எரிபொருள் விலை அதிகரிப்பால் காலத்திற்கேற்ப தம்மையும் தயார்படுத்தும் விலை மாதர்கள்

[06 - July - 2008]

லண்டன்: உலகின் தொன்மை வாய்ந்த தொழிலான விபசாரம் பணத்துடன் மட்டுமே சம்பந்தப்பட்ட காலமொன்று இருந்தபோதும் எரிபொருள் விலை ஏற்றம், பணப்புழக்கம் வீழ்ச்சியடைந்தமை போன்ற காரணங்களால் விலைமாதர்களும் காலத்திற்கு ஏற்றமாதிரி தம்மை தயார்ப்படுத்திக் கொண்டுள்ளனர்.

உலகில் மசகு எண்ணெய் விலை பரலொன்று 145 டொலர்களாகியுள்ளது. இந்நிலையில் அமெரிக்காவைச் சேர்ந்த அஞ்சலினா எவர்சோல் (34 வயது) என்ற பெண் விபசாரத்திற்காக அறவிடும் கட்டணத்துடன் 100 டொலர்களை பெற்றோலுக்கான கட்டணமாக அறவிட்டதாக (இதில் 50 டொலர் முன்கூட்டியே செலுத்தப்பட்டது) குற்றச்சாட்டு தெரிவிக்கப்பட்டுள்ளது. கென்டுக்கியைச் சேர்ந்த திருமதி எவர் சோலின் கைதானது பெற்றோல் விலை அதிகரிப்பால் ஏற்பட்டிருக்கும் மோசமான நிலைமையை வெளிப்படுத்தியிருக்கிறது. கடந்த 12 மாதங்களில் அமெரிக்காவில் 39 சதவீதமாக பெற்றோலின் விலை உயர்ந்துள்ளது.

அமெரிக்காவில் ஒரு கலன் பெற்றோல் சராசரி 4.098 டொலராக விற்பனை செய்யப்படுகிறது. கலிபோர்னியாவில் பெற்றோல் கலன் 4.99 டொலராகும்.

பெற்றோல் விலை வீழ்ச்சியடைவதற்கான எந்தவொரு அறிகுறியும் காணப்படாததால் மாநில அரசாங்கங்கள், மாவட்ட நிர்வாகங்கள் பொலிஸ் அதிகாரிகள் உட்பட சகல துறையினருமே தமது வருடாந்த வரவு செலவுத் திட்டத்திற்குள் செலவினங்களை சுருக்கிக்கொள்ள நிர்ப்பந்திக்கப்பட்டுள்ளன. தமது எரிபொருள் செலவை எவ்விதம் குறைப்பது என்பது குறித்து அவர்கள் பரிசீலனை செய்து வருகின்றனர்.

அத்துடன் சில மாநிலங்களில் பொலிஸார் வாகனங்களில் ரோந்து செல்லாமல் கால்நடையாக சென்று ரோந்திலீடுபடுமாறு கேட்கப்பட்டுள்ளது.

thinakural.com

எப்பதான் இந்த விலைவாசியுயுர்வு குறையப் போகுதோ தெரிய இல்லை. ஹ{ம்

Edited July 7, 200817 yr by karu