கிளிநொச்சி இரணைமடு குளத்தில் மீன்பிடித்துக் கொண்டிருந்த சாந்தபுரம் கிராம மீனவர்கள் மீது படையினர் கண்மூடித்தனமாக தாக்குதல் நடத்தியுள்ளதுடன், அவர்களது வலைகளையும் பறிமுதல் செய்துள்ளனர்.

இந்தச் சம்பவம் நேற்று அதிகாலை, இடம்பெற்றிருக்கின்றது. சம்பவம் தொடர்பில் மேலும் தெரியவருவதாவது,வளமைபோல் மீனவர்கள் தொழிலுக்குச் சென்று தொழில் ஈடுபட் டுக் கொண்டிருந்த சமயம் அங்குவந்த படையினர் மீனவர்களை கரைக்கு அழைத்து அவர்களை கடுமையாக தாக்கியுள்ளதுடன், உடனடியாக வீடுகளுக்குத் திரும்பிவிட வேண்டும்எனவும் பணித்திருக்கின்றனர்.

இதேவேளை சம்பவம் தொடர்பில் மீனவர் ஒருவர் கருத்துத் தெரிவிக்கையில், வழமை போல் 3படகுகள் குளத்தில் மீன்பிடித்துக் கொண்டிருந்தன. இந்நிலையில் காற்றினால் படையினர் விதித்திருந்த எல்லையினை படகுகள்சென்றுவிட்டன. எனினும் அது குறித்து அவதானிக்காமல் வலைகளைப் போட்டு மீனவர்கள் தொழிலில் ஈடுபட்டுக்கொண்டிருந்துள்ளனர்.

இதனை கரையிலிருந்து அவதானித்த படையினர், அந்த மீனவர்களை அக்கரைக்கு அழைத்து கடுமையாகத் தாக்கியுள்ளனர்.அதன் பின்னர் உடனடியாக வீடுகளுக்குத் திரும்பி விடவேண்டும் என எச்சரிக்கையும் செய்துள்ளனர். இந்நிலையில்மீனவர்கள் தமது வலைகளை எடுத்துக் கொண்டு செல்ல அனுமதி கேட்டிருக்கின்றனர். எனினும் அதற்கு படையினர்அனுமதிக்காத நிலையில் மீனவர்கள் வலைகளை விட்டு வீடு சென்றுள்ளதாக தெரிவிக்கப்படுகின்றது.

மேலும் சாந்தபுரம் கிராமத்தில் காவல் கடமையில் ஈடுபட்டிருந்த படைச்சிப்பாய்களே மீனவர்களை எல்லைமீற அனுமதித்தனர் என்று அவர்கள் மீதும் படை அதிகாரியொருவர் தாக்குதல் நடத்தியதாக பிரதேச மக்கள் தெரிவித்திருக்கின்றனர்.

படையினரின் இவ்வாறான தாக்குதல் சம்பவத்தில் மனக்கவலையுடன் செய்யும் தொழிலினையும் விட்டு விட்டு வீடுதிரும்பியுள்ளார்கள் இரணைமடு குளத்தினை நம்பி தொழில் செய்யும் தொழிலாளர்கள் மீது படையினர் பல்வேறு கெடுபிடிகளை மேற்கொண்டு வருகின்றமைகுறிப்பிடத்தக்கது.

http://thaaitamil.com/%E0%AE%95%E0%AE%BF%E0%AE%B3%E0%AE%BF%E0%AE%A8%E0%AF%8A%E0%AE%9A%E0%AF%8D%E0%AE%9A%E0%AE%BF-%E0%AE%87%E0%AE%B0%E0%AE%A3%E0%AF%88%E0%AE%AE%E0%AE%9F%E0%AF%81-%E0%AE%95%E0%AF%81%E0%AE%B3%E0%AE%A4/

[size=4]தமிழ் மக்கள் ஒரு தனித்துவமான இனமாக ஒன்றுபட்ட தீவுக்குள் வாழமுடியாது.[/size]