நம்பிக்கையில்லாப் பிரேரணை ; த.தே.கூ.வின் இறுதி தீர்மானம் நாளைமறுதினம்

(ஆர்.யசி )

அரசாங்கத்திற்கு எதிரான நம்பிக்கையில்லா பிரேரணையை ஆதரிப்பதா இல்லையா என்பது குறித்து தமிழ் தேசிய கூட்டமைப்பு நாளைமறுதினம் இறுதித் தீர்மானம் எடுக்கவுள்ளது. 

அரசாங்கத்திற்கு எதிராக நம்பிக்கையில்லா பிரேரணையை மக்கள் விடுதலை முன்னணி கொண்டுவர்ந்துள்ள நிலையில் நாளையும் நாளை மறுதினமும் நம்பிக்கையில்லா பிரேரணை மீதான விவாதம் நடத்தி நாளைமறுதினம் வாக்கெடுப்பை நடத்தவும் தீர்மானிக்கப்பட்டுள்ளது. 

இந்த நம்பிக்கையில்லா பிரேரணைக்கு ஆதரவாக  ஜே.வி.பியுடன் பிரதான எதிர்க்கட்சியான மஹிந்த தரப்பினரும் வாக்களிக்கவுள்ளனர். 

இந்நிலையில் தமிழ் தேசிய கூட்டமைப்பு தமது நிலைப்பாடு என்ன என்பதை நாளைமறுதினம் (11ஆம் திகதி) தீர்மானிக்கும். 

கடந்த திங்கட்கிழமை பிரதமர் ரணில் விக்கிரமசிங்கவுடன் நடத்திய பேச்சுவாரத்தையின் போது தமிழ் தேசிய கூட்டமைப்பின் ஆதரவு தமக்கு வேண்டும் என பிரதமர் நேரடியாக ஆதரவை கேட்டிருந்தார். 

எனினும் தமிழ் தேசிய கூட்டமைப்பு தமது நிலைப்பாடு குறித்து இன்னமும் தீர்மானம் எடுக்கவில்லை என்பதை கூறியதுடன் தமது பாராளுமன்ற குழுக் கூட்டத்தில் பேசி தீர்மானம் எடுக்கப்படும் என கூறியிருந்தனர். அதற்கமைய இன்று காலை தமிழ் தேசிய கூட்டமைப்பு பாராளுமன்ற குழு கூடியது. 

இதன்போது தாம் எவ்வாறு செயற்பட வேண்டும் என்பதை தமிழ் தேசிய கூட்டமைப்பின் தலைவர் இரா சம்பந்தன் தெளிவுபடுத்தியிருந்தார். எனினும் தாம் ஆதரிப்பதா இல்லையா என்பது கூறித்து இறுதி தீர்மானம் ஒன்றினை எடுக்கவில்லை. இந்நிலையில் நாளைமறுதினம் வியாழக்கிழமை காலை மீண்டும் தமிழ் தேசிய கூட்டமைப்பை பாராளுமன்ற குழுக் கூட்டம் கூடி தமது இறுதி தீர்மானத்தை எடுக்கவுள்ளதாக தீர்மானித்துள்ளனர். 

 

https://www.virakesari.lk/article/60117

2 hours ago, கிருபன் said:

இந்நிலையில் தமிழ் தேசிய கூட்டமைப்பு தமது நிலைப்பாடு என்ன என்பதை நாளைமறுதினம் (11ஆம் திகதி) தீர்மானிக்கும். 

அது கூட்டமைப்பிலுள்ள ரணிலின் கைக்கூலிகளால் ஏற்கனவே தீர்மானிக்கப்பட்ட ஒன்று!

கடந்த மாதம் வடகிழக்கில் தமிழரை இம்சைப்படுத்திய அவசரகால சட்டத்தை எதிர்த்து வாக்களிக்க பாராளுமன்றத்துக்கு செல்லாத கூட்டமைப்பிலுள்ள எட்டப்பர்கள் தவறாமல் சமூகமளித்து தங்கள் அடிமைப் புத்தியை காட்டுவர்.  

இவர்களின் போலி முகங்கள் இந்த வாக்களிப்பில் மீண்டும் வெளிப்படும்.

ரணிலைத் தவிர வேறு எவரையாவது கணக்கில் எடுப்பது நன்மை பயக்கும்.

 மகிந்தவை கணக்கில் எடுத்ததால் விடுதலை ஒரு ஐம்பது வருடமளவில் பின் சென்றிருக்கலாம்; ரணிலை கணக்கில் எடுத்திருந்தால் அது பல மடங்காக பின்னகர்ந்திருக்கும்.