கனடாவில் மக்கள் போராட்டம் கட்டுக்கடங்காமல் வெடித்துள்ளது. இன்று வெள்ளிக்கிழமை காலையிலிருந்து கனடாவின் ரொரன்டோ மத்தியபகுதியில் உள்ள அமெரிக்கத் துணைத்தூதரகத்தின் முன்பாக தன்னெழுச்சிகொண்ட மக்கள் முன்னறிவிப்பேதுமின்றி வன்னியில் அவலமுறும் மக்களை உடனடியாகக் காக்க நடவடிக்கை மேற்கொள்ளும்படிஅமெரிக்க சனாதிபதி ஒபாமவையும், ஐ. நா அமைப்பையும் கோரியபடி அவ்விடத்தில் கோசமிட்டபடி உள்ள அதே நேரத்தில் மாலையில் அங்கிருந்த ஒரு பகுதி மக்கள் தன்னெழுச்சியாக குயின் வீதிக்கும், டன்டாஸ் வீதிக்கும் இடையில் உள்ள யூனிவேர்சிற்றி அவெனியுவில் வீதிமறியலில் ஈடுபடமுயன்ற வேளை ரொரன்டோ காவல்துறையினர் மறித்து அம்மக்களை சாலையோர நடைபாதைக்குள் கட்டுப்படுத்திய வேளையில் டன்டாஸ் வீதிக்கு அண்மையில் நின்றிருந்த மக்கள் உணர்வெழுச்சி கொண்டு டன்டாஸ் வீதியில் நுழைந்து வாகனப் போக்குவரத்தை முடக்கியபடி முன்னேறி யங் வீதியும் டன்டாஸ் வீதியும் இணையும் சந்தியில் சுரங்க ரயிலுக்கு மக்கள் செல்லும் ஒரு பாதையை மறித்து அங்கேயே அமர்ந்து சாலைமறிப்பை தொடர்ந்து கொண்டுள்ளனர். அதே நேரம் 360 யுனிவேர்சிற்றி அவெனியுவில் அமைந்திருக்கும் அமெரிக்கத் துணைத்தூதரகத்தின் முன்பாகவும் மக்கள் திரண்டு நின்று அறவழிப்போராட்டத்தில் ஈடுபட்டுக்கொண்டு இருக்கின்றனர்.

Edited May 16, 200916 yr by valvaizagara

எம் போராட்டம் உணர்ச்சி மிகுதியால் தவறான விதத்தில் போகின்றது. இன்று காவல் துறையினரை மீறி போகவேண்டி வந்தது தவறான ஒரு செயல். அடங்காப் பற்றில் 50,000 இற்கு மேல் மக்கள் கூடிய போதும் எந்தவிதமான சட்ட மீறலும், காவல் துறை மீறலும் இடம்பெறவில்லை...ஆனால் நேற்று மட்டும் இது எப்படி உருவானது?...வெறும் உணர்ச்சி மிகுதியால் கனடியர்களின் ஒட்டு மொத்த எதிர்ப்பையும் எம் விடுதலைப் போரின் பால் திருப்புகின்றோம். இன்று நாம் இருக்கும் அரசியல் இராணுவ பின்னடைவுகளில் இருந்து மீள உலக மக்களின் ஆதரவு தேவை..... யோகி அண்ணா சொன்னதை மீண்டும் நினைத்துப் பார்க்கவும்... உலக நாடுகளின் மக்களின் மனச்சாட்யுடன் பேசுங்கள் என்றே சொன்னார். திடீரென முக்கிய சாலைகளை மறித்தால், மனச்சாட்சியுடன் அல்ல அவர்களின் வெறுப்பு உணர்வினுடன் தான் பேச வேண்டி வரும்

இவற்றை பார்க்கும் போது இளைய சமுதாயத்தினை வேண்டும் என்றே ஒரு சிலர் திசை திருப்புகின்றனரோ என்று சந்தேகிக்க வேண்டி வருது

Edited May 16, 200916 yr by நிழலி