லண்டணில் அப்பாவில் ராணுவ வீரர் ஒருவர் பயங்கரவாதிகளால் கழுத்தறுக்கப்பட்டு கொலை செய்யப்பட்டார்.

ராணுவ முகாமிற்கு காரில் சென்று கொண்டிருந்த இராணுவ வீரரை வழிமறித்த பயங்கரவாதிகள் இருவர், அவரை கீழே இழுத்து போட்டு ஆட்டின் கழுத்தை அறுப்பது போல் அறுத்து கொன்றனர்.

இதை நேரில் பார்த்த இங்கிரிட் லோயா - கென்னட் என்ற பெண், பயங்கரவாதிகளிடம் சென்று எதற்காக இப்படிச் செய்தீர்கள்?'' என, கோபமாக கேட்டார்.

ஆப்கன் முஸ்லீம் இளைஞர்கள் சாவுக்கு காரணமான இங்கிலாந்து ராணுவ வீரர்களை கொல்வதே தங்கள் லட்சியம் என பதிலளித்தனர் பயங்கரவாதிகள்.

இதற்குள் அங்கு கூட்டம் கூடிவிட்டதால், பயங்கரவாதிகள் துப்பாக்கியை காட்டி கூட்டத்தினரை மிரட்டினர்.

அப்பொழுது அங்கு வந்த போலீஸார் பயங்கரவாதிகளின் காலில் சுட்டு, சுற்றிவளைத்து பிடித்தனர்.

பயங்கரவாதிகளிடம் பேச்சு கொடுத்து, அவர்களை பிடிக்க உதவியாக இருந்த பெண்ணை பலரும் பாராட்டினர்.

இதுகுறித்து தகவல் அறிந்தவுடன் பிரான்ஸ் சென்றிருந்த பிரதமர் கேமரூன் நிகழ்ச்சிகளை ரத்து செய்துவிட்டு உடனே நாடு திரும்பினார்.

உடனடியாக உயர்மட்ட குழுவை கூட்டி, ராணுவத்தினரின் கூடுதல் பாதுகாப்பிற்கான ஆலோசனைகள் குறித்து விவாதித்தார்.

இந்த சம்பவத்தால் லண்டன் முஸ்லீம்கள் தாக்கப்படும் அபாயம் இருந்ததால், மசூதிகள் மற்றும் முஸ்லிம்கள் கூடும் இடங்களுக்கும் பாதுகாப்பு அதிகரிக்கப்பட்டது.

மெரிக்காவுடன் இணைந்து, பிரிட்டன் ராணுவம், ஆப்கன் மற்றும் ஈராக்கில் தீவிரவாதிகள் எதிர்ப்பு நடவடிக்கையில் ஈடுபடுவதை கண்டித்து, இவ்வாறான தாக்குதல்கள் அடிக்கடி நடந்து வருகிறது.

 

 

http://www.thedipaar.com/new/news/news.php?id=61224

 

 

லண்டனில் இராணுவ வீரரின் கொடூர கொலை குறித்து துரித விசாரணை

 

லண்டனில் நேற்று புதன்கிழமை இராணுவத்தைச் சேர்ந்த ஒருவர் கொல்லப்பட்டதை அடுத்து, பிரிட்டிஷ் பிரதமர் டேவிட் கேமரன் அரசின் நெருக்கடி குழுவின் ஒரு அவசரக் கூட்டத்தை தலைமையேற்று நடத்துகிறார். பிரிட்டிஷ் இராணுவத்தைச் சேர்ந்த ஒருவர் மிகக் கொடூரமான முறையில் நேற்று மாலை கொல்லப்பட்டார்.  இச்சம்பவத்தை அடுத்து டேவிட் கேமரன் அவர்கள் தனது பிரெஞ்சு பயணத்தை அவசரமாக முடித்துக் கொண்டு நாடு திரும்பியுள்ளார். இந்தத் தாக்குதல் சம்பவத்தை ஒரு தீவிரவாதத் தாக்குதலாக கருதி அதிகாரிகள் விசாரணைகளை மேற்கொண்டு வருகின்றனர்.

 

லண்டனில் நேற்று நடைபெற்ற தாக்குதல் தொடர்பில் தெற்கு லண்டனில் இருக்கும் ஒரு வீட்டில் காவல்துறையினர் சோதனை நடத்தியுள்ளனர். நான்கு பேர் விசாரணைக்காக அழைத்துச் செல்லப்பட்டுள்ளனர். நாட்டின் கிழக்கே இருக்கும் லின்கன் நகருக்கு அருகே இருக்கும் ஒரு கிராமத்தில் உள்ள ஒரு வீட்டிலும் சோதனை நடத்தப்படுகிறது.

 

இஸ்லாமிய கோஷங்களை எழுப்பிய இருவரால் பட்டப் பகலில் இந்த இராணுவ வீரர் இறைச்சி வெட்டும் கத்திகள் மற்றும் கூரிய இரும்பு வெட்டறுவாள் ஆகியவற்றால் தாக்கப்பட்டார்.

 

தாக்குதலை நடத்திய பிறகு, அந்த இருவரும் தப்பியோட முயற்சிக்கவில்லை. காவல்துறையினர் வந்த போது அவர்களை நோக்கியும் இந்த இருவரும் ஓடியுள்ளனர். பின்னர் அந்த இருவரும் சுடப்பட்டு கைது செய்யப்பட்டனர்.

 

லண்டனில் நடைபெற்ற தாக்குதலுக்கு இஸ்லாமின் மீது பழி போடுவது தவறு என்று லண்டன் மேயர் போரிஸ் ஜான்சன் கூறியுள்ளார். அதே போல இத்தாக்குதலுடன் பிரிட்டனின் வெளியுறவுக் கொள்கையைத் தொடர்பு படுத்துவதும் தவறு என்று அவர் கூறியுள்ளார்.

 

மூலம்/ஆக்கம் : இணையத்தள செய்தி