‘‘போர்க்குற்றம் புரிந்தோரை பாதுகாப்பது மிலேச்சத்தனம்’’

 

 

 Share

•  
•  
•  
•  
•  

போர்க்­குற்­றம் பற்­றிய விளக்­கம்

கேள்வி: போர்க் ­குற்­றம் என்­றால் என்ன?
பதில்:வெற்றி ஒன்றை நோக்கி இரு தரப்­பி­னர் போர் செய்­யும்­போது அந்­தப் போர் எவ்­வாறு முன்­னெ­டுக் கப்­பட வேண்­டும் என்று பன்­னாட்­டுச் சமூ­கத்­தால் ஏற்­றுக்­கொள்­ளப்­பட்ட வழி­முறை ஒன்று உண்டு.அந்த வழி­மு­றைக்கு அமை­வா­கவே போர் முன்­னெ­டுக்­கப்­பட வேண்­டும். இந்த விதிமுறைகளுக்கு முரணான நடவடிக்கை களைச் செய்­தால் அது போர்க்­குற்­ற­மா­கும்.

போர்க்­குற்­ற­த்துக்கான பொறுப்பு எவரிடம்?

கே:இரா­ணு­வத்­தின் பக்­கம் போர்க்­குற்­றம் நிகழ்த்­தப்­பட்­டால், அரசா அல்­லது படை­யி­னரா அல்­லது படை­ யி­ன­ருக்கு ஆலோ­சனை வழங்­கு­வோரா அல்­லது படை­யி­னரை வழி­ந­டத்­து­ப­வர்­களா போர்­குற்­றத்­துக்­கான பொறுப்பை ஏற்க வேண்­டும்?

ப: முத­லில் யார் அதற்­கான ஆலோ­ச­னையை வழங்­கி­னார்­களோ அவர்­களே பொறுப்பை ஏற்க வேண்­டும்.

கே: போரை வழி­ந­டத்­தும் அதி­காரி எந்தளவு பொறுப்பை ஏற்க வேண் டும்?

 

ப: சில நேரங்­க­ளில் இரா­ணு­வத் தள­ப­திக்­குத் தெரி­யா­மல் கீழ்­மட்­டத்­தில் இருந்து படை­யி­ன­ருக்கு உத்­த­ரவு வழங்க முடி­யும்.அப்­படி உத் த­ரவு வழங்­கப்­பட்­டால்
அதற்­கான பொறுப்பை அந்­தக் கீழ்­மட்ட அதி­கா­ரியே ஏற்க வேண்­டும். மற்றும்படி போரை வழிநடத்தும் அதிகாரிக்கே கூடுதல் பொறுப்பு.

கே:அப்­ப­டி­யென்­றால் அந்த அதி­காரி தனிப்­பட்ட முறை­யில் போர்க்­குற்­றம் புரிந்து அந்­தப் போர்க்­குற்­றத்தை அரசு கவ­னத்­தில் எடுக்­கா­மல் இருந்­தால் ஏழு வரு­டங்­கள் கழித்து அந்­தக்­குற்­றம் தொடர்­பில் அர­சாலோ உங்­க­ளாலோ விட்டு விலக முடி­யுமா?

ப:ஆம்.சில நேரங்­க­ளில் அது­பற்றி அறிந்­தி­ரா­மல் இருந்­தி­ருந்­தால் அந்­தப் பொறுப்­பில் இருந்து விடு ப­டு­வ­தற்கு வாய்ப்­புண்டு.
போரில் என்ன நடக்­கின்­றது என்று ஓர­ள­வே­னும் அறிந்
தி­ருப்­பது தலைமை அதி­கா­ரி­யின் பொறுப்­பா­கும்.உத்­த­ரவு விடு­வ­து­போல் அவர் அது­பற்றி அறிந்­தி­ருக்­க­வும் வேண்­டும்.

காலம்­க­டந்­தா­லும்­கூட, அந்த நேரத்­தில் தலைமை வகித்த அதி­காரி அப்­போது நடந்த சம்­ப­வங்­க­ளுக்கு பொறுப்­புக்­கூற வேண்­டும்.

கே:அந்த அடிப்­ப­டை­யில் பார்க்­கும்­போது ஜகத் ஜய­சூ­ரி­யா­வுக்கு எதி­ரான போர்க்­குற்­றச்­சாட்டு உங்­கள்­மீ­தும் சுமத்­தப்­ப­ட­லாம் அல்­லவா?

ப:ஜகத் ஜய­சூ­ரி­யா­வுக்கு எதி­ராக இப்­போது பிர­செல்ஸ்­ஸில் தொடுக்­கப்­பட்
டி­ருக்­கும் போர்க்­குற்­றச்­சாட்டை எடுத்­துக்­கொண்­டால் அதில் அடங்­கு­கின்ற பல விட­யங்­க ­ளில் அவர் குற்­ற­வாளி அல்லர்.

போரின்போது விடு­த­லைப் புலி­க­ளின் இடங்­க­ளை­யும் மக்­க­ளின் இடங்­க­ளை­யும் தெளி­வா­கக் கண்­ட­றிந்து வைத்­தி­ருந் தோம். புலி­க­ளின் இலக்கை நோக்­கியே தாக்­கு­தல் நடத்­தி­னோம்.இது­போன்ற குற்­றச் சாட்டுக்­கள் படை­யி­ன­ருக்கு எதி­ராகச் சுமத்­தப்­பட்டால் அதன் பொறுப்பை நான் ஏற்­பேன்.அதற்­கான பதிலை வழங்­கு­வ­தற்­கும் நான் தயார். இதற்கு அப்­பால் வேறு­வ­கை­யான போர்க்­குற்­றச்­சாட்­டு­கள் அவ­ருக்கு எதி­ரா­கச் சுமத்­தப்­பட் டதால் அதற்­கான பொறுப்பை அவரே ஏற்க வேண்­டும்.என்­னால் ஏற்க முடி­யாது.

கே:போர்க்­குற்ற விசா­ரணை இலங்­கைக்­குள் நடத்­தப்­பட்­டால், அது தொடர்­பில் நான் சாட்­சி­ய­ம­ளிப்­பேன் என்­றும், எந்­த­வொரு படைச் சிப்­பா­யை­யும் பன் னாட்டு போர்க்­குற்ற நீதி ­மன்­றில் நிறுத்­து­வ தற்கு அனு­ம­திக்­க­மாட்­டேன் என்­றும் கூறிய நீங்­கள் தேவை­யென்­றால் ஜகத் ஜய­சூர்­யா­வுக்கு எதி­ராக போர்க்­குற்ற நீதி­மன்­றில் சாட்­சி­ய­ம­ளிக்­கத் தயார் என்று கூறி­யது ஏன்?

ப:எந்­த­வொரு படைச் சிப்­பா­யை யும் பன்னாட்டு போர்க்­குற்ற நீதி­மன்­றில் நிறுத்­து­வ­தற்கு அனு­ம­திக்­க­மாட்­டேன் என்ற நிலைப்­பாட்­டில் நான் தொடர்ந்­தும் உறு­தி­யாக இருக்­கின்­றேன்.உள்­நாட்­டில் போர்க்­குற்­றச்­சாட்­டுத் தொடர்­பில் விசா­ரணை நடத்­தப்­பட்­டால்-­­ஜ­கத் ஜய­சூ­ரியா குற்­ற­மி­ ழைத்­தி­ருந்­தால் அந்த விசா­ர­ணைக் குழு முன் தோன்றி சாட்­சி­ய­ம­ளிப்­பேன் என்றே நான் கூறி­னேன்.பன்னாட்டு போர்க்­குற்ற நீதி­மன்­றில் முன் னிலையாக மாட்­டேன்.

அரச சார்­பற்ற நிறு­வ­ன­மும் போர்க்­குற்ற வழக்­கொன்­றை தாக்­கல் செய்ய இய­லும்

கே:ஜகத் ஜய­சூ­ரி­யா­வுக்கு எதி­ராக பிர­செல்ஸ்­ஸில் போர்க்­குற்ற வழக்­குத் தாக்­கல் செய்­தி­ருப்­பது அரச சார்­பற்ற நிறு­வ­னம் ஒன்­றா­கும்.அரச சார்­பற்ற நிறு­வ­னம் ஒன்­றால் இவ்­வாறு வழக்­குத் தாக்­கல் செய்ய முடி­யுமா?

ப:ஒரு குற்­றம் தொடர்­பில் எவ­ரா­வது அறிந்­தி­ருந்­தால் அவர்­கள் அது தொடர்­பில் வழக்­குத் தாக்­கல் செய்ய முடி­யும்.இது ஒரு சாதா­ரண சட்­டம்.

கே:ஜகத் ஜய­சூ­ரி­யா­வுக்கு எதி­ராக சாட்­சி­ய­ம­ளிக்­கப் போவ­தா­கக் கூறி­ய­தும் உங்­க­ளுக்கு துரோ­கிப் பட்­டம் சூட்­டப்­பட்­டுள்­ளதே?

ப: நான் 40 வரு­டங்­கள் இரா­ணு­வத்­தில் சேவை­யாற்­றி­யுள்­ளேன்.30 வரு­டங்­கள் போர்க் களத்­தில்.அன்­றைய காலத்­தில் அநு­ரா­த­
பு­ரத்­துக்கு அப்­பால் செல்­லா­த-­­, பி­ர­பா­ க­ரன் பயங்­க­ர­வாதி என்று சொல்­வ­தற்­குக்­கூட அஞ்­சிய-, மகிந்­த­வில் தொங்­கிக்­கொண்டு அர­சி­யல் இலா­பம் தேடு­கி­ற­வர்­களே என்­னைத் துரோகி என்­கின்­ற­னர்.நாட்­டுக்கு ஆற்ற வேண்­டிய கட­மையை நான் ஆற்­றி­யுள்­ளேன்.இவர்­கள் நாங்­கள் பெற்­றுக்­கொ­டுத்த போர் வெற்­றி­யைப் பயன்­ப­டுத்தி வாழ்­கின்­ற­வர்­கள்.
இரா­ணு­வத்­தில் உள்ள சிலர் புரிந்த குற்­றங்­கள் கார­ண­மா­கவே எமக்கு இப்­போது இந்த நிலை.இவர்­க­ளால் எங்­களை போன்று நேர்­மை­யா­கப் போரில் பங்­கு­கொண்­டோர் வேதனை அடை­கி­றோம்.அர­சைக் கவிழ்ப்­ப­தற்கு முயற்சி செய்­யும் அர­சி­யல்­வா­தி­க­ளுக்கு இந்த வேதனை புரி­யாது.

கே:இப்­போ­தெல்­லாம் இரா­ணு­வத்தின­ரும் அர­சுக்கு எதி­ராக ஆர்ப்­பாட்­டம் செய்­கி­றார்­களே?

ப:நான் இரா­ணு­வத் தள­ப­தி­யா­ன­தன் பின்­னர் ஒவ்­வொரு மாத­மும் 4 ஆயி­ரம் பேர் வரை இரா­ணு­வத்­தில் இணைந்­த­னர்.அதற்கு முன்­னர் வரு­டத்­துக்கு மூவா­யி­ரம் பேரே இணைந்­த­னர்.16 ஆயி­ரம் வெற்­றி­டங்­கள் இருந்­தன.அதை நிரப்ப முடி­யா­மல் இருந்­தது.நான் அந்த வெற்­றி­டங்­களை நிரப்பி எல்­லா­மாக புதி­தாக 85 ஆயி­ரம் பேரை படை­யில் இணைத்­தேன். இந்த 85 ஆயி­ரம் பேரும் தொழி­லின்­மை­யா­லேயே இரா­ணு­வத்­தில் இணைந்­த­னர்.நாட்­டின்­மீது பற்று வைத்து அல்ல. போர்க் களத்­தில் இருந்­த­போ­தும்­கூட, தொழி­லுக்­காக இருக்­கின்­றோம் என்ற உணர்­வு­ட­னேயே இருந்­த­னர்.அவர்­கள் காய­ம­டைந்து வெளியே சென்­ற­தும் பணம் ஒன்றே அவர்­க­ளின் குறிக்­கோ­ளாக இருந்­தது. அப்­ப­டி­யா­ன­வர்­கள்­தான் என்­னைத் துரோகி என்­கின்­ற­னர்;ஆர்ப்­பாட்­டங்­கள் நடத்­து­கின்­ற­னர். சில அர­சி­யல்­வா­தி­கள் இவர்­களை பேருந்தில் ஏற்றி நாடு ­பூ­ரா­வும் கொண்டு சென்று ஆர்ப்­பாட்­டம் நடத்­து­விக்­கின்­ற­னர்.ஊழல் அர­சி­யல்­வா­தி­கள் சில­ரும், நெறி­மு­றைப்­படி ஒழு­காத தேரர்­கள் சில­ரும் இணைந்து இந்த வேலை­யைச் செய்­கின்­ற­னர்.

கே:நீங்­கள் ஏற்­க­னவே குறிப் பிட்ட விட­யங்­கள் தொடர்­பில் ஜகத் ஜய­சூ­ரிய போர்க்­குற்­றம் புரி­ய­ வில்லை என்று தெரிவித்தீர்கள்.அப்­ப­டி­என்­றால் அவர் புரிந்த போர்க்­குற்­றம் என்ன?

ப:நான் அறிந்­த­வரை கைது செய்­யப்­பட்­டி­ருந்த விடு­த­லைப் புலி உறுப்­பி­னர்­கள் சிலரை கொலை செய்­வ­தற்கு திட்­ட­மிட்­டார்-. உத்­த­ர­விட்­டார்.பொது­வான இரா­ணு­வத்­தைப் பயன்­ப­டுத்தி அவர் இதைச் செய்­ய­வில்லை.அவ­ரின் கீழ் இருந்த சில சிப்­பாய்­க ­ளைப் பயன்­ப­டுத்­தியே இதைச் செய்­தார். போர் முடிந்­த­தன் பின்­னர்­தான் அவர் இந்­தக் குற்­றத்­தைப் புரிந்­தார்.அவ­ரின் கீழ் வேலை செய்த படைச் சிப்­பாயே என்­னி­டம் இந்­தத் தக­வ­லைத் தெரி­வித்­தார்.அப்­போ­து­தான் அவ­ருக்கு எதி­ராக நான் விசா­ர­ணையை நடத்­து­வ­தற்கு நட­வ­டிக்கை எடுத்­தேன்.

ஜகத்­ஜ­ய­சூ­ரி­யவைப் 
பழி­வாங்க முயல்­வ­தாக 
குற்­றச்­சாட்டு முன்­வைப்பு

கே:நீங்­கள் அவ­ரைப் பழி­வாங்­கு­வ­தற்­கா­கவே இப்­ப­டிச் செய்­தீர்­கள் என்று சொல்­லப்­ப­டு­கி­றதே?

ப:நான் இரா­ணு­வத் தள­ப­தி­யாக இருக்­கும்­போ­து­தான் அவர் தொடர்­பில் விசா­ர­ணை­யைத் தொடங்­கி ­னேன்.அப்­போது அவர் எனக்கு எது­வித தொல்­லை­யும் இழைக்­க­வில்லை.அப்­படி இருக்­கும்­போது நான் ஏன் அவ­ரைப் பழி­வாங்க வேண்­டும்.

கே:அப்­ப­டி­யென்­றால் இரா­ணு­வம் போர்க்­குற்­றம் புரிந் துள்­ளது என்று நிரூ­ப­ண­மா­கி­றது அல்­லவா?

ப:ஒரு­வர் செய்த குற்­றச்­சாட்டை அனைத்­துப் படை­யி­னர்­மீ­தும் சுமத்த இய­லாது.அப்­ப­டி­யென்­றால் கிரு­சாந்தி குமா­ர­சு­வா­மி­யைக் கொலை செய்­தது இரா­ணு­வம் என்­றல்­லவா சொல்ல வேண்­டும்.அதற் கான தண்­டனை இரா­ணு­வத்­தி­லுள்ள அனை­வ­ருக்­கும் அல்­லவா வழங்க வேண்­டும்.

கே: போர் இடம்­பெற்று ஏழு வரு­டங்­கள் கடந்­தும், அதற்கு எதி­ராக அரசு நட­வ­டிக்கை எடுக்­கா­த­தால் போர்க்­குற்­றம் வளர்ச்­சி­ய­டை­வ­தற்கு இலங்கை அரசு ஒத்­து­ழைப்பு வழங்­கி­யுள்­ளது என்று சொல்­ல­லாமா?

ப: போர் முடிந்து ஐந்து வரு­டங்­கள் மகிந்­த­வின் ஆட்­சியே இருந்­தது கோத்தபாய மற்­றும் ஜகத் ஜய­சூ­ரியா போன்­ற­வர்­கள் அந்த ஆட்­சி­யில் இருந்த பிர­ப­லங்­கள்.ஜகத் ஜய­சூ­ரிய அவ­ரா­கவே தீர்­மா­னித்து எதை­யும் செய்­ய­வில்லை.கோத்­த­பா­ய­வின் ஆலோ­ச­னைப்­ப­டி­தான் எல்­லா­வற்­றை­யும் செய்­தார். அப்­போ­தைய அரசு இவ­ரது போர்க்­குற்­றம் தொடர்­பில் எது­வித நட­வ­டிக்­கை­ யும் எடுக்­க­வில்லை.அர­சாக இருந்­து­கொண்டு இதை பாது­காத்­த­து­போல் இப்­போது எதிர்க்­கட்­சி­யில் இருந்த்­துக்­கொண்டு இவ­ரைப் பாது­காக்­கின்­ற­னர்.படை­யி­ன­ருக்கு அவ­மா­னம் ஏற்­ப­டும் வகை­யில் ஏதா­வது இடம்­பெற்­றால் அதை மறைத்து வைப்­பது நல்­ல­தல்ல.

 

கூட்டு அரசும் போர்க் குற்றத்துக்குத் துணையா?

கே:ஆனால்,ஜகத் ஜய­சூர்­யா­வுக்கு எதி­ராக எது­வித நட­வ­டிக்­கை­யும் எடுக்­கப் போவ­தில்லை என்­றும் , பன்­னாட்டு போர்க்­குற்ற நீதி­மன்­றத்­துக்கு அவரை அனுப்­பப்­போ­வ­தில்லை என்­றும்­அ­ரச தலை­வர் தெரிவித்துள்ளார். அப்­ப­டி­யென்­றால் இந்த அர­சும் போர்க்­குற்­றத்தை மறைப்­ப­தற்கு நட­வ­டிக்கை எடுக்­கின்­றது அல்­லவா?

ப:இரா­ணு­வத்­துக்கு எதி­ராக பன்­னாட்­டுச் சமூ­கம் செயற்­ப­டு­வ­தற்கு இடம்­கொ­டுக்­க­மாட்­டேன் என்றே அரச தலை­வர் கூறி­னார்.ஆனால்,நாட்­டின் சட்­டப்­படி தவ­றி­ழைத்த இரா­ணு­வத்­தி­ன­ருக்கு நட­வ­டிக்கை எடுக்க அனு­ம­திக்­க­மாட்­டேன் என்று அவர் கூற­வில்லை.

கே:படை­யி­னர் போர்க்­குற்­றம் புரி­யவே இல்லை என்று தற்­போ­தைய இரா­ணு­வத் தள­பதி கூறி­யுள்­ளாரே?

ப:படை­யி­னர் குற்­றம் செய்­ய­வில்லை என்று எடுத்த எடுப்­பில் ஓர் இரா­ணுவ அதி­கா­ரி­யால் கூற முடி­யாது.படை­யி­ன­ரும் சாதா­ரண மனி­தர்­கள்­தான்.பிழை­கள்செ ய்­தி­ருக்க முடி­யும்.ஒரு பொறுப்பு வாய்ந்த் அதி­காரி என்ற வகை­யில் அது குறித்­துத் தேடிப் பார்த்த பின்பே பதில் கூற வேண்­டும்.

கே:நீங்­கள் இறு­தி­யா­கக் கூற விரும்­பு­வது?

ப:என்­னு­டன் வேலை செய்த இரா­ணுவ அதி­கா­ரி­கள் எவ­ரும் இரா­ணு­வத்­துக்கு கெட்ட பெயர் ஏற்­ப­டு­வதை ஒரு­போ­தும் விரும்­ப­வில்லை.இரா­ணு­வத்­தின் நற்­பெ­யரைப் பாது­காப்­ப­தற்கு அவர்­கள் தியாக மனப்­பான்­மை­யு­டன் உழைத்­த­னர்.குற்­றம் செய்­தால் தண்­டிக்­கப்­பட வேண்­டும் என்ற நிலைப்­பாட்­டி­லேயே அவர்­கள் இன்­றும் இருக்­கின்­ற­னர்.

குற்­றம் செய்­த­வர்­க­ளைப் பாது­காப்­ப­வர்­கள் வங்­கு­ரோத்து நிலை அடைந்த
அர­சி­யல்­வா­தி­கள்­தான்.என்­னைச் சிறை­யில் அடைத்­த­போது அவர்­கள் கொண்­டா­டி­னார்­கள்.போர்க்­குற்­றம் புரிந்த்த இரா­ணு­வத்­தி­ன­ரைப் பாது­காப்­ப­தற்கு முயற்சி செய்­கின்­ற­னர்.அர­சி­யல் இலா­பம் பெறு­வ­தற்­காக இவ்­வாறு செய்­கின்­ற­னர்.

பிர­பா­க­ர­னைக்­கூட இவர்­கள் விமர்­சிக்­க­வில்லை.ஆனால் என்னை துரோகி என்று கூறு­கின்­றார்­கள். இவர்­கள் நாட்­டின் நாட்டு மக்­க­ளின் நிதி­யைத் திரு­டி­ ய­தைத் தவிர இந்த நாட்­டுக்­குச் செய்­தது எது­வு­மில்லை .என்­னைத் துரோகி என்று கூறு­வ­தற்கு இவர்­க­ளுக்கு தகுதி இல்லை.இவர்­கள் படை­யி­ன­ருக்­காக ஏதா­வது செய்­தி­ருக்­கி­றார்­களா? கிடை­யாது.

நாம் போர்க் களத்­தில் சிர­மத்­தோடு செயற்­பட்ட வேளை எமக்கு ஆத­ர­வா­கக் குரல் கொடுக்­காத-, எமக்­காக எது­வும் செய்­யாத இந்த அர­சி­யல்­வா­தி­கள், இப்­போது அர­சி­யல் இலா­பத்­துக்­காக படை­யி­ன­ரின் பெயரை விற்­பதை நாங்­கள் அனு­ம­திக்­க­மாட்­டோம்

http://newuthayan.com/story/33819.html

4 hours ago, நவீனன் said:

‘போர்க்குற்றம் புரிந்தோரை பாதுகாப்பது மிலேச்சத்தனம்’’

தலைப்பை பாத்தவுடனே இதை தமிழர் சொல்லியிருக்க மாட்டினம் என்று நினைத்தது சரியா போச்சு.

ஏனென்டால் தமிழர் அகிம்சை, நாகரிகம் கருதி "மிலேச்ச" என்றெல்லாம் உண்மைகளை உரைக்கமாட்டார்கள்.