தேர்தலுக்காக தேசியம் பேசுவது தற்போதும் தமிழ் அரசியலில் நடந்துகொண்டிருக்கும் விடயமாகும் என தமிழ் தேசிய மக்கள் முன்னணி மற்றும் அகில இலங்கை தமிழ் காங்கிரஸ் கட்சியின் வன்னி தேர்தல் தொகுதி முதன்மை வேட்பாளர் சி.கஜேந்திரகுமார் தெரிவித்தார்.

தேர்தலில் தமது நிலைப்பாடு தொடர்பாக வவுனியா முதலாம் குறுக்குத்தெருவில் உள்ள வேட்பாளரின் இல்லத்தில் இடம்பெற்ற ஊடகவியலளார் சந்திப்பின் போதே அவர் இவ்வாறு தெரிவித்தார்.

தொடர்ந்தும் கருத்து தெரிவித்த அவர்,

எமது 60 வருட போராட்டத்தில் அகிம்சை ஆயுதம் என்ற போராட்டங்கைள சந்தித்து முள்ளிவாய்கலில் இடம்பெற்ற நிகழ்வுகளுக்கு பின்னர் எமது மக்கள் தீர்வு கிடைக்கும் கிடைக்கும் என்ற நம்பிக்கை ஏமாற்றப்பட்டு வரும் சூழலிலே நாம் இத்தேர்தலில் போட்டியிடுகின்றோம்.

தமிழ் தேசியத்திற்காக உருவாக்கப்பட்ட கட்சி இன்று அதனுடைய கொள்கையில் இருந்து விலக்கிச் செல்வதனால் இளம் தலைமைத்துவத்தை கொண்ட எமது கட்சி இத் தேர்தலை சந்திக்கின்றது.

இந் நிலையில் வடக்கில் தமிழ் தேசிய அரசியலில் இளைஞர்களையும், பெண்களையும் அதிகமாக கொண்ட கட்சியாக தமிழ் தேசிய மக்கள் முன்னணி விளங்குகின்றது. இன்று இளைஞர்கள் அரசியலில் வர விரும்புகின்றார்கள். ஆனால் ஓயவு பெறுபவர்களுக்கே இன்று சில கட்சிகள் சந்தர்ப்பத்தை வழங்கி வருகின்றது.

அதற்கும் அப்பால் போதைவஸ்துக்களுடன் தொடர்புடையவர்கள் அரசியலில் இருந்து ஓரங்கட்டப்படவேண்டும். குறிப்பாக கடந்த பாராளுமன்றத்தில் பலர் போதைப்பொருள் கடத்தலுடன் சம்பந்தப்பட்டவர்கள் இருந்துள்ளார்கள். எனவே நல்லதொரு சமூகத்தை உருவாக்க பாராளுமன்றத்தில் சிறந்தவர்களும் நல்லவர்களும் இருத்தல் வேண்டும்.

இதேவேளை, கடந்த கால தேர்தல்களிலும் பட்டதாரிகளை பயன்படுத்தி பட்டதாரிகளுக்கு வேலை தருவோம் என தெரிவித்து அவர்கள் தேர்தலுக்காக பயன்படுத்தப்பட்டதன் பின்னர் கைவிடப்பட்ட நிலை காணப்பட்டது.
 இந் நிலை தற்போதும் உருவாக்கப்பட்டுள்ளது. அமைச்சர் ஒருவர் பட்டதாரிகளுக்கு வேலை வாய்ப்பை வழங்க தன்னால் முடியும் என்ற ஆசையை காட்டி தேர்தல் கடமையை செய்விக்கின்றார்.

இந் நிலையில் எமது பட்டதாரிகள் கற்றவர்கள் அவர்கள் எமது உரிமை போராட்டம் எதற்காக ஆரம்பிக்கப்பட்டது. உறவுகளின் உயிரிழப்புகள் ஏன் ஏற்பட்டது என்பது தொடர்பிலும் சிந்தித்து பார்க்கவேண்டும. வெறுமனே ஏமாற்றுபவர்களுக்கு பின்னால் சென்று எமது பட்டதாரிகளும் ஏமாற்றப்படுகின்றமை கவலையளிக்கின்றது என தெரிவித்தார்.

 

http://www.pathivu.com/news/41824/57//d,article_full.aspx

அதுக்காகத்தானே விண்ணணியும் பெயரிலை தமிழ் தேசிய முன்னணி எண்டு தேசியத்தை ஒட்டவைச்சிருக்கு! விண்ணர் இப்ப புதுக் கதை விடுறார்!