'நீ அக்கா தங்கையோடு பிறக்கவில்லையா? தமிழ் பெண்பிள்ளைகள் என்றால் உனக்கு என்ன கேவலமானவங்களா? முள்ளி வாய்காலில் எங்களை அழித்திட்டா எங்கடை உணர்வை அழிக்கலாம் என்று நினைக்கிறியாடா?'

கிளிநொச்சி நோக்கி சென்ற தனியார் பேரூந்தில்  பயணித்த இளம் பெண்னை பாலியல் துன்புறுத்தலிற்கு உள்ளாக்க முற்பட்ட படைச்சிப்பாய் நடுவீதியில் இறக்கிவிடப்பட்ட சம்பவம் இன்று நடந்துள்ளது. 

சிவில் உடையில் சென்ற குறி;த்த இராணுவச்சிப்பாய் தனது கைகளால் குறித்த யுவதியினை கிள்ளியுள்ளார். ஆதனை பொறுக்காத குறித்த யுவதி ஆவேசத்துடன் 'நீ அக்கா தங்கையோடு பிறக்கவில்லையா? தமிழ் பெண்பிள்ளைகள் என்றால் உனக்கு என்ன கேவலமானவங்களா? முள்ளி வாய்காலில் எங்களை அழித்திட்டா எங்கடை உணர்வை அழிக்கலாம் என்று நினைக்கிறியாடா?' என்றவாறு சரமாரியாக கொடுத்த பேச்சுக்களால் பேருந்து அதிர்ந்ததாக தெரிவிக்கப்படுகிறது.

இதற்கு பின்னர் அங்கு கூட பயணித்த இளைஞர்கள் குறித்த சிப்பாயை தாக்க தயாரான நிலையில் நடத்துனரின் உதவியுடன் சிப்பாய் நடு வழியில் இறக்கி விடப்பட்டுள்ளார். 

 

 

http://www.globaltamilnews.net/GTMNEditorial/tabid/71/articleType/ArticleView/articleId/103126/language/ta-IN/article.aspx

அப்பிடிப் போடு அரிவாளை..

எங்கட பொடிசுகளிடம் எம்பிட்டு இருந்தால் சிப்பாயை கிள்ளி கில்லி விளையாடி இருப்பாங்கள்.

அவனை இறக்கி விடும்போது நாலு சாத்து கொடுத்திருக்கவேனும்.  

எங்களவர்களும் இதில் சளைத்தவர்கள் இல்லை. 2002 இல் என்று நினைக்கிறேன். நான் யாழ்ப்பாணம் பஸ் நிலையத்திலிருந்து ஒரு இரவு நெல்லியடி நோக்கிப் போய்க்கொண்டிருந்த போது ஒரு தமிழ்ப்பெண்ணை குடிபோதையிலிருந்த யாழ்ப்பாணம் - பருத்தித்துறை தனியார் பேரூந்து நடத்துனரும் அவரது நண்பர்களும் சேர்ந்து பாலியல் தொந்தரவு செய்துகொண்டிருந்தார்கள் அவர்களில் ஒருவர் ஊமை வேறு. இருவர் ஒருவரைப் பிடித்து அந்தப் பெண்மீது வேண்டுமென்றே தள்ள அவரும் தெரியாமல் விழுவதுபோல அந்தப் பெண்மீது பாய்ந்துகொன்டிருந்தார். பஸ்ஸில் பயணித்த சிலர் இவர்களின் நடவடிக்கையைப் பார்த்து நியாம் கேட்டபோது அவர்களை அந்தக் கும்பல் தூஷண வார்த்தைகளால் திட்டித் தீர்த்துவிட்டு தமது வேலையில் மீண்டும் ஈடுபட்டது. இது கல்வியங்காட்டுச் சந்திவரை நடந்துகொண்டுவந்தது. இறுதியில் எனக்குக் கிடைத்த சீட்டில் எனது மனவிக்கு அருகில் அந்தப் பெண்ணை இருத்திவிட்டு நான் இருக்கைக்கு அருகில் நின்று கொண்டேன். வேண்டுமென்றே மனைவியுடன் சிங்களத்தில் பேசிக்கொண்டு வந்தேன். நான் சிங்களவன் என்று நினைத்துவிட்ட அந்த மூவரும் பின்னர் சற்று ஒதுங்கி நின்றார்கள். எனது கெட்ட காலம், எனது தம்பி முன்னாலிருந்து, "அண்ணா, என்ன பிரச்சின" என்று கேட்டுவிட அவர்களுக்கு உசார் வந்துவிட்டது. என்னுடன் மோதுவதற்குத் தயாராகிக் கொண்டு, என்மீதும் வந்து விழுந்தார்கள். ஒருவாறு அவர்களை தள்ளி விலத்திவிட்டு நாவலர் மடத்தடியில் இறங்கிக்கொண்டோம். இறங்கும்போது, "நீ, கொடிகாமத்தாலதான் நாளைக்கு கொழும்புக்குப் போவாய், உன்னை அப்போது பார்த்துக்கொள்கிறோம்" என்று கறுவிவிட்டுச் சென்றார்கள். அவர்களில் ஒருவரை மறுநாள் காலையில் கண்டேன். பார்த்துவிட்டு தன்பாட்டில் சென்றுவிட்டார். அவர்களில் எவருக்கும் 20 வயதுகூட இருக்காது.