தமிழ்த்தேசிய மக்கள் முன்னணியின் ஏற்பாட்டில் மாவீரர் அஞ்சலி நிகழ்வும் யாழ். மாவட்டத்தைச் சேர்ந்த மாவீரர் குடும்பங்களுக்கான மதிப்பளிப்பு நிகழ்வும் இன்று ஞாயிற்றுக்கிழமை (25-11-2018) பிற்பகல் -02.30 மணி முதல் யாழ். மாவட்ட செயலகத்திற்கு அருகில் அமைந்துள்ள வை.எம்.சி மண்டபத்தில் இடம்பெற்றது.

தமிழ்த்தேசிய மக்கள் முன்னணியின் தலைவரும், முன்னாள் நாடாளுமன்ற உறுப்பினருமான கஜேந்திரகுமார் பொன்னம்பலம் தலைமையில் இடம்பெற்ற இந்த நிகழ்வில் கடந்த கால உள்நாட்டுப் போரில் தமது இன்னுயிர்களை ஆகுதியாக்கிய மாவீரர்களுக்கு உணர்வுபூர்வ அஞ்சலி செலுத்தப்பட்டது.

இந்நிகழ்வின் போது கனடியத் தமிழர் தேசிய பேரவையின் மண்வாசனை அமைப்பின் நிதிப் பங்களிப்பில் தெரிவு செய்யப்பட்ட யாழ். மாவட்டத்தைச் சேர்ந்த 50 வறுமைக்கோட்டுக்குட்பட்ட மாவீரர் குடும்பங்களுக்குப் பெறுமதியான உலருணவுப் பொருட்களும், தென்னங்கன்றுகளும் வழங்கி வைக்கப்பட்டன.

இந்த நிகழ்வில் தமிழ்த்தேசிய மக்கள் முன்னணியின் தலைவர் கஜேந்திரகுமார் பொன்னம்பலம், தமிழ்த்தேசிய மக்கள் முன்னணியின் வட்டுக்கோட்டைத் தொகுதி அமைப்பாளரும், சட்டத்தரணியுமான க.சுகாஷ் மற்றும் தமிழ்த்தேசிய மக்கள் முன்னணியின் தேசிய அமைப்பாளரும், சட்டத்தரணியுமான விஸ்வலிங்கம் மணிவண்ணன் ஆகியோர் நினைவுரைகளாற்றினர்.

குறித்த நிகழ்வில் தமிழ்த்தேசிய மக்கள் முன்னணியின் யாழ். மாநகரசபை உறுப்பினர்கள், நல்லூர் பிரதேச சபை உறுப்பினர்கள், தமிழ்த்தேசிய மக்கள் முன்னணியின் இளைஞரணியைச் சேர்ந்த கனகசபை விஷ்ணுகாந், கட்சியின் உறுப்பினர்கள், தமிழ்த்தேசியப் பற்றாளர்கள் எனப் பலரும் கலந்து கொண்டனர்.

https://www.ibctamil.com/srilanka/80/109797

 

33 minutes ago, போல் said:

தமிழ்த்தேசிய மக்கள் முன்னணியின் ஏற்பாட்டில் மாவீரர் அஞ்சலி நிகழ்வும் யாழ். மாவட்டத்தைச் சேர்ந்த மாவீரர் குடும்பங்களுக்கான மதிப்பளிப்பு நிகழ்வும் இன்று ஞாயிற்றுக்கிழமை (25-11-2018) பிற்பகல் -02.30 மணி முதல் யாழ். மாவட்ட செயலகத்திற்கு அருகில் அமைந்துள்ள வை.எம்.சி மண்டபத்தில் இடம்பெற்றது.

எந்தக் காலத்திலும் மாவீரர் குடும்பம் கெளரவிக்கப்பட வேண்டும்.அத்துடன் அவர்களுக்கு செய்யும் உதவியைப் பார்த்து சாதாரண குடும்பங்கள் ஏங்க வேண்டும்.

21 minutes ago, ஈழப்பிரியன் said:

எந்தக் காலத்திலும் மாவீரர் குடும்பம் கெளரவிக்கப்பட வேண்டும்.அத்துடன் அவர்களுக்கு செய்யும் உதவியைப் பார்த்து சாதாரண குடும்பங்கள் ஏங்க வேண்டும். 

மாவீரர்களை எப்போதும் துதிக்கும் மனப்பான்மை இருந்தாலும், இது சரியல்ல என்றே தோன்றுகிறது.

மாவீரரர்களின் பெற்றோர்கள் கெளரவமாக வாழ்வதற்கு, உதவிகள் அளிக்கப்பட வேண்டும்.

நீங்கள் கூறியபடி உதவி அளிக்கப்பட்டால், மாவீரர்களின் குடும்பகளில் உள்ள தேடுதல், முயற்சியின்  மூலம் சமூகத்தில் தங்களை கட்டி எழுப்புதல் எனும் அடிப்படை தேடுதல்களுக்கான அவாவை மழுங்கடித்து விடும்.

அந்தக் குடும்பமும், சந்ததியும் யாரையாவது சார்ந்து வாழும் , பொதுவாக அரச சேவைகளை, மனநிலையை உருவாக்கி விடும்.