2011 SLASற்கு தெரிவானவர்களுக்கான தொடக்க விழா; யாழ். மாவட்ட செயலகத்தில் ஆரம்பம்

2011ஆம் ஆண்டு இலங்கை நிர்வாக சேவை ( SLAS) க்கு புதிதாக தெரிவு செய்யப்பட்ட தென்னிலங்கையைச் சேர்ந்தவர்களுக்கு யாழ். மாவட்டத்தில் உள்ள கிராமங்களின் கலாச்சாரம் மற்றும் மொழித் திறன் போன்றவற்றை வளர்த்துக் கொள்வதற்கான பயிற்சி நெறி இன்று வைபவ ரீதியாக ஆரம்பாகியது.

இவ் வைபவமானது இன்று யாழ். மாவட்ட செயலகத்தில் நடைபெற்றது. சிங்கள மொழி மூலம் தெரிவு செய்யப்பட்ட 123 பேர் இப் பயிற்சிக்காக யாழ்.மாவட்டத்திற்கு வருகைதந்துள்ளனர்.

அதில் 10 ஆண்களும் 103 பெண்களும் உள்ளடங்குகின்றனர். அதன் படி ஒவ்வொரு பிரதேச சபைகளுக்கும் எண்ணிக்கை அடிப்படையில் இவர்கள் அமர்த்தப்படவுள்ளனர்.

அதன்படி மருதங்கேணி, நெடுந்தீவு, காரைநகர் ஆகிய

பிரதேச சபைகளைத் தவிர மற்றைய பிரதேச சபைகளுக்கு இவர்கள் இணைக்கப்பட்டுள்ளனர்.

அதன்படி இன்றிலிருந்து எதிர்வரும் 14ஆம் திகதி வரை இவர்களது பயிற்சிகள் இங்கு மேற்கொள்ளப்படவுள்ளன.

இது போல கடந்தவருடம் 140 பேருக்கு இப் பயிற்சி நெறி இங்கு நடைபெற்றது. அத்துடன் 2011ஆம் ஆண்டில் தெரிவாகிவர்கள் பலர் கிளிநொச்சி, முல்லைத்தீவு மற்றும் மன்னார் ஆகிய மாவட்டங்களிலும் பயிற்சியை மேற்கொள்ளவுள்ளனர்.

இதேவேளை இன்றைய தினம் நடைபெற்ற வைபவத்தில் யாழ். மாவட்ட அதிகாரிகள் மற்றும் SLAS ற்கு புதிதாக இணைக்கப்பட்டவர்கள் தம்மை அறிமுகம் செய்து கொண்டனர்.

இவ் வைபவத்தில் யாழ். மாவட்ட அரச அதிபர் சுந்தரம் அருமைநாயகம், மேலதிக அரசாங்க அதிபர் ரூபினி வரதலிங்கம், இலங்கையின் நிர்வாக சேவையின் சிரேஷ்ட ஆலோசகர் சுஜன் நாணயக்கார மற்றும் யாழ். மாவட்ட பிரதேச சபை தலைவர்கள் என பலர் கலந்து கொண்டனர்.

இதில் விநோதம் என்றால் யாழ்ப்பாணத்தில் உள்ள தமிழ் அதிகாரிகள் ஆங்கிலத்தில் தங்களை அறிமுகம் செய்து கொள்ள குறித்த பயிற்சியாளர்களான சகோதர மொழியைச் சேர்ந்த அனைவரும் தமிழ் மொழியில் தங்களை அறிமுகம் செய்து கொண்டமை பெரும் வேடிக்கையாக இருந்தமை குறிப்பிடத்தக்கது.

நன்றி - உதயன் இணையம்

நல்லது புதிய தலைமுறையாவது இன பாகுபாடு மொழி வேறு பாடு இல்லாது சேவையாற்றி ஒரு புதிய பாதையை ஏற்படுத்தட்டும்