சிறிய விடயம் தான் ஆனால்....?

[விசுகு]

பெரியவர்கள் எம்மை எச்சரிப்பார்கள். இப்படி செய்யக்கூடாது அப்படி செய்யக்கூடாது என்று. அவை மிகச் சிறிய விடயங்களாக மிக மிக அசாதாரண விடயங்களாக எம் வாழ்வில் நடக்கமுடியாத நாம் சந்திக்காத விடயங்களாக இருக்கும். ஆனால் அவ்வாறு நடந்து விட்டால்......??

சில விடயங்களை நான் இங்கே எழுதுகிறேன் நீங்களும் நீங்கள் சந்தித்த அல்லது கேள்விப்பட்ட விடயங்களை எழுதுங்கள். எவராவது பயன் பெறட்டும்.

1 - பிரெஞ்சில் இருந்து எனது நண்பர் ஒருவர் டென்மார்க்கில் உள்ள ஒரு ஆலயத்தில் தரிசனம் செய்ய தனது குடும்பத்துடன் (இரண்டு பெண் பிள்ளைகள் மற்றும் கடைசி ஆண் குழந்தை) சென்றிருந்தார். அந்த கோயில் உள்ள இடம் வயலும் காடும் நிறைந்த இடம்.

அங்கே அந்த ஆண் குழந்தைக்கு (2 வயது)  ஒரு பூச்சி கடித்து விட்டது. அது அருகில் இருந்த குதிரைகளின் வளாகத்தில் இருந்து வந்ததாக வைத்தியர்கள் சொல்கிறார்கள். அன்றிலிருந்து அந்த குழந்தைக்கு மூளை வளர்ச்சி தடைப்பட்டு விட்டது. இன்று அவனுக்கு 20 வயதுக்கு மேல்.

2- எனது நண்பர் ஒருவரின் 30 வயது மகன். ஸ்பெயினுக்கு இரண்டு வார விடுமுறையில் நண்பர்களுடன் சென்றிருந்தான். அங்கே மைதானத்தில் உதை பந்து விளையாடிய போது கையில் தோள் பக்கம் ஒரு பூச்சி கடித்து விட்டது. தட்டி விட்டு விட்டு அதை மறந்து விட்டான். ஆனால் நாளாக நாளாக அந்த இடத்தில் ஒரு வித கடி. தோலில் சில மாற்றங்கள். இங்கே வைத்தியரிடம் காட்டிய போதும் பல பரிசோதனைகள் செய்து பார்த்த போதும் எதுவும் புலப்படவில்லை. ஆனால் கையில் தோலில் ஏற்படும் மாற்றம் அதிகரித்த வண்ணமே உள்ளது.

நன்றி

தொடரலாம்.....

[யாயினி]

கடந்த மாதம் இப்படி ஒரு சம்பவம் எனது ஒன்ற விட்ட சகோதரி ஒருவருக்கும் நடந்திருக்கிறது..டென்மார்க்கில் வசித்து வருபவர்..எந்த வகை பூச்சி என்று கண்டு பிடிக்க முடியாதிருக்கிறதாம். அவருக்கு வயிற்றுப் பகுதியில் கடித்து உள்ளால் இன்பெக்ற் ஆக்கி சத்திர சிகிச்சை ஊடாக பாதிக்கபட்ட அவ்வளவு தசைகளையும் எடுத்து விட்டார்கள் என்றும்  சொன்னார்.அந்த பூச்சி கடித்து 48 மணித்தியாலத்திற்கு மேற்பட்டிருந்தால் அவரது உயிருக்கு ஆபத்து ஏறப்ட்டிருக்கும் என்று வைத்;தியர்கள் சொன்னார்களாம்..அப்படியானவற்றை ஏன் இன்னும் அழிக்காமல் இந்நத நாடுகள் இருக்கிறது.?

[விசுகு]

3 - எனது நண்பர் ஒருவர் தன் குடும்பத்துடன் தனது இளம் தங்கையையும் கூட்டிக்கொண்டு பரிசில் இருந்து 850 கிலோமீட்டர் தூரத்தில் இருக்கும் லூர்து மாதா கோயிலுக்கு போனார். இவரே வாகனத்தை தொடர்ந்து ஒட்டியபடி திரும்பி வரும் போது இரண்டு பக்கமும் வாகனம் வரும் வேகப் பாதையில் சில செக்கன்கள் நித்திரையானார். கண்ணை மூடித் திறப்பதற்குள் வாகனம் தடுமாற்றம் தொடங்கி அவரது தங்கை வெளியே தூக்கி எறியப்பட்டு எதிரே வந்த வாகனத்தால் தலையில் நசுக்கப்படுவதை கண்டார். நடமாடும் பிணமாக வாழ்கிறார். 

[ஈழப்பிரியன்]

எனது நண்பரின் சகோதரம் சிறிய வயதாக இருக்கும் போது யாழ்ப்பாணத்தில் விமான குண்டு வீச்சின் போது இவருக்கு அருகாமையில் குண்டு வீழ்ந்து வெடித்துள்ளது.தெய்வாதீனமாக பையனுக்கு எதுவும் நேரவில்லை.

ஆனால் அன்றிலிருந்து இப்போது வரை வாய் பேச மாட்டார்.

[நிலாமதி]

எனது நண்பியொருவர்  சென்ற வருடம் தாயகம் சென்று இருந்தார். அவரும் அவரது சகோதரியும்  நெடுந்தீவுக்கு சென்ற பொது கடலில் கால் நனைத்து இருக்கிறார்கள். வீட்டுக்கு வந்த பின் காலில்  சிறு தழும்பு ..அத்துடன் காய்ச்சலும் ஒருவாறு சமாளித்து கனடா   வந்து விடடார்.  கால்  வீங்க  தொடக்கி விட்ட்து . வைத்திய சாலைக்கு   சென்று போது டாக்டரின் முதல் கேள்வி கடலில் குளித்தீரா?  என்பது .இவரும் ஆமென சொல்லவே  ஒருவகை விஷ பூச்சி கடித்திருக்கிறது என்று சொல்ல ஆன்டி  பயாடிக்  பூச்சு மருந்து எல்லாம் கொடுக்க இரண்டு இடங்களில் தேசிக்காயளவு  புண் ..கால் வீங்கி பாதம் வரை நடக்க முடியாமல் இருந்தார் .இரு நாட்களுக்கு ஒரு முறை வைத்ய சாலையில் மருந்து கட்டி மூன்று மாதங்கள் சென்றது குணமாக இன்றும் பெரிய தழும்பு  குழி போன்று இருக்கிறது.