பண மோசடியுடன் தொடர்புடைய மூன்று சந்தேக நபர்களை கொழும்பு கறுவாத்தோட்டம்  பொலிஸார் கைது செய்துள்ளனர்.

வாகனங்களை விற்பனை செய்வதற்கு ஞாயிறு  பத்திரிகை ஒன்றில்   விளம்பரம் வெளியிடப்பட்டே இவர்கள் இவ்வாறு மோசடியில் ஈடுபட்டதாகவும் இவர்கள் இதற்காக பண்டாரநாயக்க மாநாட்டு மண்டபத்தில் வாடகைக்கு எடுக்கப்பட்ட  அறையொன்றை பெற்றிருந்தனர் எனவும்   பொலிஸ் ஊடகப் பிரிவு தெரிவித்துள்ளது.

இந்த விளம்பரத்தின்படி நேற்று புதன்கிழமை (20) குறித்த இடத்துக்கு இரண்டு கொள்வனவாளர்கள் கார் மற்றும் ஜீப் ஒன்றை கொள்வனவு செய்ய வந்துள்ளனர்.

இதன்போது சம்பந்தப்பட்ட வாகனங்களை விற்பதற்குத்  தேவையான ஆவணங்களைத் தயாரிக்க  முற்பணம் தருமாறு குறித்த அலுவலகத்திலிருந்த  முகாமையாளரும்  மற்றொருவரும்   கொள்வனவாளர்கள் இருவரிடமும்  கேட்டுக்கொண்டனர்.

இதன்படி, ஒரு கொள்வனவாளரிடமிருந்து ஒரு கோடியே இருபத்தைந்து இலட்சம் ரூபாவும் மற்றைய நபரிடமிருந்து மூன்று கோடியே முப்பது இலட்சம் ரூபாவும் பெறப்பட்டுள்ளது.

பின்னர் பணத்தை பெற்ற அவர்களில் ஒருவர் குறித்த நிறுவனத்தின்   அறைக்கு சென்று, வாகன திறப்பு மற்றும் ஆவணங்களுடன் பின்வாசல் வழியாக தப்பிச் சென்றார்.

இதனையடுத்து இரு கொள்வனவாளர்களும்  செய்த முறைப்பாட்டின் அடிப்படையில், விசாரணை நடத்திய பொலிஸார்  இந்தச் சம்பவம் தொடர்பில் மூவரைக் கைது செய்துள்ளனர்.

கைது செய்யப்பட்டவர்கள் 41, 43 மற்றும் 65 வயதுடைய பன்னிபிட்டிய, மாளிகாவத்தை மற்றும் கொழும்பு 15 ஆகிய பகுதிகளைச் சேர்ந்தவர்களாவர்.

https://www.virakesari.lk/article/172196

உழைத்து வாழ்வதென்றால் உடம்பு வளைய வேலை செய்வது கஷ்டம்.......அதுதான் அடுத்துக் கெடுக்கிற வேலையில் சனம் இறங்குது.......!  😴

நன்றி தமிழன்பன்.......!  

Edited December 21, 20231 yr by suvy
எழுத்துப்பிழை திருத்தம்......!

11 hours ago, தமிழன்பன் said:

கைது செய்யப்பட்டவர்கள் 41, 43 மற்றும் 65 வயதுடைய பன்னிபிட்டிய, மாளிகாவத்தை மற்றும் கொழும்பு 15 ஆகிய பகுதிகளைச் சேர்ந்தவர்களாவர்.

கொஞ்சம் நவீன கொள்ளைக்காரர்களாக இருக்கிறார்களே.

45 மில்லியன் ரூபாவை மோசடி செய்த நபர் தொடர்பில் தகவல் கோரும் பொலிஸார்!

Published By: DIGITAL DESK 3   29 DEC, 2023 | 02:25 PM

 

45 மில்லியன் ரூபாவை மோசடி செய்தார் என சந்தேகிக்கப்படும் ஒருவரைக்  கைது செய்ய பொதுமக்களின் உதவியை  பொலிஸார் நாடியுள்ளனர்.  கொழும்பு பண்டாரநாயக்க ஞாபகார்த்த சர்வதேச மகாநாட்டு மண்டபத்தில் இந்த  நபர்  கார்  விற்பனை நிலையம் ஒன்றை  நடத்தி அதன் மூலம்   45 மில்லியன் ரூபாவை மோசடி செய்துள்ளமை விசாரணைகளில் தெரிய வந்துள்ளது.

குறித்த நபர் ஏனைய சந்தேக நபர்களுடன் இணைந்து பண்டாரநாயக்க ஞாபகார்த்த சர்வதேச மகாநாட்டு மண்டபத்தில் அலுவலகமொன்றை வாடகைக்குப்  பெற்று   வாகனங்கள் விற்பனைக்கு உள்ளதாக   பத்திரிகைகளில்  விளம்பரம் செய்துள்ளார்.   இந்த  விளம்பரங்களைப் பார்த்த  இருவர்  கார் மற்றும் ஜீப் வாங்குவதற்காக அலுவலகத்துக்குச் சென்றிருந்தனர். இதன்போது குறித்த சந்தேக நபர் வாகனங்களை  காண்பித்துள்ளார்.  

இந்நிலையில்,  சம்பந்தப்பட்ட வாகனங்களின்  விற்பனை ஆவணங்களைத் தயாரிப்பதற்கு முன்னர்   பணம் செலுத்துமாறு வாகனக் கொள்வனவுக்கு வந்தவர்களிடம் கோரியுள்ளார்.   இதனையடுத்து  அவர்கள் இருவரும் 45 மில்லியன் ரூபாவை  குறித்த நபரிடம் வழங்கியுள்ளனர்.

எவ்வாறாயினும், சம்பந்தப்பட்ட ஆவணங்களைத்  தயாரிக்கும் வரை காத்திருக்குமாறு வாங்குபவர்களிடம் கூறிய சந்தேக நபர்,  அலுவலகத்தின் பின்கதவு வழியாக பணத்தை எடுத்துக்கொண்டு வெளியேறிய காட்சிகள்  சிசிரிவி கமராவில் பதிவாகியிருந்தன. 

அலுவலகத்திலிருந்த வெளியேறிய நபர்கள்  மீண்டும்  அலுவலகம் வராத நிலையில் அங்கு காத்திருந்த கொள்வனவாளர்கள் இருவரும் பொலிஸில் முறைப்பாடு செய்தமை குறிப்பிடத்தக்கது.

https://www.virakesari.lk/article/172699

பொலிஸ்காரனை தாண்டித்ததான்... தப்பி போயிருக்கின்றா(ர்)ன். 😂
அப்ப, ஆளை பிடிச்ச்ச மாதிரித்தான். 🤣