தமக்கு சாதகமான விதத்தில் இலங்கை அரசை ஆட்டிவைக்க இந்திய அரசு முயற்சி - சீனாவின் கொள்கையே சிறந்தது என்கிறார் அமைச்சர் விமல் வீரவன்சே..! அரசாங்கத்திற்குள் முரண்பாடுகளை ஏற்படுத்தி கவிழ்ப்பதற்காகவே பரந்தளவிலான அதிகாரப் பரவலாக்கலை மேற்கொள்ளுமாறு இலங்கை அரசாங்கத்தின் மீது அழுத்தங்கள் பிரயோகிக்கப்படுகின்றது என்று அமைச்சர் விமல் வீரவன்சே குற்றம் சாட்டியுள்ளார். எமது பிரச்சனைகளை பயன்படுத்தி எம்மை மண்டியிடச் செய்ய இந்தியா முயலுமானால் அதற்கு ஒருபோதும் இடமளிக்க மாட்டோம் என்றும் கூடுதலாக தெரிவித்துள்ளார்.

இந்தியாவும் இலங்கையும் அண்மையில் வெளியிட்ட கூட்டறிக்கையில், இலங்கை அரசை எதிர்த்து எதனையும் குறிப்பிடப்படவில்லை, இதில் உள்ள ஒவ்வொரு வார்த்தையும் வெளிப்படைத்தன்மை கொண்டவை. இது இது செய்ய வேண்டும் இலங்கையில் என்று தீர்க்கமான இணக்கப்பாட்டுக்கு வந்ததாக எந்த ஒரு இடத்திலும் குறிப்பிடப்படவில்லை. ஆனால் தமக்கு சாதகமான விதத்தில் இலங்கை அரசாங்கத்தை ஆட்டுவிப்பதற்கு இந்தியா முயற்சிகளை மேற்கொள்வது நன்றாக வெளிப்படுகிறது.

முன்னைய காலங்களை போன்ற இந்தியாவின் செயற்பாடுகளை நாம் எதிர் பார்க்கவில்லை. இலங்கை விசாலமான நாடு என்பதால் மாலத்தீவு நாட்டின் மீது அரசியல் நிபந்தனைகளை விதிக்கும் அதிகாரம் எமக்கு கிடையாது. இதேபோன்று, இந்தியாவிற்கும் எம் மீது அரசியல் நிபந்தனைகளை விதிப்பதற்கு அதிகாரம் கிடையாது. இலங்கை இறைமையுள்ள நாடு. சீனா எமக்கு உதவிகளை வழங்குகிறது. கடன் வழங்குகிறது. அபிவிருத்திக்கு உதவி செய்கிறது. ஆனால் அதற்காக எம் மீது அரசியல் நிபந்தனைகளை விதிப்பதில்லை. உள்நாட்டுப் பிரச்சனையிலும் தலையிடுவதில்லை.

சீனாவின் இக் கொள்கையை இந்தியா முன் உதாரணமாகக் கொள்ள வேண்டும். இவ்வாறு செய்தால் கீர்த்தியும் புகழும் கிடைக்கும். அதைவிடுத்து எமது பிரச்சனைகளை பயன்படுத்தி எம்மை மண்டியிடச் செய்ய முயற்சித்தால் அதற்கு ஒருபோதும் இடமளிக்கலாகாது. ( என்ன செய்வார்கள்..? இடம் அளிக்க மாட்டோம் என்றால் என்ன அர்த்தம்..? இந்தியா மீது அணுகுண்டை போடுவார்களோ...? ) ஜனாதிபதி மகிந்தா ராஜபக்சே இவ்வாறான செயற்பாடுகளுக்கு அடிபணிய மாட்டார் என பதில் நம்பிக்கை கொண்டுள்ளோம். ஆனால் இந்தியாவுடனோ, வேறு எந்த நாட்டுடனோ அனாவசியமாக பிரச்சனைகளை ஏற்படுத்திக்கொள்ளும் தேவை எமக்கு கிடையாது. இதனை இந்தியா புரிந்து கொள்ள வேண்டும்.

அரசாங்கத்தின் ஒற்றுமையை சீர்குலைத்து முரண்பாடுகளை ஏற்படுத்தும் தேவை சில நாடுகளுக்கு உள்ளது. நாட்டிற்குள் பலமான எதிர்க்கட்சி இல்லாததை இந்நாடுகள் அறிந்துள்ளன. எனவே, அரசாங்கத்தை கவிழ்க்க வேண்டுமானால் உள்ளுக்குள் பிரச்சனைகளை ஏற்படுத்த வேண்டும். இதற்காகவே, பரவலான அதிகாரப் பரவலாக்கலை மேற்கொள்ளுமாறு இந்நாடுகள் அரசாங்கத்தின் மீது அழுத்தங்களை பிரயோகிக்கின்றன. இவ்வாறு செய்தால் அரசாங்கத்திற்குள் முரண்பாடுகள், பிரச்சனைகள் தலைதூக்கும். அதனை பயன்படுத்தி அரசாங்கத்தை கவிழ்ப்பதே இவர்களின் நோக்கமாகும். எனவே, இந்தப் பொறியில் நாம் சிக்கி விடக்கூடாது. அதற்கான உரிமையும் எமக்கு கிடையாது..( பொறியில் சிக்குவதற்கு எதற்கு உரிமை...? ஒன்றும் புரியவில்லையே...! ) இந்த அரசை கவிழ்க்கும் பிரச்சனை தொடர்பில் ஜனாதிபதி மகிந்தா ராஜபக்சே குடும்பம் சிறந்த முறையில் அரசியல் காய்களை நகர்த்தி வருகின்றனர் என்றார்.

மாயாண்டிக்கருப்பு

source:Eeladhesam.

Edited May 30, 201114 yr by tamil arasu

விமல் வீரவன்ச சிங்களத்தில் பிறந்தது தான் காலம் விட்ட தவறு!

ஒரு மேலை நாட்டில் பிறந்திருந்தால் ஒரு மிகச்சிறந்த சிந்தனாவாதியாகியிருப்பார்!

இவரது மூளை சரியாக உபயோகப் படுத்தப் படாமல் வீணாகப் போய்க் கொண்டிருக்கின்றது!!!

மகிந்தரைக் கவிழ்க்க இந்தியா முயற்சியா...?

:rolleyes:

மகிந்தரை கவிழ்த்து போட்டு சோனியா பிறகு என்ன செய்வார்?