ஷார்ஜாவில் நடப்பதாக இருந்த தமிழ் தெலுங்கு நடிகர்களுக்கு இடையிலான கிரிக்கெட் போட்டி நேற்று முன்தினம் சென்னையில் நடைபெற்றது

ஆரோக்கியா கோப்பை என பெயரிடப்பட்ட அந்த போட்டி 30 ஓவர்கள் கொண்டதாக நடைபெற்றது

21ஓட்டங்களால் தமிழ் நடிகர் அணி கோப்பையை வென்றது

தமிழ் நடிகர்கள் அணிக்கு நடிகர் அப்பாஸ் கப்டனாகவும் தெலுங்கு நடிகர் அணிக்கு நடிகர் தருண் கப்டனாகவும் இருந்தார்கள். நாணயச் சுழற்சியில் தமிழ் நடிகர்கள் அணி வென்று துடுப்பாட்டத்தை தொடங்கியது.

தொடக்க ஆட்டக்காரர்களாக நடிகர்கள் ஷாமும் ரமணாவும் களம் இறங்கினார்கள். 2 ஓவருக்கு 8 ஓட்டங்கள் என்ற நிலையில் ஷாம் ஆட்டமிழந்தார். தொடர்ந்து ஆடிய ரமணா 108 ஓட்டங்கள் எடுத்து ஆட்டமிழந்தார். விக்ராந்த் 56 ஓட்டங்களுடனும் ஜீவா 25 ஓட்டங்களுடனும் ஆர்யா 24 ஓட்டங்களுடனும் ஆட்டமிழந்தனர். 30 ஓவர்களுக்கு ஒரு பந்து இருந்த நிலையில் களம் இறங்கிய சிம்பு அந்த ஒரு பந்திலேயே ஆட்டமிழந்தார்.

30 ஓவர்களில் 5 விக்கெட்டுகள் இழப்புக்கு 248 ஓட்டங்கள் என்ற நிலையில் தமிழ் நடிகர்கள் அணி ஆட்டத்தை முடித்துக் கொள்ளஇ 249 ஓட்டங்கள் எடுத்தால் வெற்றி என்ற நிலையில் களம் இறங்கியது தெலுங்கு நடிகர் அணி.

5 ஆவது ஓவரில் நடிகர் ஷ்ரீகாந்த் திருப்பம் ஏற்படுத்தினார். அவர் வீசிய பந்தில் தெலுங்கு நடிகர் ஜீவி ஆட்டமிழந்தார். தொடர்ந்து விஷால் 3 விக்கெட்டுகளையும் விக்ராந்த் ஆர்யா அப்பாஸ் ஜீவா ஆகியோர் தலா ஒரு விக்கெட்டையும் கைப்பற்றினார்கள். 30 ஓவர்களில் 8 விக்கெட்டுகள் இழப்புக்கு 227 ஓட்டங்கள் மட்டுமே எடுத்து தோல்வியைத் தழுவியது தெலுங்கு நடிகர்கள் அணி.

தெலுங்கு நடிகர்கள் அணிக்கு தமிழர் கேப்டனாகவும், தமிழ் நடிகர்கள் அணிக்கு ஒரு கன்னடர் கேப்டனாகவும் பணியாற்றியது இந்திய ஒருமைப்பாடுக்கு ஒரு சிறந்த எடுத்துக்காட்டாய் விளங்கியது.....

தெலுங்கு நடிகர்கள் அணிக்கு தமிழர் கேப்டனாகவும்

நீங்க தருணைதானே குறிப்பிடுகிறீயள்

எனக்கென்னவோ அவர் தெலுக்கு என்றுதான் தெரியுது அவரின் அனேக படங்கள் தெலுங்கில்தான் வந்திருக்கின்றன???

அவர் நடிகை ரோஜாரமணியின் மகன்.... அஞ்சலி திரைப்படத்தில் குழந்தை நட்சத்திரமாக நடித்திருந்தார்....

தெலுங்கு சூப்பர் ஸ்டார் சிரஞ்சீவி கூட தமிழன் தான்.....