பிரிட்டனில் உள்ள இளநிலை டாக்டர்கள் தங்களுக்கு 35 சதவீதம் சம்பள உயர்வு வழங்க வேண்டும் எனஅரசாங்கத்திடம் பேச்சுவார்த்தை நடத்தினர். அதில் உடன்பாடு எட்டப்படாததால் அவர்கள் கடந்த பல மாதங்களாக போராட்டத்தில் ஈடுபட்டு வருகின்றனர்.

இதே கோரிக்கையை வலியுறுத்தி ரயில்வே, விமான போக்குவரத்து உட்பட பல்வேறு துறையினர் போராட்டத்தில் ஈடுபட்டுள்ளனர். ஆனால் போராட்டத்தில் ஈடுபடும் போது பேச்சுவார்த்தை நடத்துவதில்லை என்ற கொள்கையில் அரசாங்கம் உறுதியாக உள்ளது.

கொரோனா தொற்று, உக்ரைன் போர், பிரெக்சிட் அமைப்பில் இருந்து வெளியேற்றம் போன்றவற்றால் ஏற்கனவே பிரிட்டனின் பொருளாதாரம் பாதாளத்தில் உள்ளது. இந்த நிலையில் 35 சதவீத சம்பள உயர்வு வழங்கினால் அது பணவீக்கத்தை இன்னும் அதிகரித்து விடும். இதனால் ஏழைகள் பெரும் இன்னலுக்குள்ளாக நேரிடும் என பொருளாதார நிபுணர்கள் எச்சரித்தனர்.

எனினும் நாடு முழுவதும் உள்ள இளநிலை டாக்டர்கள் வேலை நிறுத்தத்தில் ஈடுபட்டு வருவதால் அங்கு நோயாளிகளின் காத்திருப்பு பட்டியல் நீண்டது. இதனால் நோயாளிகள் சிகிச்சை பெற முடியாமல் அவதிப்பட்டு வந்தனர்.

இந்த நிலையில் தற்போது முதலாம் ஆண்டு பயிற்சி டாக்டர்களுக்கு 10.3 சதவீதமும், இளநிலை டாக்டர்களுக்கு 8.8 சதவீதமும், மருத்துவ ஆலோசகர்களுக்கு 6 சதவீதமும் சம்பள உயர்வு வழங்கப்படும் என அரசாங்கம் அறிவித்துள்ளது.

இதன் மூலம் அவர்களுக்கு கணிசமாக சம்பளம் உயர்வதோடு பணவீக்கமும் ஓரளவு கட்டுப்பாட்டில் இருக்கும் என கருதப்படுகிறது. அரசின் இந்த அறிவிப்பால் நாடு முழுவதும் உள்ள சுமார் 1 லட்சத்து 50 ஆயிரம் இளநிலை டாக்டர்கள் பயன்பெறுவார்கள் என பிரிட்டன் சுகாதார அமைச்சு தெரிவித்துள்ளது.

https://thinakkural.lk/article/271634

7 வருடங்கள் படித்து பெருந்தொகையாக  மாணவர் கடனுடன் முதன்முதல் வேலை தொடங்கும் இளநிலை வைத்தியர்களுக்கு சாதராண  கூலித்தொழிலாளி பெறும் சம்ளத்தைக் கொடுப்பது ஏற்கத்தக்கது அல்ல.அவர்களின் சம்பளத்தில் கடனுக்கான தொகை வரி மற்றும்பல கழிப்புகள்கழித்து கையில் எவ்வளவு தேறும்.இது எவ்வளவு பொறுப்பான வேலை. உயிர்காக்கும் போன்ற கொரோனோ பொன்ற பெருந்தோற்றுக் காலத்தில் எல்லோரும் வீட்டில்படுத்துக்கிடக்க அவர்களுக்கு சம்பளம் வழஙகிய அரசு உயிரைக் கொடுத்து களத்தில் நின்று வேலை பார்ப்பவர்களுக்கு மிகவும் குறைவான சம்பளம் கொடுப்பது அவர்களது சேவையை உதாசீனம் செய்வதற்கு சமன்.அவுஸ்திரேலியா>அமெரிக்கா போன்ற நாடுகளில் நல்ல சம்பளம் கொடுக்கிறார்கள்.சாதாரண பட்டம் எடுத்தவர் நல்ல வருமானம் எடுக்க வைத்தியர்களுக்கு குறைவான சம்பளம் கொடுப்பது நியாயமற்றது.அதுவும் ரேம்காலம்பார்க்காது இரவுபகல் என வேலை செய்ய வேண்டும். இங்கிலாந்த இந்த விடயத்தில் படுமோசம்.

4 hours ago, ஏராளன் said:

கொரோனா தொற்று, உக்ரைன் போர், பிரெக்சிட் அமைப்பில் இருந்து வெளியேற்றம் போன்றவற்றால் ஏற்கனவே பிரிட்டனின் பொருளாதாரம் பாதாளத்தில் உள்ளது.

கொரோனா அவலங்கள் சரி....தவிர்க்க ஏலாது.
ஆனால் உக்ரேனுக்கு ஆயுத சம்பிளையும் மிண்டு குடுக்கிறதும் தேவையில்லாத வேலை.
ஐரோப்பிய ஒன்றியத்திலிருந்து விலகினதாலை ஏதும் நன்மை இருக்குமெண்டு பார்த்தால் ஒரு கோதாரியுமில்லை. ஒவ்வொரு அரசியல்வாதியும் சுயநல அரசியலுக்காக இந்த உலகையே சீரழிக்கின்றனர். 

23 hours ago, குமாரசாமி said:

கொரோனா அவலங்கள் சரி....தவிர்க்க ஏலாது.
ஆனால் உக்ரேனுக்கு ஆயுத சம்பிளையும் மிண்டு குடுக்கிறதும் தேவையில்லாத வேலை.
ஐரோப்பிய ஒன்றியத்திலிருந்து விலகினதாலை ஏதும் நன்மை இருக்குமெண்டு பார்த்தால் ஒரு கோதாரியுமில்லை. ஒவ்வொரு அரசியல்வாதியும் சுயநல அரசியலுக்காக இந்த உலகையே சீரழிக்கின்றனர். 

உண்மை.