கிருபன்

மீண்டும் தொடர்வதற்கு நன்றி @ரஞ்சித். இந்தத் தொடரை ஆங்கிலத்தில் சங்கம் இணையத்தில் பல வருடங்களுக்கு முன்னர் படித்திருந்தேன். தமிழில் கட்டாயம் இருக்கவேண்டிய முக்கியமான ஆவணம்.

மூன்றாமிடப் போட்டி: நாளை சனி (17 டிசம்பர்) மூன்றாமிடப் போட்டி நடைபெறவுள்ளது. யாழ் கள போட்டியாளர்களின் கணிப்புகள் கீழே: 79) போட்டி 63: மூன்றாமிடப் போட்டி: சனி டிச 17 3pm: மூன்றாமிடப் போட்டியில் வெல்லும் நாடு எது? குரோசியா எதிர் மொரோக்கோ (Khalifa International Stadium, Al Rayyan) - 5 புள்ளிகள் CRO எதிர் MAR எவருமே போட்டியில் உள்ள நாடுகளான குரோசியாவையோ, மொரோக்கோவையோ வெல்லும் எனக் கணிக்கவில்லை. எனவே ஒருவருக்கும் புள்ளிகள் கிடையாது! யாழ்களப் போட்டியாளர்களின் கணிப்புக்கள் கீழே தரப்பட்டுள்ளது.. போட்டியாளர் பதில் ஈழப்பிரியன் GER சுவி ARG வாத்தியார் ARG பிரபா FRA முதல்வன் ARG கந்தையா BEL ஏராளன் ARG சுவைப்பிரியன் ARG நுணாவிலான் ARG கல்யாணி BRA கிருபன் ARG தமிழ் சிறி ARG புலவர் BEL அகஸ்தியன் BEL வாதவூரான் ARG நிலாமதி FRA பையன்26 ENG எப்போதும் தமிழன் BRA குமாரசாமி NED கறுப்பி CMR நீர்வேலியான் BRA

கால்பந்து வீரருக்கு மரண தண்டனை: பெரும் அதிர்ச்சியில் ரசிகர்கள் உலகக் கிண்ண கால்பந்தாட்ட போட்டித் தொடர் இறுதிக்கட்டத்தை நெருங்கியுள்ளது. இந்நிலையில் கால்பந்து வீரர் அமீர் நசீருக்கு தூக்குத் தண்டனை விதிக்கப்பட்டுள்ளமை சர்வதேச அளவில் பெரும் அதிர்ச்சியை ஏற்படுத்தியுள்ளது. ஈரான் தேசிய கால்பந்தாட்ட அணியில் இடம்பெற்றுள்ள அமீர் நசீர் அந்நாட்டின் பீரிமியர் லீக் போட்டிகளிலும் விளையாடி வருகிறார். இந்நிலையில் ஈரானில் மாஷா அமினி என்ற இளம்பெண்ணின் மரணத்தைத் தொடர்ந்து ஈரானில் ஹிஜாப் எதிர்ப்புப் போராட்டம் தீவிரமடைந்துள்ளது. பொது வெளியில் தூக்குத் தண்டனை இந்த ஹிஜாப் எதிர்ப்பு போராட்டத்தில் அமீர் நசீர் கலந்துக்கொண்டுள்ளார். இதன்போது ‘கடவுளுக்கு எதிரான போர்’ என்ற குற்றச்சாட்டிலும், பாதுகாப்பு வீரர்கள் பலியானதை சுட்டிக்காட்டியும் அமீருக்கு ஈரான் அரசாங்கம் மரண தண்டனை விதித்துள்ளது. இரு மாதங்களுக்கு மேலாக நடந்த இந்த போராட்டத்தில் 300-க்கும் அதிகமானவர்கள் பலியானதுடன் 15,000 பேர் வரை கைது செய்யப்பட்டுள்ளனர். இதனிடையே, ஹிஜாப் எதிர்ப்பு போராட்டத்தில் கைது செய்யப்பட்டவர்களில் 20 பேருக்கு தூக்குத் தண்டனை விதிக்கப்பட்டுள்ளதுடன்அதில் 2 பேர் கடந்த வாரம் பொது வெளியில் தூக்கிலிடப்பட்டுள்ளனர். மேலும் இந்த சம்பவத்தில் இதுவரை 400 பேருக்கு 10 ஆண்டுகள் வரை சிறைத் தண்டனை விதிக்கப்பட்டுள்ளதும் குறிப்பிடத்தக்கது. இந்நிலையில் ஹிஜாப் எதிர்ப்பு போராட்டத்தில் பங்கேற்ற ஈரான் கால்பந்தாட்ட வீரர் அமீர் நசீருக்குதூக்குத் தண்டனை அறிவிக்கப்பட்டுள்ளமை கால்பந்தாட்ட ரசிகர்களையும், கால்பந்தாட்ட வீரர்களையும் அதிர்ச்சியில் ஆழ்த்தியுள்ளது. ஈரானின் இந்த நடவடிக்கைக்கு உலகம் முழுவதிலும் உள்ள பல்வேறு மனித உரிமை அமைப்புகள் கடும் கண்டனம் தெரிவித்துள்ளன. இதுகுறித்து கால்பந்து வீரர்களின் சர்வதேச கூட்டமைப்பு தனது டுவிட்டர் பக்கத்தில், “தனது நாட்டின் பெண்களின் உரிமைகளுக்காகவும் அடிப்படை சுதந்திரத்திற்காக பிரசாரம் செய்த கால்பந்து வீரர் அமீர் நசீர், ஈரானில் மரண தண்டனையை எதிர்கொள்கிறார் என்ற அறிக்கையால் அதிர்ச்சியடைந்துள்ளோம். அமீருக்கு நாங்கள் துணை நிற்கிறோம். அவரது தண்டனையை உடனடியாக நீக்க வேண்டுகோள் விடுக்கிறோம் என பதிவிட்டுள்ளமை குறிப்பிடத்தக்க விடயமாகும். https://akkinikkunchu.com/?p=232792

சிறையில் உள்ள முன்னாள் போராளிகள் 31 பேரை விடுதலை செய்ய வேண்டும் – சம்பிக்க! தற்போது சிறைச்சாலையில் உள்ள முன்னாள் போராளிகளை விடுதலை செய்ய வேண்டும் என 43ஆவது படையணியின் தலைவர் சம்பிக்க ரணவக்க தெரிவித்துள்ளார். ஜனாதிபதி தலைமையில் நடைபெற்ற சர்வகட்சி தலைவர்களுடனான மாநாடு தொடர்பில் ஊடகங்களுக்குக் கருத்துத் தெரிவிக்கும் போதே அவர் மேற்கண்டவாறு குறிப்பிட்டுள்ளார். சர்வகட்சி தலைவர்கள் மாநாட்டில் இராணுவத்தினர் வசமுள்ள காணிகள் விடுக்கப்பட வேண்டும், சிறைச்சாலைகளில் உள்ள முன்னாள் போராளிகள் விடுதலை செய்யப்பட வேண்டும், காணாமலாக்கப்பட்டோர் உள்ளிட்ட பல விடயங்கள் கலந்துரையாடப்பட்டுள்ளது. மேலும், நிறைவேற்று அதிகாரம் கொண்ட ஜனாதிபதியால் இந்த பிரச்சினைகள் தீர்க்கப்பட வேண்டும் எனவும் அவர் குறிப்பிட்டுள்ளார். யுத்தம் நிறைவடைந்து 13 வருடங்களாகின்றன. தமிழீழ விடுதலைப் புலிகளின் தலைவர் பிரபாகரனுக்குப் பின்னர் அந்த இயக்கத்துக்கு தலைமை ஏற்றிருந்த குமரன் பத்மநாதன் வெளியில் இருக்கிறார். ராமன், நகுல், கருணா போன்றவர்களும் வெளியில் இருக்கிறார்கள். இவ்வாறான நிலையில் சிறைச்சாலையில் உள்ள 31 முன்னாள் போராளிகளை விடுதலை செய்ய வேண்டும் எனவும் சம்பிக்க ரணவக்க தெரிவித்துள்ளார். அத்துடன், சிறைச்சாலையில் உள்ள இராணுவ வீரர்களையும் விடுதலை செய்ய வேண்டும் எனவும் அவர் குறிப்பிட்டுள்ளார். மேலும் அரசியலமைப்பு தொடர்பில் இதன்போது பேசப்பட்டது. அது தொடர்பில் நாடாளுமன்றத்துக்குள்ளேயே தீர்மானங்கள் எடுக்கப்பட வேண்டும் எனவும் அவர் தெரிவித்துள்ளார். https://akkinikkunchu.com/?p=232813

ஜோன் எவ் கென்னடி படுகொலை தொடர்பான 13,000 ஆவணங்கள் முதல் தடவையாக வெளியீடு By Sethu 16 Dec, 2022 | 11:27 AM அமெரிக்க முன்னாள் ஜனாதிபதி ஜோன் எவ் கென்னடி படுகொலை தொடர்பான பல்லாயிரக்கணக்கான ஆவணங்களை வெளியிடுவதற்கு வெள்ளை மாளிகை முதல் தடவையாக உத்தரவிட்டுள்ளது. 13,173 ஆவணங்கள் இணையத்தில் வெளியிடப்பட்டதன் மூலம், இக்கொலை தொடர்பான 97 சதவீத ஆவணங்கள் இப்போது பகிரங்கமாக கிடைக்கும் என வெள்ளை மாளிகை தெரிவித்து;ளளது. இந்த ஆவணங்கள் மூலம் பெரும் தகவல் எதுவும் கிடைக்கும் என எதிர்பார்க்கப்படவில்லை. ஆனால், குற்றம்சுமத்தப்படும் கொலையாளி குறித்து மேலும் தகவல்களை தெரிந்துகொள்ளலாம் என வரலாற்றாய்வாளர்கள் நம்புகின்றனர். ஜனாதிபதி ஜோன் எவ் கென்னடி (John F Kennedy-JFK)1963 நவம்பர் 22 ஆம் திகதி டெக்ஸாஸ் மாநிலத்தின் டல்லாஸ் நகரில், திறந்த காரில் பயணம் செய்துகொண்டிருந்தபோது சுட்டுக்கொல்லப்பட்டார். 1992 ஆம் ஆண்டு ஏற்படுத்தப்பட்ட சட்டத்தின்படி 2017 ஒக்டோபருக்குள் இப்படுகொலை தொடர்பான ஆவணங்கள் அனைத்தும் வெளியிடப்பட்டிருக்க வேண்டும். பல்லாயிரக்கணக்கான ஆவணங்களை வெளியிடுவதற்கான ஆணையை ஜனாதிபதி ஜோ பைடன் நேற்று வியாழக்கிழமை பிறப்பித்தார். எனினும், சில ஆவணங்கள் 2023 ஜூன் வரை வெளியிடப்பட மாட்டாது என அவர் தெரவித்துள்ளார். 515 ஆவணங்கள் முழுமையாக வெளியிடப்படாமல் வைக்கப்படுமு; எனவும் மேலும் 2,545 ஆவணங்கள் பகுதியளவில் வெளியிடப்படாதிருக்கும் எனவும் அமெரிக்காவின் தேசிய ஆவணக்காப்பகம் தெரிவித்துள்ளது. இப்படுகொலை தொடர்பாக விசாரித்த அமெரிக்காவின் வோரன் ஆணைக்குழு, ஜனாதிபதி கென்னடியை லீ ஹார்வி ஒஸ்வால்ட் (Lee Harvey Oswald) என்பவர் கொலை செய்தார் என விசாரித்தரிந்தது. அமெரிக்கப் பிரஜையான அவர் முன்னர் சோவியத் ஒன்றியத்தில் வசித்தவர் எனவும், அவர் தனியாகவே செயற்பட்டதாகவும் தெரிவிக்கப்பட்டது. லீ ஹார்வி ஒஸ்வால்ட் கைது செய்யப்பட்டு 2 தினங்களின் பின்னர், 1963 நவம்பர் 24 ஆம் திகதி டல்லாஸ் பொலிஸ் தலைமையகத்தின் வைத்துஅவர் கொல்லப்பட்டார். ஜோன் எவ் கென்னடி படுகொலை தொட்ரபாக பல்வேறு கதைகள் உலாவுகின்றன. எனினும், ஒஸ்வால்ட்டுடன் தான் ஒருபோதும் சம்பந்தப்படவில்லை எனவும், அமெரிக்க விசாரணையாளர்களிடமிருந்து தான் தகவல் எதையும் மறைக்கவில்லை எனவும் சிஐஏ வியாழக்கிழமை (15) தெரிவித்துள்ளது. எனினும், மெக்ஸிக்கோ சிட்டியில் ஒஸ்வால்ட்டின் செயற்பாடுகள் குறித்து, புதிதாக வெளியிடப்படும் ஆவணங்களில் தகவல்கள் கிடைக்கும் என கருதப்படுகிறது. 1963 ஒக்டோபரில் சோவியத் ஒன்றியத்தின் உளவு அமைப்பான கேஜிபி அதிகாரி ஒருவரை ஒஸ்வால்ட் சந்தித்தார் என தகவல்கள் வெளியாகியிருந்தன. https://www.virakesari.lk/article/143261

அமெரிக்காவில் அரச சாதனங்களில் டிக்டொக்கை பயன்படுத்த தடை செய்யும் சட்டமூலம் நிறைவேற்றம் By T. Saranya 16 Dec, 2022 | 11:38 AM அமெரிக்க அரசு ஊழியர்கள் சீனாவுக்கு சொந்தமான வீடியோ செயலியான டிக்டொக்கை அரசுக்குச் சொந்தமான கருவிகளில் பயன்படுத்தக்கூடாது என்பதை உறுதி செய்யும் வகையில் சட்டமூலத்தை நிறைவேற்றி உள்ளது. அமெரிக்க சென்ட் நேற்று புதன்கிழமை குரல் வாக்கெடுப்பு மூலம் அரசுக்குச் சொந்தமான கருவிகளில் டிக்டொக்கை பயன்படுத்தக் கூடாது என சட்டமூலத்தை நிறைவேற்றியுள்ள நிலையில், அமெரிக்க ஜனாதிபதி ஜோ பைடனின் ஒப்புதலுக்குச் சமர்ப்பிக்கப்படவுள்ளது. இதன் பின்பு இந்த சட்டமூலம் அமெரிக்க பாராளுமன்றத்தில் இருக்கும் பிரதிநிதிகளால் ஒப்புதல் அளிக்கப்பட்ட பின்பே நடைமுறைக்கு வரும். அடுத்த வாரம் அமெரிக்க பாராளுமன்ற கூட்டம் முடிவதற்குள் பாராளுமன்ற பிரதிநிதிகள் சபை, செனட் சபை இந்த சட்டமூலத்தை நிறைவேற்ற வேண்டும். டிக்டொக் செயலி மூலம் அமெரிக்க மக்களையும், அரசு அதிகாரிகளையும் சீனா அரசு வேவு பார்ப்பதாகவும், இது அமெரிக்க மக்களின் பாதுகாப்புக்கு அச்சுறுதல் எனக் கூறப்பட்டு வரும் நிலையில் அமெரிக்கக் கொள்கை வகுப்பாளர்கள் குரல் வாக்கெடுப்பு மூலம் டிக்டொக் செயலிக்கு கடுமையான எதிர்ப்பை பதிவு செய்து உள்ளனர். https://www.virakesari.lk/article/143258

உதயநிதி-விஜய்- அண்ணாமலை: முக்கோண மோதலாகுமா தமிழக அரசியல்? AaraDec 16, 2022 09:47AM தமிழ்நாட்டு அரசியல் களம் அடுத்த தலைமுறையை நோக்கி நகர்ந்து கொண்டிருப்பதன் அறிகுறிகள் மிக வெளிச்சமாக தெரிகின்றன. டிசம்பர் 14ஆம் தேதி திமுக இளைஞரணி செயலாளரும் முதல்வர் ஸ்டாலின் மகனுமான உதயநிதி ஸ்டாலின் அமைச்சராக பதவியேற்றுக்கொண்டார். ஏற்கனவே அவர் கட்சி அடிப்படையில் ஸ்டாலினுக்கு அடுத்த முகம் என்று முன்னிறுத்தப்பட்டு விட்ட நிலையில், ஆட்சி ரீதியான நிர்வாகத்திலும் ஸ்டாலினுக்கு அடுத்தது உதயநிதி தான் என்று சொல்லும் அளவுக்கு அவரது அமைச்சர் பதவி ஏற்பும், அதற்கு அடுத்தடுத்து நிகழ்ந்த நிகழ்வுகளும் அமைந்துள்ளன. உதயநிதிக்கு கிடைத்த உயரம் இந்த அமைச்சரவையில் மிக இளையவன் என்று உதயநிதி ஸ்டாலின் தன்னை அழைத்துக் கொண்டாலும் மொத்தமுள்ள 35 அமைச்சர்களில் தற்போது சீனியாரிட்டி அடிப்படையில் 10-வது இடத்தில் அமர வைக்கப்பட்டுள்ளார் உதயநிதி. அமைச்சரவையில் சேர்ந்த ஒரே நாளில் 25 இடங்களை பின்னுக்குத் தள்ளி 10வது இடத்துக்கு முன்னேறி இருப்பவருக்கு தனக்கு முன்னுள்ள சீனியர்களை விட முக்கியமான இடத்தை பிடிப்பதற்கு வெகு காலம் ஆகாது என்கிறார்கள். அதாவது துணை முதல்வராகவே உதயநிதி ஸ்டாலின் முடிசூட்டப்படுவதற்கான முன்னோட்டம்தான் இது என்கிறார்கள் கோட்டை வட்டாரத்தில். வாரிசுக்காக காத்திருந்த வாரிசு திமுக தனது அடுத்த தலைமுறை அரசியலை தெளிவாக தொடங்கி நடத்தி வரும் நிலையில் உதயநிதிக்காக காத்திருந்த நடிகர் விஜய்யும் சமீப நாட்களாக தனது நடவடிக்கைகளை தீவிரப்படுத்தி இருக்கிறார். விஜய் வாரிசு படத்தை வரும் பொங்கலுக்கு வெளியிடும் நிலையில் அதற்கு முன்பாக இந்த மாதத்திலேயே தனது இல்லத்தில் விஜய் மக்கள் இயக்க நிர்வாகிகளை அழைத்து சந்தித்திருக்கிறார். அவர்களுக்கு பிரியாணி சமைத்து போட்டு அவர்களை குஷிப்படுத்தி அனுப்பி வைத்திருக்கிறார் விஜய். இது ஏதோ வாரிசு படத்துக்காக நடத்தப்படக்கூடிய சந்திப்பு அல்ல, அரசியலில் அழுத்தமாகக் காலூன்றுவதற்கான ஆலோசனைகளும் இந்த விஜய் மக்கள் இயக்க நிர்வாகிகள் சந்திப்பில் நடத்தப்பட்டிருக்கிறது என்கிறார்கள் விஜய் மக்கள் இயக்க வட்டாரத்தினர். அவர்களிடம் நாம் பேசும்போது, “ஏற்கனவே மின்னம்பலம் இணைய இதழில் தெளிவாக குறிப்பிட்டு இருந்தீர்கள். ஜெயலலிதா கலைஞர் ஆகியோருக்கு சற்றும் குறையாத தலைமை பண்பாக ஸ்டாலின் இருக்கிறார் என்று கருதுகிறார் விஜய். அவரை எதிர்த்து அரசியல் செய்வதற்கு விஜய்க்கு விருப்பமும் இல்லை, தனக்கு தகுதியும் இல்லை என நினைக்கிறார் விஜய்.” என்கிறார்கள். விஜய்யின் குரலாக ஒலித்த தில் ராஜூ இந்த நிலையில் திமுகவில் விரைவில் உதயநிதி ஸ்டாலின் தலை எடுப்பார், அப்போது அவரை எதிர்த்து நேரடியாக அரசியல் செய்வது தான் தனக்கு சரியானதாக இருக்கும் என்று விஜய் தனக்கு நெருக்கமானவர்களிடம் சொல்லிவந்தார். ஏனென்றால் உதயநிதியின் ரெட் ஜெயன்ட் நிறுவனத்தால் தற்போதைய வாரிசு வரை பாதிக்கப்பட்டிருப்பவர் விஜய். வாரிசு படத்தின் முழு விநியோக உரிமையை கைப்பற்ற உதயநிதி சார்பில் சில காய் நகர்த்தல்கள் நடந்தன. ஆனால் விஜய் அதற்கு ஒப்புக்கொள்ளவில்லை. ஏற்கனவே மாஸ்டர் படத்தை விநியோகித்த செவன் ஸ்டுடியோவிடமே கொடுத்திருக்கிறார். ஆனாலும் சென்னை, கோவை உள்ளிட்ட சில பகுதிகளில் மட்டும் வாரிசு படத்தை ரெட் ஜெயின்ட் வெளியிடுகிறது. இப்படி செய்யாவிட்டால் தமிழகத்தின் மீதமுள்ள பகுதிகளில் இருக்கும் தியேட்டர்களில் வாரிசு படத்தின் ரிலீஸ் எண்ணிக்கை குறைக்கப்படும் என்று விஜய்க்கு அழுத்தம் கொடுக்கப்பட்டதாக தெரிகிறது. ஏற்கனவே காவலன், தலைவா என்று அரசியல் அழுத்தங்களுக்கு ஆளான விஜய் இப்போது நேரடியாகவே உதயநிதியால் அழுத்தத்துக்கு ஆளாகியிருக்கிறார். இதை விஜய்யின் வாய்ஸாக வாரிசு படத்தின் தயாரிப்பாளர் தில் ராஜூவே தெலுங்கு பேட்டியொன்றில் தெளிவாக சொல்லியிருக்கிறார். “தமிழ்நாட்டில் அஜீத்தை விட விஜய் நம்பர் ஒன் ஸ்டாராக இருக்கிறார். இதை நான் சொல்லவில்லை, புள்ளி விவரங்கள் சொல்கின்றன. ஆனால் அஜீத்தின் துணிவை வெளியிடும் ரெட் ஜெயன்ட் நிறுவனம் துணிவு படத்துக்கு அதிக தியேட்டர்களை ஒதுக்கீடு செய்துவிட்டு வாரிசுக்கு போதுமான தியேட்டர்கள் கிடைக்கவிடாமல் செய்கிறார்கள். இது பிசினஸ். யாருக்கு லாபம் அதிகம் வருகிறதோ அவர்களுக்கே அதிக தியேட்டர்கள் தரப்பட வேண்டும். துணிவுக்கு நிகராக வாரிசை ரிலீஸ் செய்ய போதுமான தியேட்டர்களை ஒதுக்கினாலே போதும்” என்று விஜய் பட தயாரிப்பாளர் தில் ராஜூ வெளிப்படையாக கூறியிருக்கிறார். இது பிசினஸ் என்று தயாரிப்பாளர் சொன்னாலும்… இது முழுக்க முழுக்க அரசியல் என்பதுதான் விஜய் சொல்லும் உண்மை. அதனால்தான் இதில் தான் வெளிப்படையாக பேசாமல் தன்னுடைய தயாரிப்பாளரை பேச வைத்திருக்கிறார் விஜய். ரெட் ஜெயன்ட்- விஜய் ஆராய்ச்சி இந்த நிலையில் உதயநிதி அமைச்சராக பதவியேற்றுள்ள நிலையில்… அவரது ரெட் ஜெயன்ட்நிறுவனத்தின் தொடர்புகள் பற்றியும் விஜய் தரப்பில் ஆராயத் தொடங்கியுள்ளனர். ஏனெனில் மக்கள் பிரதிநிதித்துவ சட்டப்படி அமைச்சராக பதவிப் பிரமாணம் எடுத்திருப்பவர் இன்னொரு நிறுவனத்தில் ஊழியராகவோ பங்குதாரராகவோ உரிமையாளராகவோ இருக்கக் கூடாது. ஆபீஸ் ஆஃப் பிராஃபிட் என்ற அடிப்படையில் அரசு சம்பளம் வாங்குபவர் இன்னொரு தனியார் நிறுவனத்திடம் இருந்து ஆதாயம் பெற்றால், தனது அமைச்சக அதிகாரத்தைப் பயன்படுத்தி அந்த தனியார் நிறுவனத்துக்கு அவர் பாரபட்சமாக உதவி செய்வதற்கு வாய்ப்புண்டு என்பதால் எந்த நிறுவனத்திலும் தன்னை இணைத்துக் கொண்டிருக்கக் கூடாது. இது உதயநிதிக்கும் பொருந்தும். எனவே ரெட் ஜெயன்ட் நிறுவனத்திடம் இருந்து உதயநிதி தன்னை முற்றிலும் விடுவித்துக் கொண்டாரா என்பது பற்றியும் விசாரித்து வருகிறார் விஜய். இதற்கு அச்சாரமிடும் வகையில் மதுரையில் விஜய் ரசிகர்கள் ஒட்டியிருக்கும் போஸ்டர்கள் அரசியல் விவாதத்தைக் கிளப்பியிருக்கின்றன. மதுரையில் உள்ள விஜய் ரசிகர்கள் அவரை அரசியலுக்கு அழைக்கும் வகையில், ’எத்தனை வாரிசுகள் இங்கு வந்தாலும் மக்கள் கொண்டாடும் தமிழகத்தின் அரசியல் வாரிசே’ என்று போஸ்டர் ஒட்டியுள்ளனர். கமலாலயத்தில் விஜய் இதற்கிடையே கடந்த வாரம் தமிழக பாஜக தலைமை அலுவலகத்தில் நடந்த மாவட்ட தலைவர் கூட்டத்தில் பேசிய அக்கட்சியின் மாநில தலைவர் அண்ணாமலை, திமுக-அதிமுக பற்றியெல்லாம் கடுமையாக பேசிவிட்டு, ‘விஜய் எப்போது வேண்டுமானாலும் அரசியலுக்கு வரலாம். அவர் அரசியலுக்கு வந்துவிட்டால் எல்லாமே மாறிவிடும்’ என்றும் தெரிவித்திருக்கிறார். ஏற்கனவே விஜய்க்கும் பாஜகவுக்கும் கடுமையான மோதல்கள் நடந்திருக்கின்றன. பாஜக பிரமுகர் ஹெச்.ராஜா ஜோசப் விஜய் என்று தான் விஜய்யை அழைப்பார். இந்த நிலையில் கமலாலயத்தில் நடந்த ஆலோசனைக் கூட்டம் வரை விஜய் பெயர் அடிபட்டுள்ளது. ஒருவேளை ரஜினியை விட்டு விஜய்யை பிடிக்க பாஜக முயற்சித்தாலும் முயற்சிக்கலாம். ஆனால் அதற்கு விஜய் பிடிகொடுப்பாரா என்பது பலத்த கேள்விக்குறி. விஜய் ஏற்கனவே தனது மக்கள் இயக்கத்தினரை அரசியலுக்கு தயார் செய்து அவர்களில் சிலரை தேர்தலிலும் போட்டியிட்டு வெற்றிபெற வைத்திருக்கிறார். இந்நிலையில் அனேகமாக அடுத்த 2026 சட்டமன்றத் தேர்தலின்போது விஜய் 50 வயதை நெருங்குவார். அப்போது ஆக்டிவ்வான தீவிர அரசியலில் இறங்குவதற்கு அவருக்கு சரியான நேரமாக இருக்கும் என்கிறார்கள் விஜய் மக்கள் இயக்கத்தினர். அப்படி நடந்தால் உதயநிதி – விஜய் – அண்ணாமலை என்று தமிழகம் இளைஞர்களின் முக்கோண அரசியலைக் காண வேண்டியிருக்கும்! https://minnambalam.com/political-news/vijay-udhayanidhi-stalin-annamalai-triangle-politics-in-tamilnadu/

மக்கள் இன்னும் ஸ்ரீலங்கா பொதுஜன பெரமுனவை ஆதரிக்கின்றனர் – பேராசிரியர். ரஞ்சித் பண்டார எதிர்வரும் தேர்தலில் ஸ்ரீலங்கா பொதுஜன பெரமுனவிற்கு எவராலும் சவால் விட முடியாது என ஸ்ரீலங்கா பொதுஜன பெரமுனவின் பாராளுமன்ற உறுப்பினரான பேராசிரியர் ரஞ்சித் பண்டார தெரிவித்துள்ளார். கண்டியில் ஊடகங்களுக்கு கருத்து தெரிவிக்கும் போதே அவர் இதனை தெரிவித்துள்ளார். எதிர்வரும் தேர்தலில் பரந்த கூட்டணியில் போட்டியிட ஸ்ரீலங்கா பொதுஜன பெரமுன எதிர்பார்ப்பதாக தெரிவித்தார். ஸ்ரீலங்கா பொதுஜன பெரமுனவுடன் சுமார் 15 கட்சிகள் இணைந்து போட்டியிடவுள்ளதாகவும், எதிர்க்கட்சிகளின் கூற்றுக்கள் இருந்தபோதிலும், அவர்களுக்கு நாட்டிற்கான வேலைத்திட்டம் இல்லை அல்லது மக்களின் ஆதரவு இல்லை என்பது தெளிவாகிறது எனவும் அவர் தெரிவித்தார். கட்சியின் சித்தாந்தங்கள் கூறப்படுகின்ற போதிலும், 1977 ஆம் ஆண்டு முதல் நாட்டை ஆட்சி செய்த அனைத்து கட்சிகளும் பொருளாதாரத்தை தாராள மயமாக்கியுள்ளதாக அவர் தெரிவித்தார். காலங்காலமாக, முன்னாள் எதிரிகள் கூட்டணி அமைத்து தேர்தலில் போட்டியிடுவதை நாடு காணக்கூடியதாக உள்ளதாகவும், எனவே எதிர்வரும் உள்ளூராட்சி சபைத் தேர்தலுக்கு முன்னால் அது வேறு விதமாக இருக்காது எனவும் அவர் குறிப்பிட்டுள்ளார். https://thinakkural.lk/article/228240

பிரச்சினையை கிளப்பிய தீபிகா படுகோனின் பிகினி உடை! JegadeeshDec 14, 2022 18:28PM பதான் படத்தில் நடிகை தீபிகா படுகோன் இடம்பெற்ற பாடலுக்கு மத்தியப் பிரதேச உள்துறை அமைச்சர் நரோத்தம் மிஸ்ரா கண்டனம் தெரிவித்துள்ளார். ஷாருக்கான் நடித்த பதான் திரைப்படத்தில் தீபிகா படுகோன் நடித்த பேஷ்ரம் ரங் என்ற பாடல் டிசம்பர் 12 ஆம் தேதி வெளியானது. இதற்கு கடும் எதிர்ப்புகள் கிளம்பியுள்ளது. இந்த நிலையில் மத்தியப் பிரதேச உள்துறை அமைச்சர் நரோத்தம் மிஸ்ராவும் நடிகை தீபிகா படுகோனின் பதான் படத்தின் பாடலுக்கு எதிர்ப்பு தெரிவித்துள்ளார். இதுகுறித்து செய்தியாளர்களிடம் இன்று (டிசம்பர் 14 )பேசிய அவர், பாடலில் காணப்பட்ட பிகினி உடை மிகவும் ஆட்சேபனைக்குரியது. மேலும் இந்த பாடல் அசுத்தமான மனநிலையில் படமாக்கப்பட்டது என்பது தெளிவாகத் தெரிகிறது. காட்சிகள் மற்றும் அவரது உடைகளை சரிசெய்ய வேண்டும். இல்லையெனில் இந்த படத்தை மத்திய பிரதேசத்தில் அனுமதிக்க வேண்டுமா இல்லையா என்பது குறித்து பரிசீலிக்கப்பட வேண்டிய சூழல் ஏற்படும் என்று கூறியுள்ளார். மேலும், இந்து மகா சபை தலைவர் சக்ரபாணி மகராஜ் இந்த படத்திற்கு தடை விதிக்கிறோம் என்று கூறியுள்ளார். இது குறித்து அவர் வெளியிட்டுள்ள ட்விட்டர் பதிவில் “ஷாருக்கானின் பதான் படத்தில் காவி மற்றும் இந்து சமஸ்கிருத அவமதிப்பு உள்ளது. திரைப்பட தணிக்கை வாரியம் ஏன் தூங்குகிறது? தடை விதிக்கிறோம்! இந்து மகாசபா எதிர்க்கும்” என்று கூறியுள்ளார். https://minnambalam.com/cinema/deepika-padukone-in-bikini-mp-minister-condemned/

கோலாகலமாக துவங்கும் சென்னை சர்வதேச திரைப்பட விழா! Dec 15, 2022 08:06AM IST ஷேர் செய்ய : சென்னை சர்வதேச திரைப்பட திருவிழா இன்று (டிசம்பர் 15) முதல் துவங்குகிறது. 2003-ஆம் ஆண்டு முதல் சென்னை சர்வதேச திரைப்பட விழா நடைபெற்று வருகிறது. இந்த ஆண்டு 20-வது சர்வதேச திரைப்பட விழா இன்று முதல் டிசம்பர் 23-ஆம் தேதி வரை நடைபெற உள்ளது. திரைப்பட விழாவில் 51 நாடுகளிலிருந்து 102 திரைப்படங்கள் திரையிடப்பட உள்ளன. தமிழில் 12 திரைப்படங்கள் தேர்ந்தெடுக்கப்பட்டிருக்கின்றன. ஆதார், கார்கி, பபூன், , இரவின் நிழல், கசட தபற, மாமனிதன், நட்சத்திரம் நகர்கிறது, ஓ2, யுத்த காண்டம், கடைசி விவசாயி, கோட், பிகினிங் உள்ளிட்ட திரைப்படங்கள் திரையிடப்பட உள்ளன. இதிலிருந்து சிறந்த நடிகர், சிறந்த நடிகை, சிறந்த ஒளிப்பதிவாளர், சிறந்த படத்தொகுப்பாளர், சிறந்த ஒலிப்பதிவாளர், நடுவர்கள் சிறப்பு விருது, சிறந்த படம், சிறந்த இரண்டாவது படம், அமிதாப் பச்சன் யூத் ஐகான் விருது உள்ளிட்ட 9 விருதுகள் வழங்கப்பட உள்ளது. சர்வதேச திரைப்பட விழாவை செய்தி மற்றும் விளம்பரத்துறை அமைச்சர் சாமிநாதன் இன்று துவங்கி வைக்கிறார். சென்னை சத்யம் சினிமாஸ் வளாகத்தில் உள்ள 4 திரையரங்குகள் மற்றும் அண்ணா திரையரங்கத்தில் ஒரு நாளுக்கு 4 காட்சிகள் வீதம் 20 திரைப்படங்கள் திரையிடப்படுகிறது. சர்வதேச திரைப்பட விழாவை முன்னிட்டு சினிமா ரசிகர்கள் மற்றும் விமர்சகர்கள் உற்சாகத்தில் உள்ளனர். https://minnambalam.com/cinema/chennai-international-film-festival-2022-start-today/

தமிழ்த் தலைமைகளின் பேச்சுவார்த்தை – தமிழினத்திற்கு செய்த பச்சைத்துரோகம்! எந்தவிதமான நிபந்தனைகளும் இல்லாமல் தமிழ்த் தலைமைகள் பேச்சுவார்த்தைக்கு சென்றது தமிழினத்திற்கு செய்த பச்சைத்துரோகம் என நாடாளுமன்ற உறுப்பினர் கஜேந்திரகுமார் பொன்னம்பலம் தெரிவித்துள்ளார். இன்று கட்சியின் தலைமைச்செயலகத்தில் இடம்பெற்ற தேசத்தின்குரல் அன்ரன் பாலசிங்கத்தின் நினைவேந்தலின் போதே அவர் இவ்வாறு தெரிவித்துள்ளார். இது தொடர்பில் தொடர்ந்தும் கருத்துத் தெரிவித்துள்ள அவர், “இன்று நாங்கள் பாலசிங்கம் ஐயாவினுடைய நினைவு நாளை மேற்கொண்டிருக்கின்றோம். அவர் இன்று உயிருடன் இருந்திருந்தால் இன்றைய காலகட்டம் அவர் ஒட்டுமொத்த தமிழ்த்தேசத்திற்கும் கையாளுகின்ற ஒரு நிலைமையாகத்தான் இருக்கும். ஏனென்றால் அரசாங்கம் இனப்பிரச்சினைக்கு தீர்வு காண்பதற்கு ஒரு அழைப்பு விடுத்திருக்கின்ற இந்த நேரத்திலே விடுதலைப்புலிகள் இயக்கம் யுத்தம் மௌனிக்கப்படாமல் ஒரு இயங்கு நிலையில் இருந்திருந்தால் எங்களுடைய தேசத்தின் குரல் அன்ரன் பாலசிங்கம் ஐயாவும் தமிழ்ச்செல்வம் அண்ணையும் அந்த முழுப்பொறுப்பையும் ஏற்று ஒட்டுமொத்த தேசத்திற்காக இந்த நிலைமைகளைக்கையாண்டிருப்பார்கள். இதேபோன்று 2001 போர் நிறுத்த உடன்பாடு கைச்சாத்திடப்பட்டதற்கு பிற்பாடு பலசுற்று பேச்சுவார்த்தைகள் இடம்பெற்றன. அந்த பேச்சுவார்த்தைகளில் பாலசிங்கம் ஐயாவினுடைய தலைமையில் கூடுதலான பேச்சுவார்தைகளும் அதன் பிற்பாடு தமிழ்ச்செல்வன் அண்ணனுடைய தலைமையிலும் பேச்சுவார்த்தைகள் இடம்பெற்றன. அந்த பேச்சுவார்த்தைகள் நடைபெற்ற ஒவ்வொரு முறையும் தமிழ்த்தேசம் மட்டத்திலே ஒரு மிகப்பெரிய எதிர்பார்ப்பு இருந்தது. எங்களுடைய தேசத்தினுடைய உரிமை சார்ந்த விடயங்கள் எந்தவித விட்டுக்கொடுப்புமின்றி சிறிலங்கா அரசுடன் பேசி சிறிலங்கா அரசினுடைய உண்மை முகத்தை அம்பலப்படுத்துகின்ற ஒரு நிகழ்வாக அமையும் என்கின்ற ஒரு அசைக்கமுடியாத நம்பிக்கை எம்மிடம் இருந்தது. அதைத்தாண்டி சிங்கள பௌத்த தேசிய வாதம் தமிழ் மக்களுடைய நியாயத்தை தவிர்க்க முடியாமல் ஏற்றுக்கொள்ளக்கூடிய ஒரு நிலைமை உருவாகினால் தமிழ்த் தேசம் சார்பில் ஒரு மிகத்திறமான தீர்வைப்பெற்றுக்கொடுக்கக்கூடிய தரப்பு என்றால் அது தமிழீழ விடுதலைப்புலிகள் அமைப்பு மட்டுமே என்கின்ற ஒரு அசைக்க முடியாத நம்பிக்கை இருந்தது. ஒரு உட்சபட்ச தீர்வு எட்டுவதாக இருந்தால் இயக்கம் தான் அதை பெற்றுத்தரும் என்ற நம்பிக்கை எங்களுடைய மக்களிடையே இருந்தது. தமிழீழ இயக்கத்தை விமர்சிப்பவர்கள் கூட தமிழ்த்தேசியம் என்கின்ற கோணத்தில் தமிழீழ விடுதலைப்புலிகள் இயக்கம் தான் தமிழ் மக்களுக்கு ஒரு உயர்ந்த தீர்வைப்பெற்றுக்கொடுக்கும் என்ற யதார்த்தத்தையும் உண்மையையும் அவர்களால் கூட மறுக்க முடியவில்லை. இப்படிப்பட்ட தலைமைத்துவத்தோடு ஒப்பிட்டுப்பார்க்கின்ற பொழுது இன்றைக்கு இருக்கக்கூடிய நபர்கள் உண்மையிலேயே அரசியல் கோமாளிகள். இனத்திற்கு வெட்கத்தை ஏற்படுத்துகின்ற நபர்களாகத்தான் அவர்கள் இருக்கிறார்கள். இனத்திற்காக எதையும் நடைமுறைப்படுத்தாது தங்கள் எஜமான்களுக்காக இனத்தையே விற்கக்கூடிய ஒரு கேவலமான நபர்களாகத்தான் இன்றைக்கு கட்சித்தலைவர்கள் என்று கூறி பேச்சுவார்த்தைக்கு சென்றிருக்கிறார்கள். தமிழ் மக்களுடைய வாக்குகளையே பெற்று ஆட்சிக்கு வந்து அவர்களுடைய நலனினை கருத்திற்கொள்ளாமல் தங்களுடைய சுய இலாபங்களுக்காகவும் வேறு வேறு தேவைகளுக்காகவும் இனத்தை விற்கின்றவர்களாகத்தான் அவர்கள் இருக்கின்றார்கள். ரணில் விக்கிரமசிங்க ஒரு இனவாத கூட்டத்திற்கு கடமைப்பட்டிருக்கிறார் என்பது எல்லோருக்குமே தெரியும். அவர் ஒட்டுமொத்தமாக சிங்கள தேசத்தாலேயே நிராகரிக்கப்பட்டவர். அவருடைய பேச்சுவார்த்தையை நம்பி தமிழினம் சென்று ஒரு விட்டுக்கொடுப்பினை செய்தால் அது ஒரு நிரந்தர விட்டுக்கொடுப்பு. அதிலிருந்து நாங்கள் மீளவே முடியத அளவிற்குத்தான் நிலைமைகள் இருக்கின்றன. ஆகவே இந்த பேச்சுவார்த்தைகளில் கலந்து கொள்வதால் தமிழினத்திற்கு எந்தவிதமான நன்மைகளும் கிடைக்கப்போவதில்லை. மாறாக போராடிக்கொண்டிருக்கின்ற சிங்கள இனத்திற்கு, அவர்கள் நிராகரித்தவருக்கு நாங்கள் ஆதரவளிப்பதாக காட்டுவதாகவே இந்த நிலைமை அமைந்து விடுகிறது. அதே போன்று ரணில் விக்கிரமசிங்க அடுத்த தேர்தலில் வெற்றிபெறுவதாக இருந்தால் சிங்கள மக்கள் மட்டத்தில் மீண்டும் இனவாதத்தை கட்டியெழுப்பி, தான் சிங்கள மக்களின் காவலனாக வெளிக்காட்ட முனைவதே இவ்வாறான செயற்பாடுகளின் உள்நோக்காக இருக்கிறது. இவ்வாறான ஒரு நேரத்தில் தமிழினத்திற்கு எற்தவிதமான சாதகமான நிலைப்பாடும் இல்லாமல் பேச்சுவார்த்தைகளில் கலந்துகொள்வதென்பது இனத்தினுடைய நன்மைக்காகவா என்கின்ற கேள்வியை மக்கள் கேட்க வேண்டும். பேச்சுவாரத்தைக்கு போவதற்கு முன்னால் தமிழ் மக்கள் மத்தியில் ஒரு போலி நம்பிக்கையினை ஏற்படுத்துவதற்கு சமஷ்டியைத்தான் கேட்கப்போகின்றோம் அதை ஏற்காவிட்டால் வெளியேறுவோம் என்று விம்பத்தை மக்கள் மத்தியில் ஏற்படுத்திவிட்டு பேச்சுவார்த்தையில் சமஷ்டி தொடர்பில் அவர்கள் வாயே திறக்கவில்லை. முன்றாம்தரப்பு மத்தியஸ்தம் தொடர்பில் பேசிக்கொண்டு பேச்சுவார்த்தையில் அவர்கள் வாயே திறக்கவில்லை என்பதையே இன்று ஊடகங்களுடைய தலைப்புச்செய்திகளும் வெளிப்படுத்தியிருக்கிறது. பேச்சுவார்த்தையில் கலந்து கொள்ளவேண்டும் என்றும் அதைத்தவிர்த்த எங்களை விமர்சித்துக்கொண்டிருந்த ஊடகங்களே இன்று இதை வெளிப்படுத்தியிருக்கின்றன. பேச்சுவார்த்தை மேசையில் நீங்கள் போய் அமர்ந்து கொள்வதனூடாகவே ரணிலுக்கான அங்கீகாரத்தை கொடுப்பதாக அமையும் என்பதை இவர்களுக்கு நாங்கள் மீண்டும் மீண்டும் கூறினோம். அவர் இந்த பொருளாதார நெருக்கடியிலிருந்து தப்புவதற்கான வாய்ப்பை நீங்கள் கொடுத்துவிட்டீர்கள். ஆகக்குறைந்தது அந்த அங்கீகாரத்தை கொடுப்பதாக இருந்தால் இனத்திற்காக கொள்கை ரீதியிலாகவாவது எங்களுக்கொரு முன்னேற்றத்தை கொடுக்கக்கூடிய சூழலையாவது உருவாக்காமல் அந்த அதிகாரத்தை கொடுப்பதானது எதிர்காலத்தில் எங்களுக்கு கடுமையான பாதிப்பை ஏற்படுத்தும் என்பதை நாங்கள் நிறையதடைவைகள் கூறியிருந்தோம். சிறிலங்கா அரசு பொருளாதார நெருக்கடிக்குள் இருக்கின்ற இந்த தருணத்தில், பேரம் பேசக்கூடிய வாய்ப்புக்கள் நிறையவே இருக்கின்ற இந்த தருணத்தில் எந்தவிதமான நிபந்தனைகளும் இல்லாமல் பேச்சுவார்த்தைக்கு சென்றது இனத்திற்கும் இந்த தியாகங்களுக்கும் செய்த பச்சைத்துரோகம். இவ்வாறான தருணத்தில், தமிழ் மக்கள் நலன் சார்ந்த முடிவுகளையே எந்த சந்தர்ப்பத்திலும் மேற்கொண்டுவருகி்ன்ற தமிழ்த்தேசிய மக்கள் முன்னணி தொடர்ந்தும் அதே பாதையிலேயே பயணிக்கும் என்பதோடு மக்கள் நலன் கருதாத எந்தவொரு இடத்திலேயும் எவருக்காகவேனும் எந்தவொரு விட்டுக்கொடுப்மையும் கொள்ளைகள் சார்ந்து மேற்கொள்ளப்போவதில்லை” எனவும் அவர்தெரிவித்துள்ளார். https://akkinikkunchu.com/?p=232720

13 பிளஸ் யோசனையால் ஒற்றையாட்சிக்கு எவ்வித பாதிப்பும் ஏற்படாது – பஷில் 13 பிளஸ் யோசனையால் இலங்கையின் ஒற்றையாட்சிக்கு எவ்வித பாதிப்பும் ஏற்படாது என ஸ்ரீலங்கா பொதுஜன பெரமுனவின் தேசிய அமைப்பாளர் பஷில் ராஜபக்ச தெரிவித்துள்ளார். சமஷ்டி அடிப்படையிலான தீர்வு குறித்து ஜனாதிபதி தமிழ்க்கட்சிகளுடன் பேச்சு நடத்தவுள்ளார் எனக் கூறப்படுகின்றது. ஆனால் ஒற்றையாட்சியையே ஸ்ரீலங்கா பொதுஜன பெரமுன கட்சி ஏற்கின்றது. எனவே, எல்லைமீறிய அதிகாரப் பகிர்வை எதிர்ப்பீர்களா என எழுப்பட்ட கேள்விக்கு பதிலளிக்கும் போதே பஸில் ராஜபக்ச இவ்வாறு குறிப்பிட்டுள்ளார். ’13 பிளஸ் என்ற யோசனையை மஹிந்த ராஜபக்சவே முதன் முதலில் முன்வைத்தார். அதன்மூலம் நாட்டின் ஒற்றையாட்சி உறுதிப்படுத்தப்பட்டது. சொல்லளவில் இருந்த ஒற்றையாட்சியை மஹிந்த ராஜபக்சவே நிஜமாக்கினார். நாட்டின் தேசியக் கொடியை எங்கு வேண்டுமானாலும் ஏற்றக்கூடிய சூழ்நிலையை உருவாக்கினார். ஒற்றையாட்சி கட்டமைப்புக்குள்ளேயே நடவடிக்கை இடம்பெறும் எனவும் பஷில் ராஜபக்ச குறிப்பிட்டார். அதேவேளை, ஜனாதிபதி ரணில் விக்கிரமசிங்கவுடன் நடைபெற்ற சந்திப்பின்போது பேசப்பட்ட விடயங்கள் தொடர்பில் கருத்து வெளியிட்ட பஸில் ராஜபக்ச, ‘நாட்டில் சட்டம், ஒழுங்கு தற்போது உள்ளவாறு உறுதிப்படுத்தப்பட வேண்டும், மக்களின் பொருளாதாரப் பிரச்சினை தீர்க்கப்பட வேண்டும். மொட்டு கட்சியை பலவீனப்படுத்துவதற்கு முன்னெடுக்கப்படும் நடவடிக்கைகளுக்கு எந்த விதத்திலும் ஒத்துழைப்பு வழங்கக்கூடாது என்பன உள்ளிட்ட விடயங்கள் பற்றி பேசினேன். ஜனாதிபதியிடமிருந்து சாதகமான பதில்கள் கிடைத்தன. மொட்டு கட்சியை பலவீனப்படுத்துவதற்கு அவர் துணை நிற்கமாட்டார்.’ எனவும் குறிப்பிட்டுள்ளார். https://akkinikkunchu.com/?p=232752

ஈரானில் ஹிஜாப் போராட்டம் : 400 பேருக்கு 10 ஆண்டுகள் வரை சிறை By Digital Desk 2 15 Dec, 2022 | 09:05 AM ஈரானில் ஹிஜாப் விவகாரத்தில் அரசுக்கு எதிராக போராட்டம் நடத்திய 400 பேருக்கு 10 ஆண்டுகள் சிறை தண்டணை விதித்து அந்நாட்டு நீதிமன்றம் தீர்ப்பளித்துள்ளது. ஈரானில் ஹிஜாப் விவகாரத்தில் கடந்த செப்டெம்பர் மாதம் அரசுக்கு எதிராக மாபெரும் போராட்டம் வெடித்தது. 3 மாதங்களாக நடைபெற்ற இந்த போராட்டம் ஈரானை உலுக்கியது. சொந்த மக்களின் இந்த போராட்டத்தை வெளிநாட்டு சதி என குற்றம் சாட்டிய ஈரான் இரும்பு கரம் கொண்டு போராட்டத்தை ஒடுக்கியது. இதில் 68 சிறுவர்கள் உட்பட சுமார் 490 போராட்டக்காரர்களும், 62 பாதுகாப்பு படை வீரர்களும் உயிரிதந்துள்ளனர். மேலும் போராட்டத்தில் கலவரம் செய்ததாக 18 ஆயிரத்து 200 பேரை பொலிஸார் கைது செய்துள்ளனர். அப்படி கைது செய்யப்பட்டவர்கள் மீது பாதுகாப்பு படை வீரர்களை தாக்குதல், பொதுச் சொத்துக்களுக்கு தீ வைத்தல், நாசவேலை செயல்களில் ஈடுபடுதல் என பல்வேறு குற்றச்சாட்டுகள் சுமத்தப்பட்டுள்ளன. போராட்டத்தில் கைது செய்யப்பட்டவர்கள் மீது நீதிமன்றத்தில் ரகசிய விசாரணை நடத்தி ஈரான் அரசு கடுமையான தண்டனை விதித்து வருகிறது. அந்த வகையில், போராட்டத்தின்போது பாதுகாப்பு படை வீரர்களை கத்தியால் குத்திய குற்றச்சாட்டில் 2 பேர் கடந்த சில நாட்களுக்கு முன்பு தூக்கிலிடப்பட்டனர். இதற்கு சர்வதேச அளவில் கடும் கண்டனம் எழுந்தன. இந்த நிலையில், போராட்டத்தில் கலவரம் செய்ததாக கைது செய்யப்பட்டவர்களில் 400 பேருக்கு 10 ஆண்டுகள் சிறை தண்டனை விதித்து ஈரான் நீதிமன்றம் தீர்ப்பளித்துள்ளது. 160 பேருக்கு 10 ஆண்டுகளும், 80 பேருக்கு 2 முதல் 5 ஆண்டுகளும், மேலும் 160 பேருக்கு 2 ஆண்டுகளும் சிறை தண்டனை விதிக்கப்பட்டடுள்ளதாக ஈரான் அட்டர்னி ஜெனரல் தெரிவித்துள்ளார். https://www.virakesari.lk/article/143130

நாங்கள் பொறுமையிழந்துகொண்டிருக்கின்றோம் என்பதை சர்வதேச நாணயநிதியத்திற்கும் உலக நாடுகளிற்கும் தெரிவித்துள்ளோம் - அலி சப்ரி By Rajeeban 15 Dec, 2022 | 11:38 AM சர்வதேச நாணய நிதியத்திற்கும் எங்கள் பன்னாட்டு சகாக்களுக்கும் எங்கள் இரு தரப்பு நண்பர்களுக்கும் நாங்கள் பொறுமையிழந்து கொண்டிருக்கின்றோம் என்பதை தெரிவித்துள்ளோம் என அலி சப்ரி ரொய்ட்டருக்கு தெரிவித்துள்ளார் இலங்கையர்களின் நன்மைக்கும் உலக பொருளாதாரத்தின் நன்மைக்கும் இது அவசரமான விடயம் எனவும் அவர் தெரிவித்துள்ளார். இலங்கை சர்வதேச நாணயநிதியத்தின் நிதி உதவிக்கு அப்பால் அடுத்த வருடம் சர்வதேச அமைப்புகளிடம் இருந்து 5 பில்லியன் டொலர் கடன்;களை எதிபார்க்கின்றது என வெளிவிவகார அமைச்சர் அலிசப்ரி தெரிவித்துள்ளார். ரொய்ட்டருக்கு வெளிவிவகார அமைச்சர் இதனை தெரிவித்துள்ளார். அரசசொத்துக்களை மறுசீரமைப்பிற்கு உட்படுத்துவதன் மூலம் 3 பில்லியன் டொலர் வரை திரட்டுவதற்கு அரசாங்கம் திட்டமிட்டுள்ளது எனவும் அவர் தெரிவித்துள்ளார். ஏழு தசாப்தங்களில் இலங்கை சந்தித்துள்ள மிக மோசமான பொருளாதார நெருக்கடி எரிபொருள் உணவு தட்டு;ப்பாடுகளிற்கு வழிவகுத்ததன் காரணமாக பரந்துபட்ட அமைதியின்மை ஏற்பட்டதை தொடர்ந்து ஜூலை மாதம் கோட்டாபய ராஜபக்ச பதவியிலிருந்து அகற்றப்பட்டார். 40.6 பில்லியன் டொலர் வெளிநாட்டுக்கடனில் சிக்குண்டுள்ள இலங்கைக்கு மேலதிக நிதி உதவி அவசரமாக தேவைப்படுகின்றது. இலங்கை தனது கடனில் 22 வீதத்தினை சீனாவிற்கு செலுத்தவேண்டியுள்ளது. செப்டம்பரில் இலங்கை 2.9 மில்லியன் டொலர் நிதியுதவி தொடர்பில் சர்வதேச நாணய நிதியத்துடன் இணக்கப்பாட்டினை எட்டியது. அடுத்த வருடம் இந்த நிதிஉதவி கிடைக்கலாம். சர்வதேச நாணய நிதியத்துடன் இருந்து கிடைக்கும் நிதி உதவிக்கு அப்பால் நாங்கள் ஏனையவர்களிடமிருந்து நிதி உதவியை எதிர்பார்க்கின்றோம்,பன்னாட்டு தரப்புகளிடமிருந்து நான்கு ஐந்து பில்லியன் டொலர்களை எதிர்பார்க்கின்றோம் என அலி சப்ரி ரொய்ட்டருக்கு தெரிவித்தார். ஜனாதிபதி நாட்டின் சில அரசநிறுவனங்களை மறுசீரமைப்பது குறித்து ஆர்வமாக உள்ளார்,அதன் மூலம் இரண்டு அல்லது மூன்று பில்லியன் டொலரை திரட்டமுடியும்,என தெரிவித்துள்ள வெளிவிவகார அமைச்சர் இதன் மூலம் திறைசேரியையும்,அந்நிய செலாவணி கையிருப்பையும் வலுப்படுத்த முடியும் எனவும் தெரிவித்துள்ளார். சர்வதேச நாணயநிதியத்திற்கான கடனிற்கு அதன் நிறைவேற்று சபை டிசம்பர் மாதத்திற்குள் அங்கீகாரமளிக்கும் என இலங்கை எதிர்பார்த்தது,எனினும் இது ஜனவரியிலேயே சாத்தியமாகும் என அமைச்சர் தெரிவித்துள்ளார். இலங்கை தனக்கு அதிகளவு கடன்களை வழங்கிய சீனா ஜப்பான் இந்தியா போன்ற நாடுகளிடமிருந்தும் தனியார் கடன் வழங்குநர்களிடமிருந்தும் கடன் மறுசீரமைப்பு தொடர்பான உத்தரவாதங்களை பெறுவதற்கான முயற்சிகளில் ஈடுபட்டுள்ளது. அதிகளவு கடனை வழங்கிய சீனா மற்றும் இந்தியாவிடமிருந்து உத்தரவாத கடிதங்களிற்காகஇலங்கை காத்திருக்கின்றது என அலி சப்ரி தெரிவித்துள்ளார். இந்த இரு நாடுகளும் இலங்கையின் கடன் மறுசீரமைப்பு முயற்சிகளிற்கு ஆதரவளித்துள்ளன இலங்கை அவர்களுடன் தரவுகள் மற்றும் ஆவணங்களை பகிர்ந்துகொண்டுள்ளது எனவும் இலங்கையின் வெளிவிவகார அமைச்சர் தெரிவித்துள்ளார். சர்வதேச நாணய நிதியத்திற்கும் எங்கள் பன்னாட்டு சகாக்களுக்கும் எங்கள் இரு தரப்பு நண்பர்களுக்கும் நாங்கள் பொறுமையிழந்து கொண்டிருக்கின்றோம் என்பதை தெரிவித்துள்ளோம் என அலி சப்ரி ரொய்ட்டருக்கு குறிப்பிட்டுள்ளார். இலங்கையர்களின் நன்மைக்கும் உலக பொருளாதாரத்தின் நன்மைக்கும் இது அவசரமான விடயம் எனவும் அவர் தெரிவித்துள்ளார். ஒட்டுமொத்தத்தில் இலங்கையின் பொருளாதாரத்தில் முன்னேற்றம் ஏற்பட்டுள்ளது எரிபொருள் உணவு போன்ற அத்தியாவசிய இறக்குமதிகள் தொடர்;ச்சியாக கிடைக்கின்றன எனவும் அவர் தெரிவித்துள்ளார். முன்னர் 70வீதமாக காணப்பட்ட பணவீக்கம் நவம்பரில் 61 வீதமாக காணப்பட்டது ஆனால் பொருளாதாரம் இந்த வருடம் 8.7 வீதத்தினால் வீழ்ச்சியடையும் என எதிர்பார்க்கப்படுகின்றது எனவும் அவர் தெரிவித்துள்ளார். ஸ்திரதன்மை ஏற்படுகின்றது இதன் பின்னர் பொருளாதார வளர்ச்சி ஏற்படும் என குறிப்பிட்டுள்ள நிதியமைச்சர் அடுத்த வருடத்தின் முதல் காலாண்டினை சர்வதேச நாணய நிதியத்தினதும் பன்னாட்டு அமைப்புகளினதும் கடன் உதவிகளுடனும் ஆரம்பிக்கவேண்டும் ஆனால் 2024லேயே பொருளாதார வளர்ச்சி ஏற்படும் எனவும் தெரிவித்துள்ளார். https://www.virakesari.lk/article/143163

அரையிறுதிப் போட்டிகளின் நிறைவடைந்துள்ளன. இப்போட்டிகளின் முடிவுகளின் பின்னர் யாழ்களப் போட்டியாளர்களின் நிலைகள்: நிலை போட்டியாளர் புள்ளிகள் 1 நீர்வேலியான் 81 2 கல்யாணி 79 3 முதல்வன் 77 4 அகஸ்தியன் 76 5 தமிழ் சிறி 75 6 நுணாவிலான் 74 7 ஈழப்பிரியன் 73 8 புலவர் 73 9 எப்போதும் தமிழன் 72 10 கிருபன் 71 11 ஏராளன் 70 12 சுவைப்பிரியன் 69 13 சுவி 68 14 வாதவூரான் 68 15 வாத்தியார் 66 16 நிலாமதி 66 17 கறுப்பி 61 18 பிரபா 58 19 குமாரசாமி 57 20 பையன்26 56 21 கந்தையா 51 @பையன்26 உம், @குமாரசாமி தாத்தாவும் @Kandiah57 அண்ணைக்கு ஒத்தாசையாக கீழே இறங்கி வேலை செய்ய வந்துவிட்டார்கள்!

இன்றைய இரண்டாவது அரையிறுதிப் போட்டியில் பிரான்ஸ் அணி மொரோக்கோ அணியை 2 - 0 என்ற கோல் கணக்கில் வெற்றியீட்டியது. முடிவு: பிரான்ஸ் 2 - 0 மொரோக்கோ பிரான்ஸ் அணியின் வெற்றியைச் சரியாகக் கணித்த 12 பேருக்கு தலா நான்கு புள்ளிகள் கிடைக்கின்றன.

லவ் டுடே: அநாகரீகம், ஆபாசம் ராஜன் குறை கிருஷ்ணன் வணிகரீதியாக வெற்றி அடைந்துள்ள ‘லவ் டுடே’ திரைப்படம் பலராலும் பாராட்டப்படுகிறது. இதற்கு முக்கியமான காரணம், நம் வாழ்வில் இன்று முக்கியமான அங்கமாகிவிட்ட செல்பேசியின் பயன்பாட்டை அந்தப் படம் விவாதிப்பதுதான். குறிப்பாக இளைய தலைமுறையானது செல்பேசியுடன் முழுமையாகத் தன்னைப் பிணைத்துக்கொண்டிருப்பது முடிவற்ற பட்டிமன்ற விவாதப் பொருள் ஆகியுள்ளதை அறிவோம். உள்ளபடி சொன்னால் செல்பேசி கடந்த பத்தாண்டுகளில் சமகால வாழ்வில் மிகப் பெரிய, புரட்சிகர மாறுதலை ஏற்படுத்தியுள்ளது. அதிலும் குறிப்பாக வாட்ஸப், ட்விட்டர் உள்ளிட்ட தகவல் பரிமாற்றத் தளங்களின் பயன்பாடு அந்தரங்க வாழ்விலிருந்து, உலக அரசியல் வரை மிகப் பெரிய மாறுதல்களைக் கொண்டுவந்துள்ளது. இவை ஏற்படுத்தியுள்ள, ஏற்படுத்திவரும் தாக்கத்தைத் தத்துவார்த்த மானுடவியல் கோணத்தில் மதிப்பிட இன்னும் சில பத்தாண்டுகள் தேவைப்படும். ஏனெனில், மிக விரிவான சமூகப் பரப்பில் ஆழமான மாறுதல்கள் ஏற்பட்டுவருகின்றன என்பதே உண்மை. அத்தகைய மாற்றங்களில் முக்கியமானது, பெண்களுக்குக் கிடைத்திருக்கும் புதிய மெய்நிகர் (virtual) சமூகவெளி. குறிப்பாக அது பாலியல் சமன்பாடுகளில் (gender equations) எதிர்பாராத மாறுதல்களை உருவாக்கிவருகிறது. இதுநாள் வரை சமூகத்தில் பெண்களுக்குக் கிடைத்திராத ஒரு புது வகை உறவின் சாத்தியம், அதாவது நேரில் சந்திக்காமலேயே நட்புகொள்ளும் சாத்தியம் பெரியதொரு மாற்றத்தை அவர்கள் அந்தரங்க வாழ்வில் ஏற்படுத்திவருகிறது. இந்தப் புதுவெள்ளத்தில் நல்லதும், தீயதும் கலந்துதான் வரும். செல்பேசியின் மூலம் உருவாகும் ஓர் அந்தரங்க சுயம், மெய்நிகர் உலகில் அதன் வெளிப்பாடு என்பதற்கும் அன்றாட வாழ்க்கையில் அதே நபர் ஏற்படுத்திக்கொள்ளும் உறவுகளுக்கும் நிலவும் இடைவெளி, வேறுபாடுகள், பூடகத் தொடர்புகள் எல்லாமே ஆய்விற்கும் சிந்தனைக்கும் உரியவை. ‘லவ் டுடே’ திரைப்படம் இந்த முக்கியமான, சுவாரஸ்யமான ஒரு களத்தைத்தான் சித்தரிக்க முயல்கிறது. பிரச்சினை என்ன? சிக்கல் என்னவென்றால், ‘லவ் டுடே’ திரைப்படத்தால் பெண்களுக்கு எதிரான பழைய ஆணாதிக்க மனோபாவத்தைக் கடந்து சிந்திக்க முடியவில்லை. அது மட்டுமின்றி செல்பேசிப் பயன்பாட்டில் வெளிப்படும் மனோவிகாரங்கள், ஆபாச செயல்பாடுகள், அநாகரீகங்களை அது சரியான கோணத்தில் கண்டிப்பதற்குப் பதிலாக அவற்றை நகைச்சுவையாகச் சித்தரித்து இயல்பாக்கம் செய்துவிடுகிறது. “இந்தக் காலத்துப் பசங்க இப்படித்தான்” என்ற எண்ணத்தை உருவாக்குவது மிகவும் ஆபத்தானது. கடுமையான விமர்சனத்திற்கு உரியது. அந்தரங்கம் என்பது என்ன? நவீன வாழ்வின் அச்சாரமே சுதந்திரமான தனிநபர் என்பதுதான். அந்தத் தனிநபரின் உரிமைகள், தேவைகள் ஆகியவற்றை அனுசரித்து, அவர்கள் மனோதர்மத்தின்படி வாழ்வதற்கான சூழலைச் சமூகம் தருவது ஆகியவையே நவீன விழுமியங்கள். ஜாதியோ, மதமோ, குலமோ, கோத்திரமோ, சடங்கு சம்பிரதாயங்களோ, மரபுகளோ எதுவுமே அவர்கள் சுதந்திரத்தை மட்டுப்படுத்தக் கூடாது. அதன் ஒரே எல்லை இன்னொரு நபரின் சுதந்திரத்தில் தலையிடாமல், மட்டுப்படுத்தாமல் இருப்பதுதான். “வாழு, வாழவிடு” என்று சுருக்கமாகக் கூறலாம். அந்தரங்கத்தின் மீதான தாக்குதல் இத்தகைய தனிநபரின் விருப்பு, வெறுப்புகள், ஆசைகள், விழைவுகள், உணர்வுகள் எல்லாம் அந்தரங்கமானவை என்பது இதன் உப விளைவு, ஆதாரம். ஐரோப்பாவில் பதினேழாம், பதினெட்டாம் நூற்றாண்டுகளில் டைரி எனப்படும் நாட்குறிப்புகளை எழுதுவதில் இது முதலில் வெளிப்பாடு கண்டது. ஒருவரது அந்தரங்க நாட்குறிப்பை மற்றவர் படிப்பது என்பது இந்த நவீன அந்தரங்கத்தின் புனிதத்தைச் சீர்குலைப்பதாகும். பிறர் டைரி கையில் கிடைத்தாலும் படிக்காமல் இருப்பதே உயர் ஒழுக்கம், சீலம் என்று போற்றப்படும். ஜெயகாந்தன் 1960களில் ‘அந்தரங்கம் புனிதமானது’ என்று ஒரு சிறுகதை எழுதினார். சென்னையில் வாழும் கல்லூரி பேராசிரியர் சுந்தரம், அவருடன் கல்லூரியில் படித்த நாகரிகமான வேறொரு ஜாதியைச் சேர்ந்த பெண்ணை மணந்துகொள்வார். அதனால் கோபித்துக்கொண்டு உறவைத் துண்டித்த சுந்தரத்தின் தந்தை கணபதியாப் பிள்ளை, பேரன் பிறந்ததும் புதுப்பித்துக்கொள்வார். தானே பேரனை வளர்ப்பதாகக் கோரி கூட்டிச் சென்றுவிடுவார். தாத்தா பாட்டியுடன் மரபார்ந்த சூழலில் வளர்ந்த மகன் வேணு, கல்லூரிப் படிப்பு முடிந்ததும் பெற்றோருடன் வாழ வருவான். அவர்களது நாகரீக வாழ்வு அவனுக்கு அசூயையைத் தரும். அதற்கு சிகரம் வைத்தாற்போல் தந்தைக்கு வேறொரு பெண்ணுடன் நட்பு இருப்பது அவனுக்குத் தெரியவரும். தந்தையின் அறைக்குச் சென்று அவர் மேஜையைக் கள்ளச்சாவி போட்டுத் திறந்து அந்தப் பெண்ணின் காதல் கடிதங்களை எடுத்துவிடுவான். அதை ஆதாரமாகக் கொண்டு தந்தையைக் குற்றஞ்சாட்டுவான். இந்த விஷயத்தில் அவன் தந்தை, தாய் இருவருமே, ‘நீ ஏன் தந்தையின், பெற்றோரின் அந்தரங்க வாழ்வில் தலையிடுகிறாய்?’ என்று அவனைத்தான் கண்டிப்பார்கள். தந்தையின் அந்தரங்கக் கடிதங்களை அவன் எப்படி படிக்கலாம் என்று கேட்பார்கள். வேணுவுக்கு அவர்கள் நாகரீக சிந்தனை புரியாமல் ஊருக்கே திரும்பிப் போய்விடுவான். ஜெயகாந்தன் இந்தக் கதையில் அந்தரங்கம் என்ற நவீன விழுமியத்தை முன்னிலைப்படுத்தி, சுந்தரத்தின் பெண் உறவு அவருக்கும், அவர் மனைவிக்கும் இடையிலான பிரச்சினையே தவிர அதில் பிறர் தலையிடக் கூடாது என்பதை வலியுறுத்துகிறார். மேலும், அவர் மனைவியே கணவனைக் கண்காணிப்பதோ கேள்வி கேட்பதோ இல்லை. ஆபாசம் அந்தரங்கம் என்றாலே அது கட்டற்ற பாலியல் இச்சையின் களம் என்ற தவறான புரிதலும் இங்கே பரவலாக இருக்கிறது. இயக்குநர் வசந்த் எடுத்த ‘சிவரஞ்சினியும் மற்றும் சில பெண்களும்’ படத்தில் ஒரு கதையில் பெண் டைரி எழுதுவதே பிரச்சினை ஆகும். அவள் ஏன் ரகசியமாக ஏதோ எழுதி வைத்துக்கொள்ள வேண்டும் என்று குடும்பம் கேட்கும். இதுபோன்ற தருணங்களில் அந்தரங்கம் என்பது ரகசியம் எனக் கருதப்பட்டு ரகசியம் விதிமீறலுடன், ஆபாசத்துடன் தொடர்புபடுத்தப்படுகிறது. இப்படித்தான் ‘லவ் டுடே’ திரைப்படத்திலும் யோகி பாபு அவர் செல்பேசியை யாரிடமும் தர மறுப்பது அவரை சந்தேகத்திற்கு உரியவராக மாற்றுகிறது. அதற்குக் காரணம் படத்தின் கதாநாயகன் பிரதீப் செல்பேசி வழி பல முறையற்ற செயல்களில் ஈடுபடுகிறான். அவனது குற்றமுள்ள மனம்தான் யோகி பாபுவை சந்தேகிக்கக் காரணம் ஆகிறது. கதாநாயகன் பிரதீப் பழக்கமில்லாத பெண்களிடம் திரைப்படம் எடுக்கப்போவதாகக் கூறி அவர்களை பலவிதமான ஆடைகள் அணிந்து புகைப்படம் எடுத்து அனுப்பச் சொல்கிறான். இது மிகவும் அருவருக்கத்தக்க, ஆபாசமான ஒரு மனப்பான்மை. பெண் உடலைப் பண்டமாக்கி நுகரும் சிறுமை. மேலும் ஒரு ஃபேக் ஐடியை ஒரு பெண்ணின் பெயரில் உருவாக்கி அதனை அவன் நண்பர்கள் அனைவரும் பகிர்ந்துகொள்கிறார்கள். அதை அவர்கள் சைபர் கிரைம் எனும் வரையறைக்குள் வரும் பல குற்றச்செயல்களுக்கும் பயன்படுத்துகிறார்கள். பெண்களுக்கு ஆபாசமான செய்திகள் அனுப்புகிறார்கள். கதாநாயகியின் தங்கைக்கே அப்படிப்பட்ட செய்திகள் அந்த ஐடியிலிருந்து வருகின்றன. பிரதீப் அவற்றை தான் அனுப்பவில்லை என்று சொல்கிறானே தவிர, இப்படி ஒரு ஃபேக் ஐடியை ஏன் நண்பர்களின் குற்றவியல் கேளிக்கைகளுக்காகப் பகிர்ந்துகொள்கிறான் என்பது கேள்விக்கு உட்படுத்தப்படுவதில்லை. அநாகரீகம் இந்தப் படத்தின் ஒன்லைன் எனப்படும் கதையின் மைய இழையே தவறாக இருக்கிறது. ஜெயகாந்தன் சுட்டிக்காட்டிய அந்தரங்கத்தில் தலையிடாமை என்ற விழுமியத்திற்கு நேர் எதிராக சத்யராஜ் தன் பெண்ணையும், அவளை காதலிக்கும் இளைஞனையும் ஒருவர் அந்தரங்கத்தில் மற்றவர் நுழைந்து பார்க்க வேண்டும் என்று நிபந்தனை விதிக்கிறார். இதற்கு சத்யராஜ் கூறும் காரணம் ஒருவரை ஒருவர் முழுமையாக ‘பார்க்க’ வேண்டும், அதாவது தெரிந்துகொள்ள வேண்டும் என்பதுதான். இது முற்றிலும் பிழையான கருத்தாகும். சுயம் குறித்து நாம் தெரிந்துகொள்ள வேண்டியதே அது ஏதோ பெட்டியில் வைத்து பூட்டப்பட்ட பொருள் அல்ல என்பதுதான். சுயம் என்பது இயக்கபூர்வமானது. அறியப்பட்ட பிரபஞ்சத்தினைக் கடந்து செல்லும் கருந்துளை. யாரும் யாரையும் முழுமையாகத் தெரிந்துகொள்ள முடியாது. அவசியமும் இல்லை. நம்பிக்கையும், காதலும்தான் வாழ்க்கை. இறுதியில் ‘லவ் டுடே’ படமும் அதைத்தான் சொல்கிறது. நம்பிக்கையும், காதலும்தான் வாழ்க்கை என்கிறது. ஆனால், நடுவில் பிறருடைய வாட்ஸப்பைப் படித்துப் பார்க்க வேண்டும் என்கிறது. சத்யராஜ் அவர் விதித்த அநாகரீகமான நிபந்தனைக்கு வருந்துவதே இல்லை. படம் பார்ப்பவர்க்கும் இளைஞர்களுக்கும் வாட்ஸப்பில் ‘பலான மேட்டர்’ இருக்கும் என்ற எண்ணமே தோன்றும்படிதான் எடுக்கப்பட்டுள்ளது. புரிதலை அல்ல; சந்தேகத்தையே விதைக்கிறது படம். இதைவிட மோசம் பாலியல் சமமின்மை. கதாநாயகியின் வாட்ஸப்பில் கிடைக்கும் ரகசியம் அவள் தொடர்ந்து தன் எக்ஸ் எனப்படும் முன்னாள் காதலனான ஆண் நண்பனுடன் வாஞ்சையாகப் பேசிக்கொண்டிருந்தாள், அந்த நண்பனுடன் இரவில் காரில் தொலைதூரப் பயணம் செய்தாள் என்பதுதான். அது கதாநாயகனுக்கு மிகப் பெரிய மன உளைச்சலைத் தருகிறது. அவளிடம் மிருகத்தனமாக அவள் பாலியல் உறவுகொண்டாளா என்று பச்சையாகக் கேட்கிறான். நேர் எதிராகக் கதாநாயகனைப் பற்றி கிடைக்கும் ரகசியம் என்னவென்றால், அவன் பெண்களிடம் பொய் பேசி அவர்கள் டிரைபல் (?) ஆடைகள் அணிந்த புகைப்படங்களைச் சேகரித்து பார்த்து மகிழும் வக்கிரம் பிடித்தவன் என்பது. ஃபேக் ஐடி உருவாக்கி பல குற்றச்செயல்களுக்கு வழி வகுப்பவன் என்பது. ஆனால், இறுதியில் இரண்டும் ஒன்றுதான் என்று சமன் செய்யப்படுகிறது. கதாநாயகின் முகத்தை ஓர் உடலுறவுக் காணொளியில் ஒருவன் மார்ஃப் செய்து வெளியிட, அனைவரும் அவளை அருவெறுக்கிறார்கள். கதாநாயகன் அது அவளல்ல என்று நம்புகிறான். அவன் நண்பர்கள் மார்ஃபிங்க் செய்தவனைக் கண்டுபிடித்துவிடுகிறார்கள். எத்தனை ஆபாசமான செயல்களைச் செய்தாலும், அநாகரீகமான செயல்களைச் செய்தாலும் கதாநாயகன்தான் கதாநாயகியைக் காப்பாற்ற வேண்டும் என்பதால், பெண்களின் சார்புத்தன்மையை இந்தப் படம் நிலைநிறுத்துகிறது. அதற்கு அடுத்தபடி அவர்கள் மெய்நிகர் உலகில் புழங்குவதே ஆபத்தானது என்ற எண்ணத்தைத் தோற்றுவிக்கிறது (நாளைக்கு கட்டிக்கப் போறவனுக்கு தெரிஞ்சா?) ஆங்கிலத்தில் மிசோஜினி (misogyny) என்று ஒரு வார்த்தை உண்டு. தமிழில் பெண் வெறுப்பு எனலாம். வெறுப்பு என்றால் பிடிக்காது என்ற பொருளில் அல்ல. பெண்களின் சுதந்திரத்தை வெறுப்பது, அவர்களை ஆணுக்குக் கீழ்படிந்த நிலையில் வைத்திருப்பது ஆகியவையும்தான். ‘லவ் டுடே’ நகைச்சுவை, சமகால இளைஞர்கள் உளவியல் என்ற பெயரில் பெண் வெறுப்பை இயல்பானதாக சித்தரிப்பது தவறானது. இதுபோன்ற கதையாடல்கள் பெண்களை மெய்நிகர் வெளியிலிருந்து விலக்கும் அபாயம் கொண்டவை என்ற விழிப்புணர்வு பெண்களுக்கும் வேண்டும்; ஆண்களுக்கும் வேண்டும்! https://www.arunchol.com/rajan-kurai-krishnan-on-love-today

நடுக்கடலில் மாயமான மலேசிய விமானம்..! வெளியாகிய திடுக்கிடும் தகவல் எட்டு ஆண்டுகளுக்கு முன், நடுக்கடலில் மாயமான ‘மலேசியா ஏர்லைன்ஸ்’ விமானத்தை, அதன் விமானிகள் திட்டமிட்டு கடலில் மூழ்கடித்திருக்கலாம் என்பது தற்போது தெரிய வந்துள்ளது. ஆசிய நாடான மலேஷியாவின் கோலாலம்பூரில் இருந்து, சீனாவின் பீஜிங் நகருக்கு, மலேஷிய விமான நிறுவனத்தின் விமானம் இயக்கப்பட்டது. இந்த விமானம், மார்ச் நடுக்கடலில் மாயமானது. இதில் பயணித்த பெரும்பாலானோர் சீனாவைச் சேர்ந்தவர்கள். மாயமான விமானத்தை தேடும் பணி தொடர்ந்து நடந்து வந்தது. ஆனால் பெரிய அளவில் எந்த தகவலும் கிடைக்கவில்லை. இந்நிலையில், கிழக்கு ஆப்ரிக்க நாடான மடகாஸ்கரில் ஒரு மீனவர் வீட்டில் இருந்து, விமானத்தின் கதவு ஒன்று சமீபத்தில் மீட்கப்பட்டது. விசாரணை நடத்தியதில் அந்த கதவு, மாயமான மலேசிய விமானத்தின் கதவு என்பது உறுதி செய்யப்பட்டது. புயலின் போது இந்தக் கதவு கரை ஒதுங்கியதாகவும், இதை, அந்த மீனவர் தன் வீட்டில் துணி துவைப்பதற்கு பயன்படுத்தி வந்ததும் தெரிய வந்துள்ளது. இந்நிலையில், அந்தக் கதவு குறித்து விமான நிபுணர்கள் பரிசோதனை நடத்தினர். அவர்கள் கூறியுள்ளதாக வெளியாகியுள்ள செய்தியில் கூறப்பட்டு உள்ளதாவது: தற்போது கிடைத்துள்ள இந்த விமானத்தின் கதவு முக்கிய ஆதாரமாக இருக்கும். விமானத்தின் சக்கர பகுதியில் இருக்கும் இந்தக் கதவு மற்றும் அதனுடன் சில இயந்திரப் பாகங்களும் கிடைத்துள்ளன. இவற்றை ஆராய்ந்தபோது, இதில் பலத்த சேதங்கள் இருப்பது தெரிய வந்துள்ளது. வழக்கமாக அவசர காலத்தில், விமான சக்கரத்தின் கதவுகளை விமானிகள் இயக்க மாட்டார்கள். குறிப்பாக கடல் பகுதியில் அதை இயக்க மாட்டார்கள். அவ்வாறு இயக்கினால், விமானத்துக்கு அதிக சேதமும், மிக விரைவாக மூழ்கும் அபாயமும் உள்ளது. தற்போது கிடைத்துள்ள பொருளை ஆராய்ந்ததில், அதில் பலத்த சேதம் ஏற்பட்டுள்ளது தெரிய வந்துள்ளது. இந்த விமானம், மிக அதிக வேகத்தில் கடலில் வேகமாக மோதியதில், பல துண்டுகளாக உடைந்துள்ளது. இதனால், விமானிகள் திட்டமிட்டு கடலில் விமானத்தை மோதியிருக்க வேண்டும் என்று கூறப்படுகிறது https://akkinikkunchu.com/?p=232689

60இல் கட்டாய ஓய்வு: நீதிமன்றம் அதிரடி 2022 டிசெம்பர் 14 , பி.ப. 08:41 அரச ஊழியர்களின் கட்டாய ஓய்வு வயதை 60 வருடங்களாகக் குறைத்து வெளியிடப்பட்ட வர்த்தமானி அறிவித்தலில் இருந்து வைத்தியர்கள் மற்றும் விசேட வைத்திய ஆலோசகர்களை உள்ளடக்குவதை இடைநிறுத்தி மேன்முறையீட்டு நீதிமன்றம், இன்று (14) இடைக்கால தடை உத்தரவு பிறப்பித்துள்ளது. மேன்முறையீட்டு நீதிமன்ற நீதியரசர்களான சோபித ராஜகருணா மற்றும் தம்மிக்க கணேபொல ஆகிய இரு நீதியரசர்கள் அடங்கிய அமர்வு, ஜனவரி 25ஆம் திகதிவரை இடைக்கால தடையுத்தரவு பிறப்பித்து உத்தரவிட்டது. 176 விசேட வைத்திய ஆலோசகர்களால் தாக்கல் செய்யப்பட்ட ரிட் மனுவை பரிசீலித்த பின்னரே இந்த உத்தரவு பிறப்பிக்கப்பட்டது. https://www.tamilmirror.lk/செய்திகள்/60இல்-கட்டாய-ஓய்வு-நீதிமன்றம்-அதிரடி/175-309034

எப்போது மீண்டு வரப் போகிறது இலங்கை? 2022 ஆம் ஆண்டின் ஆரம்பத்தில், தொற்றுநோய்ப் பரவலின் முடிவானது துயரத்தின் முடிவைக் குறிக்காது என்று இலங்கையர்கள் எவரும் நினைத்திருக்க மாட்டார்கள், எனினும் இலங்கையர்கள் அறியாத வடிவங்களில் வரும் துயரத்தின் வருகையை அது சமிக்ஞை செய்தது. இந்தவருடத்தின் ஆரம்பத்தில், சுற்றுலா, தேயிலை உற்பத்தி, அதிக கல்வியறிவு கொண்ட இலங்கை, 1948 இல் சுதந்திரம் பெற்ற பின்னர் கடுமையான பொருளாதார நெருக்கடியால் பாதிக்கப்பட்டது. ஈஸ்டர் ஞாயிறு குண்டுவெடிப்பில் தொடங்கி, இலங்கையின் முதுகெலும்பைத் தாக்கிய தொடர் சம்பவங்களில் இருந்து நாடு இன்னும் மீளாத நிலையில், தொற்றுநோய் பேரழிவு தாக்குதலில் ஈடுபட்டு, சுற்றுலாவை அழித்தது. பொருளாதாரத்தின் கடுமையான வீழ்ச்சிக்கு என்ன காரணம் கூறினாலும், அடிப்படையில் நாட்டின் முகாமையாளர் வளர்ச்சிப் பாதைக்கு சரியான திசையை அமைக்கத் தவறிவிட்டார். உர நெருக்கடி, உக்ரைன் போர் மற்றும் இன்னும் பல காரணங்கள், குழப்பமடைந்துள்ள பொருளாதார முகாமைத்துவத்தை மேலும் சீர்குலைத்தன. பொருளாதார சாத்தியங்கள் இன்னும் அப்படியே உள்ளன சிங்கப்பூர் மற்றும் ஜப்பானின் பாதையை இலங்கை பின்பற்றி, ஆசியாவின் மற்றொரு வர்த்தக சக்தியாக மாறும் என முன்னணி நிறுவனங்களும் நிபுணர்களும் எதிர்பார்த்தனர். முக்கிய மற்றும் மூலோபாய புவியியல் இருப்பிடம், இயற்கை துறைமுகம், நன்கு படித்த மக்கள், பணப்பயிர் சார்ந்த விவசாயம், சுற்றுலா, எண்ணற்ற வேலை வாய்ப்புகள் மற்றும் வலுவான ஏற்றுமதித் துறை - இது கிட்டத்தட்ட அனைத்து அடிப்படைகள் மற்றும் இயற்கை நன்கொடைகளைக் கொண்டிருந்தது. உணவு உற்பத்தியில் தன்னிறைவு பெறுவதோடு, புத்தாக்கம் மற்றும் தொழில்முனைவு ஆகியவற்றின் அடிப்படையில் இலங்கை ஒரு பரந்த அடிப்படையிலான பொருளாதாரமாக மாறுவதை ஒருவர் கற்பனை செய்யலாம். சுற்றுலா மற்றும் விவசாயத்தின் பாரம்பரிய அடிப்படைகளை எடுத்துக் கொள்ளும் அடுத்த தலைமுறை பொருளாதாரத்தை இலங்கை ஸ்டார்ட் அப்கள் உருவாக்க முடியும். இலங்கைப் பொருளாதாரத்தின் பல்வேறு துறைகளில் இன்னும் மிகப்பெரிய சாத்தியக்கூறுகள் உள்ளன, அவை புத்துயிர் பெற வேண்டும் மற்றும் மேலும் அபிவிருத்தி செய்ய ஊக்குவிக்கப்பட வேண்டும். துறைகளில் தன்னிறைவைப் பெறுவது, இலங்கை அரசாங்கத்துக்கும் சாதகமான அல்லது குறைந்த பட்சம் நியாயமான நிபந்தனைகளின் அடிப்படையில் வெளிநாட்டு முதலீட்டை மேலும் கவர்ந்திழுக்கும் பொறுப்புக்கூறல் மற்றும் வெளிப்படையான செயல்முறையை அடைய உதவும். இலங்கைப் பொருளாதாரத்தில் கடன் அச்சுறுத்தல் இன்னும் அதிகமாக இருக்கும் அதே வேளை, அது அனைத்து நம்பிக்கையையும் இழந்துவிட்டதாக இல்லை. பிராந்தியத்தில் சில நேர்மையான பங்காளிகள் உள்ளனர் என்பதும் அவர்கள் எப்போதும் சொந்த நலன்களுடன் அல்லாமல் சகோதரத்துவ உணர்வோடு செயல்படுகிறார்கள் என்பதும் இலங்கையர்களுக்கு ஒரு முக்கியமான நினைவூட்டலாக அமைந்தது. என்ன தவறு நடந்தது? இலங்கை, தனது நீண்டகால அபிவிருத்தித் திட்டங்களுக்காக ஜப்பான் சர்வதேச ஒத்துழைப்பு முகமை நிதியுடன் தொடர்வதற்குப் பதிலாக, குறுகிய கால சந்தைக் கடன்கள் மற்றும் சீனாவை நம்பியிருந்தது, அதுவும் அதிக வட்டி வீதத்துடன். மிகவும் வளமான தெற்காசிய நாடுகளில் ஒன்று திடீரென சிக்கிக்கொண்டதைப் போன்ற ஒரு இக்கட்டான நிலைக்குத் தள்ளப்பட்டமை புரிந்துகொள்ள விசித்திரமானது. ஹம்பாந்தோட்டை துறைமுகத்தின் நிர்மாணச் செலவுகளைத் திருப்பிச் செலுத்த முடியாது என 2017ஆம் ஆண்டு இலங்கை அறிவித்ததுடன், அடுத்த நூற்றாண்டுக்கான துறைமுகத்தை இயக்குவதற்கான குத்தகையை சீன-இலங்கை கூட்டு நிறுவனத்திடம் ஒப்படைக்க வேண்டிய கட்டாயம் ஏற்பட்டது. குறுகிய கால வணிக அடிப்படையில் உட்கட்டமைப்பு அபிவிருத்திக்காக சீனாவிடம் கடன் வாங்கியதால், பலதரப்பு மேம்பாட்டு முகமைகள் பொதுவாக 20 - 30 ஆண்டுகள் நீண்ட கால நீட்டிப்புக் காலத்திற்கு குறைந்த வட்டியில் கடன்களை வழங்குகின்றன. சீன நிதி நிலைமைகள் குறுகிய கால கடன்களுடன் ஒப்பிடத்தக்கவை மற்றும் வளர்ச்சித் திட்டங்களுக்கு ஏற்றவை அல்ல. தொழில்நுட்பம் தவிர பெரும்பாலான மனிதவளம், பொருள் மற்றும் உபகரணங்கள் சீனாவிலிருந்து கொண்டு வரப்படுவதால், சீனத் திட்டத்தால், உலகின் எந்தப் பகுதியிலும் உள்ளூர் மக்களுக்கு வேலை வாய்ப்புகளையோ அல்லது வருமானத்தையோ உருவாக்க முடியாது. திட்டங்கள் நிறைவடைந்த போதும் நாட்டினருக்கு போதுமான வருமானம் அல்லது வேலைவாய்ப்பை உருவாக்கவில்லை. வேறு எந்த நன்கொடையாளரும் இந்த முறையில் புரவலரை வற்புறுத்தாததால் இது ஒரு பாதகமாகும். சில சமயங்களில், உருவாக்கப்பட்ட சொத்துக்கள், சீனாவால் கட்டப்பட்ட சாலைகளைப் பயன்படுத்துவதற்கு உள்ளூர்வாசிகள் சுங்கக் கட்டணம் செலுத்துவது போல, பொறுப்பாக மாறியது. உலகெங்கிலும் உள்ள வல்லுநர்கள் சீனக் கடன் பொறி இராஜதந்திரம் மற்றும் சீனாவுக்கு செலுத்த வேண்டிய பலூன் கடன்கள் குறித்து இலங்கைக்கு எச்சரித்திருந்தாலும், ஐந்து ஆண்டுகளுக்கு முன்பு கடன் அதன் அசிங்கமான தலையைக் காட்டும் வரை அது பெரிதாக எடுத்துக் கொள்ளப்படவில்லை. படிப்படியாக, இது அதிக இறக்குமதி சார்ந்து அந்நிய செலாவணி கையிருப்பு குறைவதற்கு வழிவகுத்தது, இதன் விளைவாக எரிபொருள் போன்ற அத்தியாவசிய பொருட்களை கொண்டு வர முடியாமல், நாட்டின் செயல்பாட்டை முற்றிலுமாக ஸ்தம்பிக்கச் செய்தது. சீனத் திட்டங்கள் எவ்வாறு நீடித்து நிலைக்க முடியாதவை என்பதற்கு நுரைச்சோலை அனல்மின் நிலையம் ஒரு தெளிவான உதாரணம். 2011 ஆம் ஆண்டு நுரைச்சோலையில் முதல் நிலக்கரி மூலம் இயங்கும் மின் உற்பத்தி நிலையத்தை சீனா நிர்மாணித்தது. மின்நிலையத்தில் அடிக்கடி ஏற்படும் பழுதுகள், அதன் தொடக்கத்திலிருந்தே "எப்போதும் செயலிழப்பு" என்ற பெயரைப் பெற்றுள்ளது. திட்ட வடிவமைப்பு, பொருள், உழைப்பு, நிலக்கரி மற்றும் நிலையத்தின் சேவைகள் அனைத்தும் இறக்குமதி செய்யப்பட்டன. வேறு எந்த நாடும் மின் நிலையத்துக்கு சேவை செய்ய முடியாத அளவுக்கு வடிவமைப்பு மிகவும் சூட்சுமமாக்கப்பட்டது. சீன பொறியாளர்கள் நிரந்தரமாக செயல்பாடுகளை நடத்துகிறார்கள், இது ஏற்கெனவே குறைந்துவிட்ட அந்நிய செலாவணி இருப்புக்களை மேலும் சுமையாக மாற்றும். மேலும், இந்த மின்நிலையம் நச்சுத்தன்மை வாய்ந்த பசுமை வாயுக்கள் மற்றும் பிற மாசுபாடுகளை வெளியிடுகிறது, இது கடுமையான சுகாதார அபாயங்கள், பொருளாதார மற்றும் சுற்றுச்சூழல் பாதிப்புகளையும் ஏற்படுத்துகிறது. காலநிலை மாற்றம் தொடர்பான ஐக்கிய நாடுகளின் கட்டமைப்பு மாநாட்டின் கியோட்டோ நெறிமுறை, காலநிலை மாற்றம் தொடர்பான ஐ.நா. கட்டமைப்பு மாநாடு, பாரிஸ் உடன்படிக்கையில் குறிப்பிடப்பட்டுள்ளபடி, நிலக்கரியில் இயங்கும் மின் உற்பத்தி நிலைய செயல்பாடுகள், உமிழ்வு குறைப்பு மற்றும் சுற்றுச்சூழல் பாதுகாப்புக்கான இலங்கையின் சர்வதேச கடமைகளுக்கு முரணானது. கொழும்பின் தலைவர்கள் நிலக்கரியில் இயங்கும் சீன மின் உற்பத்தி நிலையத்தை நம்புவதற்குப் பதிலாக சூரிய சக்தியைப் பயன்படுத்தி எரிசக்தி தேவைகளைப் பூர்த்தி செய்ய நன்கு திட்டமிட்டிருக்க முடியும். நன்கு திட்டமிடப்பட்ட மூலோபாயவாதி புதுப்பிக்கத்தக்க எரிசக்திக்கு சென்றிருக்கலாம். புதைபடிவ ஆற்றல் மூலங்களிலிருந்து அதிக எண்ணிக்கையிலான நாடுகள் விலகிச் செல்வதால், இது மிகவும் பொதுவான சூரிய ஆற்றலைப் பற்றி கூட நினைத்திருக்கலாம். தாக்கம் 1971 மற்றும் 2022 க்கு இடையில், சீனா மில்லியன் கணக்கான உதவி மற்றும் கடன்களை வழங்கியது, அதில் 2% மட்டுமே மானியங்கள் என்பதை புரிந்து கொள்ள வேண்டியது அவசியம். இதன் விளைவாக, 2021 ஆம் ஆண்டின் இறுதியில் வெளிநாட்டுக் கடனைத் திருப்பிச் செலுத்தும் பொறுப்புகள் 4 பில்லியன் டொலர்களாக உயர்ந்தன. மேலும் 9 பில்லியன் டொலரை பலதரப்பு வங்கிகளுக்கும், 5.6 பில்லியன் டொலரை சீனா அல்லாத இருதரப்புக் கடனாளிகளுக்கும், 5 பில்லியன் டொலரை சீனாவுக்கும் மற்றும் 3.5 பில்லியன் டொலரை ஜப்பானுக்கும் செலுத்த வேண்டியுள்ளது. தொற்றுநோய், ஈஸ்டர் ஞாயிறு பயங்கரவாதத் தாக்குதல்கள் மற்றும் உக்ரைன் மீதான ரஷ்யப் படையெடுப்பு ஆகியவை இலங்கைப் பொருளாதாரத்தில் அதன் தாக்கத்தை ஏற்படுத்தியுள்ளது என்பது உண்மைதான் என்றாலும், சீனக் கடன் பொறியுடன் வெளிப்புற திருப்பிச் செலுத்தும் கடமைகள் முக்கிய காரணமாகும். 2001 ஆம் ஆண்டிலிருந்து சீன வெளிநாட்டுக் கடன்களில் 118 பில்லியன் டொலர்கள் மறுபரிசீலனையில் உள்ளன என்று அறிக்கைகள் தெரிவிக்கின்றன, சீனா உலகின் மிகப்பெரிய இருதரப்பு கடன் வழங்குநராக மாறியுள்ளது. கூடுதலாக, சர்வதேச நாணய நிதியத்தின் எந்தவொரு வருங்கால நிதியுதவியும், கடன் நிலைத்தன்மையை மீட்டெடுப்பதற்காக இலங்கை கடனாளிகளுடன் நியாயமான மற்றும் விரைவான மறுபேச்சுவார்த்தை செயல்முறையில் பெரும்பாலும் தொடர்கிறது என்பது தெளிவாகிறது. மாறும் ஆற்றல்கள் 21 ஆம் நூற்றாண்டில் வர்த்தகம் மற்றும் தொழில்நுட்பம் மூலம் உலகம் மிகவும் இணைந்துள்ளது. இந்தியப் பெருங்கடலின் முக்கிய கடல் பாதைகளில் புவிசார் மூலோபாய இருப்பிடத்துடன், இலங்கை ஒரு முதன்மையான ஊர்தி மாற்ற (டிரான்ஸ்ஷிப்மென்ட்) மையமாக மாறும் திறனைக் கொண்டுள்ளது. உலகளாவிய விநியோகச் சங்கிலிகளில் இணைவதானது, முதலீடு, உற்பத்தித்திறன், வேலைவாய்ப்பு, அபிவிருத்திக்கு வழிவகுக்கும். தெற்காசியாவின் மிகப்பெரிய சந்தையான இந்தியா, உலகின் வேகமாக வளர்ந்து வரும் முக்கிய பொருளாதாரங்களில் ஒன்றாகும். உலகளாவிய ரீதியில் இலங்கை தனது வர்த்தக பங்காளியாக இருப்பதன் மூலம் இந்தியாவின் அந்த வளர்ச்சியை பயன்படுத்திக் கொள்ள முடியும். மத்திய கிழக்கின் சந்தைகள் மற்றும் ஆபிரிக்காவின் வளர்ந்து வரும் சந்தைகளுக்கு இலகுவான அணுகலை இலங்கை கொண்டுள்ளது, இது வேகமாக வளர்ந்து வரும் பொருளாதாரங்கள் பலவற்றைக் கொண்ட ஒரு கண்டமாகும். தீவு தேசத்தை தனியார் துறைக்கு பெரிய அளவில் திறந்து விடுவதற்கான சாத்தியக்கூறுகள் விருந்தோம்பல், உணவு பதப்படுத்துதல், சீமெந்து, மருந்து உற்பத்தி, மீன்பிடி உரிமைகள், உட்கட்டமைப்பு அபிவிருத்தி, புதிய தொடக்கங்கள் மற்றும் பொதுப் பொருளாதார ஒத்துழைப்பு போன்ற பல துறைகளில் பாரிய உற்சாகத்தை உறுதி செய்துள்ளது. இந்த இன்றியமையாத துறையில் ஒத்துழைப்பை வலுப்படுத்துவது, நமது ஒட்டுமொத்த ஆற்றல் கூட்டாண்மையை மேம்படுத்தவும், காலநிலை மாற்றத்தை சமாளிக்கவும், உமிழ்வைக் குறைக்கவும் நமது உலகளாவிய முயற்சிகளுக்கு பங்களிக்கவும் உதவும் என்று முன்னாள் ஜனாதிபதி கோட்டாபய ராஜபக்ஷ ஜூன் மாதம் தனது அறிக்கையில் தெரிவித்திருந்தார். நம்பிக்கையின் கதிர் "கடந்த காலம் எவ்வளவு கடினமாக இருந்தாலும், நீங்கள் எப்போதும் மீண்டும் ஆரம்பிக்கலாம்."என்று புத்தர் கூறுகிறார். அனைத்து பொருளாதார நெருக்கடிகள் மற்றும் இறக்குமதி கட்டுப்பாடுகள் இருந்தபோதிலும், நடப்பு ஆண்டின் முதல் 9 மாதங்களில் சரக்கு ஏற்றுமதி மூலம் 10 பில்லியன் டொலர்களை இலங்கையால் ஈட்ட முடிந்தது என்பது அற்புதமான நம்பிக்கை. மூலப்பொருட்களை இறக்குமதி செய்ய அனுமதித்தால் ஏற்றுமதி அதிகமாகும். கொழும்பு வழமைக்கு திரும்பும் திறன் பெற்றுள்ளது என்பதையே இது காட்டுகிறது. இப்போது, நாடு வளங்களைப் பயன்படுத்தி, அரசியல்வாதிகளின் சுயநலம் இல்லாமல் நியாயமான முறையில் நிர்வகிக்கப்பட வேண்டும். ஏற்கெனவே நாட்டைப் பேரழிவிற்கு இட்டுச் சென்ற புதைகுழிகளில் வீழாமல் குடிமக்கள் இப்போது மிகவும் எச்சரிக்கையாக இருக்க வேண்டும். தேயிலைக்கு புகழ்பெற்ற இலங்கையின் தேயிலை தொழில், நாணய தேய்மானம் மற்றும் அதிக உலகளாவிய விலைகளின் நெருக்கடியிலிருந்து பயனடைந்துள்ளதுடன், 2022 ஆம் ஆண்டில் ஏற்றுமதியில் 1.4 பில்லியன் டொலர்களை சம்பாதிக்க எதிர்பார்க்கிறது என்று இலங்கை தோட்டக்காரர்கள் சங்கத்தின் பேச்சாளர் ரொஷான் ராஜதுரை தெரிவித்தார். ஏற்றுமதியை நோக்கி பணப்பயிர் உற்பத்தியின் வளர்ச்சியுடன் விவசாயத்தின் வலிமையில் புதுப்பிக்கப்பட்ட கவனம் உணவு உற்பத்தியிலும் போதுமானதாக இருப்பதை உறுதிசெய்யும் வாய்ப்பைக் கொண்டுள்ளது. மேலதிகமாக ஆடை உற்பத்தி மற்றும் ஏற்றுமதியின் கலையை புத்துயிர் பெறுவதும் சரியான திசையில் ஒரு படியாக இருக்கும். முடிவுரை நமது எண்ணங்களால் உலகை உருவாக்குகிறோம் என்று புத்தர் கூறுகிறார். நடைமுறைத் தலைமைத்துவத்தின் மூலம் நெருக்கடியிலிருந்து விலகிச் செல்வதற்கு இலங்கைக்கு வழிகாட்டுவதற்கு நீண்ட காலப் பார்வையும், பொறுமையும் மற்றும் ஒரு நிலையான கரமும் தேவை. கடன் சுமையில் சிக்கியுள்ள சிறிய பொருளாதாரங்களை சூறையாடும் நாடுகளுக்கு சேவை செய்ய விரும்பும் கந்து வட்டிகளை களையெடுப்பது எவ்வளவு முக்கியமோ, அதேபோன்று நட்பு நாடுகளும் பல்வேறு சந்தர்ப்பங்களில் மனிதாபிமான உதவிகளை செய்து வருவதை உறுதி செய்வதும் முக்கியம். . கூட்டு முயற்சி திட்டங்களின் மூலம், இரு நாடுகளுக்கும் இடையே ஏற்கெனவே கல்வி, வர்த்தகம் மற்றும் வர்த்தகம் ஆகிய துறைகளில் பெரும் சாதனைகள் எட்டப்பட்டுள்ளன. உலகம் கொவிட் பாதிப்பில் இருந்து வெளிவருவதுடன், நாடுகளும் திறக்கப்படுவதால், இலங்கையின் தனித்துவமான சுற்றுலாத்துறை மீண்டும் பொருளாதாரத்தின் மறுமலர்ச்சியில் முன்னேற முடியும். மீண்டும் பாதைக்கு வருவதற்கும் வாக்குறுதியை நிறைவேற்றுவதற்கும், இலங்கையின் பொருளாதார எதிர்காலம் அதன் நடைமுறை மற்றும் தொலைநோக்கு தலைமையுடன் அவசியம் மற்றும் பிரிக்கமுடியாத வகையில் இணைக்கப்பட்டுள்ளது என்பதை ஒருவர் அங்கீகரிக்க வேண்டும், இது அதன் முழு மக்களின் தேவைகள், அபிலாஷைகள் மற்றும் பன்முகத்தன்மையை பிரதிபலிக்க வேண்டும். செழிப்பும் பாதுகாப்பும் சரியான திசையில் நடவடிக்கைகளை மேற்கொள்வதன் மூலம் உணரக்கூடிய சாத்தியக்கூறுடன் பின்னிப்பிணைந்துள்ளது, மேலும் முழு உலகமும் வலுவான, நெகிழ்ச்சியான மற்றும் வளமான இலங்கையிலிருந்து பயனடைகிறது. https://www.tamilmirror.lk/சிறப்பு-கட்டுரைகள்/எப்போது-மீண்டு-வரப்-போகிறது-இலங்கை/91-309015

அட்டவணையை மாற்றியுள்ளேன்! தெரியப்படுத்திய வாத்தியாருக்கும் முதல்வனுக்கும் நன்றி. வழமையான கொப்பி பேஸ்ற் வழு!

நாளை புதன் (14 டிசம்பர்) இரண்டாவது அரை இறுதிப் போட்டி நடைபெறவுள்ளது. யாழ் கள போட்டியாளர்களின் கணிப்புகள் கீழே: 78) போட்டி 62: அரை இறுதிப் போட்டி: புதன் டிச 14 7pm: பிரான்ஸ் எதிர் மொரோக்கோ (Al Bayt Stadium, Al Khor) - 4 புள்ளிகள் FRA எதிர் MAR 12 பேர் பிரான்ஸ் அணி வெல்லும் எனக் கணித்துள்ளனர். எவருமே போட்டியில் உள்ள மொரோக்கோ வெல்லும் எனக் கணிக்கவில்லை. ஆட்டத்தில் இல்லாத வேறு நாடுகளைக் கணித்தவர்களுக்கு புள்ளிகள் கிடையாது! போட்டியாளர் பதில் ஈழப்பிரியன் FRA சுவி FRA வாத்தியார் POR பிரபா GER முதல்வன் FRA கந்தையா ENG ஏராளன் BEL சுவைப்பிரியன் SUI நுணாவிலான் FRA கல்யாணி FRA கிருபன் FRA தமிழ் சிறி FRA புலவர் FRA அகஸ்தியன் FRA வாதவூரான் GER நிலாமதி FRA பையன்26 POR எப்போதும் தமிழன் BEL குமாரசாமி GER கறுப்பி FRA நீர்வேலியான் FRA நாளைய போட்டியில் பிரான்ஸின் தயவால் யாழ்களப் போட்டியாளார்கள் பன்னிருவருக்கு அதிர்ஷ்டம் அடிக்குமா?

முதலாவது அரையிறுதிப் போட்டியின் முடிவின் பின்னர் யாழ்களப் போட்டியாளார்களின் நிலைகள்: நிலை போட்டியாளர் புள்ளிகள் 1 நீர்வேலியான் 77 2 கல்யாணி 75 3 முதல்வன் 73 4 அகஸ்தியன் 72 5 எப்போதும் தமிழன் 72 6 தமிழ் சிறி 71 7 ஏராளன் 70 8 நுணாவிலான் 70 9 ஈழப்பிரியன் 69 10 சுவைப்பிரியன் 69 11 புலவர் 69 12 வாதவூரான் 68 13 கிருபன் 67 14 வாத்தியார் 66 15 சுவி 64 16 நிலாமதி 62 17 பிரபா 58 18 குமாரசாமி 57 19 கறுப்பி 57 20 பையன்26 56 21 கந்தையா 51 சுற்று 16 ஆரம்பத்தில் இருந்து பல நாட்களாக, யாழ் களம் தடைப்பட்ட காலம் உட்பட, முதல் நிலையில் இருந்த @முதல்வன் ஐ கீழே தள்ளி @நீர்வேலியான் முதல் நிலையைப் பிடித்துள்ளார்!

இன்றைய முதலாவது அரையிறுதிப் போட்டியில் ஆர்ஜென்டினா அணி குரோசியா அணியை 3 - 0 என்ற கோல் கணக்கில் வெற்றியீட்டியது. முடிவு: ஆர்ஜென்டினா 3 - 0 குரோசியா ஆர்ஜென்டினா அணியின் வெற்றியைச் சரியாகக் கணித்த 06 பேருக்கு தலா நான்கு புள்ளிகள் கிடைக்கின்றன.

நான் குஷியாவது சமந்தாவை இப்படிப் பார்க்கும்போது!😍