ஒருவருட மணவாழ்வோடு இந்தத் தங்கையின் வாழ்வு முடிந்து போனது. தன் காதல் கணவனுடன் வாழ்ந்த வாழ்வின் நாட்களை நினைத்து நினைத்து அழுகின்ற இவளுக்குள் நிறைந்துள்ள துயரங்கள் எங்களுக்குள்ளும் கண்ணீரை வர வைத்துவிட்டுள்ளது. காடுகளோடும் மரங்களோடும் களங்களில் நின்ற காதல் கணவனோடு கடைசி வரையும் நின்றவள். கையில் ஆயுதம் ஏந்தாததைத் தவிர கடினம் நிறைந்த காட்டு வாழ்வையெல்லாம் அனுபவித்தவள். காதலின் பரிசாய் கருவுற்ற குழந்தையும் பாதியில் கரைந்து போக களத்தில் கணவனையும் இழந்து வயிற்றில் வளர்ந்த கருவையும் இழந்து கண்ணீரோடு வாழ்கிறாள். நேசிப்புக்குரியவனை இழந்த துயரம் வறுமை துரத்தப் பட்டினியுடன் வாழும் குடும்பம் வசதிகள் எல்லாம் இவளை அழுத்துகிறது. தனது தங்கைகள் இருவரையும் படிப்பித்து விட வேண்டுமென்ற கனவு மட்டும் நிறைவேறினால் அத்தோடு தானும் இறந்து விடுவேனென அழுகின்ற இவளது கண்ணீர் இதுவரை நாங்கள் கேட்டிராத துயராக வழிகிறது. இவளது குரலைக் கேளுங்கள் இவளதும் இவளது இரு தங்கைகளும் வயதான தாயாரும் தந்தையும் உங்கள் உதவிகளை எதிர்பார்த்துக் கண்ணீரோடு கூறும் கதைகளைக் கேளுங்கள். ஒரு கரம் கொடுத்து இந்தக் குடும்பத்தை நிமிர்த்தி விடுவோமா உறவுகளே ?

ஒலிப்பதிவைக் கேட்க இணைப்பில் அழுத்துங்கள்.

எத்தனையோ குரல்களை இந்தக் களமூடாக இணைத்திருக்கிறேன். எத்தனையோ பேரின் கண்ணீரையும் அவர்களது கதைகளையும் பதிவிட்டிருக்கிறேன். இன்றைய இந்தப் பெண்ணின் அழுகை என்னால் ஜீரணிக்க முடியாதுள்ளது. அவளது கதைகள் ஒவ்வொன்றும் நெஞ்சில் நெருப்பு மூளுமாப்போலிருக்கிறது. கணவனுடன் காடுகளெல்லாம் திரிந்து தனது வயிற்றில் வளர்ந்த கருவும் கரைந்து கணவனும் வீரச்சாவடைந்து தற்போது தொடப்பெடுத்தால் ஒரே அழுகையாகவே தன் கதைகளைச் சொல்லும் இந்தத் தங்கையின் கண்ணீருக்கு நாங்கள் என் பதில் சொல்லப்போகிறோம் ?

இந்தக் குரலைக்கேளுங்கள் இதுபோன்று ஆயிரமாயிரமாயிரம் பேரின் குரல்கள் எங்கள் மண்ணுக்குள் நிறைந்து கிடக்கிறது.

இந்தப் பெண்ணுக்காக எமது கள உறவு தமிழன் அவர்கள் 100CAD(73,69€) உதவியுள்ளார்கள்.

எங்களால் இந்தப் பெண்ணின் இழப்பை ஈடுசெய்ய முடியாது ஆனால் அவருக்கான தன்னாலான உதவியை வழங்கிய வந்த தமிழனுக்கு இதயம் நிறைந்த நன்றிகள்.

திருக்குறள்: 102

காலத்தி னாற்செய்த நன்றி சிறிதெனினும்

ஞாலத்தின் மாணப் பெரிது.

சில புள்ளி விவரங்கள்.

2009 அவலத்தில் பாதிக்க பட்ட வன்னி மக்கள் 400,௦௦௦. புலம் பெயர்ந்து வாழும் ஈழதமிழர் 1 ,௦௦௦,௦௦௦. (தமிழக தமிழர் இன்னும் அறியாமையிலேயே எமது தலைவர்களால் வைகபட்டுள்ளனர்).

பாதிக்கப்பட்ட குடும்பம்: 50 ,௦௦௦ (50 %, 4 பேர் ஒரு குடும்பம்).

புலத்து தமிழர் குடும்பம்: 125 ,௦௦௦ (50 %, 4 பேர் ஒரு குடும்பம்)

பாதிக்க பட்ட ஒவ்வொரு குடும்பத்தையும் மிக எளிதாக மீண்டும் கை தூக்கி விட்டு இருக்க முடியும், மனம் இருந்து இருந்தால். அவலம் நடந்து ஒன்றரை வருடம் கழித்தும் இன்னும் மக்கள் அங்கு மிக மோசமான வறுமை நிலையில்.

யாரையும் குற்றம் கூறவோ, அறிவுரை கூறவோ எனக்கு தகுதி இல்லை. ஆனால் எனது தாங்க முடியாத மன வருத்தத்தை இங்கு எழுதுகிறேன்.