ஐரோப்பாவுக்கு விரைவில் பயணம் செல்வதற்கும் அங்குள்ள தமிழ் மக்களைச் சந்தித்துப் பேசுவதற்கும் தான் திட்டமிட்டிருப்பதாகத் தெரிவித்திருக்கும் சிறிலங்கா அரசின் துணைப் படைக்குழுவின் தலைவரும் அமைச்சருமான விநாயகமூர்த்தி முரளிதரன், ஒரு அமைச்சர் என்ற முறையில் தன்னால் லண்டனுக்குக் கூட பயணம் செய்யக் கூடியதாக இருக்கும் எனவும் குறிப்பிட்டார்.

கொழும்பில் இருந்து வெளியாகும் ஆங்கில நாளேடு ஒன்றுக்குக் கருத்துத் தெரிவித்த அவர், சிறிலங்கா முஸ்லிம் காங்கிரஸ் உட்பட தமிழ் மற்றும் முஸ்லிம் கட்சிகள் அனைத்தும் ஆளும் சிறிலங்கா சுதந்திரக் கட்சியில் இணைந்துகொள்ள வேண்டும் எனவும் அழைப்பு விடுத்தார்.

"நெருக்கடியான காலகட்டத்தில் இன, மத மற்றும் மொழி அடிப்படையிலான கட்சிகளை அமைத்துக்கொள்வது சாத்தியமானது அல்ல. நாம் அனைவரும் ஒன்றிணைந்து நாட்டை அபிவிருத்தி செய்ய வேண்டும்" எனவும் விநாயகமூர்த்தி முரளிதரன் குறிப்பிட்டார்.

ஐரோப்பிய நாடுகளுக்கு தான் விரைவில் பயணம் ஒன்றை மேற்கொள்வதற்கும் அங்கு வாழும் தமிழர்களைச் சந்தித்துப் பேசுவதற்கும் தான் திட்டமிட்டிருப்பதாகத் தெரிவித்த விநாயகமூர்த்தி முரளிதரன், லண்டனில் சிறைத் தண்டனை அனுபவித்தமையால் பிரித்தானியாவுக்கு உங்களால் செல்லக்கூடியதாக இருக்குமா எனக் கேட்கப்பட்ட போது, ஒரு அமைச்சராக தான் இருப்பதால் தன்னால் லண்டனுக்கும் செல்ல முடியும் எனத் தெரிவித்தார்.

இவரது இந்தப் பயண முயற்சி தொடர்பாக ஐரோப்பாவில் வாழும் கல்விமான் ஒருவரிடம் கேட்டபோது -

"வெளிநாட்டுத் தமிழர்களைச் சந்திப்பதற்காக என்று சொல்லிக்கொண்டு அவர் இப்போது ஐரோப்பா வருவதன் நோக்கம் பற்றி நாம் ஆழமாகச் சிந்திக்க வேண்டும். இவ்வளவு காலமும் இல்லாமல் இவருக்கு இப்போது இந்த எண்ணமும் துணிவும் எப்படி வந்தது என்பதையும் நாம் யோசிக்க வேண்டும்.

வெளிநாடுகளில் வாழும் தமிழர்கள் இப்போது ஒற்றுமைப்பட்டு இயங்க வேண்டும். அவர்கள் ஒரே குடையின் கீழ் ஒன்றிணைந்து தமது செற்பாடுகளைத் தீவிரப்படுத்த வேண்டியது இப்போது கட்டாயம். இல்லை எனில் அமைச்சர் விநாயகமூர்தி முரளிதரன் போன்ற பலர் இவ்வாறு குழம்பிய குட்டையில் மீன்பிடிக்க முயல்வார்கள்.

வெளிநாடுகளில் வாழும் தமிழர்கள் ஒரு விடயத்தை மறந்துவிடக்கூடாது. இதே அமைச்சர் விநாகமூர்த்தி முரளிதரன் தான் தமிழ் மக்கள் மீது ஏவிவிடப்பட்ட அந்த மிகப் பாரிய இன அழிப்புப் போருக்கும் காரணமானவர். அவரது கைகள் 40 ஆயிரம் தமிழர்களின் இரத்தக் கறை படிந்த கைகள் எனக் குறிப்பிட்டார்".

புதினம்

ஐரோப்பாவுக்கு பயணம் செய்ய அமைச்சர் முரளிதரன் திட்டம்: நோக்கம் என்ன?

இந்த நாய்களிடம் என்ன நோக்கம் என்று புலனாய்வு செய்துதான் அறிய வேண்டுமா?

சிங்களத்திகள் கொஞ்சம் போறடித்திருக்கும்............ அதுதான் வெள்ளைகாரிகளை நோக்கி ஒரு பயணம்.