நீதிமன்­றத்­தால் தண்­டனை விதிக்­கப்­பட்ட தமிழ் அர­சி­யல் கைதி­க­ளுக்­குப் பொது­மன்­னிப்பு வழங்கி விடு­விப்­ப­தில் தனக்கு ஆட் ே­ச­பனை ஏதும் இல்லை என்று அரச தலை­வர் மைத்திரிபால சிறிசேன தமிழ்த் தேசி­யக் கூட்­ட­மைப்­பி­ன­ரி­டம் தெரி­வித்­தி­ருக்­கி­றார்.

ஆனந்த சுதா­க­ர­னின் விவ­கா­ரம் மனி­தா­பி­மான ரீதி­யில் பூதா­கா­ர­மாகி வரும் நிலை­யில் அரச தலை­வர் இந்­தக் கருத்­தைத் தெரி­வித்­தி­ருக்­கி­றார்.

தாயை­யும் இழந்து தகப்­ப­னை­யும் சிறைக்­குக் காவு கொடுத்­து­விட்­டுப் பரி­த­விக்­கும் இரு குழந்­தை­கள் தமது எதிர்­கா­லத்­திற்­கா­கத் தந்­தைக்­கா­வது பொது மன்­னிப்பு வழங்­குங்­கள் என்று ஒவ்­வொரு வாச­லாக ஏறி இறங்­கு­வ­து­டன், படிப்­பை­யும் பரீட்­சை­யை­யும் விட்­டு­விட்டு தலை­வர்­கள் ஒவ்­வொ­ரு­வ­ருக்­கும் மாறி மாறி கடி­தங்­களை எழு­தி­வ­ரு­கி­றார்­கள்.

அவர்­க­ளின் பரி­தாப நிலை­யைக் கருத்­தில்­கொண்டு மனி­தா­பி­மா­னத்­து­டன் நடந்­து­கொள்­ளுங்­கள் என்­ப­து­தான் அரச தலை­வ­ருக்கு முன்­னால் உள்ள கோரிக்கை.

ஆனால், அதற்கு நேர­டி­யா­கப் பதி­ல­ளிப்­ப­தைத் தவிர்த்­துக்­கொண்­டுள்­ளார் அரச தலை­வர் மைத்­திரி. இந்­தப் பிஞ்­சு­க­ளின் மன்­றாட்­டத்­திற்கு நேர­டி­யா­கப் பதி­ல­ளிப்­ப­தைத் தவிர்ப்­ப­தற்­காக அவர் எடுத்­துக்­கொண்­டுள்ள விட­யம் அர­சி­யல் கைதி­க­ளைப் பற்­றி­யது.

தடுப்­பில் உள்ள சில நூற்­றுக்­க­ணக்­கான தமிழ் அர­சி­யல் கைதி­க­ளில் 50க்கும் மேற்­பட்­ட­வர்­கள் தண்­டனை விதிக்­கப்­பட்­ட­வர்­கள்.

நீண்ட கால­மாக எந்­த­வித விசா­ர­ணை­க­ளும் இன்­றிச் சிறை­க­ளில் தடுத்து வைக்­கப்­பட்­டி­ருந்த பின்­னர், தொட­ரப்­பட்ட வழக்­கு­க­ளில் குற்­றஞ்­சாட்­டப்­பட்ட தமிழ் அர­சி­யல் கைதி­கள் வழங்­கி­னார்­கள் என்று சொல்­லப்­ப­டும் ஒப்­பு­தல் வாக்­கு­மூ­லங்­க­ளின் அடிப்­ப­டை­யில் அவர்­க­ளுக்­குப் பெரும் தண்­ட­னை­கள் வழங்­கப்­பட்­டுள்­ளன.

இந்த ஒப்­பு­தல் வாக்­கு­மூ­லங்­கள் பயங்­க­ர­வா­தத் தடைச் சட்­டத்­தின் கீழ் வாங்கப்­பட்­டவை என்­ப­தும், சித்­தி­ர­வதை மூலம் வாங்கப்­பட்­டவை என்­ப­தும் உல­க­றிந்த இர­க­சி­யம். அத்­த­கைய வாக்­கு­மூ­லங்­க­ளின் அடிப்­ப­டை­யி­லேயே அர­சி­யல் கைதி­கள் பல­ருக்­கும் தண்­ட­னை­கள் வழங்­கப்­பட்­டுள்­ளன.

இது­போன்­ற­தொரு ஒப்­பு­தல் வாக்­கு­மூ­லத்­தின் அடிப்­ப­டை­யி­லேயே ஆனந்த சுதா­க­ர­னிற்­கும் 99 தட­வை­கள் அனு­ப­விக்க வேண்­டிய ஆயுள் தண்­டனை விதிக்­கப்­பட்­டுள்­ளது.

அவர் உட்­பட அர­சி­யல் கைதி­க­ளின் விடு­விப்­புத் தொடர்­பில் அரச தலை­வர் மைத்­தி­ரி­பால சிறி­சேன அக்­கறை காட்­டி­னால் அது மிக­வும் வர­வேற்­புக்­கு­ரி­யது. உண்­மை­யில் ஒரு நாட்­டின் தலை­வ­ராக, இனங்­க­ளுக்கு இடை­யி­லான நல்­லி­ணக்­கத்தை விரும்­பும் தலை­வ­ராக அத்­த­கைய அக்­கறை அவரை இனங்­காட்­டும்.

ஆனால், இந்த விட­யத்­தில் மைத்­தி­ரி­யின் அக்­க­றையை அப்­படி எடுத்­துக்­கொள்ள முடி­யுமா என்று தெரி­ய­வில்லை. பூதா­கா­ர­மா­கி­வ­ரும் ஆனந்த சுதா­க­ரின் விவ­கா­ரத்தை இல­கு­வில் கிடப்­பிற்­குத் தள்­ளி­வி­டு­வ­தற்­கும், காலத்­தைத் தாம­திப்­ப­தற்­கு­மான உத்­தி­யா­கவே அரச தலை­வ­ரின் அக்­க­றை­யைப் பார்க்­க­வேண்­டி­யுள்­ளது.

இதற்கு வலு­வான கார­ண­மும் உண்டு. 2015ஆம் ஆண்டு அரச தலை­வர் தேர்­த­லில் மைத்­தி­ரி­பால சிறி­சே­னவை வேட்­பா­ள­ராக அங்­கீ­க­ரிப்­ப­தற்கு முன்­பி­ருந்து தமிழ் மக்­கள் சார்­பாக தமிழ்த் தேசி­யக் கூட்­ட­மைப்பு பல கோரிக்­கை­களை முன்­வைத்­தி­ருந்­தது.

தமி­ழர் நிலங்­களை ஆக்­கி­ர­மித்­துள்ள இரா­ணு­வத்­தி­னர் அவற்­றை­விட்டு வெளி­யே­ற­வேண் டும், வடக்கு கிழக்­கில் அள­வுக்­க­தி­க­மாக உள்ள இரா­ணு­வத்­தி­ன­ரைக் குறைத்து 1980ஆம் ஆண்­டுக்கு முன்­பி­ருந்த நிலைக்­குத் திரும்­பக் கொண்டு வர­வேண்­டும், காணா­மற்­போ­னோ­ரின் கதி என்ன என்­பதைக் கண்­ட­றி­வ­தற்கு நட­வ­டிக்கை எடுக்­க­வேண்­டும், அர­சி­யல் கைதி­கள் அனை­வ­ரை­யும் விடு­விக்­க­வேண்­டும் என்­பவை அவற்­றுள் சில.

இவை தொடர்­பாக ஆரம்­பத்­தில் அரச தரப்­பு­டன் கூட்­ட­மைப்பு சில சுற்­றுப் பேச்­சுக்­க­ளை­யும் நடத்­தி­யி­ருந்­தது. குறிப்­பாக, சிறை­க­ளில் தடுத்து வைக்­கப்­பட்­டுள்ள அர­சி­யல் கைதி­கள் தொடர்­பில் இத்­த­கைய பல சந்­திப்­புக்­கள் அரச தரப்­பு­டன் நடத்­தப்­பட்­டன.

அப்­போது, தண்­டனை விதிக்­கப்­பட்ட கைதி­கள் விவ­ரம், வழக்­குத் தொட­ரப்­ப­டாது தடுத்து வைக்­கப்­பட்­டுள்ள கைதி­கள் விவ­ரம், வழக்­குத் தொட­ரப்­பட்ட நிலை­யில் தடுத்து வைக்­கப்­பட்ட கைதி­கள் விவ­ரம் என்­ப­வற்­றைத் தாம் சட்­டமா அதி­பர் திணைக்­க­ளத்­தி­டம் இருந்து கோரி இருக்­கி­றார் என்­றும், அது கிடைத்­த­தும் அத­ன­டிப்­ப­டை­யில் முதற்­கட்­ட­மாக வழக்­குத் தொட­ரப்­ப­டா­மல் இருக்­கும் கைதி­களை உடன் விடு­விக்க நட­வ­டிக்கை எடுக்­கப்­ப­டும் என்­றும் உறு­தி­ய­ளிக்­கப்­பட்­டது.

காணா­மற்­போ­னோ­ரின் உற­வி­னர்­க­ளைச் சந்­தித்த சம­யங்­க­ளி­லும் சிறை­க­ளில் தடுத்து வைக்­கப்­பட்­டுள்ள தமிழ் அர­சி­யல் கைதி­க­ளின் பட்­டி­யலை வெளி­யி­டு­வார் என்று அரச தலை­வர் உறு­தி­ய­ளித்­தி­ருந்­தார்.

ஆனால், அந்­தப் பட்­டி­யல் இது­வ­ரை­யில் வெளி­யா­கவே இல்லை. இதனை பன்­னாட்டு மன்­னிப்­புச் சபை போன்ற மனித உரிமை அமைப்­பு­கள் பல தட­வை­கள் சுட்­டிக்­காட்­டிய பின்­ன­ரும் அந்­தப் பட்­டி­யல் வெளி­ யா­கவே இல்லை.

முன்­னாள் நீதி அமைச்­சர் விஜ­ய­தாச ராஜ­பக்­சவே இதற்­கான முட்­டுக்­கட்டை என்று சாட்­டுச் சொல்­லப்­பட்­டது. ஆனால், புதிய அமைச்­சர் பத­வி­யேற்­ற­தன் பின்­ன­ரும் அந்­தப் பட்­டி­யல் வெளி­யி­டப்­ப­ட­வில்லை.

தற்­போது தண்­டனை பெற்ற அர­சி­யல் கைதி­களை விடு­விக்க அவர்­க­ளுக்­குத் தீர்ப்பு வழங்­கிய நீதி­ப­தி­கள், சட்­டமா அதி­பர், நீதி அமைச்­ச­ரின் அறிக்கை என்­ப­வற்றை அரச தலை­வர் கேட்­டி­ருக்­கி­றார் என்று சொல்­லப்­பட்­டி­ருக்­கி­றது. இந்த அறிக்கை எப்­போது கிடைத்து, எப்­போது அர­சி­யல் கைதி­கள் விடு­விக்­கப்­ப­டு­வார்­கள் என்­ப­தைக் கட­வு­ளா­வது அறி­வாரோ என்று தெரி­ய­வில்லை.

தடுப்­பில் உள்­ள­வர்­கள் பட்­டி­யல் மாதி­ரியே காலத்­தைக் கடத்­தி­வி­டு­வ­தற்­கான உத்­தி­யா­கத்­தான் இந்த அறிக்­கை­யும் கேட்­கப்­பட்­டி­ருக்­கி­றதா என்­கிற சந்­தே­கத்­தை­யும் தவிர்க்க முடி­ய­வில்லை.

தலை­வர்­கள் உதிர்க்­கும் வார்த்­தை­களை நம்பி வெளியே மக்­கள் வழி­மேல் விழி வைத்­துக் காத்­தி­ருக்­கி­றார்­கள்.

எனவே இவ்­வாறு காலத்­தைக் கடத்­தும் வார்த்­தை­க­ளை­யும் வாக்­கு­று­தி­க­ளை­யும் கூறி அர­சி­யல் நடத்­து­வதை விட்­டு­விட்டு உண்­மையை உரைக்­கத் தலை­வர்­கள் முன்­வ­ர­வேண்­டும்.