பல்லாயிரக்கணக்கானத் தமிழர்கள் படுகொலை போராட தயாராகுமாறு இலங்கைத்தமிழர் பாதுகாப்பு இயக்கத்தின் ஒருங்கிணைப்பாளர் பழ.நெடுமாறன் வேண்டுகோள் விடுத்துள்ளார்.

இதுகுறித்து அவர் வெளியிட்ட அறிக்கை வருமாறு:

இந்தியாவில் தேர்தலுக்கு பின் அரசு மாற்றம் ஏற்படுவதற்கு முன்பாகவும் அமெரிக்க அதிபர் ஒபாமாவின் எச்சரிக்கையைத் தொடர்ந்து நடவடிக்கை எடுப்பதற்கு முன்னரும் தமிழர்களை முற்றாக அழித்துவிட முடிவு செய்து கொத்துக் குண்டுகளையும் இரசாயனக் குண்டுகளையும் வீசி பல்லாயிரக்கணக்கான மக்களை சிங்கள இராணுவம் படுகொலை செய்துள்ளது.

அதைவிட பல மடங்கு அதிகமானோர் படுகாயத்துடன் மருத்துவ உதவியில்லாமல் கொஞ்சம் கொஞ்சமாகச் செத்துக் கொண்டிருக்கிறார்கள். இச்செய்திகள் நமது நெஞ்சங்களைப் பிழிகின்றன.

இந்த கொடுமையைத் தடுத்து நிறுத்த முன் வராமல் இந்திய அரசு வேடிக்கை பார்க்கிறது. எனவே தமிழக மக்கள் ஒன்று திரண்டு கொந்தளித்துப் போராடத் தயாராகுமாறு வேண்டிக் கொள்கிறேன். மற்ற தலைவர்களையும் அமைப்புகளையும் கலந்து ஆலோசித்து நாளைப் போராட்டத் திட்டத்தை அறிவிக்கிறேன் என அவர் தனது அறிக்கையில் மேலும் குறிப்பிட்டுள்ளார்.

http://www.pathivu.com/news/1845/54//d,view.aspx

எமக்காக உண்மையாகவே அழுது அக்கறை படும் ஒரு நெஞ்சம். எல்லோராலும் கைவிடப்பட்ட நாதியற்ற இனமான எமக்காக கண்ணீர் சிந்தும் ஐயாவிற்கு கோடி நன்றிகள்

இந்தியத் தேர்தல் முடிவுகள் ஈழத்தமிழர்கட்கு சிலவேளை நம்பிக்கையீனத்தை ஏற்படுத்தலாம். காலச்சக்கரம் சுழன்று மாற்றமடையும்,

கருனாநிதி அதிகமாகத் தேர்தல் பிரச்சாரங்களில் ஈடுபடாமலேயே அவர்கள் ஓரளவு வெற்றிபெற்றிருக்கிறார்கள். மாறாக விஜயகாந் திமுக எதிர்ப்பு வாக்குகளை தன்பக்கம் திருப்பிக்கொண்டார். இதற்காக அவர் காங்கிரசிலிருந்து பெற்றபணம் காங்கிரசின் தமிழநாடுமாநிலத்திற்கான தேர்தல் செலவிற்கான பணத்திற்குச் சமமாகும்

எப்படியிருப்பினும் ஈழத்தமிழர் மீதான இனவழிப்புப் போரை முன்னின்று நடாத்துவது காங்கிரஸ தலைமையிலான இந்தியஅரசே. இன அழிப்புப் போர் முன்னெப்போதுமிலாதவாறு உக்கிரம் பெற்றுத் தொடரப்போகின்றது. தமிழ்றாட்டில் வாழகின்ற தமிழர்களை நாம் நம்பியிருப்போமானால் காலப்போக்கில் நாம் வாழ்ந்த மண்ணில் புல்முளைத்து அதனையும் சிங்களவன் அறுவடைசெய்து அம்மண்ணை தனதாக்கிக்கொள்வான்.

கருனாநிதி இவ்வளவு இக்கட்டான தேர்தல் வேளையிலும் தனது சுயநல அரசியலில் இருந்து சிறிதேனும் விலகிக் கொள்ளவில்லை. இனிமேல் ஈழத்தமிழர் படும் துயரைப்பற்றி எண்ணிக்கூடப்பார்க்க மாட்டான்.

ஆதலால் நாம் தொடர்ந்து போராடுவோம்