இலங்கையுடன் கூட்டுரோந்து ஒருபோதும் சாத்தியமற்றது

இலங்கை கடற்படையினருடன் இணைந்து ரோந்து நடவடிக்கைகளில் ஈடுபடும் சாத்தியம் இந்திய கடற்படைக்கு இல்லை. இவ்விவகாரம் இந்திய தரப்பினர் மத்தியில் அதிருப்தி நிலையையே தோற்றுவித்துள்ளது என்று தெரிவிக்கப்படுகின்றது.

இலங்கையுடன் இணைந்து கூட்டுரோந்து நடவடிக்கைகளில் ஈடுபடும் தீர்மானம் எதுவும் உயர்மட்டத்தில் எடுக்கப்பட்டுள்ளதா? என்ற கேள்விக்கு தமிழ்நாடு கடற்படை கொமடோர் பிலிப்வேன் ஹோல்ட்ரன் பதிலளிக்கையில்இ கூட்டுரோந்து விவகாரம் மிகவும் சிக்கலுக்குரியது. அத்துடன் கூட்டுரோந்து நடவடிக்கையில் ஈடுபடவேண்டிய தேவை இந்திய கடற்படைக்கு இல்லை. இதில் பல்வேறு விடயங்கள் தங்கியுள்ளன என்றார்.

அத்துடன் இந்த சண்டையில் நாங்கள் எதற்காக பங்குகொள்ள வேண்டும் என்றும் அவர் கேள்வி எழுப்பினார். இது குறித்து கருத்து வெளியிடுகையில்இ நாகபட்டினம் தொடக்கம் இராமேஸ்வரம் வரையில் கடல்பாதுகாப்பு ராடர்களைப் பொருத்த கடற்படை தீர்மானித்துள்ளது. இதன் மூலம் பிராந்தியம் முழுவதையும் கண்காணிக்கக் கூடியதாக இருக்கும் என்றார்.

இராமேஸ்வரம் பகுதியில் நிரந்தர கடற்படைத் தளம் ஒன்றை அமைக்கும் சாத்தியம் குறித்து கேட்டபோது அது குறித்து ஆராயப்பட்டு வருவதாகக் கூறினார். இதேவேளை தமிழக பிரதம செயலாளர் எல்.கே.திருப்பதியுடனும் இது குறித்து அவர் ஆராய்ந்துள்ளதுடன் இராமேஸ்வரம் கடற்படைத் தளத்தை மேலும் தரமுயர்த்துவது குறித்துப் பேச்சு நடத்தியுள்ளார். இலங்கையில் இந்திய அமைதிகாக்கும் படையினர் நிலைகொண்டிருந்த சமயம் இராமேஸ்வரம் கடற்படைத்தளம் அமைக்கப்பட்டது குறிப்பிடத்தக்கது.

கன்னியாகுமரி பகுதியில் இந்திய மீனவர்கள் ஐந்துபேர் சுட்டுக்கொல்லப்பட்டமை குறித்து கேட்டபோது அதற்குப் பதிலளித்த கொமடோர்வேன் ஹோல்ட்ரன் அது மிகவும் விசித்திரமானது. எனினும் அது குறித்து எம்மிடம் போதுமான தகவல்கள் உள்ளன. எனினும் ஒன்றைக் குறிப்பிட்டுக் கூறக்கூடிய அளவு சாட்சியங்கள் இல்லை என்று பதிலளித்தார்.

-வீரகேசரி

அவர்கள் பிராந்திய நலனை முன்னிறுத்தி அதற்கேற்ப சாட்சியங்களை நெறிப்படுத்தி தமது முடிவுகளை வெளியிவார்கள்.

சும்மா சொல்லக் கூடாது. சூடு கண்ட பூனைக்கு இதுதான் உதாரணமாகவிருக்கும்

Edited April 12, 200718 yr by Iraivan