யாழ்.இணுவில் பகுதியில் தங்கியிருந்த இந்திய புடவை வியாபாரிக்கு கொரோனா..! வடக்கு சுகாதாரதுறை உசார் நிலையில்..

யாழ்.இணுவில் பகுதியில் தங்கியிருந்த இந்திய புடவை வியாபாரி ஒருவர் கொரோனா தொற்றுக்குள்ளாகியுள்ளமை கண்டுபிடிக்கப்பட்டிருக்கின்றது.

கடந்த மாதத்தின் இறுதி நாட்களில் யாழ்ப்பாணத்திலிருந்து சென்ற குறித்த வியாபாரி இம் மாதம் 1ம் திகதி இந்தியாவுக்கு சென்றுள்ளார்.

இலங்கையில் சிக்கியுள்ள இந்தியர்களை மீட்பதற்கான விசேட படகு சேவை மூலமாக அவர் இந்தியா சென்றுள்ளார்.

அங்கு 2ம் திகதி நடத்தப்பட்ட பரிசோதனையில் அவருக்கு கொரோனா தொற்று இருப்பது உறுதி செய்யப்பட்டிருக்கின்றது.

யாழ்.இணுவில் பகுதியில் 45 நாட்களுக்கும் மேலாக அவர் தங்கியிருந்துள்ளார். குறித்த நபருடைய பெயர் கணேஸ் பாபு எனவும் அவருடைய வயது 41 எனவும் இந்திய ஊடகங்கள் உறுதிப்படுத்தியிருக்கின்றன.

தற்போது சுகாதார துறையினர் அவர் குறித்த தகவல்களை இந்திய அரசாங்கத்திடம் கோரியுள்ளனர்.

https://jaffnazone.com/news/18360

தவறான செய்தி வெளியிட்ட யாழ் பிரபல பத்திரிகைகள்!!!

இந்திய தூதரகம்  உறுதி செய்யாத தகவலை வெளியிட்டு மக்களை பீதியில் தள்ளுவது ஏன்?
இலங்கையில் இருந்து கொரோனா தொற்று இல்லை என்று உறுதி செய்து வெளியேறிய நபருக்கு இந்தியாவில் இறங்கும் போது தொற்று ஏற்பட்டது என்ற நிலை எப்படி வந்தது?

இந்திய தூதரகம் உறுதி செய்ய மறுக்கும் தகவலை இந்திய புடவை வியாபாரி யின் ஏழாலை நண்பர் தொலை பேசி உரையாடல் மூலம் அறிந்தார் என்று கூறி ...
அதனை பத்திரிகைகள் பிரதான தலைப்பு செய்தியாக வெளியிட்டு..
இணுவில் பகுதியை அபாய வலையம்போல் சித்தரித்து
இயல்பான நிலைக்கு மீண்டு வரும் மக்களை பீதியில் தள்ளுவது ஏன்?
இந்த ஊடகங்கள் இதனை பகிரங்கமாக ஆவணம் மூலம் உறுதி செய்ய முடியுமா?
அல்லது அந்த நபரின் வீடியோ ஒளிப்பதிவு மூலம் இதனை உறுதி செய்ய முடியுமா?
லட்சக்கணக்கான யாழ் மக்கள் மனதில் உள்ள இன்றை கேள்வி இது?

இந்திய புடவை வியாபாரிக்கு கொரோனா என 
வெளியான செய்தி உறுதிப்படுத்தப்படவில்லை-  இந்திய துணைத்தூதுவர்
யாழ்ப்பாணம் இணுவில் பகுதியில் தங்கியிருந்த இந்திய புடவை வியாபாரிக்கு கொரோனா தொற்று உறுதி செய்யப்பட்டுள்ளது என்று வெளியான தகவல் இதுவரையில் உறுதி செய்யப்படவில்லை என்று யாழ்.இந்திய துணைத்தூதுவர் எஸ்.பாலச்சந்திரன் தினக்குரலுக்கு தெரிவித்தார். 

இவ்விடயம் தொடர்பில் யாழ் இந்திய துணைத்தூதுவர் எஸ்.பாலச்சந்திரனை தொடர்பு கொண்டு கேட்ட போது யாழ்ப்பாணத்தில் இருந்து இந்திய தமிழகத்திற்குச் சென்ற ஒருவருக்கு கொரோனா வைரஸ் உறுதிப்படுத்தப்பட்டுள்ள விடயம் இதுவரை உறுதி செய்யப்படவில்லை என்று தெரிவித்தார். 

மேலும் கொரோனா வைரஸ் தொற்றுக்க உள்ளாகியுள்ளார் என்று தெரிவிக்கப்படும் நபர் யாழ்ப்பாணத்தில் இருந்து இந்தியா சென்ற போது கொரோனா தொற்றுக்கான அறிகுறிகள் இல்லாத நிலையிலேயே சென்றிருந்தார். 

குறிப்பாக அந்த நபரை யாழ்ப்பாணத்தில் இருந்து பேருந்தில் ஏற்றப்பட்ட போது உடல் வெம்பநிலை பரிசோதிக்கப்பட்டது, அதே போன்று கொழும்பு துறைமுகத்திற்குள் அவர் பிரவேசித்த போதும் உடல் வெப்பநிலை பரிசோதிக்கப்பட்டது, மேலும் கப்பலில் இருந்த மருத்துவரினாலும் அவருக்கு உடல் வெப்பநிலை பரிசோதிக்கப்பட்டது. 

மேற்படி 3 பரிசோதனைகளிலும் அவருக்கு வைரஸ் தொற்று அறிகுறி இல்லை என்பதை உறுதி செய்த பின்பே பயணத்தை தொடர அனுமதிக்கப்பட்டது. 

உடல் வெப்ப பரிசோதனை செய்த போது தொற்றுக்கான அறிகுறி இருந்த வேறு சிலர் பயணத்தை தொடர இடை நிறுத்தப்பட்டார்கள் என்றும் பாலச்சத்திரன் யாழ்.தினக்குரலுக்கு தெரிவித்தார்.

Inuvaijur Mayuran

7 hours ago, தமிழ் சிறி said:

யாழ்ப்பாணம் இணுவில் பகுதியில் தங்கியிருந்த இந்திய புடவை வியாபாரிக்கு கொரோனா தொற்று உறுதி செய்யப்பட்டுள்ளது என்று வெளியான தகவல் இதுவரையில் உறுதி செய்யப்படவில்லை என்று யாழ்.இந்திய துணைத்தூதுவர் எஸ்.பாலச்சந்திரன் தினக்குரலுக்கு தெரிவித்தார். 

இந்தியனை எப்ப நம்ம்ப முடியும்?

32 minutes ago, Rajesh said:

இந்தியனை எப்ப நம்ம்ப முடியும்?

இந்தியனை நம்பக்கூடாது. ஆனால் இவர் தமிழர்... ஆகவே நம்புவோம்.