செம்பகன்.. படத்தில் எழுதும் போது எழுத்துரு பருமனை..  28.. அதற்கு மேல்.. வைச்சிருந்தால்.. வாசிப்பவர்களுக்கு இலகுவாக இருக்கும். அல்லது படத்தில் எழுதப்பட்டதையும் பதிவில் இணைத்துவிடுங்கள்.   

நெடுக்காலபோவான்,  suvy,   சியோன் யாழ்வேந்தன்

ஆகியோருக்கும்  நெடுக்காலபோவான்.ஆலோசனைக்கும் நன்றிகள்.

Edited March 9, 201510 yr by Sembagan

  

 

 

 

 

 

 

 

 

 

   நீ ஒரு பக்கம் நான் ஒரு பக்கம்

நின்மதி யிழந்து கொள்ளுறோம் ஏக்கம்

இளமை இன்பத்தை  இழக்காமல் நாம்

இணைந்து வாழ்வோம் இங்கேவா கண்ணே!

Edited March 12, 201510 yr by Sembagan

நன்று.   "நாம் இணைந்து வாழ்வோம் இங்கே வா கண்ணே" என்பது சரியாக இருக்கும்.

நன்று.   "நாம் இணைந்து வாழ்வோம் இங்கே வா கண்ணே" என்பது சரியாக இருக்கும்.

 

நன்றிகள் சியோன் யாழ்வேந்தன்.   மாற்றம் செய்துள்ளேன்.

  

 

 

   ஆசை ஆசையாய்க் கட்டியவர் வெளியே

அகதியாய் அலைகிறார் இருப்பிடமின்றி

அவர்களின் வருகை அழகூட்டுமென்று

ஆண்டுகள் பலவாய்க் காத்திருக்கிறோம் இங்கே.

Edited March 12, 201510 yr by Sembagan

அழகிய கவிதை வரிகளுக்கு பொருத்தமான படம். வாழ்த்துகள்.

  

 

 

 

 

 

 

 

 

      எல்லைகளுமில்லை விசாக்களுமில்லை

எங்கு  செல்வதற்கும்  தடைகளுமில்லை

சென்ற இடங்களில் நாம் தங்காமல்

தேசத்தை நோக்கியே சிறகுவிரிப்போம்.

Edited March 15, 201510 yr by Sembagan

  

   பங்களிப்புச் செய்யார்க்கு மேடை நிகழ்வில் தீண்டாமை

பள்ளி வேறானால் பொதுத் தேர்வில் தீண்டாமை

கட்சி மாறானால் கதைப்பதிலும் தீண்டாமை - இவை

கயவர்கள் கைக்கொள்ளும் புதுவிதத் தீண்டாமை

  

 

  

  

 

   நிழல் தரும் மரமாய்

நிமிர்ந்து நிற்கும் காலம்

புகழ்பாடிப் பூரிப்புக் கொள்வார் - அது

சாய்ந்து வீழ்ந்தால் தறித்தெறிவார்

Edited March 20, 201510 yr by Sembagan

  

   பூக்களுடன் உறவாடிப் பூந்தேனைக் களவாடி

பூரிப்பாய்ப் பறந்த வண்டு வழியினிலே

மாம்பூவை  ஏமாற்றி மதுவுண்ட வேளையிலே -  அது

தன்னுள் அணைத்துத் தனிச் சிறையாக்கியதே.

மாம்பழத்துக்குள் இருக்கும் வண்டு இப்படித்தான் மாட்டிக்கொண்டதா?

நல்ல கவிதை.

  

 

 

 

 

 

 

 

 

 

      கோடைவெயிலின் கொடுமையால் தும்பி

கானகம் எங்கும் களைப்புடன் சுற்றி

தாகம்கொண்டு தடாகம் வர

தாமரைமொட்டு தாகம் தீர்த்தது.

Edited March 29, 201510 yr by Sembagan

கோடையைக் குளிர்விக்கும் கவிதை. 

வாழ்த்துகள்!

 

( தும்பி அல்லது வண்டு என்று சொல்வது வேறொன்று.  இந்தப் படத்தில் உள்ளதை தட்டாம்பூச்சி, தட்டான், தட்டாரப்பூச்சி என்று தமிழ்நாட்டில் சொல்கிறோம்.)

நன்றி seyon yazhvaendhan 

எங்கள்   பகுதிகளில்  தும்பி என்றும்  தட்டான் என்றும்    தட்டாம் பூச்சி என்றும்   அழைப்பது வழமை. 

தட்டானில் மிகப் பெரியதை தும்பித் தட்டான் என்று கூறுவதும் உள்ளது.  . இத்தட்டான்களுக்கு,

சற்கரைத் தட்டான், ஊசித்தட்டான், சீனித் தட்டான். ... இப்படிப் பல. பல பெயர்களும் வைத்திருப்பார்கள்.  

உங்களின் கருத்து என்னைத் தேடலுக்கு உட்படுத்தியது. நன்று தொடர்ந்து இணைந்து பயணிப்போம். நன்றி.

                

   

 

    உள்ளன்பு இல்லார் உறவு உறவல்ல

    உண்மை  மகிழ்வு  மல்ல  - இத்

 தகவிலார்  வாழ்வுடன் இணைவது

 தண்ணீரில் தாமரை இலை போலாகும்

Edited April 4, 201510 yr by Sembagan

  

      குளிர்காலம்  முழுதும் கூடிக்கிடந்து

வேனிற்காலம் வர வெளியே சென்றவர்

இருளாகியும்  இல்லம் திரும்பவில்லையெனில்

ஏங்கித் தவிக்கும்   இளம் பேடு.

நல்ல கவிதை நண்பரே.

 

   குளிர்காலம்  முழுதும் கூடிக்கிடந்து

வேனிற்காலம் வர வெளியே சென்றவர்

இருளாகியும்  இல்லம் திரும்பவில்லையெனில்

ஏங்கித் தவிக்கும்   இளம் பேடு.

 

திரும்பவில்லையெனில் என்ற சொல்லுக்குப் பதிலாக,

 

 திரும்பவில்லையென,  திரும்பவில்லையென்று என்ற சொற்களைப் பயன்படுத்தலாம்.

 

 

இருளாகியும்  இல்லம் திரும்பவில்லையென்

றேங்கித் தவிக்கும்   இளம் பேடு.

 

நன்றாக இருக்குமா என்று பாருங்கள்.

 

தங்கள் கருத்துக்கு நன்றி    seyon yazhvaendhan

 

திரும்பவில்லையெனில்

ஏங்கித் தவிக்கும்   இளம் பேடு.

  என் எண்ணத்துக்கு பொருத்தமாக இருக்கிறது.

 

அப்படியென்றால் சரி தோழரே!

நன்றி  தோழரே!

 

வண்டொன்று எனைச் சுற்றி வட்டமிட

வனிதையர் தூதோவென நானெண்ணி

மெல்ல அதனருனே காதை நீட்ட

கடித்து  விசமேற்றிப் பறந்ததுவே

Edited April 15, 201510 yr by Sembagan

நீங்கள் பாட்டுக்குப் படம் தயார் செய்கிறீர்களா, அல்லது படத்துக்குப் பாட்டு எழுதுகிறீர்களா?   இந்தக் கவிதை முதல் வகை போலத் தோன்றுகிறது.  நன்று.

seyon yazhvaendhan  நீங்கள் கூறுவது உண்மை.

சங்க காலத்தில் அன்னத்தைத் தூதுவிட்டார்கள். நாரையைத் தூது விட்டார்கள் என்று அறிய முடிகிறது. அவ்வகையில் பூங்காவில் நின்றபோது ஒரு குளவி என்னைச் சுற்றி வட்டமிட. யாராவது தூது அனுப்பினார்களோ என்று  என்னுள் ஒரு நப்பாசை.   படம் எடுக்க முடியவில்லை. படத்தைச் சேர்த்தேன். நன்றி உங்கள் ஆய்வுக்கும் கருத்துக்கும். .