இறந்த பின்பும் மகளுக்கு பிறந்தநாள் வாழ்த்து: சொர்க்கத்தில் இருந்து ரசிக்கும் தந்தை [ ஸ்கொட்லாந்தில் தந்தை ஒருவர் இறந்த பின்னும், தனது அன்பு மகளுக்கு பிறந்த நாள் வாழ்த்துகளை தெரிவித்து வருகிறார்.

ஸ்கொட்லாந்தில் உள்ள Uphall என்ற சிறு நகரில் வசித்து வந்த Bruce McCulloch மற்றும் Janet என்ற தம்பதியினருக்கு, கடந்த 2008 ஆம் ஆண்டு Zoe என்ற பெண் குழந்தை பிறந்துள்ளது.

குழந்தை பிறந்த சில வாரங்களிலேயே ப்ரூஸ் ’தோல் புற்றுநோயால்’(Skin Cancer) பாதிக்கப்பட்டார். பிறந்த குழந்தையுடன் ஆசையோடு கொஞ்சும் நேரத்தில் தனது நோயை குணப்படுத்த தீவிரமாக போராடியுள்ளார்.

ஆனால், அவரது மகளிற்கு முதலாவது பிறந்த நாள் நெருங்கிய சமயத்தில் புற்றுநோயானது எலும்பு மற்றும் மூளைக்கு பரவிவிட்டது.

தன்னுடைய மகளின் மீது உயிரையே வைத்திருந்த ப்ரூஸ், ஒரு தந்தையாக தனது மகளுடன் நீண்ட வருடங்கள் வாழ வேண்டும். தனது மகளின் ஒவ்வொரு பிறந்த நாளிலும் அவளுடன் இருக்க வேண்டும் என தீர்மானித்தார்.

Zoe-வின் முதலாவது பிறந்த நாளை கொண்டாடியதற்கு பிறகு, ப்ரூஸ் படுத்த படுக்கையாகி விட்டார். தன்னுடைய மகளின் ஒவ்வொரு பிறந்த நாளுக்கும் ஒரு தந்தை என்கிற முறையில் அவளுக்கு பிறந்த நாள் வாழ்த்து அட்டை வழங்க வேண்டும் என நினைத்தார்.

உயிருக்கு போராடிய நிலையிலும், தனது மகளை நினைத்து, அவளுடன் வாழ்ந்துகொண்டிருப்பது போலவே உருக்கமான பிறந்த நாள் வாழ்த்து அட்டைகளை எழுதினார்.

தனது மகள் 21 வயது பூர்த்தி ஆகும் வரை, அவளது ஒவ்வொரு பிறந்த நாளுக்கும் தன்னுடைய வாழ்த்து அட்டை அவளுக்கு சேர வேண்டும் என தனது மனைவியிடம் உறுதிமொழி வாங்கிக்கொண்டு இறந்துள்ளார்.

அன்புக்கணவனின் வார்த்தையை மீறாத Janet, தனது மகளின் ஒவ்வொரு பிறந்த நாளின்போதும் அவளது தந்தை உருக்கமுடன் எழுதிச்சென்ற பிறந்த நாள் வாழ்த்து அட்டையை அவளுக்கு வழங்கி வருகிறார்.

சமீபத்தில் 6 வயதை அடைந்த Zoe தனது தந்தை 6வது பிறந்த நாளிற்காக விட்டு சென்ற பிறந்த நாள் அட்டையை பிரித்து படித்து தனது தந்தை தன் மீது எவ்வளவு பாசமும் அன்பும் வைத்துள்ளார் என்பதை எண்ணி மகிழ்ந்துள்ளார்.

தனது கணவர் குறித்து பேசிய ஜெனட், என் மகளின் ஒவ்வொரு பிறந்த நாளிற்கும் எங்கள் வீட்டின் அருகில் உள்ள மலை உச்சிக்கு சென்று அந்த வாழ்த்து அட்டையை என் மகளுக்கு கொடுப்பேன்.

பின்பு, வானத்தை நோக்கி ‘நம்முடைய மகளிடம் உங்கள் வாழ்த்து அட்டையை கொடுத்து விட்டேன்’ என உரக்க கூறுவேன். இதை எனது கணவர் சொர்க்கத்திலிருந்து பார்த்து மகிழ்ச்சி அடைவதாக நம்புகிறேன் என கூறியுள்ளார்.

மேலும் Zoe மீதும், தன் மீதும் உயிரையே வைத்திருந்த தன் கணவர் இப்போது இல்லாவிட்டாலும், அவர் எங்கள் மீது காட்டிய அன்பையும், பாசத்தையும் எங்கள் உயிர் உள்ள வரை மறக்க மாட்டோம் என கண்ணீருடன் தெரிவித்துள்ளார்.

tamilwin.com

அந்தத் தந்தையின், இறுதி நாட்கள் மிகப் போராட்டமான நிலையிலும்....
தனது மகளின் மகிழ்ச்சிக்காக, நீண்ட கால பிரயோசனமான திட்டத்தை செய்துள்ளார்.
மனதை... உருக்கிய, செய்தி.
 

எங்கட ஆக்களுக்கு சொத்து பிரிக்குற வேலை இருக்கும் :icon_mrgreen:

எங்கட ஆக்களுக்கு சொத்து பிரிக்குற வேலை இருக்கும் :icon_mrgreen:

 

ஹி.... ஹீ.... ஹி....

அதெண்டால், உண்மைதான்.