.எல். டி20 போட்டியின் 48-வது லீக் ஆட்டத்தில், ராஜஸ்தான் ராயல்ஸ் அணியை வீழ்த்த குஜராத் டைட்டன்ஸ் அணிக்கு மிகப்பெரிய சூத்திரதாரியாக இருந்தவர் ரஷித் கான், நூர் அகமது ஆகிய இருவர்தான்.

ஆப்கானிஸ்தான் லெக் ஸ்பின்னர் ரஷித் கான் நேற்றைய ஆட்டத்தில் 4 ஓவர்கள் வீசி 14 ரன்கள் கொடுத்து 3 விக்கெட்டுகளை வீழ்த்தினார். நூர் அகமது 3 ஓவர்கள் வீசி 25 ரன்கள் வழங்கி 2 விக்கெட்டுகளைச் சாய்த்தார்.

அஸ்வினுக்கே படமா!

அதிலும் அஸ்வின் விக்கெட்டை ரஷித் கான் வீழ்த்தியவிதம் அற்புதமான பந்துவீச்சாகும், அஸ்வின் கண்ணில் மண்ணைத் தூவி, படம்காட்டி விக்கெட்டை வீழ்த்தினார் ரஷித் கான்.

7-வது ஓவரை வீசிய ரஷித் கான், முதல் சில பந்துகள் ஆப்-சைடில் சற்று விலக்கி லெக்-ஸ்பின் வீசினார், அதற்கு ஏற்றார்போல் ஸ்லிப்பையும் வைத்திருந்தார். இதை நம்பி அஸ்வினும் லெக் ஸ்பின்னை கவனமாக ஆடினார்.

ஆனால், கடைசிப் பந்தை 4வது ஸ்டெம்பிலிருந்து பிட்ச் செய்து ரஷித் கான் வீச, இதை அஸ்வின் சற்றும் எதிர்பார்க்காமல் பந்தை தவறவிட்டார். ஆனால், பந்து அருமையாக திரும்பி, ஆப்-ஸ்டெம்பை பதம்பார்க்க அஸ்வின் க்ளீன் போல்டாகினார்.

உண்மையில், அஸ்வின் ஆட்டமிழந்தவிதம், ரஷித் கான் ஃபார்மில்லாமல் இருக்கிறார் என்ற விமர்சனத்துக்கு மிகப்பெரிய பதிலடியாக இருந்தது, அது மட்டுமல்லாமல் ரஷித் கானின் லெக்-ஸ்பின், கூக்ளியின் சரியான கலவைக்கு உதாரணமாகவும் இருந்தது. அஸ்வின் தனது சுழற்பந்துவீச்சில் கேரம் பால், ஸ்லோவர் பால், கூக்ளி, ஆப்ஸ்பின், லெக்ஸ்பின் என பல மாற்றங்களைச் செய்து பேட்ஸ்மேன்களை திணறடிப்பார். அவருக்கே தண்ணி காட்டிவிட்டார் ரஷித் கான்.

இதேபோல ரியான் பராக், சிம்ரன் ஹெட்மயர் இருவரையும் கால் காப்பில் வாங்கி எல்.பி.டபிள்யூ முறையில் ரஷித் கான் ஆட்டமிழக்கச் செய்தார்.

ஒட்டுமொத்தத்தில் ராஜஸ்தான் ராயல்ஸ் அணியின் நடுவரிசை பேட்டிங்கை உடைத்து வெற்றியை எளிதாக்கிய ரஷித் கானுக்கு ஆட்டநாயகன் விருது வழங்கப்பட்டது.

பட மூலாதாரம்,BCCI/IPL

 

படக்குறிப்பு,

அஸ்வின் விக்கெட்டை வீழ்த்திய மகிழ்ச்சியில் ரஷித் கான்

ராஜஸ்தானை வீழ்த்திய ஆப்கானிஸ்தான்

ரஷித் கானுக்கு துணையாக ஆப்கானிஸ்தானைச் சேர்ந்த மற்றொரு சுழற்பந்துவீச்சாளர் நூர் அகமதுவும் கட்டுக்கோப்பாக நேற்று பந்துவீசினார்.

அஸ்வின் வி்க்கெட்டை ரஷித் கான் வீழ்த்தியதைப் போன்றே தேவ்தத் படிக்கல் விக்கெட்டையும் கிளீன் போல்டாக்கி நூர் அகமது எடுத்தார். 2வதாக, துருவ் ஜூரேலை கால்காப்பில் வாங்க வைத்து நூர் ஆட்டமிழக்கச் செய்தார்.

ரஷித் கான், நூர் அகமது இருவரும் நேற்றைய ஆட்டத்தில் குஜராத் டைட்டன்ஸ் அணியின் துருப்புச் சீட்டுகளாக இருந்தார்கள். இந்த ஆட்டத்தில் ராஜஸ்தான் ராயல்ஸ் அணியை வீழ்த்தியது குஜராத் டைட்டன்ஸ் என்பதைவிட, ஆப்கானிஸ்தான் என்றுதான் கூற முடியும். ரஷித் கான், நூர் அகமது இருவரும் வீழ்த்திய 5 விக்கெட்டுகளும், ஆட்டத்தில் திருப்புமுனையை ஏற்படுத்தக்கூடிய பேட்ஸ்மேன்கள் என்பது குறிப்பிடத்தக்கது.

பட மூலாதாரம்,BCCI/IPL

 

படக்குறிப்பு,

ராஜஸ்தான் ராயல்ஸ் வீரர் ரியான் பராக் அவுட்டான காட்சி

ராஜஸ்தானுக்கு நெருக்கடி

ராஜஸ்தான் ராயல்ஸ் அணி 17.5 ஓவர்களில் 118 ரன்களுக்கு சுருண்டது. 119 ரன்கள் இலக்கை துரத்திய குஜராத் டைட்டன்ஸ் அணி ஒருவிக்கெட்டை இழந்து 13.5 ஓவர்களில் இலக்கை அடைந்து 9 விக்கெட் வித்தியாசத்தில் வெற்றி பெற்றது.

இந்த வெற்றியின் மூலம் குஜராத் டைட்டன்ஸ் அணி 10 போட்டிகளில் 7 வெற்றி, 3 தோல்வி என 14 புள்ளிகளுடன் முதலிடத்தில் உள்ளது, ப்ளேஆஃப் சுற்றில் நுழைவதற்கான முதல் அடியை குஜராத் எடுத்து வைத்துள்ளது.

ராஜஸ்தான் அணி 10 போட்டிகளில் 5 வெற்றி, 5 தோல்வி என 10 புள்ளிகளுடன்4வது இடத்தில் நீடிக்கிறது. ராஜஸ்தான் ராயல்ஸ் அணி தனது முதல் 5 ஆட்டங்களில் 4 வெற்றி, ஒரு தோல்வி எனத் தொடங்கியது. ஆனால், கடைசி 5 ஆட்டங்களில் ஒரு வெற்றி, தொடர்ந்து 4 தோல்வி என துவண்டுள்ளது.

ராஜஸ்தான் அணி 10 புள்ளிகளுடன் தற்போது நீடிப்பதும் ஆபத்தானதே, ஏற்கெனவே மும்பை, ஆர்சிபி, பஞ்சாப் ஆகிய 3 அணிகளும் அதே புள்ளிகளுடன் இருப்பதால், அடுத்துவரக்கூடிய ஆட்டங்களில் இந்த 3 அணிகளின் வெற்றி ராஜஸ்தான் அணியை பட்டியலில் பின்னுக்குத் தள்ளக் கூடும்.

மோசமான ஃபார்மில் பட்லர்

ராஜஸ்தான் ராயல்ஸ் அணி நேற்றைய ஆட்டத்தை நிதானமாகத்தான் தொடங்கியது. ஹர்திக் பாண்டியா வீசிய 2வது ஓவரில் பட்லர் 2 பவுண்டரிகள் அடித்த நிலையில், அடுத்த பந்தை ஷார்ட் தேர்டு திசையில் பட்லர் அடிக்க அதை மோகித் ஷர்மா அருமையாக கேட்ச் பிடித்தார். இந்த கேட்சை பட்லரே எதிர்பார்க்கவில்லை என்பதால் அதிர்ச்சியோடு வெளியேறினார்.

இந்த சீசனில் பட்லரின் மோசமான ஃபார்ம் தொடர்ந்துவருவது ராஜஸ்தான் வீழ்ச்சிக்கு முக்கியக் காரணம் கடந்த 5 போட்டிகளில் பட்லர் 8, 18, 27, 0, 40, 0 ரன்கள் மட்டுமே சேர்த்துள்ளது குறிப்பிடத்தக்கது. இந்த சீசனில் ஜாஸ் பட்லரின் மோசமான ஆட்டமும், ஃபார்மின்றி தவித்து வருவதும் தெளிவாகத் தெரிந்தது.

பட மூலாதாரம்,BCCI/IPL

 

படக்குறிப்பு,

அவுட்டான விரக்தியில் ஜோஸ் பட்லர்

ஜெய்ஸ்வால் எனும் அச்சாணி சரிவு

அடுத்துவந்த சாம்ஸன், ஜெய்ஸ்வாலுடன் இணைந்து பல ஷாட்களை ஆடி பவுண்டரி, சிக்ஸருக்கு விளாசினார். ஷமி ஓவரில் பவுண்டரி, சிக்ஸர் என ஜெய்ஸ்வால் விளாசி தனது அதிரடி ஆட்டத்தைத் தொடர்ந்தார். இருவரும் களத்தில் இருந்தவரை ராஜஸ்தான் ரன்ரேட் 10 என்ற வீதத்தில் உயர்ந்தது.

ஆனால், ரஷித் கான் வீசிய 6-வது ஓவரில் தவறான புரிதலில், சாம்சன் ஓடி வந்துவிடுவார் என நம்பி ஜெய்ஸ்வால் ஸ்ட்ரைக்கர் பகுதிக்கு ஓடினார். ஆனால், பந்தை அபினவ் மனோகர் பீல்டிங் செய்ய, அதைப் பிடித்து மோகித் சர்மா ரஷித் கானிடம் எறிந்தார். இதைப் பார்த்து ஜெய்ஸ்வால் மீண்டும் நான்-ஸ்ட்ரைக்கர் பகுதிக்கு ஓடிவருவதற்குள் 14 ரன்னில் ரன் அவுட் ஆகினார்.

ஜெய்ஸ்வால் ஆட்டமிழந்ததுதான் ராஜஸ்தான் அணியின் அச்சாணியை அகற்றியதுபோல் ஆகிவிட்டது. இந்தச் சரிவிலிருந்து ராஜஸ்தான் ராயல்ஸ் அணியால் கடைசிவரை மீளமுடியாமல், சீராக விக்கெட்டுகளை இழந்து வந்தது.

இந்த சீசனில் மிரட்டல் ஃபார்மில் இருந்துவரும் ஜெய்ஸ்வால், மும்பைக்கு எதிராக சதமும் அடித்துள்ளார். இவரின் விக்கெட்டை வீழ்த்தியது குஜராத் டைட்டன்ஸ் அணிக்கு மிகப்பெரிய சுமை குறைந்தது போல் இருந்தது.

பட மூலாதாரம்,BCCI/IPL

 

படக்குறிப்பு,

ஜெய்ஸ்வாலை ரன் அவுட் செய்கிறார் ரஷித் கான்

சாம்ஸன் ஏமாற்றம்

ஜெய்ஸ்வால், பட்லர் ஆட்டமிழந்ததால், சுமை அனைத்தும் சாம்ஸன் தலையில் விழுந்தது. ஆனால் லிட்டல் வீசிய 7-வது ஓவரில் பந்தை சாம்ஸன் ஃப்ளிக் செய்ய முயன்றபோது, பேட்டின் முனையில் பட்டு ஹர்திக் பாண்டியாவிடம் கேட்சானது. இதனால் சாம்ஸன் 30 ரன்னில் பெவிலியன் திரும்பினார்.

இந்த சீசனில் முதல் பாதியில் மட்டுமே ஹெட்மயர் ஓரளவுக்கு அடித்து ஆடினார். ஆனால் கடைசி 5 போட்டிகளாக ஹெட்மயரிடம் இருந்து பெரிதாக எந்தப் பங்களிப்பும் இல்லை.

முதல் 5 ஓவர்களில் ஒருவிக்கெட் இழப்புக்கு 47 ரன்கள் சேர்த்திருந்த ராஜஸ்தான் அணி 12.5 ஓவர்களில் 9 விக்கெட்டுகளை இழந்து 71 ரன்கள் மட்டுமே சேர்த்தது. அதாவது, அடுத்த 24 ரன்களுக்குள் 8 விக்கெட்டுகளை ராஜஸ்தான் அணி இழந்தது.

ராஜஸ்தான் ராயல்ஸ் அணியின் ஆட்டம் 17.5 ஓவர்களில் 118 ரன்களுக்கு முடிவுக்கு வந்தது. ஜெய்ப்பூர் மைதானம் பேட்ஸ்மேன்களுக்கு சாதகமாக அமைக்கப்பட்டிருப்பதால், இதுபோன்ற குறைவான ஸ்கோர்கள் எந்த வீதத்திலும் வலிமையான பேட்டிங் வரிசை கொண்டிருக்கும் குஜராத் டைட்டன்ஸ் அணியை ஒருபோதும் கட்டுப்படுத்தாது.

பட மூலாதாரம்,BCCI/IPL

 

படக்குறிப்பு,

சாம்சன் அவுட்டாகி வெளியேறிய காட்சி

‘வெற்றிப்பசியோடு வருவோம்’

ராஜஸ்தான் ராயல்ஸ் அணியின் கேப்டன் சாம்ஸன் கூறுகையில் “ எங்களுக்கு கடினமான இரவாக இருக்கும். பவர் ப்ளேயில் நன்றாகத் தொடங்கினோம், 120 ரன்களை டிபெண்ட் செய்வது கடினம்தான். குஜராத் அணியினர் சிறப்பாகப் பந்துவீசினார்கள், நடுப்பகுதியில் விக்கெட்டுகளையும் வீழ்த்தினர். இதை நாங்கள் செய்யவில்லை. எங்கள் தவறுகளைப் பற்றி ஆய்வு செய்வோம், அடுத்துவரும் போட்டிகளில் வெற்றிக்கான பசியோடு வருவோம்” எனத் தெரிவித்தார்

ராஜஸ்தான் அணி செய்த தவறுகள்

குறைந்த ஸ்கோரையும் டிபெண்ட் செய்வதற்கு முடிந்தவரை கேப்டன் சாம்ஸன் திட்டமிட்டிருக்க வேண்டும். பவர்ப்ளே ஓவரிலேயே அஸ்வின், சஹலை பந்துவீசச் செய்திருந்தால், அதற்கு நிச்சயம் பலன் கிடைத்திருக்கும். குஜராத் அணியும் குறைந்த ஓவர்களில் சேஸிங் செய்திருக்க முடியாது. ஏறக்குறைய 15 ஓவர்களுக்கு மேல் அந்த அணியை இழுத்து வந்திருக்கலாம்.

இந்த 3 சுழற்பந்துவீச்சாளர்களைத் தவிர ரியான் பராக்கும் ஓரளவு சுழற்பந்துவீசக்கூடியவர் அவரையும் பயன்படுத்தி இருக்கலாம். ஆனால், அதைவிடுத்து, ஆட்டத்தில் குஜராத் அணி வெற்றி பெறும் தருவாயில் 12-வது ஓவரை அஸ்வினுக்கு வழங்கி சாம்சன் அவரை வீணடித்துவிட்டார்.

இந்த ஆட்டத்தில் ரியான் பராக்கிற்கு வாய்ப்பு வழங்கியதற்கு பதிலாக இங்கிலாந்து பேட்ஸ்மேன் ஜோ ரூட்டை களமிறக்கி இருக்க இருந்தால், நடுவரிசை பலமாகி இருந்திருக்கும். அதேபோல ஆடம் ஸம்பாவிற்குப் பதிலாக முருகன் அஸ்வினை பந்துவீசச் செய்திருக்காலம்.

ராஜஸ்தான் அணி குறைந்த ஸ்கோர் எடுத்திருந்த போதிலும் அதை டிபெண்ட் செய்ய போராட்டக் குணத்தை முடிந்த அளவு வெளிப்படுத்தி இருக்கலாம். ஆனால், குஜராத் டைட்டன்ஸ் அணியிடம் எளிதாக ராஜஸ்தான் அணி பணிந்துவிட்டது.

சாம்சன், ஹெட்மெயர், படிக்கல், பட்லர், ஜூரேல் ஆகியோர் முதல் 5 ஆட்டங்களில் மட்டுமே ஓரளவுக்கு விளையாடினார். ஆனால், கடைசி 5 ஆட்டங்களில் இவர்களின் பேட்டிங் பங்களிப்பு சொற்பமாக இருக்கிறது. ஒரு அணியில் நடுவரிசை, தொடக்க வரிசை சொதப்பும் பட்சத்தில் தோல்வி தவிர்க்க முடியாததாக அமையும்.

பட மூலாதாரம்,BCC/IPL

 

படக்குறிப்பு,

ஹெட்மேயருக்கு அவுட் கேட்டு அப்பீல் செய்யும் குஜராத் டைட்டன்ஸ் வீரர்கள்

எளிய இலக்கு

குஜராத் டைட்டன்ஸ் கேப்டன் ஹர்திக் பாண்டியா கடந்த போட்டியில் ஏற்பட்ட தோல்விக்கு தானே பொறுப்பேற்பதாகத் தெரிவித்தார். அதிலிருந்து பாடம் கற்ற ஹர்திக் பாண்டியா, ஆட்டத்தை எவ்வளவு விரைவாக முடிக்க முடியுமோ அதைச் செய்தார்.

சுப்மான் கில், விருதிமான் சாஹா அதிரடியாக ஆடி நல்ல தொடக்கத்தை அளித்தனர். பவர்ப்ளேயில் விக்கெட்இழப்பின்றி 49 ரன்களை குஜராத் அணி சேர்த்தது. நம்பிக்கையற்று ராஜஸ்தான் வீரர்கள் நேற்று பந்துவீசியதை கில், சஹா இருவரும் எளிதாகக் கையாண்டு ரன்களைச் சேர்த்தனர்.

முதல் விக்கெட்டுக்கு இருவரும் 71 ரன்கள் சேர்த்தநிலையில், சுப்மான் கில் 34 ரன்னில் சஹல் பந்தில் சாம்ஸனால் ஸ்டெம்பிங் செய்யப்பட்டு ஆட்டமிழந்தார். அடுத்துவந்த கேப்டன் ஹர்திக் பாண்டியா, ஆட்டத்தை விரைவாக முடிக்கும் நோக்கில் பேட் செய்தார்.

பாண்டியாவின் திடீர் அதிரடி

ஆடம் ஸம்பா வீசிய 10வது ஓவரின் முதல் பந்தில் ஸ்ட்ரைட்டில் ஹர்திக் பாண்டியா ஒரு சிக்ஸரை பறக்கவிட்டார். 2வது பந்தில் டீப் எக்ஸ்ட்ரா கவரில் பாண்டியா ஒரு பவுண்டரி விளாசினார். 3வது பந்திலும் பாண்டியா ஒரு சிக்ஸரை விளாசினார். ஸம்பா வீசிய 4-வது பந்தில் மீண்டும் ஒரு சிக்ஸர் என 24 ரன்களை ஹர்திக் சேர்த்தார்.

அதன்பின், சஹா, ஹர்திக் இருவரும் குஜராத் டைட்டன்ஸ் அணிக்கு எளிதாக வெற்றியை தேடித்தந்தனர். ஹர்திக் 15 பந்துகளில் 39 ரன்களுடனும், சஹா 41 ரன்களுடனும் இறுதிவரை ஆட்டமிழக்காமல் அணியை வெற்றிக்கு அழைத்துச் சென்றனர்.

இந்த சீசனில் வெளிமாநிலங்களில் நடந்த டெல்லி, மொஹாலி, லக்னெள, ராஜஸ்தான், கொல்கத்தா ஆகிய போட்டிகளில் குஜராத் டைட்டன்ஸ் அணி வெற்றி தொடர்ந்து வருகிறது.

பட மூலாதாரம்,BCCI/IPL

 

படக்குறிப்பு,

ஹர்திக் பாண்டியா பந்தை விளாசுகிறார்

"தவறைத் திருத்திவிட்டேன்"

வெற்றிக்குப்பின் குஜராத் கேப்டன் ஹர்திக் பாண்டியா கூறுகையில் “ நூர், ரஷித் கானை அதிகமாகப் பயன்படுத்தினேன். நான் விரும்பியவாறுதான் அவர்களும் பந்துவீசினர். ரஷித் கானுக்கு ஈடாக யாரும் சிறப்பாக பந்துவீச முடியாது. அவர்கள் பந்துவீசும்போது, நம்பிக்கையுடன் பந்துவீசுகிறார்கள்.

நான் விளையாடியதில் இதுவரை சிறந்த விக்கெட் கீப்பர் சஹா மட்டும்தான். விக்கெட் கீப்பிங்கிற்கும், பேட்டிங்கிற்கும் சிறந்த மதிப்பை சஹா வழங்குகிறார், கடந்த போட்டியில் தவறான முடிவுகளையும், கணிப்புகளையும் செய்தேன், அதை திருத்திவிட்டேன்” எனத் தெரிவித்தார்.

https://www.bbc.com/tamil/articles/c2j1pv11llmo

[ஏராளன்]

மும்பை இந்தியன்ஸ் அணிக்கு சாதகமாக இருக்கும் சேப்பாக்க வரலாறு - மாற்றியமைக்குமா சிஎஸ்கே?

பட மூலாதாரம்,GETTY IMAGES

கட்டுரை தகவல்

• எழுதியவர்,போத்திராஜ்
• பதவி,பிபிசி தமிழுக்காக
• 3 மணி நேரங்களுக்கு முன்னர்

இந்த ஐ.பி.எல். சீசனில் சென்னை சேப்பாக்கம் எம்ஏ சிதம்பரம் மைதானத்தில் இரு தோல்விகளை சந்தித்துள்ள சென்னை சூப்பர் கிங்ஸ் இன்று பிற்பகலில் மும்பை இந்தியன்ஸ் அணியுடன் நடக்கும் ஆட்டத்தில் அதற்கு முற்றுப்புள்ளி வைக்குமா இல்லை 3வது தோல்வியைச் சந்திக்குமா என்பதைக் காண ரசிகர்கள் ஆவலுடன் காத்திருக்கிறார்கள்.

கடந்த கால வரலாறு, புள்ளிவிவரங்கள் மும்பை இந்தியன்ஸ் அணிக்கே சாதகமாக இருப்பதால், சென்னை சேப்பாக்கம் மைதானம் என்றாலே, மும்பை இந்தியன்ஸ் வீரர்களுக்கு புதிய உத்வேகம் பிறந்துவிடுகிறது.

ஆனால், ராஜஸ்தான் ராயல்ஸிடம் தோல்வி, பஞ்சாப் கிங்ஸிடம் கடைசிப் பந்தில் வெற்றியை இழந்தது ஆகிய இரு தோல்விகளை மறக்கவும், சென்னை ரசிகர்களுக்கு வெற்றியைப் பரிசளிக்கவும் சிஎஸ்கே வீரர்கள் கடந்த சில நாட்களாக சேப்பாக்கம் மைதானத்தில் தீவிரப் பயிற்சியில் ஈடுபட்டனர்.

மஞ்சள் அலை

சென்னை சேப்பாக்கம் மைதானத்தில் சிஎஸ்கே அணி விளையாடுகிறது என்றாலே “யெல்லோ ஆர்மி” அணி வகுக்கும், அரங்கு நிறைய மஞ்சள் நிறைந்திருக்கும். கூடுதலாக ரோஹித் சர்மாவின் மும்பை இந்தியன்ஸுக்கும் தனியாக ரசிகர்கள் பட்டாளமும் வருவதால், இன்றைய போட்டியில் ஸ்வாரஸ்யத்துக்கு குறைவிருக்காது.

வரலாறு முக்கியம்

சென்னை சேப்பாக்கம் மைதானத்தைப் பொறுத்தவரை இதுவரை 2008ம் ஆண்டிலிருந்து சிஎஸ்கே அணியும், மும்பை இந்தியன்ஸ் அணியும் 8 முறை மோதியுள்ளன. இதில் 6 முறை மும்பை இந்தியன்ஸ் அணி வென்றுள்ளது, 2 முறை மட்டுமே சிஎஸ்கே அணி வென்றுள்ளது.

அதிலும் கடந்த 2011ம் ஆண்டுக்குப்பின் சென்னை சேப்பாக்கத்தில் மும்பை இந்தியன்ஸ் அணிக்கு எதிரான ஒரு ஆட்டத்தில்கூட சிஎஸ்கே அணி வென்றதில்லை என்ற வரலாறு இருக்கிறது. ஆதலால், மும்பை அணிக்கு இன்று வரலாறு சாதகமாக இருக்கும் என்று ரசிகர்கள் எதிர்பார்க்கிறார்கள்.

இதுவரை சிஎஸ்கே அணியும், மும்பை இந்தியன்ஸ் அணியும் ஐபிஎல் தொடரில் 35 ஆட்டங்களில் மோதியுள்ளனர். இதில் சிஎஸ்கே அணி 15 வெற்றிகளையும், மும்பை இந்தியன்ஸ் அணி 20வெற்றிகளையும் பெற்று ஆதிக்கம் செய்து வருகிறது.

சிங்கத்தை கோட்டையில் வீழ்த்திய ரோஹித் படை

பட மூலாதாரம்,GETTY IMAGES

சேப்பாக்கம் மைதானம் சிஎஸ்கே அணிக்கு கோட்டையாகும். ஆனால், சிங்கத்தை குகையில் சந்தித்து வீழ்த்துவது என்பது சாதாரணமல்ல. அந்த சாதனையை மும்பை இந்தியன்ஸ் அணி கடந்த 2011ம் ஆண்டுமுதல் தக்கவைத்து வருகிறது. சேப்பாக்கத்தில் மும்பை அணியுடனான ஆட்டம் என்றாலே தோனி படை பெட்டிப் பாம்பாக அடங்கிவிடுகிறது.

ஒட்டுமொத்தமாகப் பார்த்தால் சேப்பாக்கம் மைதானத்தில் சிஎஸ்கே அணி 60 போட்டிகளில் விளையாடி 43 ஆட்டங்களில் வென்றுள்ளது, 17 போட்டிகளில் தோற்றுள்ளது. இந்த 17ஆட்டங்களில் 5 ஆட்டங்கள் மும்பை இந்தியன்ஸ் அணியிடம் தோற்றது என்பது கவனிக்கத்தக்கது.

இந்த ஐபிஎல் சீசனில்கூட இதுவரை சிஎஸ்கே அணி சேப்பாக்கத்தில் 2 ஆட்டங்களில் ஆடி இரண்டிலுமே தோல்வி அடைந்து ரசிகர்களை அதிர்ச்சியில் ஆழ்த்தியுள்ளது. ஆதலால் இந்த ஆட்டத்திலாவது சிஎஸ்கே வெல்லுமா என்பது ரசிகர்களின் எதிர்பார்ப்பாக இருக்கிறது.

அசுர ஃபார்ம்

மும்பை இந்தியன்ஸ் அணியைப் பொறுத்தவரை சமீபத்தில் அனைத்து பேட்ஸ்மேன்களுமே அசுரத்தனமான ஃபார்மில் உள்ளனர். ஆனால், கேப்டன் ரோஹித் சர்மாவின் ஃபார்ம் மட்டுமே வேதனையளிக்கிறது, இதுவரை ஐபிஎல் தொடரில் மட்டும் 15 டக்அவுட்களை சந்தித்துவிட்டார். ஆதலால்,ரோஹித் சர்மாவும் இந்த ஆட்டத்தில் வெடித்து விளையாடினால், சிஎஸ்கே நிலை அதோகதிதான்.

மும்பை இந்தியன்ஸ் அணியின் நடுவரிசை பேட்ஸ்மேன்கள் குறிப்பாக கேமரூன் கிரீன், சூர்யகுமார் யாதவ், டிம் டேவிட், திலக் வர்மா ஆகியோர் அசுரத்தனமாக பேட்செய்து வருகிறார்கள். எந்த அணியாக இருந்தாலும் கடந்த 5 போட்டிகளிலும் புரட்டி எடுத்துவிட்டனர். அதிலும் டிம் டேவிட் இந்த சீசனில் 16 முத்ல 20 ஓவர்களில் ஸ்ட்ரைக் ரேட்டை 199 வரை வைத்துள்ளது மிரட்டலாதாக இருக்கிறது.

ஐபிஎல் வரலாற்றிலேயே தொடர்ந்து 2 முறை 200 ரன்களுக்குமேல் சேஸிங் செய்து மும்பை இந்தியன்ஸ் தங்களின் பேட்டிங் வலிமையை நிரூபித்துள்ளது. கடந்த 7 போட்டிகளில் வரிசையாக 5 வெற்றிகளை மும்பை அணி பெற்று பெரிய நம்பிக்கையுடன் இருக்கிறது.

சுழற்பந்துவீச்சுக்கு முக்கியத்துவம்

மும்பை இந்தியன்ஸ் அணியின் சுழற்பந்துவீச்சு வரிசையும் வலுவாக இருப்பதால், சேப்பாக்கம் மைதானத்தில் சிஎஸ்கேவுக்கு கடும் சவாலாக சுழற்பந்துவீச்சில் இருக்கும். இன்றைய ஆட்டத்தில் இம்பாக்ட் ப்ளேயராக மும்பை அணியில் இடதுகை சுழற்பந்துவீச்சாளர் குமார் கார்த்திகேயா இடம் பெறலாம். ஏற்கெனவே பியூஷ் சாவ்லா கலக்கி வரும் நிலையில் அவருக்கு துணையாக கார்த்திகேயா செயல்படலாம்.

பல் இல்லாத வேகப்பந்துவீச்சு

மற்ற வகையில் மும்பை இந்தியன்ஸ் வேகப்பந்துவீச்சு பெரிதாக சொல்லிக்கொள்ளும் அளவில் இல்லை. இதுவரை நடந்த ஆட்டங்களில் டெத் ஓவர்களிலும், தொடக்க ஓவர்களிலும் ரன்களை வழங்காமல் கட்டுக்கோப்பாக வீச வேகப்பந்துவீச்சாளர்கள் இல்லை. ஜோப்ரா ஆர்ச்சர் இருந்தாலும் அவரின் பந்துவீச்சு பெரிய தாக்கத்தை இதுவரை வழங்கவில்லை. டெத் ஓவர்களில் மும்பை பந்துவீச்சு எக்கானமி ரேட்13 ஆக இருக்கிறது, இது சிஎஸ்கே அணியிடம் 10ரன்களாக இருக்கிறது.

ஆதலால், மும்பை அணி வேகப்பந்துவீச்சைவிட சுழற்பந்துவீச்சுக்கு அதிகம் முக்கியத்துவம் அளிக்கும். ஆஃப் ஸ்பின்னர் ஹிர்திக் சோகீன் அணிக்குள் வருவதற்கு வாய்ப்புள்ளது.

சாவ்லா என்றாலே கிலியாகும் ராயுடு

பட மூலாதாரம்,GETTY IMAGES

சிஎஸ்கே அணி என்றாலே பியூஷ்சாவ்லா சிறப்பாகப் பந்துவீசக் கூடியவர். அதிலும் ராயுடுவுக்கு எதிராக இதுவரை 13 முறை பந்துவீசி 7 முறை ஆட்டமிழக்கச் செய்துள்ளார். ஆதலால், ராயுடுவுக்கு சிம்மசொப்னமாக சாவ்லா இருப்பார்.

சேப்பாக்கம் மைதானம் சுழற்பந்துவீச்சாளர்களுக்கும், வேகம் குறைவாக பந்துவீசுவோருக்கும், பேட்ஸ்மேன்களுக்கும் நன்கு ஒத்துழைக்கும் என்பதால், மும்பை அணியில் கூடுதல் சுழற்பந்துவீச்சாளர் வரலாம்.

ஃபார்ம் இல்லாத பேட்ஸ்மேன்கள்

சென்னை சூப்பர் கிங்ஸ் அணியில் இதுவரை நடந்த ஆட்டங்களில் அம்பதி ராயுடு, ஜடேஜா, மொயின் அலி ஆகியோர் தங்களின் முழு பேட்டிங் திறமையை வெளிப்படுத்தி விளையாடவில்லை.

துஷார் தேஷ்பாண்டே டெத் ஓவர்களிலும், தொடக்கத்திலும் ரன்களை வாரிக் கொடுத்துவிடுகிறார். பஞ்சாப் அணிக்கு எதிராக தேஷ் பாண்டேவின் ஒருஓவரில் லிவிங்ஸ்டன் அடித்த அடிதான் ஆட்டத்தின் போக்கையே மாற்றியது. ஆதலால், தேஷ்பாண்டேவின் டெத்ஓவர் பந்துவீச்சு கவலைக்குரியதாக இருக்கிறது.

பென் ஸ்டோக்ஸ் வருகிறாரா

பென் ஸ்டோக்ஸ் காயத்தில் இருந்து குணமடைந்துவிட்டார் என்று தகவல்கள் கூறினாலும், இதுவரை அதிகாரபூர்வமாக சிஎஸ்கே தரப்பில் இருந்து தெரிவிக்கப்படவில்லை. கடந்த வாரம் முழுவதும் பென் ஸ்டோக்ஸ் வலைப்பயிற்சியில் பந்துவீச்சிலும், பேட்டிங்கிலும் ஈடுபட்டுள்ளார், அதேபோல சிசான்டா மகளாவும் பேட்டிங், பந்துவீச்சில் ஈடுபட்டுள்ளார், ஆனால், இருவர் குறித்த எந்த தகவலும் சிஎஸ்கே தரப்பில் இருந்து இல்லை.

மற்றொரு வேகப்பந்துவீச்சாளர் தீபக் சஹர் காயத்திலிருந்து முழுமையாக மீண்டு பந்துவீசுகிறார் என்று கூறினாலும் அவரின் பழைய ஃபார்மில் பந்துவீசாதது அணிக்கு பின்னடைவாகும்.

இன்றைய ஆட்டத்தில் சிஎஸ்கே வென்றால், புள்ளிப்பட்டியலில் 2-வது இடத்துக்கு முன்னேறும். ஒருவேளை மும்பை இந்தியன்ஸ் வென்றால், 10 புள்ளிகள் பெற்ற அணிகளின் “டிராஃபிக் ஜாமிலிருந்து” தப்பித்து ம் 6-வது இடத்திலிருந்து 2வது இடத்துக்கு தாவிவிடும்.

சேப்பாக்கம் ஆடுகளம் எப்படி

பட மூலாதாரம்,GETTY IMAGES

சேப்பாக்கம் ஆடுகளம் மெதுவாகப் பந்துவீசுவோருக்கும், சுழற்பந்துவீச்சாளர்களுக்கும் ஏற்றது. அதேநேரம் பேட்ஸ்மேன்கள் அடிக்கும் அளவுக்கு பந்து பவுன்ஸ்ஆகும். ஆதலால் முதலில் பேட்டிங் செய்யும் அணி சராசரியாக 180 ரன்களுக்கு குறைவில்லாமல் சேர்க்க முடியும். இதுவரை சேப்பாக்கத்தில் நடந்த 4 ஆட்டங்களில் 2 ஆட்டங்களில் முதலில் பேட் செய்த அணியும், 2 ஆட்டங்களில் சேஸிங் செய்த அணிகளும் வென்றுள்ளன. கடைசியாக 201 ரன்களை பஞ்சாப் அணி வெற்றிகரமாக சேஸிங் செய்ததால், பேட்டிங்கிற்கு நன்கு ஒத்துழைக்கும்.

இம்பாக்ட் ப்ளேயர் விதி

இம்பாக்ட் ப்ளேயர் விதிமுறை ஐபிஎல் போட்டியிலும், அணிகளின் செயல்பாட்டிலும் பெரிய தாக்கத்தை ஏற்படுத்தி வருகிறது. சிஎஸ்கே அணியின் தலைமைப் பயிற்சியாளர் ஸ்டீபன் பிளெமிங் கூறுகையில் “ இம்பாக்ட் ப்ளேயர் விதிமுறை எதிரணியின் வெற்றியை கடினமாக்கியுள்ளது. கடந்த இரு போட்டிகளிலும் இம்பாக்ட் ப்ளேயராக வந்த ராஜஸ்தான் ராயல்ஸின் ஆடம் ஸம்பா, பஞ்சாப் கிங்ஸின் பிரப்சிம்ரன் சிங் சிஎஸ்கே வெற்றிக்கு சவாலாக இருந்தார்கள். சிஎஸ்கே அணியின் திட்டங்களைச் சிதைத்து தோல்விக்கு காரணமாகினார்கள்” எனத் தெரிவித்துள்ளார்.

ஆதலால் இன்றைய ஆட்டத்தில் மும்பை இந்தியன்ஸ் வரலாற்றைத் தக்கவைக்குமா அல்லது சிஎஸ்கே சொந்தமண்ணில் தோல்விக்கு முற்றுப்புள்ளி வைக்குமா என்பது இன்று மாலை தெரிந்துவிடும்.

https://www.bbc.com/tamil/articles/ckvkj2k33k4o

[ஏராளன்]

ஐ.பி.எல்., உலக டெஸ்ட் சம்பியன்ஷிப் போட்டிகளிலிருந்து கே. எல். ராகுல் விலகினார்

Published By: DIGITAL DESK 5

06 MAY, 2023 | 10:11 AM

(நெவில் அன்தனி)

றோயல் செலஞ்சர்ஸ் பெங்களூர் அணிக்கு எதிரான ஐபிஎல் கிரிக்கெட் போட்டியின் போது கடும் காயத்திற்குள்ளான லக்னோ சுப்பர் ஜயன்ட்ஸ் அணித் தலைவர் கே. எல். ராகுல், தொடரும் போட்டிகளில் விளையாட மாட்டார் என அறிவிக்கப்பட்டுள்ளது.

அத்துடன் அவுஸ்திரேலியாவுக்கும் இந்தியாவுக்கும் இடையில் லண்டன் ஓவல் விளையாட்டரங்கில் அடுத்த மாதம் நடைபெறவுள்ள 2ஆவது ஐசிசி உலக டெஸ்ட் சம்பியன்ஷிப் இறுதிப் போட்டியிலிருந்தும் ராகுல் விலக நேரிட்டுள்ளது.

பெங்களூர் அணிக்கு எதிராக இந்த வார முற்பகுதியில் நடைபெற்ற ஐபிஎல் போட்டியில் எல்லைக் கோட்டுக்கு அருகில் களத் தடுப்பில் ஈடுபட்டிருந்தபோது ராகுலின் வலது தொடை தசைநாரில் விரிசல் ஏற்பட்டது.

இதன் காரணமாக உடனடியாக அவர் களம்விட்டு வேளியேறினார். எனினும்  லக்னோ  பதிலுக்கு துடுப்பெடுத்தாடியபோது உபாதைக்கு மத்தியில் கடைசி ஆட்டக்காரராக களம் நுழைந்த ராகுல் 3 பந்துகளை எதிர்கொண்டு ஓட்டம் பெறாமல் ஆட்டம் இழக்காதிருந்தார். அந்தப் போட்டியில் றோயல் செலஞ்சர்ஸ் பெங்களூர் 18 ஓட்டங்களால் வென்றிருந்தது.

அவரது வலது தொடை தசைநார் விரிசல் ஏற்பட்டு அதன் தாக்கம் தீவிரம் அடைந்துள்ளதாக மருத்துவ ஆய்வில் தெரியவந்தது.

'மருத்துவக் குழுவினருடன் நடத்தப்பட்ட ஆலோசனைக்கு அமைய நான் விரைவில் அறுவை சிகிச்சைக்குள்ளாவேன்' என 31 வயதான ராகுல் தனது இன்ஸ்டக்ராமில் பதிவிட்டுள்ளார்.

'அடுத்து வரும் வராங்களில் உபாதையிலிருந்து மீண்டு வரவேண்டும் என்பதில் குறியாக இருப்பேன். இது ஒரு சிரமமான நேரம். ஆனால் பூரண குணமடைவதற்கு சிகிச்சையுடன் ஓய்வு அவசியம். இந்திய அணியுடன் ஓவல் விளையாட்டரங்கில் அடுத்த மாதம் இருக்க மாட்டேன் என்பது மிகுந்த கவலை தருகிறது. மீண்டும் இந்திய அணியில் இடம்பிடிப்பதற்காக சிகிச்சையுடன் அனைத்து முயற்சிகளையும் எடுப்பேன். அதுதான் எனது பிரதான நோக்கம்' என்றார் ராகுல்.

ஏற்கனவே வேகப்பந்துவீச்சாளர் ஜெய்தேவ் உனத்கட் உபாதைக்குள்ளாகி  ஓய்வுபெற்றுவரும் நிலையில் ராகுலும் விலகியது லக்னோ அணிக்கு இரட்டைப் பாதிப்பை ஏற்படுத்தியுள்ளது.

ராகுலுக்குப் பதிலாக லக்னோ அணியின் தலைவராக க்ருணல் பாண்டியா செயல்படுவார் என அணி நிருவாகம் அறிவித்துள்ளது.

இந்த வருட ஐபிஎல் போட்டிகளில் ஆரம்ப வீரராக துடுப்பாட்டத்தில் ராகுல் பிரகாசிக்காத போதிலும் அவரது தலைமைத்துவம் சிறப்பாகவே இருந்தது.

லக்னோ இதுவரை 10 போட்டிகளில் விளையாடி 5 வெற்றிகளை ஈட்டியுள்ளதுடன் 4 தோல்விகளைத் தழுவியுள்ளது. சென்னையுடனான போட்டி கைவிடப்பட்டது. இதற்கு அமைய அணிகள் நிலையில் 11 புள்ளிகளுடன் 2ஆம் இடத்தில் இருக்கிறது.

https://www.virakesari.lk/article/154605

[ஏராளன்]

அரங்கை அதிர வைத்த சிஎஸ்கே வெற்றி: ரோஹித் போட்ட வியூகத்தை தவிடுபொடியாக்கிய தோனி

பட மூலாதாரம்,BCCI/IPL

கட்டுரை தகவல்

• எழுதியவர்,போத்திராஜ்
• பதவி,பிபிசி தமிழுக்காக
• 6 மே 2023, 16:20 GMT

  புதுப்பிக்கப்பட்டது 29 நிமிடங்களுக்கு முன்னர்

13 ஆண்டுகள், 4,777 நாட்கள்... சென்னை ரசிகர்கள் இந்தத் தருணத்துக்காகத்தான் காத்திருந்தார்கள். அவர்களின் எதிர்பார்ப்பு இன்று நிறைவேறியது.

ஆம், கடந்த 2010ஆம் ஆண்டுக்குப் பிறகு, நடந்த ஐபிஎல் டி20 தொடரில் சென்னை சேப்பாக்கம் எம்.ஏ.சிதம்பரம் மைதானத்தில் மும்பை இந்தியன்ஸ் அணியை வெல்ல முடியாமல் சிஎஸ்கே அணி தவித்து வந்தது.

அனைத்து தவிப்புகளுக்கும் பதில் அளிக்கும் வகையில், இன்று நடந்த ஆட்டத்தில் 13 ஆண்டுகளுக்குப் பின் மும்பை இந்தியன்ஸ் அணியை சென்னை சூப்பர் கிங்ஸ் அணி வென்றுள்ளது.

அது மட்டுமல்ல இந்த சீசனில் மும்பை இந்தியன்ஸ் அணியை மும்பை வான்கடேவிலும், சேப்பாக்கத்திலும் வென்று தனது 13 ஆண்டுகாலப் பகையை தீர்த்துள்ளது தோனி ஆர்மி.

இதைவிட “ஹைலைட்டான” விஷயம் ஒன்று இருந்தது. அதான் தோனி களமிறங்கிய தருணம். ஆரோன் பின்ச் ட்விட்டர் பதிவில் “நீங்கள் கிரிக்கெட் ரசிகராக இருந்தால், தோனி மைதானத்தில் பேட் செய்ய களமிறங்கும்போது அந்தத் தருணத்தை ஒவ்வொருவரும் குறைந்தபட்சம் ஒருமுறையாவது அனுபவிக்க வேண்டும்,” எனத் தெரிவித்திருந்தார்.

தோனியின் வருகைக்கு ரசிகர்கள் அளித்த வரவேற்பை விவரிக்க இதைவிட வார்த்தைகள் இல்லை…

ஒருதரப்பான ஆட்டம்

சென்னை சேப்பாக்கத்தில் இன்று நடந்த ஐபிஎல் டி20 போட்டியின் 49வது லீக் ஆட்டத்தில் மும்பை இந்தியன்ஸ் அணி நிர்ணயித்த 139 ரன்கள் இலக்கை, சிஎஸ்கே அணி 4 விக்கெட்டுகளை இழந்து 14 பந்துகள் மீதம் இருக்கையில் அடைந்து வென்றது.

இரு பெரிய அணிகள் மோதும் போட்டி என்பதால், ஆட்டம் மிகுந்த எதிர்பார்ப்பை ரசிகர்கள் மத்தியில் ஏற்படுத்தியிருந்தது. ஆனால், மும்பை இந்தியன்ஸ் அணியின் ஆட்டம் புஸ்வானமாகி, போட்டியே ஒருதரப்பாக அமைந்துவிட்டது.

மும்பை இந்தியன்ஸ் அணியில் மிகவும் எதிர்பார்க்கப்பட்ட முக்கிய வீரர்கள் ரோஹித் சர்மா, இஷான் கிஷன், டிம் டேவிட், கேமரூன் ஆகியோர் ஏமாற்றத்தை அளித்ததால், மோசமான தோல்வியை அந்த அணி சந்தித்தது.

சிஎஸ்கே அணி 11 போட்டிகளில் 6 வெற்றி, 4 தோல்விகள் என 13 புள்ளிகளுடன் 2வது இடத்துக்கு இந்த வெற்றியின் மூலம் முன்னேறியுள்ளது. மும்பை இந்தியன்ஸ் அணி 10 புள்ளிகளுடன் 6வது இடத்தில் தொடர்கிறது.

பந்துவீச்சாளர்களின் வெற்றி

சிஎஸ்கே அணியின் பந்துவீச்சாளர்களான தீபக் சஹர், தேஷ்பாண்டே, பதிரண ஆகியோரின் துல்லியமான பந்துவீச்சு மும்பை இந்தியன்ஸ் அணியை வீழ்த்த முக்கியக் காரணமாக இருந்தன.

இந்த 3 வேகப்பந்துவீச்சாளர்களும் சேர்ந்து 7 விக்கெட்டுகளை கைப்பற்றினர்.

பட மூலாதாரம்,BCCI/IPL

தோனிக்காக… அரங்கை அதிர வைத்த ரசிகர்கள்

சென்னை ரசிகர்கள் மிகவும் எதிர்பார்த்து வந்த சம்பவமும் இன்று நடந்தது. சிஎஸ்கே கேப்டன் தோனி கடைசி நேரத்தில் களமிறங்கி, வெற்றிக்கான கடைசி ஒரு ரன்னை அடித்து ரசிகர்களின் ஏகோபித்த ஆதரவைப் பெற்றார்.

சேப்பாக்கம் மைதானத்தில் தோனி களமிறங்கியபோது, அரங்கமே அதிரும் வகையில், விசில் சத்தமும், இசை முழக்கமும், ரசிகர்களின் கரகோஷமும், தோனி, தோனி என்ற கோஷமும் காதைப் பிளந்தன.

ரசிகர்களின் அன்பில் நனைந்தவாரே சிஎஸ்கே கேப்டன் தோனி களம் புகுந்தார். பல மணிநேரம் காத்திருந்து டிக்கெட் பெற்று இந்தத் தருணத்தைக் காணவே ரசிகர்கள் வந்திருந்தார்கள், அவர்களின் ஆசையை தோனியும் நிறைவேற்றினார்.

தோனி களமிறங்கும்போது சிஎஸ்கே வெற்றிக்கு 10 ரன்கள் தேவைப்பட்டது. தோனியின் மாயஜால பேட்டிலிருந்து சிக்ஸர் வரும் என ரசிகர்கள் காத்திருந்தது மட்டும்தான் ஏமாற்றமாகிப் போனது. மற்ற வகையில் தோனியின் ஆட்டத்தை கொடுத்த காசுக்கு ரசிகர்கள் கண்டு ரசித்தனர்.

பட மூலாதாரம்,BCCI/IPL

சொதப்பல் பேட்டிங்

“ஹை-பிரஷர்” ஆட்டம் என்பதால் மும்பை இந்தியன்ஸ், சிஎஸ்கே ஆகிய இரு அணிகளும் புதிய உத்திகளுடன் களம் கண்டன. பவர்ப்ளேயில் மும்பை இந்தியன்ஸ் அணியின் விக்கெட்டுகளை வீழ்த்தி, நெருக்கடியில் தள்ளினாலே ஏறக்குறைய ஆட்டம் கைக்குள் வந்துவிடும் என்ற திட்டத்துடன் சிஎஸ்கே அணி களமிறங்கியது.

அதற்கு ஏற்றாற்போல், தீபக் சஹர், தேஷ் பாண்டே இருவரும் தொடக்கத்தில் இருந்தே நெருக்கடி கொடுத்தனர். தேஷ் பாண்டே வீசிய முதல் ஓவரில் கேமரூன் க்ரீன்(6) போல்டானார். தீபக் சஹர் வீசிய 3வது ஓவரில் இஷான் கிஷன்(7) மிட்-ஆனில் தீக்சனாவிடம் கேட்ச் ஆனார்.

அதே ஓவரின் 5வது பந்தில் கேப்டன் ரோஹித் சர்மா டக்அவுட்டில் சஹர் பந்தில் வெளியேற மும்பை அணி பெரிய நெருக்கடியில் விழுந்தது, சிஎஸ்கே திட்டமும் வெற்றிகரமாக நடந்தது. 14 ரன்களுக்குள் 3 முக்கிய விக்கெட்டுகளை இழந்து மும்பை இந்தியன்ஸ் அணி தடுமாறியது. பவர்ப்ளேவில் மும்பை இந்தியன்ஸ் அணி 3 விக்கெட்டுகளை இழந்து 34 ரன்கள் மட்டுமே சேர்த்திருந்தது.

சூர்யகுமார் யாதவ், நேஹல் வதேரா இருவரும் சேர்ந்து அணியைச் சரிவிலிருந்து மீட்கப் போராடினர். ஆனால் சூர்யகுமாரின் முயற்சியை ரவீந்திர ஜடேஜா தகர்த்தார். ஜடேஜா வீசிய 11வது ஓவரில் க்ளீன் போல்டாகி சூர்யகுமார் 26 ரன்னில் பெவிலியன் திரும்பினார். சூர்யகுமார்-நேஹல் இருவரும் சேர்ந்து 55 ரன்கள் பார்டனர்ஷிப் அமைத்தனர். இருவரின் பார்ட்னர்ஷிப்தான் மும்பை அணியில் அதிகபட்சம்.

மும்பை இந்தியன்ஸ் வீரர்களை ரன் அடிக்கவிடாமல் சிஎஸ்கே பந்துவீச்சாளர்கள் கட்டுக்கோப்பாக பந்துவீசியதால், ரன்ரேட் உயரவே இல்லை.

5வது விக்கெட்டுக்கு வதேரா, ஸ்டப்ஸ் கூட்டணி விக்கெட்டை இழக்கக்கூடாது என்ற நோக்கில் நிதானமாக பேட் செய்தனர். 15 ஓவரில்தான் மும்பை அணி 100 ரன்களை எட்டியது.

பட மூலாதாரம்,BCCI/IPL

ஆபத்பாந்தவன் வதேரா

மும்பை அணி இந்த சீசனில் எப்போதெல்லாம் இக்கட்டான நேரத்தில் சிக்கிக் கொள்கிறதோ அப்போதெல்லாம் நேஹல் வதேரா கைகொடுத்துள்ளார். 22 வயதான நேஹல் வதேரா ஐபிஎல் தொடரில் இந்த சீசனில் அறிமுகமாகி மும்பையின் நம்பிக்கையைப் பெற்றுள்ளார். நிதானமான பேட்டிங்கை வெளிப்படுத்திய வதேரா 44 பந்துகளில் முதல் அரை சதத்தைப் பதிவு செய்தார்.

மும்பை அணியை நிமரச் செய்த வதேரா 64 ரன்னில் பதிரண பந்துவீச்சில் க்ளீன் போல்டாகி ஆட்டமிழந்தார். 6வது விக்கெட்டுக்கு ஸ்டப்ஸுடன் சேர்ந்து 54 ரன்கள் சேர்த்தார். இதன்பின் மும்பை அணியின் பேட்டிங் வரிசை ஆட்டம் கண்டது.

123 ரன்கள் வரை 4 விக்கெட்டுகளை இழந்திருந்த மும்பை இந்தியன்ஸ் அணி, அடுத்த 16 ரன்களை சேர்ப்பதற்குள் அடுத்த 4 விக்கெட்டுகளை மளமளவென இழந்தது. மும்பை இந்தியன்ஸ் கடைசி வரிசை பேட்டிங் சரிவுக்கு பதிரண காரணமாக அமைந்தார்.

பட மூலாதாரம்,BCCI/IPL

பதிரண வேகம், சஹரின் ஃபார்ம்

சிஎஸ்கே கேப்டன் தோனியின் செல்லப்பிள்ளை பதிரணவின் பந்துவீச்சு மும்பை அணிக்கு சிம்மசொப்னமாக இருந்தது. அவரே ஆட்டநாயகன் விருதையும் வென்றார். ஏற்கெனவே விக்கெட்டுகளை இழந்து தவித்த மும்பைக்கு, வெந்த புண்ணில் வேலைப் பாய்ச்சியது போன்று பதிரண பந்துவீச்சு அமைந்தது.

பதிரண 13வது ஓவரில் 5 ரன்களும், 15வது ஓவர் வீசி 7 ரன்களும், 18வது ஓவர் வீசி 2 ரன்களும் ஒரு விக்கெட்டையும், 20வது ஓவரை வீசி 5 ரன்கள் கொடுத்து 2 விக்கெட்டுகளையும் சாய்த்தார்.

பதிரண தனது டெத் ஓவர்களில் ஒரு பவுண்டரிகூட மும்பை அணி பேட்ஸ்மேன்களை அடிக்கவிடாமல் கட்டுக்கோப்பாக பந்துவீசினார். கடைசி 3 ஓவர்களில் மும்பை அணி 17 ரன்களை சேர்த்து 4 விக்கெட்டுகளை இழந்தது.

தீபக் சஹர் காயத்திலிருந்து திரும்பி தனது இயல்பான பந்துவீச்சை இன்று வெளிப்படுத்தினார். 3 ஓவர்கள் வீசிய சஹர் 18 ரன்கள் கொடுத்து 2 விக்கெட்டுகளை சாய்த்தார். ரன்களை வாரி வழங்கும் தேஷ்பாண்டே இந்த முறை 26 ரன்கள் மட்டுமே வழங்கி 2 விக்கெட்டுகளையும் கைப்பற்றினார்.

பட மூலாதாரம்,BCCI/IPL

ரோஹித் சர்மா டக்அவுட் சாதனை

மும்பை இந்தியன்ஸ் கேப்டன் ரோஹித் சர்மாவின் மோசமான ஃபார்ம் மட்டுமல்ல, டக்அவுட் ஆவது இந்த ஆட்டத்திலும் தொடர்கிறது. கடந்த 2020 சீசனுக்குப் பிறகு ரோஹித் சர்மாவின் ஐபிஎல் சராசரி 30 ரன்களை தாண்டவில்லை என்பது கவலைக்குரிய விஷயம். ஐபிஎல் தொடரில் இதுவரை 16 முறை ரோஹித் சர்மா டக்அவுட்டில் ஆட்டமிழந்துள்ளார்.

உலக டெஸ்ட் சாம்பியன்ஷிப் அடுத்த மாதம் நடக்க இருக்கும் நிலையில் ரோஹித் சர்மாவின் மோசமான பேட்டிங் ஃபார்ம் இந்திய அணிக்கு மிகப்பெரிய ஆபத்தாகும்.

சுனில் கவாஸ்கர் முன்பு அளித்த ஆலோசனையின்படி, “ சில போட்டிகளுக்கு ரோஹித் சர்மா விளையாடாமல் ஓய்வு எடுத்து, முக்கிய ஆட்டங்களில் மட்டும் ஆடலாம். மோசமான ஃபார்ம் அவரின் நம்பிக்கையைக் குலைத்துவிடும்,” எனத் தெரிவித்திருந்தார்.

இந்த ஆட்டத்தில் மோசமான ஃபார்ம் காரணமாக ரோஹித் சர்மா தொடக்க வீரராக களமிறங்காமல், 3வது வீரராகக் களமிறங்கினார். ஆனால், 3வது வீரருக்கும், தொடக்க வீரருக்கும் பெரிதாக மாற்றம் ஏதும் இல்லாத நிலையில் ரோஹித் சர்மா இந்த முயற்சியைச் செய்திருக்கத் தேவையில்லை.

அதுமட்டுமல்லாமல் ரோஹித் சர்மா வித்தியாசமாக ஷாட்களை ஆடுவார் என்பதால், அவருக்கு தோனி ஸ்டெம்ப் அருகே விக்கெட் கீப்பிங் செய்ததும், அதற்கு ஏற்றாற்போல், ரோஹித் சர்மா ஸ்கூப் ஷாட் அடிக்க முற்பட்டு விக்கெட்டை பறிகொடுத்தார்.

இதுபோன்ற ஸ்கூப் ஷாட்கள், ஸ்விட்ச் ஹிட் போன்றவற்றை ஃபார்மில் இருந்து ஒரு பேட்ஸ்மேன் அடிக்கும்போதுதான் ஷாட் கிளிக் ஆகும். ஆனால் ரோஹித் சர்மா ரன் அடிக்கவே திணறும்போது, இதுபோன்ற ஷாட்களைத் தவிர்த்து விக்கெட்டை காப்பாற்றி இருக்கலாம்.

“காரணத்தைத் தேடுகிறேன்”

தோல்வி குறித்து மும்பை கேப்டன் ரோஹித் சர்மா கூறுகையில், “எங்கு தவறு நடந்தது என அனைத்து இடங்களிலும் தேடுகிறேன். பேட்ஸ்மேன்கள் போதுமான ரன்கள் அடிக்கவில்லை. திலக்வர்மா இல்லாததை இப்போது உணர்கிறோம்.

நடுவரிசை ஓவர்களில் விளையாடுவதற்கு நல்ல பேட்ஸ்மேன்கள் தேவை, ஆனால், பவர் ப்ளேயில் 3 விக்கெட்டுகளை நாங்கள் இழந்துவிட்டோம். பியூஷ் சாவ்லா சிறப்பாகப் பந்துவீசினார்.

இந்தத் தோல்வியில் இருந்து ஏராளமான பாடங்களைக் கற்போம், அடுத்தடுத்து முன்நோக்கிச் செல்வோம். தரமான கிரிக்கெட்டை விளையாடுவது அவசியம். அடுத்து வரும் மும்பையில் நடக்கும் 2 ஆட்டங்களும் முக்கியமானவை,” எனத் தெரிவித்தார்.

பட மூலாதாரம்,BCCI/IPL

பேட்ஸ்மேன்களின் தோல்வி

அது மட்டுமல்லாமல் முக்கிய பேட்ஸ்மேன்கள் டேவிட், சூர்யகுமார், கேமரூன், இஷான் ஆகியோர் ஏமாற்றம் அளித்ததும் தோல்விக்கு முக்கியக் காரணம்.

மும்பை இந்தியன்ஸ் அணி கடந்த 5 போட்டிகளில் தொடர்ந்து வெற்றி பெற்றதற்கு இந்த 4 பேட்ஸ்மேன்களும் முக்கியக் காரணம். இவர்களின் ஏமாற்றமான பேட்டிங், இயல்பாகவே தோல்வியில் தள்ளியது.

சிஎஸ்கே போன்ற வலிமையான அணிக்கு எதிராக இதுபோன்ற குறைந்த ஸ்கோரை வைத்துக்கொண்டு டிபெண்ட் செய்வது நடக்காத செயல். இந்த ஸ்கோரை மும்பை இந்தியன்ஸ் சேர்த்தபோதே, அவர்களின் தோல்வி ஏறக்குறைய உறுதியாகிவிட்டது என்பதுதான் நிதர்சனம். மும்பை அணி இதற்கு முன் நடந்த ஆட்டங்களில் பெற்ற வெற்றி பெரும்பாலும் பந்துவீச்சாளர்களை நம்பிப் பெறவில்லை, பேட்ஸ்மேன்களை நம்பித்தான் பெற்றிருந்தது. இந்த ஆட்டத்தில் ஏற்பட்ட தோல்வி மும்பை இந்தியன்ஸ் தோல்வியல்ல, பேட்ஸ்மேன்கள் தோல்வி.

டி20 போட்டியில் கடைசி 4 ஓவர்கள்தான் ரன் சேர்க்கும் பரபரப்பான ஓவர்களாகும். ஆனால், அந்த டெத் ஓவர்களில் அடித்து ஆடுவதற்கு பேட்ஸ்மேன்கள் இல்லாததால் ஸ்கோரை உயர்த்த முடியவில்லை.

நடுவரிசை பலமாக வைத்த மும்பை இந்தியன்ஸ் அணி, கீழ்வரிசையில் திலக் வர்மா போன்றோர் இல்லாத குறையை உணர்ந்தது. கடைசி 3 ஓவர்களில் மட்டும் மும்பை அணி 17 ரன்களைச் சேர்த்து 4 விக்கெட்டுகளை இழந்தது.

பட மூலாதாரம்,BCCI/IPL

ஒரே ஆறுதல் சாவ்லா

மும்பை இந்தியன்ஸ் அணியில் ஆறுதலாக இருந்த ஒரே விஷயம் பியூஷ் சாவ்லாவின் பந்துவீச்சு மட்டும்தான்.

“வாங்கிப்போடுங்க, பாத்துக்கலாம்” என ரூ.50 லட்சத்துக்கு ஐபிஎல் ஏலத்தில் வாங்கப்பட்ட பியூஷ் சாவ்லா, ஒவ்வொரு போட்டியிலும் தனது அனுபவத்தை காண்பிக்கிறார்.

இந்த சீசனில் இதுவரை 17 விக்கெட்டுகளை வீழ்த்தி தனது பந்துவீச்சை நிரூபித்துள்ளார். இந்த போட்டியிலும், தனது முதல் பந்திலேயே கெய்க்வாட் வி்க்கெட்டை சாவ்லா வீழ்த்தி, 4 ஓவர்களில் 25 ரன்கள் கொடுத்து 2 விக்கெட்டுகளை கைப்பற்றினார்.

சிஎஸ்கேவுக்கு எளிதான இலக்கு

சிஎஸ்கேவின் பேட்ஸ்மேன்கள் கெய்க்வாட், கான்வே 140 ரன்கள் இலக்கை வேகமாகத் துரத்தினர். 4 ஓவர்களிலேயே சிஎஸ்கே 44 ரன்கள் சேர்த்தது. இதில் கான்வே நிதானமாக ஆட, கெய்க்வாட் 2 சிக்ஸர், 4 பவுண்டரி என 30 ரன்கள் சேர்த்தார்.

ஆனால், சாவ்லாவின் அனுபவத்தைக் குறைத்து மதிப்பிட்ட கெய்க்வாட்(30) அவரின் பந்தை புல்ஷாட் அடிக்க முற்பட்டு பேட்டின் முனையில் பட்டு இஷான் கிஷனிடம் கேட்ச் ஆனது. கெய்க்வாட் ஆட்டமிழந்தாலும் ஏற்கெனவே வெற்றிக்கான அடித்தளத்தை வலுவாக அமைத்துவிட்டுச் சென்றார்.

ரஹானே(21) ரன்னில் சாவ்லா பந்துவீச்சில் கால்காப்பில் வாங்கி பெவிலியன் திரும்பினார். அம்பதி ராயுடு(12) பேட்டிங் செய்ய வாய்ப்புக் கிடைத்தும் தேவையற்ற ஷாட்டால் ஸ்டப்ஸ் பந்துவீச்சில் விக்கெட்டை கோட்டைவிட்டார்.

கான்வே, துபே இருவரும் சிஎஸ்கே அணியை வெற்றிக்கு அருகே நகர்த்தினர். அசுரத்தனமான ஃபார்மில் இருக்கும் ஷிவம் துபே, 3 சிக்ஸர்களை விளாசினார். அரைசதத்தை நோக்கி நகர்ந்த, கான்வே(44), ரன்னில் மத்வால் பந்துவீச்சில் ஆட்டமிழந்தார்.

அப்போதுதான் அந்தச் சம்பவம் நடந்தது. சிஎஸ்கே கேப்டன் தோனி, ரசிகர்களின் கரகோஷம், உற்சாகமான வரவேற்புக்கு மத்தியில் களமிறங்கினார். 3 பந்துகளை மட்டுமே சந்தித்த தோனி 2 ரன்கள் சேர்த்து அணிக்கான வின்னிங் ஷாட்டை அடித்தார். துபே 26 ரன்னில் இறுதிவரை ஆட்டமிழக்காமல் இருந்தார்.

பட மூலாதாரம்,BCCI/IPL

“பதிரானா அந்தப் பக்கம் போகாதிங்க”

வெற்றிக் கேப்டன் தோனி கூறுகையில் “10 புள்ளிகளுடன் பல அணிகள் டிராபிக் ஜாமில் இருந்ததால், இது முக்கியமான ஆட்டமாக இருந்தது. இந்த வெற்றி எங்களுக்கு வசதியான நிலையை ஏற்படுத்தி, அடுத்த இடத்துக்குச் செல்ல உதவும்.

காலநிலையைப் பார்த்து நான் முதலில் பேட்டிங் செய்யத் தயங்கினேன், ஆனால், நான் எடுத்த முடிவுக்கு ஏற்றாற்போல் நாங்கள் செயல்பட்டோம். பதிரனா சிறப்பாகப் பந்து வீசுகிறார்.

அவரைப் பற்றிக் கூறுவது என்னவென்றால், பதிரனா டெஸ்ட் கிரிக்கெட் விளையாடக்கூடாது, அதற்கு அருகே கூட செல்லக்கூடாது. ஒருநாள் போட்டிகளிலும் குறைவாக ஆடி, ஐசிசி போட்டிகளில் மட்டும் பதிரனா கவனம் செலுத்த வேண்டும்.

பதிரனாவால் இலங்கை அணிக்குச் சிறந்த எதிர்காலம் இருக்கிறது. கடந்த முறை பதிரனா என்னைச் சந்தித்தபோது ஒல்லியாக இருந்தார், இந்த முறை வலுவாக இருக்கிறார்,” எனத் தெரிவித்தார்.

https://www.bbc.com/tamil/articles/cw0717d1q5po

[ஏராளன்]

இன்றைய இரு போட்டிகளின் முடிவின் பின் அணிகளின் புள்ளிப் பட்டியல்.

[nunavilan]

IPL தொடரிலிருந்து விலகினார் கேஎல் ராகுல்

 

 

றோயல் செலஞ்சர்ஸ் பெங்களூர் அணிக்கு எதிரான போட்டியின் போது தொடைப் பகுதியில் காயத்துக்குள்ளாகிய லக்னோ சுபர் ஜயண்ட்ஸ் அணியின் தலைவர் கேஎல் ராகுல், IPL தொடரின் எஞ்சிய போட்டிகளிலிருந்து விலகியுள்ளார்.

மேலும், ஜுன் மாதம் அவுஸ்திரேலியா அணியுடன் நடைபெறவுள்ள ICC இன் உலக டெஸ்ட் சம்பியன்ஷிப் தொடரின் இறுதிப்போட்டியிலிருந்தும் அவர் விலகவுள்ளதாக தெரிவிக்கப்பட்டுள்ளது.

IPL தொடரில் கடந்த முதலாம் திகதி நடைபெற்ற 43ஆவது லீக் போட்டியில் லக்னோ சுபர் ஜயண்ட்ஸ் மற்றும் றோயல் செலஞ்சர்ஸ் பெங்களூர் அணிகள் மோதின. குறைந்தபட்ச ஓட்ட எண்ணிக்கை பதிவுசெய்யப்பட்ட இந்தப்போட்டியில் 18 ஓட்டங்கள் வித்தியாசத்தில் பெங்களூர் அணி வெற்றி பெற்றது.

இந்தப்போட்டியில் பெங்களூர் அணி துடுப்பெடுத்தாடிய போது பௌண்டரி எல்லைக்குச் சென்ற பந்தை தடுக்க முயன்ற கேஎல் ராகுலுக்கு தொடைப் பகுதியில் காயம் ஏற்பட்டது. இதையடுத்து அவர் மைதானத்தில் இருந்து உடனடியாக வெளியேறினார்.

எவ்வாறாயினும், காயம் காரணமாக கேஎல் ராகுல் ஆரம்ப வீரராகவும் களமிறங்கவில்லை. லக்னோ அணியின் 9 விக்கெட்டுகள் வீழ்த்தப்பட்ட பின்னரே அவர் மைதானத்திற்குள் வந்தார். எனினும், 19.5 ஓவர்கள் நிறைவில் அனைத்து விக்கெட்டுகளையும் இழந்த லக்னோ அணி 108 ஓட்டங்கள் மட்டுமே எடுத்து தோல்வி அடைந்தது.

இந்த நிலையில், கேஎல் ராகுலின் தொடைப் பகுதியில் ஏற்பட்ட காயம் தீவிரம் அடைந்திருப்பதாக பரிசோதனையில் தெரிய வந்துள்ளதுடன், அவருக்கு உடனடியாக அறுவை சிகிச்சை மேற்கொள்ள வேண்டும் என மருத்துவர்கள் அறிவுறுத்தியுள்ளனர். இருப்பினும் Scan முடிவுகளின் அடிப்படையிலேயே அறுவை சிகிச்சை செய்வது குறித்து இறுதி முடிவு செய்யப்படும்.

இந்த சூழ்நிலையில் கேஎல் ராகுல் தனது இன்ஸ்டகிராம் பதிவில், ‘அடுத்த மாதம் ஓவல் மைதானத்தில் இந்திய அணியுடன் இருக்க மாட்டேன். ஆனால் என்னால் முடிந்த அனைத்து முயற்சிகளையும் மேற்கொண்டு நீள நிற ஜேர்சி அணிந்து அணிக்கு திரும்பி நாட்டுக்காக விளையாடுவேன்’ என்று குறிப்பிட்டுள்ளார்.

இதன் மூலம் அவர் IPL, உலக டெஸ்ட் சம்பியன்ஷிப் தொடர்களில் இருந்து வெளியேறுவது உறுதியாகியுள்ளது. தற்போது IPL தொடரில் இருந்து விலகி மும்பை சென்றுள்ள ராகுல், அங்கு Scan உள்ளிட்ட பரிசோதனைகளை மேற்கொண்டு வருகிறார். இதன் முடிவை பொறுத்தே கேஎல் ராகுல் உலக டெஸ்ட் சம்பியன்ஷிப் தொடரில் பங்கேற்பது பற்றி தீர்மானிக்கப்படும் என இந்திய கிரிக்கெட் வட்டாரங்கள் செய்தி வெளியிட்டுள்ளன.

இம்முறை IPL தொடரில் கேஎல் ராகுல் லக்னோ அணிக்கு துடுப்பாட்டத்தில் பெரிய அளவில் பங்களிப்புச் செய்யாவிட்டாலும், தலைவராக அவர் சிறப்பாக செயல்பட்டு ரசிகர்களின் பாராட்டை பெற்றார்.

இந்த நிலையில், அவரது திடீர் விலகல் லக்னோ அணிக்கு மிகப் பெரிய பின்னடைவாக அமையும் என்று கிரிக்கெட் வல்லுனர்கள் கூறியுள்ளனர். எனவே, IPL தொடரிலிருந்து விலகிய ராகுலுக்குப் பதிலாக க்ருணல் பாண்டியா லக்னோ அணியின் தலைவராக செயல்படுவார் என அந்த அணி நிர்வாகம் தெரிவித்துள்ளது.

இதுஇவ்வாறிருக்க, லக்னோ சுபர் ஜயண்ட்ஸ் அணியைச் சேர்ந்த வேகப் பந்துவீச்சாளரான ஜெயதேவ் உனத்கட், பயிற்சியின்போது காயமடைந்தார். இவர் உலக டெஸ்ட் சம்பியன்ஷிப் தொடருக்கான இந்திய அணியில் இடம்பிடித்துள்ளார். எனவே உலக டெஸ்ட் சம்பியன்ஷிப் விளையாட இருந்த இந்த 2 வீரர்கள் தற்போது காயமடைந்திருப்பது இந்திய அணிக்கு சிக்கலை ஏற்படுத்தியுள்ளது.

காயமடைந்த இவர்கள் இருவரும் லக்னோ அணியில் உள்ளதால், அந்த அணிக்கும் தற்போது பின்னடைவை ஏற்பட்டுள்ளது. தற்போதையை நிலையில் லக்னோ அணி 10 போட்டிகளில் விளையாடி 5இல் வெற்றி, 4இல் தோல்வியுடன் 11 புள்ளிகளைப் பெற்று புள்ளிப் பட்டியலில் 2ஆவது இடத்தில் உள்ளமை குறிப்பிடத்தக்கது.

https://www.thepapare.com/kl-rahul-ruled-out-of-the-ipl-with-leg-injury-tamil/

[ஏராளன்]

கோலியின் கணிப்பை தவறாக்கிய 'சால்ட்': லக்னோவைப் போல டெல்லியிலும் சலசலப்பு

பட மூலாதாரம்,BCCI/IPL

கட்டுரை தகவல்

• எழுதியவர்,போத்திராஜ்
• பதவி,பிபிசி தமிழுக்காக
• 3 மணி நேரங்களுக்கு முன்னர்

ராயல்ஸ் சேலஞ்சர்ஸ் பெங்களூர் அணி நிர்ணயித்த 182 ரன்கள் இலக்கை, ஃபில் சால்ட் அதிரடியால் 20 பந்துகள் மீதமிருக்கையிலேயே எட்டி டெல்லி கேபிடல்ஸ் மிகப்பெரிய வெற்றி பெற்றது. இந்த ஐபிஎல் சீசனில் மிகப்பெரிய வெற்றியை டெல்லி கேபிடல்ஸ் அணி பெற்றது. லக்னோவில் ஆர்.சி.பி. அணி ஆடிய போட்டியில் கோலி - நவீன் உல்ஹக் மோதல் வெடித்ததைப் போன்றதொரு களேபரம் டெல்லியிலும் களத்தில் நடந்தேறியது.

டெல்லி கேபிடல்ஸ் இந்த சீசனில் முதல் 5 ஆட்டங்கள் அனைத்திலும் தோல்விக்கு மேல் தோல்வி, ஆனால், அடுத்த 5 ஆட்டங்களில் ஒரு தோல்வி 4 வெற்றி எனத் தொடங்கியுள்ளது. இந்த சீசனின் 2வது பகுதியில்தான் டெல்லி கேபிடல்ஸ் பேட்ஸ்மேன்களின் பேட்டிங்கிற்கு உயிர் வந்துள்ளது.

இந்த வெற்றியால் இரு அணிகளின் புள்ளிவிவரங்களும் பெரிதாக மாறவில்லை. இருப்பினும் இரு அணிகளுக்கும் அடுத்ததாகக் கிடைக்கும் வெற்றி பல வாய்ப்புக் கதவுகளைத் திறந்துவிடும்.

டெல்லி கேபிடல்ஸ் அணி ப்ளே ஆஃப் சுற்றுக்குச் செல்ல 8 வெற்றிகள் தேவை என்பதால், அடுத்துவரும் ஆட்டங்கள் அனைத்திலும் சிறந்த ரன்ரேட்டில் வெற்றி பெறுவது அவசியம். அதேசமயம், ஆர்சிபி அணி அடுத்துவரும் 5 போட்டிகளில் 3 ஆட்டங்களில் நல்ல ரன் ரேட்டில் வென்றால்தான் ப்ளே ஆஃப் கதவுகள் திறக்கும்.

 

ஆர்சிபி அணி 10 ஆட்டங்களில் 10 புள்ளிகளுடன் 5-வது இடத்தில் உள்ளது. டெல்லி கேபிடல்ஸ் அணி 8 புள்ளிகளுடன் 9-வது இடத்தில் நீடிக்கிறது.

சால்ட்டின் ஸ்வீட் விருந்து

டெல்லி கேபிடல்ஸ் அணி வீரர் ஃபில் சால்ட் 45 பந்துகளில் 87 ரன்கள்(6 சிக்ஸர், 8 பவுண்டரி) சேர்த்து ஆர்சிபிக்கு எதிரான ஆட்டத்தில் வெல்ல முக்கியக் காரணமாக அமைந்தார், ஆட்டநாயகன் விருதையும் வென்றார்.

டெல்லி விக்கெட் கீப்பர் ஃபில் சால்ட் இந்த சீசனில் தனது 5 இன்னிங்ஸில் 3 முறை டக்அவுட் ஆகியிருந்தார், ஒரு ஆட்டத்தில் 10 ரன்களுக்கும் குறைவாகச் சேர்த்திருந்தார். ஆனால், வார்னர் வைத்த நம்பிக்கையை காப்பாற்றிய சால்ட் அடித்த ஷாட்கள் ஒவ்வொன்றும் ஆர்சிபி அணிக்கு இடிபோல் இறங்கியது.

டெல்லியின் சிறிய மைதானத்தில் ஆர்சிபி பந்துவீச்சாளர்களின் பந்துகளை பவுண்டரிகள், சிக்ஸர்களாகப் சால்ட் பறக்கவிட்டு ரசிகர்களை உற்சாகப்படுத்தினார்.

டெல்லி கேபிடல்ஸ் ரசிகர்கள் நிச்சயமாக இதுபோன்ற ஆட்டத்தை நினைத்துக்கூடப் பார்த்திருக்கமாட்டார்கள், அவர்கள் அனைவருக்கும் இனிப்பான விருந்தை சால்ட் அளித்துவிட்டார்.

பட மூலாதாரம்,BCCI/IPL

3 ஆண்டுகளுக்குப் பின்...

இந்த சீசனில் டெல்லி கேபிடல்ஸ் அணியில் தொடக்க ஜோடி, 50 ரன்களுக்கு மேல் பார்ட்னர்ஷிப் அமைத்ததும் முதல்முறையாக இந்தப் போட்டியில்தான் என்பது குறிப்பிடத்தக்கது. அது மட்டுமல்லாமல் பவர் ப்ளேயில் விக்கெட் இழப்பின்றி 70 ரன்கள் சேர்த்ததும் இந்த சீசனில் முதல்முறையாகும்.

அதுமட்டுமல்லாமல் கடந்த 3 ஆண்டுகளாக ஆர்சிபி அணிக்கு எதிராக ஒரு வெற்றியைக்கூட பெறாமல் டெல்லி கேபிடல்ஸ் தவித்த நிலையில் முதல் வெற்றியைப் பதிவு செய்திருக்கிறது.

“சிராஜைக் குறிவைத்தோம்”

டெல்லி அணியின் கேப்டன் வார்னர் கூறுகையில் “ எங்கள் வெற்றி பிரமிப்பாக இருக்கிறது, 180 ரன்களையும் சேஸிங் செய்ய முடியும். தொடக்கத்திலிருந்தே பந்து பேட்ஸ்மேனை நோக்கி வந்தது அடித்து ஆடவசதியாக இருந்தது. சிராஜ் பந்துவீச்சு எங்களுக்கு நெருக்கடியாக இருக்கும் என்பதால், தொடக்கத்திலேயே அவரின் பந்துவீச்சை அடித்து விளாச திட்டமிட்டோம், அவரின் பந்துவீச்சை குலைத்துவிட்டால் ஆர்சிபிஅணி வீர்ரகள் நம்பிக்கையிழந்துவிடுவார்கள் என திட்டமிட்டு செயல்பட்டோம். கலீல், இசாந்த் சர்மா சிறப்பாகப் பந்துவீசுகிறார்கள், இந்தியப் பந்துவீச்சாளர்களால்தான் இதற்கு முன் குறைந்த ஸ்கோரையும் டிபெண்ட் செய்ய முடிந்தது. நல்ல அணியாக உருவெடுக்கிறோம் என நினைக்கிறேன்” எனத் தெரிவித்தார்

விராட்டின் மிரட்டல் சாதனைகள்

இந்த ஆட்டத்தில் டெல்லி கேபிடல்ஸ் அணி வென்றாலும், ஆர்சிபியின் நட்சத்திர வீரர் விராட் கோலியின் சில சாதனைகளும் மறக்கமுடியாதவை, மைல்கல் எட்டியவை.

இந்த சீசனில் விராட் கோலி தனது 6-வது அரைசதத்தையும், ஐபிஎல் தொடரில் 50-வது அரைசதத்தையும் நேற்றைய ஆட்டத்தில் பதிவு செய்து, 55 ரன்னில் ஆட்டமிழந்தார். கடந்த 2022ம் ஆண்டு சீசன் கோலிக்கு மோசமானதாக இருந்தநிலையில் சிறப்பான “கம்-பேக்” அளித்துள்ளார்.

அதுமட்டுமல்லாமல் ஒரு சீசனில் 400க்கும் அதிகமான ரன்களைச் சேர்த்தவர்கள் வரிசையில் தவண், ரெய்னா ஆகியோரோடு 9வது முறையாக கோலியும் இணைந்துவிட்டார். கோலி இந்த ஆட்டத்தில் 12 ரன்களை எட்டியபோது, ஐபிஎல் போட்டிகளில் 7ஆயிரம் ரன்களை எட்டிய முதல் வீரர் என்ற சாதனையைப் படைத்தார், மேலும் டெல்லி கேபிடல்ஸ் அணிக்கு எதிராக மட்டும் 1000 ரன்களை கோலி எட்டியுள்ளார்.

ஆர்சிபி கேப்டன் டூப்பிளசிஸ் நேற்றைய ஆட்டத்தில் 45 ரன்களில் ஆட்டமிழந்ததையடுத்து, ஐபிஎல் சீசனில் 500 ரன்களைக் கடந்த முதல் வீரர் என்ற பெருமையைப் பெற்றார்.

பட மூலாதாரம்,BCCI/IPL

தினேஷ் கார்த்திக் செயலுக்கு ஆர்சிபி விலை

டெல்லி கேபிடல்ஸ் அணியின் வெற்றிக்கு அச்சாணியாக, அடித்தளமாக இருந்தவர் ஃபில் சால்ட் என்பதில் மிகையில்லை. சால்ட்டின் பேட்டிங் திறமை மீது நம்பிக்கை வைத்து தொடர்ந்து வாய்ப்புகளை கேப்டன் வார்னர் வழங்கியதற்கு கைமாறு செய்துவிட்டார்.

ஹசரங்கா வீசிய 4-வது ஓவரில் சால்ட் அடித்த ஷாட்டை கேட்ச் பிடிக்க தினேஷ் கார்த்திக் தவறிவிட்டார். தினேஷ் கார்த்திக்கின் கேட்ச் மிஸ்ஸிங்கிற்கு ஆர்சிபி அணி மிகப்பெரிய விலையைக் கொடுக்க நேர்ந்தது.

டெல்லி கேபிடல்ஸ் அணி 181 ரன்களை எளிதாக சேஸிங் செய்வதற்கு சால்டின் அதிரடியான பேட்டிங் முக்கியக் காரணம். டெல்லி அணி 100 ரன்களை எட்டியபோது, சால்ட் 28 பந்துகளில் அரைசதம் அடித்து தனது அதிரடியை வெளிப்படுத்தி இருந்தார்.

சிராஜ் - சால்ட் வாக்குவாதம்

சிராஜ் வீசிய ஓவரில் சால்ட் இரு சிக்ஸர்களையும், பவுண்டரியையும் விளாசி டெல்லி கேபிடல்ஸ் அணியின் ரன்ரேட்டை சீராக உயர்த்தினார். அப்போது, சிராஜ் வீசிய பவுன்சருக்கு நடுவரிடம் சால்ட் வைடு கேட்டார். இதற்கு சிராஜ், திடீரென சால்ட்டுடன் வாக்குவாதத்தில் ஈடுபட்டார்.

உடனடியாக டெல்லி கேப்டன் வார்னர், டூப்பிளசிஸ் இருவரும் தலையிட்டு, இருவரையும் பிரித்துவிட்டனர். சிராஜ் கோபமாகவும், கைநீட்டியும் வாக்குவாத்தில் ஈடுபட்டபோதிலும், சால்ட் தனது கவனத்தை சிதறவிடாமல் அமைதியாகச் சென்றார்.

ஒரு வீரர் சிறப்பாக பேட் செய்துவிட்டால், எதிரணி வீரர்கள் இதுபோன்று மைண்ட் கேமில் ஈடுபட்டு, கவனத்தை குலைப்பார்கள். அதை சிராஜும் நேற்று சால்ட்டிடம் செய்து பார்த்து அது எடுபடாமல் போனது.

பட மூலாதாரம்,BCCI/IPL

முதல் முறையாக 50 ரன்கள் பார்ட்னர்ஷிப்

வார்னர், சால்ட் இருவரும் இந்த சீசனில் முதல்முறையாக சிறந்த தொடக்கத்தை அளித்தனர். முதல்முறையாக தொடக்க ஜோடி 50 ரன்களைக் கடந்தது. வார்னர், சால்ட் இருவரும் சேர்ந்து ஆர்சிபி வீரர்களின் பந்துவீச்சில் பவுண்டரி, சிக்ஸர்களை விளாசியதால் ரன்ரேட் 10 ரன்கள் வீதத்தில் உயர்ந்தது.

ஆர்சிபி பந்துவீச்சாளர்கள் யாருடைய பந்துவீச்சையும் விட்டுவைக்காமல் சால்ட் அடித்து துவம்சம் செய்தார். தொடக்க வீரராகக் களமிறங்கிய சால்ட் 15 ஓவர்கள் வரை ஆர்சிபி அணிக்கு பெரிய குடைச்சலாக இருந்தார்.

வார்னர் 22 ரன்கள் சேர்த்தநிலையில் ஹேசல்வுட் பந்துவீச்சில் விக்கெட்டை இழந்தார். முதல் விக்கெட்டுக்கு சால்ட்-வார்னர் இருவரும் 60 ரன்கள் சேர்த்துப் பிரிந்தனர்.

பட மூலாதாரம்,BCCI/IPL

சரவெடி சால்ட்

மார்ஷ்-சால்ட் கூட்டணி ஏறக்குறைய டெல்லி கேபிடல்ஸ் அணியை வெற்றிக்கு அருகே அழைத்துச் சென்றது. 2வதுவிக்கெட்டுக்கு இந்த ஜோடி 59 ரன்கள் சேர்த்துப் பிரிந்தது. மார்ஷ் நிதானமாக பேட் செய்து சால்ட்டுக்கு ஒத்துழைத்தார், சால்ட் அதிரடியில் இறங்கி ஆர்சிபி பந்துவீச்சை வெளுத்து வாங்கினார்.

இருவரையும் பிரிக்க, டூப்பிளசிஸ் 7 பந்துவீச்சாளர்களைப் பயன்படுத்தியும் நீண்டநேரமாக நடக்கவில்லை. மார்ஷ் சிறிய கேமியோ ஆடி 26 ரன்களில் ஆட்டமிழந்தார்.

அடுத்துவந்த ரிலீ ரூஸோவும், சால்ட்டுக்கு ஒத்துழைத்து ஆடினார். அவ்வப்போது ரூஸோவும் சில பெரிய ஷாட்களை ஆடி, சிக்ஸர் அடித்து ரன்ரேட் பிரஷரைக் குறைத்தார். ஹர்சல் படேல் வீசிய 13வது ஓவரில் சால்ட் ஒரு சிக்ஸரையும், ரூஸோ 2 சிக்ஸர்கள், ஒரு பவுண்டரி என 24 ரன்களைச் சேர்த்தனர்.

இந்த ஓவருக்கு முன்புவரை டெல்லி கேபிடல்ஸ் வெற்றி பெற 48 பந்துகளுக்கு 56 ரன்கள் தேவை என்றநிலை இருந்தது. ஆனால், அதன்பின் 36 பந்துகளில் வெற்றிக்கு 23 ரன்கள் தேவை என்று தலைகீழாக மாறியது.

அதிரடியாக ஆடிய சால்ட் 45 பந்துகளில் 87 ரன்கள்(6 சிக்ஸர்கள், 8 பவுண்டரிகள்) சேர்த்து கரன் சர்மா பந்துவீச்சில் போல்டாகினார்.

அதன்பின் வந்த அக்ஸர் படேல், ரூஸோவுடன் இணைந்து அணியை வெற்றிக்கு அழைத்துச் சென்றார். அக்ஸர் படேல் களமிறங்கி சந்தித்த முதல் பந்திலேயே சிக்ஸர் விளாசினார். 4 ஓவர்களில் டெல்லி வெற்றிக்கு 3 ரன்கள் தேவைப்பட்டது. மேக்ஸ்வெல் வீசிய 17-வது ஓவரில் ரூஸோ ஒரு சிக்ஸர் அடித்து அணியை வெற்றிக்கு அழைத்துச் சென்றார். ரூஸோ 35 ரன்களிலும், அக்ஸர் படேல் 8 ரன்களிலும் இறுதிவரை ஆட்டமிழக்காமல் இருந்தனர்.

பட மூலாதாரம்,BCCI/IPL

லாம்ரோர், கோலி போராட்டம் வீண்

ஆர்சிபி அணியைப் பொருத்தவரை டூப்பிளசிஸ், விராட் கோலி இருவரும் நிதானமாகத் தொடங்கி பின்னர் அதிரடிக்கு மாறினர். முகேஷ் வீசிய 5வது ஓவரில் டூப்பிளசிஸ் 3 பவுண்டரிகளையும், கலீல் அகமது ஓவரில் சிக்ஸர், பவுண்டரி அடித்தபின் ஆர்சிபி ரன்ரேட் எகிறியது. பவர்ப்ளேயில் 51 ரன்களை ஆர்சிபி சேர்த்தது. டூப்பிளசிஸ், கோலி இருவரும் முதல் விக்கெட்டுக்கு 82 ரன்கள் சேர்த்துப் பிரிந்தனர்.

மார்ஷ் வீசிய 11வது ஓவரில் டூப்பிளசிஸ் 45 ரன்னில் அக்ஸர் படேலிடம் கேட்ச் கொடுத்து ஆட்டமிழந்தார். அடுத்துவந்த மேக்ஸ்வெல் டக்அவுட்டில் தினேஷ் கார்த்திக்கிடம் கேட்ச் கொடுத்துவெளியேறினார். அடுத்தடுத்த பந்தில் ஆர்சிபி விக்கெட்டுகளை இழந்து தடுமாறியது.

அடுத்துவந்த லாம்ரோர், கோலியுடன் இணைந்தார். நிதானமாக பேட் செய்து அதன்பின் லாம்ரோர் ஆட்டம் டாப் கியருக்கு எகிறியது. குல்தீப் யாதவ் ஓவரில் சிக்ஸர், பவுண்டரியும், மார்ஷ் ஓவரில் ஒரு சிக்ஸரையும் லாம்ரோர் விளாசி ரன்ரேட்டை உயர்த்தினார்.

விராட் கோலி 42 பந்துகளில் அரைசதம் அடித்து, 55 ரன்னில் ஆட்டமிழந்தார். ஆனால் அதிரடியாக ஆடிய லாம்ரோர் 26 பந்துகளில் முதல் அரைசதத்தை நிறைவு செய்தார். கடைசி நேரத்தில் லாம்ரோருக்கு நல்ல பார்ட்னர்ஷிப் அமையாதது ரன்ரேட்டை வெகுவாகக் குறைத்தது.

இந்த சீசனில் சொதப்பலாக ஆடிவரும் தினேஷ் கார்த்திக் 11 ரன்னில் ஆட்டமிழந்தார். கடைசி இரு ஓவர்களில் ஆர்சிபி அணியால் 15 ரன்களை மட்டுமே சேர்க்க முடிந்தது. லாம்ரோர் 29 பந்துகளில் 54 ரன்களுடன் (3 சிக்ஸர், 6 பவுண்டரி) இறுதிவரை ஆட்டமிழக்காமல் இருந்தார்.

பட மூலாதாரம்,BCCI/IPL

கோலியின் தவறான கணிப்பு

விராட் கோலி எப்போதுமே அதீத உணர்ச்சியுடனே களத்தில் செயல்படுவார், பேசுவார். அது சில நேரங்களில் அவருக்கு “பேக்பயர்” ஆவதும் உண்டு. இந்த ஆட்டத்தில்கூட கோலியின் பேச்சு அதீத நம்பிக்கையுடன்தான் இருந்தது.

ஆனால், இரவு நேரப் பனிப்பொழிவு, பந்துவீச்சின் தரம், எதிரணி பேட்ஸ்மேன்களின் வலிமையை தவறாகக் கணித்து கோலி பேசிவிட்டார்.

“ஆர்சிபி அணி 181 ரன்களைச் சேர்த்துள்ளதே வலுவான ஸ்கோர். நானும் டூப்பிளசிஸும் 160 ரன்கள் போதும் எனக் கணித்தோம். கூடுதலாக 15 ரன்கள் கிடைத்துள்ளது” என்று விராட் கோலி பேசியது தவறான கணிப்பு.

கோலியின் கணிப்பை உடைக்கும் வகையில் சால்ட் நொறுக்கி அள்ளினார்.

டெல்லி கேபிடல்ஸ் அணிக்கு நேற்று அமைந்த 3 பார்ட்னர்ஷிப்புகளுமே 50 ரன்களுக்கு மேல் சேர்த்தன. ஆனால் இதில் எந்த பேட்ஸ்மேன்களையும் செட்டில் ஆகவிடாத வகையில் ஆர்சிபி பந்துவீச்சாளர்கள் பந்துவீசாதது தோல்விக்கு முக்கியக் காரணம்.

டெல்லி பேட்ஸ்மேன்கள் சால்ட், வார்னர், மார்ஷ், ரூஸோ ஆகியோருக்கு தொந்தரவு தரும் வகையில் பந்துவீசியிருந்தால், ஆட்டம் நெருக்கடியாக மாறியிருக்கும். ஆனால், துல்லியமில்லாத, நெருக்கடியில்லாத ஆர்சிபி பந்துவீச்சால்தான் 181 ரன்கள் எனும் ஸ்கோரை 20 பந்துகள் மீதமிருக்கையில் டெல்லி அணியால் சேஸிங் செய்ய முடிந்தது.

அது மட்டுமல்லாமல் விராட் கோலியின் பேட்டிங் அணுகுமுறையும், ஆர்சிபி அணியின் பேட்டிங் அணுகுமுறையும் மந்தமாகவே இருக்கிறது. விக்கெட்டுகளுக்கு இடையே ரன்களை ஓடி எடுப்பதில் ஆர்சிபி வீரர்கள் மந்தமாகவே இருக்கிறார்கள்.

பவுண்டரி, சிக்ஸர் மட்டுமே முயற்சி செய்வோம், ஒரு ரன், 2 ரன்களை ஓடி எடுப்பதில் கவனம் செலுத்த வேண்டுமா என்ற மனநிலையில்தான் உள்ளனர். அதனால்தான் கடைசி 6 ஓவர்களில் ஆர்சிபி அணி 42 ரன்களை மட்டுமே சேர்க்க முடிந்தது.

மார்ஷ் வீசிய 15-வது ஓவரில் லாம்ரோர் லாங்கான் திசையில் தட்டிவிட்டு ஒரு ரன் எடுக்க முயன்றார், கோலி ஓடிவரும்போது, லாம்ரோர் நடந்துதான் சென்றார். சிங்கில் ரன், 2 ரன்களை எடுப்பதற்கு ஆர்சிபி வீரர்கள் காட்டும் சோம்பேறித்தனம்தான் ரன்ரேட்டை வெகுவாகக் குறைத்துவிடுகிறது. ரன்களை ஓடிச் சேர்ப்பதில் வேகம் காட்டியிருந்தால் ஸ்கோர் 200 ரன்களை எட்டியிருக்கும்.

பட மூலாதாரம்,BCCI/IPL

3 வீரர்களை நம்பி பயணம்

அது மட்டுமல்லாமல் ஆர்சிபி அணியில் டூப்பிளசிஸ், கோலி, மேக்ஸ்வெல் ஆகியோரை நம்பியே இன்னும் பயணிப்பது எப்போதும் அணிக்கு ஆபத்தானதாகும். ஆர்சிபி அணி 9 போட்டிகளில் 5 ஆட்டங்களில் வென்றுள்ளது, இதில் 5 வெற்றிகளில் 4 வெற்றிகள் ஆர்சிபி அணி முதலில் பேட் செய்து கிடைத்ததாகும். ஒரு போட்டியில் மட்டும் 212 ரன்கள் சேர்த்தும் ஆர்சிபி தோல்வி அடைந்தது.

ஆர்சிபி அணிக்கு கிடைத்த இந்த தோல்வி, புள்ளிப்பட்டியிலில் 3வது இடத்துக்குச் செல்வதை தவறவிட வைத்துள்ளது. இன்னும் 6வது இடத்தில் நீடித்தாலும் இது எந்த அளவுக்கு அந்த அணிக்கு கைகொடுக்கும் எனக் கூற இயலாது.

அடுத்துவரும் போட்டிகளில் வெற்றியும், இரவு நேரத்தில் விழும் பனிப்பொழிவை சமாளித்து பந்துவீசும் திறமையும் அதிகமாகத் தேவை. பேட்டிங்கில் 3 வீரர்களை மட்டுமே நம்பியிருக்கும் சூழலும் அணிக்குள் மாறினால்தான் ஆர்சிபி ப்ளே ஆஃப் சுற்றுக்குள் செல்ல முடியும்

டூப்பிளசி என்ன சொல்கிறார்?

ஆர்சிபி கேப்டன் டூப்பிளசிஸ் கூறுகையில் “185 ரன்கள் நல்லஸ்கோர், வென்றுவிடலாம் என நினைத்தோம். ஆனால், 2வது இன்னிங்ஸில் சிறிது பனிப்பொழிவு இருந்ததால் பந்துவீச முடியவில்லை. டெல்லி பேட்ஸ்மேன்கள் சிறப்பாக பேட் செய்தனர். எங்கள் அணியின் பேட்ஸ்மேன்களும் சிறந்த ஆட்டத்தை வெளிப்படுத்தினார்கள்.

எங்கள் அணியின் பந்துவீச்சாளர்கள் செய்த தவறுகளை டெல்லி பேட்ஸ்மேன்கள் பயன்படுத்தினர். எங்கள் பேட்டிங்கில் கூடுதலாக 20 ரன்கள் சேர்த்திருந்தால் போட்டி நெருக்கடியாக சென்றிருக்கும். பவர்ப்ளே ஓவருக்குப் பின் எங்கள் பந்துவீச்சில் சற்று பின்னடைவு காணப்பட்டது உண்மைதான். லாம்ரோர் பேட்டிங் அருமையாக இருந்தது” எனத் தெரிவித்தார்.

https://www.bbc.com/tamil/articles/c51p2en12xlo

[ஏராளன்]

மதீஸ பத்திரன -சென்னை சுப்பர் கிங்ஸின் மஞ்சள் நிறத்தில் துடுப்பாட்ட வீரர்களிற்கு அச்சத்தை ஏற்படுத்தும் புதிய ஸ்லிங்கா

Published By: RAJEEBAN

07 MAY, 2023 | 12:00 PM

அவரிடம் பொன்னிறமான சுருட்டப்பட்ட முடியில்லை,ஆனால் மலிங்கவை நினைவுபடுத்தும் பந்துவீச்சு பாணியுள்ளது- யோர்க்கர்கள் டிப்பர்கள் புன்னகை அனைத்தும் மலிங்கவை நினைவுபடுத்துகின்றன.

சென்னைசுப்பர் கிங்ஸ் அணியினருக்கு லசித் மலிங்கா குறித்து அச்சம் தரும் நினைவுகள் உள்ளன,2013 ஐபிஎல் இறுதிப்போட்டியில் அவர் சென்னை அணியின் முதுகெலும்பை முறித்தார்,2015 இல் எம்எஸ்டோனியை தனது வேகம் குறைவான பந்து மூலம் ஏமாற்றினார்.

அதன் பின்னர் 2019 இறுதிபோட்டியில் தொடர்ச்சியாக ஐந்து 140 கிலோமீற்றருக்கு மேற்பட்ட யோர்க்கர்களையும் ஒரு வேகம் குறைந்தபந்தினையும் வீசி சென்னை அணியின்  வேதiனையை அதிகப்படுத்தினார்.

2011 முதல் 2019 வரை சென்னை சேப்பாக்கம் மைதானத்தில் சிஎஸ்கே அணிக்கு எதிராக மும்பாய் அணி பெற்ற ஆறு தொடர்ச்சியான வெற்றிகளின் ஒருபகுதியாக மலிங்க காணப்படுகின்றார்.

ஆனால் தற்போது சென்னை சுப்பர் கிங்ஸ் அணியிடம் அவர்களின் சொந்த மலிங்க ஒருவர் இருக்கின்றார்( பொடிமலிங்க - சின்ன மலிங்க)

ஒருமாற்றத்திற்காக மஞ்சள் நிறஆடை அணிந்து பந்துவீசிய ஸ்லிங்கர் நீல அணியை தோற்கடித்தார்.

மதீஸ பத்திரன 13வது 15வது 18வது 20வது ஓவர்களை வீசி 15 ஓட்டங்களை மாத்திரம் விட்டுக்கொடுத்து  3 விக்கெட்களை வீழ்த்தினார்.

நேற்றைய போட்டியில் ஒரேயொரு அரைசதத்தை மாத்திரம் பெற்ற நெகால் வதேராவை ஆட்டமிழக்கச்செய்வதற்காக பத்திரன வீசிய பந்தை இந்த தொடரின் பந்து என குறிப்பிடலாம்.

அவரது பந்து வீச்சு பாணியை வைத்து அவர் யோர்க்கர் வீசப்போகின்றார் என நீங்கள் கணித்தால் கூட அதிலிருந்து தப்புவது கடினம்.

யோர்க்கர் பந்தினை எதிர்பார்த்த நெகால் வதேரா  பந்தை பைன்லெக்கை நோக்கி ஸ்குப் செய்வதற்கு முயற்சி செய்தார் ஆனால் பந்து மிகவும் துல்லியமாக நடுவிக்கெட்டை தாக்கியது.

ஓவத விக்கெட்டில்   பத்திரன வீசிய பந்து இடதுகைதுடுப்பாட்டவீரருக்கு யோர்க்கர் பந்தாக மாறியது ( 146) 

மதீஸ பத்திரனவின் பந்துவீச்சு பாணியே  குறிப்பிட்டு சொல்லவேண்டிய விடயம்- போட்டியின் பின்னர் அவரது பந்தினை கணிக்க முடியவில்லை என நெகால்வதேரா தெரிவித்தார்.

பத்திரனவின் சகவீரரான டெவன்கொன்வோய் வலைப்பயிற்சியின் போது அவரை எதிர்கொள்வதில்லை.

கடந்த தொடரில் மதீஸபத்திரனவின் பத்து பன்னிரென்டு பந்துகளையே வலைப்பயிற்சியில்  எதிர்கொண்டதாக ருட்டிராஜ் கைக்குவாட் தெரிவித்தார்.

பத்திரனவின் வெளியீட்டு புள்ளி மலிங்கவை விட குறைவாக உள்ளதையும் சகவீரரானநுவான் துசாரவை விட குறைவாக உள்ளதையும் ஒளிபரப்பில் உள்ள பிளவுத்திரை காண்பித்தது.

ஆனால் மதீஸபத்திரனவின் பந்து வீசும் பாணி மாத்திரம் குறிப்பிட்டு சொல்லக்கூடிய விடயம் இல்லை- மதீஸ் பத்திரன பல வகை பந்துகளை வீசுகின்றார் அவற்றை அவர் மிகவும் துல்லியமாக வீசுகின்றார் என்பதும் முக்கியமான விடயம்.

பவுன்சர் வேகம் குறைந்த பவுன்சர் போன்றவற்றை அவர் வீசுகின்றார்.

டோனிஇறுதி ஓவர்களில் அவரை நம்புவதற்கு இதுவே காரணம்.

 Deivarayan Muthu- cricinfo

ரஜீபன்

https://www.virakesari.lk/article/154690

[ஏராளன்]

நடராஜனின் 'வேகத்தடை' பந்துகள்: ஒரே பந்தில் போட்டியின் முடிவு மாறிப் போனது எப்படி?

பட மூலாதாரம்,BCCI/IPL

 

படக்குறிப்பு,

ஒரே ஓவரில் ஆட்டத்தை சன்ரைசர்ஸ் ஹைதராபாத் பக்கம் திருப்பிய பிலிப்ஸ்

கட்டுரை தகவல்

• எழுதியவர்,போத்திராஜ்
• பதவி,பிபிசி தமிழுக்காக
• 3 மணி நேரங்களுக்கு முன்னர்

சன்ரைசர்ஸ் ஹைதராபாத் அணி வீரர்கள்கூட வெற்றி பெறுவோம் என நம்பியிருக்கமாட்டார்கள். ஆட்டத்தின் ஒட்டுமொத்த தலை எழுத்தும், கடைசி 2 ஓவர்களில்தான் முடிவு செய்யப்பட்டது. அதிலும் கிளென் பிலிப்ஸின் ஹாட்ரிக் சிக்ஸர்கள், துணிச்சலான அப்துல் சமது கடைசிப்பந்து வரை போராடியது ஆகியவை சன்ரைசர்ஸ் வெற்றிக்கு முக்கியக் காரணம்.

வெற்றியை கையில் வாங்கி கட்டியணைக்கத் தவறவிட்ட ராஜஸ்தான் ராயல்ஸ் அணியின் அவலத்தை என்னவென்று சொல்வது. ராஜஸ்தான் அணியின் தோல்விக்கு 3 பேர்தான் காரணம்.

50 ஆட்டங்களில் இதுவே முதல் முறை

ஐ.பி.எல். டி20 தொடர் தொடங்கி 50 போட்டிகள் முடிந்துவிட்ட நிலையில் இதுபோன்ற பரபரப்பான, இதயத்துடிப்பை எகிறச் செய்யும், பல ட்விஸ்ட்களைக் கொண்ட ஆட்டத்தை ரசிகர்கள் முதல்முறையாக பார்த்துள்ளனர்.

இதுபோன்ற கடைசி நேர ட்விஸ்ட்கள் ஐபிஎல் தொடரில் மட்டும்தான் நடக்கும் என்பது நேற்றைய சன்ரைசர்ஸ், ராஜஸ்தான் ராயல்ஸ் ஆட்டத்தைப் பார்த்த ரசிகர்கள் புரிந்திருப்பார்கள்.

கடைசிப்பந்தில் 5 ரன்கள் தேவை என்றபோது ராஜஸ்தான் பந்துவீச்சாளர் சந்தீப் சர்மா வீசிய பந்தை சன்ரைசர்ஸ் பேட்ஸ்மேன் அப்துல் சமது அடிக்கத் தவறவிட்டவுடன் ராஜஸ்தான் வீரர்கள் வெற்றிக்கொண்டாட்டத்தில் ஈடுபட்டனர்.

பட மூலாதாரம்,BCCI/IPL

வெற்றியைத் தடுத்த நோ-பால்

அங்குதான் யாரும் எதிர்பாராத ட்விஸ்ட் ஏற்பட்டது. 3வது நடுவர் சந்தீப் சர்மா வீசிய பந்தை நோ-பால் என்று அறிவித்தார். ராஜஸ்தான் வீரர்கள், ரசிகர்கள், சன்ரைசர்ஸ் வீரர்கள் யாரும் இந்த அறிவிப்பை எதிர்பார்க்கவில்லை, ஆட்டம் உச்ச சுதியில் பரபரப்பை எட்டியது.

கிடைத்த வாய்ப்பை இதற்குமேல் தவறவிடக்கூடாது என்ற ரீதியில், சந்தீப் சர்மா வீசிய ப்ரீ ஹிட் பந்தை அப்துல் சமது ஸ்ட்ரைட் ட்ரைவில் சிக்ஸர் அடிக்க சன்ரைசர்ஸ் ஹைதராபாத் கடைசிப்பந் துநோபாலில் த்ரில்லாக வென்றது.

ராஜஸ்தான் ராயல்ஸ் அணிக்கான வெற்றியை சன்ரைசர்ஸ் ஹைதராபாத் அழகாகத் திருடிவிட்டது என்றுதான் கூறமுடியும். இந்தப் போட்டியைப் பார்த்த ரசிகர்களுக்கு ஆட்டத்தின் முடிவு ஒருபுறம் மகிழ்ச்சியையும், அச்சச்சோ...பாவம் ராஜஸ்தான் வீரர்கள் என்று பரிதாபப்பட வைத்தது.

ஆட்டத்தை மாற்றிய கிளென் பிலிப்ஸ்

சன்ரைசர்ஸ் அணிக்கு கடைசி 2 ஓவர்கள்தான் ஆட்டத்தின் போக்கைத் தீர்மானித்தது. இந்த சீசனில் முதல்முறையாக வாய்ப்புப் பெற்ற கிளென் பிலிப்ஸ் களமிறங்கி 7 பந்துகளில் ஹாட்ரிக் சிக்ஸர்கள் உள்ளிட்ட 25 ரன்கள் விளாசி ஆட்டநாயகன் விருதையும் வென்றார். குறைவான பந்தை சந்தித்து ஆட்டநாயகன் விருது வென்று ஐபிஎல் தொடரில் 2வது வீரர் பிலிப்ஸ் என்பது குறிப்பிடத்தக்கது.

கடைசி 12 பந்துகளில் சன்ரைசர்ஸ் வெற்றிக்கு 41 ரன்கள் தேவை என்ற இக்கட்டான நிலையில் இருந்தது.

இந்த சூழலில் அனைத்து ரசிகர்களும், ராஜஸ்தான் அணிக்குத்தான் வெற்றி என்று எண்ணினர். ஆனால், 19-வது ஓவரை அனுபவம் இல்லாத வேகப்பந்துவீச்சாளர் குல்தீப் யாதவை கேப்டன் சாம்ஸன் வீசச் செய்தார். கிளென் பிலிப்ஸ் எதிர்கொண்டார்

'ஹாட்ரிக்' சிக்ஸர் விளாசிய பிலிப்ஸ்

பட மூலாதாரம்,BCCI/IPL

குல்தீப் யாதவ் முதல் பந்தை ஃபுல்டாஸாக வீச லாங்ஆனில் சிக்ஸருக்கு பிலிப்ஸ் பறக்கவிட்டார். 2வது பந்தையும் குல்தீப் ஃபுல்டாஸாக வீச, மீண்டும் லாங்-ஆன் திசையில் பிலிப்ஸ் சிக்ஸர் விளாசினார். 3வது பந்தை குல்தீப் ஆப்சைடில் வீச பிலிப்ஸ் அதை மிட்விக்கெட்டில் சிக்ஸர் விளாசி ஹாட்ரிக் சிக்ஸரை அடித்தார்.

4வது பந்தில் பிலிப்ஸ் பவுண்டரி அடிக்க மொத்த ஆட்டமும் சன்ரைசர்ஸ் பக்கம் சென்றது. 5-வது பந்தில் பிலிப்ஸ் (7பந்துகளில் 25 ரன்) ஹெட்மயரிடம் கேட்ச் கொடுத்து ஆட்டமிழந்தார்.

த்ரில் கடைசி ஓவர்

கடைசி ஓவரில் சன்ரைசர்ஸ் வெற்றிக்கு 17 ரன்கள் தேவைப்பட்டது. சிஎஸ்கே அணிக்கு எதிராக சந்தீப் சர்மா ஏற்கெனவே டெத் ஓவரை சிறப்பாக வீசியிருந்ததால், அவரையே கேப்டன் சாம்ஸன் வீசச் செய்தார். அப்துல் சமது, ஜான்ஸன் இருவரும் களத்தில் இருந்தனர்.

சந்தீப் வீசிய முதல்பந்தை சமது எதிர்கொண்டு 2 ரன்கள் சேர்த்தார். 2-ஆவது பந்தில் அப்துல் சிக்ஸர் விளாச பரபரப்பானது. 3வது பந்தில் அப்துல் 2 ரன்களும், 4வந்து பந்தில் ஒருரன்னையும் சமது எடுத்தார்.

2 பந்துகளில் சன்ரைசர்ஸ் வெற்றிக்கு 6 ரன்கள் தேவைப்பட்டது. 5-ஆவது பந்தை ஜான்ஸன் ஒரு ரன்எடுத்தார். கடைசிப்பந்தில் வெற்றிக்கு 5 ரன்கள் தேவைப்பட்டது. அப்துல் சமது ஸ்ட்ரைக்கில் இருந்தார். கடைசிப்பந்தை சந்தீப் வீச, அந்தப் பந்தில் பவுண்டரி அடிக்க முடியாமல் சமது கோட்டைவிட்டார்.

ஆட்டத்தை வென்று விட்டதாக எண்ணிணி மகிழ்ச்சியில் சந்தீப் சர்மா வானத்தை நோக்கி கையைத் தூக்கி வெற்றியைக் கொண்டாடினார். ஆனால், அடுத்த வினாடியில் வெற்றிக்கொண்டாட்டம் அனைத்தும் அடங்கியது.

3வது நடுவர் தலையிட்டு சந்தீப் சர்மா வீசிய பந்து நோபால் என அறிவிக்கவே, ப்ரீ ஹிட் சன்ரைசர்ஸ் அணிக்கு கிடைத்தது. நோபால் என்பதால் ஒரு ரன்னும் கிடைத்தது. ஆதலால் ப்ரீ ஹிட்டில் பவுண்டர் அடித்தால் சன்ரைசர்ஸ் வெற்றி என்ற ரீதியில் அப்துல் சமது எதிர்கொண்டார். சந்தீப் யார்கராக வீசிய பந்தை அப்துல் சமது லாங்ஆன் திசையில் சிக்ஸருக்கு விளாசி ஆட்டத்தை வெற்றியுடன் முடித்தார்.

பட மூலாதாரம்,BCCI/IPL

இருமுறை தப்பிய அப்துல் சமது

அப்துல் சமது இருமுறை ஆட்டமிழக்கும் வாய்ப்பில் இருந்து தப்பி வெற்றிக்கு வழிகாட்டினார். அப்துல் சமது 2ரன் சேர்த்தநிலையில் மெக்காய் ஒரு கேட்சை கோட்டைவிட்டார், அதன்பின், கடைசி ஓவரில் சிக்ஸருக்கு சென்ற பந்தை ஜோ ரூட் தாவிப்பிடிக்க முற்பட்டு முடியாமல் பந்து கையில் பட்டு சிக்ஸர் சென்றது. இந்த இரு வாய்ப்புகளில் ஒரு வாய்ப்பில் அப்துல் சமது சிக்கி இருந்தால், சன்ரைசர்ஸ் தோல்வி உறுதியாகியிருக்கும்.

இதுதான் ஐபிஎல் ஸ்பெஷல்

தோல்விக்குப்பின் ராஜஸ்தான் கேப்டன் சாம்ஸன் கூறுகையில் “ ஐபிஎல் தொடரில் இதுபோன்ற ஆட்டங்கள்தான் ஸ்பெஷல். நீங்கள் வெற்றி பெற்றுவிட்டீர்கள் என அறிவிக்கப்பட்டு உறுதி செய்யும்வரை, வெற்றி பெற்றதாக நீங்கள் உணரமுடியாது. சந்தீப் மீது நம்பிக்கை வைத்திருந்தேன். ஆனால், நோ-பாலை எதிர்பார்க்கவில்லை. சன்ரைசர்ஸ் வீரர்கள் அருமையாக பேட் செய்தனர். இந்த தொடரில் டி20 போட்டியில் விளையாடுவது வாழ்க்கையில் எளிதானது அல்ல. ஒவ்வொரு ஆட்டத்திலும், உங்களின்பங்களிப்பு தேவை. நாங்கள் மீண்டு எழுவோம்”எ னத் தெரிவித்தார்

தோல்விக்கு ராஜஸ்தானே காரணம்

ராஜஸ்தான் ராயல்ஸ் அணியை சன்ரைசர்ஸ் ஹைதராபாத் அணி தோற்கடிக்கவில்லை. ராஜஸ்தான் அணியினரே தோல்வியை விரும்பி பெற்றுக்கொண்டார்கள் என்றுதான் என்றுதான் கூறமுடியும். வெற்றியை தூக்கி சன்ரைசர்ஸ் அணியிடம் தாரை வார்த்து தோல்வி விரும்பி வாங்கிக்கொண்டனர்.

214 ரன்கள் ஸ்கோர் என்பது மிகப்பெரிய இலக்கு. இந்த இலக்கைக்கூட சன்ரைசர்ஸ் அணியால் அடையவிடாமல் தடுக்கக்கூட பந்துவீச்சாளர்களால் முடியவில்லை. குறிப்பாக வேகப்பந்துவீச்சாளர் குல்தீப் யாதவ், தமிழக வீரர் முருகன் அஸ்வின், சந்தீப் சர்மா ஆகியோரின் பந்துவீச்சு மிக மோசமாக இருந்தது.

முருகன் அஸ்வின் பந்துவீச வரும்போதெல்லாம் சன்ரைசர்ஸ் பேட்ஸ்மேன்கள் சிக்ஸர், பவுண்டரி அடித்து ரன்ரேட்டை உயர்த்தினர். சன்ரைசர்ஸ் வீரர்களுக்கு நெருக்கடியளிக்கும் வகையில் முருகனின் பந்துவீச்சு அமையவில்லை. 3 ஓவர்கள் வீசிய முருகன் அஸ்வின் 42 ரன்களை வாரி வழங்கினார்.

பட மூலாதாரம்,BCCI/IPL

அடுத்ததாக, குல்தீப் யாதவ் 4 ஓவர்கள் வீசி 50 ரன்களை வழங்கி வள்ளலாக மாறினர். அனுபவம் இல்லாத குல்தீப் யாதவை 19வது ஓவரை வீசச் செய்ததற்கு பதிலாக, அனுபவம் உள்ள மெக்காயை பந்துவீச கேப்டன் சாம்சன் முடிவு எடுத்திருக்கலாம்.

இதுபோன்ற ஹை-பிரஷர் ஆட்டத்தில் கடைசி ஓவருக்கு முந்தைய ஓவர் யார் வீசுகிறார்,எவ்வாறு கட்டுப்படுத்துகிறார் என்பதை வைத்தே கடைசி ஓவர் முடிவு செய்யப்படும். ஆனால், குல்தீப் வீசிய 19வது ஓவரில் பிலிப்ஸ் அடித்த ஹாட்ரிக் சிக்ஸர்கள், பவுண்டரி ஆட்டத்தை திருப்பிப்போட்டது.

சந்தீப் சர்மா 4 ஓவர்கள் வீசி 48 ரன்களை வழங்கினார். டெத் ஓவர்களில் சிறப்பாகப் பந்துவீசக்கூடியவர் என்று கூறப்பட்டாலும் கடைசி நேரத்தில் செய்த தவறுகள் தோல்விக்கு காரணமாகிவிட்டன. இந்த 3 பந்துவீச்சாளர்களும் சேர்ந்து 140 ரன்களை விட்டுக்கொடுத்துள்ளனர் என்பதன் மூலம் தோல்விக்கான காரணத்தை அறியலாம்.

அடுத்ததாக கேப்டன் சாம்ஸனின் தவறான முடிவுகள், திரிபாதிக்கு கேட்சை கோட்டைவிட்டது, ஸ்டெம்பை தட்டிவிட்டு ரன்அவுட்டை தவறவிட்டது போன்ற செயல்கள் மிகப்பெரிய விலையை கொடுக்க வைத்துள்ளன.

ராஜஸ்தான் வீரர்கள் நேற்று கேட்சுகளை நழுவவிடவில்லை, வெற்றியை நழுவவிட்டனர். அப்துல் சமது தேர்டு மேன் திசையில் அடித்தபந்தை மெக்காய் கையில் விழுந்த பந்தை பிடிக்காமல் கோட்டைவிட்டார். கடைசி ஓவரில் சிக்ஸர் அடித்த பந்தை ஜோ ரூட் கேட்ச் பிடிக்க கடும் முயற்சி செய்து தவறவிட்டார். இரு தருணங்களும் ஆட்டத்தை மாற்றின.

பட மூலாதாரம்,BCCI/IPL

மற்ற வகையில் யஜூவேந்திர சஹல், ரவிச்சந்திர அஸ்வின் ஆகியோர் ஆகச்சிறப்பாகப் பந்துவீசினர். சஹல் எடுத்த ஒவ்வொரு விக்கெட்டும் ஆட்டத்தில் திருப்புமுனையை வழங்கிய தருணங்கள் ஆனால், எதையும் மற்ற வீரர்கள் பயன்படுத்திக் கொள்ளவில்லை.

ராகுல் திரிபாதி(47), கிளாசன்(26), மார்க்ரம்(6), அன்மோல்ப்ரீத் சிங்(33) ஆகிய 4 பேட்ஸ்மேன்கள் ஆட்டமிழந்தபோதெல்லாம் ஆட்டம் ராஜஸ்தான் பக்கம்தான் சென்றது. அதற்கான வழியையும் சஹல் வகுத்துக் கொடுத்தார். ஆனால், மற்ற வீரர்களின் பொறுப்பற்ற பந்துவீச்சு, கேப்டன் சாம்சனின் தவறான வியூகம், முடிவுகள் தோல்விக்கு முக்கியக் காரணமாக அமைந்தன. ராஜஸ்தான் அணி நேற்று சந்தித்த தோல்வியால் நிச்சயமாக அவர்களுக்கு தூக்கமில்லா இரவாகவே கழிந்திருக்கும்.

ஃபார்முக்கு வந்த பட்லர்

ராஜஸ்தான் அணிக்கு ஜெய்ஸ்வால், பட்லர் இருவரும் அருமையான தொடக்கம் அளித்தனர். ஜெய்ஸ்வால் வழக்கம்போல் அதிரடியாக ஆடி 35 ரன்களில் ஆட்டமிழந்தார். முதல் விக்கெட்டுக்கு இருவரும் 54 ரன்கள் சேர்த்தனர். பவர்ப்ளேயில் ராஜஸ்தான் அணி 61 ரன்கள் சேர்த்தது.

இந்த சீசனில் ஃபார்மின்றி தவித்துவந்த பட்லருக்கு நேற்று ரிதம் கிளிக் ஆகியது. சாம்ஸனுடன் சேர்ந்து, பட்லர் சன்ரைசர்ஸ் பந்துவீச்சை வெளுத்துவாங்கினார். மார்கோ ஜான்ஸன், புவனேஷ்வர், மார்க்கண்டே ஓவர்களை பட்லர் சிக்ஸர், பவுண்டரிகளாகப் பறக்கவிட்டார். 20 பந்துகளுக்கு 20 ரன்களைச் சேர்த்திருந்த பட்லர் அடுத்த 12 பந்துகளில் அரைசதத்தை நிறைவு செய்தார். சாம்ஸன் 32 பந்துகளில் அரைசதம் அடித்தார்.

இருவரும் 2வது விக்கெட்டுக்கு 138ரன்கள் சேர்த்து அருமையான பார்ட்னர்ஷிப் அமைத்தனர். புவனேஷ்வர் குமார் வீசிய 19வது ஓவரில் பட்லர் 5 ரன்னில்சதத்தை தவறவிட்டு 95 ரன்னில்(59 பந்துகள், 4 சிக்ஸர்,10 பவுண்டரி) ஆட்டமிழந்தார். சாம்ஸன் 66 ரன்களிலும்(38 பந்துகள் 5 சிக்ஸர், 4 பவுண்டரி), ஹெட்மெயர் 7 ரன்னிலும் ஆட்டமிழக்காமல் இருந்தனர்.

பட மூலாதாரம்,BCCI/IPL

ராஜஸ்தான் ரன் ரேட்டை பாதித்த நடராஜனின் 'யார்க்கர்கள்'

ராஜஸ்தான் ராயல்ஸ் அணியின் பட்லர், சாம்ஸன் ரன் குவிப்புக்கு கடைசி நேரத்தில் தங்களின் துல்லியமான பந்துவீச்சால் தமிழக வீரர் நடராஜனும், புவனேஷ்வர் குமாரும் நெருக்கடி அளித்தனர். 18-வது ஓவரை வீசிய நடராஜன், தனது துல்லியமான யார்கர்களால் பட்லரையும், சாம்ஸனையும் திணறவிட்டு வெறும் 5 ரன்களை மட்டுமே விட்டுக்கொடுத்தார்.

19வது ஓவரை வீசிய புவனேஷ்வர் 7 ரன்களை வழங்கி பட்லர் விக்கெட்டையும் வீழ்த்தினார். இருவரின் பந்துவீச்சு கடைசி நேரத்தில் ராஜஸ்தான் ரன்வேகத்துக்கு பெரிய தடைக்கல்லாக அமைந்தது. இந்த இரு ஓவர்களில் அடிக்கவிட்டிருந்தால், ராஜஸ்தான் அணி கூடுதலாக 30 ரன்கள் ஸ்கோர் செய்திருக்கும். இருப்பினும் நடராஜன் 20வது ஓவரில் 17 ரன்களை வழங்கினார். இந்த ஓவரைத் தவிர நடராஜன் பந்துவீச்சு அருமை என சொல்லலாம்.

பட மூலாதாரம்,BCCI/IPL

பேட்ஸ்மேன்களின் வெற்றி

சன்ரைசர்ஸ் பந்துவீச்சு ஒருபோதும் அவர்களின் வெற்றிக்கு காரணமாக இல்லை. ஏனென்றால், விக்கெட்டுகளை வீழ்த்த முடியாமலும், ரன் குவிப்பையும் கட்டுப்படுத்த முடியாமலும் தரமற்றதாகவே இருந்தது. ஆனால், பேட்டிங்கில் ஏதாவது செய்ய வேண்டும், வெற்றிக்கு முயற்சிக்கலாம் என்ற பேட்ஸ்மேன்களின் முயற்சி அவர்களுக்கு கை கொடுத்தது.

மயங்க் அகர்வால், ஹேரி ப்ரூக் ஆகியோருக்குப் பதிலாக பிலிப்ஸ், அன்மோல் ப்ரீத் சிங் சேர்க்கப்பட்டிருந்தனர்.

இந்த சீசனில் கலக்கிவரும் அபிஷேக் சர்மா, அன்மோல்ப்ரீத் சிங்குடன் சேர்ந்து களமிறங்கினார். அன்மோல்பிரீத் சிங், அபிஷேக் இருவரும் ராஜஸ்தான் வீரர்கள் பந்துவீச்சை பவுண்டரிகளாக விளாசி ரன்ரேட்டை சீராகக் கொண்டு சென்றனர்.

அன்மோல் 33 ரன்கள் சேர்த்த நிலையில் சஹல் பந்துவீச்சில் ஆட்டமிழந்து முதல் விக்கெட்டுக்கு 51 ரன்கள் சேர்த்துப் பிரிந்தனர். பவர் ப்ளே முடிவில் சன்ரைசர்ஸ் அணி 52 ரன்களைச் சேர்த்தது. 2வது விக்கெட்டுக்கு வந்த திரிபாதி, அபிஷேக் கூட்டணி ஆட்டத்துக்கு திருப்புமுனையாக மாறினர்.

மெல்லமெல்ல சன்ரைசர்ஸ் அணியை வெற்றிப் பாதைக்கு திருப்பினர். 11.3 ஓவர்களில் சன்ரைசர்ஸ் 100 ரன்களை எட்டியது. 33 பந்துகளில் அபிஷேக் சர்மா அரைசதம் எட்டினார். 12-வது ஓவருக்குப்பின், சன்ரைசர்ஸ் ரன் சேர்க்கும் வேகம் அதிகரித்தது. திரிபாதி அவ்வப்போது பவுண்டரி, சிக்ஸர்களை விளாசி ரன் ரேட்டை உயர்த்தி, ராஜஸ்தான் அணிக்கு சவால் விட்டார்.

பட மூலாதாரம்,BCCI/IPL

ஆனால், அஸ்வின் வீசிய 13வது ஓவரில் அபிஷேக் 55 ரன்னில்(34 பந்து, 2 சிக்ஸர், 5 பவுண்டரி) ஆட்டமிழந்தார். அடுத்துவந்த அனுபவ வீரர் கிளாசன் சிறிய கேமியோ ஆடி 26 ரன்னில்(12 பந்து 2 சிக்ஸர்)வெளியேறினார்.

கடைசி 4 ஓவர்களில் சன்ரைசர்ஸ் வெற்றிக்கு 57 ரன்கள் தேவைப்பட்டது. களத்தில் இருந்த திரிபாதி, வெற்றியை ராஜஸ்தான் வசம் செல்லாமல் இழுத்துப் பிடித்தவாறு இருந்தார். சஹல் வீசிய 18-வது ஓவரில் திரிபாதி 47 ரன்னில் ஜெய்ஸ்வாலிடம் கேட்ச் கொடுத்து ஆட்டமிழந்தார். அதே ஓவரில் மார்க்ரம் கால்காப்பில் வாங்கி வெளியேறினார். இதனால் ஆட்டத்தின் போக்கு ராஜஸ்தான் வசம் சென்றது.

அடுத்துவந்த கெளின் பிலிப்ஸ், சமது கூட்டணி ஆட்டத்துக்கு திருப்புமுனையாக இருப்பார்கள் என யாரும் எதிர்பார்க்கவில்லை. இதற்கு முன் பிலிப்ஸ் பெரிதாக எந்த ஆட்டத்திலும் சாதிக்கவில்லை.

கடைசி 2 ஓவர்களில் சன்ரசைர்ஸ் வெற்றிக்கு 41 ரன்கள் தேவைப்பட்டது. எட்ட முடியாத இலக்கு, வெற்றி ராஜஸ்தானுக்கே என்று ரசிகர்கள் எண்ணி, அரங்கில் ராஜஸ்தான் கொடி பறக்கத் தொடங்கியது.

அப்போதுதான் திருப்பம் நடந்தது. குல்தீப் வீசிய 19வது ஓவரில் பிலிப்ஸ் அடித்த ஹாட்ரிக் சிக்ஸர்கள், பவுண்டரி என 24 ரன்கள் ஆட்டத்தின் போக்கை மாற்றின. இந்த சீசனில் முதல்முறையாக ஐபிஎல் வாய்ப்பைப் பெற்று பிலிப்ஸ் ஹீரோவாக மாறினார்.

அப்துல் சமது ஃபினிஷராக மாறவில்லையே என்று எண்ணியவர்களுக்கு கடைசிநேரத்தில் ப்ரீஹிட்டில் அவர் அடித்த சிக்ஸர் சன்ரைசர்ஸ் அணிக்கு வெற்றியைத் தேடித்தந்தது.

 

"உணர்ச்சிகள் சட்டென மாறின"

சன்ரைசர்ஸ் கேப்டன் மார்க்ரம் கூறுகையில் “ எங்களின் உணர்ச்சிகள் திடீரென மாறின. ஒவ்வொருவரும் பங்களிப்பு செய்தோம். அபிஷேக் சிறப்பான தொடக்கம் அளித்தார், அதை திரிபாதி இறுகப்பற்றி வழிநடத்தினார், மற்றவர்கள் சிறிய கேமியோ ஆடினர். பிலிப்ஸ், சமது ஆட்டத்துக்கு வாழ்த்துகள்” எனத் தெரிவித்தார்.

இந்த வெற்றியின் மூலம் சன்ரைசர்ஸ் அணி 10 போட்டிகளில் 4 வெற்றிகளுடன் 8 புள்ளிகளுடன் 9-வது இடத்தில் இருக்கிறது. ராஜஸ்தான் ராயல்ஸ் அணி 10 புள்ளிகளுடன் 4வது இடத்தில் நீடிக்கிறது.

ஐபிஎல் வரலாற்றிலேயே சன்ரைசர்ஸ் ஹைதராபாத் அணி முதல் முறையாக 200 ரன்களுக்கு மேல் சேஸிங் செய்துள்ளது. இந்த சீசனில் 200 ரன்களுக்கு மேல் 6-வது முறையாக சேஸிங் செய்யப்பட்டுள்ளது.

https://www.bbc.com/tamil/articles/cg632vvvvdzo

[ஏராளன்]

அண்ணனை வீழ்த்திய தம்பி: அதிரடியில் மிரட்டியும் சாஹா கேலிக்குள்ளானது ஏன்?

பட மூலாதாரம்,BCCI/IPL

7 மே 2023

புதுப்பிக்கப்பட்டது 5 மணி நேரங்களுக்கு முன்னர்

விருதிமான் சாஹா(81), சுப்மான் கில்(94-நாட்அவுட்) ஆகியோரின் அருமையான பேட்டிங், பாட்னர்ஷிப் லக்னெள சூப்பர் ஜெயிட்ஸ் அணிக்கு எதிராக, குஜராத் டைட்டன்ஸ் அணிக்கு இமாலய வெற்றியைப் பெற்றுக் கொடுத்துள்ளது.

இந்த சீசனில் அருமையான பேட்டிங்கை வெளிப்படுத்திய சாஹா அதிவேகமாக 20 பந்துகளில் அரைசதம் அடித்து, 43 பந்துகளில் 81 ரன்கள்(4 சிக்ஸர்கள், 10 பவுண்டரிகள்) சேர்த்து ஆட்டமிழந்தார்.

ஸ்டைலிஷ் பேட்ஸ்மேனான சுப்மான் கில் 51 பந்துகளில் 91 ரன்கள் சேர்த்து(7 சிக்ஸர்கள், 2 பவுண்டரிகள்) இறுதிவரை ஆட்டமிழக்காமல் இருந்தார்.

குஜராத் டைட்டன்ஸ் அணிக்கு இமாலய ஸ்கோரை அடித்துக் கொடுத்து வெற்றியை உறுதி செய்த சாஹா, கில் கூட்டணி முதல் விக்கெட்டுக்கு 142 ரன்கள் சேர்த்தனர். இந்த ஜோடி இதுவரை நடந்த ஆட்டங்களில் அதிகபட்சமாக பவர்ப்ளே ஓவர்களை தாண்டியதில்லை என்ற வருத்தம் இருந்தது.

 

இரு பேட்ஸ்மேன்களும் தனித்தனியாக சிறப்பாக பேட் செய்தாலும், நல்ல பார்ட்னர்ஷிப் அமையவில்லை என்ற வருத்தத்தை இந்த ஆட்டத்தில் துடைத்தெறிந்தனர்.

பட மூலாதாரம்,BCCI/IPL

வரலாற்றில் பாண்ட்யா சகோதரர்கள்

சகோதரர்கள் இருவரும் களத்தில் எதிர் எதிர் அணிகளுக்குத் தலைமை தாங்கி மோதிக் கொள்வது கிரிக்கெட்டில் அரிதான சம்பவம்.

2015-16ஆம் ஆண்டில் ஆஸ்திரேலியாவில் நடந்த பிக் பாஷ் லீக் டி20 தொடரில் மைக் ஹசி சிட்னி தண்டர்ஸ் அணிக்கும், டேவிட் ஹசி மெல்போர்ன் ஸ்டார்ஸ் அணிக்கும் கேப்டன்களாக இருந்து இருவரும் மோதிக்கொண்டனர்.

அதன்பின் தற்போது குஜராத் டைட்டன்ஸ் அணிக்கு கேப்டனாக ஹர்திக் பாண்ட்யாவும் லக்னெள சூப்பர் ஜெயின்ட்ஸ் அணிக்கு கேப்டனாக க்ருனால் பாண்ட்யாவும் என சகோதரர்கள் எதிரணிகளின் கேப்டன்களாக மோதிக்கொண்டனர்.

சாஹா... அவசரத்தில் இப்படியா வருவீங்க…!

இந்த ஆட்டத்தில் விருதிமான் சாஹா பேட்டிங் செய்தபோது தொடையில் லேசாக தசைப்பிடிப்பு ஏற்பட்டது. இதனால், விக்கெட் கீப்பிங் செய்வதற்கு மாற்றுவீரராக பரத் களமிறக்கப்பட்டார்.

ஆனால், நடுவர் அதற்கு சம்மதிக்காமல், சாஹாவை களமிறக்க வேண்டும், அவரால் முடியாதபட்சத்தில் பரத் வரலாம், அதை ஆய்வு செய்தபின் அறிவிப்போம் என்றனர்.

இதையடுத்து, ஓய்வில் இருந்த சாஹா, அவரசரமாக ஜெர்ஸியை மாற்றிக்கொண்டு, பேட், கிளவ்ஸ்களை அணிந்து களத்துக்கு வந்தார்.

ஆனால், சஹா களத்துக்கு வரும் அவசரத்தில் பேண்ட்டை மாற்றி அணிந்துவிட்டார். பேண்டின் முன்பக்கம் இருக்கும் விளம்பரதாரர்களின் பெயர்கள் அனைத்தும் பின்பக்கம் தெரியுமாறு அணிந்து வந்தார். இதைப் பார்த்த கேப்டன் ஹர்திக் பாண்டியா, களத்தில் இருந்த பேட்ஸ்மேன் குயின்டன் டீ காக் உள்ளிட்ட வீரர்கள் சிரித்து கிண்டல் செய்தனர்.

பட மூலாதாரம்,BCCI/IPL

சாஹா, கில் சரவெடி

கில், சாஹா இருவரும் தொடக்கத்தில் இருந்தே அதிரடியில் இறங்கி ரன்களை குவிக்கத் தொடங்கினர். அதிலும் சாஹா மோசின்கானின் முதல் ஓவரிலேயே 2 பவுண்டரிகளை விளாசினார். ஆவேஷ் கான் ஓவரில் சிக்ஸர், பவுண்டரி விளாசி ரன் ரேட்டை ராக்கெட் வேகத்தில் உயர்த்தினார்.

மோசின் கான் வீசிய 4வது ஓவரில் சாஹா 2 பவுண்டரி, 2 சிக்ஸர்களை விளாசியதால் 4 ஓவர்களில் குஜராத் அணி 50 ரன்களை எட்டியது.

ஓவருக்கு 10 என்ற ரன்ரேட்டில் ஸ்கோர் உயர்ந்தது. இதில் சாஹாவின் பங்களிப்பு மட்டும் 46 ரன்களாக இருந்தது. யஷ் தாக்கூர் ஓவரில் சிக்ஸர் அடித்து 20 பந்துகளில் அதிவிரைவாக சாஹா அரைசதம் அடித்தார்.

பவர்ப்ளேவில் குஜராத் அணி 78 ரன்களை குவித்தது. 37 பந்துகளில் 74 ரன்களை சேர்த்து சாஹாவின் பேட்டிங் லக்னெள பந்துவீச்சாளர்களுக்கு சிம்ம சொப்பனமாக இருந்தது. 20 பந்துகளில் அரைசதம் அடித்த சாஹா அடுத்த 17 பந்துகளில் 24 ரன்கள் சேர்த்தார். சாஹா 81 ரன்கள் சேர்த்து ஆவேஷ்கான் பந்துவீச்சில் ஆட்டமிழந்தார்.

பவர்ப்ளேவில் சாஹாவின் அதிரடியை கில் வேடிக்கை மட்டுமே பார்த்தார். பெரிதாக எந்த ஷாட்களையும் கில் ஆடவில்லை. முதல் 4 ஓவர்களில் வெறும் 5 பந்துகளை கில் சந்தித்திருந்தார். ஆனால், சாஹா சற்று களைப்படைந்தவுடன் கில், தனது அதிரடியைத் தொடங்கினார். க்ருனால் பாண்ட்யா ஓவரில் சிக்ஸர், ரவி பிஷ்னோய் ஓவரில் 2 சிக்ஸர்களை விளாசி ரன்ரேட்டை உயர்த்தினார்.

சுப்மன் கில் 29 பந்துகளில் அரைசதம் அடித்து இந்த சீசனில் 4வது அரைசதத்தை பதிவு செய்தார். கில் சேர்த்த 68 ரன்களில் ஒரு பவுண்டரிகூட அடிக்கவில்லை, சிக்ஸர் மட்டுமே விளாசி இருந்தார். சாஹா ஆட்டமிழந்து சென்றபின் வந்த கேப்டன் ஹர்திக் பாண்ட்யா சிறிய கேமியோ ஆடி 25 ரன்னில் மோசின்கான் பந்துவீச்சில் ஆட்டமிழந்தார்.

டேவிட் மில்லர் 12 பந்துகளில் 21 ரன்களுடன் இறுதிவரை ஆட்டமிழக்காமல் களத்தில் இருந்தார். கில் இந்த சீசனில் சதத்தை அடிக்க வாய்ப்பு இருந்தும் 6 ரன்கள் குறைவாக 94 ரன்கள் சேர்க்க முடிந்தது.

பட மூலாதாரம்,BCCI/IPL

திருப்புமுனையான ரஷித் கான் கேட்ச்

வெற்றிக் கேப்டன் ஹர்திக் பாண்ட்யா கூறுகையில் “மேயர்ஸுக்கு ரஷித் கான் பிடித்த கேட்ச் ஆட்டத்தை மாற்றியது. அதன்பின் ஆட்டத்தை எங்கள் பக்கம் திருப்பினோம்.

இரு அணிகளுமே சமமான வேகத்தில் சென்றன. ஆனால், விக்கெட் வீழ்ச்சிதான் எங்களை முன்னே கொண்டு சென்றது, ஊக்கத்தை அளித்தது,” எனத் தெரிவி்த்தார்.

அனுபவமில்லாத கேப்டன்ஷிப்

லக்னெள அணியின் பந்துவீச்சாளர்கள் கில், சாஹாவை பிரிக்க பல்வேறு முயற்சிகளை மேற்கொண்டும் அவர்களை நீண்ட போராட்டத்துக்குப் பின்புதான் பிரித்தனர்.

இருவரின் ரன் குவிப்பைக் கட்டுப்படுத்த க்ருனால் பாண்ட்யா 8 பந்துவீச்சாளர்களைப் பயன்படுத்தியும் பயனில்லை. பந்துவீச்சாளர்களை எவ்வாறு பயன்படுத்துவது, எவ்வாறு ரொட்டேட் செய்வது என்பது தெரியாததும், கேப்டன்ஷிப் அனுபமின்மையும் க்ருனால் பாண்ட்யாவிடம் நன்றாகத் தெரிந்தது.

வலுவான அடித்தளம்

228 ரன்கள் எனும் இமாலய இலக்கைத் துரத்தி, மேயர்ஸ், குயின்டன் டி காக் களமிறங்கினர். இந்த சீசனில் முதல் ஆட்டத்தில் டி காக் களமிறங்கினார்.

மேயர்ஸ், டி காக் இருவரும் சளைக்காமல் ஓவருக்கு 10 ரன்களை சேர்த்து குஜராத் பந்துவீச்சாளர்களுக்கு கடும் சவாலாக இருந்தனர். பவர்ப்ளேவில் விக்கெட் இழப்பின்றி 72 ரன்களை லக்னெள அணி சேர்த்தது.

இருவரின் அதிரடியைக் கட்டுப்படுத்த ரஷித் கான், நூர் அகமதுவை அறிமுகம் செய்தார் ஹர்திக் பாண்ட்யா. ஆனால், சுழற்பந்துவீச்சையும் நொறுக்கி எடுத்த மேயர்ஸ், டி காக் கூட்டணி சிக்ஸர், பவுண்டரிகளாக விளாசித் தள்ளினர். குஜராத் அணிக்கு ஈடாக ரன்ரேட்டை இருவரும் கொண்டு சென்றனர்.

பட மூலாதாரம்,BCCI/IPL

பேட்ஸ்மேன்கள் ஏமாற்றம்

ஆனால், மோகித் சர்மா வீசிய 9வது ஓவரில் ஸ்லோவர் பந்து எனத் தெரியாமல் தூக்கி அடித்த மேயர்ஸ் 48 ரன்னில் (2 சிக்ஸர், 7 பவுண்டரி) ஆட்டமிழந்தார். முதல் விக்கெட்டுக்கு இருவரும் 88 ரன்கள் சேர்த்துப் பிரிந்தனர்.

மேயர்ஸ் ஆட்டமிழந்து சென்றபின், லக்னெள அணியின் வெற்றித் தாகமும் அடங்கித் தணியத் தொடங்கியது. அதிலும் தீபக் ஹூடா(11), ஸ்டாய்னிஷ்(4), நிகோலஸ் பூரன்(3) பதோனி(21) குர்னல் பாண்டியா(0) ஆகியோரின் மந்தமான பேட்டிங் லக்னெள ரன்ரேட்டுக்கு மிகப்பெரிய ஸ்பீடு பிரேக்கராக மாறியது.

குயின்டன் டி காக் தனக்குக் கிடைத்த வாய்ப்பை சரியாகப் பயன்படுத்தி 31 பந்துகளில் அரைசதம் அடித்து, 40 பந்துகளில் 71 ரன்கள் சேர்த்து ஆட்டமிழந்தார்.

114 ரன்கள் வரை ஒரு விக்கெட்டை இழந்திருந்த லக்னெள அணி, அடுத்த 52 ரன்களை சேர்ப்பதற்குள் 6 விக்கெட்டுகளை இழந்தது. தொடக்க வீரர்கள் டி காக், மேயர்ஸ் இருவரும் அமைத்துக் கொடுத்த அடித்தளத்தை நடுவரிசை, பின்வரிசை பேட்ஸ்மேன்கள் பயன்படுத்திக்கொள்ளத் தவறிவிட்டனர்.

மேயர்ஸ் ஆட்டமிழந்தபின் அடுத்த 6 ஓவர்களில் லக்னெள அணி 33 ரன்கள் மட்டுமே சேர்த்திருந்தது. கடைசி 6 ஓவர்களில் லக்னெள வெற்றிக்கு 107 ரன்கள் இருந்தபோதே லக்னெளவின் தோல்வி உறுதியாகிவிட்டது.

ரன்களை கட்டுப்படுத்த தவறிவிட்டோம்

தோல்விக்குப் பின் லக்னெள அணியின் கேப்டன் க்ருனால் பாண்ட்யா கூறுகையில், “நாங்கள் அதிகமான ரன்களை விட்டுவிட்டோம். 227 ரன்கள் எனும் இலக்கு பெரியது.

ஒவ்வொரு பந்தையும் வீணாக்கக்கூடாது. 200 ரன்களை சேஸிங் செய்யும்போதே, 2 ஓவர்களை வீணாக்கினால் நெருக்கடி ஏற்படும்.

எங்களின் கடைசி 6 ஓவர்களில் ரன் சேர்ப்பு மந்தமாகிவிட்டது. 200 ரன்களுக்குள் சுருட்டியிருக்க வேண்டும், தவறிவிட்டோம். எதிரணியில கேப்டனாக என் சகோதரரை சந்திப்பது மகிழ்ச்சி,” எனத் தெரிவித்தார்.

https://www.bbc.com/tamil/articles/c8vr7jld8zeo

[ஏராளன்]

கடைசி ஓவரில் ‘மரண பயம்’ காட்டிய அர்ஷ்தீப்; மைதானத்தை மூழ்கடித்த ‘ரிங்கு சிங்’ முழக்கம்

பட மூலாதாரம்,BCCI/IPL

கட்டுரை தகவல்

• எழுதியவர்,க போத்திராஜ்
• பதவி,பிபிசி தமிழுக்காக
• ஒரு மணி நேரத்துக்கு முன்னர்

ரிங்கு சிங் கடைசிப்பந்தில் அடித்த பவுண்டரி, ரஸலின் அற்புதமான ஃபினிஷிங் ஆட்டம் ஆகியவற்றால், பஞ்சாப் கிங்ஸ் அணிக்கு எதிராக நேற்று நடந்த ஐபிஎல் லீக் ஆட்டத்தில் கொல்கத்தா நைட்ரைடர்ஸ் அணி 5 விக்கெட் வித்தியாசத்தில் அபாரமாக வெற்றி பெற்றது.

இந்த ஐபிஎல் சீசனில் 50 ஆட்டங்கள் முடிந்தபின் நடக்கும் ஒவ்வொரு ஆட்டத்தின் முடிவையும் கடைசிப்பந்துவரை கணிக்க முடியாமல்தான் இருக்கிறது. ராஜஸ்தான் ராயல்ஸ், சன்ரைசர்ஸ் இடையிலான ஆட்டம் உச்சக் கட்ட திருப்பத்தில் முடிந்தநிலையில், நேற்றைய கொல்கத்தா, பஞ்சாப் இடையிலான ஆட்டம் ரசிகர்களின் இதயத்துடிப்பை கடைசிப்பந்துவரை எகிறச் செய்தது.

கடைசி 2 ஓவர்கள்

கொல்கத்தா ஈடன் கார்டனில் நேற்று நடந்த இந்த ஆட்டம் கொல்கத்தா நைட் ரைடர்ஸ் அணிக்கு கரணம் தப்பினால் மரணம் என்ற ரீதியில்தான் இருந்தது.

கடைசி 2 ஓவர்களில் கொல்கத்தா அணி வெற்றிக்கு, 26 ரன்கள் தேவைப்பட்டது.களத்தில் ரிங்கு சிங், ஆந்த்ரே ரஸல் இருவரும் இருந்தனர். சாம் கரன் வீசிய 19-வது ஓவரில் ரஸல் தனது மஸுல் வலிமையை வெளிப்படுத்தினார்.

2வது பந்தில் மிட்விக்கெட் திசையில் ரஸல் சிக்ஸருக்குப் பறக்கவிட்டார், 3வது பந்தில், மீண்டும் மிட்விக்கெட் திசையில் 2வது சிக்ஸரை ரஸல் விளாசினார். 4வது பந்தில் ரன் சேர்க்காத ரஸல், 5வது பந்தில் மீண்டும் ஒரு சிக்ஸரை விளாசி 20 ரன்களைச் சேர்த்து திருப்புமுனையை ஏற்படுத்தினார்.

பட மூலாதாரம்,BCCI/IPL

திக் திக் கடைசி ஓவர்

கடைசி ஓவரில் கொல்கத்தா நைட் ரைடர்ஸ் அணிக்கு 6 ரன்கள் தேவைப்பட்டது. 20-வது ஓவரை அர்ஷ்தீப் சிங் வீசினார். ஸ்ட்ரைக்கரில் இருந்த ரஸல் முதல் பந்தில் ரன் ஏதும் சேர்க்கவில்லை. 2வது பந்தில் ரஸல் ஒரு ரன்னும், 3வது பந்தில் ரிங்கு சிங் ஒரு ரன்னும் எடுத்தனர்.

கடைசி 3 பந்தில் கொல்கத்தா அணி வெற்றிக்கு 4 ரன்கள் தேவைப்பட்டது. 139 கி.மீ வேகத்தில் அர்ஷ்தீப் வீசிய 4-வது பந்தில் ரஸல் ஸ்வீப்பர் கவரில் அடித்து ரஸல் 2 ரன்கள் சேர்த்தார்.

5-வது பந்தை அர்ஷ்தீப் வீசியபோது, ரஸல் பேட்டில் பந்து படாமல் பீட்டன் ஆனது. ஆனாலும், ரஸலும், ரிங்கு சிங்கும் ரன் ஓட முயன்றனர். ஆனால், ஜிதேஷ் சர்மா பந்தை எறிய அர்ஷ்தீப் அதை லாவகமாகப் பிடித்து ரஸலை ரன் அவுட் செய்தார்.

செட்டில் ஆன பேட்ஸ்மேன், ரஸல் 42ரன்களில் (23பந்து, 3சிக்ஸர், 3பவுண்டரி) ஆட்டமிழந்து சென்றதால், ஆட்டத்தின் முடிவு என்னாகுமோ என்று ரசிகர்கள் தலையில் கைவைத்தனர்.

கடைசிப்பந்தை ரிங்கு சிங் எதிர்கொண்டார். அர்ஷ்தீப் வீசிய பந்தை ரிங்கு சிங் டீப் பைன் லெக் திசையில் தட்டி பவுண்டரி அடித்து கொல்கத்தா நைட் ரைடர்ஸ் அணிக்கு பரபரப்பான வெற்றியைப் பெற்றுக்க கொடுத்தார்.

ரிங்கு சிங் 10 பந்துகளில் 21 ரன்கள்(ஒருசிக்ஸர், 2பவுண்டரி) என சூப்பரான கேமியோ ஆடி வெற்றிக்கு துணையாக அமைந்தார்.

ரிங்கு சிங்கின் சாகசம்

கொல்கத்தா ஈடன் கார்டன் மைதானத்தில் ஒரு வீரர் ஹீரோவாவது எளிதான செயல் அல்ல. ஆனால், நேற்றைய ஆட்டத்தில் ரிங்கு சிங் களமிறங்கியபோது, ரசிகர்கள் அனைவரும் ரிங்கு,ரிங்கு என்று சத்தமிட்டனர். போட்டி முடிந்தபின்பும், ரிங்கு சிங் பெயரைக் கூறி சத்தமிட்டு தங்கள் மகிழ்ச்சியை வெளிப்படுத்தினர்.

இந்த சீசனில் கொல்கத்தா நைட் ரைடர்ஸ் அணி 11 போட்டிகளில் மோதியுள்ள நிலையில் அதில் 10 ஆட்டங்களில் ரிங்கு சிங் அணியை சரிவிலிருந்து மீட்டுள்ளார். இரு போட்டிகளில் மட்டுமே ரிங்கு சின் 30 ரன்கள் சேர்த்துள்ளார், மற்ற 8 ஆட்டங்களிலும் 40 ரன்களுக்கு மேல் சேர்த்துள்ளார், இதில் 2 அரைசதங்களும் அடங்கும்.

கொல்கத்தா நைட்ரைடர்ஸ் அணியை இக்கட்டான நிலையில் இருந்து வெற்றிக்கு வழிநடத்திய ஆந்த்ரே ரஸல் ஆட்டநாயகன் விருது வென்றார். இருப்பினும் கொல்கத்தா மக்களின் ஹீரோக்களாக ரஸலும், ரிங்கும் நேற்று ஜொலித்தனர்

பட மூலாதாரம்,BCCI/IPL

10 புள்ளிகளில் 5 அணிகள்

இந்த வெற்றியின் மூலம் கொல்கத்தா நைட் ரைடர்ஸ் அணி 11 ஆட்டங்களில் 5 வெற்றி, 6 தோல்விகள் என 10 புள்ளிகளுடன் 5வது இடத்துக்கு முன்னேறியுள்ளது. நிகர ரன்ரேட் அடிப்படையில் பஞ்சாப் கிங்ஸ் அணி 10 புள்ளிகளுடன் 6வதுஇடத்துக்கு சரிந்துள்ளது.

தற்போது 10 புள்ளிகளுடன் ஆர்சிபி, கேகேஆர், பஞ்சாப், மும்பை இந்தியன்ஸ், ராஜஸ்தான் ராயல்ஸ் ஆகிய 5 அணிகள் கடும் நெரிசலில் உள்ளன. இதில் இன்று நடக்கும் மும்பை இந்தியன்ஸ், ஆர்சிபி இடையிலான ஹைபிரஷர் ஆட்டத்தில் வெல்லும் அணி அடுத்த கட்டத்துக்கு உயரும். இதனால் இந்த ஆட்டம் பெரிய எதிர்பார்ப்பை ஏற்படுத்தியுள்ளது.

இந்த சீசனில் கொல்கத்தா நைட் ரைடர்ஸ் அணி முதல் 7ஆட்டங்களில் 2 வெற்றி, 5 தோல்விகளைச் சந்தித்தது. அடுத்த 4 ஆட்டங்களில் ஒரு தோல்வி, 3 வெற்றிகளைப் பெற்றுள்ளது.

மும்பை இந்தியன்ஸ் அணிக்கு எதிரான ஆட்டத்தில் 66 ரன்களை வாரி வழங்கிய அர்ஷ்தீப் சிங் இந்த ஆட்டத்தில் கடைசி ஓவரை கட்டுக்கோப்பாக வீசி 5 பந்துகளில் 4 ரன்களை வழங்கி, ஒருவிக்கெட்டையும் வீழ்த்தினார், ஆனால், கடைசிப்பந்தில் அடித்தபவுண்டரி, அவரை வெகுவாகப் பாதித்துவிட்டது. தோல்வியின் விரக்தியில் ஹர்ஸ்தீப் சிங் மைதானத்தில் சோர்ந்து அமர்ந்துவிட்டார். அவரை நடுவர் தேற்றி எழுப்பி அனுப்பி வைத்தார்.

பட மூலாதாரம்,BCCI/IPL

மைதானத்தில் 'ரிங்கு சிங்' முழக்கம்

வெற்றிக்குப்பின் கொல்கத்தா நைட் ரைடர்ஸ் அணியின் கேப்டன் நிதிஷ் ராணா கூறுகையில் “ கடைசிப் பந்தில் வெற்றி கிடைக்கும் என நான்நினைக்கவில்லை. நான் 5 சிக்ஸர்களை விளாசும்போதுகூட, கடைசிபந்து வெற்றி குறித்து நினைக்கவில்லை. நானாக இருந்தால் கடைசிப்பந்தில் ஒரு ரன் எடுத்து ஆட்டத்தை டையில் முடிக்கவே முயன்றிருப்பேன். ஆனால், ரிங்கு உண்மையில் ஹீரோ. கொல்கத்தா மைதானமே ரிங்கு, ரிங்கு என்று முழங்கியது எனக்குப் பெருமையாக இருந்தது” எனத் தெரிவித்தார்

தமிழக வீரர் வருணின் மாயஜாலப் பந்துவீச்சு

கொல்கத்தா நைட்ரைடர்ஸ் அணியின் வெற்றிக்கு சுழற்பந்துவீச்சாளர்கள் முக்கிய பங்களிப்பாக இருந்தனர். அதிலும் குறிப்பாக தமிழக வீரர் வருண் சக்கரவர்த்தியின் பந்துவீச்சு பஞ்சாப் கிங்ஸ் பேட்ஸ்மேன்களுக்கு பெரிய குடைச்சலாக இருந்து, முக்கிய விக்கெட்டுகளை இழக்க காரணமாக இருந்தது.

ஆகச்சிறப்பாக பந்துவீசிய வருண் சக்கரவர்த்தி 4 ஓவர்களில் 26 ரன்கள் கொடுத்து, லிவிங்ஸ்டோன், ஜிதேஷ் சர்மா, ரிஷி தவண் ஆகிய 3 முக்கிய விக்கெட்டுகளைக் கைப்பற்றினார். மற்ற இரு சுழற்பந்துவீச்சாளர்களான சுயாஷ் சர்மா 4 ஓவர்கள் வீசி 26 ரன்கள் கொடுத்து ஒரு விக்கெட்டைக் கைப்பற்றினார். சுனில் நரேன் 4 ஓவர்கள் வீசி 29 ரன்கள் கொடுத்தார்.

இந்த ஆட்டத்தில் 3 சுழற்பந்துவீச்சாளர்கள், ராணா என 4 பேரும் சேர்ந்து 13 ஓவர்களை வீசி பஞ்சாப் ரன் குவிப்பை பெருமளவு கட்டுப்படுத்தினர். இந்த 4 பேரின் ஓவர்களிலும் சேர்த்து 88 ரன்கள்தான் விட்டுக் கொடுத்து 5 விக்கெட்டுகளை கைப்பற்றினர். சுழற்பந்துவீச்சாளர்கள் மட்டும் 35 டாட் பந்துகள் அதாவது, 6 ஓவர்களை ரன் அடிக்கவிடாமல் கட்டுப்படுத்தியதே, பஞ்சாப் கிங்ஸ் அணிக்கு பெரிய நெருக்கடியை ஏற்படுத்தியது.

பட மூலாதாரம்,BCCI/IPL

ராணா, ஜேஸன் ராய் கூட்டணி

180 ரன்கள் சேர்த்தால் வெற்றி எனும் இலக்குடன் ஜேஸன் ராய், குர்பாஸ் களமிறங்கினார். இருவரும் அதிரடியாகத் தொடங்கி பவுண்டரிகள், சிக்ஸர்களை விளாசி ரன்களைக் குவித்தனர். நாதன் எல்லீஸ் வீசிய ஸ்லோவர் பந்தில் கால்காப்பில் வாங்கி, குர்பாஸ் 11 ரன்னில் ஆட்டமிழந்தார். பவர்ப்ளேயில் கொல்கத்தா அணி ஒருவிக்கெட் இழப்புக்கு 52 ரன்கள் சேர்த்தது.

அடுத்துவந்த கேப்டன் ராணா, ராயுடன் சேர்ந்தார். கேப்டன் ராணா களத்துக்கு வந்தது முதல் பவுண்டரி, சிக்ஸர்களை விளாசி ரன் ரேட்டை உயர்த்தினார். ஜேஸன் ராய் அவ்வப்போது பவுண்டரிகளை விளாசினார். குறிப்பாக லிவிங்ஸ்டன் வீசிய 2 ஓவர்களிலும், ராணா, ராய் இருவரும் சேர்ந்து 5 பவுண்டரிகளை வெளுத்துனர்.

அருமையாக ஆடிய ஜேஸன் ராய் 38 ரன்கள் சேர்த்தநிலையில் ஹர்பிரீத் பிரார் பந்துவீச்சில் ஷாருக்கானிடம் கேட்ச் கொடுத்து ஆட்டமிழந்தார்.

வெங்கடேஷ் நீண்டநேரம் நிலைக்கவில்லை. வெங்கடேஷ் 11 ரன்கள் சேர்த்த நிலையில், சஹர் பந்துவீச்சில் சிக்ஸர் அடிக்க முயன்று லிவிங்ஸ்டனில் கேட்ச் கொடுத்து ஆட்டமிழந்தார். 3வது விக்கெட்டுக்கு ராய், ராணா கூட்டணி 51 ரன்கள் சேர்த்துப் பிரிந்தனர்.

கடைசி 10 ஓவர்களில் கொல்கத்தா அணி வெற்றிக்கு 104 ரன்கள் தேவைப்பட்டது. நடுப்பகுதியில் ராகுல் சாஹர் வீசிய 4 ஓவர்கள் கொல்கத்தா பேட்ஸ்மேன்கள் ரன் குவிப்பை வெகுவாகக் கட்டுப்படுத்தி, நெருக்கடியளித்தது. இதனால், 12 ஓவர்களில்தான் கொல்கத்தா அணி 100 ரன்களை எட்டியது.

5வது விக்கெட்டுக்கு ரஸல் களமிறங்கி, ராணாவுடன் சேர்ந்தார். அதிரடியாக ஆடிய கேப்டன் ராணா 37 பந்துகளில் அரைசதத்தை நிறைவு செய்து 51 ரன்னில் ராகுல் சஹர் பந்துவீச்சில் விக்கெட்டை இழந்தார்.

கடைசி 4 ஓவர்களில் கொல்கத்தா வெற்றிக்கு 51ரன்கள் தேவைப்பட்டது. களத்தில் ரிங்கு சிங், ரஸல் இருவரும் இருந்தனர். எல்லீஸ் வீசிய 17-வது ஓவரை குறிவைத்த ரஸல் பவுண்டரியும் , ரிங்கு சிங் ஒரு சிக்ஸரும் விளாசி 15ரன்களைச் சேர்த்தனர்.

ஆட்டத்தை மாற்றிய 19-வது ஓவர்

அர்ஷ்தீப் வீசிய 18-வது ஓவரிலும் ரிங்குசிங், ரஸல் தலா ஒருபவுண்டரி அடித்து 10 ரன்களைச் சேர்த்து ரன்ரேட்டை உயர்த்தினர். கடைசி இரு ஓவர்களில் கொல்கத்தா வெற்றிக்கு 26 ரன்கள் தேவைப்பட்டது. சாம் கரன்வீசிய 19-வது ஓவரை ரஸல் வெளுத்து வாங்கினார், 3 சிக்ஸர் உள்ளிட்ட 20 ரன்களை ரஸல் விளாசி அணியை வெற்றிக்கு அருகே அழைத்துச் சென்றார்.

கடைசி ஓவரில் கொல்கத்தா வெற்றிக்கு 6 ரன்கள் தேவைப்பட்டது. ரஸலையும்,ரிங்கு சிங்கையும் பவுண்டரி, சிக்ஸர் அடிக்கவிடாமல் அர்ஷ்தீப் கட்டுப்படுத்தியதால் 4 ரன்கள் மட்டுமே சேர்த்தனர்.

5வது பந்தை எதிர்கொண்ட ரஸல், அடிக்கமுடியாமல் ரன்ஓடி ரன்அவுட் செய்யப்பட்டதால் ஆட்டத்தில் உச்சக்கட்ட பரபரப்பு ஏற்பட்டது. கடைசிப்பந்தில் கொல்கத்தா வெற்றிக்கு2 ரன்கள் தேவைப்பட்டது. அர்ஷ்தீப் வீசிய கடைசிப்பந்தை டீப் பைன்லெக் திசையில் தட்டிவிட்டு, ரிங்கு சிங் பவுண்டரியுடன் வெற்றி பெற வைத்தார். 6-வது விக்கெட்டுக்கு ரஸல், ரிங்கு சிங் 54 ரன்கள் சேர்த்து வெற்றிக்கு முக்கியக் காரணமாக அமைந்தனர்.

பட மூலாதாரம்,BCCI/IPL

“கிரேட் ஃபினிஷர் ரிங்கு”

ஆட்டநாயகன் விருது வென்ற ஆந்த்ரே ரஸல் கூறுகையில் “ ரிங்குவை நினைத்து பெருமையாக இருக்கிறது. 5வது பந்தை எதிர்கொள்ளும் முன் என்னிடம் வந்துபேசிய ரிங்கு, 5வது பந்து பீட்டன் ஆகிவிட்டால்கூட நாம் ரன் ஓட வேண்டும்என்றார்.

அதற்கு நானும் சம்மதித்தேன். அவர் மீது எனக்கு அதிக நம்பிக்கை இருந்தது, ஆட்டத்தை வெற்றிகரமாக முடிக்கும் சிறந்த ஃபினிஷர் ரிங்கு. அனைத்து அழுத்தங்களையும் ரிங்கு தனது கடைசி ஷாட்டால் குறைத்துவிட்டார். களத்துக்கு உள்ளேயேயும், வெளியேயும் ரிங்கு எனக்குச் சிறந்த நண்பர். பயிற்சியிலும் இருவரும் ஒன்றாகவே இருக்கிறோம்” எனத் தெரிவித்தார்

தவானின் தவறான முடிவுகள்

மும்பை இந்தியன்ஸ் அணிக்கு எதிராக 214 ரன்கள் சேர்த்தும் அதை பஞ்சாப் கிங்ஸ் அணியால் டிபெண்ட் செய்ய முடியாததற்கு முக்கியக் காரணம் கேப்டன் ஷிகர் தவான் பந்துவீச்சாளர்களை சரியாகப் பயன்படுத்தாததே காரணம். மும்பை அணிக்கு எதிரான ஆட்டத்தில் சுழற்பந்துவீச்சாளர்கள் ஹர்ப்ரீத் பிரார், சஹர் இருவருக்கும் முழுமையாக ஓவர்களை வழங்கவில்லை. ஆனால் அந்த ஆட்டத்தில் இருவர் மட்டும்தான் கட்டுக்கோப்பாக பந்துவீசினர்.

இந்த ஆட்டத்தில் ஹர்ப்ரீத் பிராருக்கு ஒரு ஓவர் மட்டுமே தவன் வழங்கினார். பிரார் தான் வீசிய ஒரு ஓவரில் 4 ரன்கள் கொடுத்து ஜேஸன் ராய் விக்கெட்டையும் வீழ்த்தியிருந்தார். ஆனால் தொடர்ந்து ஹர்ப்ரீத் பிராருக்கு ஏன் ஓவர்களை தவான் வழங்கவில்லை என்பது குழப்பமாக இருக்கிறது. ஒருவேளை 3 ஓவர்களை பிராருக்கு வழங்கியிருந்தால், கொல்கத்தா அணியின் ரன் சேர்ப்பை இன்னும் கட்டுப்படுத்தி நெருக்கடியை அதிகப்படுத்தியிருக்கலாம்.

ஆனால், மும்பை அணிக்கு எதிரான ஆட்டத்திலும் ரன்களை வாரி வழங்கிய அர்ஷ்தீப் சிங், சாம் கரனுக்குத்தான் தொடர்ந்து ஓவர்களை தவண் வழங்கியது தவானின் தவறான முடிவு. கொல்கக்தா ஆடுகளம் வேகம்குறைந்த பந்துவீச்சாளர்களுக்கும், சுழற்பந்துவீச்சாளர்களுக்கும் ஒத்துழைக்கிறது எனத் தெரிந்தும் ஏன் வேகப்பந்துவீச்சுக்கு தவண் முக்கியத்துவம் அளித்தார் என்பது தெரியவில்லை.

இந்த ஆட்டத்தில் ரிஷி தவான் நன்றாகப் பந்துவீசினார், அவருக்கு முழுமையாக ஓவர்களை வழங்கவில்லை. ஆனால், லிவிங்ஸ்டன் ஓவர்களை வெளுக்கிறார்கள் எனத் தெரிந்தும் அவருக்கு தவான் ஓவர்களை வழங்கினார்.

பஞ்சாப் கிங்ஸ் அணி வெற்றி பெறுவதற்கான வாய்ப்புகள் இருந்தும், அதை கேப்டன் ஷிகர் தவண் சரியாகப் பயன்படுத்திவில்லை. பந்துவீச்சாளர்களை எப்படிப் பயன்படுத்துவது, ரொட்டேட் செய்வது எப்படி எனத் தெரியாமல், களத்தில் கோட்டைவிட்டதே தோல்விக்கு இட்டுச் சென்றது.

குறிப்பாக சாம் கரனை பஞ்சாப் அணி ரூ.18.5 கோடிக்கு ஏலத்தில் எடுத்தது. இதுவரை சாம் கரன் அணியின் வெற்றிக்காக பெரிதாக பங்களிப்பு ஏதும் செய்யவில்லை. சிக்கந்தர் ராசா 2 ஆட்டங்களில் வெற்றிக்கு முக்கியக் காரணமாக அமைந்திருந்தார் அந்தஅளவுகூட சாம் கரன் ஆடவில்லை. லிவிங்ஸ்டோன், சாம் கரன், ரபாடா ஆகிய வெளிநாட்டு வீரர்கள் இருந்தும் முறையாகப் பயன்படுத்தவில்லை.

பட மூலாதாரம்,BCCI/IPL

பேட்ஸ்மேன்கள் ஏமாற்றம்

பஞ்சாப் அணியின் பேட்டிங் வரிசையும் பலமாக இருந்தும் இந்த ஆட்டத்தில் முக்கிய வீரர்கள் ரன் சேர்க்கத் தவறவிட்டனர். கேப்டன் ஷிகர் தவண் 57 ரன்கள்(47பந்துகள்) சேர்த்ததுதான் அதிகபட்ச ஸ்கோராகும். நடுவரிசை பேட்ஸ்மேன்கள் லிவிங்ஸ்டோன்(15), ஜிதேஷ் சர்மா(21), சாம் கரன்(4) ராஜபக்ச(0) ஆகியோர் ஏமாற்றம் அளித்தது ஸ்கோரின் வேகத்தைக் குறைத்தது. இந்த 4 பேட்ஸ்மேன்களும் ஓரளவுக்கு ஸ்கோர் செய்திருந்தால், பஞ்சாப் அணி கூடுதலாக 40 ரன்களைச் சேர்த்திருக்கும்.

கடைசி நேரத்தில் தமிழக வீரர் ஷாருக்கான், ஹர்பிரீத் பிரார் இருவரும் சேர்ந்து ஆடிய கேமியோவால் ரன்கள் வேகமாகச் சேர்ந்தது.

18 ஓவர்கள் முடிவில் பஞ்சாப் அணி 7 விக்கெட் இழப்புக்கு 143 ரன்கள் மட்டுமே சேர்த்திருந்தது. ஆனால், கடைசி இருஓவர்களில் ஷாருக்கான், பிரார் அதிரடியில் இறங்கி ரன் சேர்த்ததே ஸ்கோர் 179 ரன்களை எட்டியது. அரோரா வீசிய 19-வது ஓவரில் ஷாருக்கான் இரு பவுண்டரி, பிரார் ஒரு பவுண்டரி என 15ரன்கள் சேர்த்தனர்.

ஹர்சித் ராணா வீசிய கடைசி ஓவரில் ஷாருக்கான் ஒரு சிக்ஸர், 2பவுண்டரியும், பிரார் ஒரு பவுண்டரியும் என 21 ரன்கள் சேர்த்தனர். இருவரும் சேர்ந்து இரு ஓவர்களில் 36 ரன்கள் சேர்த்தனர். இவர்களும் சொதப்பி இருந்தால், பஞ்சாப் ஸ்கோர் 160 ரன்களுக்குள் முடிந்திருக்கும்.

சுழற்பந்துவீச்சாளர்கள் இல்லை

தோல்விக்குப்பின் பஞ்சாப் கேப்டன் ஷிகர் தவண் கூறுகையில் “ எனக்கு மகிழ்ச்சியில்லை. வெற்றியை இழந்துவி்ட்டோம். இந்த ஆடுகளத்தில் பேட்டிங் செய்வது எளிதாக இல்லை, நல்ல ஸ்கோரை இலக்காக வைத்தும் எங்களால் டிபெண்ட் செய்ய முடியவில்லை.

கடந்த ஆட்டத்தில் இருந்துமீண்டு வந்து அர்ஷ்தீப் சிறப்பாகப் பந்துவீசினார். கடைசி ஓவர்வரை ஆட்டத்தைக் கொண்டு சென்றார் அர்ஷ்தீப். “எங்களிடம் நல்ல சுழற்பந்துவீச்சாளர்கள்இல்லை என்று நினைக்கிறேன், எங்களிடம் இடதுகை சுழற்பந்துவீச்சாளர் இருந்தாலும் லெக்ஸ்பின்னர் இல்லை. இதனால்தான் அதிகமாக ரன்களை வழங்கினோம்” எனத் தெரிவி்த்தார்.

https://www.bbc.com/tamil/articles/c519v1d8r0po

[ஏராளன்]

'விலை குறைவு, வேலை பெரிது' - ஐபிஎல் போட்டிகளில் ஆப்கன் வீரர்களின் சிறப்புக்கு என்ன காரணம்?

பட மூலாதாரம்,YEARS

கட்டுரை தகவல்

• எழுதியவர்,விதான்ஷு குமார்
• பதவி,விளையாட்டு செய்தியாளர், பிபிசி இந்திக்காக
• 9 மே 2023, 06:26 GMT

  புதுப்பிக்கப்பட்டது 3 மணி நேரங்களுக்கு முன்னர்

இது சில வருடங்களுக்கு முன்பு நடந்தது. காபூலில் உள்ள கிரிக்கெட் அகாடமியில் நடந்த நிகழ்ச்சியின் போது ரஷீத் கான் தலைமை விருந்தினராக அழைக்கப்பட்டார்.

இளைஞர்கள் மத்தியில் மிகவும் பிரபலமான கிரிக்கெட் வீரரான ரஷீத் கானைப் பார்த்து, ஆப்கானிஸ்தானின் பல இளைஞர்கள் கிரிக்கெட்டை தங்கள் விருப்பமாக ஏற்றுக்கொண்டனர். அவர்களில் பெரும்பாலானவர்கள் சுழற்பந்து வீச்சை தேர்வு செய்தனர்.

அன்று ரஷீத் கான் சுமார் 250 இளம் வீர்கள் சுழற்பந்து வீசுவதைப் பார்த்தார். பின்னர் ரஷீத் இதை வர்ணனையாளர் ஹர்ஷா போக்லேவிடம் கூறினார்.

இப்போது ஆப்கானிஸ்தானில் எத்தனை மர்ம சுழற்பந்து வீச்சாளர்கள் இருப்பார்கள் என்று போக்லே இந்த வெள்ளிக்கிழமை மீண்டும் அவரிடம் கேட்டபோது, ரஷீத் கான் மிகவும் அமைதியான தொனியில், 'ஆயிரம் பேராவது இருப்பார்கள்' என்று பதிலளித்தார்.

சரியான எண்ணிக்கை நமக்குத் தெரியாமல் இருக்கலாம். ஆனால் ஒன்று மட்டும் நிச்சயம். ஆப்கானிஸ்தானில் இருந்து ஐபிஎல் போட்டியில் தங்கள் முத்திரையை பதித்த சுமார் அரை டஜன் வீரர்கள் இருக்கிறார்கள். உலகெங்கிலும் உள்ள கிரிக்கெட் லீக்குகள் அவர்களை தங்களுக்காக விளையாட அழைக்கின்றன.

ரஷீத் கான், முகமது நபி, முஜீப் உர் ரஹ்மான், நூர் அகமது, ரஹ்மானுல்லா குர்பாஸ் மற்றும் நவீன் உல் ஹக் ஆகியோர் ஆப்கானிஸ்தான் கிரிக்கெட்டுக்கு உலகளவில் அங்கீகாரம் அளித்துள்ளனர். இவர்களில் ரஷீத், நூர், குர்பாஸ், நவீன் ஆகியோர் இந்த ஆண்டு ஐபிஎல் போட்டியில் வெவ்வேறு அணிகளில் விளையாடி வருகின்றனர்.

ஆப்கானிஸ்தானின் 'மர்ம சுழற்பந்து வீச்சாளர்'

இவர்களில் நான்கு ஆப்கானிஸ்தான் வீரர்கள் சிறந்த சுழற்பந்து வீச்சுக்கு பெயர் பெற்றவர்கள். ரஷீத் கான் கடந்த பத்து ஆண்டுகளாக டி20யில் நம்பர் ஒன் ஸ்பின்னர். 18 வயதான நூர் அகமது இந்த சீசனில் குஜராத் அணியில் இடம்பிடித்துள்ளார்.

ராஜஸ்தானுக்கு எதிரான ஆட்டத்தில் ரஷீத் கான் 3 விக்கெட்டுகளையும், நூர் அகமது இரண்டு விக்கெட்டுகளையும் கைப்பற்றினர்.

ஒருவர் பின் ஒருவராக தரமான சுழற்பந்து வீச்சாளர்கள் உருவாகும் அளவுக்கு காபூலில் என்ன நடக்கிறது என்று போட்டியின் நடுவே கேள்வி எழுப்பினார் ஆகாஷ் சோப்ரா.

இந்த ஸ்பின்னர்கள், ஒரு வகையில், மர்ம ஸ்பின்னர்கள். அவர்களின் வேகமான ஆர்ம் ஆக்‌ஷனை பேட்ஸ்மேன்களால் 'படிக்க' முடிவதில்லை.

ரஷீத் கான் ஒரு முழு தலைமுறையையே ஊக்குவித்துள்ளார் என்று அனில் கும்ப்ளே பதிலளித்தார். இவரைப்பார்த்து மற்ற இளைஞர்களும் இவரைப்போல் ஆக வேண்டும் என்று ஆசைப்படுவதுதான் ஆப்கானிஸ்தானில் சுழல்பந்து புரட்சிக்கு காரணம்.

பிரக்யான் ஓஜா ஒரு சுவாரசியமான பகுப்பாய்வு செய்தார். ”பொதுவாக ஒரு இளம் சுழற்பந்து வீச்சாளர் பயிற்சி பெற்ற பயிற்சியாளரிடம் செல்லும்போது பயிற்சியாளர் அவரது ஆக்‌ஷனில் கண்டிப்பாக சில மாற்றங்களைச் செய்வார். ஆனால், ஆப்கானிஸ்தான், இலங்கை போன்ற நாடுகளில் கோச்சிங் சிஸ்டம் அவ்வளவு வலுவாக இல்லாததால் அங்கு அந்த இளம் பந்துவீச்சாளர் எந்த ஆக்‌ஷனை பழகுகிறாரா அந்த ஆக்‌ஷனுடனேயே சர்வதேச கிரிக்கெட்டிலும் வந்துவிடுகிறார் மற்றும் மர்ம ஸ்பின்னராக ஆகிவிடுகிறார்,” என்று அவர் குறிப்பிட்டார்.

இதற்குப் பின்னால் குறிப்பிட்ட காரணம் எதுவும் இல்லை என்பது வெளிப்படையான விஷயம். காரணங்களின் கலவையானது இளம் ஆப்கானிஸ்தான் ஸ்பின்னர்களை வடிவமைத்துள்ளது.

Twitter பதிவை கடந்து செல்ல

காணொளிக் குறிப்புஎச்சரிக்கை: வெளியார் தளங்களில் உள்ள பதிவுகளுக்கு பிபிசி பொறுப்பேற்காது

Twitter பதிவின் முடிவு

வெஸ்ட் இண்டீஸ் வீரர்களின் இடத்தைப்பிடிக்கிறார்களா ஆப்கானிஸ்தான் கிரிக்கெட் வீரர்கள்?

ஐபிஎல் மற்றும் பிற பெரிய டி20 லீக்குகளில் வெஸ்ட் இண்டீஸ் வீரர்களுக்கு அதிக கிராக்கி உள்ளது. ஒன்று, அங்குள்ள கிரிக்கெட் வீரர்கள் மிக இயல்பான முறையில் விரைவான கிரிக்கெட்டை விளையாடுகிறார்கள், இரண்டாவதாக, தேசிய அணியை விட்டு வெளியேறி டி20 லீக்கில் விளையாட அங்குள்ள வீரர்கள் தயங்குவதில்லை.

இந்த ஆண்டு ஐபிஎல்லில் மேற்கிந்திய தீவுகள் வீரர்களின் ஆட்டத்தை பற்றி பேசினால், கைல் மேயர்ஸ் மற்றும் நிக்கோலஸ் பூரன் தவிர வேறு யாரும் பெரிதாக நம்மை ஈர்க்கவில்லை. ஐபிஎல் ஜாம்பவான்களான கெய்ல், பொல்லார்ட், பிராவோ போன்றோர் ஓய்வு பெற்ற நிலையில், இந்த சீசனில் ஆண்ட்ரே ரஸ்ஸலின் பேட் பெரும்பாலும் அமைதியாக இருந்தது.

அல்ஜாரி ஜோசப், சுனில் நரைன், ரோவ்மன் பவல் போன்ற வீரர்களாலும் சிறப்பாக எதையும் செய்ய முடியவில்லை.

இவர்களை ஆப்கானிஸ்தான் வீரர்களுடன் ஒப்பிட்டால், கொல்கத்தா அணிக்காக ரெஹ்மானுல்லா குர்பாஸ் இரண்டு சிறப்பான இன்னிங்ஸ்களை விளையாடியுள்ளார், நவீன்-உல்-ஹக் தனது சிக்கனமான பந்துவீச்சுடன் லக்னெள அணியில் முக்கிய பங்கு வகிக்கிறார். அதே நேரத்தில் குஜராத் தரப்பில் ரஷீத் கான் மற்றும் நூர் அகமது தலா 15 மற்றும் 8 விக்கெட்டுகளை வீழ்த்தினர். மறுபுறம், ஃபசல் ஹக் ஃபரூக்கி ஹைதராபாத் அணியில் தனது இடத்தை இன்னும் உறுதிப்படுத்தவில்லை.

பட மூலாதாரம்,YEARS

குறைந்த பணத்தில் அதிரடி ஆட்டம்

ஆப்கானிஸ்தான் வீரர்களின் மற்றொரு சிறப்பு என்னவென்றால், இவர்களில் பெரும்பாலான வீரர்கள் மிகக் குறைந்த பணத்திற்கு வாங்கப்பட்டுள்ளனர்.

ஆப்கானிஸ்தானின் குர்பாஸ், ஃபரூக்கி, நவீன் உல் ஹக் ஆகியோர் வெறும் 50 லட்சத்துக்கு அணியில் இணைந்துள்ளனர். நூர் அகமது கடந்த சீசனில் பெஞ்சில் இருந்தார். இந்த சீசனில் அவர் ஐந்து போட்டிகளில் விளையாடி அணியில் தனது இடத்தை உறுதி செய்துள்ளார். அவரது விலை 30 லட்சம் மட்டுமே.

குறைந்த பணத்திற்கு வாங்கப்பட்டு, ஐபிஎல் தொடரில் எல்லா அணிகளுக்கும் விருப்பமானவர்களாக மாறியுள்ள ஆப்கானிஸ்தான் வீரர்கள் விரைவில் வெஸ்ட் இண்டீஸ் வீரர்களின் இடத்தை பிடிக்கக்கூடும்.

இந்த வீரர்கள் பற்றிய ஒரு பார்வை

நூர் அகமது

பட மூலாதாரம்,YEARS

18 வயதான நூர் அகமது 56 டி20 போட்டிகளில் 26.3 சராசரியில் 56 விக்கெட்டுகளை வீழ்த்தியுள்ளார். அதே நேரத்தில் அவர் ஐபிஎல் தொடரின் 6 பந்தயங்களில் 10 விக்கெட்டுகளை வீழ்த்தியுள்ளார்.

19 வயதுக்குட்பட்டோருக்கான கிரிக்கெட்டில், இந்தியாவுக்கு எதிராக கேப்டன் திலக் வர்மா மற்றும் துருவ் ஜூரல் ஆகியோரின் விக்கெட்டுகள் உட்பட நான்கு விக்கெட்டுகளை வீழ்த்தியுள்ளார்.

நூர் அகமது 2018 இல் ஆப்கானிஸ்தான் கிரிக்கெட் வாரியத்தின் பார்வைக்கு வந்தார். 2019 ஆம் ஆண்டில், வெறும் 14 வயதில், அவர் ஐபிஎல் ஏலத்தில் வந்தார். ஆனால் அவரை யாரும் வாங்கவில்லை. அதே ஆண்டில் 19 வயதுக்குட்பட்டோருக்கான கிரிக்கெட்டில் இந்தியாவுக்கு எதிராக கேப்டன் திலக் வர்மா மற்றும் துருவ் ஜூரல் ஆகியோரின் விக்கெட்டுகள் உட்பட நான்கு விக்கெட்டுகளை வீழ்த்தினார்.

16 வயதில், ஆஸ்திரேலியாவின் பிக் பாஷ் லீக்கில் மெல்போர்ன் அணிக்காக விளையாடும் வாய்ப்பைப் பெற்றார். அங்கு அவர் லியாம் லிவிங்ஸ்டனின் விக்கெட்டை வீழ்த்தினார். கடந்த ஆண்டு குஜராத் அணியால் வாங்கப்பட்ட அவருக்கு இந்த சீசனில் ஐபிஎல் போட்டியில் விளையாட வாய்ப்பு கிடைத்தது.

ரஹ்மானுல்லா குர்பாஸ்

பட மூலாதாரம்,YEARS

விக்கெட் கீப்பர் பேட்ஸ்மேன் ரஹ்மானுல்லா குர்பாஸிடம் இருக்கும் சில சாதனைகள்,அவருக்கு எவ்வளவு திறமை இருக்கிறது என்பதைக் காட்டுகிறது.

ஒருநாள் தொடரில் விக்கெட் கீப்பர்கள் அடித்த அதிக ரன்கள் பட்டியலில் 582 ரன்களுடன் இவர் 10வது இடத்தில் உள்ளார்.

அவர் தனது அறிமுக ஒருநாள் போட்டியில் சதம் (127 ரன்கள்) அடித்தார். ஒருநாள் தொடரில் மூன்று சதங்கள் அடித்தவர்களின் பட்டியலில் ஆறாவது இடத்தில் உள்ளார்.

2019ல் அறிமுகமான குர்பாஸ், இதுவரை 15 ஒருநாள் போட்டிகளில் விளையாடி 582 ரன்கள் எடுத்துள்ளார். அதே நேரத்தில், அவர் 41 டி20 சர்வதேச பந்தயங்களில் 1019 ரன்கள் எடுத்துள்ளார். அதே நேரத்தில், ஐபிஎல்லின் ஏழு பந்தயங்களில் அவர் 26 சராசரியில் 183 ரன்கள் எடுத்துள்ளார்.

இந்த ஐபிஎல் சீசனில் குர்பாஸ் கொல்கத்தா அணிக்காக இரண்டு அரைசதங்களை அடித்தார். இதில் அவரது அதிகபட்ச ஸ்கோரான 81 ரன்களும் அடங்கும்.

நவீன் உல் ஹக்

1999 செப்டம்பரில் காபூலில் பிறந்த நவீன்-உல்-ஹக் ஆப்கானிஸ்தானின் வேகப்பந்து வீச்சாளர் ஆவார்.

இந்தியன் பிரீமியர் லீக்கில் லக்னெள சூப்பர் ஜெயண்ட்ஸ் அணிக்காக விளையாடி வருகிறார். லங்கா பிரீமியர் லீக், பாகிஸ்தான் சூப்பர் லீக், பிக் பாஷ் லீக், பங்களாதேஷ் பிரீமியர் லீக் உள்ளிட்ட உலகின் பல லீக்களிலும் நவீன் விளையாடியுள்ளார்.

நவீன் இதுவரை 7 ஒருநாள் போட்டிகளில் விளையாடி 14 விக்கெட்டுகளை வீழ்த்தியுள்ளார். இதுவரை 27 சர்வதேச டி20 பந்தயங்களில் விளையாடி 34 விக்கெட்டுகளை சாய்த்துள்ளார்.

இந்த வீரர்கள் அனைவரும் இப்போதும் இளமையானவர்கள்தான். அவர்களிடமிருந்து இன்னும் பல ஆண்டுகளுக்கு நல்ல ஆட்டத்தை எதிர்பார்க்கலாம். மேலும் ரஷீத் கான் கூறிய 'ஆயிரம்' என்ற எண்ணிற்கு அருகில் அவரது குறி பட்டாலும்கூட, உலகம் முழுவதும் உள்ள லீக்களில் ஆப்கானிஸ்தான் வீரர்களின் வெள்ளம் கண்டிப்பாக பெருக்கெடுத்து ஓடும்.

https://www.bbc.com/tamil/articles/cd173lp88qeo

[ஏராளன்]

சிஎஸ்கே கனவுக்கு காத்திருக்கும் 'ஆபத்து'; இனி பிளே ஆஃப் வாய்ப்பு யாருக்கு?

பட மூலாதாரம்,BCCI/IPL

கட்டுரை தகவல்

• எழுதியவர்,விவேக் ஆனந்த்
• பதவி,பிபிசி தமிழ்
• 7 மணி நேரங்களுக்கு முன்னர்

கடந்த சில ஐபிஎல் சீசன்களை விட ஐபிஎல் 2023 சீசன் ரசிகர்களுக்கு விருந்தளிக்கும் தொடராக அமைந்திருக்கிறது. அதற்கு மிகச்சிறந்த உதாரணம் நாட்கள் செல்ல செல்ல பிளே ஆஃப் ரேஸில் போட்டி தீவிரமாவதே.

ஐபிஎல்லில் லீக் போட்டிகளை பொறுத்தவரையில் மொத்தம் 70 போட்டிகள் தான். அதில் 53 போட்டிகள் முடிந்துவிட்டன. ஆனால், இன்னமும் எந்தவொரு அணியும் அதிகாரபூர்வமாக பிளே ஆஃப் சுற்றுக்கு தகுதி பெறவில்லை. அதைவிட இன்னொரு ஆச்சர்யமான விஷயம் என்னவெனில் இன்னமும் எந்தவொரு அணியும் பிளே ஆஃப் வாய்ப்பை முழுமையாக இழந்துவிடவில்லை.

ஆக, இனிவரும் ஒவ்வொரு போட்டியும் 'திடுக்' திருப்பங்களை பிளே ஆஃப் ரேஸில் ஏற்படுத்தக்கூடும். ஒவ்வொரு போட்டியும் கிட்டதட்ட நாக்அவுட் போட்டி போல அமையக்கூடிய சூழல் ஏற்பட்டுள்ளது.

மீண்டும் ஒரு உதாரணத்தை இங்கே பட்டியலிடுவது மேற்சொன்ன கூற்றுக்கு வலு சேர்க்கக்கூடும். இன்றைய தினம் மும்பை இந்தியன்ஸ் மற்றும் ராயல் சேலஞ்சர்ஸ் பெங்களூர் அணிகள் மோதுகின்றன.

இன்று காலை நிலவரப்படி பெங்களூரு புள்ளிப்பட்டியலில் ஆறாவது இடத்திலும், மும்பை இந்தியன்ஸ் அணி எட்டாவது இடத்திலும் இருக்கின்றன.

ஆனால் இன்றைய போட்டியில் மும்பை இந்தியன்ஸ் அணி வெற்றி பெறும் பட்சத்தில் ஒரே போட்டியின் மூலம் புள்ளிப்பட்டியலில் மூன்றாமிடத்துக்கு தாவிவிடும்.

ஆகவே, இனி வரும் போட்டிகள் அனல்பறக்கும் என எதிர்ப்பார்க்கப்படுகிறது.

சரி, எந்தெந்த அணிகள் பிளே ஆஃப் செல்வதற்கான வாய்ப்பு அதிகம்? எவற்றுக்கு குறைவு என்பதை சற்று விரிவாக பார்ப்போம்.

பட மூலாதாரம்,BCCI/ IPL

'ட்விஸ்ட்' வைக்குமா டெல்லி & ஹைதரபாத்?

முதலில் புள்ளிப்பட்டியலில் கடைசி இரு இடங்களில் உள்ள டெல்லி கேபிட்டல்ஸ் மற்றும் சன் ரைசர்ஸ் ஹைதராபாத் அணிகளுக்கான வாய்ப்பை அலசுவோம்.

இந்த இரு அணிகளும் தற்போது 10 போட்டிகளில் விளையாடி நான்கு போட்டிகளில் மட்டும் வென்று எட்டு புள்ளிகளை பெற்றுள்ளன. இந்த இரு அணிகளும் மீதமுள்ள நான்கு போட்டிகளையும் வென்றே ஆக வேண்டும். ஆனால், அதுமட்டும் போதாது ரன்ரேட்டையும் உயர்த்த வேண்டும்.

டெல்லி தற்போது (-0.529) சன் ரைசர்ஸ் (-0.472) எனும் ரன்ரேட்டில் உள்ளன.

ஆகவே பிரமாண்ட வெற்றிகள் பெற்றால், இந்த இரு அணிகளும் பிளே ஆஃப் செல்வதை பற்றி நினைத்துப் பார்க்கலாம்.

இதில் ஹைதரபாத் அணி தனது கடைசி ஆறு போட்டிகளில் இரண்டில் மட்டுமே வென்றுள்ளது. அந்த அணி இனிவரும் போட்டிகளில் லக்னௌ, குஜராத், பெங்களூரு, மும்பை என வலுவான அணிகளை சந்திக்கவுள்ளது.

பட மூலாதாரம்,BCCI/IPL

டெல்லி அணி இந்த தொடரை தோல்வியுடன் தொடங்கியது. தொடர்ந்து ஐந்து போட்டிகளில் தோற்ற டெல்லி கேபிட்டல்ஸ் பின்னர் சுதாரித்துக் கொண்டு தனது கடைசி ஐந்து போட்டிகளில் நான்கில் வெற்றி பெற்றுள்ளது. இதில் குஜராத், பெங்களூரு, ஹைதரபாத், கொல்கத்தா ஆகிய அணிகளுக்கு எதிரான வெற்றிகள் உள்ளடங்கும்.

லீக் போட்டியில் இனி வரும் ஆட்டங்களீல் டெல்லி அணி இரண்டே அணிகளைத் தான் சந்திக்கவுள்ளது. ஆனால், அந்த இரு அணிகளுடனும் தலா இரண்டு போட்டிகளை விளையாடவுள்ளது. ஆம், சென்னை மற்றும் பஞ்சாப் அணிகளுடன் லீக் தொடரின் தனது கடைசி நான்கு ஆட்டங்களை ஆடுகிறது டெல்லி கேபிட்டல்ஸ்.

இந்த இரு அணிகளையும் நேர்த்தியாக வீழ்த்தும் பட்சத்தில் டெல்லிக்கு பிளே ஆஃப் கனவு நனவாகக்கூடும்.

பட மூலாதாரம்,BCCI/IPL

திடீர் சிக்கலில் மூன்று அணிகள்

இந்த ஐபிஎல் தொடரில் தனது முதல் மூன்று போட்டிகளில் சிறப்பாக விளையாடி தலா இரண்டு வெற்றிகளுடன் புள்ளிப்பட்டியலில் டாப் நான்கு இடங்களில் இருந்த மூன்று அணிகள் சிறப்பான ஆட்டத்தை சீராக வெளிப்படுத்த தவறியதால் தற்போது பிளே ஆஃப் வாய்ப்பில் சிக்கலை சந்தித்துள்ளன.

ராஜஸ்தான் ராயல்ஸ் அணி தற்போது நான்காமிடத்திலும், கொல்கத்தா நைட் ரைடர்ஸ் அணி தற்போது ஐந்தாமிடத்திலும், பஞ்சாப் கிங்ஸ் ஏழாமிடத்தில் உள்ளன.

ஆனால் இந்த அணிகளின் நிலைமைக்கும் கடைசி இரு இடங்களில் உள்ள ஹைதரபாத் மற்றும் டெல்லி கேபிட்டல்ஸ் அணிகளுக்கும் மிகப்பெரிய வித்தியாசம் ஏதும் இல்லை.

ஏனெனில் இந்த மூன்று அணிகளும் தற்போது 11 போட்டிகளை விளையாடி ஆறு தோல்விகளுடன் 10 புள்ளிகள் மட்டுமே பெற்றுள்ளன. ஆகவே இனி இந்த அணிகள் தான் விளையாடும் அனைத்து லீக் ஆட்டங்களையும் வென்றால் மட்டுமே பிளே ஆஃப் வாய்ப்பை பற்றி சிந்திக்கவாவது முடியும்.

பட மூலாதாரம்,BCCI/ IPL

இதில் ராஜஸ்தான் அணிக்கு மட்டும் ஒரு நல்ல செய்தி என்னவெனில் அதன் ரன்ரேட் (0.388) நல்ல நிலையில் உள்ளது. எனவே அந்த அணி வெற்றி குறித்து மட்டும் யோசித்தால் போதுமானது .

கொல்கத்தா ரன்ரேட் மோசமில்லையென்றாலும் (-0.079) சிறப்பான வெற்றிகளை பெறவேண்டிய கட்டாயத்தில் உள்ளது. அந்த அணி சென்னை, ராஜஸ்தான், லக்னௌ என புள்ளிப்பட்டியலில் தற்போது தனக்கு மேல் உள்ள அணிகளை எதிர்கொள்ளவிருக்கிறது.

இதில் பஞ்சாபின் நிலை (-0.441) சற்று மோசமாகவே உள்ளது. அந்த அணி மூன்று பிரமாண்ட வெற்றிகளை பெற்றாலும் பிளே ஆஃப் வாய்ப்புக்கு பிற அணிகளின் வெற்றி தோல்விகளை சார்ந்திருக்க வேண்டியிருக்கும்.

பஞ்சாப் அணி தனது கடைசி மூன்று ஆட்டங்களில் இரண்டை டெல்லியுடனும், மீதமுள்ள ஒரு போட்டியில் தன்னுடன் போட்டி போடும் ராஜஸ்தான் அணியையும் எதிர்கொள்ள வேண்டியிருக்கிறது

பட மூலாதாரம்,BCCI/ IPL

இரண்டு 'நட்சத்திர' அணிகள்

ஐபிஎல் தொடங்கிய காலம் தொட்டு தொடர்ச்சியாக அமோக ரசிக ஆதரவு கொண்டுள்ள அணிகளில் மிக முக்கியமானவை மும்பை இந்தியன்ஸ் மற்றும் ராயல் சேலஞ்சர்ஸ் பெங்களூர். ஆனால் இந்த இரு அணிகளுமே தற்போது பிளே ஆஃப் வாய்ப்புக்கு மல்லுக்கட்டவுள்ளன. இந்த இரு அணிகளும் தற்போது வரை 10 போட்டிகளில் விளையாடி தலா ஐந்து வெற்றி, தோல்வியுடன் 10 புள்ளிகளை எடுத்துள்ளன. இரு அணிகளின் ரன்ரேட்டும் சற்று மோசமாகவே உள்ளன.

இப்போதைய சூழலில் ஒட்டுமொத்தமாகவே இரு அணிகள் மட்டுமே 18 புள்ளிகளுக்கு மேல் பெறக்கூடிய சூழலில் உள்ளன.

ஆகவே மும்பை, பெங்களூரு அணிகளுக்குமான வாய்ப்புகள் மிகவும் எளிமையானதுதான். இனி வரும் நான்கு போட்டிகளையும் வென்றால் ரன்ரேட்டை பற்றிக் கவலைப்படத் தேவையில்லை. நேரடியாக பிளே ஆஃப்க்குள் நுழைந்துவிடலாம்.

பட மூலாதாரம்,BCCI/ IPL

ஆனால் ஏதாவது ஒன்றில் தோற்றால்கூட, அதன் பின்னர் மீதமுள்ள போட்டிகளை வென்றே ஆக வேண்டிய கட்டாயம் ஏற்படும். அதுமட்டுமல்ல பிரமாண்ட வெற்றிகளை பெற்றால் மட்டுமே பிளே ஆஃப் வாய்ப்பு ரேஸிலாவது நீடிக்க முடியும்.

அந்த வகையில் இந்த இரு அணிகளும் இன்று மே 9-ம் தேதி மோதவுள்ள ஆட்டம் மிகவும் முக்கியமானது. மும்பையில் நடைபெறும் இந்த ஆட்டத்தில் எந்த அணி வென்றாலும் புள்ளிப்பட்டியலில் மூன்றாவது இடத்துக்கு முன்னேறிவிடும். அது மனோரீதியாக வெற்றி பெறும் அணிக்கு மிகவும் உற்சாகத்தை தரும், அழுத்தத்தை குறைக்கும்.

பெங்களூர் அணியை பொறுத்தவரையில் தனது கடைசி நான்கு ஆட்டங்களை மும்பை, ராஜஸ்தான், ஹைதரபாத், குஜராத் ஆகிய அணிகளுடன் விளையாடுகிறது.

மும்பை இந்தியன்ஸ் அணி தனது கடைசி நான்கு ஆட்டங்களை பெங்களூர், குஜராத் டைட்டன்ஸ் , லக்னௌ, ஹைதரபாத் அணிகளுடன் விளையாடவுள்ளது.

பட மூலாதாரம்,BCCI/ IPL

சறுக்கலில் 'லக்னௌ'

இந்த ஐபிஎல் சீசனில் தொடர்ந்து சீரற்ற ஆட்டத்தை வெளிப்படுத்தி வரும் அணிகளில் முதன்மையானது லக்நௌ.

ஆரம்பத்தில் இருந்தே இந்த அணி எப்படியோ புள்ளிப்பட்டியலில் முதல் நான்கு இடங்களில் நீடித்துவருகிறது. ஆனால் இதுவரை ஒரே ஒரு முறை மட்டுமே தொடர்ச்சியாக இரு போட்டிகளை வென்றுள்ளது. கடைசி ஐந்து போட்டிகளில் ஒரு வெற்றி மட்டுமே கிடைத்திருக்கிறது. எனினும் நல்ல ரன்ரேட் காரணமாக தப்பித்துவந்தது. ஆனால் இப்போது தொடர் வெற்றிகளை பெற வேண்டிய கட்டாயத்துக்கு தள்ளப்பட்டுள்ளது லக்னௌ.

தற்போது 11 போட்டிகளில் விளையாடி 11 புள்ளிகளை பெற்றுள்ளது. இனி ஒரு போட்டியை தோற்றால் கூட அதிகபட்சம் 15 புள்ளிகளை மட்டுமே பெற முடியும். அது சிக்கலை உண்டாக்கக் கூடும். ரன்ரேட் மற்றும் பிற அணிகளின் வெற்றி தோல்வியை நம்பி பிளே ஆஃப் வாய்ப்புக்காக காத்திருக்க வேண்டிய சூழல் அமையலாம்.

ஆனால் மீதமுள்ள மூன்று போட்டிகளை வென்றால், 17 புள்ளிகளை பெறும். அந்தச் சூழலில் எந்த கவலையும் இன்றி பிளே ஆஃப் விளையாடலாம்.

கேப்டன் கே.எல்.ராகுல் காயத்தால் விலகியுள்ள நிலையில் தனது மீதமுள்ள லீக் ஆட்டங்களில் ஹைதரபாத், மும்பை, கொல்கத்தா ஆகிய அணிகளை எதிர்கொள்கிறது லக்னௌ.

 

பட மூலாதாரம்,BCCI/ IPL

எட்டிப் பிடிக்கும் உயரத்தில் பிளே ஆஃப் வாய்ப்பு

சென்னை சூப்பர் கிங்ஸ் அணி இந்த சீசனில் சிறப்பான ஆட்டத்தை வெளிப்படுத்தி வருகிறது. ராஜஸ்தான் உடனான இரண்டு தோல்விகள் தவிர்த்து குஜராத் மற்றும் பஞ்சாப் அணியுடன் தலா ஒரு போட்டியில் தோற்றது.

தற்போது 11 போட்டிகளில் விளையாடி 13 புள்ளிகள் எடுத்துள்ளது சிஎஸ்கே.

தோனி அணிக்கு தற்போது மூன்று வாய்ப்புகள் உள்ளன. தான் விளையாடும் மீதமுள்ள மூன்று போட்டிகளையும் வெல்லும் பட்சத்தில் பிளே ஆஃப் தகுதி பெறுவது மட்டுமின்றி இறுதிப்போட்டிக்கு எளிதாக தகுதி பெறும்வகையில் குவாலிபயர் 1 போட்டியில் விளையாட வாய்ப்பு கிடைக்கும். இது சென்னை அணிக்கு மிகவும் முக்கியமானது. ஏனெனில் குவாலிபயர் 1 போட்டி சென்னை மண்ணில் நடைபெறவுள்ளது குறிப்பிடத்தக்கது.

ஒருவேளை சென்னை மீதமுள்ள மூன்று போட்டிகளில் எதாவது ஒன்றில் தோற்றால் கூட பிளே ஆஃப் வாய்ப்பு முற்றிலுமாக கைவிட்டு போய்விடாது. ஏனெனில் அப்போது சென்னைக்கு 17 புள்ளிகள் கிடைக்கும். இப்போதைய சூழலில் மும்பை, பெங்களூரு, குஜராத் அணிகள் மட்டுமே 17 புள்ளிகளை விட அதிகம் பெறும் வாய்ப்பை கொண்டிருக்கின்றன. சென்னை அணி ரன்ரேட்டில் கவனம் செலுத்தினால் பிளே ஆஃப் வாய்ப்பு கிடைத்துவிடும்.

ஒருவேளை சென்னை அணி மீதமுள்ள மூன்று போட்டிகளில் ஒன்றில் மட்டுமே வெல்லும் பட்சத்தில் 15 புள்ளிகள் கிடைக்கும். அப்போதும் பிற அணிகளின் வெற்றி தோல்வியை பொறுத்து நூலிழையில் பிளே ஆஃப் வாய்ப்பு கிடைக்கலாம்.

ஆனால் மீதமுள்ள மூன்று போட்டிகளையும் தோற்றால் சென்னை அணியின் கோப்பைக் கனவு கானல் நீராகும்.

சென்னை அணிக்கு ஒரு நல்ல செய்தி என்னவெனில் மீதமுள்ள மூன்று லீக் போட்டிகளில் இரண்டு ஆட்டங்களை சென்னை மண்ணில் விளையாடவுள்ளது. பலத்த ரசிக படையை கொண்டுள்ள சென்னையை அதன் மண்ணில் தோற்கடிப்பது டெல்லி மற்றும் கொல்கத்தா அணிகளுக்கு எளிதல்ல.

சென்னை தனது கடைசி மூன்று ஆட்டங்களை டெல்லியுடன் இரண்டு ஆட்டமும், கொல்கத்தாவுடன் ஒரு ஆட்டமும் விளையாடவுள்ளது.

பட மூலாதாரம்,BCCI/ IPL

உச்சாணிக் கொம்பில் குஜராத் டைட்டன்ஸ்

இதுவரை மூன்று தோல்விகளை மட்டுமே சந்தித்து 16 புள்ளிகளுடன் அசத்தலான ரன்ரேட்டில் புள்ளிப்பட்டியலில் முதலிடத்தில் உள்ளது குஜராத் டைட்டன்ஸ்.

ஹர்திக் பாண்டியா அணி இனிவரும் மூன்று போட்டிகளில் ஏதாவது ஒன்றில் வென்றால் கூட பிளே வாய்ப்பை உறுதி செய்துவிடும். ஒருவேளை மூன்று ஆட்டங்களையும் மோசமாக தோற்றால் கூட பிரமாண்ட ரன்ரேட் அந்த அணியை கரைசேர்த்துவிடும்.

ஆகவே, குஜராத் அணியின் பிளே ஆஃப் வாய்ப்பை எந்தவொரு அணியும் தட்டிப்பறிப்பது அவ்வளவு சுலபமல்ல.

https://www.bbc.com/tamil/articles/c1eppgl1k9xo

[ஏராளன்]

சூர்யகுமார் விஸ்வரூபம் எடுத்ததால் கோலி அணிக்கு இனி என்ன சிக்கல்?

பட மூலாதாரம்,BCCI/IPL

கட்டுரை தகவல்

• எழுதியவர்,போத்திராஜ்
• பதவி,பிபிசி தமிழுக்காக
• 3 மணி நேரங்களுக்கு முன்னர்

ஐ.பி.எல். தொடரில் மும்பை இந்தியன்ஸ் அணி மீண்டும் ஒருமுறை 200 மற்றும் அதற்கு அதிகமான வெற்றி இலக்கை அநாயசமாக சேஸ் செய்து அசத்தியுள்ளது. ராயல் சேலஞ்சர்ஸ் பெங்களூருவின் சவாலை முறியடிக்க அந்த அணிக்கு சூர்யகுமாரின் ஆட்டம் பக்கபலமாக அமைந்தது. அடுத்தடுத்து 200 ரன்களை எளிதாக சேஸிங் செய்ததன் மூலம் மும்பை இந்தியன்ஸ் அணி எதிரணிகளுக்கு கிலியை ஏற்படுத்தியுள்ளது.

இதன் மூலம் புள்ளிகள் பட்டியலில் டாப் 4 இடங்களுக்குள் மும்பை இந்தியன்ஸ் அணி முன்னேறியுள்ளது. அதேநேரத்தில், இந்த தொடரை வெற்றிகரமாக தொடங்கிய ராயல் சேலஞ்சர்ஸ் பெங்களூர் அணி அடுத்தடுத்த தோல்விகளால் சிக்கலில் சிக்கியுள்ளது.

வான்கடே மைதானத்துக்கு வந்திருந்த ரசிகர்கள் டிக்கெட் காசுக்கு வானவேடிக்கை பார்த்துச் சென்றனர். இந்த ஆட்டத்தில் மட்டும் இரு அணிகளும் சேர்த்து 21 சிக்ஸர்கள், 37 பவுண்டரிகள் அடிக்கப்பட்டன.

‘ஸ்கை’ அதிரடி ஆட்டம்

மும்பை இந்தியன்ஸ் அணியின் SKY எனச் செல்லமாக அழைக்கப்படும் சூர்யகுமார் யாதவ், வதேரா கூட்டணி, “200 ரன்கள் எல்லாம் ஒரு ஸ்கோரா” என்று கேட்கும் அளவுக்கு அதிரடியாக ஆடி இலக்கை எளிதாக அடைய வைத்தனர்.

அதிலும் குறிப்பாக சூர்யகுமார்யாதவ், 26 பந்துகளில் அரைசதம் அடித்து அடுத்த 9 பந்துகளில் 33 ரன்களை விளாசியது ஆர்சிபி பந்துவீச்சாளர்களை நிலைகுலையச் செய்தது. மதம்பிடித்த யானை போன்று செயல்பட்ட சூர்யகுமார் யாதவ், 35 பந்துகளில் 84 ரன்கள்(6 சிக்ஸர், 7 பவுண்டரி) சேர்த்து ஆட்டமிழந்தார்.

மும்பை இந்தியன்ஸ் அணி 200 ரன்களைச் சேஸிங் செய்ததைப் பார்த்தபின், ஆர்சிபி அணி நேற்றைய ஆட்டத்தில் 230 ரன்களை அடித்திருந்தால்கூட அதை டிபெண்ட் செய்யதிருக்க முடியாது என்றுதான் கூறலாம்.

பட மூலாதாரம்,BCCI/IPL

சூர்யகுமார்-வதேரா கூட்டணி

ஏனென்றால், ஒரு கட்டத்தில் 60 பந்துகளில் மும்பை இந்தியன்ஸ் வெற்றிக்கு 101 ரன்கள் தேவைப்பட்டது. ஆனால், சூர்யகுமார் அதிரடியால் திடீரென 26 பந்துகளில் 8 ரன்கள் சேர்தால் வெற்றி எனும் நிலைக்கு மும்பை இந்தியன்ஸ் நிலை மாறியது. 21 பந்துகள் மீதமிருக்கையில் அந்த 101 ரன்களை அடைந்து, மும்பை இந்தியன்ஸ் வெற்றி பெற்றது ஆர்சிபி வீரர்களையே மிரளவைத்துள்ளது.

சூர்யகுமார் யாதவின் பேட்டில் பட்ட பந்துகள் நேற்று சிக்ஸர், பவுண்டரி எனப் பறந்தன. ஹேசல்வுட், ஹசரங்கா, சிராஜ், ஹர்சல்படேல் ஆகிய ஆர்சிபி பந்துவீச்சாளர்கள் சூர்யகுமார் யாதவுக்கு எப்படிபந்துவீசுவது எனத் தெரியாமல் கையைக் கசக்கி நின்றனர்.

நிதானமாகத் தொடங்கிய சூர்யகுமார் களத்தில் செட்டில்ஆனபின் ஆர்சிபி வீரர்களின் பந்துவீச்சை துவசம் செய்தார். ஹேசல்வுட் , சிராஜ், ஹர்சல் படேல் பந்துகள் ஸ்வீப் ஷாட்டிலும், ஸ்கூப் ஷாட்டிலும் சிக்ஸர்களுக்கும், பவுண்டரிகளுக்கும் பறந்தன. 26 பந்துகளில் அரைசதம் அடித்த சூர்யகுமார், அடுத்த 9 பந்துகளில் 33 ரன்களைச்ச சேர்த்து ஆட்டமிழந்தார்.

சூர்யகுமார் நேற்று அடித்த ஷாட்கள் குழந்தைகள் கால்பந்து விளையாட்டில் பந்தை தூக்கி லாவகமாக அடிப்பதைப் போல் மிக எளிதாக இருந்தது. சூர்யகுமார் யாதவ் 35 பந்துகளில் 83 ரன்கள் சேர்த்தது ஐபிஎல் தொடரில் அவரின் சிறந்த ரன் குவிப்பாகும். ஆட்டநாயகன் விருது வென்ற சூர்யகுமார் கடந்த 6 இன்னிங்ஸ்களில் 4-வது அரைசதமாகும்.

சூர்யகுமார் - வதேரா ஜோடி 3வது விக்கெட்டுக்கு 64 பந்துகளில் 140 ரன்கள் சேர்த்தனர். ஐபிஎல் தொடரில் மும்பை இந்தியன்ஸ் சார்பில் 3வது விக்கெட்டுக்கு சேர்க்கப்பட்ட 3வது அதிகபட்ச ஸ்கோராகும். இதற்குமுன் ரோஹித் சர்மா, கிப்ஸ் கூட்டணி 167 ரன்களும், டுவைன் ஸ்மித், சச்சின் கூட்டணி 163 ரன்களையும் சேர்த்திருந்தனர்.

பட மூலாதாரம்,BCCI/IPL

நவீன கிரிக்கெட்டில் சிறந்த ரிஸ்ட் வீரர்

இந்திய அணியின் முன்னாள் வீரர் தாஸ் குப்தா, கூறுகையில் “ இன்றைய நவீன கிரிக்கெட் உலகில் நான் பார்த்தவரையில் மணிக்கட்டை பயன்படுத்தி பேட்டிங் செய்வதில் சிறந்தவராக சூர்யகுமார் இருக்கிறார், அதிலும் கவர் டிரைவ் ஷாட்களை ரிஸ்ட்டை பயன்படுத்தி ஆடுவதில் நம்பமுடியாத வகையில் செயல்படுகிறார்.” எனத் புகழாரம் சூட்டியுள்ளார்.

திலக் வர்மா காயத்தால் செல்லவே அவருக்குப்பதிலாக களமிறக்கப்பட்டவர் நேஹல் வதேரா. 22 வயதான வதேராவை ஏலத்தில் ரூ.20 லட்சத்துக்கு மும்பை அணி வாங்கியது. ஆனால், தனக்கு கொடுக்கப்பட்ட விலைக்கு அதிகமாகவே விளையாடி காண்பிக்க முடியும் என்ற ரீதியில் திலக்வர்மா இடத்தை வதேரா நிரப்பிவிட்டார். இந்த சீசனில் வதேரா 2வது அரைசதத்தை அடித்துள்ளார்.

பட மூலாதாரம்,BCCI/IPL

ரோஹித் சர்மாவின் மோசமான ஃபார்ம் இந்த ஆட்டத்திலும் தொடர்ந்தது. இந்த சீசனில் மீண்டும் டக்அவுட்டில் ஆட்டமிழக்காமல் நேற்று ஒற்றை இலக்கமான 7 ரன்னில் ஆட்டமிழந்தார். ரோஹித் சர்மா இந்த சீசனில் ஒற்றை இலக்கத்தில் 5வதுமுறையாக விக்கெட்டைப் பறிகொடுத்தார்.

ஆனால், இஷான் கிஷன் கடந்த ஆட்டத்தில் காட்டிய அதே வேகத்தை, அதிரடியை இந்த போட்டியிலும் வெளிப்படுத்தினார். சிராஜ், ஹசரங்கா, ஹேசல்வுட் பந்துகளில் சிக்ஸர்களையும், பவுண்டரிகளையும் விளாசி ரன்ரேட்டை உயர்த்தி 21 பந்துகளில் 42 ரன்கள் சேர்த்து ஆட்டமிழந்தார். இதில் 4 சிக்ஸர்கள் 4பவுண்டரிகள் அடங்கும்.

மதயானை மும்பை இந்தியன்ஸ்

மும்பை இந்தியன்ஸ் அணி ப்ளேஆஃப் சுற்றுக்குள் செல்ல வேண்டும் என்று மதம்பிடித்த யானைபோல் கடந்த சில ஆட்டங்களாக ஆடி வருகிறது. இந்த நேரத்தில் மும்பை இந்தியன்ஸ் அணிக்கு 200 ரன்கள் மட்டுமல்ல அதற்கு மேல் ரன்கள் இருந்தாலும், அதையும் எளிதாக சேஸிங் செய்யவே முயற்சிக்கும். இதை வரும் போட்டிகளிலும் காண முடியும்.

மும்பை இந்தியன்ஸ் அணியில் இருக்கும் மிகப்பெரிய சிக்கல் பந்துவீச்சாகும். டெத் ஓவர்களை வீசவும், நடுப்பகுதியில் ரன்களைக் கட்டுப்படுத்தவும் சிறந்த பந்துவீச்சாளர்கள் இல்லாமல் திணறுகிறது. இதனால்தான் எதிரணிகளை அதிகமான ரன்களை அடிக்கவும் மும்பை இந்தியன்ஸ் அனுமதிக்கிறது.

வலுவான பேட்டிங் வரிசையை நம்பித்தான் பல போட்டிகளில் மும்பை அணி களமிறங்குகிறதே தவிர பந்துவீச்சை நம்பி அல்ல. 200 ரன்களுக்கு குறைவான ஸ்கோரை மும்பை இந்தியன்ஸ் அணியால் டிபெண்ட் செய்வது என்பது இப்போதுள்ள பந்துவீச்சாளர்களை வைத்து நடத்துவது இயலாத காரியம்.

பட மூலாதாரம்,BCCI/IPL

ஆனால், நேற்றைய ஆட்டத்தில் கடைசி 2 ஓவர்களில் மும்பை இந்தியன்ஸ் அணியின் மத்வால், ஜோர்டன் ஆகியோர் கட்டுக்கோப்பாகப் பந்துவீசி, ஆர்சிபி ரன் வேகத்தை இழுத்துப் பிடித்தனர். கடைசி இரு ஓவர்களில் ஆர்சிபி அணியை வெறும் 15 ரன்களை மட்டுமே அடிக்கும் வகையில் மத்வால், ஜோர்டன் பந்துவீசியது பாராட்டுக்குரியது. அதுமட்டுமல்லாமல் ஜோர்டன் வீசிய 17-வது ஓவரில் 9 ரன்கள், குமார் கார்த்திகேயா வீசிய 16-வது ஓவரில் 9 ரன்கள், கேமரூன் கீரின் வீசிய 15வது ஓவரில் 6 ரன்கள் ஒருவிக்கெட் என ஆர்சிபி ரன் வேகத்துக்கு பெரிய தடைக்கல்லை உருவாக்கினர்.

ஒருவேளை ஆர்சிபி அணி கடைசி 5 ஓவர்களில் நன்றாக ஸ்கோர் செய்திருந்தால், நிச்சயமாக 30 முதல் 40ரன்கள் கூடுதலாகச் சேர்த்திருக்கும்.

ஆர்சிபி-யின் வலுவில்லாத நடுவரிசை பேட்டிங்

ஆர்சிபி அணியில் கேஜிஎப் எனப்படும் விராட் கோலி, மேக்ஸ்வெல், டூப்பிளசிஸ் ஆகிய 3 பேரில் யாரேனும் இருவர் ஸ்கோர் செய்தால்தான் அந்த அணி பெரிய ஸ்கோரை எட்டும் என்பது ஒவ்வொரு போட்டியிலும்உறுதியாகிறது.

நடுவரிசையில் உள்ள பேடஸ்மேன்கள் இக்கட்டான நேரத்தில் அதிரடியான பேட்டிங்களை வெளிப்படுத்தவோ அல்லது சிறிய கேமியோ ஆடிவிட்டு செல்லவோ திறனற்றவர்களாக இருக்கிறார்கள். ஆர்சிபியின் “சாப்ஃட் மிடில்ஆர்டர்” பேட்ஸ்மேன்கள் இந்த சீசன் முழுவதும் அந்தஅணியின் தோல்விக்கு ஏதாவது ஒரு விதத்தில் காரணமாகிவிடுகிறார்கள்.

இந்த ஆட்டத்தில் கோலி, ராவத் ஆட்டமிழந்தபின், கேப்டன் டூப்பிளசிஸ், மேக்ஸ்வெல் கூட்டணி அணியைச் சரிவிலிருந்து மீட்டனர். பவர்ப்ளே ஓவர்களை தவறாமல் பயன்படுத்திய இருவரும் மும்பை இந்தியன்ஸ் பந்துவீச்சை பவுண்டரி, சிக்ஸர்களாக துவம்சம் செய்தனர். பவர்ப்ளேயில் 2 விக்கெட்டுகளை இழந்தாலும் 62 ரன்களைச் சேர்த்தனர்.

பட மூலாதாரம்,BCCI/IPL

கடந்த சில போட்டிகளாகச் சொதப்பிய மேக்ஸ்வெல் மீண்டும் சிறந்த ஆட்டத்தை வெளிப்படுத்தி, 25 பந்துகளில் அரைசத்தை நிறைவு செய்தார், டூப்பிளசிஸ் 30 பந்துகளில் அரைசதம் அடித்தார். இந்த சீசனில் டூப்பிளசிஸ் அடிக்கும் 6-வது அரைசதம் இதுவாகும். இந்த சீசனில் 4வதுமுறையாக மேக்ஸ்வெல்- டூப்பிளசிஸ் கூட்டணி 100 ரன்களுக்கு மேல் ஃபார்ட்னர்ஷிப் அமைத்தனர். இந்த ஆட்டத்திலும் இருவரும் 3வது விக்கெட்டுக்கு 120ரன்கள் சேர்த்துப் பிரிந்தனர்.

மேக்ஸ்வெல் 33 பந்துகளில் 68 ரன்கள் சேர்த்து பெஹரன்டார்ப் பந்துவீச்சில் ஆட்டமிழந்தார். இதில் 4 சிக்ஸர்கள், 8பவுண்டரிகள் அடங்கும். டூப்பிளசிஸ் 41 பந்துகளில் 65 ரன்களில்(3சிக்ஸர்,5பவுண்டரி) விக்கெட்டை இழந்தார்.

மும்பை பந்துவீச்சாளர் பெஹரன்டார்ப் வீசிய முதல் ஓவரிலேயே டூப்பிளசிஸ் ஆட்டமிழக்க வேண்டியது, ஆனால், மிட்விக்கெட்டில் டூப்பிளசிஸ் அடித்த ஷாட்டை கேட்ச் பிடிக்க வதேரா தவறிவிட்டார். இந்த கேட்சைத் தவறவிட்டதற்கும் மும்பை அணி பெரிய விலை கொடுக்க நேர்ந்தது.

பட மூலாதாரம்,BCCI/IPL

கடைசி 5 ஓவர்கள்

மேக்ஸ்வெல்-டூப்பிளசிஸ் களத்தில் இருந்தவரை ஆர்சிபி ரன்ரேட் வேகமாக உயர்ந்து வந்தது. ஆனால் இருவரும் ஆட்டமிழந்தபின் ரன்ரேட் சரியத் தொடங்கியதை மும்பை பந்துவீச்சாளர்கள் பயன்படுத்தி இறுக்கிப் பிடித்தனர். கடைசி 5 ஓவர்களை ஆர்சிபி சிறப்பாக கையாண்டிருந்தால், ஸ்கோர் 240 ரன்களை எட்டியிருக்கும்.

இம்பாக்ட் ப்ளேயராக களமிறக்கப்பட்ட கேதார் ஜாதவ் பெரிதாக எந்த தாக்கத்தையும் பேட்டிங்கில் ஏற்படுத்தவில்லை. கடைசி இரு ஓவர்களில் களத்தில் இருந்தும் பெரிதாக ரன்களையும் ஸ்கோர் செய்யவில்லை. ஜாதவ் 12 ரன்னிலும், ஹசரங்கா 12 ரன்களிலும் ஆட்டமிழக்காமல் இருந்தனர்.

தினேஷ் கார்த்திக் சிறிய கேமியோ ஆடி, 18 பந்துகளில் 30 ரன்களில் ஆட்டமிழந்தார். உடல்நலக்குறைவு காரணத்தால் களத்திலேயே இருமுறை வாந்தி எடுத்தார், கடுமையான இருமல் காரணமா அவருக்குப் பதிலாக ராவத் விக்கெட் கீப்பிங் பணியைக் கவனித்தார்.

பட மூலாதாரம்,BCCI/IPL

"220 ரன் கூட பாதுகாப்பானது அல்ல"

மும்பை இந்தியன்ஸ் அணியின் கேப்டன் ரோஹித் சர்மா கூறுகையில் “ ஐபிஎல் தொடரில் ஒவ்வொரு அணியும் எடுக்கும் ரிஸ்கிற்கு ஏற்ற பலன் கிடைக்கிறது. 200 ரன்களுக்குள் ஆர்சிபியை நாங்கள் சுருட்டியது சிறப்பானது.

டி20 கிரிக்கெட்டில் 220 ரன்கள் அடித்தால்கூட அது பாதுகாப்பான ஸ்கோரா என சொல்ல முடியாது. 200 ரன்களுக்கு மேல் சேஸிங் செய்யும்போது பேட்ஸ்மேன்கள் ரிஸ்க் எடுக்கிறார்கள், அணிக்காக ஏதாவது சிறப்பாகச் செய்ய வேண்டும் என்ற மனநிலைக்கு பேட்ஸ்மேன்கள் வருகிறார்கள். சிறந்த ஆடுகளம், நிதானமாக ஆடினால் நல்ல ரன்களை எடுக்கலாம். ஆகாஷ் மத்வால் சிறப்பாக கடைசி ஓவர்களை வீசினார்” எனத் தெரிவித்தார்

“ஸ்கை”க்கு பந்துவீசுவது சிரமம்

தோல்விக்குப்பின் ஆர்சிபி கேப்டன் டூப்பிளசிஸ் கூறுகையில் “ ஆடுகளத்தின் தன்மையைப் பார்க்கும்போது கூடுதலாக20 ரன்களை அடித்திருக்கலாம். இந்த சீசனில் ஆடுகளத்தைப் பார்க்கும்போதும், மும்பை அணியி்ன் பேட்டிங் வரிசையைப் பார்க்கும்போதும் 220 ரன்கள் போதுமானதா, எந்த அளவு ஸ்கோர் அவர்களைக் கட்டுப்படுத்தும் எனத் தெ ரியவில்லை. பேட்டிங்கில் வலுவாக மும்பை அணி இருக்கிறது.

நாங்கள் கடைசி 5 ஓவர்களை சரியாகப் பயன்படுத்தவில்லை என்பது வேதனையாக இருக்கிறது. 200 ரன்கள் நல்லஸ்கோர் என்றாலும், ஆடுகளம் முற்றிலும் பேட்ஸ்மேன்களுக்கு சாதகமாகவே இருந்தது. சூர்யகுமார் யாதவுக்கு பந்துவீசு உண்மையிலேயே சிரமமாக இருந்தது. பல வாய்ப்புகளைப் பயன்படுத்தியும் அவரை அடக்க முடியவில்லை, டி20 போட்டியில் பந்துவீச்சாளர்களை எளிதாக நெருக்கடியில் ஸ்கை தள்ளிவிடுகிறார்” எனத் தெரிவித்தார்.

மும்பை இந்தியன்ஸ் சாதனை

இந்த சீசனில் 200-க்கும் மேற்பட்ட ரன்களை 3வது முறையாகவும் ஒட்டுமொத்தத்தில் 4வது முறையாகவும் மும்பை இந்தியன்ஸ் அணி சேஸிங் செய்து சாதனை படைத்துள்ளது.

அது மட்டுமல்லாமல் ஐபிஎல் வரலாற்றில் 200க்கும் மேற்பட்ட ரன்கள் அதி விரைவாக 21 பந்துகள் மீதமிருக்கையில் சேஸிங் செய்த அணியும் மும்பை இந்தியன்ஸ்தான். இதற்கு முன் கடந்த 2017ல் குஜராத் லயன்ஸ் அணிக்கு எதிராக 209ரன்களை 24 பந்துகள்மீதமிருக்கையில் டெல்லி டேர்டெவில்ஸ் அணி சேஸிங் செய்திருந்தது.

சூர்யகுமார் யாதவுக்கு துணையாகவும், திலக் வர்மாவின் இடத்தை நிரப்பவும் அணியில் சேர்க்கப்பட்ட நேஹல் வதேரா 34 பந்துகளில் 52 ரன்கள் சேர்த்து இறுதிவரை ஆட்டமிழக்காமல் இருந்து அணியை வெற்றிக்கு அழைத்துச் சென்றார்.

வான்ஹடே மைதானத்தில் மும்பை இந்தியன்ஸ் அணியை கடைசியாக 2015ம் ஆண்டு ஆர்சிபி அணி தோற்கடித்திருந்தது. அதன்பின் 8 ஆண்டுகளாக இந்த மைதானத்தில் மும்பை இந்தியன்ஸ் அணியை வீழ்த்தமுடியாத வரலாறு தொடர்கிறது.

பட மூலாதாரம்,BCCI/IPL

ஆர்.சி.பி. அணிக்கு ப்ளே ஆஃப் வாய்ப்பு சிக்கலா?

2023ம் ஆண்டு ஐ.பி.எல். சீசன் பரபரப்பான கட்டத்தை நோக்கி நகர்ந்து வருகிறது. ப்ளே ஆஃப் சுற்றில் 4 இடங்களைப் பிடிக்க ஒவ்வொரு அணிகளும் கடும் போட்டியை எதிர்கொள்கின்றன.

மும்பை இந்தியன்ஸ் அணி தற்போது 12 புள்ளிகளுடன் பட்டியலில் 3வது இடத்துக்கு முன்னேறியுள்ளது என்றாலும், நிகர ரன்ரேட் அடிப்படையில் இன்னும் மைனஸில்தான் இருக்கிறது. அடுத்துவரும் 3 ஆட்டங்கள் மும்பை அணி, லக்னெள சூப்பர் ஜெயின்ட்ஸ், குஜராத் டைட்டன்ஸ் மற்றும் சன்ரைசர்ஸ் அணியுடன் மோத உள்ளது.

இதில் குஜராத் டைட்டன்ஸ் அணி கிட்டத்தட்ட ப்ளே ஆஃப் வாய்ப்பை ஏற்கனவே உறுதி செய்துவிட்டது. ஆனால், லக்னெள அணி ப்ளே ஆஃப் வாய்ப்பைப் பெறுவதற்கு கடுமையாக முயற்சிக்கும், சன்ரைசர்ஸ் அணியும் சமீபத்தில் ஃபார்முக்கு வந்திருப்பதால், அடுத்த 3 போட்டிகளுமே மும்பை இந்தியன்ஸ் அணிக்கு கடும் சவாலாக இருக்கும். இந்த 3 ஆட்டங்களில் குஜராத், சன்ரைசர்ஸ் அணிகளுக்கு எதிரான ஆட்டங்கள் வான்கடேவில் விளையாடுவது மட்டும் மும்பை இந்தியன்ஸ் அணிக்கு சாதகமான அம்சமாகும்.

மும்பை இந்தியன்ஸ் அணி இன்னும் 2 ஆட்டங்களில் வென்றுவிட்டாலே ப்ளே ஆஃப் வாய்ப்பை பெறலாம். அதாவது 3வது இடத்தையோ அல்லது 4வது இடத்தையே பெற்று எலிமினேட்டர் சுற்றில் விளையாடலாம்.

ஒருவேளை மும்பை இந்தியன்ஸ் அணி அடுத்துவரும் 3 ஆட்டங்களில் ஒரு ஆட்டத்தில் மட்டுமே வென்றால், 14 புள்ளிகளுடன் நிற்கும், அத்தகைய நிலையில் மும்பை இந்தியன்ஸ் வரும்பட்சத்தில் அதிகமான நிகர ரன்ரேட்டை வைத்திருந்தாலும் ப்ளே ஆஃப் சுற்றுக்குள் செல்ல வாய்ப்புள்ளது.

ஆனால் மும்பை இந்தியன்ஸ் அணி 14 புள்ளிகளுடன் இருக்கும்பட்சத்தில், ஆர்சிபி, பஞ்சாப் கிங்ஸ், ராஜஸ்தான் அணிகளின் வெற்றி, தோல்வியைப் பொறுத்துதான் மும்பை இந்தியன்ஸ் ப்ளே ஆஃப் வாய்ப்பு உறுதியாகும். ஒருவேளை அடுத்துவரும் 3 ஆட்டங்களிலும் மும்பை இந்தியன்ஸ் அணி தோற்றால், தொடரிலிருந்து வெளியேறும்.

பட மூலாதாரம்,BCCI/IPL

அதேநேரத்தில் ஆர்.சி.பி. அணி 11 ஆட்டங்களில் விளையாடி 5 வெற்றிகளுடன் 10 புள்ளிகளைப் பெற்று, ஏழாவது இடத்தில் இருக்கிறது. அடுத்து வரும் 3 போட்டிகளிலும் வெற்றி பெற்றால் மட்டுமே அந்த அணியால் சிக்கலின்றி பிளேஆஃப் வாய்ப்பை உறுதிப்படுத்த முடியும். ராஜஸ்தான் ராயல்ஸ், சன்ரைசர்ஸ் ஹைதராபாத், குஜராத் டைட்டன்ஸ் ஆகிய 3 அணிகளுடன் அந்த அணி மோதவிருக்கிறது.

நடப்புத் தொடரில் நட்சத்திர வீரர் விராட் கோலியிடம் இருந்து, அவரது தரத்திற்கான மிகச்சிறந்த ஆட்டம் வெளிப்படவில்லை. நல்ல பார்மில் இருக்கும் விராட் கோலி அவரது ஆட்டத்தின் உச்சக்கட்டத்தை எட்டினால், அந்த அணியை வெல்வது எந்த அணிக்கும் சிரமமான காரியமாகவே இருக்கும். கோலியின் ரசிகர்களும் அவரிடம் அத்தகைய ஆட்டத்தையே எதிர்பார்க்கின்றனர்.

https://www.bbc.com/tamil/articles/c51pppxe2x5o

[ஏராளன்]

சென்னை அணி பிளே ஆப் செல்வதற்கு அடுத்து இருக்கும் சிக்கல் என்ன?

பட மூலாதாரம்,GETTY IMAGES

11 மே 2023, 03:00 GMT

சென்னை சூப்பர் கிங்ஸ் அணி 7 வெற்றிகளுடன் ஏறக்குறைய ப்ளேஆஃப் சுற்றை நெருங்கியிருக்கிறது. ஆனால் உறுதியாகி விட்டதா?

சென்னை சேப்பாக்கத்தில் நேற்று நடந்த ஐபிஎல் டி20 லீக் ஆட்டத்தில் டெல்லி கேபிடல்ஸ் அணியை 140 ரன்களில் சுருட்டி 27 ரன்கள் வித்தியாசத்தில் சிஎஸ்கே அணி வென்றது.

கடந்த 2010ம் ஆண்டுக்குப்பின் சேப்பாக்கம் மைதானத்தில் சிஎஸ்கே அணியை, டெல்லி கேபிடல்ஸ் அணி ஒருமுறைகூட வென்றது இல்லை என்ற சாதனை நேற்றும் தொடர்ந்தது. கடந்த 13 ஆண்டுகளாக வெல்ல முடியாத அணியாகவே சிஎஸ்கே திகழ்கிறது.

வெற்றிக்கு காரணமான தோனி

சிஎஸ்கே அணியின் வெற்றிக்கு அனைத்து பேட்ஸ்மேன்கள், பந்துவீச்சாளர்கள் பங்களிப்பு ஒருபுறம் இருந்தாலும், கடைசியில் களமிறங்கி கேப்டன் எம்எஸ் தோனி சிறிய கேமியோ ஆடி 9 பந்துகளில் 20 ரன்கள் சேர்த்தது முக்கியக் காரணம்.

ஒருவேளை தோனி இந்த 20 ரன்களைச் சேர்க்காமல் இருந்திருந்தால், சிஎஸ்கே அணியின் ஸ்கோர் 140 ரன்களுக்குள் முடிந்திருக்கும். டெல்லி கேபிடல்ஸ் அணியும் சேஸிங் செய்திருக்க முடியும்.

தோனியின் சிறிய கேமியோவால்தான் சிஎஸ்கே அணி முதலில் பேட் செய்து 8 விக்கெட் இழப்புக்கு 167 ரன்கள் சேர்க்க முடிந்தது. அதிலும் தோனி கடைசியில் சேர்த்த 20 ரன்கள் மிகவும் முக்கியமானவை என்பது சிஎஸ்கே டிபெண்ட் செய்தபோதுதான் தெரிந்தது.

மந்தமான சேப்பாக்கம் ஆடுகளத்தில் இந்த குறைந்த ஸ்கோரையும் அடிக்க முடியாமல் டெல்லி கேபிடல்ஸ் தோல்வி அடைந்தது. ஒருவேளை சிஎஸ்கே அணி 150 ரன்களுக்குள் சுருண்டிருந்தால், டெல்லி கேபிடல்ஸ் பக்கம் முடிவு மாறியிருக்கலாம்.

ரசிகர்களின் மகிழ்ச்சியும், சோகமும்

ஆதலால், கேப்டன் தோனியி்ன் கடைசி நேர கேமியோ அணியின் வெற்றிக்கு முக்கியத் துருப்புச்சீட்டாக அமைந்தது.

தோனி களமிறங்குவதைப் பார்ப்பதுதான் சென்னை ரசிகர்களின் உச்சகட்ட மகிழ்ச்சியாக இருந்தது. தோனி களம்புகுந்தபோது “தோனி, தோனி” என்று ரசிகர்கள் எழுப்பிய கோஷம் காதைப் பிளந்தது, சாலைவரை எதிரொலித்தது. சேப்பாக்கம் மைதானம் முழுவதுமே மஞ்சள் மயமாகி, தோனியையும் சிஎஸ்கேவையும் வரவேற்க ரசிகர்கள் குவிந்திருந்தார்கள்.

அதிலும் தோனி 2 சிக்ஸர்களை விளாசியபோது, அரங்கில் அமர்ந்திருந்த தோனியின் மனைவியும், மகளும் கைதட்டி மகிழ்ச்சியையும், ஆதரவையும் தெரிவித்தனர்.

சிஎஸ்கே வீரர்கள் ஷாட்களை அடித்தபோதும், விக்கெட்டுகளை வீழ்த்தியபோதும் கரகோஷம் செய்து, விசில் அடித்து மகிழ்ந்த ரசிகர்கள், டெல்லி வீரர்கள் ஷாட் அடித்தபோதும், விக்கெட் வீழ்த்தியபோதும் ஆரவாரமின்றி இருந்தனர்.

சிஎஸ்கே அணியில் பேட்ஸ்மேன்களில் ஷிவம் துபே சேர்த்த 25 ரன்கள்தான் அதிகபட்சமாகும். ஆனால், மற்ற 6 பேட்ஸ்மேன்களும் 20 ரன்களுக்குள் சேர்த்ததால்தான் இந்த அளவு ஸ்கோரை பெறமுடிந்தது.

பட மூலாதாரம்,BCCI/IPL

பழக்கப்பட்ட ஆடுகளம்

சேப்பாக்கம் ஆடுகளத்தின் இந்த மந்தமான ஆடுகளத்தில் ஏராளமான முறை ஆடி பழக்கப்பட்ட சிஎஸ்கே பந்துவீச்சாளர்கள் பந்துவீச்சிலும் பட்டையக் கிளப்பினர். அதிலும் குறிப்பாக தீபக் சஹர் இந்த மந்தமான ஆடுகளத்தில் பலமுறை பந்துவீசியிருந்ததால், தொடக்கத்திலேயே வார்னர், சால்ட் விக்கெட்டை வீழ்த்தி அதிர்ச்சி அளித்து, மற்ற பந்துவீ்ச்சாளர்களுக்குப் பாதை அமைத்தார்.

இதைப் பயன்படுத்திய சுழற்பந்துவீச்சாளர்கள் ஜடேஜா, தீக்சனா, மொயின் அலி ஆகியோர் டெல்லி கேபிடல்ஸ் அணியை நெருக்கடியில் தள்ளினர். இளம் வீரர் பதிராணா பெற்ற 3 விக்கெட்டுகளும் சிஎஸ்கே அணியின் வெற்றியை எளிதாக்கியது.

என்னை வெறுத்த ரசிகர்கள்

பட மூலாதாரம்,BCCI/IPL

ஆட்டநாயகன் விருது வென்ற ரவிந்திர ஜடேஜா கூறுகையில் “ தோனி களமிறங்குவதை ரசிகர்கள் எதிர்பார்த்திருந்தார்கள். 7-வது வீரராக நான் பேட் செய்ய வந்தபோது, ரசிகர்கள் சோர்வடைந்து, மகிபாய், மகிபாய், தோனி என்று கூச்சலிட்டனர். ஒருவேளை நான் உயர்வரிசையில் பேட் செய்யவதாக கற்பனை செய்துபாருங்கள், நான் எப்போது ஆட்டமிழப்பேன் என ரசிகர்கள் காத்திருந்திருப்பார்கள்” எனச் சொல்லி சிரித்தார்.

மீளமுடியாத டெல்லி கேபிடல்ஸ்

டெல்லி கேபிடல்ஸ் அணி 168 ரன்கள் எனும் குறைந்த இலக்கை துரத்தினாலும், பவர்ப்ளே ஓவர்களுக்குள் 3 முக்கிய விக்கெட்டுகளை இழந்தது தோல்விக்கு முக்கியக் காரணமாகும்.

முதல் ஓவரின் 2வது பந்திலே தீபக் சாஹர் பந்துவீச்சில் வார்னர் டக்அவுட்டில் ஆட்டமிழந்தார். அடுத்து தீபக் சாஹர் வீசிய 3வது ஓவரில் பில் சால்ட்(17) விக்கெட்டை இழந்தார். டெல்லி அணிக்கு பல போட்டிகளில் தூணாக இருந்து பேட் செய்துவரும் மிட்ஷெல் மார்ஷ் 4வது ஓவரில் ரஹானேவால் ரன் அவுட் செய்யப்பட்டார்.

அதிலும் மணிஷ் பாண்டேயின் தவறான அழைப்பினால் மார்ஷ் ஸ்ட்ரைக்கர் க்ரீஸ் வரை சென்றபின், பாண்டே நான்-ஸ்ட்ரைக்கர் பகுதிக்கு செல்லாமல் மீண்டும் ஸ்ட்ரைக்கர் பகுதிக்கு ஓடினார்.இதனால் நடுவழியில் மார்ஷ் நிற்க வேண்டியிருந்தது.

ரஹானேவின் புத்திசாலித்தனம்

பட மூலாதாரம்,BCCI/IPL

கச்சிதமாக பீல்டிங் செய்த ரஹானே, பந்தை எறிந்தால் ரன் அவுட் தவறிவிடவும் வாய்ப்புள்ளதை எண்ணி சமயோஜிதமாக, ஓடிவந்து ஸ்டெம்பை அடித்து மார்ஷை ரன் அவுட் செய்தார். இந்த 3 விக்கெட்டுகளுமே டெல்லி அணிக்கு முக்கியமானவை, இவர்களை இழந்தவுடனே டெல்லி அணியின் பாதி பலம் குறைந்துவிட்டது

மணிஷ் பாண்டே, ரூஸோ இணைந்து அணியை சரிவிலிருந்து மீட்கும் நெருக்கடிக்குத் தள்ளப்பட்டனர். இருவரும் ரன் ரேட்டைப் பற்றிக் கவலைப்படாமல் விக்கெட் சரிவு ஏற்படாமல் நிதானமாக ஆடினர். ஆடுகளமும் சுழற்பந்துவீச்சுக்கு சாதகமாக இருந்ததால், சிஎஸ்கே பந்துவீச்சாளர்களை எதிர்கொண்டு விளையாடுவது கடினமாக இருந்தது.

நெருக்கடிதரும் பந்துவீச்சு

பவர்ப்ளே முடிந்தபின் ஜடேஜா, மொயின அலி, தீக்சனா என மூவரும் சேர்ந்து, டெல்லி பேட்ஸ்மேன்களைக் கட்டிப்போட்டனர். டெல்லி அணியின் ரன்ரேட் மோசமாகச் சரிந்தது. நடுப்பகுதி ஓவர்களில் ஏற்பட்ட தொய்வை டெல்லி பேட்ஸ்மேன்களால் ஈடுகட்டவே கடைசிவரைஇயலவில்லை. விக்கெட் சரிவைத் தடுக்கும் நோக்கில், ரன்ரேட்டை கோட்டைவிட்டனர்.

4-வது விக்கெட்டை வீழ்த்தும் நோக்கில் பதிராணாவை பந்துவீச தோனி அழைத்தார். பதிராணா வீசிய 13-வது ஓவரில் மணிஷ் பாண்டே 27 ரன்கள் சேர்த்த நிலையில் கால்காப்பில் வாங்கி விக்கெட்டை பறிகொடுத்தார்.

அடுத்த சிறிது நேரத்தில் ஜடேஜா வீசிய 15-வது ஓவரில் லாங் ஆன் திசையில் பவுண்டரி அடிக்க ரூஸோ தூக்கி அடிக்க பதிரணாவிடம் கேட்சானது. ரூஸோ 35 ரன்கள் சேர்த்து ஆட்டமிழந்தார். செட்டிலான இரு பேட்ஸ்மேன்கள் ஆட்டமிழந்தபின், டெல்லி கேபிடல்ஸ் அணியின் சேஸிங் கேள்விக்குறியானது, நம்பிக்கையும் குறைந்தது.

நம்பிக்கை தகர்ந்தது

பட மூலாதாரம்,BCCI/IPL

அடுத்து வந்த அக்ஸர் படேல், 11 பந்துகளில் 20ரன்கள் என்ற சிறிய கேமியோ ஆடி பதிராணா பந்துவீச்சில் விக்கெட்டை இழந்தபின், டெல்லி கேபிடல்ஸ் தோல்வி ஏறக்குறைய உறுதியானது. கடைசி 2 ஓவர்களில் டெல்லி கேபிடல்ஸ் அணி வெற்றிக்கு 42 ரன்கள் தேவைப்பட்டது. அதிலும் இந்த ஆடுகளத்தில் இந்த ஸ்கோரை அடிப்பது சாத்தியமில்லாத ஒன்று, அவ்வாறு சேஸிங் செய்வதற்கு பேட்ஸமேன்களும் இல்லை.

தேஷ்பாண்டே வீசிய 19வது ஓவரில் ரிப்பால் படேல் ரன் அவுட்செய்யப்பட்டு, டெல்லி கேபிடல்ஸ்5 ரன்கள் மட்டுமே சேர்த்தது. பதிராணா வீசிய 20வது ஓவரில் லலித் யாதவ் ஹாட்ரிக் பவுண்டரிகளை விளாசி 5வது பந்தில் விக்கெட்டை இழந்தார். 20 ஓவர்கள் முடிவில் டெல்லி அணி 8 விக்கெட் இழப்புக்கு 140ரன்கள் சேர்த்து 27 ரன்கள் வித்தியாசத்தில் தோல்வி அடைந்தது.

பவர்ப்ளேயில் விக்கெட்டுகளை இழந்தோம்

டெல்லி கேபிடல்ஸ் கேப்டன் வார்னர் கூறுகையில் “ பவர்ப்ளையில் 3 விக்கெட்டுகளை இழந்துவிட்டோம், 6வது முறையாக முதல் ஓவரிலேயே விக்கெட்டை இழந்திருக்கிறோம். இந்த செயல்தான்அடுத்தடுத்து விக்கெட்டுகளை இழக்கச் செய்கிறது, மார்ஷ் ரன்அவுட் திருப்புமுனை. எளிதாக அடையக்கூடிய ஸ்கோர்தான், எங்கள் பேட்ஸ்மேன்களில் ஒருவர் நீண்டநேரம் நிலைத்து பேட் செய்திருந்தால், நிச்சயம் சேஸிங் செய்திருப்போம். நடுப்பகுதியில் 4 ஓவர்களில் எங்களால் ரன்களைச் சேர்க்க முடியவில்லை, ஸ்ட்ரைக்கையும் ரொட்டேட் செய்ய முடியவி்லலை” எனத் தெரிவித்தார்.

சிஎஸ்கே பேட்ஸ்மேன்களும் திணறல்

பட மூலாதாரம்,BCCI/IPL

சேப்பாக்கம் ஆடுகளத்தில் நேற்று சிஎஸ்கே தொடக்க ஆட்டக்காரர்கள் கெய்க்வாட், கான்வே இருவருமே ரன் சேர்க்கத் திணறினர். வேகப்பந்துவீச்சில் ரன்கள் செல்கின்றன என்று தெரிந்தவுடன் சுழற்பந்துவீச்சாளர்களை வார்னர் பயன்படுத்தினார். இதற்கு நல்ல பலனும் கிடைத்தது, அக்ஸர் படேல் வீசிய முதல் ஓவர் முதல் பந்தில் கால்காப்பில் வாங்கி கான்வே(10) ஆட்டமிழந்தார்.

அக்ஸர் படேல் வீசிய 7-வது ஓவரில் கெய்க்வாட் எக்ஸ்ட்ரா கவர் திசையில் தூக்கி அடிக்க முற்பட்டு அமன் கானால் கேட்ச் பிடிக்கப்பட்டு 24 ரன்னில் ஆட்டமிழந்தார். அடுத்துவந்த அனுபவ வீரர் ரஹானே 21 ரன்கள் சேர்த்திருந்த போது ஸ்ட்ரைட் டிரைவ் ஷாட்டில் அடிக்கப்பட்ட பந்தை லலித் யாதவ் அற்புதமாக கேட்ச் செய்து வெளியேற்றினார்.

இந்த சீசனில் தொடர்ந்து ஏமாற்றிவரும் மொயின் அலி 7ரன்னில் குல்தீப் யாதவ் பந்துவீச்சில் விக்கெட்டை இழந்தார். 77 ரன்களுக்கு 4 விக்கெட்டுகளை சிஎஸ்கே அணி இழந்தது.

ஷிவம் துபே, அம்பதி ராயுடு இணைந்து ஸ்கோரை உயர்த்தும் வகையில் அதிரடியாக ஷாட்களை அடித்தனர். ஷிவம் துபே வழக்கம்போல் சிக்ஸர்களை விளாசி 12 பந்துகளில் 25 ரன்கள் சேர்த்து மார்ஷ் பந்துவீச்சில் ஆட்டமிழந்தார். 25 ரன்கள் சேர்த்தாலும், துபேயின் ஸ்ட்ரைக் ரேட் 200க்கு மேல் இருந்தது. ராயுடு, துபே கூட்டமி 19 பந்துகளில் 34 ரன்கள் சேர்த்துப் பிரிந்தனர். கலீல் அகமது பந்துவீ்ச்சில் ராயுடு 23 ரன்னில் ஆட்டமிழந்தார்.

தோனியின் அதிரடி

பட மூலாதாரம்,BCCI/IPL

அதன்பின் ரசிகர்கள் எதிர்பார்த்த கேப்டன் தோனி களமிறங்கினார். தோனி களமிறங்கியபோது, அரங்கமே ரசிகர்களின் கரகோஷத்தாலும், முழுக்கத்தாலும் அதிர்ந்தது. ஜடேஜா, தோனி இருவரும் சிஎஸ்கே அணிக்காக பலமுறை கேமியோக்களை ஆடி சரிவிலிருந்து மீட்டுக்கொடுத்தனர். அதுபோல் இந்தமுறையும் தோனியின் ஆட்டம் அமையும் என்று ரசிகர்கள் எதிர்பார்த்தனர்.

குல்தீப் யாதவ் வீசிய 18-வது ஓவரில், ஜடேஜா சிக்ஸர் உள்ளிட்ட 11 ரன்கள் சேர்த்தார். கலீல் அகமது வீசிய 19-வது ஓவரில், தோனி இரு சிக்ஸர்கள், ஒரு பவுண்டரி விளாசி ரசிகர்களுக்கு விருந்தளித்தார். 41வயதிலும் தோனியால் நின்ற இடத்திலிருந்து சிக்ஸர் விளாச முடிகிறது என்பது வியப்புக்குரியதுதான். அதேசமயம், கலீல் அகமது பந்துவீச்சும் மோசமாகத்தான் இருந்தது, கலீல் அகமது வைட் யார்கராக வீசியிருக்கலாம், அல்லது ஷாட் பிட்சாக வீசியிருக்கலாம்.

தோனியின் திடீர் கேமியோவைக் கட்டுப்படுத்த கடைசிஓவரை மார்ஷ் வீசினார். மார்ஷ் வீசிய முதல் பந்தில் ஜடேஜா பவுண்டரி விளாசினார், 2வது பந்து லெக் கட்டராக வந்தபோது அதையும் சிக்ஸருக்கு அடிக்க ஜடேஜா(21) முயன்று ரிப்பால் படேலிடம் கேட்ச் கொடுத்து ஆட்டமிழந்தார்.

அடுத்துவந்த தீபக் சஹர் ஒரு ரன்எடுத்து தோனியிடம் ஸ்ட்ரைக்கை கொடுத்தார். 5-வது பந்தில் தோனி சிக்ஸர் அடிக்க முயன்றார், ஆனால், மார்ஷ் ஸ்லோவர் பாலாக லெக் கட்டராக வீச, தோனி அடித்த ஷாட் வார்னர் கைகளில் தஞ்சமடைந்தது. தோனி 9பந்துகளில் 20 ரன்கள் சேர்த்து ஆட்டமிழந்தார்.

தோனியின் ஆட்டத்தைக் காண வந்த ரசிகர்களை ஏமாறவில்லை. தோனியின் அற்புதமான 2 சிக்ஸர்கள், ஒரு பவுண்டரியைப் பார்த்து ரசித்துச் சென்றனர்.

'விக்கெட் வீழ்த்துவது முக்கியமல்ல'

வெற்றிக்குப்பின் சிஎஸ்கே கேப்டன் தோனி கூறுகையில் “ ஆடுகளம் 2வது பாதியில் அதிகமான மாற்றத்துடன் சுழற்பந்துவீச்சுக்கு ஏதுவாக மாறியது. மற்ற பந்துவீச்சாளர்களைவிட எங்கள் சுழற்பந்துவீச்சாளர்கள் சீமிங்கை நன்கு பயன்படுத்தினர். விக்கெட்டுகள் மீது கவனம் செலுத்தாதீர்கள், துல்லியமான பந்துகளை வீசுங்கள் என்றுதான் எங்கள் பந்துவீச்சாளர்களிடம் கூறியிருக்கிறேன்.

பேட்டிங்கில் நாங்கள் இன்னும் சிறப்பாகவே செயல்பட்டிருக்கலாம். இதுபோன்ற ஆடுகளத்தில் தேவையற்ற சில ஷாட்களை ஆடுவதைத் தவிர்த்திருக்கலாம். ஜடேஜா, மொயின் அலி பேட் செய்தது மகிழ்ச்சி. என்னுடைய பணி என்பது சில பந்துகளில் ஷாட்கள்அடிப்பதுதான், அதிகமான ரன்களை ஓடி எடுக்க முடியாது. நான் சந்திக்கும் பந்துகளில் அதிகபட்ச ரன்களை பங்களிப்பாக வழங்குவேன். அதற்காகத்தான் அதிகமாக பயிற்சி எடுக்கிறேன்” எனத் தெரிவித்தார்.

ப்ளே ஆஃப் வாய்ப்பு எப்படி?

பட மூலாதாரம்,BCCI/IPL

சிஎஸ்கே அணி இதுவரை 12 போட்டிகளில் விளையாடி 7 வெற்றிகள், 5 தோல்விகள் என 15 புள்ளிகளுடன் 2வது இடத்தில் நீடிக்கிறது. ப்ளேஆஃப் வாய்ப்பில் டாப்-4 இடத்தை சிஎஸ்கே தற்போது பெற்றாலும், அடுத்துவரும் 2 போட்டிகளில் ஒரு வெற்றி பெற்றால் முதல் இரு இடங்களில் ஒரு இடத்தை சிஎஸ்கே உறுதி செய்யும். ஒருவேளை இரு போட்டிகளிலும் சென்னை அணி தோல்வி அடைந்தால் மற்ற அணிகளின் ஆட்டத்தைப் பொறுப்பு பிளே ஆப் வாய்ப்பு கிடைக்காமலும் போகலாம்.

தற்போது தோல்வி அடைந்திருக்கும் டெல்லி அணி தனது சொந்த மைதானத்தில் சென்னையை வீழ்த்துவதற்கு முனைப்புக் காட்டக்கூடும். அதேபோல கொல்கத்தா அணியும் பிளே ஆப் சுற்றுக்கான தீவிர வேட்கையில் சென்னை அணியை சென்னையிலே தோற்கடித்தால் சென்னையின் பிளே ஆப் வாய்ப்பு பறிபோகும்.

டெல்லி கேபிடல்ஸ் அணியைப் பொறுத்தவரை 11 போட்டிகளில் ஆடி 4 வெற்றிகள், 7 தோல்விகளுடன் 8புள்ளிகளுடன் உள்ளது. அடுத்துவரும் 3 போட்டிகளில் அதிக ரன்ரேட்டில், கட்டாய வெற்றி பெற்றாலும் 14 புள்ளிகள்தான் கிடைக்கும். இந்த புள்ளிகள் மூலம் டெல்லி கேபிடல்ஸ் ப்ளே ஆஃப் வாய்ப்பு என்பது மற்ற அணிகளின் வெற்றி, தோல்வி ஆகியவற்றின் அடிப்படையில்தான் இருக்கும். எனினும் வாய்ப்பு முற்றிலுமாகப் பறிபோய்விடவில்லை.

சென்னை அணியை தவிர, 11 போட்டிகளில் விளையாடி 8 போட்டிகளை வென்றுள்ள குஜராத் அணி 16 புள்ளிகளுடன் புள்ளிப்பட்டியலில் முதலிடத்தில் நீடிக்கிறது.

குஜராத் டைட்டஸ் அணி எஞ்சி இருக்கும் 3 போட்டிகளில் தோல்வி அடைந்தாலும், அடுத்த சுற்றுக்கு முன்னேறுவதில் எந்த சிக்கலும் இருக்காது.

ஹைதராபாத் அணியை பொறுத்தவரை 10 போட்டிகளில் விளையாடி 4 வெற்றியுடன் 8 புள்ளிகளை மட்டுமே எடுத்துள்ளது. அடுத்து வரும் 4 போட்டிகளையும் வென்றால் அந்த அணிக்கான ப்ளே ஆஃப் வாய்ப்பு கிடைக்க வாய்ப்புள்ளது.

11 போட்டிகளில் விளையாடி மும்பை இந்தியன்ஸ் புள்ளிப்பட்டியலில் மூன்றாவது இடத்தில் நீடித்தாலும், அந்த அணி அடுத்த முன்னேற இன்னும் 2 வெற்றிகளை பெறுவது அவசியமாகிறது. இல்லையெனில் பிற அணிகளின் வெற்றி, தோல்வியை பொறுத்தே அந்த அணியால் ப்ளே ஆஃப் சுற்றுக்கு முன்னேற முடியும்.

லக்னௌ சூப்பர் ஜெயின்ட்ஸ், ராஜஸ்தான் ராயல்ஸ், கொல்கத்தா நைட் ரைடர்ஸ், ராயல் சேலஞ்சர்ஸ் பெங்களூரு, பஞ்சாப் உள்ளிட்ட அணிகள் 11 போட்டிகளில் விளையாடி உள்ளது. இதில் லக்னௌ அணி 11 புள்ளிகளும், பிற அணிகள் 10 புள்ளிகளுடன் முறையே 4 முதல் 8வது இடத்தில் உள்ளன.

அடுத்த 3 போட்டிகளின் முடிவுகளை பொறுத்து இந்த அணிகளுக்குள் ப்ளே ஆஃப் முடிவுகள் அமையும். இந்த அணிகளுக்குள் 3வது, 4வது இடங்களை பிடிக்க அதிகப் போட்டி நிலவக்கூடும்.

https://www.bbc.com/tamil/articles/cmj7v87r617o

[ஏராளன்]

ஜெய்ஸ்வாலின் 'மரண அடியால்' சிஎஸ்கேவுக்கு ஆபத்தாக மாறிய ராஜஸ்தான் ராயல்ஸ்

பட மூலாதாரம்,BCCI/IPL

கட்டுரை தகவல்

• எழுதியவர்,க.போத்திராஜ்
• பதவி,பிபிசி தமிழுக்காக
• 12 மே 2023, 03:40 GMT

  புதுப்பிக்கப்பட்டது ஒரு மணி நேரத்துக்கு முன்னர்

அடியா இது…ஒவ்வொரு ஷாட்டும் மிரட்டல்.. ஐபிஎல் டி20 தொடரில் இதுபோன்ற ஆட்டத்தைப் பார்த்து வெகுநாளாகிவிட்டது. ஜெய்ஸ்வாலின் அசுரத்தனமான பேட்டிங்கையும், ஷாட்களையும் வர்ணிக்க வார்த்தைகளே இல்லை என்கிறார்கள் வர்ணனையாளர்கள்.

காயம்பட்ட சிங்கம் வேட்டையாடுவது போல், கொல்கத்தா நைட் ரைடர்ஸ் அணியை ஜெய்ஸ்வால் வதம் செய்துவிட்டார் என்றே கூறலாம்.

ஐபிஎல் வரலாற்றில் அதிவேகமாக 13 பந்துகளில் அரைசதம் அடித்து ராஜஸ்தான் ராயல்ஸ் தொடக்க ஆட்டக்காரர் யஷஸ்வி ஜெய்ஸ்வால் புதிய சாதனை படைத்துள்ளார்.

இவரது ஆட்டம் மும்பைக்கும் சிஎஸ்கேவுக்கும் ஆபத்தாகி இருக்கிறது. அது எப்படி என்பதைத் தெரிந்துகொள்ள கட்டுரையை முழுமையாகப் படியுங்கள்.

பட மூலாதாரம்,BCCI/IPL

ஜெய்ஸ்வாலின் சாதனையைப் பற்றி பேசும் சமயத்தில் யஜுவேந்திர சாஹலும் ஐபிஎல் வரலாற்றில் அதிக விக்கெட்டுகளை வீழ்த்தி வரலாறு படைத்துவிட்டார். ராஜஸ்தான் ராயல்ஸ் அணியின் இரு வீரர்கள் நேற்று முக்கிய மைல்கல்லை எட்டினர்.

கொல்கத்தா ஈடன் கார்டன் மைதானத்தில் நேற்று நடந்த ஆட்டத்தில் கொல்கத்தா நைட் ரைடர்ஸ் அணி நிர்ணயித்த 150 ரன்கள் இலக்கை 13.1 ஓவர்களில் அடைந்து, 9 விக்கெட் வித்தியாசத்தில் ராஜஸ்தான் ராயல்ஸ் அணி இமாலய வெற்றி பெற்றது.

இந்த ஆட்டத்தில் ராஜஸ்தான் ராயல்ஸ் அணி வெற்றி பெற்றது எனச் சொல்வதைவிட, ஜெய்ஸ்வால் பேட்டிங்கிற்கு கிடைத்த வெற்றி என்றுதான் சொல்ல முடியும். ஜெய்ஸ்வாலின் ஃபார்மைப் பார்த்த கொல்கத்தா பந்துவீச்சாளர்கள் நேற்று கலக்கத்துடனே பந்துவீசினர்.

பட மூலாதாரம்,BCCI/IPL

தெறிக்கவிட்ட முதல் ஓவர்

கொல்கத்தா பந்துவீச்சாளர்களை கதறவிட்ட ஜெய்ஸ்வால், ராணா வீசிய முதல் ஓவரிலேயே இரு சிக்ஸர்கள், 2பவுண்டரிகள், 2ரன்ககள், அடுத்து ஒருபவுண்டரி( 6,6,4,4,2,4 ) என 26 ரன்களைச் சேர்த்து மெய்சிலிர்க்க வைத்தார்.

ஜெய்ஸ்வால் விளாசல் புயலில் சிக்கி சர்துல் தாக்கூரும் சின்னாபின்னமாகினார், அவரின் ஓவரில் 3 பவுண்டரி அடித்து, 13 பந்துகளில் ஜெய்ஸ்வால் அரைசதம் எட்டி ஐபிஎல் வரலாற்றில் புதிய சாதனை படைத்தார். இந்த சீசனில் 500 ரன்களைக் கடந்த முதல் இந்திய பேட்ஸ்மேன் எனும் பெருமையையும் ஜெய்ஸ்வால் பெற்றார்.

ஐபிஎல் வரலாற்றில் இதற்கு முன் கேஎல் ராகுல் 2018ல் டெல்லி டேர்டெவில்ஸ் அணிக்கு எதிராகவும், கம்மின்ஸ் மும்பை அணிக்கு எதிராக 14 பந்துகளில் அரைசதம் அடித்ததுமே சாதனையாக இருந்தது. அதை ஜெய்ஸ்வால் முறியடித்து, 13 பந்துகளில் அரைசதம் அடித்து வரலாற்றை திருத்தி அமைத்துள்ளார்.

அதுமட்டுமல்ல டி20 கிரிக்கெட்டில் குறைந்த பந்துகளில் அரைசதம் அடித்த வீரர்கள் பட்டியலில் 3வது இடத்தை 21 வயதான ஜெய்ஸ்வால் பெற்றுள்ளார். இதற்கு முன் 12 பந்துகளில் யுவராஜ் சிங்(2007) கிறிஸ் கெயில்(2016), ஹஸ்ரத்துல்லா ஜஜாய்(2018) ஆகியோர் அரைசதம் அடித்திருந்தனர்.

நிதிஷ் ராணா ஓவரில் ஜெய்ஸ்வால் சேர்த்த 26 ரன்கள் என்பது, ஐபிஎல் வரலாற்றில் முதல் ஓவரில் சேர்க்கப்பட்ட அதிகபட்ச ரன்களாகும். அதிலும் முதல் ஓவரில் 2 சிக்ஸர்கள் அடித்த 2வது பேட்ஸ்மேன்ஸ் ஜெய்ஸ்வால் என்பது குறிப்பிடத்தக்கது.

சதம் முக்கியமல்ல ரன்ரேட்தான்

ஆட்டநாயகன் விருது வென்ற ஜெய்ஸ்வால் கூறுகையில் “ சிறப்பாக பேட் செய்ய வேண்டும் என்று எப்போதுமே நினைப்பேன். நான் நினைத்தபடி ஆடினேன். நாங்கள் வென்றது மகிழ்ச்சியாக இருக்கிறது. அனைத்துமே நாம் நினைத்தபடி சரியாக நடந்துவிடாது, ஆனால், என்னால் முடிந்ததை சரியாக வழங்க வேண்டும். செயல் மிகுந்த முக்கியம்.

நான் சிறப்பாக தயாராகி இருக்கிறேன் என்று எனக்குள் கூறிக்கொண்டேன். அணியை வெற்ற பெற வைக்க வேண்டும் என்ற நோக்கில்தான் ஒவ்வொரு ஷாட்களையும் ஆடுவேன், சதம் அடிப்பது என் நோக்கமல்ல, நிகர ரன்ரேட்டை உயர்த்துவதுதான் குறிக்கோளாக இருந்தது. அதுவும் நடந்தது. பட்லர் ரன்அவுட்பற்றி யோசிக்காதே, உன்னுடைய வழக்கமான ஆட்டத்தை விளையாடு என சாம்ஸன் நம்பிக்கை அளி்த்தார்” எனத் தெரிவித்தார்.

3வது இடத்தில் ராஜஸ்தான்

ஜெய்ஸ்வாலின் அதிரடியில் வென்ற ராஜஸ்தான் ராயல்ஸ் அணி புள்ளிப்பட்டியலில் 5-வது இடத்திலிருந்து 3-வது இடத்துக்கு முன்னேறியுள்ளது. 12 ஆட்டங்களில் ஆடிய ராஜஸ்தான் ராயல்ஸ் அணி 12 புள்ளிகளுடன், நிகர ரன்ரேட்டில் குஜராத் டைட்டன்ஸ் அணிக்கு அடுத்தார்போல் 0.633 என்று வலுவாக இருக்கிறது. 2வது இடத்தில் இருக்கும் சிஎஸ்கே அணி 15 புள்ளிகளுடன் இருந்தாலும், நிகர ரன்ரேட் 0.493 என்றுதான் இருக்கிறது. மும்பை இந்தியன்ஸ் அணி 12 புள்ளிகள் வைத்திருந்தாலும், நிகர ரன்ரேட்டில் மைனஸ் 0.255 என்றுதான் இருக்கிறது.

ப்ளேஆஃப் சுற்றுகள் கடைசி நேரத்தில் நிகர ரன்ரேட்டில்தான் முடிவு செய்யப்படுகின்றன. ஆதலால், சிஎஸ்கே, மும்பை இந்தியன்ஸ் அணிகள் அடுத்து இரு போட்டிகளில் வெல்வது அவசியம். ஒருவேளை ராஜஸ்தான் அணி தனது அடுத்த 2 ஆட்டங்களில் வென்றால் 16 புள்ளிகள் பெற்று வலுவான நிகர ரன்ரேட்டில் ப்ளே ஆஃப் சுற்றில் இடம் பிடிக்கவும் வாய்ப்புள்ளது.

அதேசமயம் கொல்கத்தா நைட் ரைடர்ஸ் அணி, 12 ஆட்டங்களில் 10 புள்ளிகளுடன் 7-வது இடத்துக்கு சரிந்துவிட்டது. இன்னும் 2 ஆட்டங்கள் மட்டுமே கொல்கத்தா அணிக்கு இருக்கிறது, அந்த இரண்டிலும் வெற்றி பெற்றாலும் 14 புள்ளிகள்தான் பெற முடியும். நிகர ரன்ரேட்டும் தற்போது மைனஸ் 0.357எனக் குறைந்துவிட்டது. அவ்வாறு 14 புள்ளிகள் பெற்று, நிகர ரன்ரேட் சிறப்பாக வைத்திருந்தால்கூட, ப்ளே ஆஃப் கனவு என்பது, மற்ற அணிகளின் வெற்றி, தோல்வி, புள்ளிகளைப் பொறுத்துதான் கொல்கத்தாவுக்கு அமையும்.

பட மூலாதாரம்,BCCI/IPL

சாஹல் புதிய சாதனை

ஜெய்ஸ்வால் மட்டும் நேற்று சாதனை படைக்கவில்லை, சுழற்பந்துவீச்சாளர் யஜூவேந்திர சாஹலும் புதிய மைல்கல்லை எட்டினார். ஐபிஎல் வரலாற்றில் அதிகமான விக்கெட்டுகளை எடுத்த முதல் வீரர் என்ற பெருமையை சாஹல் பெற்றார்.

143 போட்டிகளில் விளையாடிய சாஹல், 187 விக்கெட்டுகளை வீழ்த்தி முதலிடத்தில் நீடிக்கிறார். இந்த ஆட்டத்தில்கூட கொல்கத்தா அணியின் சரிவுக்கு காரணமாக இருந்த சஹல், 4ஓவர்கள் வீசி 25 ரன்கள் கொடுத்து 4 விக்கெட்டுகளை வீழத்தினார். இந்த ஐபிஎல் சீசனில் 3வது முறையாக 4விக்கெட்டுகளை சாஹல் வீழ்த்தியுள்ளார். ஒரு சீசனில் 3 முறைக்கு அதிகமாக 4 விக்கெட்டுகளை வீழ்த்திய 2வது வீரர் சாஹல் என்பது கவனிக்கத்தக்கது.

இந்த ஆட்டத்தில் டாஸில் ராஜஸ்தான் ராயல்ஸ் அணி வென்றபோதே, கேப்டன் சஞ்சு சாம்ஸன் கண்களில் ஒருவிதமான வேட்கை காணப்பட்டது. இந்த போட்டியில் வெற்றி அவசியம், வெற்றி பெற்றே தீருவோம் என்ற தீர்மானத்தோடு ராஜஸ்தான் அணி வீரர்கள் களமிறங்கினர்.

இந்த ஆட்டத்தில் ராஜஸ்தான் வீரர்களின் பீல்டிங் அற்புதமாக இருந்தது, கொல்கத்தா பேட்ஸ்மேன்கள் அடித்த பல ஷாட்களை பவுண்டரிக்கு செல்லாமல் பந்துகளை பாய்ந்து தடுத்தனர். குறிப்பாக ஜேஸன் ராய்க்கும், நிதிஷ் ராணாவுக்கும் ஹெட்மெயர் பிடித்த கேட்சுகள் அற்புதமானவை. இது தவிர ஜாஸ் பட்லர், ஜூரேல், ஜெய்ஸ்வால் என பீல்டிங்கில் பட்டையக் கிளப்பி 10 ரன்களுக்கும் மேல் மிச்சப்படுத்தினர்.

பட மூலாதாரம்,BCCI/IPL

ஜெய்ஸ்வால், சாம்ஸன் துவம்சம்

150 ரன்களை குறைந்த ஓவர்களில் அடைய வேண்டும் என்ற நோக்கில் ஜெய்ஸ்வால், பட்லர் களமிறங்கினர். யாரும் எதிர்பாரா வகையில் நிதிஷ் ராணா முதல் ஓவரை வீசினார். ஜெய்ஸ்வாலின அசுரத்தனமான ஃபார்முக்கு தீணி போடும் வகையி்ல் ராணா பந்துவீச்சு இருந்தது. முதல் ஓவரிலேயே 2 சிக்ஸர்கள், 3பவுண்டரிகள் என 26 ரன்களைச் சேர்த்தார்.

2வது ஓவரில் பட்லர் ரன் ஏதும் சேர்க்காமல் துரதிர்ஷ்டமாக ரன் அவுட் ஆகி வெளியேறினார். பட்லரும் நேற்று ஆட்டமிழக்காமல் களத்தில் இருந்திருந்தால், கொல்கத்தா அணிக்கு சேதாரம் கடுமையாக இருந்திருக்கும், ராஜஸ்தான் அணி விக்கெட் இழப்பின்றி வென்றிருக்கும்.

கொல்கத்தா வீரர்களின் பந்துவீச்சு நேற்று எந்தவிதத்திலும் ஜெய்ஸ்வாலையும், சாம்ஸனையும் கட்டுப்படுத்தவில்லை. ஜெய்ஸ்வாலின் காட்டடியைப் பார்த்த கொல்கத்தா வீரர்கள் என்னசெய்வதென்று தெரியாமல் விழிபிதுங்கி நின்றனர்.

அடுத்துவந்த கேப்டன் சாம்ஸன், ஜெய்ஸ்வால் அதிரடிக்கு ஒத்துழைத்து ஆடி, வாய்ப்புகளை வழங்கினார். கொல்கத்தா பந்துவீச்சாளர்களை வெளுத்துவாங்கிய ஜெய்ஸ்வால் 13 பந்துகளில் அரைசதம் அடித்தார். 2.4 ஓவர்களில் ராஜஸ்தான் அணி 50 ரன்களைச் சேர்த்து, பவர்ப்ளேயில் ஒருவிக்கெட் இழப்புக்கு 78 ரன்கள் குவித்தது. ஜெய்ஸ்வாலோடு சேர்ந்து சாம்ஸனும் ஷாட்களை விளாச, 8.1 ஓவர்களில் ராஜஸ்தான் அணி 100 ரன்களை எட்டியது.

150 ரன்களை டிபெண்ட் செய்துவிடலாம் என்ற கனவுடன் களமிறங்கிய கொல்கத்தா அணி வீரர்கள் இருவரின் அதிரடியைப் பார்த்து மிரண்டுவிட்டனர். அதிலும் ஜெய்ஸ்வாலுக்கு எப்படிப் பந்துவீசுவது, எப்படி போட்டாலும் அடிக்கிறாரே என்று கையைப் பிசைந்தனர்.

கொல்கத்தா வீரர்கள் நேற்று மனம் தளர்ந்து, குழப்பத்தில் இருந்தார்கள் என்பது சிறந்த உதாரணத்தைக் கூறலாம். சுனில்நரேன் வீசிய பந்தை சாம்ஸன் தூக்கி அடிக்க உயரத்தில் சென்றது, பந்தை கேட்ச் பிடிக்க சுனில் நரேன், ராணா, விக்கெட் கீப்பர் குர்பாஸ் ஆகியோர் இருந்தும், கேட்சை நரேன் கோட்டைவிட்டார். இதன் மூலம் கொல்கத்தா அணியினர் தெளிவான மனநிலையில் இல்லை என்பது தெரிந்தது.

ஜெய்ஸ்வால் 2வது சதத்தை அடிக்க வாய்ப்புகளை சாம்ஸன் ஏற்படுத்திக் கொடுத்து, ஸ்ட்ரைக்கை விட்டுக்கொடுத்தார். ஆனால், கடைசிவரை ஜெய்ஸ்வாலால் சதம் அடிக்கமுடியவில்லை, சாம்ஸனும் அரைசதம் அடிக்க முடியவில்லை. 13.1ஓவர்களில் ராஜஸ்தான் அணி 150ரன்களை எட்டி அபார வெற்றி பெற்றது.

ஜெய்ஸ்வால் 47 பந்துகளில் 98 ரன்களுடனும்(5 சிக்ஸர், 12 பவுண்டரி), சாம்ஸன் 48ரன்களுடனும் (29பந்துகள், 5சிக்ஸர்கள், 2 பவுண்டரிகள்) இறுதிவரை ஆட்டமிழக்காமல் இருந்தனர்.

பட மூலாதாரம்,BCCI/IPL

“நான் வேடிக்கைதான் பார்த்தேன்”

வெற்றிக்கேப்டன் சஞ்சு சாம்ஸன் கூறுகையில் “ நான் ஏதும் செய்யவில்லை, ஸ்ட்ரைக்கை ரொட்டேட் செய்து ஜெய்ஸ்வாலுக்கு கொடுத்து ஆட்டத்தை ரசித்தேன். பவர்ப்ளே ஓவர்களை ஜெய்ஸ்வால் நன்றாகப் பயன்படுத்துகிறார், சிறப்பாக ஆடுகிறார். சாஹலுக்கு லெஜெண்ட் டேக் கொடுக்கும் சரியான நேரம், பெருமையாக இருக்கிறது. டெத் ஓவர்களில் சஹலிடம் எந்த வார்த்தையும் பேசாமல் பந்தைக் கொடுத்துவிட்டால் அவர் பார்த்துக்கொள்வார். இன்னும் எங்களுக்கு 2 காலிறுதி ஆட்டங்கள்உள்ளன, அழுத்தம் எங்களைவிட்டு செல்லவில்லை, ஒவ்வொரு ஆட்டமும் இனி முக்கியம். பட்லர் தனது விக்கெட்டை ஜெய்ஸ்வாலுக்காக விட்டுக்கொடுத்தபோதே எங்கள் அணியின் சூழலை அறிந்திருப்பீர்கள்” எனத் தெரிவித்தார்.

ஜெய்ஸ்வாலுக்கு புகழாரம்

ஜெய்ஸ்வால் நேற்று பேட்டிங்கில் ருத்ரதாண்டவம் ஆடிக்கொண்டிருந்தபோதே அவருக்கு ட்விட்டரில் பாராட்டு மழை குவிந்தது. சிஎஸ்கே அணி தனது ட்விட்டரில் “ யெஷ், யெஷ் வி ஜெய்ஸ்வால்”எனப் பாராட்டி இருந்தது.

கொல்கத்தா நைடர் ரைடர்ஸ் அணி ட்விட்டரில் “ ஜெய்ஸ்வாலின் இரவாக இருக்கிறது, அருமையாக விளையாடுகிறீர்கள்” எனத் தெரித்திருந்தது. இதேபோல சன்ரைசர்ஸ் ஹைதராபாத் அணியும் ஜெய்ஸ்வாலுக்கு பாராட்டுத் தெரிவித்திருந்தது.

வீரேந்திர சேவாக் தனது ட்விட்டரில் “ இந்த சிறுவன் ஸ்பெஷல். இவரின் ஆட்டம் முழுவதையும் ரசித்துப் பார்த்தேன்” எனத் தெரிவித்துள்ளார். சூர்யகுமார் யாதவ் ட்விட்டரில் பதிவிட்ட பாராட்டில் “ஸ்பெஷல் ஆட்டம், ஸ்பெஷல் ப்ளேயர், தலைவணங்குகிறேன்” எனத் தெரிவித்துள்ளார்.

லசித் மலிங்கா ட்விட்டரில் பதிவிட்ட செய்தியில் “ ஜெய்ஸ்வால் எனக்குப் பிடித்த இந்திய பேட்ஸ்மேன். விரைவில் இந்திய அணியில் வாய்ப்பு காத்திருக்கிறது” எனத் தெரிவித்தார்.

வர்ணனையாளர் ஹர்சா போக்லே தனது ட்விட்டரில் “ நான் பார்த்தவரையில் ஜெய்ஸ்வாலின் பேட்டிங் செய்த 3 ஓவர்கள் மிகுந்த ட்ராமட்டிக்காக இதுதான் இருந்தது.முழுமையான ஸ்டார்” எனத் தெரிவித்திருந்தார்

ஆஸ்திரேலிய முன்னாள் வீரர் பிரட் லீ ட்விட்டரில் கூறுகையில் “ பிசிசிஐ, இப்போதே ஜெய்ஸ்வாலை அணிக்குள் கொண்டு வாருங்கள்” என தெரிவித்தார்.

விராட் கோலி தனது ட்விட்டரில் “ நான் சமீபத்தில் பார்த்துவியந்த இன்னிங்ஸில் ஜெய்ஸ்வாலின் ஆட்டமும் ஒன்று. ஜெய்ஸ்வால் மிகப்பெரிய திறமைசாலி” எனப் பாராட்டியுள்ளார்.

தனது ஆகச்சிறந்த ஆட்டத்தின் மூலம் ஜெய்ஸ்வால் இந்திய அணியின் கதவுகளை தட்டவில்லை, தகர்த்திருக்கிறார் என்றுதான் கூற முடியும். வரும் அக்டோபரில் நடக்கும் உலகக் கோப்பைப் போட்டியில் ஜெய்ஸ்வாலை இந்திய அணிக்குள் கொண்டுவர பல முன்னணி வீரர்களும் வலியுறுத்தியுள்ளதால், அதற்கான வாய்ப்புகளை எதிர்பார்க்கலாம்.

பட மூலாதாரம்,BCCI/IPL

பேட்ஸ்மேன்களின் தோல்வி

கொல்கத்தா நைட்ரைடர்ஸ் அணிக்கும் இந்த ஆட்டம் வாழ்வா-சாவா என்ற ரீதியில்தான் இருந்தது. ஜேஸன் ராய் அதிரடியாகத் தொடங்கினாலும், நீடிக்கவில்லை. சன்ரைசர்ஸ் அணிக்கு எதிராக அதிர்ச்சித் தோல்வி அடைந்த ராஜஸ்தான் அணி, இந்த ஆட்டத்தில் டிரன்ட் போல்ட்டை சேர்த்திருந்தது.

இதற்கு பலன் கிடைக்கும் வகையில் போல்ட் வீசிய 3 ஓவரில் ஜேஸன் ராய்(10) ப்ளிக் ஷாட் அடிக்க முயன்று ஹெட்மெயரால் பவுண்டரியில் அற்புதமாக கேட்ச் பிடிக்கப்பட்டு வெளியேறினார். குர்பாஸ் 18 ரன்கள் சேர்த்திருந்தநிலையில் சந்தீப் சர்மா பந்துவீச்சில் விக்கெட்டை இழந்தார்.

இந்த ஆட்டத்தில் கொல்கத்தா பேட்ஸ்மேன்களில் வெங்கடேஷ்(57) தவிர மற்ற பேட்ஸ்மேன்கள் யாரிடமும் ஃபயர் காணப்படவில்லை. வெங்கடேஷ் தொடக்கத்தில் மந்தமாக ஆடி, அஸ்வின், சாஹல், ஜோ ரூட் சுழற்பந்துவீச்சை எதிர்கொள்ளத் தடுமாறினார். நீண்டநேரத்துக்குப் பின்னர் தனது வழக்கமான அதிரடிக்கு மாறி, ஸ்ட்ரைக்ரேட்டை வெங்கடேஷ் உயர்த்தினார். அஸ்வின், சாஹல் ஓவரில் சிக்ஸர் பவுண்டரிகளாக விளாசி 39 பந்துகளில் அரைசதம் அடித்தார்.

சாஹல் வீசிய 17-வது ஓவரில் வெங்கடேஷ் 57ரன்கள் சேர்த்து போல்டிடம் கேட்ச் கொடுத்து ஆட்டமிழந்தார். மற்ற வீரர்கலான ஆந்த்ரே ரஸல்(10) ருங்கு சிங்(16), தாக்கூர்(1) ஆகியோரும் நீண்டநேரம் களத்தில் நிற்கவில்லை.

ராஜஸ்தான் வீரர்களின் பந்துவீச்சு இந்த ஆட்டத்தில் மிகுந்த கட்டுக் கோப்பாக இருந்தது, பீல்டிங் அதைவிடச் சிறப்பாக இருந்ததால் பல பவுண்டரிகள் தடுக்கப்பட்டன. கொல்கத்தா பேட்ஸ்மேன்கள் ஷாட்களை அடிப்பதற்கான லூஸ்பால்கள் வீசாமல் மிகுந்த துல்லியமாக பந்துவீசினர்.

பட மூலாதாரம்,BCCI/IPL

கொல்கத்தா அணி செய்த தவறுகள்

ஈடன் கார்டன் மைதானம் ஹை-ஸ்கோர் செய்யும் ஆடுகளமாகும். இந்த ஆடுகளத்தில் இதுபோன்ற குறைவான ஸ்கோரை வைத்து டிபெண்ட் செய்ய நினைப்பது சாத்தியமில்லாதது. அதிலும் ப்ளேஆஃப் சுற்று நெருங்கிவரும் நிலையில் ஒவ்வொரு ஆட்டமும் வாழ்வா சாவா என்றரீதியில் விளையாடும்போது, இதுபோன்ற குறைந்த ஸ்கோர் வெற்றிக்கு ஒருபோதும் உதவாது.

கேப்டன் ராணா தொழில்முறை சுழற்பந்துவீச்சாளர் கிடையாது. ஜெய்ஸ்வால், பட்லர் ஆகிய இரு ஆபத்தான பேட்ஸ்மேன்கள் களத்தில் இருக்கும்போது, அவர்களுக்கு முதல் ஓவரை ராணா வீசியதை என்னவென்று சொல்வது. அந்த தவறுக்கு ஏற்ற தண்டனையையும் ஜெய்ஸ்வால் முதல் ஓவரிலேயே அவருக்கு அளித்துவிட்டார். அந்த அதிர்ச்சியில் இருந்து கொல்கத்தா வீரர்களால் கடைசிவரை மீள முடியவில்லை. கொல்கத்தா அணியின் பந்துவீச்சு, பீல்டிங், பேட்டிங் எனஅனைத்தும் நேற்று ராஜஸ்தான் அணிக்கு சவால்விடுக்கும் வகையில் அமையவில்லை. ரஸல், ரிங்கு சிங், ஜேஸன் ராய், குர்பாஸ் ஆகியோர் பேட்டிங்கில் ஏமாற்றியது பெரிய ஸ்கோர் வரவிடாமல் தடுத்துவிட்டது.

ஜெய்ஸ்வால் நாளாகிவிட்டது

கொல்கத்தா அணியின் கேப்டன் ராணா கூறுகையில் “ ஜெய்ஸ்வால் இன்னிங்ஸ் பாராட்டுக்குரியது. 180 ரன்கள் கூட வெற்றிக்கான ரன் இல்லை. நாங்கள் பல தவறுகளைச் செய்தோம், அதனால்தான் தோல்வியடைந்து புள்ளிகளை இழந்தோம். முதல் ஓவரை நான் வீசினால் விக்கெட் கிடைக்கும் என்று நினைத்தேன், ஆனால், இது ஜெய்ஸ்வால் நாளாக மாறிவிட்டது” எனத் தெரிவித்தார்.

https://www.bbc.com/tamil/articles/c6p0v4x01zeo