முன்னாள் திமுக அமைச்சர்கள் உள்ளிட்ட கட்சியின் முன்னணி நிர்வாகிகள் பலர் மீது அதிமுக அரசு மேற்கொண்டுவரும் கைது நடவடிக்கைகளை கண்டித்து வருகிற ஜூலை 4 ம் தேதியன்று சிறை நிரப்பும் போராட்டம் நடத்தப்படும் என்றும், மத்தியில் ஆளும் கூட்டணி ஆட்சியில் மாற்றம் ஏற்பட்டால் ஆச்சரியப்படுவதற்கில்லை என்றும் திமுக தெரிவித்துள்ளது.

திமுக முன்னணி நிர்வாகிகள் பலர் மீது அதிமுக அரசு மேற்கொண்டுவரும் கைது நடவடிக்கைகளை எதிர்கொள்வது குறித்து, இன்று கூடிய திமுக செயற்குழுவில், விவாதிக்கப்பட்டது.

கூட்ட முடிவில் திமுகவினர் மீது காவல்துறையினர் பொய் வழக்குகளை போடுவதாக கூறி அதற்கு கண்டனம் தெரிவித்து தீர்மான்ம் நிறைவேற்றப்பட்டது.

சிறை நிரப்பும் போராட்டம்

மேலும் அதிமுக அரசு மேற்கொண்டுவரும் கைது நடவடிக்கைகளை கண்டித்து வருகிற ஜூலை 4 ம் தேதியன்று சிறை நிரப்பும் போராட்டம் நடத்துவது என்றும் தீர்மானம் நிறைவேற்றப்பட்டது.

இத்தகவலை கூட்டம் முடிந்த பின்னர் செய்தியாளர்களை சந்தித்த கருணாநிதி தெரிவித்தார்.

தொடர்ந்து செய்தியாளர்களிடம் பேசிய கருணாநிதி கேள்வி ஒன்றுக்கு பதிலளிக்கும்போது, மத்தியில் ஆளும் கூட்டணி ஆட்சியில் மாற்றம் ஏற்பட்டால் ஆச்சரியப்படுவதற்கில்லை என்று தெரிவித்தார்.

மற்றொரு கேள்விக்குப் பதிலளித்த அவர், கைது செய்யப்படும் திமுகவினர் நீதிமன்றம் சென்று நியாயம் பெறுவதை தடுக்க,அவர்கள் மீது குண்டர் சட்டத்த்தின் கீழ் வழக்குப்போடுவதாகவும் குற்றம் சாட்டினார்.

தமிழக மீனவர்கள் மீது வேண்டுமென்றே இலங்கை அரசு வழக்குப்போடுவதை பொறுத்துக்கொள்ள முடியாது என்றும் கருணாநிதி தெரிவித்தார்

http://news.vikatan.com/?nid=8776#cmt241

மத்தியில் ஆளும் கூட்டணி ஆட்சியில் மாற்றம் ஏற்பட்டால் ஆச்சரியப்படுவதற்கில்லை :o

அரசியலில் எப்படி சொதப்பாமல் இருப்பது என்ற தலைப்பில் ஒரு பொத்தகத்தை வெளியிட உள்ளார் கொலைஞர் கருணாநிதி அவர்கள் இந்தநிகழ்வில் கலந்து பயன் அடைய வேண்டுகின்றோம் .