மக்கள் வங்கியை விற்கப்போவதாக எதிர்க்கட்சியினர் தெரிவிப்பதில் எந்த உண்மையும் இல்லை ; துஷார இந்துனில்

ஆர்.யசி,எம்.ஆர்.எம்.வஸீம் )

மக்கள் வங்கியின் நற்பெயரை பாதுகாத்து மேலும் வலுப்படுத்தும் நோக்கிலே வங்கியின் சட்டத்தில் திருத்தங்களை மேற்கொள்கின்றோம். மாறாக மக்கள் வங்கியை விற்கப்போவதாக எதிர்க்கட்சியினர் தெரிவிப்பதில் எந்த உண்மையும் இல்லை என ஐக்கிய தேசிய கட்சி உறுப்பினர் துஷார இந்துனில் தெரிவித்தார்.

பாராளுமன்றத்தில் இன்று மக்கள் வங்கி(திருத்தச்) சட்டமூலம் மீதான விவாதத்தில் கலந்துகொண்டு உரையாற்றுகையிலேயே இவ்வாறு குறிப்பிட்டார்.

அவர் அங்கு தொடர்ந்து தெரிவிக்கையில்,

மக்கள் வங்கி சட்டத்தில் திருத்தங்களை மேற்கொண்டு வங்கி நடவடிக்கைகளை உறுதிப்படுத்தும் திட்டத்திலே அரசாங்கம்  நடவடிக்கை எடுத்துவருகின்றது. 

ஆனால் இந்த நடவடிக்கையை எதிர்க்கட்சி பிழையாக மக்கள் மத்தியில் பிரசாரம் செய்து வருகின்றது. அதனால் மக்கள் வங்கி ஊழியர்கள் மதியபோசணை நேரத்தில் நேற்று எதிர்ப்பு போராட்டத்தில் ஈடுபட்டுள்ளனர்.

அத்துடன் வங்கி திருத்தச்சட்ட மூலம் தொடர்பில் பிழையான கருத்தை தெரிவித்து வங்கி ஊழியர்கள் மற்றும் வங்கியில் கணக்கு வைத்திருக்கும் கணக்காளர்கள் மத்தியில் வங்கி தொடர்பில் நம்பிக்கையை இல்லாமலாக்க நடவடிக்கை எடுத்து வருகின்றனர்.

 இதன் மூலம் மக்கள் வங்கியின் நற்பெயருக்கே பாதிப்பு ஏற்படுகின்றது. அத்துடன் வங்கியில் கணக்கு வைத்திருப்பவர்கள் தங்கள்  பணத்தை மீட்டிக்கொள்ளும் அபாயம் இருக்கின்றது என அவர் தெரிவித்தார்.

https://www.virakesari.lk/article/63194

அரச வங்கிகளை பாதுகாக்க அரசாங்கம் என்ன செய்யப்போகின்றது ; லக்ஸ்மன் யாப்பா கேள்வி

(ஆர்.யசி, எம்.ஆர்.எம்.வசீம்)

அரச வங்கிகளை தனியார் துறைக்கும், அரச பிணைமுறிகளை தனியாருக்கு வழங்கும் வகையில் அர வங்கி சட்டத்தில் திருத்தங்களை கொண்டுவர அரசாங்கம் முயற்சிகளை எடுப்பதாக அறிய முடிகின்றது. ஆகவே அரச வங்கிகளை பாதுகாக்க அரசாங்கம் என்ன செய்யப்போகின்றது என்பதை நிதி அமைச்சர் சபையில் தெளிவுபடுத்த வேண்டும் என எதிர்க்கட்சி உறுப்பினர் லக்ஸ்மன் யாப்பா அபேவர்தன பாராளுமன்றத்தில் வலியுறுத்தினார். 

பாராளுமன்றத்தில் இன்று வியாழக்கிழமை மக்கள் வங்கி திருத்த சட்டம் மீதான விவாதத்தில் உரையாற்றும் போதே அவர் இதனைக் குறிப்பிட்டார். 

அவர் மேலும் கூறுகையில்,

இந்த அரசாங்கத்தின் காலத்தில் தனியார் துறை விடயங்கள் அதிகமாக பேசப்பட்டு வருகின்ற நிலையில் அரச வங்கிகளின் மீதான பார்வையும் திரும்பியுள்ளது. நாட்டின் பொருளாதாரத்தை உயர்த்த வேண்டும் என்பதில் மாற்று கருத்து இல்லை. 

ஆனால் அதற்காக அரச வங்கிகளை தனியார் மயப்படுத்த முடியாது. இப்போது மக்கள் வங்கி சட்டத்தில் திருத்தங்கள் செய்யப்போகின்ற நிலையில் பிணைமுறிகளை எவ்வாறு கையாளப்போகின்றது என்பதையும் அரச வங்கிகளை பாதுகாக்க என்ன செய்யப்போகின்றது என்பதையும் நிதி அமைச்சர் சபையில் தெளிவுபடுத்த வேண்டும். 

இப்போது கொண்டுவரும் புதிய சட்ட திருத்தங்கள் மூலமாக அமைச்சருக்கு அதிக தன்னிச்சை அதிகாரங்கள் வழங்கப்படுகின்றது. நிதி கையாள்கையில் அமைச்சருக்கு அதிகளவில் அதிகாரங்கள் அவசியமா? நிருவாகத்தை புறக்கணித்து அமைச்சுக்கு அதிகாரங்களை கொடுக்க வேண்டுமா. ஆகவே இது குறித்த முழுமையான தெளிவு எமக்கு வேண்டும். 

தனியார் துறைக்கு அரச வங்கி பிணைகளை விற்கும் முயற்சிகள் முன்னெடுக்கப்படுகின்றது. இதன் உண்மைத்தன்மை என்ன. அரச வங்கிகளை பாதுகாக்க நிதி அமைச்சர் கொடுக்கும் வாக்குறுதி என்ன என்பதை கூற வேண்டும் என்றார். 

https://www.virakesari.lk/article/63185