-எஸ்.நிதர்ஷன், என்.ராஜ்

யாழ்ப்பாணம் - தென்மராட்சி, மறவண்புலவு பகுதியிலுள்ள பொதுமக்கள் குடியிருப்புகளுக்கு அருகாமையில் நிர்மாணிக்கப்படவுள்ள காற்றாலை மின் உற்பத்தி நிலையத்துக்கு எதிர்ப்புத் தெரிவித்து, அப்பகுதி மக்களால், இன்று (18) கவனயீர்ப்புப் போராட்டமொன்று முன்னெடுக்கப்பட்டது.

முன்னதாக, கொடிகாமம் பஸ் நிலையத்தில் இருந்து ஏ9 வீதியூடாக சாவகச்சேரி பிரதேச சபையை நோக்கிப் பேரணியாகச் சென்ற மக்கள், பிரதேச சபைக்கு முன்னால், கவனயீர்ப்புப் போராட்டத்தில் ஈடுபட்டனர்.

இதன்போது போராட்டத்தில் ஈடுபட்ட மக்களைச் சந்தித்த சாவகச்சேரி பிரதேச சபைத் தவிசாளர், இந்தத் திட்டம் தொடர்பில், பிரதேச சபைக்கு தெரியப்படுத்தவில்லை என்றும் சபையின் அனுமதியில்லாமலேயே இத்திட்டம் முன்னெடுக்கப்பட்டு வருவதாகவும் தெரிவித்தார்.

எனவே, இதனை எதிர்த்து நீதிமன்றம் செல்லவுள்ளதாகவும், அவர் கூறினார்.

http://www.tamilmirror.lk/யாழ்ப்பாணம்/காற்றாலை-மின்உற்பத்தி-நிலையத்துக்கு-எதிராக-மறவண்புலவு-மக்கள்-போராட்டத்தில்-குதித்தனர்/71-242657

3 hours ago, ampanai said:

பொதுமக்கள் குடியிருப்புகளுக்கு அருகாமையில் நிர்மாணிக்கப்படவுள்ள காற்றாலை மின் உற்பத்தி நிலையத்துக்கு எதிர்ப்புத் தெரிவித்து

நிறைய இடம் இருக்கேக்க எதற்காக பொதுமக்கள் குடியிருப்புகளுக்கு அருகிலே காற்றாடிகளை நிறுவ வேண்டும்?

 

காற்றாலை மின் உற்பத்தி நிலையத்தை அமைப்பதற்கு நிபந்தனைகளுடன் அனுமதி

மறவன்புலவு பகுதியில் உள்ள குடியிருப்பாளர்களுக்கு எவ்வித பாதிப்புகள் இல்லாத வகையில், காற்றாலை மின் உற்பத்தி நிலையத்தைத் தொடர்ந்து அமைப்பதற்கு, நிபந்தனைகளுடன் அனுமதி வழங்கப்பட்டுள்ளதாக, மாவட்ட அபிவிருத்தி ஒருங்கிணைப்புக் குழுத் தலைவர் அங்கஜன் இராமநாதன் தெரிவித்தார்.

மறவன்புலவு பிரதேசத்தில் அமைக்கப்பட்டுவரும் காற்றாலைகள் தொடர்பில் ஆராயும் முகமாக ஏற்பாடு செய்யப்பட்ட கலந்துரையாடலொன்று, யாழ்ப்பாணம் மாவட்ட செயலகத்தில் நேற்று (07) நடைபெற்றது. இதன்போதே, அவர் இவ்வாறு தெரிவித்தார்.

இதன்போது, மக்கள் குடியிருப்புக்கு மிக அண்மையாக அமையவுள்ள காற்றாலை கோபுரங்களில் ஒரு கோபுரத்தை மாற்றியமைக்கவும் மற்றுமொரு காற்றாலை கோபுரத்தை குடியிருப்புக்கு அப்பால் கொண்டு செல்லவும், காற்றாலை நிறுவனத்துடன் கொள்கையளவில் இணக்கம் ஏற்பட்டது.

மேலும், குடியிருப்புகளுக்கு மேலாகக் கொண்டு செல்லத் திட்டமிடப்பட்ட அதிக வலுக்கொண்ட மின்சார கேபிள்களை, குடியிருப்பு அல்லாத பகுதியில் மாற்றுவதற்கு, இலங்கை மின்சார சபை இணக்கம் தெரிவித்துள்ளது.

அத்துடன், மறவன்புலவு காற்றாலை மின் உற்பத்தி நிலையத்துக்கு அண்மையில் குடியிருக்கும் சுமார் 200க்கும் மேற்பட்ட குடும்பங்களுக்கான வாழ்வாதாரத் திட்டங்களை, காற்றாலை நிறுவனம் பெற்றுக்கொடுக்க வேண்டுமென்ற முன்மொழிவையும், அந்த நிறுவனம் ஏற்றுக்கொண்டது.

இதையடுத்து, இந்த விடயத்தை கிராம மக்கள் சார்பாக காற்றாலை நிறுவனத்துடன் கலந்துரையாடுவதற்கு, மூவரடங்கிய குழுவொன்றும் நியமிக்கப்பட்டது.

அத்துடன், காற்றாலை மின் உற்பத்தி நிலையம் அமைப்பதற்காக, மறவன்புலவு பகுதியில் அழிக்கப்பட்ட மேய்ச்சல் தரைகளையும் கண்டல் தாவரங்களையும் பயன்தரு மரங்களையும் மீள உருவாக்குவதற்கும் கிராமிய, பிரதேச சபை வீதிகளை மறுசீரமைப்பதற்கும் காற்றாலை நிறுவனத்தால் இணக்கம் தெரிவிக்கப்பட்டுள்ளது.

http://www.tamilmirror.lk/யாழ்ப்பாணம்/காற்றாலை-மின்-உற்பத்தி-நிலையத்தை-அமைப்பதற்கு-நிபந்தனைகளுடன்-அனுமதி/71-243724

முன்மொழிவுகள் சரியான திசையில் பயணிக்கும் போல் ஒரு தோற்றம் உருவாகியுள்ளது. தூரநோக்குள்ள வழிகாட்டல் தேவை.

 

காற்றாலைகள் போய்  காத்தாடி மூலம் அதிக மின்னை பெறும்  வழிமுறைகள் கண்டு பிடிக்கப்பட்டுவிட்டன எங்கடையல்  குண்டு சட்டிக்குள் கழுதை  மேய்க்குதுகள் .