யாழ்.மாவட்ட பாடசாலைகளுள் உள்புகுந்துள்ள அரசியலினால் அனைவரும் திண்டாடியே வருகின்றனர். ஏற்கனவே யாழ்ப்பாணம் இந்து மகளிர் கல்லூரி அதிபர் அமைச்சர் டக்ளஸ் தேவானந்தாவின் வேண்டுகோளின் பேரில் வடமாகாண ஆளுநர் சந்திரசிறியினால் தூக்கியடிக்கப்பட்டிருந்தார். கல்வி அதிகாரி ஒருவரது அடாவடிகளுக்கு எதிராக மாணவர்கள் பாடசாலை பணிப் புறக்கணிப்பில் ஈடுபட்டமையையடுத்தே குறித்த அதிபர் பழிவாங்கும் வகையில் தூக்கியடிக்கப்பட்டிருந்தார். குறித்த அதிகாரி அமைச்சர் டக்ளஸ் தேவானந்தாவின் நெருங்கிய உறவினராக இருந்தமையே பழிவாங்கலிற்கு காரணமாகவிருந்திருந்தது.

இதனிடையே யாழ்.வேம்படி மகளிர் உயர்தர பாடசாலை அதிபரான திருமதி இராஜினிதேவி முத்துக்குமாரன் திடீரென இடமாற்றம் செய்யப்பட்டுள்ளார். அவரது இடமாற்றத்தை எதிர்த்து கல்லூரி மாணவர்கள் இன்று கவனயீர்ப்பு ஆர்ப்பாட்டமொன்றை நடத்தியுள்ளதுடன், இடமாற்றத்திற்கு தமது கடுமையான எதிர்பையும் வெளியிட்டிருக்கின்றனர். மிக அண்மையிலேயே இப்பாடசாலைக்கான அதிபராக திருமதி இராஜினிதேவி முத்துக்குமாரன் நியமிக்கப்பட்டிருந்தார். இந்நிலையில் தற்போது அவர் மருதனார் மடம் இராமநாதன் கல்லூரியின் அதிபராக எந்த விதமான முன்னறிவித்தலுமின்றி இடமாற்றம் செய்யப்பட்டுள்ளார்.

இதனை எதிர்த்தே இன்று பிற்பகல் 2மணி தொடக்கம் கல்லூரி மாணவிகள் ஆர்ப்பாட்டத்தை மேற்கொண்டுள்ளனர். இதேவேளை இந்த திடீர் இடமாற்றத்திற்கும் அரசியல் பின்னணியிலுள்ள சிலரே காரணம் என பாடசாலை சமூகம் சுட்டிக்காட்டியுள்ளதுடன், அதிபருக்கும் அவர்களுக்குமிடையில் தொடர்ந்து முறுகல் நிலை இருந்து வந்ததாகவும் தெரிவித்துள்ளனர். எனினும் மாநகர முதல்வர் யோகேஸ்வரி பற்குணம் மற்றும் அமைச்சர் டக்ளஸ் தேவானந்தா ஆகியோரது கைப்பொம்மையாக குறித்த அதிபர் இருந்து வந்ததாக குற்றச்சாட்டுக்கள் தொடர்ச்சியாக எழுப்பப்பட்டு வந்திருந்தது. மறுபுறத்தே அவரது பணிகள் அனைத்திலும் பாடசாலை அபிவிருத்தி சங்கத்தை சேர்ந்த சுபசீலன்; எனும் நபர் நேரடியாக தலையிட்டு வந்ததாகவும் கூறபபடுகின்றது.

இக்கும்பல் காரணமாக வாரமொரு முறை அதிபர் மற்றும் சக ஆசிரியர்கள் மற்றும் பெற்றோர் தனிதனியாக பிளவு பட்டு சிறீதர் தியேட்டருக்கு அழைத்து சமரசப்படுத்தப்பட்டதாகவும் கூறப்படுகின்றது.

http://www.globaltam...IN/article.aspx

சிறு விடயங்களுக்கும் தம்முள் அடிபட்டால் - எதிரிக்கு கொண்டாட்டம் தான்!

அண்மையில் நடந்த நீச்சல் தாடாக திறப்பு விழாவின் போது, யாழ் வேம்படியில் இருந்து 4 பெண் பிள்ளைகளை நீச்சல் உடையில் வந்து நீச்சல் அடிக்க விடுமாறு அமைச்சர், வேம்படி அதிபரை கேட்டிருந்தாராம். அதற்கு, அதிபர் எமது கலாச்சாரத்துக்கு இது சரி வாராது என்று சொல்லி விட்டாரம். அதன் தாக்கமோ இது தெரியவில்லை.

எது நடக்கவேண்டுமோ அது நன்றாகவே நடக்கின்றது.