வாழ்வாதார மேம்பாட்டுக்கான நேசக்கரம் வழங்கிய கடனுதவி

திருமுறிகண்டியில் வசிக்கும் 7குடும்பங்களுக்கான வாழ்வாதார மேம்பாட்டிற்கான உதவிகளை வேண்டியிருந்தோம். எமது வேண்டுதலை ஏற்று உதவிகளை வழங்கிய புலம்பெயர் உறவுகள் அனைவருக்கும் நேசக்கரம் தனது நன்றிகளைத் தெரிவித்துக் கொள்கிறது.

7குடும்பங்களில் முதற்கட்டமாக 4குடும்பங்களுக்கான உதவிகளை வழங்கியிருக்கிறோம். தலா குடும்பமொன்றுக்கு 30000ரூபா அடிப்படையில் மொத்தம் 120000,00ரூபா வழங்கப்பட்டுள்ளது.

இவ்வுதவியினை மீளளிப்புக்கடன் திட்ட அடிப்படையில் வழங்கியிருக்கிறோம். பயனாளிகள் 3மாதங்களின் பின்னர் மாதாந்தம் ஆயிரம் ரூபா வீதம் உதவியினை மீளளிப்பதாக உறுதியளித்தமைக்கு அமைவாக மேற்படி திட்டத்தை நிறைவேற்றியுள்ளோம்.

உதவிபெற்றவர்கள் மீளச் செலுத்தும் அடிப்படையில் சுழற்சி முறையில் அடுத்த பயனாளிக்கு வழங்குவதாக முடிவெடுத்து இக்கடன் திட்டத்தை அறிமுகப்படுத்தி வழங்கியிருக்கிறோம்.

இதுவொரு முதல் முயற்சியாக முன்னெடுத்துள்ளோம். எமது உறவுகளாகிய உங்களது உதவிகளை வழங்கி சிறு தொழில் முயற்சிகளில் ஈடுபடுத்தும் நோக்கில் இத்திட்டம் நிறைவேற்றப்பட்டுள்ளது.

தங்களை வளம்படுத்தி மற்றவரையும் வாழ வழிவகுக்கும் மனப்பாங்கை வளர்த்தலும் சுயதொழில் முன்னேற்றம் மூலம் தங்கள் எதிர்காலச் செல்வங்களை கல்வியில் முன்னேற்றவும் வேண்டுமென்ற நோக்கில் நாம் முன்னெடுத்திருக்கும் இத்திட்டத்தில் புலம்பெயர் உறவுகளே உங்களிடமிருந்து உதவிகளை எதிர்பார்க்கிறோம்.

உதவியவர்கள் பெயர் விபரங்கள் , கணக்கறிக்கை , கடனுதவியைப் பெற்றுக் கொண்டவர்களின் கையொப்பம் உள்ளிட்ட கடிதங்களும் கீழ் வரும் இணைப்பில் அழுத்திப் பாருங்கள்.

நேசக்கரம் கடன் உதவித்திட்டம் கட்டம் – 1.

கடனுதவி வழங்கல் படங்கள் சில:-

Edited July 27, 201114 yr by shanthy

உங்கள் பணி தொடர வாழ்த்துக்கள்,

உதவுகிறவர்களை மக்கள் பூமியில் வாழும் கடவுளாக பார்கின்றார்கள்,

உடையார் உங்கள் கருத்துக்கு நன்றிகள்.

எல்லோரும் தங்கள் நேசக்கரத்தை நீட்ட வேண்டும் நொந்து போனவர்களைத் நிமிர வைக்க எல்லோருடைய உதவிகளையும் எதிர்பார்க்கிறோம்.