ஹொங்கொங்கில் ஜனநாயககோரிக்கைகளை முன்வைத்து போராட்டத்தில் ஈடுபட்டுள்ள நூற்றுக்கணக்கான ஆர்ப்பாட்டக்காராகள் ஹொங்கொங்கின் சர்வதேச விமானநிலையத்திற்குள் மூன்று நாள் முற்றுகை போராட்டத்தை ஆரம்பித்துள்ளனர்.

வெள்ளிக்கிழமை மதியம் முதல் கோசங்களை எழுப்பியவாறு ஆர்ப்பாட்டக்காரர்கள் சர்வதேச விமானநிலையத்தின் உட்பகுதிக்குள் நுழைந்து வருகின்றனர்.

மேலும் விமானநிலையத்தில் காணப்படும் சுற்றுலாப்பயணிகளிற்கு தங்கள் நிலைப்பாட்டை வெளிப்படுத்தி வரும் ஆர்ப்பாட்டக்காரர்கள் துண்டுபிரசுரங்களையும் வழங்கி வருகின்றனர்.

உலகின் மும்முரமான விமானநிலையங்களில்ஹொங்கொங்  ஒன்று என்பது குறிப்பிடத்தக்கது.நாளாந்தம் ஆயிரத்திற்கும் அதிகமான பயணிகள் இந்த விமானநிலையத்தை பயன்படுத்துகின்றனர்.இதுதவிர 200 நகரங்களிற்கான விமானசேவைகளும் இடம்பெறுகின்றன.

ஹொங்ஹொங்கில் கடந்த சில வாரங்களாக தொடர் ஆர்ப்பாட்டங்கள் இடம்பெற்றுவரும் நிலையிலேயே விமானநிலைய முற்றுகை போராட்டம் இடம்பெறுகின்றது.

சந்தேகநபர்களை சீனாவிற்கு நாடு கடத்தும் சட்டமூலத்திற்கு எதிராக ஆரம்பமான ஆர்ப்பாட்டங்கள் தற்போது ஜனநாயக கோரிக்கைகளாக விரிவடைந்துள்ளன.

 

 

https://www.virakesari.lk/article/62332

 

தொடரும் போராட்டத்தை சீனாவின் இராணுவம் பலம் கொண்டு அடக்க முனையுமா ?
அப்படி முனைந்தால் அது சர்வதேச மட்டத்தில், குறிப்பாக பொருளாதார ரீதியாக என்ன தாக்கங்களை, எதிர்வலைகளை உருவாக்கும்? 

 

ஹாங்காங்கில் தொடர்போராட்டம் எதிரொலியாக விமானங்கள் அனைத்தும் ரத்து

சென்ட்ரல்: ஹாங்காங்கில் தொடர்போராட்டம் நடைபெற்று வருவதால் அங்கிருந்து புறப்பட வேண்டிய விமானங்கள் அனைத்தும் ரத்து செய்யப்பட்டுள்ளது. குற்றவாளிகளைப் பரிமாற்றம் செய்வதற்கான சட்டத்திருத்த மசோதாவை ஹாங்காங் நிர்வாகம் கடந்த சில நாட்களுக்கு முன்னர் கொண்டு வந்தது. இதன்மூலம், ஹாங்காங்கில் குற்ற வழக்குகளில் சிக்குபவர்கள் சீனாவுக்கு நாடு கடத்தி விசாரிக்கப்படுவார்கள். ஆனால், சட்டத் திருத்த மசோதாவுக்கு ஹாங்காங் எதிர்க்கட்சியினரும் பொதுமக்களும் கடும் எதிர்ப்பு தெரிவித்துப் போராட்டத்தில் இறங்கினர். கடந்த சில நாட்களுக்கு முன்னர் ஆயிரக்கணக்கானோர் ஹாங்காங் வீதிகளில் போராட்டத்தில் இறங்கினர். அவர்கள் மீது போலீஸார் தடியடி நடத்தினர். இதனால் ஹாங்காங்கில் பதற்றம் ஏற்பட்டது.

http://www.dinakaran.com/News_Detail.asp?Nid=517536