மகேந்திரனின் உதிரிப்பூக்கள் - மிகைப்படுத்தப்பட்ட திரைப்படமா??

நேற்றுத்தான் உதிரிப்பூக்கள் பார்த்தேன். பல வருடங்களாக பார்க்க வேணடும் என்று நான் விரும்பிய படம். நேற்றுத்தான் முடிந்தது. பலமுறை இப்படம்பற்றிய விமர்சனங்களைக் கேட்டதுண்டு. மிகச்சிறந்த படம், இதுவரை இத்தரத்தில் படம் வரவில்லை என்றெல்லாம் சொன்னார்கள். மணிரத்தினம் கூட ஒருதடவை, "உதிரிப்பூக்கள் போன்றதொரு படம் எடுக்க முடிந்தால் அது கனவு பலித்தது போல இருக்கும்" என்று கூறியதாகக் கூடச் சொன்னார்கள்.

ஆனால், நேற்று எனக்கு அப்படி எதுவுமே தோன்றவில்லை. விஜயன் வில்லனா கதாநாயகனா என்று படம் நெடுகிலும் யோசித்துக்கொண்டிருந்தேன். எந்தவொரு இடத்திலும் அவரின் முகபாவங்கள் வில்லத்தனமாக இருக்கவில்லை. இடையிடையே நல்லவனாகவும் மாறியிருந்தார்.

அஸ்வினியின் முகபாவங்கள் மிக நன்றாக அமைந்திருந்தன. பேசாமலேயே மவுனத்தால் அவர் மிகவும் திறமையாக நடித்திருக்கிறார். அதற்கு அடுத்ததாகச் சொல்லும்படியான நடிப்பு சாருகசனின் நடிப்புத்தான். அவருக்கும் நடிக்கத் தெரியும் என்பதை இப்போதுதான் அறிந்துகொண்டேன். சிறிது நேரம் மட்டுமே வரும் சரத் பாபுவும் அசத்துகிறார். இந்த மூன்று கதாப் பாத்திரங்களை விட வேறு எவருக்கும் அங்கே வேலையில்லை.

கதை, மீண்டும் மீண்டும் கேள்விப்பட்ட கதை. இதைப் போல பல படங்கள் வந்தாயிற்று. எனக்கு வேறுபாடு இன்னும் புரியவில்லை. பாரதிராஜாவின் படங்களுடன் ஒப்பிட்டால் அப்படியொன்றும் வேறுபாடு இல்லை என்றே தோன்றுகிறது.

இறுதியாக, "அழகிய கண்ணே, உறவுகள் நீயே...." படத்தில் நான் விரும்பி ரசித்த கட்சி இந்தப் பாடல்.

முப்பது வருடங்களுக்குமுன் அந்தப்படத்தைப் பார்த்திருந்தால் அதன் ஆழம் அருமை தெரிந்திருக்கலாமென்பது எனதபிப்பிராயம்.

மிக அருமையான ஒரு படம் உதிரி பூக்கள். படத்தின் எதார்த்தம் இன்று பார்த்தாலும் எமக்கு உறைக்கும். பல இடங்களில் மௌனமே மொழியாகும் . சங்கராபரணம் , உதிரி பூக்கள் , பருத்திவீரன் , அன்காடிதெரு ,மைனா அந்தந்த காலகட்டத்தில் வந்த நல்ல படங்கள் . இப்பிடியான படன்கலால்தான் தமிழ் சினிமாவின் தரம் வாழுகிறது .

//ஆனால், நேற்று எனக்கு அப்படி எதுவுமே தோன்றவில்லை. விஜயன் வில்லனா கதாநாயகனா என்று படம் நெடுகிலும் யோசித்துக்கொண்டிருந்தேன். எந்தவொரு இடத்திலும் அவரின் முகபாவங்கள் வில்லத்தனமாக இருக்கவில்லை. இடையிடையே நல்லவனாகவும் மாறியிருந்தார்.//

கெட்டதும் நல்லதும் சேர்ந்து தானே மனிதர்கள் இருப்பார்கள். எங்கயவது தப்பே செய்யாத நல்லவனும், தப்பு மட்டுமே செய்யும் கேடவனும் இருக்கிறர்களா?

இந்த படம் நியத்தை காட்டுது அடுத்து அது சினிமாவினி மொழியை சொல்லுது/ பாவிச்சிருக்கு. அதனால் எல்லோரும் இப்படத்தை கொண்டடுகிறார்கள்.

சிற்பி சொன்னது போல் 30 வருடங்களுக்கு முன்பு வந்த படம். கதைக்காக படத்தை பார்க்காமல், அதை எடுத்த விதத்தைத் தான் பார்க்க வேண்டும். அந்த காலகட்டத்தில் யதார்த்தம், மற்றும் எளிமையான படங்களுக்கு ஒரு முன்னோடியாக இருந்தது.

சாருஹாசனுக்கு நடிக்கத் தெரியும் என்று இந்தப்படத்தில் தான் அறிந்ததாக ரகுநாதன் கூறியிருந்தார். ஒவ்வொருவரது கண்ணோட்டமும் வித்தியாசம். எனக்கு அவரது நடிப்பு சிறிது நேரம் என்றாலும் "தளபதியில்" பிடித்திருந்தது.

"மீண்டும் ஒரு காதல் கதை" என்று நினைக்கிறேன் - ஒரு பழைய படம் - பிரதாப், ராதிகா நடித்தது. அதில் நகைச்சுவை வேடத்தில் கலக்கியிருப்பார் சாருஹாசன். சாருஹாசனுக்கு தேசியவிருதும் கிடைத்துள்ளது.

(பார்ப்பனர் - எனவே கட்டாயம் கிடைத்திருக்கும் என்று சிலர் சொல்லக் கூடும் !)