மதிவதனி மற்றும் துவாரகா வீர மரணம் - புகைப்பட ஆதாரம்

[satan]

On 6/10/2023 at 05:16, ரதி said:

இந்த படங்களில் இறந்து கிடப்பது துவாரகா இல்லை ..நான் தான் துவாரகா என்று வெளிக்கிட்டு இருப்பவர்களும் துவாரகா  இல்லை...சொல்ல போனால் .இறுதி யுத்தம் நடக்கும் போது அவ அங்கேயே  இல்லையாம்  
 

இதுதான் இந்தத் தொடரின் முக்கிய பகுதி! தேடிக்கண்டுபிடிக்கப்படுள்ளது. அவர்கள் உயிரோடு இருக்கிறார்கள் என்பவர்களிடமும் ஆதாரமில்லை, எங்கே இருக்கிறார்கள் என வெளியிட. அவர்கள் இல்லை என்பவர்களிடமும் ஆதாரமில்லை அவர்களுக்கு என்ன நடந்தது என்று நிரூபிக்க. அவர்கள், இருக்கிறார்கள் இல்லை என்பவர்கள் கூட முன்னுக்கு பின் முரணான செய்திகளையே வெளியிடுகிறார்கள் தங்கள் ஆதாயத்துக்காக. அவர்கள் உயிரோடு இருந்தால்; இருக்குமிடத்தில் நிம்மதியாக வாழட்டும் எங்கேயாவது ஒரு மூலையில்,  இல்லையென்றால்; அமைதியில் இளைப்பாறட்டும்விடுங்களேன்!  புலனாய்வுக்கு, தாங்கள் முன்பு வெளியிட்ட கருத்தில் சந்தேகம், தடுமாற்றம் ஏதும் ஏற்பட்டு விட்டதோ தெரியவில்லை? தமிழரிடமிருந்து அவர்களுக்கு என்ன நடந்தது என அறிய எதிர்பார்த்து இப்படி புரளி எழுப்பி விட்டிருக்கோ தெரியவில்லை. 

[நியாயம்]

On 5/10/2023 at 00:46, ரஞ்சித் said:

இவனே நடேசன் அண்ணாவும் புலித்தேவன் அண்ணாவும் இன்னும் பலரும் கோத்தபாயவின் தொலைபேசி அழைப்பிற்குப் பின்னர் சவேந்திர சில்வாவினால் அடித்துக் கொள்ளப்பட்டார்கள் என்பதை முதன் முதலில் வெளியிட்டவன்.

 

இதை நீங்கள் நம்புகின்றீர்களா? சவேந்திர சில்வா விடுதலைப்புலிகள் தலைவரை தலையில் வாளால் வெட்டி கொன்றார் என முன்பு இலங்கை ஊடகம் ஒன்று எழுதியது. அதை நம்புவீர்களா?

[ரஞ்சித்]

47 minutes ago, நியாயத்தை கதைப்போம் said:

 

இதை நீங்கள் நம்புகின்றீர்களா? சவேந்திர சில்வா விடுதலைப்புலிகள் தலைவரை தலையில் வாளால் வெட்டி கொன்றார் என முன்பு இலங்கை ஊடகம் ஒன்று எழுதியது. அதை நம்புவீர்களா?

நம்புவது கடிணமானதுதான். ஏனென்றால், தலைவர் சிங்களவரிடம் உயிருடன் பிடிபடக் கூடியவரல்ல என்பதை நான் நம்புவதால். 

[nochchi]

தமிழினத்தின் விடியலுக்கான ஏதுநிலையொன்றை உருவாக்க வேண்டுமென்றால் இரு விடயங்கள் தெளிவாக வேண்டும். ஒன்று தேசியத் தலைவர் மேதகு.வே பிரபாகரன் அவர்கள் இல்லை என்பதைத் தமிழ் மக்கள் ஏற்றல். மக்களிடையேயான உரையாடல் வெளியை நோக்கினால் அந்த ஏற்புநிலையைத் தமிழினம் எட்டிவிட்டதாகவே தோன்றுகிறது.

இரண்டாவது புதிய தலைமையின் கீழ் தமிழினம் அணியமாவது. அல்லது காத்திரமான புதிய தலைமையொன்று உருவாகும்வரையான காலத்திற்கு அல்லது உலக நிலைமைகளில் ஏற்படும் சாதகமான வினைவுகளைப் பற்றிப்பிடித்து நகர்வதற்கான சூழல் உருவாகும்வரையான காலம்வரை இதுவரை தமிழினம் பெற்ற பட்டறிவின் ஊடான படிப்பினைகளையும், நிலைப்பாடுகளையும் அடுத்த தலைமுறைக்குக் கடத்துவதன் ஊடாக போராட்டத்தின் நியாயப்பாடுகளைத் திரவநிலையில் வைத்திருத்தல். இது ஒருவகையில் சிறியளவிலாயினும் நிகழ்வாதாகவே தோன்றுகிறது. இவற்றை நீர்த்துப்போகச் செய்ய வேண்டுமெனில் தேசியத் தலைவரைத் தேடாத சூழலில், ஏனென்றால் இருந்தால் தலைவன் இல்லையென்றால் இறைவன் என்ற நோக்குநிலையில், அடுத்த கட்டமாகத் துவாரகா அவர்களை அரங்கிற்கு இழுத்துவருகிறார்கள். 
                  அது எந்தக் காலமாக இருக்கிறதென்றால்,  தியாக தீபம் லெப்டினட் கேணல் திலீபன்  அவர்களது நினைவுகளோடு தமிழினம் ஒன்றித்திருக்கும் காலமும் இந்தியத் துரோகத்தின் நினைவூட்டற்காலமுமாய் இருக்கும் காலத்தில் என்பதையும் கவனத்திற் கொள்ளாதிருக்க முடியுமா? தமிழினத்திடையேயான  ஒருமைப்பட்ட நிலையில்லாதபோதும், இதுபோன்ற நினைவுகளோடு ஒன்றிக்கும் நிலையொன்று உண்டு. இவற்றைச் சிதைப்பதால் பயனடைவோர் யார்? அவர்களே காலத்துக்காலம் புதிய கதைகளோடு தமிழினத்தின் உளவியலைச் சிதைக்கும் வேலைகளில் கச்சிதமாக ஈடுபட அதற்கு எமது ஊடகங்களும் வலையொளிகளும் வண்ணமிடுகின்றன. ஒருவேளை துவாராகா அவர்கள் வந்தால், அவரால் இந்தப் புலனாய்வுகளையும் துரோகங்களையும் கடந்து என்ன செய்ய முடியும்? 

தமிழினம் தனது விடுதலைக்காக யாராவது வருவாரா என்ற போக்கிலிருந்து விடுபட்டு, எனக்கான, எனது தேசியத்திற்கான, எனது இனத்திற்கான, எமது இருப்புக்கான விடுதலைக்கு நானே உழைக்க வேண்டும் என்று துணியாதவரை இதுபோன்ற போலிகள் எமது வேலிகளை மேய்ந்துகொண்டே இருக்கும்.

நன்றி