2022

கருங்கடலில்  300க்கும் மேற்பட்ட ரஷ்ய கப்பல்கள் உக்ரெய்னிய துறைமுகமான செவஸ்டபோல் நகரின் அருகே நிற்கின்றன. ரஷ்யாவின் கருங்கடல் ஃப்ளீட் (Black Sea Fleet) அதன் மிக முக்கியமான கடற்படையாகும். ரஷ்யாவின் மிக முக்கியமான கடல்பகுதி க்ரைமியா. ரஷ்யாவின் மொத்த வணிகத்தில் 25% கருங்கடல் பகுதி துறைமுகங்கள் மூலம் தான் நடைபெறுகிறது.

ரஷ்யாவின் கருங்கடல் பகுதி கப்பற்படையை தகர்க்க உக்ரைன் திட்டமிடுகிறது. ஆளில்லா நீர்மூழ்கி கப்பல்களில் வெடிகுண்டுகளை பொருத்தி ஒவ்வொரு ரஷ்யகப்பலையும் குறிவைத்து ஒரு நீர்மூழ்கியை அனுப்புகிறார்கள். ஒவ்வொன்றும் அமெரிக்க உதவியுடன் தயாரிகப்பட்ட ரேடார், சோனாரால் கண்டுபிடிக்க முடியாத ட்ரோன் வகை நீர்மூழ்கிகள்.

ஆனால் செவஸ்டபோல் பகுதியை அவை நெருங்கியவுடன் அவற்றுக்கு இணையத்தொடர்பு தேவைப்படுகிறது. அவற்றுக்கு இணையத்தொடர்பை அளிக்ககூடிய வல்லமை ஒரே ஒருவரிடம் தான் உள்ளது. விவரத்தை சொல்லாமல் அவரை அழைத்து "செவாஸ்டபோல் வரை இணையத்தொடர்பை உக்ரெய்னிய கடற்படைக்கு அதிகரியுங்கள்" என்கிறார்கள் அமெரிக்கர்கள்

அங்கே ரஷ்ய கருங்கடல் கப்பற்படை இருப்பதை அறிந்த அவர் விஷயத்தை சரியாக யூகித்து இணையத்தொடர்பை அளிக்க மறுத்துவிடுகிறார்.. இணையத்தொடர்பு இன்றி ட்ரோன் நீர்மூழ்கிகள் கப்பல்களை குறிவைக்க முடியாமல் கரையில் ஒதுங்குகின்றன. ரஷ்யாவின் ஒட்டுமொத்த கப்பற்படையும் தப்புகிறது. அமெரிக்க நியோகான் போர் ஆதரவாளர்களும், ஜெலென்ஸ்கியும் பல்லை நறநறக்கிறார்கள்.

அப்படி 300 கப்பல்களும் அழிந்து பல்லாயிரம் ரஷ்ய வீரர்கள் மரணம் அடைந்திருந்தால் புட்டின் உடனே அணுகுண்டு தாக்குதலை உக்ரெய்ன் மேல் நிகழ்த்தியிருப்பார் என்பதில் எந்த சந்தேகமும் இல்லை என்கிறார்கள் நிபுணர்கள். ஒப்பீட்டளவில் ஜப்பான் மேல் அணுகுண்டு வீச காரணமான பேல் ஹார்பர் தாக்குதலில் 19 கப்பல்கள் மட்டுமே அழிந்தன.

தன் நாட்டின் மேல் அணுகுண்டு தாக்குதலை ரஷ்யா நடத்தும் என தெரிந்தும் ஏன் உக்ரைன் அப்படி ஒரு முடிவை எடுத்தது? அமெரிக்கா ஏன் அதற்கு துணைபோனது? அணுகுண்டு வீசபட்டிருந்தால் உக்ரைன் போர் மூன்றாம் உலகப்போர் ஆகியிருக்கும். போர் முடிவில் ரஷ்யா அழிந்திருக்கும். அதனுடன் வேறு எந்த நாடுகள் அழிந்தாலும் தான் உக்ரைனுக்கு என்ன கவலை? போரில் அவர்கள் வெற்றி பெற்றிருப்பார்கள்.

ஆனால் ஒரே ஒரு மனிதர் அப்படி ஒரு உலகபோர் மூள்வதை தடுத்தார்

யார் அவர்?

எலான் மஸ்க்

ஒட்டுமொத்த உக்ரைனுக்கும் அவரது ஸ்டார்லிங் மூலம் தான் இணையத்தொடர்பு கிடைக்கிறது. அமெரிக்கா, ஐரோப்பா, நாட்டோ, உக்ரைன் என யார் பேச்சையும் கேட்காமல் தனி ஒருவனாக மூன்றாம் உலகப்போரை தடுத்தார் எலான் மஸ்க்.

சும்மா இஸ்கு இஸ்க்குன்னே கேக்குமே?

அதான் மஸ்க்

#இஸ்குன்னா_இஸ்க்கு_மஸ்குன்னா_மஸ்க்கு

நன்றி~ நியாண்டர் செல்வன்

Edited September 9, 20232 yr by பாலபத்ர ஓணாண்டி

ரஷ்யா-உக்ரைன் போர்: அந்த தாக்குதலை நான் தான் தடுத்து நிறுத்தினேன் – எலான் மஸ்க் அதிரடி

உலக பணக்காரர்களில் ஒருவரான எலான் மஸ்க், ரஷ்ய கடற்படை தளத்தை உக்ரைன் தாக்காமல் இருக்க நான் தான் காரணம் என தெரிவித்து இருக்கிறார். ரஷ்யா மற்றும் உக்ரைன் இடையே கடந்த ஒரு வருடத்திற்கும் மேலாக போர் நடைபெற்று வருகிறது.

இந்த நிலையில், கடந்த ஆண்டு மொஸ்கோ அருகில் உள்ள கருங்கடல் பகுதியில் இணைய வசதியை செயற்படுத்துமாறு உக்ரைன் சார்பில் தனக்கு அவசர கோரிக்கை விடுக்கப்பட்டதாக எலான் மஸ்க் தெரிவித்து உள்ளார். எனினும், இதன் விளைவை கருத்திற்க் கொண்டு இணைய வசதியை செயற்படுத்தவில்லை என அவர் மேலும் தெரிவித்துள்ளார்.

ரஷ்யா மற்றும் உக்ரைன் இடையே போர் தொடங்கிய குறுகிய காலக்கட்டத்திலேயே எலான் மஸ்க்-இன் ஸ்டார்லின்க் எனும் செயற்கைக்கோள் சார்ந்த இணைய சேவை வழங்கும் நிறுவனம் உக்ரைனுக்கு இணைய சேவையை வழங்க தொடங்கியது.

“செவஸ்டாபோல் வரை ஸ்டார்லின்க் சேவையை செயற்படுத்துமாறு அரச அதிகாரிகளிடம் இருந்து அவசர கோரிக்கை விடுக்கப்பட்டது. இதற்கு முக்கிய காரணம் ரஷ்யாவின் கடற்படை தளத்தை முழுமையாக மூழ்க செய்வது தான். நான் அவர்களின் கோரிக்கைக்கு ஒப்புக் கொண்டு இருந்தால், போரில் மிகப் பெரிய தாக்கம் ஏற்பட ஸ்பேஸ்-எக்ஸ் முக்கிய காரணமாக மாறி இருக்கும்,” என எலான் மஸ்க் தெரிவித்து உள்ளார்.

 

https://thinakkural.lk/article/272453