ஏ9 வீதி இன்றிலிருந்து பயணிகள் போக்குவரத்துக்காகத் திறக்கப்பட்டுள்ளதாகத் தெரியவருகிறது. மேலும் யாழுக்கு ஐந்து பேரூந்து வண்டிகளில் ஏற்கனவே பயணிகள் புறப்பட்டுள்ளதாகவும் கூறப்படுகிறது. அத்துடன் விரைவில் யாழுக்கான முழுச் சொகுசு பேருந்துச் சேவை ஒன்றும் தொடங்கப்படுமாம்!!!

ஏ-9 வீதியூடாக யாழ்ப்பாணம் - கொழும்பு சேவை இன்று முற்பகல் 10 மணிக்கு ஸ்ரேடியத்திலிருந்து ஆரம்பம்

[22 யூலை 2009, புதன்கிழமை 3:20 மு.ப இலங்கை]

யாழ்ப்பாணத்துக்கும் கொழும்புக்கும் இடையிலான போக்குவரத்துச் சபையின் பயணிகள் சேவை ஏ9 பாதையூடாக இன்று ஆரம்பமாகின்றது.

இத் தகவலை சமூக சேவைகள் மற்றும் சமூகநலத்துறை அமைச்சர் டக்ளஸ் தேவா னந்தா நேற்றிரவு உதயனுக்குத் தெரிவித் தார்.

யாழ்.துரையப்பா விளையாட்டரங்கில் (ஸ்ரேடியத்தில்) இருந்து இன்று காலை 10 மணிக்கு ஐந்து பஸ்கள் சேவையை ஆரம் பிக்கின்றன. இந்தச் சேவையை சமூக சேவைகள் மற்றும் சமூகநலத்துறை அமைச் சர் டக்ளஸ் தேவானந்தாவும் வடக்கின் மீள் குடியமர்வு மற்றும் அபிவிருத்திக்கான ஜனாதிபதி செயலணித் தலைவரும், ஜனாதிபதியின் ஆலோசகருமான பஸில் ராஜபக்ஷவும் ஆரம்பித்து வைப்பார்கள்.

கப்பலில் பயணம் செய்வதற்கென யாழ்.ரயில் நிலையத்துக்கு வரும் பயணிகள் இந்தச் சேவை மூலம் கொழும்பு செல்ல வசதிசெய்யப்படும்.

ஐந்து பஸ்கள் இன்று கொழும்பு சென்று அங்கிருந்து பயணிகளை ஏற்றிவரும். ஒன்றைவிட்டு ஒருநாள் சேவையை ஆரம்பத்தில் நடத்த ஏற்பாடு செய்யப்பட்டுள்ளது.

இந்தச் சேவை படிப்படியாக விஸ்தரிக்கப்படும் என்றும் சொகுசுபஸ் சேவை சில தினங்களில் ஆரம்பமாகும் என்றும் மேலும் தெரிவிக்கப்பட்டுள்ளது.

உதயன்

கப்பலில் செல்லும் போது ஏறும் போதும், சிலவேளை இறங்கும் போதும் தான் சோதனை செய்வார்கள்.ஆனால் பேருந்தில் செல்வதினால் இனி அடிக்கடி பயணிகளை இறக்கி இறக்கி சோதனை செய்வார்கள்.