அட நம்மட ஏரியா

அட நம்மட ஏரியா

நன்றி சின்னப்பு!

அதுசரி உங்க ஏரியா எது என்றதையும் சொல்லீட்டிங்க என்றால் நல்லா இருக்குமல்லோ...

Edited June 7, 201015 yr by வல்வை லிங்கம்

இணைப்புக்கு நன்றி வல்வை லிங்கம்! நான் பலதடவை அப்பக்கத்தால் சென்றிருக்கிறேன். இப்போதுதான் இப்பதிவைப் பார்த்தேன். மிக அருமையான தேவையான பதிவு. முன்பு இலக்கனாவத்தையிலும் அதைச் சுற்றியுள்ள ஊர்களிலும் கூட பல வாகன (லொறி, சொமசெட், எ போர்டி) உரிமையாளர்களைத் தெரிந்திருக்கும். 1975 வரை . இப் பதிவில் 31 , 32 , 40 படங்களைப் பார்க்கும் போது ஈரலிப்பான மண்வாசனையுடன் கூடிய காத்து நாசியில் ஏறி நெஞ்சை அடைக்குது. பக்கத்தில் கொஞ்சம் தூரம்தான் வறுத்தலை விளான், அந்தப்பக்கம் வழழாய் "எழுத்து சரியோ தெரியவில்லை" எல்லாம் சில நண்பர்கள் எனக்கு இருந்தார்கள். அம்மாவுக்கு இப்படங்களைக் காட்டினேன் பணம்கூடலைக் கண்டதும் ரெம்ப நெகிழ்ந்து பழைய நினைவுகளுக்குள் போய் விட்டா. மாவிட்டபுரம் வீடு, வளவெல்லாம் உண்டு.இன்னும் நிறைய ஞாபகங்கள் ...... . ரொம்ப ரொம்ப நன்றி ஒரு பச்சை!

சுஜி! பனை மரத்திலும் ஊஞ்சல் கட்டி ஆடியதுண்டு. இரண்டு பனைகளில் அளவான உயரத்தில் பெரிய நீளமான கப்பைக் நன்றாக வரிந்து கட்டி கீழே நல்ல பிறவட்டு பலகையில் ஊஞ்சல் கட்டி நடுவிலே பொடியளை, பெரியாட்களை இருத்தி (சிறுவர்களுக்குத் தடை) இரு ஓரங்களிலும் இரண்டு மல்லர்கள் நிண்டு வலித்தால் வட துருவத்தில் பென்குயின்களும் , தென் துருவத்தில் பனிக் கரடிகளும் தெரியும்.

வாழ்த்துக்கள் வல்வை லிங்கம்.

உங்கள் நண்பர்கள், ஊரார் ஒன்றிணைந்து உங்கள் ஊரில் கணிசமான முதலீட்டுடன் பொருத்தமான (பண்ணைப் பொருள், பனம்பொருள், மீன் தொடர்பான அல்லது கலைப்பள்ளி) நவீன - தரமான உற்பத்தி, ஏற்றுமதி நிறுவனங்களை தாபித்து ஊரை வளப்படுத்தலாம் அல்லவா?

முயல்வீர்களா லிங்கம்?

வாழ்த்துக்கள் வல்வை லிங்கம்.

உங்கள் நண்பர்கள், ஊரார் ஒன்றிணைந்து உங்கள் ஊரில் கணிசமான முதலீட்டுடன் பொருத்தமான (பண்ணைப் பொருள், பனம்பொருள், மீன் தொடர்பான அல்லது கலைப்பள்ளி) நவீன - தரமான உற்பத்தி, ஏற்றுமதி நிறுவனங்களை தாபித்து ஊரை வளப்படுத்தலாம் அல்லவா?

முயல்வீர்களா லிங்கம்?

நன்றி ஆசான்!

முதலில் ஒன்று கூடுவோம், பேசுவோம், இறங்குவோம் செயலில்.

நன்றிகள் லிங்கம்.

செயலில் விரைந்து இறங்க வாழ்த்துக்கள்.

இனிதே நிறைவேறிய "இலக்கணாவத்தை மக்கள் ஒன்றியம் கனடா" மக்களின் ஒன்றுகூடல்.

யாழ் மாவட்டத்தில் வடமராட்சிப்பகுதியில் உடுப்பிட்டிக்கும், வல்வெட்டித்துறைக்கும் இடைப்பட்ட பகுதியில் தான் இலக்கணாவத்தை என்ற அழகான ஊர் இருக்கின்றது.

இவ்வூரைச்சேர்ந்த கனடாவிலை வசிக்கின்ற கிட்டத்தட்ட 60 குடும்ப மக்கள் ஒன்றுகூடல் நடாத்துவதிற்கு பல வருடங்களாக எடுக்கப்பட்ட முயற்சி பல வேறுபட்ட காரனங்களினால் தடைப்பட்டு வந்து யூலை மாதம் 3ந்திகதி, சனிக்கிழமை மாலை 6.00 மணியளவில் பாரதி கலைக்கோயில் மண்டபத்தில் இனிதே நிறைவேறியுள்ளது.

அன்று இடம்பெற்ற இந்த நிகழ்ச்சி எதிர்பாராத விதமாக எதிர்பார்த்ததை விட அதிகமான மக்கள் கலந்து கொண்டு பேரதிற்சியை கொடுத்திருந்தாலும், மண்டப உரிமையாளர் நெருங்கிய ஆதரவாளர் என்ற படியினால் இடவசதியையும், கேற்றரிங் உரிமையாளர் எங்கவூர் உறவு என்றபடியினால் உணவு வசதிகளையும் வெற்றியுடன் சமாளித்துக்கொண்டு நிகழ்ச்சிகள் இடம்பெற்றன.

நிகழ்வு இலக்கணாவத்தை ஊரைச்சேர்ந்த மூன்று பிரபல்யங்கள் குடும்ப சகிதம் மங்கள விளக்கேற்றி நிகழ்ச்சிகளை ஆரம்பித்து வைத்திருந்தனர்.

தமிழ் வாழ்த்துப்பாடல், கனடிய தேசியகீதம் போன்றவற்றைத் தொடர்ந்து, மாவீரர்கள், தாயகத்தில் திட்டமிட்டு கொல்லப்பட்ட பொதுமக்கள் உட்பட புலம்பெயர்ந்த நாடுகளில் எங்களை நேசித்த எங்களால் நேசித்து எங்களை விட்டகன்ற அனைத்து மக்களிற்கும் மெளன அஞ்சலி செலுத்தப்பட்டன.

இந் நிகழ்வில் உரையாற்றிய ஒரு சிறுமி தனதுரையில் எங்கவூருக்கு வெளியே இவ்வளவு தொகையான மக்கள் தாங்களே ஒழுங்கு செய்து ஒரு நிகழ்வில் கலந்து கொண்டிருக்கின்றார்கள் என்றால் இன்றைய தினம் எமதூர் மக்களைப் பொறுத்தவரை சரித்திரத்தில் இடம் பிடிக்கப்போகும் ஒரு முக்கிய தினமாகும் என்றார்.

தொடர்ந்து தனதுரையில், இன்றைய இந்த நிகழ்வு புலம்பெயர்ந்து மற்றைய நாடுகளில் வாழும் எமதூர் மக்களிற்கும் இது ஒரு உற்சாகத்தை கொடுக்கும் என்றார்.

கலை நிகழ்ச்சிகள் முறையே பாடல்கள், நடனங்கள், பேச்சுக்கள், வயலின் இசை, கீபோர்ட் இசை உட்பட பத்திற்கு மேற்பட்ட நிகழ்வுகள் இடம்பெற்றன.

இங்கு நிகழ்ச்சித்தொகுப்பு உட்பட சில நிகழ்வுகளைத்தவிர அனைத்தும் சிறுவர்களே பங்கு பற்றினார்கள் என்பது குறிப்பிடத்தக்கதாகும்.

இடையே வாழ்த்துச்செய்திகள் வாசிக்கப்ட்டன. இதில் சிறப்பம்சமாக பிரபல்ய சர்வதேச வானொலியான IBC வானொலியின் அறிவிப்பாளரும், எங்கவூர் உறவுமாகிய திணேஷ் யோகராஜாவின் வாழ்த்துச்செய்தி அவரின் குரலிலையே ஒலிபரப்பப்பட்டு அனைத்து தரப்பினரினதும் கவனத்தை ஈர்ந்து கொண்டது.

நிகழ்ச்சி ஆரம்பத்தில் சிற்றுண்டியும், குளிர்பானம், தேனீர் போன்றனவும், இடைவேளையின் போது இரவு உணவும் பரிமாறப்பட்டன.

இங்கு "இலக்கணாவத்தை மக்கள் ஒன்றியம் கனடா" என்ற பெயருடன் ஒரு அமைப்பு உருவாக்கப்பட்டு, அதன் எதிர்கால செயல்திட்டங்களை நிறைவேற்று முகமாக பதினொரு(மூன்று பெண் ) உறுப்பினர்கள் கொண்ட ஒரு நிர்வாகமும் உருவாக்கப்பட்டுள்ளது.

.

நிகழ்ச்சிகள் யாவும் எங்கவூர் ஒரு பெண் உறவினரின் நன்றியுரையுடன் இனிதே நிறைவேறின.

நன்றியுடன்,

வல்வை லிங்கம்.

Edited July 12, 201015 yr by வல்வை லிங்கம்

http://www.sankathi.com/index.php/news/10203/51/