3 இராமேஸ்வரம் மீனவர்களை இலங்கை கடற்படையினர் பிடித்து சென்று விட்டதாக கூறப்படுகிறது.

3 இராமேஸ்வரம் மீனவர்களை இலங்கை கடற்படையினர் பிடித்து சென்று விட்டதாக கூறப்படுகிறது.

[Friday February 15 2008 02:40:42 PM GMT] [யாழ் வாணன்]

இராமேஸ்வரத்தில் இருந்து மீன்பிடிக்க சென்ற 3 மீனவர்களை இலங்கை கடற்படையினர் பிடித்து சென்று விட்டதாக தெரியவந்துள்ளது.

இச்சம்பவம் குறித்து தெரியவருவதாவது:

இராமேஸ்வரத்தை அடுத்த தங்கச்சிமடத்தை சேர்ந்த லியான் (வயது 25), சுனில் செல்வம் (வயது 20), நாகராஜ் (வயது 25), தினேஷ் (வயது 26), முத்துக்குமரன் (வயது 22) ஆகிய 5 மீனவர்கள் கடலுக்கு சென்றனர். இவர்களது படகின் இயந்திரம் திடீரென பழுதானதால், கடல் நீரோட்டம் காரணமாக இலங்கை கடல் பகுதிக்கு இழுத்து செல்லப்பட்டது.

இந்நிலையில் தினேஷ், முத்துக்குமரன் ஆகிய இருவர் மட்டும் மற்றொரு படகில் இராமேஸ்வரம் வந்தனர். அவர்கள் மீன்துறையினரின் அனுமதி பெற்று, படகையும் அதில் இருக்கும் 3 மீனவர்களையும் மீட்பதற்காக முன்தினம் இலங்கை கடல் பகுதிக்கு சென்றனர். அப்போது அங்கிருந்த லியான், சுனில் செல்வம், நாகராஜ் ஆகிய 3 மீனவர்களையும் காணவில்லை.

அவர்களை இலங்கை கடற்படையினர் பிடித்து சென்று விட்டதாக கூறப்படுகிறது. இதில் ஒரு மீனவர் படகில் தவறி விழுந்து காயமடைந்து இருந்ததால், அவர் யாழ்ப்பாணம் போதனா வைத்தியசாலையில் சிகிச்சை பெற்று வருவதாக கூறப்படுகிறது.ஆனால், இலங்கை அரசிடம் இருந்து இதுபற்றி தகவல் வராததால், இந்த தகவலை மீன்துறை அதிகாரிகள் உறுதிப்படுத்தவில்லை.

tamilwin.com