ஈழத்தமிழர்களுக்கு டென்மார்க் அரசு ரூ.87 கோடி நிதியுதவி

இலங்கையில் போரினால் பாதிக்கப்பட்ட ஈழத்தமிழ் மக்களின் நலப்பணிகளுக்காக டென்மார்க் அரசு ரூ.87 கோடி நிதி உதவி அளிக்க முடிவெடுத்துள்ளது.

இந்த நிதியை ஐக்கிய நாட்டு சபையின் ஏஜென்ஸிகள் அல்லது தங்களது நாட்டு தன்னார்வ தொண்டு அமைப்புகள் வாயிலாகக் கொண்டு சேர்க்கத் திட்டமிட்டுள்ளதாக அந்நாட்டின் பன்னாடு உறவுகளுக்கான அமைச்சர் உல்லா டோயிர்னேஸ் தெரிவித்தார்.

மேலும், இலங்கையில் போரினால் பாதிக்கப்பட்ட மக்கள் இன்னல்களை அனுபவித்து வருகின்றனர். அவர்கள் விரைவில் மீண்டும் சுமுக வாழ்க்கையைத் தொடங்குவதற்கான சூழ்நிலையை ஏற்படுத்த இலங்கை அரசை உலக சமுதாயம் நிர்பந்திக்க வேண்டும் என்றும் அவர் கேட்டுக்கொண்டார்.

முன்னதாக, இலங்கையில் போரினால் பாதித்த மக்களின் நலப்பணிகளுக்காக டென்மார்க் அரசு ரூ.21 கோடி நிதியுதவி அளித்திருந்தது.

நன்றி - நக்கீரன்

டென்மார்க் வாழ் தமிழ் உறவுகளே இந்த நிதி எக்காரணம் கொண்டும் சிறிலங்கா அரசினது கைகளில் போகாது தடுக்க ஆவண செய்யுங்கள். உங்கள் பகுதி நா.உறுப்பினர்கள் மற்றும் ஊடகங்கள் வாயிலாக இந்த நிதி அனைத்துலக நிறுவனங்கள் ஊடாகவே சென்றடைய வேண்டுமென வலியுறுத்துங்கள். முன்பு யுத்தத்தைக்காட்டிக் கிழக்கிடம் உதவிபெற்று எம்மையழித்தான். இப்போது புணர்வாழ்வென்று தமிழர் தாயக பூமயை சிங்களமயமாக்க மேற்கிடம் உதவிபெறுகிறான். தடுக்க வேண்டும். ஏனெனில் கடைசிவரை எமது மக்களுக்கு அதிகபட்சம் கஞ்சி மட்டுமே. அதுகூட ஒரு பகுதியினர்க்கே.