மகிந்த ராஜபக்ஷ - மங்கள சமரவீர சமரச முயற்சியில் அலவி மௌலானா

சிறீலங்கா சுதந்திரக் கட்சியின் உதவித் தலைவரும், மேல் மாகாண ஆளுநருமான அலவி மௌலானா, பதவி நீக்கப்பட்ட முன்னாள் அமைச்சர் மங்கள சமரவீரவைச் சந்தித்துப் பேசியுள்ளார்.

முன்னாள் அமைச்சர்களான மங்கள சமரவீர, சிறீபதி சூரியாராச்சி ஆகியோரை அமைச்சு, மற்றும் கட்சிப் பொறுப்புகளில் இருந்து சிறீலங்கா அரசுத் தலைவர் மகிந்த ராஜபக்ஷ நீக்கிய பின்னர் சிறீலங்கா சுதந்திரக் கட்சிக்குள் பாரிய குழப்பங்களும், பிளவுகளும் தோன்றியிருந்தன.

இதனைத் தொடர்ந்து, பௌத்த துறவி ஒருவரும், அலவி மௌலானாவும் சமரச முயற்சியில் ஈடுபட்டதன் பின்னணியில் நேற்று கொழும்பில் இந்தச் சந்திப்பு இடம்பெற்றுள்ளது.

இந்தச் சந்திப்பு வெற்றிகரமாக முடிவடைந்திருப்பதாகவும், இத்தாலியில் இருந்து மகிந்த ராஜபக்ஷ நாடு திரும்பியதும், மங்கள சமரவீர நேரடியாகச் சந்திப்பதற்கு ஒழுங்கு செய்யப்பட்டுள்ளதாகவும், அலவி மௌலானா தெரிவித்தார்.

தனிப்பட்ட பயணம் ஒன்றை மேற்கொண்டு சிங்கப்பூர் சென்று, கடந்த செவ்வாய்க்கிழமை நாடு திரும்பிய மங்கள சமரவீர, பழைய கசப்பான அனுபவங்களை மறந்து மீண்டும் அரசாங்கத்தில் அங்கத்துவம் பெறுவார் என, மேல் மாகாண ஆளுநர் அலவி மௌலானா நம்பிக்கை தெரிவித்துள்ளார்.

சிறீலங்கா அரசுத் தலைவர் மகிந்த ராஜபக்ஷவின் உத்தரவுக்கு அமைவாக, சிறையில் அடைக்கப்பட்டுள்ள மற்றொரு முன்னாள் அமைச்சரான சிறீபதி சூரியாராச்சி மீது குற்றப்பத்திரிகை தாக்கல் செய்த கட்சியின் பொதுச் செயலாளர் மைத்திரிபால சிறீசேன, மங்கள சமரவீர மீது அதனைத் தாக்கல் செய்யவில்லை என்பது குறிப்பிடத்தக்கது.

இதேவேளை, ஐக்கிய தேசியக் கட்சியின் உறுப்பினர்கள் அங்கிய குழுவொன்று, வெலிக்கடை சிறையில் தடுத்து வைக்கப்பட்டுள்ள சிறீலங்கா சுதந்திரக் கட்சியின் முன்னாள் அமைச்சர் சிறீபதி சூரியாராச்சியைச் சந்தித்துப் பேசியுள்ளனர்.

- சூரியன்

மகிந்துவும், மங்களமும் அரசியல் ஊடல் முடிந்து இப்போது திரும்பவும் உடலுறவிற்கு தயாராகின்றனர் போல இருக்கின்றது?

அலவி மௌலானா அரசியலில் நன்றாக மாமா வேலை பார்ப்பார் என்று உலகத்திற்கே தெரியும்!

மகிந்துவும், மங்களமும் அரசியல் ஊடல் முடிந்து இப்போது திரும்பவும் உடலுறவிற்கு தயாராகின்றனர் போல இருக்கின்றது?

சீசீ..மாப்பு. அசிங்கமாகப் பேசப்படாது! ஆனாலும் கருத்துச் சரி தான். அலவி பல்லாண்டு அனுபவம் பெற்ற அரசியல் மாமா தான். நான் நினைக்கிறேன், இவர் சமரசம் செய்யும் போது தன்னை உதாரணமாகக் காட்டுவார் போல.." என்னைப் பார்! முஸ்லிம் மக்களை யார் கொன்றாலும், யார் என்னைக் காறித்துப்பினாலும் கட்சியையோ பதவியையோ நான் ரோசத்துடன் தூக்கியெறிந்ததேயில்லை!"