கிழக்கிலும் மேற்கிலும்

-----------------------------------

கடந்த சில நாட்களாக அந்த மனிதரை அங்கு கண்டு கொண்டிருக்கின்றேன். இருவரும் ஒரு புன்முறுவலுடன் விலகிப் போய்க் கொண்டிருந்தோம். அவர் எந்த நாட்டவர் என்று சொல்லத் தெரியவில்லை. அவர் ஒரு ஆபிரிக்க அமெரிக்கராக இருப்பதற்கே சாத்தியம் அதிகம் போன்றது அவரது தோற்றம். காலையில் ஓட வருபவர்கள் மிகவும் குறைந்த குளிர்காலம் அது. இருவருக்கும் அந்தக் குளிரில் வெறும் டீ சேட்டும் காற்சட்டையுமாக நிற்கும் மற்றவர் கொஞ்சம் விநோதமானவராகத் தெரிந்திருக்கும்.

 

'இந்தியரா......' என்று அவர் தான் ஆரம்பித்தார் ஒரு நாள். அந்த ஆங்கில உச்சரிப்பு அமெரிக்க உச்சரிப்பு இல்லை. 'இல்லை, ஶ்ரீ லங்கா....' என்று சொல்லி விட்டு, 'நீங்கள் .........' என்று இழுத்தேன். 'ஓ....... சிலோன்....' என்று என் பதிலைத் திருத்தி விட்டு, அப்படியே தலையை மேலும் கீழும் அசைத்து விட்டு அருகில் இருந்த பெஞ்சில் இலகுவாக அமர்ந்தார். இந்த லாவகத்தை நான் எங்கோ பார்த்திருக்கின்றேன், ஆனால் எங்கேயென்று சட்டென்று ஞாபகத்திற்கு வரவில்லை.

 

'கரிபியன்........' என்றார் அவர். அதே தான், அவர்களை நான் நிறையவே பார்த்திருக்கின்றேன். சிறுவனாக ஊரில் இருந்த காலங்களில் மேற்கிந்திய அணி தான் என் அணி, விவ் ரிச்சர்ட்ஸ் தான் என் வீரர். அவர் வந்து நிற்கும் தோரணையே 'இந்த ஊரில் எங்களுடன் போட்டி போட யாராவது இருக்கிறீர்களா............' என்று கேட்பது போல இருக்கும். அந்த நாட்களில் அந்த அணியின் மீது ஒரு கிறக்கத்தில் கிடந்தோம் நாங்கள் பலர். அதே தொனி தான் இவரிலும் தெரிந்தது.

 

பின்னர் தினமும் கதைக்கத் தொடங்கினோம். கிரிக்கெட்டில் ஆரம்பித்த கதைகள் பின்னர் அப்படியே தனிப்பட்ட விடயங்களுக்கு தாவியது. என்னிடம் சொல்வதற்கு பெரிதாக எதுவும் இல்லை. மிகச் சாதாரணமான ஒரு பாதையில், சாதாரணமாக ஒரு நடை நடந்தது போன்றது என் அனுபவங்கள். அவரோ அதற்கு எதிர். அங்கு ஒரு காவலராக ஒரு காட்டில் வேலை செய்திருக்கின்றார். காட்டை கொள்ளை அடிக்க வருபவர்களுடன் ஓயாது போராடுவது தான் அவரது வாழ்க்கையாக இருந்திருக்கின்றது. காட்டின் ஊடாக ஓடும் ஆற்றில் முதலைகள் போன்று வேடமிட்டுக் கூட 'கரிபியன் வீரப்பன்கள்' வந்துள்ளார்களாம். நிஜ முதலைகள் மனித முதலைகளை தண்ணீரில் அமுக்கிய கதைகளையும் சொன்னார்.

 

'நேற்று சிலோனைப் பற்றி ஒரு புத்தகம் வாசித்தேன்.....' என்றபடி ஆரம்பித்தார் ஒரு காலையில். உங்கள் இருவர் மீதும் தப்பில்லை என்றார். யார் அந்த இருவர் என்று நான் கண்களைச் சுருக்கினேன். சிங்களீஸ் அன்ட் டமில்ஸ் என்றார். முழுத் தப்புமே பிரிட்டிஷ் அரசின் மேல் தான் என்றார். அவர்கள் எல்லா இடத்திலும், எல்லா நாடுகளிலும் இதையே செய்தனர் என்றார். சிறுபான்மையை உயர்த்தி, பெரும்பான்மையை தாழ்த்தி, பின்னர் அப்படியே ஒரு நாள் இரவோடிரவாக விட்டுவிட்டு ஓடி விட்டார்கள் என்று. 

 

வெஸ்ட் இண்டீஸையும் அவர்கள் தானே ஆண்டனர், அங்கேயும் இப்படியா செய்தனர் என்றேன் நான்.

 

நாங்கள் வெஸ்ட் இண்டீஸ், நீங்கள் ஈஸ்ட் இண்டீஸ், இதன் அர்த்தம் என்னவென்று உனக்கு தெரியுமா என்று கேட்டார். இதுக்கு என்ன பெரிய அர்த்தம் தேட வேண்டும் என்று நினைத்தேன். நீங்கள் உலகின் மேற்கில் இருக்கிறீர்கள், நாங்கள் உலகின் கிழக்கில் இருக்கின்றோம், அது தானே என்று கேட்டேன். 

 

கூர்ந்து பார்த்து விட்டுச் சொன்னார், 'இதன் அர்த்தம் நீங்கள் கிழக்கில் இருக்கும் அடிமைகள், நாங்கள் மேற்கில் இருக்கும் அடிமைகள்.'

 

அப்படியே இன்னும் ஒன்றும் சொன்னார்: இனிமேல் வெஸ்ட் இண்டீஸ் என்று சொல்லாதே, கரிபியன் என்றே சொல்லு என்று.

6 hours ago, ரசோதரன் said:

சிறுபான்மையை உயர்த்தி, பெரும்பான்மையை தாழ்த்தி, பின்னர் அப்படியே ஒரு நாள் இரவோடிரவாக விட்டுவிட்டு ஓடி விட்டார்கள்

எல்லாம் அவன் செயல்

7 hours ago, ரசோதரன் said:

அப்படியே இன்னும் ஒன்றும் சொன்னார்: இனிமேல் வெஸ்ட் இண்டீஸ் என்று சொல்லாதே, கரிபியன் என்றே சொல்லு என்று.

இந்த மனிதரின் கருத்து அந்த மண்ணின் மைந்தனின் கருத்து.

ஒவ்வொரு மனிதருக்குள்ளும் தத்தமது தேசியம் பற்றி விதவிதமான சிந்தனைகள் ஓடிக்கொண்டிருக்கின்றன..........!  👍

11 hours ago, Kavi arunasalam said:

எல்லாம் அவன் செயல்

இந்த தடவை இஸ்ரேல் - பலஸ்தீன சண்டை ஆரம்பித்த போது, 'அருஞ்சொல்' இதழில் ஒரு கட்டுரைத் தொடர் வந்திருந்தது. ஐந்து பாகங்கள், சிறிது நீண்ட கட்டுரைகள். பல ஒற்றுமைகள் இருக்கின்றன, ஆனால் நாங்கள் பொதுவாக இதுவரை நினைத்திருக்கும் கோணத்தில அல்ல. இது இன்னொரு பார்வை.

 

https://www.arunchol.com/karthik-velu-on-israel-history

10 hours ago, ஏராளன் said:

இந்த மனிதரின் கருத்து அந்த மண்ணின் மைந்தனின் கருத்து.

 

1 hour ago, suvy said:

ஒவ்வொரு மனிதருக்குள்ளும் தத்தமது தேசியம் பற்றி விதவிதமான சிந்தனைகள் ஓடிக்கொண்டிருக்கின்றன..........!  👍

அதுவே தான்......👍.

இன்னமும் சில தமிழ்நாட்டவர்கள் எங்களை 'சிலோன்காரர்கள்' என்று சொல்கின்றனர். அந்தச் சொல் அவ்வளவு ஒரு நல்ல உணர்வைக் கொடுப்பதில்லை. இலங்கையர்கள் என்று சொன்னால் நல்லாக இருக்குமே என்று தோன்றும். 

On 28/6/2024 at 15:42, ரசோதரன் said:

சிறுவனாக ஊரில் இருந்த காலங்களில் மேற்கிந்திய அணி தான் என் அணி, விவ் ரிச்சர்ட்ஸ் தான் என் வீரர். அவர் வந்து நிற்கும் தோரணையே 'இந்த ஊரில் எங்களுடன் போட்டி போட யாராவது இருக்கிறீர்களா............' என்று கேட்பது போல இருக்கும்.

ஆகா கிரிக்கட்டைப் பற்றி எனக்கு எதுவுமே தெரியாது என்று சொன்னவர்

இப்போ சிறுவயதிலேயே விவி ரிச்சர்ட் தான் என்கிறாரே.

அப்போ இவரும் ஒரு கிரிக்கட் ஜாம்பவான் தான்.

1 minute ago, ஈழப்பிரியன் said:

ஆகா கிரிக்கட்டைப் பற்றி எனக்கு எதுவுமே தெரியாது என்று சொன்னவர்

இப்போ சிறுவயதிலேயே விவி ரிச்சர்ட் தான் என்கிறாரே.

அப்போ இவரும் ஒரு கிரிக்கட் ஜாம்பவான் தான்.

🤣.......

சின்ன வயதில் நிறையவே பார்த்திருக்கின்றேன், அண்ணை. ஆனால் கடந்த 20 வருடங்களுக்கு மேலாக கிரிக்கெட் பார்த்ததும் இல்லை, எந்த வீரர்களையும் தெரியாது. கிரிக்கெட்டில் ஒரு கோமா நிலை மாதிரி...... அமெரிக்கன் விளையாட்டுகள் பரிச்சயமாகி, நாளும் பொழுதும் அதனுடனேயே போய்க் கொண்டிருக்கின்றன. இப்பொழுது தான் முதன் முதலாக T20 விளையாட்டைப் பார்த்தேன்........

3 minutes ago, ரசோதரன் said:

இப்பொழுது தான் முதன் முதலாக T20 விளையாட்டைப் பார்த்தேன்........

அப்பிடியே அடுத்தடுத்த போட்டிகளையும் பாருங்கள்.

நானும் கிரிக்கட்டைப் பார்க்கத் தொடங்கியது யாழில் போட்டிகள் வந்த பின்பு தான்.

இப்ப கூட தொலைக்காட்சியில் பார்ப்பதற்கான வசதிகள் இல்லை.

கணனியில் களவுச்சனல்களை தேடிப் பிடித்து பார்ப்பேன்.அதுவும் சிலவேளைகளில் மக்கர் பண்ணும்.

8 minutes ago, ஈழப்பிரியன் said:

அப்பிடியே அடுத்தடுத்த போட்டிகளையும் பாருங்கள்.

நானும் கிரிக்கட்டைப் பார்க்கத் தொடங்கியது யாழில் போட்டிகள் வந்த பின்பு தான்.

இப்ப கூட தொலைக்காட்சியில் பார்ப்பதற்கான வசதிகள் இல்லை.

கணனியில் களவுச்சனல்களை தேடிப் பிடித்து பார்ப்பேன்.அதுவும் சிலவேளைகளில் மக்கர் பண்ணும்.

👍........

தொடர்ந்து பார்ப்பதாகவே உள்ளேன், அண்ணை. 

@வீரப் பையன்26 சாருடன் மல்லுக்கு நிற்க வேண்டுமே..........🤣.

4 hours ago, ஈழப்பிரியன் said:

அப்பிடியே அடுத்தடுத்த போட்டிகளையும் பாருங்கள்.

நானும் கிரிக்கட்டைப் பார்க்கத் தொடங்கியது யாழில் போட்டிகள் வந்த பின்பு தான்.

இப்ப கூட தொலைக்காட்சியில் பார்ப்பதற்கான வசதிகள் இல்லை.

கணனியில் களவுச்சனல்களை தேடிப் பிடித்து பார்ப்பேன்.அதுவும் சிலவேளைகளில் மக்கர் பண்ணும்.

கைபேசியில் இருந்து தொலைக் காட்சிக்கு வுலூரு மூல‌ம் பெரிசா பார்க்க‌லாம் ஈழ‌ப்பிரிய‌ன் அண்ணா

இப்ப‌ சிறில‌ங்க‌ன் LPL  ந‌ட‌க்குது

நேற்று ஒரு மைச் பார்த்தேன் ந‌ல்ல‌ வீர‌ர்க‌ளை ஏல‌த்தில் எடுத்து ந‌ட‌த்தின‌ம்

ஆனால் அது ஜ‌பிஎல் போல் இல்லை அண்ணா.....................ஜ‌பிஎல்லுக்கு எப்ப‌வும் வ‌ர‌வேற்ப்பு அதிக‌ம் கிரிக்கேட் ர‌சிக‌ர்க‌ளிட‌ம்......................................