சுற்றுலாத்துறை, வெளிவிவகாரம் உட்பட

ஐ.தே.கவுக்கு 14 அமைச்சுகளை

அள்ளி வழங்குகிறார் ஜனாதிபதி

கொழும்பு, ஒக்.20

ஆளும் ஸ்ரீலங்கா சுதந்திரக் கட்சிக்கும் பிரதான எதிர்க்கட்சியான ஐ.தே.கவுக்கும் இடையில் பொது இணக்கப்பாட்டுடன் செயற்படுவதற்கான உடன்பாடு எட்டப்பட்டிருப்பதை அடுத்து, ஏழு அமைச்சரவை அந்தஸ்துள்ள அமைச்சுப் பதவிகள் உட்பட பதினான்கு அமைச்சுப் பதவிகளையும், அந்த அமைச்சுகளின் பிரதி அமைச்சுப் பதவி களையும் ஐ.தே.கட்சிக்கு வழங்க ஜனாதிபதி மஹிந்த ராஜபக்ஷ முன்வந்திருக்கிறார் எனத் தெரிவிக்கப்படுகின்றது.

வெளிவிவகாரம், சுற்றுலாத்துறை போன்ற அமைச்சுகளும் பிரதிநிதி அமைச்சும் ஐ. தே.கட்சிக்கு வழங்க உத்தேசிக்கப்பட்டுள்ள அமைச்சுகளில் அடங்குகின்றன என்றும் தெரிகின்றது.

ஆளும் ஸ்ரீல.சு.க. ஐ.தே.க. இடையிலான உத்தேச உடன்பாட்டின் நகல் பிரதி ஒன்று ஐ.தே.கட்சி தரப்பினால் நேற்றுமுன் தினம் இரவு அரசுக்கு வழங்கப்பட்டதாகத் தெரிகின்றது.

அதில் சில திருத்தங்களைச் செய்ய ஜனாதிபதி மஹிந்த ராஜபக்ஷ விரும்பு கின்றார் என்றும்

ஜனாதிபதியின் விருப்புக்கு அமைவிலான திருத்தங்கள் அடங்கிய நகல் உடன் பாடு நேற்று ஐக்கிய தேசியக் கட்சிக்கு அர சுத் தலைமையால் சமர்ப்பிக்கப்பட இருந் தது என்றும் மேலும் கூறப்பட்டது.

நேற்று ஜனாதிபதியை ஐ.தே.கவின் புதிய தவிசாளராகத் தெரிவாகியிருக்கும் ருக்மன் சேன நாயக்கா சந்திக்கவிருந்தார் எனவும்

அப்போது அரசுத் தரப்பின் திருத்தத் துக்கு உட்பட்ட நகல் உடன்பாடு அரசிடம் சமர்ப்பிக்கப்பட இருந்தது எனவும் மேலும் கூறப்பட்டது.

இந்த நகல் உடன்பாடு இரு தரப்பின ராலும் இறுதியாக்கப்பட்டதும் பெரும் பாலும் எதிர்வரும் 23ஆம் திகதி திங்க ளன்று இரு கட்சிகளின் செயலாளர்களும் அதில் உத்தியோகபூர்வமாக ஒப்ப மிட்டு உறுதிப்படுத்துவர் என எதிர்பார்க்கப்படுகிறது.

உடன்பாடு கையெழுத்தாகி ஒருவார காலத்துக்குள், ஐ.தே.கவினருக்கு இட மளிக்கும் வகையில் அமைச்சரவை மறு சீரமைப்பைச் செய்வதற்கு ஜனாதிபதி உத்தேசித்திருக்கின்றார் என்றும் விடய மறிந்த வட்டாரங்கள் தகவல் வெளியிட்டன.

-உதயன்

பாவம் அநுரா பிரதமர் எண்டாங்கள் பிறகு வெளிவிவகாரமெண்டாங்கள் பின் ஒருவழியாக சுற்றுலாத்துறையை கொடுத்தாங்கள் இப்ப அந்த சுர்றுலாத்துறைகே ஆப்பா அப்ப இனி கால்நடை அபிவிருத்தியமைச்சரா???

அனுரா மட்டுமென்ன மங்களவுக்கும் மங்களம் பாடிட்டார் மகிந்த...

சுதந்திரக்கட்சி தலைமையை பறித்தது குறித்து சந்திரிக்காவுக்கு சார்பாக அறிக்கைவிட்டவர்கள் அல்லவா.

இப்போது அவர்களிருவரும் ஐதேக வுக்கும் போகமுடியாது...!

சேக் மேட்...!

ஜதேக்காவின் தகுதிக்கு மிகவும் பொருத்தமான அமைச்சுகள் தான் வெளிவிகாரம் மற்றும் சுற்றுலா. முக்கியமாக வெளிவிகார அமைச்சை ஜதேக சாதுரியமாக கைய்யாளக்கூடியது அப்படிப்பட்ட நற்பெயரும் நன்மதிப்பும்தான் சர்வதேசத்திலும் அவர்களிற்கு இருக்கு.

இந்த முடிவை அனேகமாக ராஜபக்ச சர்வதேச சக்த்திகளின் ஆலோசனை அழுத்தங்களில் எடுத்திருப்பார். சரிந்துவரும் சிறீலங்கா - சர்வதோச உறவு நிலையை திருத்தி பலப்படுத்த எடுக்கப்பட்டிருக்கும் முயற்சி.

மொத்தத்தில் எதிரி நிதானமாக செயற்பட தொடங்கிறான் இராஜதந்திரத்தில் மேலும் பலம் அடையப்போகிறான்.