இலங்கையின் அபிவிருத்தி மறுசீரமைப்புக்கு உலக வங்கி ஆதரவளிக்கும்

இலங்கையின் அபிவிருத்தி மறுசீரமைப்பு வேலைத்திட்டத்திற்கு உலக வங்கி தொடர்ந்து ஆதரவளிக்கும் என உலக வங்கியின் பிரதிநிதிகள் தெரிவித்துள்ளனர்.

அபிவிருத்திக் கொள்கை நடவடிக்கைகளுக்கான சட்டங்களை உருவாக்குவதில் உலக வங்கி தொழில்நுட்ப ஆதரவை வழங்கும்.

அத்துடன், சர்வதேச ஊடகப் பயன்பாடு மற்றும் நலன்புரி விடயங்கள் தொடர்பான நலன்கள் தொடர்பில் மேலும் வழிகாட்டுதல் மற்றும் தேவையான ஆதரவை வழங்குவதற்கு நடவடிக்கை எடுப்பதாகவும் உலக வங்கி அதிகாரிகள் குறிப்பிட்டுள்ளனர்.

உலக வங்கியின் தெற்காசிய பிராந்தியத்திற்குப் பொறுப்பான உப தலைவர் மார்ட்டின் ரெய்சர் உள்ளிட்ட குழுவினர் நேற்று பிற்பகல் ஜனாதிபதி அலுவலகத்தில் ஜனாதிபதி ரணில் விக்கிரமசிங்கவை சந்தித்த போதே இதனைக் குறிப்பிட்டுள்ளனர்.

உலக வங்கியின் அபிவிருத்திக் கொள்கை செயல்பாட்டுத் திட்டம் இதன்போது முழுமையாக ஆய்வுக்குட்படுத்தப்பட்டதோடு, அதன் முன்னேற்றம் குறித்து, ஜனாதிபதி மற்றும் உலக வங்கியின் பிரதிநிதிகள் தங்கள் கருத்துக்களை தெரிவித்தனர்.

நிதி மேற்பார்வை மற்றும் கடன் முகாமைத்துவத்தை மேம்படுத்துதல், வரி நிர்வாகத்தை மேம்படுத்துதல், இறையாண்மை-நிதித்துறை இணைப்புகள் மற்றும் கட்டமைப்பு ரீதியிலான அபாயங்களைக் குறைத்தல், வங்கித் துறையில் ஸ்திரத்தன்மை மற்றும் நம்பிக்கையைப் பேணுதல் என்பன குறித்து இதன்போது கலந்துரையாடப்பட்டதாக ஜனாதிபதி ஊடகப் பிரிவு தெரிவித்துள்ளது.

https://thinakkural.lk/article/242568

12 hours ago, ஏராளன் said:

இலங்கையின் அபிவிருத்தி மறுசீரமைப்பு வேலைத்திட்டத்திற்கு உலக வங்கி தொடர்ந்து ஆதரவளிக்கும் என உலக வங்கியின் பிரதிநிதிகள் தெரிவித்துள்ளனர்.

இலங்கையின் அபிவிருத்தி ஆவன; தமிழர் பிரதேசங்களில் விகாரைகள் கட்டுதல், அவர்களின் பூர்வீக நிலங்களை பறித்து சிங்கள குடியேற்றங்களை ஏற்படுத்தி தமிழர் தேர்தல் தொகுதிகளில் குளறுபடிகளை செய்து விகிதாசாரத்தை குறைத்தல். மறுசீரமைப்பு; கொலை கொள்ளை பாலியல் குற்றம் புரிந்த இராணுவத்தினருக்கு விடுதலை, பதவியுயர்வு, அமைச்சுப்பதவி வழங்கி கவுரவித்தல், தமிழரை அடிமைப்படுத்தி  பிரமாண்ட தூபி அமைத்து  வெற்றி விழா கொண்டாடல். இவற்றைத்தவிர இலங்கையில் வேறென்ன அபிவிருத்தி மறுசீரமைப்பு நிகழ்கிறது? இதற்கு உலகவங்கி அளித்துவரும் ஆதரவு தொடரும்! இவர்களின் உதவி ஆசி என்பன இவற்றின் பின்னால் உள்ளன.