பயங்கரவாதத்தை தோற்டித்து வெற்றி பெற்று ஜனநாயகத்தை போற்றும் இலங்கை போன்ற நாட்டுக்கு எதிராக மனித உரிமை மீறல் சம்பந்தமாக யோசனைகளை கொண்டு வருவது கேலிக்குரியது என மனித உரிமை ஆணைக்குழுவின் ஆணையாளர் பிரதிபா மஹநாமஹேவா தெரிவித்துள்ளார்.

 

அவர் மேலும் தெரிவிக்கையில்,

 

இலங்கைக்கு எதிராக 2013 ஆம் ஆண்டு மார்ச் மாதம் ஜெனீவா மனித உரிமை ஆணைக்குழுவில் நிறைவேற்றப்பட்ட யோசனையில் மூன்று நிபந்தனைகள் உள்ளன.

 

அதில் முக்கியமான நிபந்தனை இலங்கை நியமித்த கற்றுக்கொண்ட பாடங்கள் மற்றும் நல்லிணக்க ஆணைக்குழுவின் அறிக்கையின் பரிந்துரைகளை முழுமையான அமுல்படுத்துவது.

 

இதுவரை அந்த பரிந்துரைகளில் பெரும்பாலான பரிந்துரைகளை இலங்கை அமுல்படுத்தியுள்ளது. ஏனைய பரிந்துரைகள் நிறைவேற்றப்பட்டு வருகிறது.

 

இலங்கைக்கு எதிராக சனல் 4 தொலைக்காட்சி முன்வைத்த காணொளி குறித்தும் விசாரணை நடத்துமாறு கூறப்பட்டது.

இது குறித்து மொறட்டுவ பல்லைக்கழகத்தின் நிபுணர்கள் பல கோணங்களில் ஆய்வு செய்தனர். இதனடிப்படையில் அந்த காணொளிகள் போலியானவை என்ற முடிவுக்கு வந்தனர்.

 

இதன் பின்னர் சனல் 4 தொலைக்காட்சி போர்க்குற்றங்களை சுமத்தி மற்றுமொரு காணொளியை வெளியிட்டு அதிர்வலைகளை ஏற்படுத்த முயற்சித்தது. கெலும் மக்ரே இந்தியாவுக்கு வரவும் இடமளிக்கப்படவில்லை. எனினும் அந்த காணொளி மற்றுமொரு பொய்.

 

பொதுநலவாய நாடுகளின் மாநாட்டுக்கு மக்ரே உட்பட சனல் 4 தொலைக்காட்சியின் குழுவினர் நாட்டுக்குள் வந்தனர். அவர்கள் மேலும் ஒரு காணொளியை தயாரித்து அடுத்த மார்ச் மாதம் மனித உரிமை ஆணைக்குழுவை இலக்கு வைத்து திரையிட முயற்சிப்பார்கள் என்பதில் சந்தேகமில்லை என்றார்.

 

Edited December 21, 201312 yr by Nathamuni

 

கைத்தடி மோகன் பிரிஸ் இணைப் பிரதம நீதிபதியாகப் போட்டு, நீதித்துறையை நாறப் பண்ணியது போதாது என்று இன்னொரு கைத்தடி  பிரதிபா மஹநாமஹேவாவை இலங்கை மனித உரிமை ஆணைக்குழுவின் ஆணையாளர் ஆக பதவி பெற வைத்து நாறப் பண்ணாமல் விடுவதில்லை என்று முடிவு பண்ணியாச்சுது. 

Edited December 21, 201312 yr by Nathamuni

இவருக்கு அமைச்சு பதவி காத்திருக்கிறது.

 

 

 

 

சனல் 4வின் போர்க்குற்ற ஆதாரங்கள் போலியானவை சொல்கிறார் இலங்கை மனித உரிமை ஆணைக்குழுவின் ஆணையாளர் பிரதிபா மஹநாமஹேவா.

தற்போது முள்ளிவாய்கால் என்ற இடத்தின் பெயரைத் திகாமடுல்ல என்று சிங்களப் பெயர்சூட்டி அழைப்பதாகக் கேள்வி. அது உண்மையானால், முள்ளிவாய்கால் என்ற பெயரே போலி. அப்படி ஒரு ஊரே சிறீலங்காவில் இல்லை என சிங்களம் சொல்லும். அதற்குப் பின்னூட்டமாக இந்தியாவும் ஆமாம் போடும்.

இவர்கள் ஒத்துக்கொண்டால்

சிலவேளை  எல்லாம் அடங்கிவிடக்கூடும்

தொடர்ந்து மறுப்பதே

எமக்கு நல்லது