எகிப்து முன்னாள் அதிபருக்கு தூக்கு....

சிறை உடைத்து தப்பிய வழக்கில் அதிரடி தீர்ப்பு.

 

கெய்ரோ: எகிப்தின் முன்னாள் அதிபர் முகமது மோர்சி, சிறையை உடைத்து தப்பிய வழக்கில் கெய்ரோ நீதிமன்றம் தூக்கு தண்டனை விதித்துள்ளது.

 

எகிப்தில் கடந்த 2011 ஆம் ஆண்டில் அதிபராக இருந்த ஹோஸ்னி முபாரக்கிற்கு எதிராக மக்கள் புரட்சி ஏற்பட்டதையடுத்து அவர் பதவியிலிருந்து நீக்கப்பட்டார். இதைத்தொடர்ந்து மோர்சி மீண்டும் ஜனநாயக ரீதியில் தேர்ந்தெடுக்கப்பட்டார்.

 

இந்த நிலையில், நாட்டை சீர்படுத்துவதற்கு மோர்சி எடுத்த சில நடவடிக்கைகளுக்கு பலத்த எதிர்ப்பு கிளம்பியதையடுத்து, அவர் பதவி விலக வேண்டும் என மக்கள் பெரும் போராட்டத்தில் ஈடுபட்டனர்.

 

இதனால் மோர்சியின் ஆதரவாளர்களுக்கும் எதிர்ப்பாளர்களுக்கும் இடையே மோதல்கள் நடைபெற்று வந்தன. போராட்டக்காரர்கள் சிறையில் அடைக்கப்பட்டு சித்ரவதை செய்து கொல்லப்பட்டனர். இதனால் பெரும் சர்ச்சை வெடித்தது.

 

இந்த நிலையில், நிலைமையை 48 மணி நேரத்திற்குள் சமாளிக்க வேண்டும் என அரசுக்கு ராணுவம் எச்சரிக்கை விடுத்திருந்தது.

 

ஆனால், ராணுவம் விதித்த கெடு முடிந்ததையடுத்து பீரங்கி உள்ளிட்ட ராணுவ வாகனங்கள் அதிபர் மாளிகையை முற்றுகையிட்டன. இதைத் தொடர்ந்து மோர்சி தலைமையிலான அரசை கவிழ்த்து விட்டு ராணுவம் ஆட்சியைக் கைப்பற்றியது.

 

இதையடுத்து போராட்டக்காரர்கள் சிறையில் கொல்லப்பட்ட வழக்கில் மோர்சிக்கு 20 ஆண்டுகள் தண்டனை விதிக்கப்பட்டது. சிறையில் அடைக்கப்பட்ட 2 நாட்களிலேயே அவர் சிறையை உடைத்து தப்பி விட்டார்.

 

சிறை உடைத்து தப்பிய இந்த வழக்கில் தான் தற்போது கெய்ரோ நீதிமன்றம் தூக்கு தண்டனை விதித்துள்ளது.

 

நன்றி தற்ஸ் தமிழ்.

 

பிந்திக் கிடைத்த, உறுதிப்படுத்தப் படாத செய்திகளின் படி...
முன்னாள் ஜனாதிபதிக்கு தூக்கு தண்டனை விதித்த,

மூன்று நீதிபதிகளும், சில மணி நேரங்களில் சுட்டுக் கொல்லப் பட்டதாக... ஒரு செய்தி தெரிவிக்கின்றது.

Edited May 17, 201510 yr by தமிழ் சிறி

மோர்ஸிக்கு மரண தண்டனை: எகிப்தில் 3 நீதிபதிகள் சுட்டுக் கொலை - 3 பேர் காயம்!
 

கெய்ரோ: எகிப்தில் நீதிபதிகள் பயணம் செய்து கொண்டிருந்த பேருந்து மீது தீவிரவாதிகள் நடத்திய துப்பாக்கிச் சூடு தாக்குதலில் 3 நீதிபதிகள் பரிதாபமாக உயிரிழந்தனர். மேலும் 3 நீதிபதிகள் காயமடைந்தனர்.

 

2011-ம் ஆண்டில் மோர்ஸியின் ஆதரவாளர்கள் சுமார் 20 ஆயிரம் பேர் சிறையை உடைத்து வெளியேறிய வழக்கில் எகிப்து முன்னாள் அதிபர் முகமது மோர்ஸிக்கும் அவரது ஆதரவாளர்கள் 100 பேருக்கும் கெய்ரோ நீதிமன்றம் நேற்று மரண தண்டனை விதித்தது. இந்தத் தீர்ப்பால் எகிப்தில் பதற்றமான சூழ்நிலை உருவானது.

 

மோர்ஸியின் ‘முஸ்லிம் சகோதரர்கள்' கட்சியினர் ஆங்காங்கே போராட்டத்தில் ஈடுபட்டு வருகின்றனர். இந்நிலையில் மோர்ஸிக்கு மரண தண்டனை தீர்ப்பு வழங்கப்பட்ட சில மணி நேரத்தில் சினாய் பகுதியில் அல் ஆரிஷ் நகரில் நீதிபதிகள் சென்ற பஸ்ஸை குறிவைத்து மர்ம நபர்கள் துப்பாக்கிச் சூடு தாக்குதல் நடத்தினர்.

 

இதில், பேருந்தில் இருந்த 3 நீதிபதிகள் உயிரிழந்தனர். மேலும் காயமடைந்த 3 நீதிபதிகள் சிகிச்சைக்காக மருத்துவமனையில் சேர்க்கப் பட்டுள்ளனர். இந்தத் தாக்குதலுக்கு இதுவரை எந்த அமைப்பும் பொறுப்பு ஏற்கவில்லை.

 

மோர்ஸிக்கு மரண தண்டனை விதிக்கப்பட்டதை கண்டித்து இத்தாக்குதல் நடைபெற்றிருக்கலாம் என போலீசார் சந்தேகிக்கின்றனர். ஆனால், தாக்குதல் நடந்த பகுதி ‘அன்சார் பெய்ட் எல் மக்தஸ்' என்ற தீவிரவாத குழுவின் ஆதிக்கம் மிக்க பகுதியாகும். இந்த அமைப்பு ஐஎஸ் தீவிரவாத அமைப்புக்கு ஆதரவானது.

 

நன்றி தற்ஸ் தமிழ்.

ஐனநாயகத்த தலைக்க செய்யுறம், பிடுங்கிறம் எண்டு, எகிப்தின் முபாரக்கையும், லிபியாவின் கடாபியையும், ரியுனீசிய தலைமையையும், சதாமையும் வீழ்த்தி வேலில போற ஓணான பையில போட்டுட்டு, இப்ப தீவிரவாதம் குத்துது, அகதிகள் வருவது குடையிது எண்டால்.....

Edited May 17, 201510 yr by Nathamuni