ஜனாதிபதி ட்ரம்பின் மற்றுமொரு வெற்றி: உச்ச நீதிமன்ற நீதியரசராக கவனோக் பதவியேற்றார்!

அமெரிக்க சட்டத்தில் இறுதி முடிவை எடுக்கும் உச்ச நீதிமன்ற நீதியரசராக ப்ரெட் கவனோக் (வயது-53) பதவியேற்றுக்கொண்டார்.

அமெரிக்க செனட் சபையில் இடம்பெற்ற இறுதிக்கட்ட வாக்கெடுப்பில் வெற்றி பெற்ற அவர் நேற்று (சனிக்கிழமை) மாலை உச்ச நீதிமன்ற நீதியரசராக பதவியேற்றுக்கொண்டார். உச்சநீதின்றத்தில் இடம்பெற்ற பதவியேற்பு விழாவில், பிரதம நீதியரசர் ஜோன் ரொபேர்ட்ஸ் முன்னிலையில், அமெரிக்க அரசியலமைப்பின் மீது சத்தியம் செய்து அவர் பதவிப்பிரமாணம் செய்துகொண்டார்.

செனட் சபையில் நடத்தப்பட்ட வாக்கெடுப்பில், இந்த நியமனத்தை உறுதிசெய்வதற்கான 50 வாக்குகள் அவருக்கு கிடைக்கப்பெற்றன. எதிராக 48 வாக்குகள் கிடைக்கப்பெற்றன. அதன் பிரகாரம், உச்ச நீதிமன்ற நீதியரசராக பிரட் கவனோக் பதவிவேற்றுக்கொண்டார்.

ஒன்பது நீதியரசர்களைக் கொண்ட அமெரிக்க உச்ச நீதிமன்ற குழாமில், பிரெட் கவனோக் வாழ்நாள் நீதியரசராக செயற்படுவார்.

நாட்டின் துப்பாக்கிக் கட்டப்பாடு, குடியேற்றக் கொள்கை உள்ளிட்ட முக்கிய விடயங்கள் தொடர்பான இறுதித் தீர்மானங்களை மேற்கொள்ளும் சபையாக உச்ச நீதிமன்றம் விளங்குகின்றது.

இதேவேளை, அதிகாரம்மிக்க இப்பதவிக்கு ப்ரெட் கவனோக்கை நியமிக்கக் கூடாதென பலரும் ஆர்ப்பாட்டத்தில் ஈடுபட்டனர்.

கடந்த 1983ஆம் ஆண்டு ஏல் பல்கலைக்கழகத்தில் கல்விகற்றுக்கொண்டிருந்த காலத்தில் ப்ரெட் கவனோக் தன்னை பாலியல் ரீதியான துன்புறுத்தியதாக 53 வயதான தெபோரா ராமிஸெஸ் என்ற பெண் குற்றஞ்சுமத்தியிருந்தார். அதன் பின்னணியிலேயே கவனோக்கிற்கு எதிரான எதிர்ப்பு வலுப்பெற்றது.

எனினும், எப்.பி.ஐ. நடத்திய 11 மணித்தியால விசாரணையின் பின்னர், கவனோக்கிற்கு ஆதரவாக வாக்களிக்க செனட் சபை உறுப்பினர்கள் தீர்மானித்தனர்.

அமெரிக்க இடைக்கால தேர்தல் எதிர்வரும் நவம்பர் மாதம் இடம்பெறவுள்ள நிலையில், அதற்கு முன்னர் ஜனாதிபதி ட்ரம்ப் பெற்றுக்கொண்ட பாரிய வெற்றியாக இது கருதப்படுகிறது.

புதிய நீதியரசருக்கு ஜனாதிபதி டொனால்ட் ட்ரம்ப் வாழ்த்துக்களையும் தெரிவித்துள்ளார்.

”பிரெட் கவனோக்கிற்கு எதிராக இழிவான பிரசாரங்கள் முன்வைக்கப்பட்டன. தவறான ஒருவராலேயே அவருக்கு எதிரான பிரசாரங்கள் முன்வைக்கப்பட்டன. அதில் நான் 100 வீதம் உறுதியாக உள்ளேன். எனினும், அவரை நீதிபதியாக நியமிக்க வேண்டும் என்பதில் நாம் உறுதியாக இருந்தோம்.

இந்த நிலைப்பாட்டிலிருந்து பின்வாங்காமல் வாக்களித்த அனைத்து செனட் சபை உறுப்பினர்களுக்கும் நன்றி” என அவர் குறிப்பிட்டுள்ளார்.

 

http://athavannews.com/ஜனாதிபதி-ட்ரம்பின்-மற்று/

பேசாமல் இருந்துட்டு, இருவது, முப்பது வருசத்துக்கு பிறகு கிளம்பி வந்து செய்யும், இந்த பாலியல் பலாத்கார, லொல்லுத்தனங்கள், உண்மையாகவே பாதிப்புறம் பெண்கள் வெளியே வந்து முறையிடுவதை தயக்கமுற வைக்கும்.

On 10/7/2018 at 7:40 AM, கிருபன் said:

அமெரிக்க இடைக்கால தேர்தல் எதிர்வரும் நவம்பர் மாதம் இடம்பெறவுள்ள நிலையில், அதற்கு முன்னர் ஜனாதிபதி ட்ரம்ப் பெற்றுக்கொண்ட பாரிய வெற்றியாக இது கருதப்படுகிறது.

புதிய நீதியரசருக்கு ஜனாதிபதி டொனால்ட் ட்ரம்ப் வாழ்த்துக்களையும் தெரிவித்துள்ளார்.

இனம் இனத்தை சாரும்.