மனைவியின் தங்கைக்கு கூடுதல் சீதனம் - மனைவிக்கு அடி போடுகின்றார் யாழ் அரச அதிகாரி ஒருவர் 735

[மனைவியின் தங்கைக்கு கூடுதல் சீதனம் - மனைவிக்கு அடி போடுகின்றார் யாழ் அரச அதிகாரி ஒருவர்] 2012-09-19 11:20:16 திருமணம் முடித்து 8 வருடங்கள் கழிந் நிலையில் தனது மனைவியின் தங்கைக்கு கூடுதல் சீதனம் கொடுத்து தன்னை விடத் தகுதி குறைந்த மாப்பிளைக்கு கலியாணம் கட்டி வைத்த கொதியில் மனைவி மீது தாக்குதல் நடாத்துகின்றார் யாழ்ப்பாணத்தில் முக்கிய பொறுப்பில் இருக்கும் அரச அதிகார

இத் தகவல் அந்த அதிகாரியின் மனைவியால் எமக்குத் தெரியப்படுத்தப்பட்டது. இது தொடர்பாக எமக்கு மனைவியால் வழங்கப்பட்ட கணவனின் தொலைபேசி இலக்கத்திற்கு தொடர்பு எடுத்த போது காது புளிக்கும் படியான பச்சைத் தூசண வார்த்தைகளால் எம்மீது வசை பாடினார் அவ் அதிகாரி.

இரண்டு பிள்ளைகளைப் பெற்ற குறிப்பிட்ட அதிகாரியை பின்னர் நாம் அவரது தாயின் வீட்டுக்கு சென்று அவரை வரவழைத்துக் கதைத்த பின் தற்போது அடக்கமான நிலையில் உள்ளார்.

தனது தாயாரின் தூண்டுதலின் பேரிலேயே தான் இவ்வாறு நடந்து கொண்டதாகத் தெரிவிக்கும் குறிப்பிட்ட அதிகாரி தனது மனைவியை காதலித்துத் திருமணம் முடித்தவர் என்பது குறிப்பிடத்தக்கது.

இருந்தும் அவருக்கு சீதனமாக 3 பரப்புகள் கொண்ட காணியில் வீடும் 10 இலட்சம் ரூபா காசும் வழங்கப்பட்டுள்ளது.

மனைவியின் இரு சகோதரர்கள் வெளிநாட்டில் வாழும் நிலையில் மனைவியின் இளைய சகோதரிக்கு 20 .லட்சம் ரூபா காசும் புதிதாகக் கட்டிய வீடும் சீதனமாகக் கொடுத்ததாக அவர் எமக்குத் தெரிவித்து நியாயம் கேட்டார். அத்துடன் மாப்பிளையும் சாதாரண உத்தியோகம் என்றும் பட்டதாரி இல்லை எனவும் எமக்குத் தெரிவித்த அவர் தான் திருமணம் முடித்த போது மனைவியின் பெற்றோரால் பதக்கம் சங்கிலி உட்பட ஏராளமான நகைகள் தருவதாக வாக்குறுதி தந்ததாகவும் இது இன்னமும் நிறைவேற்றப்படவில்லை எனவும் கோபத்துடன் தெரிவித்தார். குறிப்பிட்ட அதிகாரியின் அனைத்து தகவல்களும் எம்மிடம் ஒலிஇ ஒளிவடிவமாக இருக்கின்றது. எனினும் மனைவியின் வேண்டுகோளின் பிரகாரம் அதனை நாம் இங்கு பிரசுரிக்கவில்லை.

முக்கிய அரச அரச நிறுவனத்தில் பணிபுரியம் இவ் அதிகாரி அலுவலகத்தில் நல்ல பிள்ளை எனப் பெயர் எடுத்தவர் என அவரது மனைவியே எமக்குத் தெரிவித்துள்ளார். இவரது தொல்லை தாங்க முடியாது தனது பிள்ளைகள் அழுவதாகவும் வீட்டில் கடந்த இரு மாதங்களாக தொடர்ந்து சீதனத்தால் சண்டை எனவும் அதனாலேயே தான் உங்களுக்கு இதனைத் தெரியப்படுத்தியதாகவும் அவர் கவலையுன் எமக்குத் தெரிவித்துளள்ளார்.

இவர் தொடர்ந்து இனியும் தொல்லை கொடுத்தால் இவரது புகைப்படங்கள் காணொளிகள் பேஸ்புக் தகவல்களுடன் அனைத்து விடயங்களும் எம்மால் அம்பலப்படுத்தப்படும்.

நன்றி - புதியயாழ்ப்பாண இணையம்

இணையமூலம்

http://newjaffna.com/fullview.php?id=MjAxMzI=

பகிர்வுக்கு நன்றி, நொச்சி!

 

அரச அதிகாரியின் நடத்தை சரியில்லை என்பதை ஏற்றுக்கொள்ளும் அதே வேளையில் இரண்டு விசயங்கள் என்னை உறுத்துகின்றன!

 

அடுத்தவர் குடும்பத்தில் தலையிடும் அதிகாரம் 'புதிய யாழ்ப்பாணம்' இணையத் தளத்திற்கு யாரால் வழங்கப்பட்டது?

 

இரண்டாவது, பயத்தால் குடும்பங்கள் சேர்ந்திருக்கும் என நான் நம்பவில்லை!

ஒரு குடும்பத்தில் தனிப்பட்ட விடயத்தை கூட செய்தியாக்கி உள்ளார்கள்.செய்தியை பூதாகரமாக்கி குடும்பத்தை பிரிக்காமல் ஓய மாட்டார்கள் போல

ஒரு குடும்பத்தில் தனிப்பட்ட விடயத்தை கூட செய்தியாக்கி உள்ளார்கள்.செய்தியை பூதாகரமாக்கி குடும்பத்தை பிரிக்காமல் ஓய மாட்டார்கள் போல

 

இதைத்தானே அர்யுன் அண்ணா எழுதிய கதையிலும் சொன்னோம் .